موقف حصلي وحاسس اني لازم اقوله

[memoo_1st]

اولا انا اصلا ساكن في مدينه نصر والجامعه بتاعتي في حلوان و انا و 3 اصحابي ساكنين في نفس المنطقه فبنروح و نيجي معا بعض المهم ان الكلام دا من اسبوعين بالظبط كنت رايح الامتحان و انا رايح بعربيتي لانسر

انا اصلا بحب امشي عادي يعني طول الطريق 100 او 110 وبعدين بعد النفق بتاع التجمعات كدا بحوالي 500 متر لقيت واحد جاي من ورايا بلانوس ومفيم الازاز و مجنط و مظبط نفسه و جاي من ورا ............الناس كلها و انا ماشي مثلا على 100 وهوا طار من جنبي المهم ايه الشيطان قالي انتا هتسيبو يخيطك ولا ايه لازم تجيبو وانا سخنت طبعا مووت

المهم فضلت ماشي وراه لحد عند نزلت كارفور كدا (انا اصلا حافظ الطريق بمشي عليه بقالي سنتين) بس انا كل مره لما باجي عند المنطقه دي ببقى ماشي في الشمال فعارف انها مظبوطه شويه لكن المره دي انا كنت ماشي على 150 :lol: :lol: وطاير طبعا علشان اجيب الانوس المهم لما جيت عند المكان دا لقيت الشمال زحمه شويه قلت اخد اليمين علشان انجز

المهم ان المكان دا اصلا الطريق بيبقى لافف شمال بيك فانا بلف مع الطريق بس طبعا على واسع جدا و على 150 :lol: :lol: والطريق في المكان دا نازل وطالع مره واحده المهم انا العربيه حسيت ان هيا اترفعت من على الارض بس طبعا نزلت و الكاوتش لافف سنه صغيره شمال علشان الملف

فالمهم العربيه عرضت مني سنه صغيره شمال و بعدين قامت معرضه سنه صغيره يمين وبعدين اتعدلت لوحدها طبعا انا في الحظه دي ماكنتش متحكم في العربيه خااااااااااااااالص بس الحمد لله ربنا ستر والشطان طبعا ماسبنيش قالي انتا هتسيب الانوس يسبققك فضلت وراه لحد لما جبتو عند نزله الاوتستوراد وبعد كدا سبتو يعدي و مشيت على مهلي خالص

والحمد لله ربنا ستر و روحت بعدها صليت شكر لربنا وبعدها والله مابقتش اجري اكتر من 120 خالص حتى لو الطريق فاضي
ويا جماعه فعلا الحادثه ممكن تحصل في اي لحظه فياريت يا جماعه كل الناس الي بتجري تتعظ من غيرها و مش لازم يحصلو حاجه علشان يتعظ
وانا اسف لو كنت طولت عليكو وياريت اكون قدرت اوصل الرساله

برجاء اختيار الفاظ تناسب احترام المنتدي واعضائه
مشرف عام 3

[fahd_628]

الحمد لله انو ربنا سلمك

و شكرا على الموضوع

[ahmed1981]

فعلا السرعة الكبيرة غلط حتى لو راكب هامر

[mina_ramsis]

يا جماعة بلاش السرعة العاليه ديه لو سمحتم احنا عوزنكم كلهم
حمد لله يا ميمو على سلامتك

[crossfire]

ممنوع كتابه اللغه العربيه باحرف اجنبيه
مشرف عام 3

[fahd_628]

طيب بصوا كمان الهامر دية



يا رب سلمنا

[hazem_khidr]

لف حمد الله علي السلامه .
بس نصيحه ليك في شعره بس الفرق بين القياده الرياضيه و التهور لو قدرت تحكم نفسك و تعرف مكان النقطه الفاصله دي ان شاء الله ربنا حيحفظك

[baher]

الحمدلله ان ربنا نجاك

[fady]

الف حمدا لله على سلامة حضرتك و من معك.
ربنا يسترها عليك و علينا.

[Hossam_Hassan]

Re: موقف حصلي وحاسس اني لازم اقوله

اولا انا اصلا ساكن في مدينه نصر والجامعه بتاعتي في حلوان و انا و 3 اصحابي ساكنين في نفس المنطقه فبنروح و نيجي معا بعض المهم ان الكلام دا من اسبوعين بالظبط كنت رايح الامتحان و انا رايح بعربيتي لانسر

انا اصلا بحب امشي عادي يعني طول الطريق 100 او 110 وبعدين بعد النفق بتاع التجمعات كدا بحوالي 500 متر لقيت واحد جاي من ورايا بلانوس ومفيم الازاز و مجنط و مظبط نفسه و جاي من ورا مخيط الناس كلها و انا ماشي مثلا على 100 وهوا طار من جنبي المهم ايه الشيطان قالي انتا هتسيبو يخيطك ولا ايه لازم تجيبو وانا سخنت طبعا مووت

المهم فضلت ماشي وراه لحد عند نزلت كارفور كدا (انا اصلا حافظ الطريق بمشي عليه بقالي سنتين) بس انا كل مره لما باجي عند المنطقه دي ببقى ماشي في الشمال فعارف انها مظبوطه شويه لكن المره دي انا كنت ماشي على 150 :lol: :lol: وطاير طبعا علشان اجيب الانوس المهم لما جيت عند المكان دا لقيت الشمال زحمه شويه قلت اخد اليمين علشان انجز

المهم ان المكان دا اصلا الطريق بيبقى لافف شمال بيك فانا بلف مع الطريق بس طبعا على واسع جدا و على 150 :lol: :lol: والطريق في المكان دا نازل وطالع مره واحده المهم انا العربيه حسيت ان هيا اترفعت من على الارض بس طبعا نزلت و الكاوتش لافف سنه صغيره شمال علشان الملف

فالمهم العربيه عرضت مني سنه صغيره شمال و بعدين قامت معرضه سنه صغيره يمين وبعدين اتعدلت لوحدها طبعا انا في الحظه دي ماكنتش متحكم في العربيه خااااااااااااااالص بس الحمد لله ربنا ستر والشطان طبعا ماسبنيش قالي انتا هتسيب الانوس يسبققك فضلت وراه لحد لما جبتو عند نزله الاوتستوراد وبعد كدا سبتو يعدي و مشيت على مهلي خالص

والحمد لله ربنا ستر و روحت بعدها صليت شكر لربنا وبعدها والله مابقتش اجري اكتر من 120 خالص حتى لو الطريق فاضي
ويا جماعه فعلا الحادثه ممكن تحصل في اي لحظه فياريت يا جماعه كل الناس الي بتجري تتعظ من غيرها و مش لازم يحصلو حاجه علشان يتعظ
وانا اسف لو كنت طولت عليكو وياريت اكون قدرت اوصل الرساله

الف حمد الله على السلامة بس بجد انا زعلان منك و من الأخ بتاع الانوس و كل اللى بيجروا و يتهوروا بالطريقة دى، ممكن أوى فى لحظة تضروا ناس كتير زى ما حصلى و عربيتى مركونه صح (كانت لانسر ما مشيتش 1000 كم) و اتنين بيتسابقوا واحد منهم رشق فيها و بعتها ب 23000 يعنى خصرت فيها 35000 فى اقل من شهرين.

[AhmedElsayed]

يجماعة بجد انا نفسي اعرف ليه الواحد لو عدى جنبه واحد بسرعة لازم تاخده الحماسة ويطلع يجرى وراه
بجد بلاحظ ساعات ابقى ماشى بسرعة شوية وناس ماشية ابطأ منى اول معدى منهم تركبهم الجنونة ويطلعوا يجروا علشان يسبقونى

طيب فرقت معاك ايه لو سبقتنى وليه تتسابق اصلا
انا مش عارف يمكن دى حاجة فى الشباب عامة (وانا عجزت بقيت 27 سنة) بس انا مليش دعوة الناس ماشية جنبى ازاى بسرعة ببطء المهم انا عايز ايه

[hamtle97]

ياجماعة والله السباقات دى غلط
اللى عاوز يسابق يطلع يشترك فى سباقات السيارات الرسمية ويستعرض عضلاته
وبلاش يضر خلق الله الغلابة اللى ماشيين على الطريق بالغرز واستعراض العضلات
العربية أداة لانجاز الاعمال وليست للمنافسة فى السرعات وتقفيل العدادات
وماتنسوش ان العربية ماشية على هواء وفى أى لحظة ممكن تبقى خردة بسبب التهور
ياجماعة .... الفرق بين الحادث والنجاة منه طرفة عين
وارحموا من فى الارض يرحمكم من فى السماء
واعملوا حساب ست مبتدئة فى السواقة أو راجل غلبان جايب عربيته بطلوع الروح ونفسه يحافظ عليها وعاوز يرجع سليم الى أسرته

[fady]

اللى عاوز يسابق يطلع يشترك فى سباقات السيارات الرسمية ويستعرض عضلاته
وبلاش يضر خلق الله الغلابة اللى ماشيين على الطريق بالغرز واستعراض العضلات
العربية أداة لانجاز الاعمال وليست للمنافسة فى السرعات وتقفيل العدادات
وماتنسوش ان العربية ماشية على هواء وفى أى لحظة ممكن تبقى خردة بسبب التهور
ياجماعة .... الفرق بين الحادث والنجاة منه طرفة عين
وارحموا من فى الارض يرحمكم من فى السماء
واعملوا حساب ست مبتدئة فى السواقة أو راجل غلبان جايب عربيته بطلوع الروح ونفسه يحافظ عليها وعاوز يرجع سليم الى أسرته

كلام سليم 100%

[tamohsen]

بجد بتخنق من الناس اللي بتعد تجري وتشد وتاخد غرز و... و ....
اكتر من 100 مره يحصل معاي الموقف ده
ابقي ماشي عالدائري مثلا بسرعه كم 90 " عشان دي سرعه متوسطه وبتريح العربيه وتوفر بنزين"
الاقي واحد جاي من وراي شادد وقارص " عاده بتكون عربيته قديمه شويه أو موديل تسعينات مثلا وشددها ومركب ديفل ومفييم وخلافه "
ويروح زانق وحادف عليا شويه " بيسخني علشان أشد معاه - عربيتي موديل 2006"
بعدين ياخد غرزه قدامي ويجري " وهوه في دماغه انه هوه كده خيط عربيه جديده بسواقته المبهره - وأنا طبعا مش في دماغي اساسا"
وعاده بعد 2- 3 دقائق بحصله عند أول نفق او مخرج للطريق بدون شد و غرز :lol:

[سمير يونس]

انا مليش دعوة الناس ماشية جنبى ازاى بسرعة ببطء المهم انا عايز ايه

" وهوه في دماغه انه هوه كده خيط عربيه جديده بسواقته المبهره - وأنا طبعا مش في دماغي اساسا"

و الله هو ده عين العقل

و حمدا لله على سلامتك يا أخ ميمو