كورولا 2007 ؛ اوكتافيا a5 ؛ مرسيدس زلموكه E200 موديل 1994

[هانى القناوى]

بجد شكرا على المجهود الكبير يا ahmedalaahosny
احسن ناس المنصوره كفاي حضرتك منها
انا بجد دلوقتى محتار بين العيون 96 e200 اوكتافيا 2010 من 140 الى 145 الف جنيه واغلب الامكانيات واحده بس المشكله فى الفيتيس الاستبترونك ده ماجربتهوش وماعرفشى اى حاجه عنه

طيب لو حضرتك مكانى هاتعمل ايه هاتختار مين ؟؟ وايه الاسباب اللى تخليك اخترت النوع ده ؟؟
انا مش هاتفرق القطع الغيار غاليه طالما انها معمره جداااا مش اركبها وبعد شهر تبوظ وتترمى واجيب غيرها انا من النوع احب اجيبى الحاجه وانسااااااااااااااااااااااهاااااااااااااااااا
رايك يهمنى

ومعلشى انا تاعب حضرتك ومتشكر للمره التانيه

[ahmedalaahosny]

بجد شكرا على المجهود الكبير يا ahmedalaahosny
احسن ناس المنصوره كفاي حضرتك منها
انا بجد دلوقتى محتار بين العيون 96 e200 اوكتافيا 2010 من 140 الى 145 الف جنيه واغلب الامكانيات واحده بس المشكله فى الفيتيس الاستبترونك ده ماجربتهوش وماعرفشى اى حاجه عنه

طيب لو حضرتك مكانى هاتعمل ايه هاتختار مين ؟؟ وايه الاسباب اللى تخليك اخترت النوع ده ؟؟
انا مش هاتفرق القطع الغيار غاليه طالما انها معمره جداااا مش اركبها وبعد شهر تبوظ وتترمى واجيب غيرها انا من النوع احب اجيبى الحاجه وانسااااااااااااااااااااااهاااااااااااااااااا
رايك يهمنى

ومعلشى انا تاعب حضرتك ومتشكر للمره التانيه

العفو ياباشا انا لو مكان حضرتك هختار اوتو لان الاستبترونك مش اي حد يمد ايده فيه توكيل وحساسات ووجع دماغ بس هو بيدي حضرتك تحكم ف السرعة زي المانيول بس من غير دبرياج محدش بيحس بحوار الدبرياج غير اصحاب الماروتي الدواسة عالية وحتي حارات الفتيس بعيدة حاجة تجيب الشد العضلي ف اول 5 دقايق سواقة كمان الاوتو لو حصل فيه حاجة عندك الحرفيين موجود فيها شيل القديم وحط الجديد من غير صداع اما الاستبترونك هيبقي اغلي اكتر وطبعا ليه متخصص فك وتركيب وحتي غيار الزيت لازم واحد فاهم اتمني اكون افدت حضرتك

[هانى القناوى]

اولا مرسيدس عيون E200 1996
فبريكة جميع الكماليات

• ناقل أوتوماتيك
• تكييف
• سنتر لوك
• باور ستيرنج
• 4 باب
• مثبت سرعة
• نظام EBD
• نظام ABS
• فتحة سقف
• زجاج كهربائية
• وسادة هوائية
• كراسى كهرباء
• ميمورى
• فرش جلد بيج
• سى دى تشنجير

ثانيا اوكتافيا 2010

• ناقل أوتوماتيك
• تكييف
• سنتر لوك
• باور ستيرنج
• 4 باب
• مثبت سرعة
• نظام EBD
• نظام ABS
• فتحة سقف
• زجاج كهربائية
• وسادة هوائية

كده العربيتين فيهم نفس الامكانيات ماعدا ان اوكتافيا فيها طاره مالتى للتحكم بالصوت و التكيف بلوتوث مريات تعتيم و مرايات ضم وحدات اغلاق تكييف امامى و فتيس استبترونك


اما العيون فيتيس اوتوماتك كراسى كهرباء ستاير كهرباء


ده اللى انا عرفت الاختلاف بين التنين لجد دلوقتى بالاضافه فرق العدادات المرسيدس198,000 كم واوكتافيا 80.000



والسعر العيون 140 الف واكتافيا 2010 145الف


انا شايف ان الاختلاف فى التجهيزات مش مؤثر جامد وكمان مقابل ده الصاج لصالح العيون

بس معرفشى العداد مؤثر ولا لا انا قالولى ان عمره المرسيدس على مليون كيلوا علشان كده المرسيدس غااااااالى

طيب هى الاوكتافيا كل موديلاتها مش اوتوماتك ؟؟ ( a5 ) علشان a4 اديق
متهيلى ان المرسيدس تكسب ولا ايه راي حضرتك برضوا منك نستفيد انا شرحت اللى فهمته وهاسيبلك التعليق



ومتشكر تانى وتانى وتانى على مجهودك معايا

[ahmedalaahosny]

خلي بال حضرتك ان دي فانتازيا مش a5

[هانى القناوى]

طيب على كده الفانتازيا ارخص ؟؟
طيب a5 برضوا مش اوتوماتك ؟؟
طيب مين تكيفه اقوى ؟؟

[ahmedalaahosny]

في حته a5 موديل 2008 اوتوماتيك عاملة160 الف جنية بس فابريكة بره وجوا وعداد 40 الف كيلو بس من غير الطارة المالتي ولا ايرباج صراحة انا شايف انه مبالغ ف السعر اوي يعني ازاي اغلي من الفانتازيا

[هانى القناوى]

160 الف دى نااااااااااااااااار

[ahmedalaahosny]

بالنسبة لحكاية التكيف الاقوي الاتنين 1600 سي سي

[ahmedalaahosny]

بالظبط ماهو ده الاستهبال بعينه شكله تاجر وكل ده عشان فابريكة بره مع انها ممكن تكون متخربشة ومتجرحة ومش راضي يرشها عشان يقول دي فابريكة

[هانى القناوى]

طيب بالنسبه للعيون تاكيفها ايه رايك فيه ؟؟
طيب العربيه عمووما ايه رايك فيها ؟؟

[ahmedalaahosny]

اعتقد العداد ده من فرق السن ياباشا دي 2010 ودي 96 ولو بالنسبه للسعر ده في واحد عامل عداد 200 الف كيلو ب 155 الف ومن غير ايرباج بس السؤال هنا حضرتك مكنة المرسيدس 2000 سي سي يعني بره الدعم زي الوالد بريليانس جالينا 2000 سي سي ف المتوقع بعد تطبيق الحكومة للموضوع ده تمن العربيات الاعلي من 1600 سي سي هينزل جامد فشوف حضرتك لو مش مهم موضوع تمن اعادة البيع لو هتقعد مع حضرتك فتره طويلة توكل علي الله ف المرسيدس دي ركوبه الماني وثبات مش موجود ف الياباني والكوري ولو هتبيع بعد سنتين تلاته يبقي الفانتازيا واهي من ريحة الالماني برده

[ahmedalaahosny]

تكيف ال 2000 سي سي كله ماشاء الله تلاجه انا ف عربية والدي لما بقعد قدام بجيبه علي 2 او 3 ف الزحمة والحر اما لو قاعد ورا ساعات 3 بتتلج اللي قاعد ورا وساعات لما الجو بيرخم 4 بالكتير

[هانى القناوى]

ياباشا الحكومه ليه 6 شهور ومش عارفه تحص مشاكل كتيره منها البنزين والسولار والكهرباء
وبعد كده حرام يعنى انا اركب عربيه 2000 سى سى ب 140 الف او 150 الف وغيرى راكب مرسيدس 1300 سى سى ب 500 و600 الف جنيه وياخد دعم علشان اقل من 1600 سى سى
كده اسمه دحك على الدقون ولا ايه ؟
انا هاستنى لحد ماشوف شهر 7 اللى جايه اخر قراراتهم ونشوف ايه اللى هايحصل

[eleanor]

الاسكودا احسن حاجه من ناحيه الصاج والمتانه وعربيه معمره وماسكه نافسها

[هانى القناوى]

طيب يا ahmedalaahosny مشاكل العيون ايه ؟؟ لو تقدر تقولى