كورولا 2007 ؛ اوكتافيا a5 ؛ مرسيدس زلموكه E200 موديل 1994

[ahmedalaahosny]

ماهو انا برده نفسي ف بي ام الدبانة بس مكنة 1800 سي سي بس انا كده ضيعت الدعم وماخدتش قوه ال 2000 بس في عربيات راكبه فيها المكنة ال 2000 واديني قاعد مع ال 800 سي سي بتوع الماروتي لمااشوف اخرتها

[هانى القناوى]

والدى معاه بيجو 505 موديل 90 دى 2000 سى سى يعنى فى الهوا سواااااااا

[ahmedalaahosny]

طيب يا ahmedalaahosny مشاكل العيون ايه ؟؟ لو تقدر تقولى

بص ياباشا اي عربية ان شلا لو سيات 133 مع احترامي لو حالتها نضيفة عمرها ما هتقصر معاك ابدا ان شاء الله لو مراعيها صيانات ف مواعيدها وقطع غيار اصلية وبنزينك نضيفيبقي مش هتنزل من العربية ابدا لان القعدة ف الالماني مريحة خاصة الكراسي الكهربا وكمان موديل 96
انتشر واخد حقه يعني قطع الغيار موجودة وف الآخر ده قرار حضرتك انا من رايي تاخد ميكانيكي وسمكري مضمونين وتبص ع المرسيدس طلعت نظيفة اشتري متهانة يبقي بلاش خليك ف الفانتازيا وخلي بالك سمكري شاطر لاني سمعت انها ممكن تكون نصين وتتلحم باحترافية وماتبانش اقول لحضرتك علي حل افضل عشان تعرف انها مش لحام مشي ايدك ع العربية من بره كده لو لقيت العربية مية واحدة خير وبركة مش قصدي ف مسافات بعيدة قصدي زي مطب كده وكمان ابعد عن العربية بتاع 3 او 4 متر وشوف اللون نفس الدرجة ولا حته فاتحة وحته غامقة وارفعها ف بنزينة محترمة وشوف الميكانيكي رايه ايه اينعم هتصرف ف المعاينة بس هيبقي معاك عربية حالتها محترمة مش هتزعلك ابدا

[ahmedalaahosny]

والدى معاه بيجو 505 موديل 90 دى 2000 سى سى يعنى فى الهوا سواااااااا

ايه ده بسره والدي معاه جالينا برده2000 سي سي

[هانى القناوى]

يعنى يا ahmedalaahosny لو لو زلموكه e200 موديل 94 او العيون وحالتها نظيفه وعداد قليل افضل من العربيات الحديثه ؟؟
طيب توكيل مرسيدس ممكن يكشفلى على اى عربيه مرسيدس اودهالوا ؟؟
طيب قطع الغيار الجديده للمرسيدس موجوده ولا كله استيراد(استعمال خارجى ) انا بحب قطع الغيار الجديده افضل حتى ولو اغلى

[هانى القناوى]

ايه الفرق بين e200 و200 e كمبروسور

[ahmedalaahosny]

يعنى يا ahmedalaahosny لو لو زلموكه e200 موديل 94 او العيون وحالتها نظيفه وعداد قليل افضل من العربيات الحديثه ؟؟
طيب توكيل مرسيدس ممكن يكشفلى على اى عربيه مرسيدس اودهالوا ؟؟
طيب قطع الغيار الجديده للمرسيدس موجوده ولا كله استيراد(استعمال خارجى ) انا بحب قطع الغيار الجديده افضل حتى ولو اغلى

دي اذواق بس المرسيدس ضخمة ومكنة عفية مابيانش عليها القدم لو صاحبها مراعيها اما بالنسبة لموضوع التوكيل طبعا بس هياخدوا فلوس بالنسبه لقطع الغيار اي حاجة تبع العفشة جديد والباقي استيراد عشان تضمن انك ماتشتريش قطعة مضروبه آخرها شهر ومع السلامة

[ahmedalaahosny]

ايه الفرق بين e200 و200 e كمبروسور

الكمبريسور المكنة بتطلع 192 حصان وفيها ستارة خلفية كهربا وتمنها اعلي من ال 200 العادية المكنة العادية بتطلع 136 حصان والتجهيزات المذكورة ف الاعلان

[هانى القناوى]

لكن مرسيدس العيون e200 استهلاكها زى الزلموكه e200 موديل 94 ؟؟
طيب على العيون سمعت انه فى منه تقفيلى مصرى هل د صح ولا لا ؟؟

[هانى القناوى]

اقصد استهلاك البنزين

[ahmedalaahosny]

الزلموكة اعتقد كانت كاربراتير علي فكرة والعيون انجيكشن ومش متاكد من حوار التقفيل المصري ده وياريت لو تحدد مصدر المعلومة

[هانى القناوى]

ده واحد كان قالى من احد المواقع ان فى عيون تقفيل مصرى بس معرفشى كلامه صح ولا لا قلت اتاكد من حضرتك.
طيب الانجكشن ده بيوفر عن الكاربرتير وده برضوا بتستخدمه العربيات الحديثه ؟؟ولا ايه ؟؟

[ahmedalaahosny]

وارد يكون في بس صراحة ماسمعتش بس جايز يكون قبل الالفينات بسنتين ولاحاجة لان الاعلان اللي جايبه لمعاليك مكتوب فيه الماني مش مصري بالنسبة لحوار التوفير الانجكشن طبعا بس بعد حوار الدعم ده الكاربراتير هيبقي اوفر ولو غاز مش عيب برده بالنسبه للعربيات الحديثة هو ياباشا بتاع الجديد كله هو فكرته كمبيوتر بيحدد كمية الهوا مع كمية البنزين عشان يعمل احسن ظروف لحرق البنزين

[ahmedalaahosny]

في زلموكة e220 انجكشن موديل 95 يمكن قبل العيون ماتنزل بشهور قليلة هي 2200 سي سي وعاملة 120 الف كيلو وفيها abs ووساده هوائية للسائق واوتوماتيك وستائر مثبته ع الرخصة طالب فيها 110

[ahmedalaahosny]

ده ف حالة ان حضرتك مغرم بالزلموكة انما لو بتدور ع التجهيزات يبقي العيون افضل