الحمد لله اتنصب عليه عند واحد بتاع كاوتش

[المنسي]

انا بقى حصل معايا نصب بطريقة اخرى كنت فى رحلة من القاهرة للاسكندرية ومعايا اسرتى والفردة اليمين الامامى انفجرت وانا فى طريقى للاسكندرية والحمد لله غيرت الاستبن ومشيت لحد اسكندرية ونزلت ناحية شارع خالد بن الوليد وركنت السيارة واجرت شقة وطلعت الاولاد وقولت انزل اشوف فردة جديدة عشان وانا راجع مينفعش انزل القاهرة بدون استبن وفعلا روحت لمحل للاسف مش فاكر اسمه واشتريت فردة جديدة وقولت اركب الجديدة واخلى الاستبن زى ماهو واخترت الاغلى عنده الكلام ده من حوالى 3 سنوات وانا راجع القاهرة وبعد حوالى 100كم يعنى كنت فى نصف المسافة تقريبا الاقى العربية عمالة تخبط زى ما اكون ماشى كده على عيون القط وعامت منى عومة وكانت هتنقلب على جنبها والاولاد والمدام صرخوا والحمد لله اتحكمت فيها وكان معانا صديق بسيارته ووقفنا على جنب والاقى الفردة الجديدة كلها بلالاين من كل جنب كان هاين عليا ارجع لابن الحرامية ده واموته ولما رجعت للقاهرة روحت لواحد بتعامل معاه قالى ان الفردة الجديدة منتهية الصلاحية وانى انضحك عليا حسبى الله ونعم الوكيل تخيلوا لو العربية انقلبت ومعايا الاولاد الناس دى مش فاهم بتفكر ازاى

الحمد لله ان ربنا نجاك ومتقلقش ربنا بيمهل للناس دى فالدنيا واصبر هتشوف ايه اللى هيحصل لهم فالاخرة لو ماتابوش فالدنيا عن اللى بيعملوه

[shady_hamdy]

الراجل بتاع البحر الاعظم دة مشهور اوووى و اتكتب عنة فى جرنال الجمعة الىى فاتت بيوقف كمان واحد قبل الاشارة يقولك العجلة نايمة علشان تقف عندة و الكارثة انهم اكتر من بلطجى و محدش عارف يتكلم معاهم و الى يتكلم بيكسروا عربيتة نهاية الموضوع اى انسان يقلك العجلة نايمة متعبروش عاوز تزود هواء روح اى بنزيبنة مفيهاش محل كوتش يكون فيها كمبريسور و شاشة كمبيوتر بس علشان دول معندهمش خوابير اصلا علشان يغرملك العجلة لو عجلتك فيها تنفيس روح لواحد بتاع كوتش تثق فية غير كدا هيتنصب عليك و معلومة اضافية مع ناس بتوع كاوتش بتعامل معاهم الى بيغرم الفردة بالسرعة دة بدون متلاخظ انوا بيكون لابس خاتم و لاحم فية ابرة و بيكون لابسة و الابرة مش هتكون باينة او انوا بيغرد ابررة فى مفتاح البلف و فى لاحظات و هوا بيعمل نفسو بيطبل على الفردة يكون غرم بتاع 10 اخرام و انت بتعدلوا العجل

[akmm]

حسبى الله ونعم الوكيل في الناس دى .....

[Gamal.Eid]

الحمد لله ان ربنا نجاك ومتقلقش ربنا بيمهل للناس دى فالدنيا واصبر هتشوف ايه اللى هيحصل لهم فالاخرة لو ماتابوش فالدنيا عن اللى بيعملوه

معاك حق ياباشا ربك يمهل ولا يهمل

[zicooo2008]

ربنا سبحانه و تعالى يعوض عليك و قل انا لله وان اليه راجعون بس ممكن 12 خرم دول بدبوس ايرة او برة منجد مش صعبة عليهم و منهم لله و ربنا ينتقم من كل من تسول له نفسه النصب على الناس

[ahmed_vip]

حصلت فيا برضة و ربنا ينتقم من كل نصاب

[YASSER_FATT]

حصل معايا نفس الموقف بس من سنه عند نفس الواد حسبى الله ونعم الوكيل

كنت ليسه شارى العربيه وهو موقف عيال قبليه بحوالى 100 متر بيقولو عباره واحده - الكاوتش نايم - وطبعا هو اول واحد بتاع كاوتش والمحل ده اتكسر كذا مره وحسبى الله ونعم الوكيل انت مش اول واحد

[tkamal]

حصلت معايا من شهريين فى بنزينه التعاون بصلاح سالم

[ahmedhilmy]

انا عموما بطلت اقف عند اي واحد بتاع كاوتش و ناوي ان شاء الله اشتري كمبيروسر بتاع تزويد الهوا بتاع العجل حتي البنزينات بطلت ازود فيها اذا كان بتاع الكاوتش بيصلح لكن اذا كان بيزود وبس و معندوش تصليح عادي

[drmemo80]

الحيوان ده اللى بعد التوحيد والنور عمل معايا نفس الحركة وعمل 7 اخرام والفردة بازت ربنا ينتقم منه عاوزين حل للاشكال دى

[DOCTOReng]

الحيوان ده اللى بعد التوحيد والنور عمل معايا نفس الحركة وعمل 7 اخرام والفردة بازت ربنا ينتقم منه عاوزين حل للاشكال دى

فروع التوحيد والنور كثيرة . حضرتك بتتكلم عن أى فرع؟؟؟

[ahmedhilmy]

فروع التوحيد والنور كثيرة . حضرتك بتتكلم عن أى فرع؟؟؟

اللي في شارع البحر الأعظم في الجيزه

[ahmed salah90]

و الله بكره هيشوفه هو هيروح من ربنا فين

[baherhassan30]

كانك بتحكي اللي حصل معايا من 3 سنين
ابن تيييييييييييت يقولي العجلة مريحة .. وواحد ابن حرام يقولي الكاوتش فيه 12 خرم
وقال ايه الخرم ب 10 جنية
بعد ما عملها رميتله 50 جنية وسيبته وانا بدعي عليه
حسبنا الله ونعمه الوكيل فيه

انا كنت سمعت انهم بيستخدموا ميه النار في الاخرام دي

[EngAhmedSayed]

يا جماعة
خدو بالكم
اولا انزلا التوفيقية انزل اشترى منفاخ بيشتغل على الولاعة
التيوبلس لما يدخل فى مسمار سيبه مش هيحصل حاجة
و الحمه مكوة اما لو مسمار بورمة فا لابد من الخابوووورعلشان بيكون ضرب سلك من جوة
و الكشف يكون فى حوض المياه مش مياه بصابون بس