::: موضوع مخصص عن معارض السيارات الغير محترمة :::

[Ahmed Anwer]

المليه ببساطه جدا أن البنوك التانيه زى سيتى بنك مثلا بيدى المعرض 2000 حنيه عموله للمعرض عند بيع العربيه بالتقسيط عن طريقهم أنما البنك الأهلى لأ و علشان كده تلاقى أغلب المعارض نتقسط مع سيتى بنك و بتلاقيهم كمان عارضين العربيه بالتقسيط بسعر أحسن من الكاش (السعر الأساسى) و ناس زى المصريه و سمير ريان ما بيرفضوا يبيعوا أصلا كاش

الكلام ده صح
و التقسيط مش وحش قوي للدرجة دي ، البنك العربي الافريقي الدولي بنك ممتاز برده ، بس إجراءاته بتاخد وقت و معارض كتير مبتتعاملش معاه بيحبوا سيتي بنك عشان بيزبطهم

[Ahmed Anwer]

أعتقد قانونا ليس لك حق تطالب بالألفين جنية هو باعلك العربية ثمنها زيادة ألفين جنية و كتبلك كده في المبايعة و انتا قبلت ، خلاص مفيش حاجة غلط قانوني عليه هو من حقه بيبع العربية إن شاءالله بمليون جنيه

علي فكرة أنا مش محامي عشان بس مخدش ذنب نصيحة أنا مش قدها ، حضرتك ممكن تستشير محامي أفضل

[محمد المشد]

لازم تتمسك بحقك وتعمل كما قال لك نادر محضر بالواقعة بقسم الشرطة التابع له المعرض علشان يتعلموا الادب ويتربوا واكيد همة خيخافوا من كدة واوعى تترك حقك وسوف يتم استدعائهم بالنيابة لبيان هذا النصب المكشوف

[محمدايهاب]

أولا هو قين معرض الطارق ده
ثانيا : هو سمير الريان هو نفسه الريان أوتو

[Ahmed Samy]

خد حقك بالقانون و العيار اللي مايصبش يدوش

[PAYOO]

المشكله دي مش في معرض الطارق بس المشكلة بقت في جميع المعارض
لدرجة أنك بقى من الصعب جدا جدا جدا تقدر تشتري عربيه كاش لان كل المعارض بقت بتجبرك على التقسيط أجبار
لدرجة أنهم لما يلاقوك مصمم تشتري كاش يقولك طب ممكن تحط جزء من الفلوس دي وديعه في بنك كذا (إللي هوه بيتعامل معاه طبعا) عشان يبقى برضه مشى إللي في دماغه وخلاك تقسط ويقنعك أنك مش هاتدفع أي فايده لأنك هاتاخد فايده على الوديعه وهيه هيه الفايده إللي هاتدفعها ويمكن كمان أقل

الكلام إللي بقوله ده مش مبالغه ده عن تجربه أكثر من مرة مع الأقارب والمعارف والأصحاب وأنا شخصيا أتعمل معايا كده في أخر عربيتين أشترتهم وكان منهم معرض "الفادي" إللي هو تبع "شاهر تريد" (موزع معتمد لغبور)

ربنا يعوض عليك في الفلوس إللي دفعتها زياده يا أستاذ "سباعي"

لكن برضه أتمسك بحقك وأعمل لهم قضية نصب (مع أني عارف النتيجه) لكن العيار إللي مايصبش يدوش وربنا ينتقم منهم

[محمد ابراهيم 1]

هددهم بفضيحه علنيه إذا مرجعوش لك فلوسك وقولهم إنك تعرف صحفى حينزل الخبرفى الأهرام مثلا

[abomody]

بصراحة انت عندك حق فى كل اللى قلتة عن معرض الطارق دة وهو موجود فى الدقى فى شارع متفرع من ميدان المساحة وكلهم ناس اونطجية ونصابين لانى كنت هجيب عربية منهم بالتقسيط واخذوا منى 200 جنية فى الاول وبعد كدة ولا حس ولا خبر وكل ماكلمهم يقولولى لسة موافقة البنك وبقين انا اللى بكلم البنك منى ليهم وهم لهفوا ال200 جنية وكان وللى خدهم واحد اسمة وليد فاكر نفسة ابو العريف ووزير المالية ودة عشان ال200 جنية وحسبى اللة ونعمى الوكيل فى كل واحد ياخد قرش مش من حقة

[sebai]

فى حاجة ثانية
قلولى انى حستلم العربية بعد مشوار البنك مباشرا و دة طبعا ماحصلش :!:
قالوا تستلم ثانى يوم
*قلت ماشى و انا بكلم البنت اللى هناك فى المعرض بتاكد عليا المعاد بقولها بكرة انشاء اللة و طبعا الورق بتاع العربية جاهز :?: :!: قالتلى انت ماقلتش انك عايز الورق مع العربية :!: :?: :shock:
انا زوهلت من الكلام دة :shock: :shock: :!:
عايزين يسلمونى العربية من غير ورق يعنى يدونى العربية من غير الافراج الجمركى و بعد كدة اجرى انا وراهم و تقولى الورق هيتاخر :!: قولتلها مش حستلم العربية من غير ورق ( انا ماكنتش دفعت المقدم )
و عملوا كذا محاولة معايا طول النهار يكلمونى و يقنعونى علشان استلم العربية بس الورق ال ايية ثانى يوم .و فى الاخر قالوا هنسلمك العربية بالورق ...
ثانى يوم لما روحت علشان استلم العربية لقيت واحد مستنينى و معاة ورق الاستلام العربية بس برضة من غير الافراج و قالى الورق هسلمهولك على الساعة 10 مساءا يعنى بعد 5 ساعات من الاستلم بحجة الورق فى فرع مدينة نصر ..و قلتلة لما الورق يكون موجود كلمنى و انا اجيلك
... اعد يعمل شوية تليفونات للفرع وانا قاعد معاة و ما فيش كلها 30 دقيقة و استلمت العربية بالورق ..بصراحة من اسوء الناس اللى شفتها فى حياتى ما فيش احترام لاى كلمة بيفولوها و لا مصداقية و لا و لا و لا ....
حسبى اللة ونعم الوكيل

[tmz9111]

عملها معايا معرض قبل كده أسمه الاحمدى و التوفيق فى مدينة نصر

[casperinoo]

ده رقم الاداره لازم تتصل بيهم
0222708718
0222708719

طبعا هيرد عليك واحد بس بعد شوية وقت كده قلهم لازم اكلم استاذ طارق او استاذ ايهاب
ودول اكبر اتنين في الشركه
بس عامة اللي هيرد عليك ...لازم تقولو علي كل اللي حصلك...بس الموضوع محتاج شوية زعيق ....ولو محصلش حاجه يبقي ديلك في سنانك وعلي الفرع الرئيسي((بيتهيألي في مدينة نصر عند مستشقي حسبو))

متسكتش علي حقك...واسأل يمكن الموضوع فيه حاجه غلط او حاجه


وربنا معاك

[sebai]

طبعا هيرد عليك واحد بس بعد شوية وقت كده قلهم لازم اكلم استاذ طارق او استاذ ايهاب
ودول اكبر اتنين في الشركه

اللى حضرتك ماتعرفوش ان الشخص اللى راح معايا البنك و خلص الورق و اكد علية على 2000 جم هو دة الكبير بتاعهم و اسمة الحج عبد السلام ( خت بالك من الحج )
و انتظرتة فى المعرض فى شارع رشدان متفرع من المساحة بالدقى و كان نازل من عربية HUMMER و غيرها ب مرسيدس عييييييييييووووون علشان يعرف يركنها امام البنك :!: :?:


لا تعليق

[خالد]

ربنا يعوض عليك وحسبى الله ونعم الوكيل
وأنا من رأى الأخ أيمن الخولى
أستعوض ربنا فى الـ 2000 جنيه
وأعمل دعاية ليهم فى كل مكان
وربنا يديك خيرها ويكفيك شرها

[za3bolla]

فعلا روحت البنك و معايا واحد اسمة الحج عبد السلام خلص كل الورق بالبنك و فالى انو هيكتب ثمن العربية زائد 2000 ج (مصاريف البنك)

الحاج زفت افندي و معاه مرسيدس E320 فضي....(راجل عينه جاحظة و بيرغي كتييير)صح

تحذير عام لجميع الاعضاء:
الراجل ده هوة المخلصاتي بتاع المعارض كلهامش الطارق بس والسبوبة اللي بيطلعها نظير التخليص و الكلام الفارغ بتاع عمولة البنك
من الاخر نصب علينا برضه و كل ده بحجة :ما انت الكسبان و فلوسك في البنك زي ماهية!!

[وائل عطية]

شكراً للأخ صاحب الموضوع على التنبيه الخطير دا
وهنا أحب ألفت نظر حضراتكم إلى حاجة خطيرة برده وهى تواطؤ محرري أخبار السيارات بالجرائد الحكومية مع المعارض النصابة دي ..يعني الطارق دا بيعملوا له فرح العمدة في ملحق سيارت الأهرام أو الأخبار مع إشادة جامدة جداً بخبراتهم وإرضائهم للعملاء طبعاً نصب في نصب، ولسه أكيد حضراتكم فاكرين المقالات العنترية اللي ياما اتكتبت عن الفرسان في ملاحق السيارات، والمصرية دول كمان نصابين وكل الأسعار اللي بيكتبوها غير صحيحة ، يعني يوم الجمعة اللي فاتت كاتبين الكرولا بـ 97 ألف اتصلت أسألهم قاللي بـ 100 ألف ..طيب ياسيدي مانت كاتب 97 ألف قاللي يا أستاذ العربيات دي بورصة كل شوية في حال ..رديت وقولتله أفهم من كده إن الإعلان بتاعكم هاينزل بالسعر الجديد دا بكره في ملحق سيارات الأخبار ..رد وقاللي بعد تفكير إن الإعلان ثابت وما بيتغيرش..
تخيلوا النصب !!!