مقارنه قوية بين تويوتا كورولا 2014 و رينو فلوانس 2014

[Hany Saad]

المقصود أن أي موديل جديد لأي ماركة سيارة بتكون أسعار قطع غياره غاليه في البداية .. وبعد كدة بيقل مع أنتشار العربية في السوق .

بمعنى أخر : أنا كوكيل لسيارة ما .. ونزلت عربية جديدة في السوق .. أكيد مش حجيب ليها قطع غيار كتير في المخازن بتاعتي غير لما أشوف انتشار العربية حيكون أيه .. وبالتالي لما اشتري عدد قليل من قطعة غيار معينة (زي الفانوس أو التيل مثلاً) حيقف عليا سعره أغلى عن لو اشتريت 100 قطعة .

أعتقد الموضوع بيبقى مختلف شوية.....العربية فى الأول لما بتكون جديدة و بيتعملها طلبية قطع غيار، مش ممكن طلبية قطع الغيار تغطى أقل مساحة متاحة للشحن البحرى و هو كونتينر 20 قدم (حوالى 34 متر مكعب).....بتبقى زى ما حضرتك تفضلت و أشرت قطع بسيطة التوكيل بيغطى بيها نفسه لحد ما يشوف أيه القطع المطلوبة و حجم الطلب عليها و حجم العربيات المباعة....الحل فى الأول أنه يطلب قطع الغيار بالشحن الجوى و ده بيخلى سعرها مضاعف على العميل.....يعنى التيل من 550 جنيه بيوصل 950 بالشحن الجوى و هكذا.....

الوكيل مبياخدش خصم أكبر على الكمية زى ما حضرتك تفضلت و أشرت......السعر ثابت مهما كانت الكمية 1 أو 100 لأنها خدمة يؤديها التوكيل للشركة الأم كما ينص العقد بينهما و هو ملتزم بها، ربحه من التسعير و ليس من الكمية.....ليس لها إشتراط من الشركة الأم على الكميات التى يجب أن يطلبها فى السنة مثلما الحال فى السيارات (المبيعات).... أهم حاجة يخدم السيارات المباعة جيداً و تحديد كمية قطع الغيار راجعة لمسؤول قطع الغيار فى التوكيل أولا و أخيرا طبعا بالتنسيق مع المبيعات لمعرفة حجم السيارات المباعة......

بعد فترة من البيع (سنة مثلا) و بعد بيع كمية جيده من السيارات سوف يبدأ جميع اللى أشتروا من سنة يعملوا صيانة ال20 ألف مثلا و كلهم تقريبا عايزيين فلتر زيت و تيل فرامل و فلتر هواء و كل هذه المستهلكات....بكده نقدر نكون طلبية كويسة شحن بحرى و نزود فيها توقعات بحاجات مهمة أكيد هتكسر زى: مرايات شمال و يمين و فوانيس ورا و قدام و زجاج أمامى و خلفى و أكصدامات و هكذا.....
مع دخول هذه الطلبية و نتيجة قلة ثمن الشحن البحرى مقارنة بالجوى سوف يقل سعر قطع الغيار و تكون فى المستوى المعتاد لها بالنسبة لباقى السيارات من نفس الفئة......

أعتقد من الحاجات المهمة اللى يجب ناخدها فى الحسبان كمان و إحنا بنقارن هى ساعة الأيدى العاملة فى التوكيل كام، حضرتك ممكن القطعة يكون تمنها معقول و لكن بالتركيب و نتيجة سعر المصنعيات بيبقى سعرها مبالغ فيه جدا

على سبيل المثال سعر مصنعية الساعة فى توكيل رينو هو 100 جنيه مصرى/ساعة....تغيير الزيت يصنف كنصف ساعة شغل يعنى حوالى 50 جنيه مصنعيات....تغيير فلتر الزيت كمان نصف ساعة مصنعيات....يعنى غيار زيت و فلتر ب 100 جنيه مصنعيات.....

[Silent~Dream]

الرجاله جاوت كل حاجه بوضوح و مفيش حتى سوال الوحد يرد عليه

[EngAhmed13]

يا رجالة انا عملت امبارح حركة شديدة علشان اقطع الشورت في البـيـسـيـن :)

رحت محمد زكي وقعدت وفحصت كل حاجة في الفلوانس (المساحة، الشنطة، التصميم الداخلي، الخامات المستخدمة سواء بلاستيك او جلد قماش، التابلوه الإضاءة) وطلعت واتصلت ب رينو قط الغيار علشان اخد flavor عن التكلفة.

طلعت فورا على تويوتا التجمع وهي على بعد 10 دقائق من محمد زكي وكمان فحصت كل حاجة كما سبق في الفلوانس. ودخلت على مكتب قطع الغيار وأخدت اسعار نفس قطع الغيار اللي سألت عليها في رينو.

ورجعت تاني على محمد زكي للمقارنة للمرة الثالثة علشان ما يبقاش عندي حجة وتبقى المقارنة من التويوتا لسه طازة في دماغي.

الخلاصة لاصة لاصة :)

اسعار قطع غيار شاملة ض.م. بدون تركيب ومصنعية
البند: كورولا / فلوانس
بارابريز: 3500/ 1690الوان و1055سادة
فانوس امامي: 5225/ 1490
تيل امامي: 965/ 499
طقم بوجيهات: 625/ 154 نفس مدة الاستهلاك
سير التقسيمة: 440/ 154
فلتر زيت: 85/ 55
فلتر هواء: 135/ 114

طبعا لا داعي مني للتعليق!!!!!! ولا داعي من اي احد منكم المجادلة! على رأي المثل "لا تجادل وإلا وقعت في المحظور" :) وشكرا

تقييمي الشخصي ودي نصيحة لوجه الله تعالى....
انا مش عايز اتكلم عن التصميم الداخلي والخارجي علشان دي أذواق ولكن انا مركز على المضمون

كورولا: عربية مبالغ في ثمنها ومبالغ جدا في قطع غيارها اللي وصلت أغلى من قطع غيار عربيتي المرسيدس E200 Kompressor/2004 انا غيرت برابريز بالتركيب ب 1995جنيه من سنة وفي توكيل المعادي.

كورولا: عربية خاماتها الداخلية وملمسها وجودتها مقارنة بالسعر اللي سيدفع فيها تعتبر فقيرة. يعني لو قعدت في اي عربية كيا او هيونداي ما قبل 2009 تقريبا تلاقي نفس الخامات في كورولا 2014 وده بدون اي مبالغة.

كورولا: عربية موديلات 2013 وما قبل، سعر اعادة البيع للمستعمل "مرتفع" وكذلك قد تكون موديلات 2014... ولكن.... متهيألي ان بأسعار قطع الغيار السالف ذكرها للموديلات 2014 وما بعدها خلت العربية تدخل في رينج اغلى من قطع الغيار الأوروبي حتأثر على سعر اعادة البيع. يعني انا مش متوقع ان كورولا الجديدة سعر اعادة بيعها يبقى عالى زي اللي قبلها

الفوانس: انا مش ه علق على اسعار قطع الغيار لأنها واضحة
الفوانس: خامات محترمة جدا جدا جدا
الفوانس: تابلوه وتصميم وإضاءة حاجة تانية خالص

العربيتين واسعين جدا من الداخل وكذلك الشنطة، نفس الفيتسيس الجديد اللي كل الشركات بدأت في التحويل له (الدودج مثلا) وراجعو النت.

ولكن الكورولا تكسب في الحتة اللي ورا في النص، مش فيها هضبة، اللي بيمشي من تحتها الشكمان. وده مدي وسع زيادة، ولكن طبعا على حساب انخفاض علبة الشكمان من تحت الى 12.5سم

انا انصح اي حد بيشتري والعربية بتقعد معاه اكتر من 5 سنين ان يتوكل على الله ويشتري الفلوانس.

واشتري الكورولا لو انت
1. مش فارق معاك اسعار قطع الغيار (باشا يعني)
2. او مش فارق معاك انك تشتري وتصون العربية برة التوكيل.


وأخيرا... نقطة لا يمكن غض البصر عنها....
.................................................. .....
لو افترضنا ان سعر اعادة البيع الكورولا مرتفع عن الفلوانس وده صحيح
متهيألي بحساب فرق تكلقة صيانة الكورولا في التوكيل على مدار 5 او 6 سنوات، تكون دفعت من جيبك مقدما ثمن فرق زيادة سعر اعادة البيع اللي ه تكسبه لاحقا من الكورولا....

مفهومة ولا أشرح كمان

بجد انت حد فظيع وجبت من الأخر
بعد العيد انشاء الله هروح اخلص في سمير ريان فلوانس 155
ادعولي

[Silent~Dream]

بجد انت حد فظيع وجبت من الأخر:copy of new:
بعد العيد إن شاء الله هروح اخلص في سمير ريان فلوانس 155
ادعولي

ربنا يوفقك ان شاء الله ومبروك مقدما

[Silent~Dream]

عاشت الآيادى على المقارنه المتميزه

انا عن نفسى لو بختار هختار التيوتا تانى فئه اللى ب 185

شكرا يا باشا و تانى فئه الى ب 185 فى الكورولا هى حصانها الرابح و حصان الفلوانس الرابح فئتها ب 188 دول افضل value for money

[fdroubi]

بجد انت حد فظيع وجبت من الأخر:copy of new:
بعد العيد إن شاء الله هروح اخلص في سمير ريان فلوانس 155
ادعولي

وانا كمان بعد العيد على سمير، مبروك لينا مقدما "ربنا يرزقنا خيرها، ويقينا شرها"

[Silent~Dream]

وانا كمان بعد العيد على سمير، مبروك لينا مقدما "ربنا يرزقنا خيرها، ويقينا شرها"

مبروك مقدما يا باشا و ربنا يباركلكم ان شاء الله

[fdroubi]

حد عنده فكرة اذا فلوانس حتنزل فيس ليفت مع موتور توربو؟

ويا ترى لو صحيح قالو امتى؟

والبنزين يا ترى حيكون 92 زي الأسترا التربو ولا 95 زي الغير؟

ارجو اففادة علشان انا ممكن انتظر كم شهر لو التربو النازل

انا طرحت السؤال ده في مشاركة حائزي الفلوانس

[Silent~Dream]

حد عنده فكرة اذا فلوانس حتنزل فيس ليفت مع موتور توربو؟

ويا ترى لو صحيح قالو امتى؟

والبنزين يا ترى حيكون 92 زي الأسترا التربو ولا 95 زي الغير؟

ارجو اففادة علشان انا ممكن انتظر كم شهر لو التربو النازل

انا طرحت السؤال ده في مشاركة حائزي الفلوانس

يا باشا اى تربو سواء كبير او صغير لازم بنزين 95 و ال 92 هيشتغل عادى لكن الاداء هيقل و تصقيف مع القرص الجامد و الله اعلم هل العمر الافتراضى للموتور هيقل ولا لا و بالنسبه لموتور الفلوانس التربو مش عارف عنه حاجه خالص لو لقيت اى معلومات قدامى هضيفها ان شاء الله

[fdroubi]

يا باشا اى تربو سواء كبير او صغير لازم بنزين 95 و ال 92 هيشتغل عادى لكن الاداء هيقل و تصقيف مع القرص الجامد و الله اعلم هل العمر الافتراضى للموتور هيقل ولا لا و بالنسبه لموتور الفلوانس التربو مش عارف عنه حاجه خالص لو لقيت اى معلومات قدامى هضيفها ان شاء الله

طيب عندك فكرة عن موضوع تخفيض الجمرك/الضريبة في آخر 2013؟؟

[ramymechanics]

طيب عندك فكرة عن موضوع تخفيض الجمرك/الضريبة في آخر 2013؟؟

البلد دى علمتنا ان اللى بيغلى مبيرخصش تانى

[fdroubi]

البلد دى علمتنا ان اللى بيغلى مبيرخصش تانى

صحيح... عمرها ما حصلت...

توكلنا على الله.

وان شاء الله ابقى افتكركم بتقرير بعد شهر من الإستعمال ان شاء الله

[eleanor]

تقرير ممتاز تسلم ايدك

[Silent~Dream]

تقرير ممتاز تسلم ايدك

شكرا

[Mohamed.Hany]

تقرير جيد شكرا على مجهودك
بالنسبه لي الخيار صعب بين اعتماديه وإعادة بيع الكرولا وبين رفاهية وضخامه الاوبشن في الفلوس بالإضافة لاني بكره الكرولا ف الأساس لأنها تقليدية يعني ايه 2014 ولسه تكييف يدويا خهختار الفلوانس. احسن.
اقولك اللانوس برقبتهم هما. الاتنين

الكورولا التكييف تاتش و في منتهي الشياكة