هل بتجامل الستات في الطريق ؟؟؟

[obec-car]

مشاركة بدون محتوى
نأسف للحذف
برجاء مراجعة القواعد

مشرف القســـم العـــــــــــام

[crazylambada]

عادي حضرتك راجل او ست
بس لو حد رخم او كده مش حسكتله
لو واحد كبير او واحدة رخموا عليا حكفي بس اني ارخم عليهم

[MoToRiZeR]

لو راكبين عربيات بعديهم خوفاَ علي عربيتي .. و ده بعمله برضه اما ابقي شايف في المرايا اللي عايز يعدي شكله غشيم و سايق بطريقة "فليتضخم الوحش"

اما اللي بيعدوا الشارع مبتفرقش راجل ولا ست
و بستبوخ اوي اللي بيستذوق و يعمل فيها جنتلمان مع البنات الحلوة بس .. و يجري الستات و الرجالة الكبيرة و هما بيعدوا ادامه

[mshamy]

ربنا يجعله بفايده:)
اشكرك على تقبل التعليق و جزاك الله خيرا:)

اوعي تقوللي 57357 دول بقالهم نص قرن بيجمعو بلاوي :)

[Ghamrawy]

والله انا خايف عليك من انت بتقوله ده

الاعمار بيد الله

[مواطن مصرى]

انا عن نفسى لا اتعاطف معهن اطلاقاً
كائنات شريره مصاصين دماء و اموال الرجال فكيف اتعاطف معهن ؟!

احكى لكم عن موقف نشر فى صفحه الحوادث باخبار اليوم الشهر الماضى (مايو) : سيده جميله تركن عربيه على طريق الاوتوستراد بعد مدخل حلوان فى نصف الليل و تشاور لاى عربيه فخمه فى الطريق و تدعى ان العربيه وقفت منها و تدعو السائق لتجربتها و حين يركب المسكين عربيتها و يحاول التجربه تخرج المطواه و توضع على رقبته و تستولى على كل ما معه و على مفاتيح سيارته و تلوذ بالفرار

موضوع كوميدى للصراحه و الاراء المطروحه رائعه و غريبه جداً

[Hossam_Hassan]

انا عن نفسى لا اتعاطف معهن اطلاقاً
كائنات شريره مصاصين دماء و اموال الرجال فكيف اتعاطف معهن ؟!

كنت طيب، ابقى طمننا عليك

[sokasoon]

الحقيقة مش بيفرق ست من راجل خالص لانى وانا سايق

ببقا مركز فى السواقة مش ببص مين سايق العربية ديه ومين سايق ديه

لو قدامى فرصة ان اى عربية تعدى قدامى بعديها لو حب يعدى بالعافية بنزنق

عليه علشان مايعملهاش تانى وساعات فى الشوارع الجانبية ممكن حد يجى فى

وشى ومينفعش نعدى برجع لوحدى مارشدير علشان اعدى اللى جى ومرة

رجعت ثلاث مرات كل اما ارجع ويعدين اجى امشى عربية تيجى اقوم راجع تانى

وفى ناس بتشكرك وناس تمشى ولا كأنها شيفاك رغم انك راجع بمذاجك رغم انك

صح ومش لازم ترجع

بالنسبة لاى حد معدى الشارع باردو لو الطريق يسمح بعدى اى حد وساعات

بهدى خالص واشاورلهم يعدو سواء رجل او سات او رجل كبير او راجل

وزوجته بيعدو الطريق وساعات بيبقو مترددين يعدو ولا لا وفى الحالة ديه مش

بقف بمشى على طول

[Eng.Sameh]

انا عن نفسي لو ست بالذات ، مش بعديها ولا بهديلها ، لأني بتخنق جدا من سواقة الستات ، وعمري ما شوفت ست بتعرف تسوق كويس ، لكن تلاقيها ماشيه وخلاص وتلاقيها دخلت يمين او شمال من غير حتى اشاره ، وبصراحة انا من اكتر الحجات اللي بتخقنني وانا سايق الناس اللي مبتعرفش تسوق

لكن بالنسبه للي بيعدو الشارع ، ايا كان هو مين سواء ست او راجل او طفل لو كان الطريق يسمح بهدي واعدي اي حد ، لأن ببساطه انت لازم تحط نفسك مكانه ، وكفايه ان ربنا كرمك ومعاك عربيه وهو او هي ماشي على رجليه في الزحمه والحر ، ربنا يكون في عون الناس

[meza]

السؤال موجه للرجالة، هو حضرتك راجل؟

على فكرة، انت اسمك نهلة الجوهرى؟ :)

انا باتكلم بجد، مش باستظرف

ياترى فى رد بقى على السؤال الجد؟

أستاذ حسام أكيد ميقصدش حاجة

هو بس بيتأكد من حاجة كده ... ;)

[OlaOsman]

لازم نراعي ان ممكن الست دي تكون لسة بتسوق جديد ... ممكن سواقتها علي قدها ( ودول غالبية الستات )...
احنا في النهاية مش في حلبة سباق
وزوجاتنا واخواتنا واهلنا من السيدات معرضين لمثل هذه المواقف ...
الحلم سيد الاخلاق

يعني أقول ايه بس يا أستاذ احمد على ردك؟ :)

ربنا يكرمك يا رب :)

[شاهين - بنز]

لو بنت حلوة أكيد بجامل لكن لو مش قوي بعدي على طول

[أبو عبدالله]

بصراحة علي حسب
يعني جميلة و ماشية تدلع .. . و لا كأني شايفها
محترمة ، حامل ، معها أولاد ، ست كبيرة و ما إلي ذلك بحاول أأقف قدر الإمكان
بالنسبة للرجال عادة بتبقي علي حسب التفاهم بين العيون

هو تقريبا كده بالظبط

بس انا عاوز اعرف هو ليه الناس مش بتتعامل ان احنا بني ادمين كلنا

وان المفروض سواء بنت او راجل حلوه او وحشه ان الواحد يحترم الرجل او المرأة اللي ماشيه على رجلها او ماشي على رجله

واقل مثال للموضوع
حاول انت تنزل وتمشي في الشارع وشوف احساسك ايه لما تلاقي العربيات مش راضيه تقفلك او مش عارف تمشي من العربيات
واللي ييجي من وراك زي القطر كده ويروح فاقعك تلكس محترم يخليك تنط من على الرصيف

طيب ليه كده

بصراحه من احسن الحاجات في السعودية وخصوصا بلد الحبيب صلى الله عليه وسلم
ان لو وقفت على الرصيف والعربيه جايه ماشيه على 100 هتلاقي وقف قبلك على بعد لا يقل عن 10 متر علشان انت تعدي
بصراحه الموضوع ده انا حسيته هناك قوي قوي
وفعلا الواحد حس انك بتتعامل مع ناس فاهمه انك بني ادم
بس احنا فالحين بس نألس ونشتم فيهم وهما سبقوا خلاص
واحنا بنموت بعض هنا
وتلاقي الواحد بيعمل بوذ العربيه علشان محدش يعدي من المشاه من امامه اكنه هياخد دور منه في الطابور

والله ليا زميل سعودي كل ما ينزل طول ما هو ماشي هنا تلاقيه يقف للناس وعلى اي سرعه
اصل ده تعود واحترام

ربنا يصلح احوالنا ويهدينا يا رب العالمين

[aif]

يعني أقول ايه بس يا أستاذ احمد على ردك؟ :)

ربنا يكرمك يا رب :)

والله يا علا ... اللي الواحد بيعمله مع الناس ... بيرجعله في اهله ...وانا فعلا بأشعر بده ... لما زوجتي تحكيلي ان واحد سواق اتوبيس فضل واقف منتظرها لغاية ما تعدي التقاطع ويقولها عدي علي مهلك يا مدام ... انا مستني لما تعدي ...
او واحد يتبرع انه يساعدها لغاية ما تطلع العربية من ركنه صعبة ....
الدنيا اتجاهين ... رايح جاي .....عمرها ما كانت اتجاه واحد
ولما نعمل حاجة كويسة اكيد ح ترجع لنا حتي بدون ما نشعر

[أبومعاذ]

طيب ما تيجو نعمل زيهم و نقف لاي حد عشان يعدي إلا في حالة ان الوقوف دا ممكن يسبب مشكلة تانية اكبر