شركة كونتاكت اصبح تقسيطها إسلامى .....!!!!

[moh_shahin]

السلام عليكم ورحمة الله

الحمد لله الذي بفضلة تتم الصالحات

انا بعت ميل لشركة كونتاكت وجاني رد عليه النهاردة والرد هو

السلام عليكم ورحمة الله وبركاته

شكرا لاهتمامك بعروض شركة كونتكت لتجارة السيارات اما بخصوص العقد الشرعى فا ان الاداره العليا لم تحدد بعد تفعيل العقد الشرعى لدى الشركة فنحن لم نتعامل بعد بهذا العقد و شكرا

نسرين صالح خدمة العملاء

شركة كونتكت لتجارة السيارات – 1 ش العزيز عثمان – الزمالك

27361234-02

وطبعا لا تعليق


سبحانك اللهم وبحمدك اشهد ان لا اله الا انت استغفرك واتوب اليك

دا فعلا صحيح ولا مش صحيح
لان انا قريت في نفس المنتدى انها غيرت شروط العقد ليصبح متوافق مع الشريعة الاسلامية لانى بفكر اجيب منهم ولا اية ياريت حد يرد عليا

[abohagar2001]

السلامعليكم ورحمة الله وبركاته
النهاردة 13 \8\2008 بتوع كونتاكت اتصلوا بى وقالوا انهم فعلوا العقد الشرعى
وان انا اءقدر اشترى بالعقد دا لو حبيت يا ترى يا اخوانا ايه اخبار موضوع التوكيل
حد عنده معلومات جديدة
ابو هاجر المصرى

[عمرو عمارة]

السلامعليكم ورحمة الله وبركاته
النهاردة 13 \8\2008 بتوع كونتاكت اتصلوا بى وقالوا انهم فعلوا العقد الشرعى
وان انا اءقدر اشترى بالعقد دا لو حبيت يا ترى يا اخوانا ايه اخبار موضوع التوكيل
حد عنده معلومات جديدة
ابو هاجر المصرى

زي ما هوَ مافيش جديد!!

[moh_shahin]

مش معقووووووووووول

[abohagar2001]

على فكرة يا اخوانا هما بعتوا لى صورة العقد الشرعى لعملية بيع منفذة بالفعل
هو كويس جدا بس العقد موضح ان العربية خاضعة للرهن طرفهم طيب امال ايه لازمة التوكيل انا مش عارف لو حد عاوز صورة العقد اناممكن ارفعه لكم
وشكرا
ابوهاجر المصرى

[عمرو عمارة]

على فكرة يا اخوانا هما بعتوا لى صورة العقد الشرعى لعملية بيع منفذة بالفعل
هو كويس جدا بس العقد موضح ان العربية خاضعة للرهن طرفهم طيب امال ايه لازمة التوكيل انا مش عارف لو حد عاوز صورة العقد اناممكن ارفعه لكم
وشكرا
ابوهاجر المصرى

طيب ماترفعهُ كدة عشان ناخد فكرة عنه....ربنا يجزيك خير

[mhoss]

على فكرة يا اخوانا هما بعتوا لى صورة العقد الشرعى لعملية بيع منفذة بالفعل
هو كويس جدا بس العقد موضح ان العربية خاضعة للرهن طرفهم طيب امال ايه لازمة التوكيل انا مش عارف لو حد عاوز صورة العقد اناممكن ارفعه لكم
وشكرا
ابوهاجر المصرى

هى ديه المشكلة العقد بيضمن جميع حقوقهم و زيادة طب التوكيل ايه لازمته بقه و لو سألتهم هايقولولك ده إجراء روتينى!!!؟ طب قولهم كده انا مش هاعمل التوكيل ده كده و لو هو إجراء روتينى يبقه خلاص!!! بس هما مش هايرضوا طبعاً

[ahmedfrag]

للعلم وللأهمية :
شركة كونتاكت مش شركة تأمين هي شركة بيع سيارات فقط لا غير وبتتعامل مع شركة الدلتا للتأمين بالعمولة بمعنا بتتعامل معا الدلتا بنسبة 2.5%شامل ، وبتتعامل مع عميلها بنسبة 4% تقريبا ، تحياتي

[ZALABANY]

ياريت ترفعلنا صورة العقد عشان نشوفها
وجزاك الله خيرا

[OlaOsman]

هى ديه المشكلة العقد بيضمن جميع حقوقهم و زيادة طب التوكيل ايه لازمته بقه و لو سألتهم هايقولولك ده إجراء روتينى!!!؟ طب قولهم كده انا مش هاعمل التوكيل ده كده و لو هو إجراء روتينى يبقه خلاص!!! بس هما مش هايرضوا طبعاً

كان المفروض اني هاقسط عن طريقهم بس غيرت رأيي عشان حتة التوكيل دي.. امبارح كلموني عشان تخصيص العربية و عشان أكمل باقي الإجراءات قلت لهم اني غيرت رأيي و مش هاقسط عن طريقهم، سألني ليه و إذا كانت حاجة خاصة بيهم و لا بية قلت له عشان نقطة اني اعمل لهم توكيل بالعربية دي انا مش موافقة عليها، قام قاللي اوك متشكر جدا و تمنى لي حظ سعيد في عملية شراء العربية عن طريق حد تاني غيرهم

[Scent7104]

كان المفروض اني هاقسط عن طريقهم بس غيرت رأيي عشان حتة التوكيل دي.. امبارح كلموني عشان تخصيص العربية و عشان أكمل باقي الإجراءات قلت لهم اني غيرت رأيي و مش هاقسط عن طريقهم، سألني ليه و إذا كانت حاجة خاصة بيهم و لا بية قلت له عشان نقطة اني اعمل لهم توكيل بالعربية دي انا مش موافقة عليها، قام قاللي اوك متشكر جدا و تمنى لي حظ سعيد في عملية شراء العربية عن طريق حد تاني غيرهم

نفس اللي حصل معايا الأسبوع اللي فات ... رغم اني كنت مبلغاعم اعتراضي على التوكيل من حوالي شهر بس رجعوا و كلموني تاني و الراجل قال لي ده علشان العربية بتبقى باسم حضرتك في العقد و في المرور طيب احنا نضمن حقنا ازاي و لما قلت له عندك العقد و الشيكات اللي بتخدوها عليه و ان انا ناقشت الموضوع ده قبل كده مع واحد من اللألف شخص اللي كلموني من عندكم قال لي قولي لي اسمه علشان لازم افهم هو ازاي اتكلم معاكي في موضوع التوكيل ده المفروض انه حاجة اساسي و بتتحضر مع تخليص الورق و مفيش حد يقدر يقول انه هيشوفها او هيتكلم فيها.
آه نسيت اقولكم كمان انه كان بيكلمني عشان تمن العربية مش زي اللي مكتوب عندهم و زاد 3000 جنيه.
بس و السلام كان الختام.

[mhoss]

كان المفروض اني هاقسط عن طريقهم بس غيرت رأيي عشان حتة التوكيل دي.. امبارح كلموني عشان تخصيص العربية و عشان أكمل باقي الإجراءات قلت لهم اني غيرت رأيي و مش هاقسط عن طريقهم، سألني ليه و إذا كانت حاجة خاصة بيهم و لا بية قلت له عشان نقطة اني اعمل لهم توكيل بالعربية دي انا مش موافقة عليها، قام قاللي اوك متشكر جدا و تمنى لي حظ سعيد في عملية شراء العربية عن طريق حد تاني غيرهم

الله يفتح عليكى يا استاذة علا و إن شاء الله ربنا هايعوضك خيراً منها فمن ترك شيئاً لله عوضه خيراً منه، و للأسف الشيوخ اللى راجعوا العقد مكانوش يعرفوا موضوع التوكيل ده و لما عرفوا لم يجيزوا التعامل معهم،،،
و الأهم من كده إن الشيخ على السالوس أجاز التعامل مع بنك فيصل فرع عباس العقاد بعد تعديل أجراءات التقسيط و لله الحمد و المنة،،،،

[mhoss]

نفس اللي حصل معايا الأسبوع اللي فات ... رغم اني كنت مبلغاعم اعتراضي على التوكيل من حوالي شهر بس رجعوا و كلموني تاني و الراجل قال لي ده علشان العربية بتبقى باسم حضرتك في العقد و في المرور طيب احنا نضمن حقنا ازاي و لما قلت له عندك العقد و الشيكات اللي بتخدوها عليه و ان انا ناقشت الموضوع ده قبل كده مع واحد من اللألف شخص اللي كلموني من عندكم قال لي قولي لي اسمه علشان لازم افهم هو ازاي اتكلم معاكي في موضوع التوكيل ده المفروض انه حاجة اساسي و بتتحضر مع تخليص الورق و مفيش حد يقدر يقول انه هيشوفها او هيتكلم فيها.
آه نسيت اقولكم كمان انه كان بيكلمني عشان تمن العربية مش زي اللي مكتوب عندهم و زاد 3000 جنيه.
بس و السلام كان الختام.

نعم و للأسف كل الإجراءات المخالفة بيخلوها بره العقد للأسف!!!!

[magedomran]

ممكن ترفع لنا صورة العقد الجديد
الدنيا بقت صعبه قوى والحلال بقا شبه مستحيل ولا ايه
لا حول ولا قوة الا بالله حسبنا الله ونعم الوكيل

[mhoss]

ممكن ترفع لنا صورة العقد الجديد
الدنيا بقت صعبه قوى والحلال بقا شبه مستحيل ولا ايه
لا حول ولا قوة الا بالله حسبنا الله ونعم الوكيل

أبشر لأن الله جعلك ممن يبحثون عن الحلال فى هذا الزمان،،،أنا لو قولتلك كمية الناس اللى فى الشغل معايا اللى واخدين قروض سيارة من البنك مش هاتصدق! حتى أنا قلت لأخ عندنا لو موضوع البنك ده كان حلال و اللى ياخد قرض السيارة ده يتكتبله ألف حسنه محدش كان هايروح بالصورة ديه و الله أعلم و حسبنا الله و نعم الوكيل،،،