مقارنه قوية بين تويوتا كورولا 2014 و رينو فلوانس 2014

[Hany Saad]

تسلم يا باشا على المداخلات الكريمه لكن نقطه الفرامل الفجائيه بيشتغل ba)brake assist ) و لو احتاج abs هيشتغل مع الفلاشر زى الفيديو ده فى بس دى بيجو 301 YouTube فى الدقيقه 1.14

الرينو من زمان (موجود عندى فى ميجان ii) لو كسرت سرعة ال 80 كم/ساعة و ضربت فرامل جامد، هتلاقى الأنتظار نوّر لوحده و بسرعة عالية جداً فى الطفى و التوليع غير سرعةالأنتظار الطبيعى علشان يبفهم القادمين خلفك أنك فى موقف طارىء جداً

[fdroubi]

خد عندك دي علشان نسيت اقولها في تقرير الزيارة

أروش ما في الموضوع اني لما كنت في تويوتا من يومين أكدت لمندوب المبيعات اني مقتنع 100% بالكورولا وعايز أشتري وكاش،
للأسف كان الرد...
اني لازم أدفع 50000 جنيه مقدم حجز والإستلام مش اقل من 60 يوم ومش اكتر من 90 يوم
ووقت الإستلام احتمال يكون السعر زاد عن السعر المتفق عليه

أقسم بالله ده الكلام اللي أ/ ياسر مندوب المبيعات قاله لي

سألته اني جاهز أشتري من أي موزع وأدفع زيادة، رد وقال "للأسف ما فيش ولا موزع عنده حتة"

مبروك للحاجزين... :)

[Hany Saad]

نقطة توضيح للجميع اللى بيقارنوا الكورولا مع الفلوانس فئة 185 ألف كورولا مع 188 ألف فلوانس...نفس السعر تقريباً
أنا هفكر معاكم بصوت عالى و أشوف أنا عايز أيه من العربية:
1-أحسن عربية مواصفات و كماليات ب 185 (188) ألف اللى أنا محددهم كميزانية للعريية

الفلوانس فيها فرش جلد كامل+bi xenon+فتحة سقف+نظام كارت ذكى Keyless Entry مع Start/Stop مع 6 أيرباج و مكن رفع زجاج....شوية الكماليات دول اللى فى رأى فى سنة 2014 أساسيات يعدوا ال30 ألف جنيه بالمستريح.....يبقى أنا بنفس الفلوس أخدت كماليات بأكتر من 30 ألف جنيه......الكورولا غالية علشان الين سعره عالى و عملهم أزمة فى اليابان مش علشان هو ده سعر العربية الحقيقى....و أنا كمستهلك مش لازم أدفع هذا الفرق لليابان من جيبى.....لاحظ كمان أن الكورولا سعرها عالى علشان يعوض تمن الR&D البحث و التطويرو الشكل الجديد اللى بيعملوا depreciation و يقسم تمنه على السيارات المباعة علشان يعوض المصروفات...على عكس الفلوانس اللى هى عباره عن facelift

2- عايز عربية إعتمادية جدا و قليلة الأعطال و كمان بأه شيك جداً

طول عمر الفرنساوى مشهور بالرفاهية و الشياكة و العفشة الجميلة و الثبات و لكن مشكلته الأساسية فى الأعتمادية بتاعته و أن أعطاله كتير....
طيب نشوف الفلوانس القديم نلاقى من 2010 العربية موجودة فى مصر و فى العالم و لا يوجد أى عطل مؤثر (موتور أو فتيس أو عفشة) و قد تكرر فى أكثر من عربية....العربية ثابتة وجودها جدا و سعر المستعمل منها شادد جدا و الناس بتعمل حاليا صيانة ال120 ألف و مفيش أى مشاكل غير قطع غيار مستهلكة موجودة فى أى عربية و سعر الأصلى زى أو أقل من العربيات المثيلة

قوم أيه بأه مش نسكت لأ.....نروح كمان نجيب موتور و فتيس و تكييف من نيسان لأن اليابانى معروف عنه أنه معمر و أعتماديته عاليه.....و نحطه فى الفلوانس الفيس ليفت علشان نعمل الصح.....

شكل و فخامة و وسع و خامات و تقفيل و ثبات الأوروبى مع أعتمادية اليابانى....

يعنى نحط الصح من هنا على الصح من هنا و نعمل أحلى فخفخينا....

سيارة تجمع أفضل الخصائص من المدرستين الأوروبى و الأسيوى مليانة كماليات و كلها فخامة.....

[my3fox]

أولا حابب أوضح أن الهدف من النقاش هو كشف خصائص كل عربية و ذلك للأمانة و علشان تكون الأمور واضحة للناس قبل الشراء
الكورولا كسيارة لا غبار عليها و هذه المقارانات ليس الهدف منها صرف الناس عنها و لكن الهدف هو تبصير كل الحاجزين للسيارات الجديدة سواء تويوتا أو الفلوانس بعيوب و مزايا كل سيارة.....

ردا على سؤال حضرتك....لا يوجد esp فى جميع فئات الفلوانس فى مصر....فى الفلوانس اللى بتنزل بره و لكن مفيش فى مصر بجميع فئتها....

أنظمة الأمان فى الفلوانس وكيل كالتالى:
-6 أيرباج متعددة درجات الفتح حسب شدة التصادم بالنسبة لفئة ال188 ألف
-أنظمة فرامل abs-ebd-ba متوافرة فى جميع الفئات
-5 أحزمة أمان ثلاثية التثبيت مع ضبط الأرتفاع فى الأمامية
-نظام isofix لتثبيت كراسى الأطفال حسب مواصفات الأتحاد الأوروبى
-مخادع رأس من الجيل الحديث رباعية الضبط

متشكر جداً لرد حضرتك ..... و أتفق معك تماما أن الهدف من النقاش هو تبادل المعلومات و النصيحة لكل منا
و كل واحد يقول رأيه من واقع خبرته و تجربته و نفيد بعضنا البعض....
الموضوع مش كل واحد يتحيز لرأيه و سيارته و تبقي العملية أهلي و زمالك أو نغيظ بعض.... و الكلام ده الحمد لله لم أجده في هذا الموضوع من الإخوة الأفاضل
كلنا داخلين الموقع ده علشان ندور علي معلومة أو رأي يساعدنا في عملية شراء سيارة أو تعديلها أو صيانتها علشان نوصل لأفضل قرار في ظل الظروف الصعبة اللي كلنا فيها في قطاع السيارات و إرتفاع أسعارها و إنخفاض القيمة الشرائية للعملة المحلية.....يعني لو كل واحد معاه فلوس كويسة و أسعار العربيات عندنا زي بقية الدول و خلق الله ...مش حتفرق معاه يجيب عربية و يجربها و يبيعها و يجيب التانية و يجربها....عادي
إنما إحنا في ظل ظروفنا فقرار شراء أو تغيير سيارة يعتبر معضلة كبري يستلزم التوفير لسنوات أو علي الأقل الإقتراض و تسديد القرض لسنوات برضه....

أشكر كل من رد و من سيرد في هذا الموضوع علي الحرفية في النقاش و محاولة الحوار بالمعلومة و الدلائل الصحيحة التي أفادت الكثيرين بالتأكيد

تحياتي

[bassem.naguib]

أنا كان ليا ملحوظة على موضوع قطع الغيار .. الفلوانس في مصر بقالها كام سنة .. وانتشرت أد أيه مقارنة بالكرولا اللي لسه ممشيش منها كتير .

وبالتالي قطع الغيار ومستلزمات التشغيل والصيانة أسعارها بتقل لما السيارة تنتشر أكتر .. مش عارف أنا صح في تخميني ده ولا مخطئ فيه .

[ahmad_82_03]

ارجو افادتى على نقطة استهلاك البنزين فى الفلوانس

[Silent~Dream]

الرينو من زمان (موجود عندى فى ميجان ii) لو كسرت سرعة ال 80 كم/ساعة و ضربت فرامل جامد، هتلاقى الأنتظار نوّر لوحده و بسرعة عالية جداً فى الطفى و التوليع غير سرعةالأنتظار الطبيعى علشان يبفهم القادمين خلفك أنك فى موقف طارىء جداً

الرينو ما شاء الله معروفه من زمان فى مواضيع الامان

[azahranm]

خد عندك دي علشان نسيت اقولها في تقرير الزيارة

أروش ما في الموضوع اني لما كنت في تويوتا من يومين أكدت لمندوب المبيعات اني مقتنع 100% بالكورولا وعايز أشتري وكاش،
للأسف كان الرد...
اني لازم أدفع 50000 جنيه مقدم حجز والإستلام مش اقل من 60 يوم ومش اكتر من 90 يوم
ووقت الإستلام احتمال يكون السعر زاد عن السعر المتفق عليه

أقسم بالله ده الكلام اللي أ/ ياسر مندوب المبيعات قاله لي

سألته اني جاهز أشتري من أي موزع وأدفع زيادة، رد وقال "للأسف ما فيش ولا موزع عنده حتة"

مبروك للحاجزين... :)

دي فعلا حقيقه محدش عنده و لا حته لأني فعلا حاجز في التوكيل و قلت ادور برده بره يمكن الاقيها كلهم يقولك حجز و مفيش بضاعة و مفيش اوفر برايس اصلا لان مفيش بضاعه و ده بالنسبة للفئتين التانيه و التالته بس الاولي كانت موجوده و فعلا موجوده في مصريه

[Silent~Dream]

ارجو افادتى على نقطة استهلاك البنزين فى الفلوانس

معدل استهلاك 5.1 لتر لكل 100 كيلو على الطرق السريعه و 8.6 لكل 100 كيلو داخل المدينه و متوسط 6.4 لكل 100 كيلو combined بنزين 92

[Silent~Dream]

أنا كان ليا ملحوظة على موضوع قطع الغيار .. الفلوانس في مصر بقالها كام سنة .. وانتشرت أد أيه مقارنة بالكرولا اللي لسه ممشيش منها كتير .

وبالتالي قطع الغيار ومستلزمات التشغيل والصيانة أسعارها بتقل لما السيارة تنتشر أكتر .. مش عارف أنا صح في تخميني ده ولا مخطئ فيه .

ممكن حضرتك توضح اكثر

[khaabas]

موضوع مميز جدا
لكن عن نفسي اميل للكورولا طبعا

[bassem.naguib]

ممكن حضرتك توضح اكثر

المقصود أن أي موديل جديد لأي ماركة سيارة بتكون أسعار قطع غياره غاليه في البداية .. وبعد كدة بيقل مع أنتشار العربية في السوق .

بمعنى أخر : أنا كوكيل لسيارة ما .. ونزلت عربية جديدة في السوق .. أكيد مش حجيب ليها قطع غيار كتير في المخازن بتاعتي غير لما أشوف انتشار العربية حيكون أيه .. وبالتالي لما اشتري عدد قليل من قطعة غيار معينة (زي الفانوس أو التيل مثلاً) حيقف عليا سعره أغلى عن لو اشتريت 100 قطعة .

[OilMan]

+1111111111 بكتييييييييير

طبعا مشكور علي المجهود بس ليا تعليق صغير و هو ان مجموع تكلفة الصيانات حتي 100000 كم في الفلونس اكثر من الكورولا بفارق مش قليل و راجع علي موقع رينو تكلفة الصيانات
حاجة كمان اعتقد ان الوجيهات و سير التقسيمة و التيل في الكورولا عمره اكتر من الفلونس برضه

[ALshahba]

اولا الفلونس لايوجد بها سير تقسيمه ...... تم تطويره ليكون سير جنزير ويتم تغييره كل 120 الف كم !!
اسعار قطع الغيار للكورلا مقابل الفلونس :
1- تيل الفرامل الكورولا >> 965 ج ......... الفلونس >> 499ج
2-الفانوس الامامي (كورولا/فلونس) : 5225ج/ 1490 ج
3-بربريز امامي(كورولا/فلونس) : 3500/ 1690الوان و1055سادة
4-طقم بوجيهات(كورولا/فلونس) : 625/ 154ج

مع احترامي للكورولا ولكنها اصبح سعرها مبالغ فيه مقارنة بالكماليات

[ramymechanics]

يعنى نحط الصح من هنا على الصح من هنا و نعمل أحلى فخفخينا....

أحبك يا فرغلى