يا جمـــاعة بيجو 308 ولا كورولا 2008 انا بجد محتارة

[Mosso]

لكن يا استاذ فادي ال 308 مش جهاز ميكانيكي فقط,
ده بياخد اوامره من جهاز كمبيوتر شديـــــــــــــــــــــــــــــــــد الحساسيه
لدرجة انه ساعات بيضرب من الحراره الي عندنا و هي دي المشكله الي بيشتكوا منها في الخليج,
نفس المشكله ايضا في سيارات فورد الجديده مشاكل الكمبيوتر شديد الذكاء والحساسيه
دي من الاخر صعب جدا تتأقلم عندنا هنا في مصر بسبب البيئه المطباتيه والجو الملتهب الي ميصمدش معهم اي جهاز كمبيوتر مهما كان
انا لا اقلل من السيارات البيجو القديم لكن في مقارنتها مع التويوتا اختلف في الرأي

[zozza]

يعني البيجو 308 رقم واحد ثمنها 90 الف درهم بينما الكورولا رقم واحد (فل اوبشن) 64 الف درهم.. متخاييلين الفرق ولو دخلتو عى لموقع بتاع البيجوهتلاقو البيجو 308 فيلاين حاجه وهميه انا شخصيا رحت الوكيل واتوهمت لما شفتها حقيقي حاجه خرافيه.

هو حضرتك في انهي بلد بالضبط
انا لسل سائل علي البيجو 308 SW امبارح في الامارات كانت ب 75 الف درهم Full Options Number1
و سألت علي الكورولا لاقيتها برضو ب 75 الف درهم Full Options Automatic

انا كمان واقع في نفس المشكلة العربيتين بنفس السعر و الجمارك بس اكيد البيجو 308 عربية انعم و افخم بكتيير من الكورولا و كمان انا حاسس ان قطع غيار الكورولا مش رخيصة اكيد و اعادة بيع البيجو اصعب و تخسر اكتر.

و دة لينك عن جمارك العربيات

http://www.nilemotors.net/Nile/showthread.php?t=32523

[sab3aawy]

السيارات الفرنسية عموما فى الوقت الحالى لها خاصية لا ادرى اذا كانت تعتبر ميزة ام عيب هو الاعتماد المفرط على التكنولوجيا الألكترونية، واستبدال كل ما يمكن استبداله من اجزاء ميكانيكا ببدائل الكترونية، ربما انه وعلى المدى الطويل وبعد ان تثبت الحلول الالكترونية اقدامها فى سوق العمل فانها تكون افضل من بدائلها الميكانيكية، ولكن فى بداية طرحها دائما تظهر منها مشاكل تشغيل تنبع بعضها من ظروف تشغيل فى بلاد بعيدة عن بلد التصنيع لم تخطر على بال المصمم(مثلا وضع المفتاح الالكترونى فى جيب مبتل بالعرق فى بلد حار) او تأثر الالكترونيات بالحرارة المفرطة فى البلاد الحارة،او التداخل مع بعض انواع الهواتف المحمولة، او تسرب مياه المطر او غسيل السيارة ....الخ، وهكذا نشاهد الكثير من المشاكل التى تنبع اساسا من الافراط فى استخدام فى التكنولوجيا الإلكترونية فى منطق لها ظروف تختلف عن ظروف تصميم السيارة

بينما نجد ان السيارات اليابانية وخصوصا من الفئة المتوسطة تحمل السمة العامة لليابنيين ، وهى انهم دائما ما تكون التكنولوجيا الخاصة بهم متأخرة بخطوة عن التكنولوجيا الغربية، ولكن تعتمد على دراسة جيدة لظروف سوق الطرح الى جانب الاعتماد على حلول تكون قد ثبتت اقدامها وحلت مشاكلهاالفنية، حتى لو لم تكن الأحدث والأكثر تعقيدا، وهذا ما يعطى للسيارة اليابانية الغير معقدة قدرا عاليا من الاعتمادية مقارنة بشقيقتها الفرنسية المزدحمة بالتكنولوجيا

وان فاتك الألمانى ......متركبش غير يابانى.....

[Mosso]

و لكن يا استاذ سبعاوي اليابانيين مش متأخرين في مجال التكنولوجيا عن الغرب,
بل هما متقدمين في مجالات تكنولوجيه عديده عن الغرب و لكن يمتازوا بانهم يقدروا يوظفوا التكنولوجيا في المكان المناسب ليها بحيث انهم يقدروا يستفيدوا باكثر قدره عطائيه من المنتج
و ليس لتأخرهم خطوه عن الغرب
هذا رأيي الشخصي,,,

[sab3aawy]

و لكن يا استاذ سبعاوي اليابانيين مش متأخرين في مجال التكنولوجيا عن الغرب,
بل هما متقدمين في مجالات تكنولوجيه عديده عن الغرب و لكن يمتازوا بانهم يقدروا يوظفوا التكنولوجيا في المكان المناسب ليها بحيث انهم يقدروا يستفيدوا باكثر قدره عطائيه من المنتج
و ليس لتأخرهم خطوه عن الغرب
هذا رأيي الشخصي,,,

اسمحلى اختلف معاك، انا على فكرة بقدر البابنيين جدا وبقدر انتاجهم وراكب عربية يابانى، لكن من خلال عملى لسنوات طويلة فى مجالات ترتبط بالتكنولوجيا المتقدمة فى عدة مجالات فاللى عرفته ان التكنولوجيا تخرج فى 99% من الحالات من امريكا وغرب اوروبا ،لكنها تكون تكنولوجيا مكلفة وغير متاحة للعامة وتحتاج لسنوات حتى تثبت اعتماديتها، لكن ما يقوم به اليابانيون فى العادة هو تطوير ما انتجه الأمريكيون والألمان لكى يكون سعره فى متناول المواطن العادى ومشاكله اقل من مثيله الأوروبى او الامريكيى ، وهذا لا يقلل من قدر اليابانيين، فانا لا يهمنى من استطاع تصنيع تكنولوجيا متقدمة بقدر ما يهمنى من استطاع ان يجعل هذة التكنلوجيا فى متناول يدى

بمعنى انه لا اول تليفويون ولا اول كاميرا فيديو ولا اول سيارو ولا اول فتيس اوتوماتيك ولا اول ميكروبروسيسور ولا اولا تكييف ولا اول غسالة ولا اول مكنسة كهربائية ولا اول شاشة بلازما خرجت من اليابان، لكن دايما هتلاقى ان اول فرصة لشراء منتج من هذة المنتجات بسعر يناسب المواطن العادى وبدون اعطال او مشاكل كانت لما اليابانيين ابتدو ينتجوا هذا المنتج وطوروا نسختهم الخاصة منه

[Mosso]

اتفق مع حضرتك في موضوع نبوع التكنولوجيا من الغرب و من امريكا,
و لكن كلامي هو نفس كلام حضرتك بخصوص موضوع تطويرها و استخدامها الاستخدام الامثل,
اذا احنا مش مختلفين في الرأي
و في رأيي برضه انهم كده ميعتبروش متأخرين هما يهتبروا عمليين

و لكن يمتازوا بانهم يقدروا يوظفوا التكنولوجيا في المكان المناسب ليها بحيث انهم يقدروا يستفيدوا باكثر قدره عطائيه من المنتج
و ليس لتأخرهم خطوه عن الغرب
هذا رأيي الشخصي,,,

[فادى]

السيارات الفرنسية عموما فى الوقت الحالى لها خاصية لا ادرى اذا كانت تعتبر ميزة ام عيب هو الاعتماد المفرط على التكنولوجيا الألكترونية، واستبدال كل ما يمكن استبداله من اجزاء ميكانيكا ببدائل الكترونية، ربما انه وعلى المدى الطويل وبعد ان تثبت الحلول الالكترونية اقدامها فى سوق العمل فانها تكون افضل من بدائلها الميكانيكية، ولكن فى بداية طرحها دائما تظهر منها مشاكل تشغيل تنبع بعضها من ظروف تشغيل فى بلاد بعيدة عن بلد التصنيع لم تخطر على بال المصمم(مثلا وضع المفتاح الالكترونى فى جيب مبتل بالعرق فى بلد حار) او تأثر الالكترونيات بالحرارة المفرطة فى البلاد الحارة،او التداخل مع بعض انواع الهواتف المحمولة، او تسرب مياه المطر او غسيل السيارة ....الخ، وهكذا نشاهد الكثير من المشاكل التى تنبع اساسا من الافراط فى استخدام فى التكنولوجيا الإلكترونية فى منطق لها ظروف تختلف عن ظروف تصميم السيارة

بينما نجد ان السيارات اليابانية وخصوصا من الفئة المتوسطة تحمل السمة العامة لليابنيين ، وهى انهم دائما ما تكون التكنولوجيا الخاصة بهم متأخرة بخطوة عن التكنولوجيا الغربية، ولكن تعتمد على دراسة جيدة لظروف سوق الطرح الى جانب الاعتماد على حلول تكون قد ثبتت اقدامها وحلت مشاكلهاالفنية، حتى لو لم تكن الأحدث والأكثر تعقيدا، وهذا ما يعطى للسيارة اليابانية الغير معقدة قدرا عاليا من الاعتمادية مقارنة بشقيقتها الفرنسية المزدحمة بالتكنولوجيا

وان فاتك الألمانى ......متركبش غير يابانى.....

أتفق معك يا أستاذ سبعاوى فى الجزء الأول و لكن بتحفظ,
طبيعى أن تسبب أى تكنولوجيا متطورة و معقدة زيادة فى الأعطال, تبعا للقانون الذى يقول "كل ميزة جديدة تساوى عيب جديد", و لكن ليس بالقدر الذى يجعلنى أبتعد عن هذه التكنولوجيا,
متفق معك أن اعتماد الفرنسيين المفرط على الالكترونيات قد يتسبب فى بعض المشاكل, الا أن هذا لا يحدث بشكل موسع, و لم يحدث مع معظم الذين يستخدمون سيارات بيجو و رينو و سيتروين فى البلاد الحارة, الا أن الصورة ليست قاتمة الى هذا الحد.
و بالطبع فان التكنولوجيا القديمة قد تكون أكثر اعتمادية, و هو ما يجعل السيارات اليابانية تتمتع ببعض الاعتمادية فى الفترة الأولى من حياتها على الأقل.
لكن أختلف بشدة مع الجملة الأخيرة,
أولا الألمانى واخد سمعته أساسا من مرسيدس و بشكل أقل بى ام دبليو, الا أن لقب "المانى" لا ينطبق على شركات مثل فولكس و أوبل, الا لكون هذه الشركات تقع داخل حدود ألمانيا فقط, و لكن لا علاقة لها بمرسيدس من قريب أو بعيد.
و فى مستوى الألمانى (و ليس بعده) لا يمكن أن ننسى الايطالى, حيث تصنع أغلى و أفضل السيارات الرياضية و التى لم يستطع الألمان حتى الأن صناعة سيارات مثلها, فبورش التى تأسست لمنافسة فيرارى الايطالية, مازالت تباع بنصف سعر الفيرارى من نفس الفئة,
و حتى مرسيدس و بى ام فى لم تستطع مجاراه النفس الرياضى المتصاعد لسيارات الفاروميو الممزوج بالفخامة,
حتى فيات التى تصنع فى العادة سيارات اقتصادية فان الطابع الرياضي يظهر حتى فى سياراتها المدمجة جدا, و اشتهرت صغيرتها باندا بلقب "فيرارى جونيور",
و قد نجحت ثورة التصحيح التى قامت بها فيات لرفع مستوى اعتمادية طرازاتها فى اهدافها تماما, و اختفت تماما سمعة فيات كسيارة كثيرة الأعطال و التى اشتهرت بها فى الستينات و السبعينات مع سيارات مثل بونتو و برافا و غير ذلك.
و تقع السيارات الفرنسية فى مساحة وسطية بين الاثنين, و هى السيارات التى دائما ما تأتى بكل جديد و غريب من الابتكارات, بالاضافة الى سمعتها الرائعة على صعيد الراحة, و سمعة بيجو فى مصر التى تكاد توازى مرسيدس و بى ام دبليو عند بعض السائقين.
لذا أعتقد أن السيارات الأوروبية تقف فى مستوى واحد تقريبا, مع تفوق طفيف على صعيد الاعتمادية للألمانى, يعوضه الاكتساح الايطالى الواضح لجهة متعة القيادة و الأداء الرياضى.
فأين اليابانيون و الأمريكيون من ذلك؟ اعتقد انهم يلعبون فى ساحة مختلفة تماما عن الأوروبيين, مع تفوق واضح للأمريكانى على صعيد القوة و التحمل و المتانة و الفخامة.

[sa3dawy]

فرامل بتوقف وكمبيوتر بيبوظ وعربية بتعطل وحسسات مش عارف اية
هو انتو بتتكلموو عن البيجو308؟؟!

[Mosso]

لا يا استاذ سعداوي مش بنتكلم عن ال308 بعينها,
احنا بنتكلم عن مشاكل البيجو الجديد عامة و بنقارن اعتماديتها بالكرولا

[ahmed1981]

بعد سماعي عن مشاكل الكورولا موديل 2008 وخاصة مشكلة الفتيس
أقول إن آخر عهد الكورولا كان 2007 إلى إشعار آخر
وأنصح السائل بالإبتعاد عنها حتى يجد من إشتروها حلاً لمشاكلها التي لم يستطع التوكيل حلها
وقد تكون الهوندا سيفك هي الحل الأمثل في رأيي

وأرجو من جبهات الياباني والفرنساوي التوقف عن الجدال الغير مجدي الذي تكرر قبل ذلك مرات بدون جدوى والنتيجة بلبلة السائل
كل واحد يقول رأيه وخلاص
وشكراً

[maro11111]

ســلام عليكم يا جمــاعة

أشكركم على ردودكم وفعلا انا حقيقي أستفد لما طرحت الموضوع ده لإني فعلا كنت حتارة اوي بين البيجو والكورولا لكن لحد لدقوتي لكن واحد فيكو ليه رايو في النوع اللي بيتهيألو انك ممكن يكوت الأحسن .
والأستاذ اللي إتفضل مشكور وإقترح الهوندا .. هيه كانت من ضمن اختياراتي لكن 1.6 مش موجود منها هنا .. فقط 1.8 وانا كنت قلت في موضوع من الأول إاني هنزلها مصر وزي ما حضراتكو عارفين الفئة اللي اعلي من 1600 سي سي بتبقى غاليه إزاي ..
وبالنسبه للأخ اللي قال اني 308 ب75 الف دي الSW
وانا بتكلم على العاديه بس البريميم او الفيلاين
تقدر تدخل الموقع ده وتشوف الاسعار www.swaidan.com
وعموما طبعا انا لما شوفت أسعار الجمارك لقيت ان البيجو أغلى في جماركها كمانمن الكورولا ..
بجد بقيت محتارة أكتر ..

بس غالبــا الكورولا كده هيه الأضمن على حسب كلامكو باللإجماع

[ramyso4]

أنا معرفش البيجو ال-308 والكورلا 2008 بس حقول رائي فالبيجو الجديد ومنغير زعل البيجو الجديد فيه اعطال كتير سمعتها من أصحابي ف بيجو 307 و-207 فال-ecu وال-206 عامةً فبصراحة الفرنسوي كلو مش مقنع ف نظري غير البيجو القديم غير كدة مش باقتنع بالفرنساوي وأفضل عليه الياباني بذات فالفئة دي عشان الفئة سعرها مفروض إنه إقتصادي وبتشتري عربية 1.6 يعني حاجة إقتصادية واليابانيين مميزين فالفئة دي كويس

[أبو عبدالله]

أنا معرفش البيجو ال-308 والكورلا 2008 بس حقول رائي فالبيجو الجديد ومنغير زعل البيجو الجديد فيه اعطال كتير سمعتها من أصحابي ف بيجو 307 و-207 فال-ecu وال-206 عامةً فبصراحة الفرنسوي كلو مش مقنع ف نظري غير البيجو القديم غير كدة مش باقتنع بالفرنساوي وأفضل عليه الياباني بذات فالفئة دي عشان الفئة سعرها مفروض إنه إقتصادي وبتشتري عربية 1.6 يعني حاجة إقتصادية واليابانيين مميزين فالفئة دي كويس

والله يا اخي مش عارف اقولك ايه
كلام مظبوط والحمد لله ان في حد برضه سمع وشاف اللي انا بقوله في الموضوع ده لأني بصراحه مستغرب الناس اللي بدافع بدافع على ايه


عالعموم يا اختي الفاضلة الكورولا هو الاختيار الأنسب لمصر عموما
من حيث حاجات كتير واولها توافر قطع الغيار وسعر اعادة البيع وعربيه ماسكه سعر عن اي عربيه تانيه في مصر بدون منازع وهيا واللانسر

وربنا يوفقك وانصحك بكثرة الأستخارة لكي ترزقي الخير ان شاء الله

[paladin]

the 308 is not the 307
read some reviews before you judge

[أبو عبدالله]

the 308 is not the 307
read some reviews before you judge

يا أخي الكريم ركز انت الأول وحاول تفهم ان احنا بنتكلم على البيجو عموما في الموديلات الجديده لها نفس العيوب