موقف حصلي وحاسس اني لازم اقوله

[Salah_sr]

السواقة تدل علي أخلاق السائق (خير الكلام ما قل ودل )

[Abdallah]

فى التأنى السلامة وفى العجلة الندامة.

[حلواني]

حمدالله على السلامة .
و فعلا كلامك مهم و انا من الناس اللي ح يفرق معاهم :)

[memoo_1st]

يا جماعه بجد انا طاير من الفرحه بعد ما قريت الردود وبجد حسيت ان انا في وسط اهلي او في وسط اصحابي الي اعرفهم بقالي اكتر من 7 سنين انا بجد مبسوط جدا والف شكرا لكل الناس الي كتبت ردور

وانا خلاص كل لما اجي اجري مع حد افتكر الموقف الي حصلي الاقي نفسي بهدي علطول


وربنا يسترها معانا كلنا ويسلم المسلمين جميعا من شر الحوادث

[amrrashed]

وهوا طار من جنبي المهم ايه الشيطان قالي انتا هتسيبو يخيطك ولا ايه لازم تجيبو وانا سخنت طبعا مووت

اولا حمد الله على السلامة انت ومن معك، معلش يا ميرو هى فيها ايه لما تسيب واحد مختل عقليا يسبقك

يا اخى ليه توتر نفسك وانت رايح الامتحان وكمان ايه الاهانة ان واحد يعدى منى .... اللى عايز يمشى يمشى

اتمنى ان تكون الموقف دا اثر فيك واشكرك على مشاركتك لاعضاء المنتدى فيه

[abdoulrhman]

ياجماعه في التأني السلامه
وفي العجله انت عارفين اكيد ............... الجادون والجرس
ملحوظه مهمه لو حد مضايق من تهريجي ابطل عادي مفيش مشكله انا بس بحب اهزر
بس ياجماعه السرعه اخرتها وحشه انا بجري بصراحه وعملت كذا حادثه بس كل الحوادث اللي عملتها مش انا اللي غلطان
مره كنت واقف عربيتين عملوا حادثه واحده منهم لفت ودخلت فيه .
المره التانيه كنت ماشي علي الكورنيش في حته زحمه في المعصره كنت تقريبا ماشي علي 20 بس تروح حادثه حصلت الناحيه التانيه وعربيه عدتلي الطريق وفضلت راقد في السرير لمده شهر.
ودي برضه اخره السرعه ان انت ممكن تضر حد وبعدين تقول ياريت بس بعد فوات الاوان

[smsm_cato]

حمدالله على سلامتك وياريت الكل فعلا ميسخنش بسرعة كده والعملية كلها مبتفرقش اكتر من 10 دقايق يبقى ايه لزومة الجرى

[Samah AbdAllah]

يلاش التهور والسرعة العالية حياتك امانة وحياة كل من حولك
الكلام لينا كلنا

[WalidAdel]

انا شخصيا بحب الجري بس في اوقات معينه و ظروف معينه مش جري لاني بجري و خلاص بس الواحد ساعات بييجي حد مستفز يجننه فلازم يوقفه عند حده الصراحه
زي امبارح راجل بليل في الميرني و واحده راكبه BMW و احنا معديين من قدام بيت الريس وانا بتخطي عربيه من الشمال و ماشي علي 80 مثلا و دي جايه طايره من ورايا و بترعش بالنور فعديت العربيه و اخت يميني عدتني و شتمتني يالكلاكس و مش مثلا هقاول مش فاهمه الكلاكس دا ايه لا فاهمه لان طريقة سواقتها و ماسكتها للدركسيون و قاعدتها علي الكرسي تبين انها عارفه و فاهمه كويس فطبعا كان لازم ارد رد عنيف و قاسي في نفس ذات الوت

عموما كان في قيديو ظريف شفته بيوضح مخاطر السرعه و كده و في اخر الفيديو كاتب جملة Speed when it Need
بصراحه الفكره عجبتني و من ساعتها متبع نفس المبدا

[د.محمود صلاح]

الموضوع قديييم من سنتين , بس مافيش مانع لإحياء مثل تلك التجارب للعظة والعبرة

[tmz9111]

الحمدلله ان ربنا نجاك

[Mohamd_Saad]

نصيحة إلى كل الأصدقاء فى المنتدى - هذة النصيحة أتبعتها أول ما أتعلمت القيادة وهى فى السرعة العالية السيارة هى التى تتحكم فيك ولكن فى السرعة المعقولة حتى 90 كم أنت تتحكم فى السيارة - ولذلك أنا لا أمشىة أكثر من 90 - وربنا يحفظنا جميعا من المطبات و الميكروباسات والتكتوك والنقل بأنواعة

[Amrrr]

أنا اعترف إني من الناس إلي بتجري بس أنا محدش يقدر يستفزني إلى في حالة واحدة و هو إنه يكسر عليا جامد جدا
يا أبو نورا أنا قرأت الموضوع كله و عجبني بس أنا مش مقتنع بحكاية الملف دي انا بستخدم فرامل بحافظ على اتزان العربية صحيح بدوس عليه بخفة و على فترات متقطعة بس ما قدرش إني ما اسخدمهاش خالص
أنا عاوز أحكي القصة دي لسة حصله النهاردة : أنا في شارع القصر العيني و في واحد راكب أوبل كورسا عمال يكسر عليا المهم أنا مسيكته و كسرت عليه و أخرته و طلعت عين أهله فجأة شد و كسر علي جامد جدا و فتح الشباك و قال لي خذ يمين لو سمحت أنا ببص لقيت 6 أوبل كورسا و 2 جيب شوروكي بيحرسوا 2 مرسيدس s-class فهمت و أخذت يمين المهم شفت تاكسي نشف دماغه و بيخانق بتوع الأوبل راح 2 كسروا عليه و وقفوه لغاية أما المرسيدس عديت
أولا : من امتى و الحراسة أوبل كورسا
ثانيا : مين ده إلي 8 عربيات بيحرسوه
ثالثا : هو ابن .... ملقاش غير الساعة 12 علشان يزحم الطريق أكتر ما هو زحمة
رابعا : هم ولاد ......... مش ناووين يشيلوا مجلس الشعب أو حتى الشورى من وسط البلد (ذي ما نووين يعملوا في مجمع التحرير)
خامسا : يا رب خذهم أخذ عزير مقتدر

اكتر حاجة بتضايقني
تاني يوم العيد عربية الاوكتافيا الزرقاء بتاعة الشرطة ومشغل سرينة ونور عالي وفلاشر والعربية كلها منورة - فطبعاً الناس عمالة توسعله وانا كنت من ضمنهم الكلام دا في صلاح سالم وبعد مالعربيات توسع تكتشف ان الباشا عامل الرعب دا في الطريق عشان وراه اتوبيس سياحة وطبعا بيهجم بعد الدورية ماتعدي والطريق مش مستحمل اتوبيس يمشي بسرعة جامدة ولا الحارة اللي العربيات بتسيبها على اد الاتوبيس بتبقى يادوب على أد الدورية تعدي منها لان الطريق مش فاضي والعربيات بتعدي او بتوسع للدورية بالعافية واليمين طبعا بايظ بسببهم عربيات عمالة تحدف يمين وتفرمل وبعدين التوبيس يطلع يقوم مخلي الدنيا تتعك أكتر ويفرمل - وساعات عربيات كانت بتدخل في النص بينهم - اللي قدامه في اللحظة دي بيكون وسعلهم ويقوم راجع تاني شمال لما الدورية تفرمل عشان تستناه ولما يحصلها تقوم الدورية عايزة تجري تاني وهكذا وعاملين قلق لأنه ولا ماشي بسرعة ويعدي ويغور في داهية ولا منه ماشي في حاله واصلا صلاح سالم في اليوم دا كان في أحلى وازهى ايامه العربيات كلها ملاكي ومافيش اي حاجة تانية وتقريبا العربيات كل واحدة ماشية في حارتها ومفيش قلق خالص جه الباشا بوظ الطريق !!! دا الكوبري الجلاء العربيات كانت طالعة عليه من غير فرامل وتقريبا بنفس سرعتها
المهم بعد النفق وانا ماشي عالشمال لقيت الدورية جت ورايا تاني ونفس الهبل بتاعة وانا على يميني عربيات ومفيش مكان ادخل منه وواسعله فيه ورحت مدي اشارة يمين وفضلت ماشي لحد ماليمين فضي رحت نازل يمين والباشا نسي الاوتوبيس وبقى بيجري ورايا وبعد ماوسعتله يمين لقيته جاي بيتكلم جنبي بس ماسمعتش قال ايه كنت معلي الكاسيت رحت شادد شوية قام شادد سنة صغيرة كدة وبعدين افتكر تقريبا الاتوبيس راح مفرمل جامد !!!! بالذمة مش دا واحد ماشي بيلعب باللعبة بتاعته في الشارع ؟؟

[Amrrr]

اولا حمد لله على سلامتك يا ميمو ويارب تبقي اخر مرة يارب .................................................. ...... متخليش حبك للسرعة والمغامرة يبقي مخاطره بحياتك ومقامرة بحياة الناس



:P

كل كلامك صح ولو طبقته بالظبط زي مانتا كاتب مش هتلاقي مكان ولا زمان ولا ظروف تجري فيها الا نادر اويييييييييييييييييييييييي

[mr_sameh]

الحمد الله وبتحصل مع الواحد كتير وبعد كدا بيزعل من نفسو قوي ربنا يسترها