يا جمـــاعة بيجو 308 ولا كورولا 2008 انا بجد محتارة

[bmya]

يا استاذ فادي افهم من كلام حضرتك انك تقصد ان البيجو اكتر اعتماديه من الياباني ؟؟؟!!!

لو حضرتك تقصد كده يبقي ممكن تكون بتكلم عن ال504 اللي هي اي حداد ممكن يخرطلك رفرف او سقف وانت واقف
غير كده يبقي حضرتك مش فاهم وعني كلمه اعتماديه صح
البيجو طبعااااااااااااااا احدث واعلي في التكونولوجيا وتتفوق علي التويتا في كل حاجه الا منطقه الاعتماديه دي
وعلي فكره الاوروبي كله كده مش البيجو بس
يعني الرينو مثلا والسيتروين عربيات ملهاااااااااش حل بس دور عليهم كده
صيانه صعبه جداااااااا
قطه غيار غاليه جداااااااااا
سعر اعاده البيه منخفض جدااااااااااا
بقي فين الاعتماديه بقه

[أبو عبدالله]

الأعتمادية موجوده بس الناس مبتشوفشي كويس ومعندهاش خبره كويسه

[kareem_Ashmawy]

ويا سلام على العوامان بتاع 405

أنا مليش فى المناقشة دى
بس الكلمة دى غير صحيحة بالمرة
أنا معايا الــ405
و باخد بيها غرز غبية و على سرعات منهم واحدة على 130
وكانت غرزة قطم
و العربية الحمد لله تمام التمام فى الثبات
و لو حضرتك تدخل على منتدى بيجو هتلاقى الكلام ده من كذا واحد
انما التعويم ده ممكن يكون كان فى سبب معين كاوتش او عفشة او شنوط
انما دى مش حاجة معروفة خالص عن الـ405 و الكلام بحيادية تامة
وتقبلوا وافر احترامى

[Powert]

اول مرة اسمع ان ال 405 بتسخن العربية دي عندنا ومع خالى برضه عمرها ما سخنت ولا احتاجت قطع غيار

العربيتين عاملين تقريباً اكتر من 300 الف من غير اي صيانة تذكر ولا حتى بتروح التوكيل ولا عمرنا عملنا صيانة هناك غير اول واحدة بس

ومشاكل اللي كانت في العربية هو انقطاع سلك التبرياج بعد 6 سنين استخدام بس

وبصراحة انا شايف ان التكيف بتاعها تلاجة

وتقريباً بيجو دلوقتي قطع غيارها هتبقى في نفس تمن التويوتا

بنسبة لثبات البجو اكيد احسن 100 مرة من تويوتا عمر العربية عومت معانا

على عكس تويوتا كرولا القديمة معروفة بتعويم بعد ال 120

على العكس بيجو ثباتها خرافة

[hazem_khidr]

احنا في الثمانينات لم نجرب اي سياره ياباني ومكناش نعرف الا فيات وبيجو ومرسيدس هنا في مصر بس

يا ابو عبد الله الياباني مكنش بعيد عن مصر و متهيالي المصريين واعيين يعني لو كان ينفع مصر كان زمان التجار نزلوا اشتروا اي عربيه من اي حته لكن الياباني كان موجود لكن مش منتشر لشكله الردئ و قوه الانتاج الاوربي بجانبه
بالضبط زي دلوقتي كده لما بنتكلم عن عربيه و نقول لاء مش حركبها لان العربيه دي كوري!!
بالضبط دا اللي كان بيحصل مع الياباني اول التمانينات كان يتقال يع دي عربيه ياباني.

ولو جربنا موجود عربيات نازله من الخليج موديل 80 و82 شغاله في شوارعنا وتركبها ولها تكييف شغال مش زي البيجو والفيات اللي عمري ما ركبت ولقيت واحده منهم فيها تكييف شغال ولو شغال يبقى حالته يرثى لها

الاوربي عموما مكنش بيهتم بالتكييف و كمان جو مصر اياميها كان كويس مش محتاج تكييف زي دلوقتي و حتي افخم و اعرق ماركات السيارات العالميه زي مرسيدس و طبعا اسم مرسيدس اكبر من اي اسم تاني كان بتنزل عربيات كتير من غير تكييف
و بيركبها ناس مستواها المادي و الاجتماعي مرموق جدا و مكنوش محتاجين تكييف.
لكن دلوقتي الوضع اتغير و التكييف الاوربي بقي قوي و ممتاز

وانا لم اقلل من شأن 405 فعلا ولكن كانت معروفه بالسخونيه مثلها مثل الفيات في هذا العيب الذي هو لحد الأن متواجد في سياراتهم بشهادة راكبيها

البيجو عموما عمرها ما بتسخن و عمري ما سمعت عن عيب زي دا ولو فردي حتي فيها.
اما بالنسبه للفيات ما ينفعش اعمم كام عربيه سخنت و اقول الفيات كله بيسخن
انا ركبت 128 و 132 Gls و 132 2000 و ارجينتا و 125 سبيشيال و 125 بولندي و عربيات كتيييييييييييير ولا اي عربيه قابلني فيها حكايه السخونيه دي مش عاوز اقولك اني كنت في عربيات عاوز اركب لها ترموستات علشان تسخن و درجه الحراره تبقي في النص كعاده كل سيارات فيات.
و بعدين عربيه في معظم تاريخ مصر كان ليها تلت السوق المصري و لفتره طويله مش معقول كل اللي راكبينها مش بيفهموا و يدفعوا فيها اكتر من اي عربيه اسيوي!!!!

انا ليا سيارة صديق مازدا 323 موديل 82 لس عامله عامره من حوالي 3 سنوات فقط

و انا كان عندنا فيات 132 2000 موديل 81 لحد ما اتباعت سنه 2004 الموتور بتاعها محدش حط ايه فيه ولا حتي جوانات غير بس اويل سيه و السيور المعتاده و بس

والعربيه اقسم بالله قبل العمره كانت بتجيب على الثاني 80 و 90 كم في الساعه والتكييف شغال وجودة الخامات وشكل التابلوه وراحة الكراسي وقلة استهلاك البنزين مقارنة بأي عربيه تانيه

تعالي بقي افرجك علي عربيه 131 مع واحد قريبي متهانه و بتجيب ال 180 لحد انهارده بمنتهي السلاسه
اول 40 تاني 90 تالت 1400 رابع 180!!!!!!!!!

ويا سلام على العوامان بتاع 405

لا اسمحلي مفيش 405 بتعوم دي ممكن زي ما الاخوه الاعضاء قالوا كده عيب كاوتش..
............
من الاخر البيجو 308 برقبه الكورولا
سحب و نعومه و قوه و عفشه و صاج و طول عمر و كل شئ
لكن وضع الخليج و مصر بيفرض النويوتا لرخص قطع غيارها و سهوله صيانتها
و اعتقد ان الوضع دا مش حيستمر كتير لان الياباني بدأ ياخد نفس المنهج الاوربي

[sa3dawy]

انا شابف اننا خرجنا عن الموضوع الاساسى (كدا ممكن نفتح موضوع اسمة "ايهما اكثر اعتمادية")
انا شايف ان ال308 احسن من الكورولا بكتييييييييييييير ثبات احسن شكل اجمل كماليات اكتر راحة افضل نعومة اكتر
لو عائلة وعايزة تركبى 5 افراد يبقى كورولا
بس انا رأى البيجو 308 احسن بكتــــــــيــــــــــــر اوى اوى اوى

[maro11111]

الســلام عليكم قبل اي حاجه :blush5: , عشــان ما أنساش أي حد
أنا متشــكرة لكل عضو دخل وإداني رأيو فالموضوع وكوني إني ماليش خبرة كويسه فموضوع العربيات ده..
حبيت أستشيركو طبعا وباين ماشاء الله عليكو كل واحد فيكو فاهم كويس هوه بيقول ايه .
لكن إسمحولي هيه الفكــرة من سؤالي إني أجيب عربيه تجمع الفخامة والإعتماديه زي ما حضراتكو قلتو قبل كده.
لكن بما إن الإستخدام هيكون لبنت اللي هوه حضرتي عشان كده موش عايزة حاجه تتعبني و بعد سنتين ثلاثة تقف بيا وأدور على حد يساعدني وأحتــار بيها وفي نفس الوقت يكون تكلفة مصاريفها معقوله.
أنا كان وجه الحيرة عندي موش ثمن العربيه على فكرة لأنها تقريبا عندنا هنا الكورولا معروفه اكتر من البيجو, والبيجو أغلى كمان لكن انا هنزلها مصر و اللي اضمن لي وأحسن لي في مصرهوه اللي هشتريه ؟؟
يعني البيجو 308 رقم واحد ثمنها 90 الف درهم بينما الكورولا رقم واحد (فل اوبشن) 64 الف درهم.. متخاييلين الفرق ولو دخلتو عى لموقع بتاع البيجوهتلاقو البيجو 308 فيلاين حاجه وهميه انا شخصيا رحت الوكيل واتوهمت لما شفتها حقيقي حاجه خرافيه.
لكن المشكله ان هنا موش بيحبذو البيجو عشان قطع غيارها وصيانتها هوه توكيلها فقط بس ..وماحدش تاني بيفهم فيها .. ليا وحده صاحبتي حصل حاجه فالكهربا بتاعة عربيتها البيجو 306 ولحد دلوقتي موش عارفه تصلحها زي الاول ودفعت قد كده في التوكيل بينما طبعا الكورولا المدن الصناعيه هنا مليانه قطع غياروأسعارها كويسه.
رحت على فكرة سألت عالفتيس بتاع الكورولا وقالولي ان ماحدش اشتكي عليها خالص وان معظم الناس بتستخدمها اتوماتيك. العربيتين على فكرة الفتيس بتاعهم اتوماتك ومانيول (على قد معرفتي)
عموما أحب برضه اسمع أكبر اراء ممكنه عشان لو اشتريت العربيه وباظت مني حد فيكو اللي هيصلحهالي ( بهزر معاكو طبعا)
وياجماعة اللي عندو فكرة عن الجمارك للاتنين لو نزلتها بعد سنه ونص تبقى بكام يا ريت يقوللي ..
مستنيه ردكو ومتشكــرة اوي لكل حد إهتم بالموضوع

[Chicco]

الأخت الفاضلة ...الفتيس بتاع الكورولا اللي عليه الكلام مش موجود في الخليج انما نزل في العربيات اللي في مصر ....زاي ما قلت لحضرتك قبل كده في مشاركتي السابقة (معلهش السجال كان حامي شوية و طبعا فيه كلام راح في النص )

الكورولا الخليجي الأتوماتيك ما فيهاش مشكلة و زاي الفل و إن شاء الله صيانتها تبقى سهلة في مصر في مراكز خدمة تويوتا (غير التوكيل )

ربنا يوفقك

[Mosso]

عفوااااااااااااااااااااااااااااااااااااااااااااااا ا,,,
انا اؤيد بشدة كلام الاستاذ ابو عبدالله في كل كلامه,
معلش انا عندي 4 اصدقاء يمتلكوا بيجو 307 منهم واحده 307SW
والله والله والله محدش منهم مشتكاش من مشكلة الكمبيوتر بتاع العربيه
ده منهم واحد نازل من على كوبري بيدوس فرامل الشاشة قاليتلوا System ERROR!!!!!!!!! و موقفتش!!!!!!< و كانت عامله 26000 و كان لسه عاملها صيانه>
اضطر يستخدم الـhand break بالراحه على منزل كوبري,,,
بيجو كرفاهيه تكسب و بمراحل عن تويوتا برأي ناس كتير (لكن في رأيي الشخصي كورولا ليست اقل فخامه) انما كاعتماديه لا تجوز المقارنه بين الاثنين
و اعتقد ان استاذ ابوعبدالله كان بيقارن بال (504) و ليس (405)
لو اعتقادي صح يبقى انا مؤيد ليه
ال504 من اكثر السيارات الطائره في مصر و بيسموها ما بين المحافظات ( النعش الطائر )
انا مره اضطريت اركبها من اسكندريه لطنطا لظروف ان مكانش في غيرها في الوقت ده
اتشهّدت اكتر من مره
اذا كنتم لا تعرفوا اعتمادية الياباني
هاتوا بيجو موديل 90 اي فئه و قارنوها مثلا بكريسيدا موديل 85-86-87
و اذا كان التجار في مصر مبيجبوش السيارات اليابانيه فده اكيد لمصالح كتير
و غير المصالح المواطن المصري صعب جدا انه يتقبل انه يركب حاجه ميعرفهاش و احنا مكناش نعرف غير الاوروبي في الوقت ده نتيجه لاستمرار حقبة الاستعمار عقبال مبدأنا نتقبل ان في دول صناعيه تانيه
و المصريين معرفوش السيارات الياباني غير لما سافروا الخليج و ركبوها و عرفوا يعني ايه ياباني ساعتها فضلوها عن السيارات الاوروبي
انما في الوقت الحالي السيارات الاوروبيه في رأيي رفاهيه عاليه جدا لكن تحتاج لعنايه خاااااااااااااااااصه جدا
من الاخر عايزه جو و طرق اوروبيه

[أبو عبدالله]

لكن إسمحولي هيه الفكــرة من سؤالي إني أجيب عربيه تجمع الفخامة والإعتماديه زي ما حضراتكو قلتو قبل كده.
لكن بما إن الإستخدام هيكون لبنت اللي هوه حضرتي عشان كده موش عايزة حاجه تتعبني و بعد سنتين ثلاثة تقف بيا وأدور على حد يساعدني وأحتــار بيها وفي نفس الوقت يكون تكلفة مصاريفها معقوله.

استخدام بنت صدقيني بعد 3 سنين والكلام ده البيجو احتمالات انها تتعيك كبيرة جدا عن الكورولا
الكورولا معروفه في السوق والمصاريف الأقل في صالحها وليست في صالح البيجو

لكن المشكله ان هنا موش بيحبذو البيجو عشان قطع غيارها وصيانتها هوه توكيلها فقط بس ..وماحدش تاني بيفهم فيها .. ليا وحده صاحبتي حصل حاجه فالكهربا بتاعة عربيتها البيجو 306 ولحد دلوقتي موش عارفه تصلحها زي الاول ودفعت قد كده في التوكيل بينما طبعا الكورولا المدن الصناعيه هنا مليانه قطع غياروأسعارها كويسه.

\

الكلام ده بيدل على كلامي ان البيجو فيها احتمالات يكون فيها مشاكل
عمرك سمعتي الكلام ده عن الكورولا ولو مره ان في مشكلة في الكهرباء

هو ده اللي بقصده

----------------------------------------------

عفوااااااااااااااااااااااااااااااااااااااااااااااا ا,,,
انا اؤيد بشدة كلام الاستاذ ابو عبدالله في كل كلامه,
معلش انا عندي 4 اصدقاء يمتلكوا بيجو 307 منهم واحده 307SW
والله والله والله محدش منهم مشتكاش من مشكلة الكمبيوتر بتاع العربيه
ده منهم واحد نازل من على كوبري بيدوس فرامل الشاشة قاليتلوا System ERROR!!!!!!!!! و موقفتش!!!!!!< و كانت عامله 26000 و كان لسه عاملها صيانه>
اضطر يستخدم الـhand break بالراحه على منزل كوبري,,,
بيجو كرفاهيه تكسب و بمراحل عن تويوتا برأي ناس كتير (لكن في رأيي الشخصي كورولا ليست اقل فخامه) انما كاعتماديه لا تجوز المقارنه بين الاثنين
و اعتقد ان استاذ ابوعبدالله كان بيقارن بال (504) و ليس (405)
لو اعتقادي صح يبقى انا مؤيد ليه
ال504 من اكثر السيارات الطائره في مصر و بيسموها ما بين المحافظات ( النعش الطائر )
انا مره اضطريت اركبها من اسكندريه لطنطا لظروف ان مكانش في غيرها في الوقت ده
اتشهّدت اكتر من مره
اذا كنتم لا تعرفوا اعتمادية الياباني
هاتوا بيجو موديل 90 اي فئه و قارنوها مثلا بكريسيدا موديل 85-86-87
و اذا كان التجار في مصر مبيجبوش السيارات اليابانيه فده اكيد لمصالح كتير
و غير المصالح المواطن المصري صعب جدا انه يتقبل انه يركب حاجه ميعرفهاش و احنا مكناش نعرف غير الاوروبي في الوقت ده نتيجه لاستمرار حقبة الاستعمار عقبال مبدأنا نتقبل ان في دول صناعيه تانيه
و المصريين معرفوش السيارات الياباني غير لما سافروا الخليج و ركبوها و عرفوا يعني ايه ياباني ساعتها فضلوها عن السيارات الاوروبي
انما في الوقت الحالي السيارات الاوروبيه في رأيي رفاهيه عاليه جدا لكن تحتاج لعنايه خاااااااااااااااااصه جدا
من الاخر عايزه جو و طرق اوروبيه

أولا احب ان اشكرك على هذه المداخلة القيمة

واؤيد كلام في اني كنت فعلا اقصد 504 وليس 405 لأني دائما بتلخبط بينهم
بس انا لما حسيت ان الموضوع هيدخل في كلام مالوش لازمة قولت خلاص
لأن المعلومة اللي عندي قولتها وخلاص
اي حد عاوز يصدق يصدق واللي مش عاوز يصدق ميصدقشي
بس انا بتكلم على تجارب شوفتها وليس كلام ناتج عن ثقافة قديمة متخزنة

ومش عارف الناس ازاي مش شايفه الكلام ده عن البيجو
انا عاوز اي حد من اللي بيتكلمو على اعتمادية البيجو يروحوا لورش صيانتها ويشوفو العيوب ايه اللي ملكها بيشتكوا منها دلوقتي

ولو بتتكلم على القديم

المشكلة ان هنا في مصر بنقارن العربيات الياباني 1300 بي العربيات 2000 سي سي الفرنساوي او الأوروبي

يعني بنقارن اقل فئة في اعلى فئة

عاوز تقارن زي ما اخويا الفاضل موسو قال قارن بالكورسيدا مثلا وانت تعرف انا بتكلم على ايه

[harphosh]

وانا لم اقلل من شأن 405 فعلا ولكن كانت معروفه بالسخونيه مثلها مثل الفيات في هذا العيب الذي هو لحد الأن متواجد في سياراتهم بشهادة راكبيها

يا اخي ده انا كنت اركب المازدا وبعدين اركب البيجو احس اني بحارب مفيش اي راحه ولا في الركوبه ولا السواقه ولا الاداء
والله فرق السما من الأرض
ويا سلام على العوامان بتاع 405


يا راجل ده عربياتها لسه لحد الأن بتسخن
في عربيه دلوقتي بتسخن وتمسك حرارة
ده الصيني معملهاش[/quote]
عزيزى أبو عبد الله / بعد صباح الفل
شهادة حق وعن تجربة
السيارة ال 405 أقصى درجة حرارة ليها معايا هى 80 درجة يبقى بتسخن منين علما بأن الرادياتير الألمونيوم لسه فيها .
وفعلا لا تقارن بالماذدا الـ 323 عربيتى السابقة لأنها أقوى منها وأحسن منها بكثير يمكن أخشن شوية بس لا تقارن .
ثالثا بالنسبة للعومان فبصدق وصلتها إلى سرعة 195 كم على الساعة وي اخى سبحان الله محستش بموضوع العومان ده ويمكن أكون أنا ما بحسش .
وده رأى شخصى مش دفاع عن السيارة فلولا اختلاف الأذواق لبارت السلع .
مع تحيات بيجوهاتى قديم

[fahd_628]

بيجو 308 طبعااااااااااااااااااااااااااا

[Mosso]

استاذ harphosh,
بعد التحية توضيح صغير,
الكلام بتاعنا عن ال504 و ليست 405
معلش هو الاستاذ ابوعبدالله تداخل عنده الموديلين بس هو قصده على ال504
ال405 سياره محترمه جدا و يمكن هي اخر سياره نزلتها بيجو مفيهاش مشاكل الكمبيوتر الي في الجديد رغم صعوبة صيانتها و قطع غيارها الغاليه بس في رأيي احسن بكتير من البيجو الجديد الي في رأيي يحتاج معامله خاصه في ظروف خاصه غير متوافره عندنا هنا في مصر

[harphosh]

استاذ harphosh,
بعد التحية توضيح صغير,
الكلام بتاعنا عن ال504 و ليست 405
معلش هو الاستاذ ابوعبدالله تداخل عنده الموديلين بس هو قصده على ال504
ال405 سياره محترمه جدا و يمكن هي اخر سياره نزلتها بيجو مفيهاش مشاكل الكمبيوتر الي في الجديد رغم صعوبة صيانتها و قطع غيارها الغاليه بس في رأيي احسن بكتير من البيجو الجديد الي في رأيي يحتاج معامله خاصه في ظروف خاصه غير متوافره عندنا هنا في مصر

يا باشا جايز أنا ما فهمتش أخى أبو عبد الله كويس بس رأيى كان بأمانة وموضوعية بس أنا مركبتش ال 504 جايز فيها الكلام ده وعموما كلنا أخوة نسعى إلى ما فيه الخير لأخوتنا بالمنتدى وعموما ربنا يوفق الجميع لما فيه الخير والصلاح ومشكور على التوضيح .

[فادى]

يعني البيجو 308 رقم واحد ثمنها 90 الف درهم بينما الكورولا رقم واحد (فل اوبشن) 64 الف درهم.. متخاييلين الفرق ولو دخلتو عى لموقع بتاع البيجوهتلاقو البيجو 308 فيلاين حاجه وهميه انا شخصيا رحت الوكيل واتوهمت لما شفتها حقيقي حاجه خرافيه.
لكن المشكله ان هنا موش بيحبذو البيجو عشان قطع غيارها وصيانتها هوه توكيلها فقطLighten:

يا أستاذ عبدالله,
أدى الرد ببساطة, البيجو أغلى من الكورولا بحوالى 26 الف درهم كاملين, رغم ان ال308 و الكورولا من نفس الفئة (عائلية صغيرة),
و هو ده أبلغ رد, تفتكر ليه الفرق فى السعر ده؟!
انه ثمن التميز و الجودة و التكنولوجيا و جودة التصميم, البيجو بيسموها Well Designed, و فرق السعر ثمن الجودة,
و اى سيارة فى العالم بيحصل فيها مشاكل و انا شفت تويوتا ياما بتعطل و بتغلب اصحابها عادى,
شفت تويوتا ستارليت قبل كده سخنت و الرادياتير ضرب عادى ممكن تحصل فى اى عربية.
و شفت كورولا قبل كده اتعملها عمرة و هى معدية ال100 الف بشوية,
مينفعش تاخد عطل حصل و ممكن يحصل فى اى سيارة على انه دليل على رداءة السيارة لأن ما من جهاز ميكانيكى فى العالم يخلو من الاعطال.