موقف حصلي وحاسس اني لازم اقوله

[kh_talaat]

ربنا يحمينا جميعا ويبعد عننا شر الطريق

معقولة يا جماعة العربية الهامر ممكن تتبعكك بالمنظر دة ..... أمال هامر إية وبتاع إية ... دا أنا أسمع إن

تمنها فول ال9 مليون جنية

[Abonora]

قواعد القيادة الرياضية

اولا حمد لله على سلامتك يا ميمو ويارب تبقي اخر مرة يارب .

ثانيا انا عارف ان فيه ناس كتير هتهاجمني علي الكلام ده بس انا احترمت اوى صراحة ميمو في عرض تجربتة وعايز اتكلم بصراحة انا كمان ومينفعش تبقي رخصتي مسحوبة بسبب السرعة وانصحكم بحاجة انا مش بعملها بجد انا مش عارف اقول كلام زي اللي الاخوة قالوة عن السرعة وعواقبها (مع اقتناعي الكامل بيه) بس مع علمى بكل الكلام ده ومع تاريخي في سواقة العربيات اللي بيبداء بحادثة فى سنة 97 (3 ثانوى) بلاقى نفسي برضوا من الناس اللي بتجرى

ليه بجرى ؟ ببساطة لاني بحب السرعة وبحب الاحساس بالسرعة والهوا شايل العربية وبصراحة ده احساس مهما وصفته مفيش حد هيقدر يفهمة الا اللي بيحب السرعة وديه طبيعة شخصية في ناس كتير وبالاخص الشباب

انا لما كنت اصغر سنا بصراحة كنت نموزج مثالي للشاب العفريت اللي نازل يشاكل الناس ويسابقهم ويكسر علي سواقين الميكروباص وياخد غرز ويشد مع اي عربية بتجري زي ما يكون صوت الموتور وهو بيتسارع بيوحيلك بانك تعمل كده

دلوقتي انا اهداء كتير من زمان بس لسه محتفظ بحبي للسرعة ولسه مش قادر ابقي النموزج المثالي اللي بيمشي علي الدائري بسرعة 90 وده لاكتر من سبب

1- لو مشيت علي سرعة 90 هحس ان انا خانق العربية والموتور ولازم علي الاقل لو همشي بسرعة 90 اطلع كل دقيتين تلاتة لسرعة 110 120 وانزل تاني
2- لو ماشي علي سرعة 90 وده طبعا هيبقي علي الغيار الخامس وعايز اتخطي حد هلاقي نفسى لازم اسقط غيار واقرص علشان احس ان العربية عزمها كفاية للمناورة
3- استحالة امشي علي الدائري بسرعة 90 وانا عندي ميعاد لاني بطبيعتي (حتي قبل ما يبقي معايا عربية) مواعيدي زفت ودايما متاخر علي مواعيدي

بس انا بلزم نفسي بشوية قواعد لما احب اجري فوق السرعة المعتادة

- لازم اكون عارف الطريق كويس بتضاريسة ومنحنياتة وتقاطعاتة ويوتيرناتوه

- لازم ابقي عارف ان اي مناورة او تجاوز للسرعة فيه مخاطرة بشكل او باخر بس المخاطرة ديه لو هتعرض حياة شخص ماشي علي رجليه او راكب عربية يبقي الاولى التغاضي عنها نهائياً

- التاكد قدر المستطاع ان العربية بحالتها المثلى دائما (كاوتش فرامل مساعدين عفشة اضاءة) - زمان كنت كده كده بجري

- تجنب القيادة في حاله اي توتر نفسي (غضب شديد - حزن - انفعال - تحت تاثر اي مخدر او حتي دواء ليه اعراض علي الجهاز العصبي)

- تطنيش اي استفزازات ايا كانت وعدم التورط في اي مناورة او تجاوز بناء علي ( تسخين ) من شخص اخر وعلي العكس لما بكون عايز اجرى وده قراري من الاول ولقيت حد زي اخونا بتاع الانوس ده بسيب مسافة كفاية بيني وبينة وامشى وراة عشان يفتحلي طريق وطبعا نفس الكلام ورا عربيات الاسعاف

- ربط حزام الامان ليا ولباقي الركاب حتي اللي ورا - زمان كنت بكسف البسة

- لازم اكلبش في الدريكسيون باديا الاتنين بالوضع المناسب (ايد علي وضع الساعة 2.30 وايد علي 9.30) - زمان كانت ايدى الشمال علي الدركسيون وضع الساعة 12 وايد علي الفتيس

- ممنوع منعاً باتا تناول اي شيء ماكولات سجاير (مع اني مدخن) موبيل الخ اثناء القيادة

- التجاوز من الشمال فقط بعد انذار السائق امامي بشكل هادئ وبدون استفزاز (فلاشر مرة او اتنين بالكتير ولما احس باستجابة فلاشر كمان وانا بعدي )

- لازم احافظ علي مسافة كبيرة بيني وبين اللي قدامي بشكل يتناسب مع السرعة

- لو سرعتي هتعدى ال130 والدنيا ليل لازم انور النور العالي (مبيبقاش فيه حد قدامى قريب)

- لازم الكرسي يكون قريب من الدريكسون كفاية بحيث اقدر (افعص) الفرامل عند اللزوم

- لازم اخد بالي ان كفائة الفرامل بتتناقص بشكل متساوي لحمل العربية (علاقة طردية كل ما زاد الوزن كل ما قلت كفائة الفرامل

- تجنب عمل اي مناورة او التسارع المفاجئ او التباطوء المفاجئ علي ارض فيها ميه او تراب او حصى او منحدرات او تكسير او مطبات هوا

- عادة انا بحسب اى غرزة بتأني وبهدوء اعصاب بس مع عربيتي الجديدة (سابا) ومع اي عربية سيدان ومن غير سبيولر وعالية كمان يبقي اتقاء شر الغرزة افضل

- حالتين استحاله رجلي تقرب من الفرامل فيهم (1) في الملفات (2) عند انفجار الكاوتش

- في الملفات اهم معامل لتوازن العربية هو عزمها مش سرعتها بمعني انك ممكن تكون علي سرعة 90 والعربية تسرح منك لان عزمها ضعيف وبالتالي قدرتك علي التحكم في العربية (خاصة الجزء الخلفي) بتقل او تنعدم خاصة مع سيارات الدفع الامامي وعلي العكس كل ما كان عزم العربية عالي وانت في نص الملف كل ماكان التحكم في الجزء الخلفي من السيارة اعلي

- لازم اكون منتبة عشر اضعاف العادى وبالتالي بركز اكتر في كل المرايات وبدى اشارات بكل حركة او همسة او حتى نيه تحرك


ديه اهم الحاجات اللي انا فاكرها دلوقتي بس طبعا الموضوع مش موضوع قواعد تتبعها وبس لاء ديه ممارسة ومهارات عضليه عصبية مكتسبة بالخبرة والممارسة وممكن تكون كمان صفات وراثية بس المهم تبقي عارف ان القواعد ديه مبتضمنش ايه حاجة وقدر الله لاراد له بس بجد خد عهد بينك وبين نفسك (الكلام للناس اللي بتجرى) متخليش حبك للسرعة والمغامرة يبقي مخاطره بحياتك ومقامرة بحياة الناس



:P

[Hossam_Hassan]

ربنا يحمينا جميعا ويبعد عننا شر الطريق

معقولة يا جماعة العربية الهامر ممكن تتبعكك بالمنظر دة ..... أمال هامر إية وبتاع إية ... دا أنا أسمع إن

تمنها فول ال9 مليون جنية

مش لدرجة 9 مليون

[Nile Heart]

الهامر 2 بتبدآ من 60 الف دولار.. يعنى بعد الجمارك 210 الف دولار..يعنى مليون وربع

والهامر 3 الجديده الصغننه بتبدا من 39 الف دولار.. يعنى هنا تبقى ب 750 الف جنيه

[محمدايهاب]

أنا اعترف إني من الناس إلي بتجري بس أنا محدش يقدر يستفزني إلى في حالة واحدة و هو إنه يكسر عليا جامد جدا
يا أبو نورا أنا قرأت الموضوع كله و عجبني بس أنا مش مقتنع بحكاية الملف دي انا بستخدم فرامل بحافظ على اتزان العربية صحيح بدوس عليه بخفة و على فترات متقطعة بس ما قدرش إني ما اسخدمهاش خالص
أنا عاوز أحكي القصة دي لسة حصله النهاردة : أنا في شارع القصر العيني و في واحد راكب أوبل كورسا عمال يكسر عليا المهم أنا مسيكته و كسرت عليه و أخرته و طلعت عين أهله فجأة شد و كسر علي جامد جدا و فتح الشباك و قال لي خذ يمين لو سمحت أنا ببص لقيت 6 أوبل كورسا و 2 جيب شوروكي بيحرسوا 2 مرسيدس s-class فهمت و أخذت يمين المهم شفت تاكسي نشف دماغه و بيخانق بتوع الأوبل راح 2 كسروا عليه و وقفوه لغاية أما المرسيدس عديت
أولا : من امتى و الحراسة أوبل كورسا
ثانيا : مين ده إلي 8 عربيات بيحرسوه
ثالثا : هو ابن .... ملقاش غير الساعة 12 علشان يزحم الطريق أكتر ما هو زحمة
رابعا : هم ولاد ......... مش ناووين يشيلوا مجلس الشعب أو حتى الشورى من وسط البلد (ذي ما نووين يعملوا في مجمع التحرير)
خامسا : يا رب خذهم أخذ عزير مقتدر

[Mina W]

اول حاجة حمد الله على السلامة يا ميمو
انا مع ابو نورا ناس كتير بتحب السرعة و فى ظروف بيتكون طالبة انك تمشى بسرعة ، و انا منهم ، و الكلام اللى قاله مظبوط بس ازود عليه كام حاجةك
اولا فى طرق مينفعش اجرى حتى لو فاضى يعنى زى طريق شرم خاصة فى اخره كله منحنيات و طالع و نازل انتى اساسا مش شايف اللى جاى قدامك فتجرى ازاى ، و رغم ذلك كان فى ناس تحاول تعدى و حنا على 100 كم/س بالاقى اللى جاى فى وشى و لولا رحمة ربنا كانت تبقى فى كوارث :?: .
تانى حاجة مش كل العربيات اللى تقدر تمشى بسرعة حتى لو حالتها كويسة مش بيتكون ثابتة على السرعة العاليه دى :!: لازم اعرف عربيتى و حدودها و ما حاولش ازود عنها، زى اللى حصل مع الاخ ميمو :shock:
كمان مش علشان انا بقدر ادوس بنزين يبقى اقدر اجرى :!: و كمان مش فى كل الاوقات يعنى لازم اكون فايق مش تعبان و لا مش مركز و اجرى برضه ، كمان لازم اللى بقرر يمشى بسرعة عاليه يعرف ان دى مش لعبة زى نيد فور سبيد انا لو لقدر الله و حصل حاجة سواء منى او من العربية الموضوع مش هيبقى جيم اوفر بس دى فيها ارواح ناس :?:
و اخير الواحد لازم يقدر نعمة ربنا عليه سواء بالصحة و انه سليم و معافى و بيقدر يسوق و كمان انه اساس بيركب عربية و دى نعمة مش عند كل الناس فيحافظ عليها و بلاش يسىء استعمالها علشان ربنا يبارك فيها :arrow:

[tamohsen]

- لو مشيت علي سرعة 90 هحس ان انا خانق العربية والموتور ولازم علي الاقل لو همشي بسرعة 90 اطلع كل دقيتين تلاتة لسرعة 110 120 وانزل تاني

طبعا بيحصل بالزبط زي ما بتوصف

2- لو ماشي علي سرعة 90 وده طبعا هيبقي علي الغيار الخامس وعايز اتخطي حد هلاقي نفسى لازم اسقط غيار واقرص علشان احس ان العربية عزمها كفاية للمناورة

العربيه عندي اوتوماتيك فمش بتفرق معايا

بس انا بلزم نفسي بشوية قواعد لما احب اجري فوق السرعة المعتادة

- لازم اكون عارف الطريق كويس بتضاريسة ومنحنياتة وتقاطعاتة ويوتيرناتوه

- لازم ابقي عارف ان اي مناورة او تجاوز للسرعة فيه مخاطرة بشكل او باخر بس المخاطرة ديه لو هتعرض حياة شخص ماشي علي رجليه او راكب عربية يبقي الاولى التغاضي عنها نهائياً

بتفق معاك يا أبو نورا في كل اللي قولته وخصوصا الجملتين دول
وبستغرب جدا من اللي بيجري جامد في طريق أول مره يدخله
المره الوحيده اللي عملت فيها استثناء للقاعده دي كانت في طريق شرم الشيخ بس هوه بصراحه فيه جزء كبير جدا مستوي و يشجع علي الجري
وعلي فكره السواقه بسرعه " نسبيه" في حد ذاته مش عيب
ولو حد لاحظ في بلاد العالم المحترم لو حتي شارع داخلي السرعه القصوي فيه 60 كم/ساعه
هتلاقي معظم الناس مشيه علي 55- 60 كم/ساعه
المهم انك تكون منتبه ومركز جدا

[Abonora]

- لو مشيت علي سرعة 90 هحس ان انا خانق العربية والموتور ولازم علي الاقل لو همشي بسرعة 90 اطلع كل دقيتين تلاتة لسرعة 110 120 وانزل تاني

طبعا بيحصل بالزبط زي ما بتوصف

2- لو ماشي علي سرعة 90 وده طبعا هيبقي علي الغيار الخامس وعايز اتخطي حد هلاقي نفسى لازم اسقط غيار واقرص علشان احس ان العربية عزمها كفاية للمناورة

العربيه عندي اوتوماتيك فمش بتفرق معايا

بس انا بلزم نفسي بشوية قواعد لما احب اجري فوق السرعة المعتادة

- لازم اكون عارف الطريق كويس بتضاريسة ومنحنياتة وتقاطعاتة ويوتيرناتوه

- لازم ابقي عارف ان اي مناورة او تجاوز للسرعة فيه مخاطرة بشكل او باخر بس المخاطرة ديه لو هتعرض حياة شخص ماشي علي رجليه او راكب عربية يبقي الاولى التغاضي عنها نهائياً

بتفق معاك يا أبو نورا في كل اللي قولته وخصوصا الجملتين دول
وبستغرب جدا من اللي بيجري جامد في طريق أول مره يدخله
المره الوحيده اللي عملت فيها استثناء للقاعده دي كانت في طريق شرم الشيخ بس هوه بصراحه فيه جزء كبير جدا مستوي و يشجع علي الجري
وعلي فكره السواقه بسرعه " نسبيه" في حد ذاته مش عيب
ولو حد لاحظ في بلاد العالم المحترم لو حتي شارع داخلي السرعه القصوي فيه 60 كم/ساعه
هتلاقي معظم الناس مشيه علي 55- 60 كم/ساعه
المهم انك تكون منتبه ومركز جدا

لاء يا tamohsen طبعا السواقة بسرعة نسبية عمرها ما كانت عيب بس للاسف هنا في مصر هتلاقي ميت واحد بيزمر وراك ده غير اللي بيتلاقيهم صدرو بوز عربيتهم جمب الرفرف الوراني استعدادا للانقضاض عليك (وده اخطر وضع للتصادم)

[hazem_khidr]

- لازم اكلبش في الدريكسيون باديا الاتنين بالوضع المناسب (ايد علي وضع الساعة 2.30 وايد علي 9.30) - زمان كانت ايدى الشمال علي الدركسيون وضع الساعة 12 وايد علي الفتيس

الوضع الصحيح يا وائل هو 10,10 او 9,15 دي النقطه الوحيد اللي اختلف معاك فيها.
بالنسبه لباقي كلامك صح طبعا

[Abonora]

مش عارف يا حازم بصراحة وضع 2.30 و 9.30 اريح بالنسبالي بس انا اعرف ان الاستاندرد 3.00 و 9.00

[fady]

معلش اسمحوا لي اوضح حاجه

اقتباس:

- لازم اكلبش في الدريكسيون باديا الاتنين بالوضع المناسب (ايد علي وضع الساعة 2.30 وايد علي 9.30) - زمان كانت ايدى الشمال علي الدركسيون وضع الساعة 12 وايد علي الفتيس


الوضع الصحيح يا وائل هو 10,10 او 9,15 دي النقطه الوحيد اللي اختلف معاك فيها.

اعتقد ان حضراتكم تقصدوا نفس الوضع.
اعتقد ان ابو نورا قصده ان الايد اليمين تكون مكان الساعه 2:30 و الايد الشمال تكون مكان الساعه 9:30
و حازم قصده ان الايدين معا يكونوا على الوضع 10:10 يعني الايد اليمين عند العقرب بتاع الساعه 2 و الايد الشمال عند العقرب بتاع الساعه 10

و اعتقد ان الوضعين ما يختلفوش عن بعض كتير.

[Abonora]

:shock: :shock: :shock: :shock:
صح الكلام ده يا حازم !!؟

[hazem_khidr]

اعتقد ان حضراتكم تقصدوا نفس الوضع.
اعتقد ان ابو نورا قصده ان الايد اليمين تكون مكان الساعه 2:30 و الايد الشمال تكون مكان الساعه 9:30
و حازم قصده ان الايدين معا يكونوا على الوضع 10:10 يعني الايد اليمين عند العقرب بتاع الساعه 2 و الايد الشمال عند العقرب بتاع الساعه 10

و اعتقد ان الوضعين ما يختلفوش عن بعض كتير

صح الكلام ده يا حازم !!؟

مم بصراحه هو كلام الاخ فادي انا مش فاهمه بالنسبه لوضعيه القياده بتاعك ازاي ايد واحد حتبقي علي اتجاه 2,30؟؟دا عقربين في الساعه ازاي بايد واحده او يمكن انا اللي مش قادر افهمه بس بالنسبه لتوضيح الوضع بتاعي ف الاخ فادي فسرها صح(10,10 يعني كل ايد مكان عقرب فعلا)

[fady]

اعتقد ان ابو نورا قصده ان الايد اليمين تكون مكان الساعه 2:30 و الايد الشمال تكون مكان الساعه 9:30

قصدي ان الايد تكون مكان عقرب الساعات و اكيد مش مكان العقربين في نفس الوقت.

[hazem_khidr]

ايوه كده بقي صح يعني معني كلامك انك بتقيس علس عقرب الساعات بس مش عقرب الدقايق .اصل وجود عقرب الدقايق لخبطني و هيا تعتبر هيا هيا علي فكره مش فارقه كتير