إنهيــار صنــاعة السيــارت فى العالم و خاصة الأمريكية !!

[pharonicking]

يا جماعة قفل المصانع عشان يخفض الانتاج وبيثبت سعر العرض""
مش زى ماحنا فاهمين ان المفروض السعر ينزل ونفس معدل الانتاج هو هو ""
والموضوع دة عالكل والاسوا شركة جنرال موتورز محتاجة 25مليار دولار عشان متفلسش """

[Dr_MohSalah]

يا جماعة قفل المصانع عشان يخفض الانتاج وبيثبت سعر العرض""
مش زى ماحنا فاهمين ان المفروض السعر ينزل ونفس معدل الانتاج هو هو ""
والموضوع دة عالكل والاسوا شركة جنرال موتورز محتاجة 25مليار دولار عشان متفلسش """

اللي اعرفه ان لما منتج تقفل مصانعه فبديهي سعره في السوق هيقل . يا اخي اضعف الايمان هيثبت سعره مش يزيد فوق ال 10 الاف جنيه زي الياريس

[ahmad7610]

تحيا توكيلات مصر حرة مستقلة
أصل حضرتك مش واخد بالك
أحنا في مصر بنحب نعيش مستقلين

فملناش دعوة بالمصانع اللي تتوقف و لاه حتى تولع
المهم التوكيل يكسب أضعاف اللي الشركة ألأم بتكسبة في العربية الواحدة

...................تحيا توكيلات مصر حرة مستقلة ...............

المفروض ان المكسب الحقيقى للتوكيل هو فى ما بعد البيع ..
أما المكسب من سعر العربية ( فالمفروض ) يكون قليل :)
لانه بيدفع للدولة نصف ثمن العربية تقريبا فى فئة ال 1600 جمارك و أضعاف ثمن العربية فى فئات ال 1800 فما فوق بيروح للدولة ..
ولسه عنده فلوس المعارض و المندوبين و العمالة .. لكن للاسف تقريبا احنا اللى بنتحمل الفلوس دى فى الزيادة ال 10 او 20 الف اللى بيحطها التوكيل من عنده ..
-
شوف مثلا توكيل bmw بيبيع ال مينى كوبر بكام .. و شوف لو جبتها من الخليج ودفعت جماركها حتبقى بكام .. فرق مش أأقل من 20 الف

[shankosi]

دي سياسة تتبعها الشركات عامةً في حالة ضعف الطلب على انتاجها وذلك لعدم تراكم المخزون وانهيار الأسعار ولكن كل شيء له حدود يعني دي مجرد المرحلة الأولى وبعد كده في تسريح العماله وطلب مساعدات من الدوله ومديونيات البنوك بس الصراحة مادام اتخذوا اجراءات اقفال المصانع فهم خلاص معملوش كده الا بعد تدهور احوالهم جداً مقارنه بالسنين الماضية بس لسه مفلسوش يعني. دي تويوتا دي دوله لوحدها ...

وسمعت كمان ان مصانع تويوتا في أمريكا بدأت تعطي للعاملين ايام اجازة اجبارية عشان يقللوا الانتاج ودي خطوة قبل فصل العماله من اعمالهم يعني بطاله يعني مفيش افراد عندهم دخل يعني مفيش بيع ولا شرا لسلع استهلاكية يعني الدنيا بتخرب

كل دي مؤشرات يا جماعة ان الإنتاج سيتم اعادة توجيهه استراتيجيا ناحية الأسواق التي لم تتأثر كثيرا بالأزمة العالمية زي دول الشرق الأوسط زي مصر والأسواق في الدول النامية ومعنى ذلك انه سيرتفع عدد المعروض ولازم بسعر اقل لكي يكون فيه اقبال على الشراء.

يا جماعة حجم المشكلة اكبر من مصر والدول العربية كلها على بعضها كمان ولازم حينوبنا من الأزمة جانب ولازم نكون اذكياء ونستفيد

نستنى شوية يا جماعة منجريش اول ما الأسعار تنزل لحد ما توصل لحد مقبول يكون المستورد والتاجر والمستهلك النهائي على جانب المكسب وبسعر معقول...

ده رأي الشخصي وكل واحد حر والله المستعان.....

[mtema99]

شحاته

يبدو ان ال 3G

اصبحوا فعلا اكبر 3 شركات فالشحاته

للاسف مينفعش اقول غير كده بعد ما تسولوا للحكومه الامريكيه و اخدوا 15 مليار دولار دلوقتي وقت التسول من كندا

و عايزين منها ما يقارب ال 7 مليارات من الدولارات

اليكم المقال

What to do when you wanted $34 billion and Congress only gave you $15 billion? Try again, but this time go North young man. The Detroit 3 are now making a pitch to the Canadian legislature seeking an additional $6.8 billion from Canada where nearly 100,000 workers are employed in factories and dealerships bearing the Chrysler, General Motors or Ford name.

General Motors of Canada has asked for $2.4 billion in loans, Chrysler Canada Inc. is looking for $1.6 billion and Ford wants a $2 billion line of credit on "stand-by" to be used "only if the current economic crisis worsens." GM is also seeking an immediate $800 million to make it through the end of the year. The Detroit automakers are quick to point out that these amounts are proportional to the U.S. bailout requests and that they are asking for loans, not handouts.

Federal Industry Minister Tony Clement was in Washington during the recent hearings and says the Canadian government will have to review the requests before pledging any funds. He had previously confirmed that funds were set aside to help automakers in the most recent budget. Premier Dalton McGuinty also pointed out the need to balance the public's needs with the carmakers' requests: "We want to move as quickly as we can, but we don't want to move so quickly that we end up with a response that is irresponsible given the legitimate demands of taxpayers." Thanks for the tip, Xeyad!

كده مش فاضل غير استراليا

هنشوف مسلسل الشحاته هينتهي على ايه

[M.Elsheikh]

thank ya basha

[waleedss]

ساب من اكثر السيارات امانا في العالم شانها شان المدرسه السويديه

[bassem.naguib]

شوفوا اللينك ده ..

http://www.nilemotors.net/Nile/showthread.php?t=50308

[affosah]

"جينيرال موتورز" و "فورد" و "كرايسلر" إفلاس وإنهيار كامل!!

الأخبار بتقول ان مصانع السيارات في أمريكا تمر حاليا بمرحلة حرجة جدا وفي طريقها للإنهيار الكامل
ايه رأيكوا يا جماعة هل ده حيكون ليه تأثير على العالم وعلينا وخصوصا في الأسعار ولا أزمة عادية وتعدي؟

[NaviGator_13]

الأخبار بتقول ان مصانع السيارات في أمريكا تمر حاليا بمرحلة حرجة جدا وفي طريقها للإنهيار الكامل
ايه رأيكوا يا جماعة هل ده حيكون ليه تأثير على العالم وعلينا وخصوصا في الأسعار ولا أزمة عادية وتعدي؟

مصر مبيفرقش معاها ازمات

[mada121977]

هيا اخر الاخبار ان الحكومه الامريكيه وافقت على دفع مليارات الدولارات لشركات السيارات الكبرى علشان تمنع افلاسها ... طبعا الشركات دى من ناحيتها هتققل انتاجها بصوره كبيره ومشاريع السيارات الجديده والسيارات الفخمه هتتوقف طبعا لغايه الازمه ماتخلص

[Noha-Esmat]

هيا اخر الاخبار ان الحكومه الامريكيه وافقت على دفع مليارات الدولارات لشركات السيارات الكبرى علشان تمنع افلاسها ... طبعا الشركات دى من ناحيتها هتققل انتاجها بصوره كبيره ومشاريع السيارات الجديده والسيارات الفخمه هتتوقف طبعا لغايه الازمه ماتخلص

بس أنا سمعت انهاردة يا مادا ان حتى الحل ده اترفض و الحكومة الامريكية مش هتساعد الشركات دى .. و ده خلى يعر البترول يقل أكتر

===========================

http://www.aljazeera.net/NR/exeres/2F500062-EB9F-4DDE-9020-79E3B9A27630.htm

الشيوخ الأميركي يفشل في إقرار خطة إنقاذ السيارات

القانون كان يهدف لإنقاذ شركات السيارات الأميركية من الإفلاس (الفرنسية-أرشيف)

فشل مشروع القانون الذي اقترحه النواب الديمقراطيون لإنقاذ صناعة السيارات الأميركية في الحصول على موافقة مجلس الشيوخ، بعد أن أخفق أنصارها في حشد التأييد الكافي خلال تصويت إجرائي.

ولم يستطع أعضاء الشيوخ قبل التصويت التوصل لحل وسط باللحظات الأخيرة، في حين أعلنت الإدارة الأميركية أنها ستدرس الإجراءات المتاحة لها بهذا الموضوع على ضوء رفض الكونغرس خطة الإنقاذ.

وعبر البيت الأبيض عن خيبة أمله لعدم توصل الشيوخ إلى اتفاق بشأن خطة إنقاذ شركات صناعة السيارات، وقال الناطق باسمه سكوت ستانزيل "نظن أن هذا المشروع الذي تفاوضنا بشأنه كان سيمنح فرصة" لهذه الشركات.

وعجز مقدمو مشروع القانون عن الحصول على موافقة ستين صوتا، وهو الرقم الذي كان لا بد منه للموافقة على الخطة، بعد أن كان حصل في وقت سابق على موافقة مجلس النواب بأغلبية 237 صوتا مقابل اعتراض 170.

انهيار شركات السيارات قد يوجه ضربة جديدة للاقتصاد الأميركي (رويترز-أرشيف)
منع الانهيار
ويقضي مشروع القانون بمنح أكبر ثلاث شركات لتصنيع السيارات قروضا بحوالي 14 مليار دولار لمنع انهيارها، وتفادي ضربة جديدة يمكن أن يتلقاها الاقتصاد الأميركي في حال أعلنت هذه الشركات إفلاسها بعد تراجع الطلب بسبب الأزمة المالية العالمية.

ويتضمن المشروع أيضا إجراءات لحماية دافعي الضرائب مثل تعيين وصي حكومي يشرف على تنفيذ خطة الإنقاذ، وإخضاع الشركات للرقابة المحاسبية من قبل مكتب المحاسبة الحكومي، ومنح الحكومة حق الفيتو للاعتراض على أية عمليات تزيد على مائة مليون دولار.

كما يقضي بمنع الشركات من دفع أسهم ربح لمالكي الأسهم أو مكافآت للمسؤولين حتى يتم تسديد القروض الحكومية، كما يطلب من المسؤولين بيع طائراتهم التابعة للشركات، وتطبيق متطلبات إجراءات توفير الطاقة في السيارات بشروط محددة.

[Abo_Lina]

يا ريت و الله نتأثر بالازمة دي و امريكا تضغط على مصر و تخليها تشيل الجمارك تماما عن السيارات الامريكية وكلنا نركب بقى التاهو و اليوكون و الحاجات دي

[AshTurbo]

لأ شيل من دماغك حكاية الجمارك دلوقتي حتي ولو فكرنا نحلم بتخفيض في الجمارك حيكون كام يعني دة لو حصل بالطبع بعد 2010 عموماً احنا اللي يهمنا من موضوع الشركات الأمريكية هو مدى تأثيرها على سعر العربيات الأمريكي اللي هيا مش أمريكي في مصر .

[ahmedkoko]

أنا متهيألي الحكايه دي هتأثر علي انتاج السيارات الامريكيه يعني انتاجهم هيقل فممكن ساعتها اصحاب التوكيلات الجشعين في مصر يعلوا الاسعار بحجة ان الانتاج انخفض.لو عملوها يبقوا عايزين الحرق بصراحه