الحمد لله اتنصب عليه عند واحد بتاع كاوتش

[mr_vampire]

اتعملت في ام واحد صاحبي والغلبانة مكنش معاها فلوس كفاية فبقلب الام قالتله هتصل بابني يجيبلك فلوسك ( اعد يقولها هاتي اللي معاكي وخلاص .... تقريبا قال الواد لو جه هيقفشه ويحط عليه ) وفعلا صاحبي جاله وعمله حوار وخصوصا انها كانت عربية سيراتو لسة باكياسها. ومسك فيه ومسبوش غير لما جابله فردة جديدة.

وامه بقت واقفة مزهولة .... بقي انا صعبان عليا تشتغل ومتاخدش فلوسك وانتا فالحقيقة سارقني.

[hugan]

الكميبروسور هو الحل

[ahmedhilmy]

اتعملت في ام واحد صاحبي والغلبانة مكنش معاها فلوس كفاية فبقلب الام قالتله هتصل بابني يجيبلك فلوسك ( اعد يقولها هاتي اللي معاكي وخلاص .... تقريبا قال الواد لو جه هيقفشه ويحط عليه ) وفعلا صاحبي جاله وعمله حوار وخصوصا انها كانت عربية سيراتو لسة باكياسها. ومسك فيه ومسبوش غير لما جابله فردة جديدة.

وامه بقت واقفة مزهولة .... بقي انا صعبان عليا تشتغل ومتاخدش فلوسك وانتا فالحقيقة سارقني.

ههههه ضحكتني و الله مهو الباشا كان مثبت بنوته بعربيه النترا شكلها جديد و المسكينه لوحدها و اكيد بلعت الطعم زي محصل فيه حسبي الله و نعم الوكيل

[ashraf1212]

أكتب قبل محلة جملة حرامى كاوتش

[A_H_M_A_D]

عايزين نعمل موضوع خاص لعناوين النصابين دول , عموما اللي عمل معايا الحركة دي محل كبير موجود في شارع مصر و السودان بعد بنزينة شل على اليمين

[A.Adel]

مهما جبنا عناوين محلات , عمرنا ما هنقدر نحصرهم كلهم

الاحسن اننا نحذر الناس من الحركة دي ونحاول نفهمهم

أي حد يقولك العجلة فيها أكتر من خرمين , سيبه وامشي
وبعد كده روح اكشف عند حد معرفة

مستحيل عجلة يبقى فيها 6 أو 10 اخرام و يتمشى عليها عادي

[DOCTOReng]

عايزين نعمل موضوع خاص لعناوين النصابين دول , عموما اللي عمل معايا الحركة دي محل كبير موجود في شارع مصر و السودان بعد بنزينة شل على اليمين

هل تقصد شارع مصر والسودان بحدائق القبة ؟ وهل يوجد محطات شل بهذا الشارع ؟

[A_H_M_A_D]

هل تقصد شارع مصر والسودان بحدائق القبة ؟ وهل يوجد محطات شل بهذا الشارع ؟

ايوه شارع مصر و السودان في حدائق القبه , بنزينة شل موجوده بعد عمر افندي مباشرة على اليمين , والمحل ده موجود بعد البنزينه بشوية و معلق يافطه حمرا كبيره عليها إعلان لبريدجستون

[محمود السيد]

حسبى الله ونعم الوكيل فى بتوع الكاوتش
المشكلة دلوقتى انت لما بتروح عند اى واحد بتاع كاوتش بيبقى شغله الشاغل ازاى يقنعك بكلامه ان الموضوع كبير ومايسكتش عليه عشان الامان وياعينى بتبقى بالنسباله فريسة هههههههههههههههههه

[ابو رحيق]

ضع اسم المحل فى القائمة السوداء حتى يحذر الجميع

[المنسي]

ربنا يعوض عليك

[mahmoud85]

دي لو فردت الكاوتش بينها وبينه تار مش هيغزها 12 غزه كده هههههههههههههههههههههه حسبنا الله ونعم الوكيل

[omaroof]

الحمد لله على كل شئ
الغريب انه لما يطلعله عيل فاسد ولا يحصله مصيبه يقول ياربى هوا انا عملت ايه فى دنيتى
عملك اسود يابعيد
ربنا يرحمنا من ولاد الحرام دول

[محمود السيد]

والله صدقت

[Gamal.Eid]

انا بقى حصل معايا نصب بطريقة اخرى كنت فى رحلة من القاهرة للاسكندرية ومعايا اسرتى والفردة اليمين الامامى انفجرت وانا فى طريقى للاسكندرية والحمد لله غيرت الاستبن ومشيت لحد اسكندرية ونزلت ناحية شارع خالد بن الوليد وركنت السيارة واجرت شقة وطلعت الاولاد وقولت انزل اشوف فردة جديدة عشان وانا راجع مينفعش انزل القاهرة بدون استبن وفعلا روحت لمحل للاسف مش فاكر اسمه واشتريت فردة جديدة وقولت اركب الجديدة واخلى الاستبن زى ماهو واخترت الاغلى عنده الكلام ده من حوالى 3 سنوات وانا راجع القاهرة وبعد حوالى 100كم يعنى كنت فى نصف المسافة تقريبا الاقى العربية عمالة تخبط زى ما اكون ماشى كده على عيون القط وعامت منى عومة وكانت هتنقلب على جنبها والاولاد والمدام صرخوا والحمد لله اتحكمت فيها وكان معانا صديق بسيارته ووقفنا على جنب والاقى الفردة الجديدة كلها بلالاين من كل جنب كان هاين عليا ارجع لابن الحرامية ده واموته ولما رجعت للقاهرة روحت لواحد بتعامل معاه قالى ان الفردة الجديدة منتهية الصلاحية وانى انضحك عليا حسبى الله ونعم الوكيل تخيلوا لو العربية انقلبت ومعايا الاولاد الناس دى مش فاهم بتفكر ازاى