كورولا 2007 ؛ اوكتافيا a5 ؛ مرسيدس زلموكه E200 موديل 1994

[هانى القناوى]

المقارنه من حيث الاتى :


1 / قوه ومتانه الصاج
2 / قوه المحرك
3 / الثبات
4 / تحمل الطرق المكسره والمطبات العااااااليه
5 / كفائه التاكيف فى الجو النار اللى احنا فيه ده (جو الصعيد الجواااااااااااااانى )
6 /استهلاك البنزين
8 / مين اقل اعطال
9 / توافر قطع الغيار
10 / توافر الميكانيكيه اللى بيفهموا ( مع العلم لايوجد لدى توكيلات للصيانه )
11 / كل قد ايه تفتح الكبوت
12 / وسائل الامان

(ملحوظه )

1/ انا من الصعيد الجوانى يعنى ( مافيش توكيلات للصيانه والصنايعيه مش قوى وقطع الغيار مش منتشره) يعنى لازم انزل القاهره لو محتاج قطع غيار ضروريه جدااااا
2 /لو حد يعرف توكيل فى الصعيد او مكان بيبيع قطع غيار العربيات دى يقولى

3/ اعتبار ان ال 3 عربيات( حالتهم جيده)

[هانى القناوى]

الاسعار
متقاربين يعنى من 100 الى 130

[هانى القناوى]

اداره المنتدى فين
مافيش حد بيرد على استفساراتى
ياريت الاداره تشوفلها حل

[M I D O]

اداره المنتدى فين
مافيش حد بيرد على استفساراتى
ياريت الاداره تشوفلها حل

حضرتك دة الموضوع مكملش ساعة الا ربع اصبر شوية عشان الاعضاء ترد عليك وفي رايي الكورولا افضل من حيث الطلبات الي حضرتك كتبتها

[هانى القناوى]

حااااااااضر هااااااااااصبر شويه

[هانى القناوى]

شكرا يا M I D O على رايك

[ahmedalaahosny]

بص ياباشا ف حالة حضرتك الكورولا عشان قطع الغيار ويوم ما تنوى تبيع مش هتنقص قرش عن تمنها واحتمال تزيد كمان وكمان ماشاء الله الموديل ده انتشر بطريقة كويسة ف الشارع ف اكيد ده ف صالح العربية وبرده بالنسبة للزلموكة الكبر له اثاره وكمان 2000 سى سى ف عشان دعم البنزين وكده تستبعد والاوكتافيا جميلة جدا بس ماعنديش خلفية عن قطع الغيار

[M I D O]

شكرا يا M I D O على رايك

الشكر لله وحدة

[هانى القناوى]

شكرا يا ahmedalaahosny على ردك
طيب ماقولتش رايك بالنسبه ل
قوه ومتانه الصاج
قوه المحرك
الثبات
تحمل الطرق المكسره والمطبات العااااااليه

[ahmedalaahosny]

العفو ياباشا بالنسبه للصاج انا شايفه افضل من الجديد بتاع اليومين دول هو اينعم مش زي المرسيدس بس يشهد لها ان واحد معرفة والدي كان خبط فيه تاكسي شاهين ونزلنا نبص لقناها حاجة لا تذكر واكصدام الشاهين 400 حته بالنسبه للعفشة ناعمة كحال معظم الياباني وعزلها كويس والتكيف صراحة كان حلو اوي يعني احنا كنا معاه الساعة 3 الظهر ف شارع بورسعيد ف عز الزحمة قبل معرض السبع يعني احسن من غيره ف الزحمة كمان المكنة ال 1600 ماتحسش بيها ف التكيف ومن غير تكيف ماحسناش انها دايرة ماشاء الله عربية جميلة بس انا ماجربتش اسوقها عامة شوف راي باقي الاعضاء خاصة ملاكها

[هانى القناوى]

شكرا يا ahmedalaahosny على ردك
ونشوف باقى الناس هاتقولنا ايه

[هانى القناوى]

طيب يا ahmedalaahosny ماتعرفشى عامله كام كورولا 2007 لو عربيه نظيفه شركه بره جوه وعداد قليل

[zangry]

افضل حاجة الاوكتافيا

[sha2e]

1 / قوه ومتانه الصاج المرسيدس والاوكتافيا الكرولا بره الموضوع
2 / قوه المحرك مرسيدس
3 / الثبات مرسيدس والاوكتافيا - الكرولا بره برضو
4 / تحمل الطرق المكسره والمطبات العااااااليه التلاته الأفضلية بينهم فى النقطه دي بسيطه
5 / كفائه التاكيف فى الجو النار اللى احنا فيه ده (جو الصعيد الجواااااااااااااانى ) الكرولا باكتساح ثم الاوكتافيا لو تاكيفها كويس والمرسيدس لو شرق اوسط لو المرسيدس اوروبي بيكون تكييفها ضعيف
6 /استهلاك البنزين الاقل استهلاك الكرولا باكتساح لان موتورها 1300 بيشم البنزين
8 / مين اقل اعطال الكرولا
9 / توافر قطع الغيار معرفش ايه المنتشر عندكم أكتر
10 / توافر الميكانيكيه اللى بيفهموا ( مع العلم لايوجد لدى توكيلات للصيانه ) برضو معرفش عندكم ايه الوضع
11 / كل قد ايه تفتح الكبوت الكرولا لو حالتها حلوه وتحت الـ 100 الف كيلو يدوب تغير زيت وتيل فرامل
12 / وسائل الامان الاوكتافيا والمرسيدس

الكرولا : استهلاك بنزين أكتر من ممتاز - تكييف ممتاز - قلة اعطال
الاوكتافيا والمرسيدس : صاج قوي جدا - فئة اعلى - امان اكتر

الخلاصه لو اكتر استخدامك داخلي يبقى الكرولا افضل
لو استخدامك للطرق السريعه كتير يبقى المرسيدس او الاوكتافيا افضل

[ahmedalaahosny]

طيب يا ahmedalaahosny ماتعرفشى عامله كام كورولا 2007 لو عربيه نظيفه شركه بره جوه وعداد قليل

بص يابرنس علي كونتكت كار في واحده نضيفة وارد يابان خليجي وجميلة اوي اعتقد تدخل ع الموقع وتتفرج بمزاج حضرتك اللي انا بكلم حضرتك عليها دي اوتوماتيك ب 135 الف وفي مانيول ف رينج التمانينات عامة خدلك لفة ف الموقع وشوف الميزانية وبالتوفيق ان شاء الله