::: موضوع مخصص عن معارض السيارات الغير محترمة :::

[sebai]

معـــــــــــرض الطارق للسيــــارات

فى حكاية نصب حصلت معايا من معرض الطارق للسيارات ,من حوالى شهر و نصف روحت المعرض علشان اجيب ماتركس بالتقسيط و عملولى البحر طحينة
اولا:
قالوا ان العربية موجودة و كمان اى لون و الفترة دى ماكنش فى غير ماتركس اوتوماتك فى البلد كلها و دة علشان الماتركس 2008 كانت نزلة .و بعد مااتفقت معاهم على لون غيروة .
ثانيا:
قالولى على نظم التقسط ( باركليز . سيتى بنك . ابو ظبى ) و فلتلهم انا عندى وديعة بالبنك الاهلى عايز افسط معاهم قالوا البنك الاهلى بياخد 2000 ج مصاريف و من غير اى شروط ( لا حظر بيع ولا مفتاح ولا توكيل بالادارة و البيع زى البنوك الثانبة ) قلت ماشى و خلصت الورق و فعلا روحت البنك و معايا واحد اسمة الحج عبد السلام خلص كل الورق بالبنك و فالى انو هيكتب ثمن العربية زائد 2000 ج (مصاريف البنك) .و بعد كدة انتهت علقتى بالمعرض و ادفع بعد كدة بالبنك ....
العربية كلفتنى ثمن العربية + 2000 + كمان 400 ج للمعرض غير فائدة التقسيط .

و بعد كدة لما روحت البنك علشان ادفع القسط وجدت بالصدفة واحد عايز يشترى عربية زى حلاتى عندة وديعة افاجأ ان الموظف ماقلش ولا كلمة عن ال2000 ج و سالت الموظف قالى احنا مابناخدش 2000 ج زيادة و دخلت لمدير البنك و كان مذهول من اللى حصل معايا و قالى انت تعتبر شارى العربية من المعرض كاش ازاى يخدوا منك الفلوس دى (علشان ايية ) و قال ان فية ناس بتشتكى من المعرض دة و ان تعاملاتهم وحشة جدا ....

حد يقولى اعمل اية مع معرض الطارق علشان افش غليلى فيهم :!: :?:
حسبى اللى ونعم الوكيل

[Nader]

لو معاك ما يثبت او كان معاك شاهد اعمل محضر في القسم واثبت الواقعة.

[Ashraf A.Kader]

علي فكرة كل المعارض كده واكتر كمان انا لما جيت اشتري دفعت كاش علشان القرف ده

[kareem_Ashmawy]

ممكن حضرتك تعرض الموضوع على محامى و هو أكتر واحد هيفيدك.....

وربنا يقدرك و تسترد حقك..

[CryptonX]

الفرسان الله يرحمه عمل معايا كدة , رفضت اشتري .. و الحمد الله اني رفضت

[شريف]

عشان كدة اغلبيية المعارض بتفضل القسط
مكسبهم اعلى طبعا

[wisambasha]

بلغ جهاز حماية المستهلك http://consumer.eos.org.eg/FE/ViewPa...e\MainPage.htm

[اسلام المصرى]

ربنا يعوض عليك يا أخ sebai :( أنا من رأى امشى معاهم قانونى لو روحت المعرض و عملتلهم مولد مش هتاخد منهم و لا حق و لا باطل و الموضوع هيبوظ أكتر. أنت معاك أى أيصال أو ورق بال2000 جنيه ؟؟

[Ahmed Anwer]

معلهش يا أ/ sebai
بس أعتقد إنك كنت حسن النية قوي ، الموضوع واضح ، البنك لو بياخد مصاريف إدارية هيديك إيصال بكده مش يقولك هنزوده علي ثمن العربية ، ثمن العربية شئ و مصاريف البنك و الفوائد و التأمين شئ اخر
أعتقد قانونا ليس لك حق تطالب بالألفين جنية هو باعلك العربية ثمنها زيادة ألفين جنية و كتبلك كده في المبايعة و انتا قبلت ، خلاص مفيش حاجة غلط قانوني عليه هو من حقه بيبع العربية إن شاءالله بمليون جنيه
الحل الوحيد لو حضرتك ليك في المشاكل تروح تعملهم مجنون و تعلي صوتك و تعمل همبكة جامدة ، بس بالذوق مش هتاخد حاجة هيقولك أصل و فصل و الحكاية و الرواية و حضرتك مش فاهم و مش توصل لحق و لا باطل

[ayman_elkholy]

حسبنا الله ونعم الوكيل
لا تهين نفسك يا اخى من رأى ان تعرض الموضوع فى اى موقع تدخل علية وتحذر الناس من هذا المعرض وبهذا تكون قد صنعت لهم اسوأ دعاية
وربنا يباركلك فى العربية ويكفيك شرها
على فكرة الموضوع دة كان ها يحصل معايا فى معرض سمير ريان ولما حاسيت بالنصباية
قررت اجيب الكاش اتزنقت شويتين بس الحمد لله وجبتها من التوكيل

[nabilaly]

ياجماعة الموضوع ده بسبب قلت الوعى المصرفى،، احنا عندنا هيبة من دخول البنك والسؤال مباشرة ، الناس لازم تفهم ان البنك خادم ليهم، او بمفهوم آخر الجهاز الادارى للبنك يأتى على رأسه العميل ثم رئيس مجلس الادارة ثم بقية الهيكل والمصرفيين أكثر الناس نصح للعميل استعوض ربنا ثم استشير محامى شاطر وربنا يعوضك خير

[sherif Anton]

ياجماعة التقسيط ده موضوع فاشل وكله نصب قي نصب وعلشان كده اغلب المعارض بتشجع على التقسيط وانا اعرف معارض بترفض كاش وكلنا عارفين السبب ... انا شخصيا حصل معايا موقف عند شراء سيارتي اونو زيرو سنه 2000 ... كان وقتها سعر السيارة كاش 28500 جنيه المعرض قال لي ادفع 4500 جنيه وقسط الباقي مع البنك ... واكتشفت بعدها ان البنك دفع للمعرض ثمن السارة كاش على اساس ان سعرها كاش 32500 جنيه وطبعا انا دفعت الاقساط للبنك على ان السيارة ثمنها الاصلي 32500 جنيه ...طبعا لما القسط الشهري يزيد 75 جنيه في 60 شهر الزبون مش راح يحس ... ومن ساعتها قررت اني لن اشتري اي حاجة تقسيط ... حتى لو كانت ساعة يد ... التقسيط دة اكبر عملية نصب تتم بين التاجر و البنك ... والضحيه هو الزبون

[osman hisham]

المليه ببساطه جدا أن البنوك التانيه زى سيتى بنك مثلا بيدى المعرض 2000 حنيه عموله للمعرض عند بيع العربيه بالتقسيط عن طريقهم أنما البنك الأهلى لأ و علشان كده تلاقى أغلب المعارض نتقسط مع سيتى بنك و بتلاقيهم كمان عارضين العربيه بالتقسيط بسعر أحسن من الكاش (السعر الأساسى) و ناس زى المصريه و سمير ريان ما بيرفضوا يبيعوا أصلا كاش

[Eng.Ahmed]

و معرض الفادى و معرض شاهر الى فى مدينه نصر بيعملوا كده و بياخدوا الف جنيه

[sebai]

و اللة انا بعد ماحصلى كدة كنت متجنين ان حد نصب عليا ...انا فكرت اروحلهم هناك و اتخانق معاهم ...عايز افش غليلى ...هما فكرين الواحد بيلاقى الفلوس بالشارع :!: :!: :?:
حسبى اللة و نعم الوكيل فيهم
انا انشاء اللة ناوى افضحهم فى جميع المنتديات علشان الناس تتعظ ...و ربنا يقدرنى و ارودلهم اللى عملوة فى و فى الناس اللى قبلى