كورولا 2007 ؛ اوكتافيا a5 ؛ مرسيدس زلموكه E200 موديل 1994

[هانى القناوى]

2200 دا احنا مستكترين ال 2000 سى سى هههههههههه

هى تنفع المرسيدس تشتغل بالغاز الطبيعى ؟؟
طيب هاياثر على العزم او على الماتور ؟؟

[ahmedalaahosny]

طبعا ده حلاوة المواتير دي لماتجيلك سفرية علي طريق سريع وتحط بتاع 15 لتر بنزين 95 والباقي 90 تحس انها بقت طيارة نفاثه هتطلع المواهب ف الطيران هي صحيح الماني ورهيبه بس مابطرش

[ahmedalaahosny]

غاز ايه ياعم الحاج اساسا الغاز ده ف نظري استهبال تكلفة الجهاز 6 وشوية الصيانات تتعمل بدري وحتي كمية البنزين اللي بتستخدمها عشان تطلع مقدار من الطاقة ف الغاز محتاج ضعف الكمية عشان تطلع مقدار الطاقة ده يعني صرف فلوس ع الفاضي وياحلاوة لو التكيف شغال الكمية هتزيد عشان العزم يزيد فهتستهلك اكتر دي كانت تجربة خالي مع الكابرس الامريكي بعد ماقلبها غاز وف الاخر اشتري موتور شيفورلية الدبابه وسقطه وريح دماغه

[ahmedalaahosny]

هو فعلا لو حوار الغاء الدعم ده حصل يبقي الفانتازيا افضل عشان اعادة البيع والدعم واهي برده الماني

[هانى القناوى]

يا ahmedalaahosny حضرتك لما جبتلى مواصفات العيون لقيتها عاااااليه وامكانيات ضخمه وكفايه صاج المرسيدس اللى مالهوش مثيل غير عربيات تانيه كتير لو حد خبطها برجله تلاقيها اطبقت

[ahmedalaahosny]

ماهي دي اجمل حاجة الصاج المحمل ده يستحمل جامد ومكنة جميلة جدا وعلي فكرة البنزين اللي بره الدعم مش هيبقي غالي لدرجة فاجعة يعني كبيره 4جنية 75 قرش بس المشكلة انه ممكن يتهرب ويتباع ف السوق السودا واللي مش عاجبه السعر يقضيها مشي

[هانى القناوى]

استهلاك العيون (e200 ) للبنزين اكتر ولا نفس استهلاك الزلموكه 94 (e200 )
ناس قالولى استهلاك الزلموكه 94 e200 حوالى 190 الى 200 كيلوا فى الصفيحه
الكلام صح ولا لا يا ريت تعرفلى وتقولى

[ahmedalaahosny]

اساسا الموديل ده كان انجكشن كان فيه مكنة العيون فطبعا ماينفعش معاها البنزين ال 80 كمان العيون الهيكل بتاعها كان اثقل من الزلموكة فاكيد استهلاك اعلي بس مش للدرجة ممكن يكون اللي حضرتك كاتبه صح

[هانى القناوى]

هو لو من 190 الى 200 كيلو للصفيحه يبقى معقول
وخصوصا 200 سى سى ووزنها الضخم

[هانى القناوى]

2000

[هانى القناوى]

ايه الفرق بين
اوكتافيا a5
اوكتافيا فانتازيا
اوكتافيا mp1

[ahmedalaahosny]

الفانتازيا ده الجديد من A5 mpi اساسا فرق الام بي اي ده المكنة بتطلع قوة اعلي من العادية

[ahmedalaahosny]

بس علي فكرة المكنة الام بي اي دي نزلت ف الفانتازيا برده بس طبعا هتكون اغلي شوية من العادية

[هانى القناوى]

افهم ن كده اللى يفرق a5 والفانتازيا شكل الكشافات اللى نزلت بيه الفانتازيا
والفرق بين الفانتازيا و mpi قوه المحرك ؟؟؟؟؟؟؟
يعنى mpi مكنه اقوى من الفانتازيا وa5 وسعر العربيه اغلى ؟؟؟
كده انا فهمت صح ولا لا ؟؟؟؟؟؟؟

[ahmedalaahosny]

ياهاني باشا ال mpi دي مكنة الهورس باور بتاعها 105 حصان يعني اكبر من المكنة العادية اللي ف الفانتازيا والاوكتافيا A5 العاديين مع العلم ان الموديلين دول في منهم اصدارات فيها المكنة دي بس تمنها اغلي من العادية لان دي لهوات الشد والسرعة لان الهيكل برده بتاع الفانتازيا والاوكتافيا A5 اثقل من A4 بمراحل فعامل ثبات هايل لانه في A4 اعتمد علي خشونة العفشة عشان يحقق تبات كويس جدا فعشان كده سحب العربية بيبقي ف الاول هادي وبعدين بتشد جامد يعني بتجيب 180 مرتاح وفيها نفس كمان تزود ل 200