خراطة المحركات

[hanyalashkr]

يا هندسه :
انا فكيت الوش و راح لحام قال انه لازم يتعمله جوانين او تغير الوش
دلوقتى انا بادور على وش تانى استعمال
ايه رأيك اعمر الوش ده و اركبله جوانين و لا اشوف وش تانى
و لو وش تانى هل يبقى ظابط على الموتور خلوصات و لا برضه لازم هايبقى فيه شغل
و ياريت لو عندك فكره عن اسعار الوش المستعمل (فيليشيا 96)
و كمان حاجه بالنسبه للبلوك و مجارى الميه هل افضل تتدهن أكريكلك و لا من غير دهان

[hanyalashkr]

فيه كمان حاجه اقول لسعادتك عليها
سألت على وش السلندر جديد
التشيكى كامل بصباباته 2500 جنيه
الصينى 950 جنيه
يا ترى الصينى ده شغال و لا هايترمى
ولا وش استعمال انا احترت

[tmedhat]

وش استعمال طبعا افضل

بس لازم يكون مش مقشوط قبل كدة

لازم متخصص يشوفة عشان يفيدك

الصينى لا خالص ابعد عنة

الجديد غالى بصراحة قوى

ممكن الوش بتاعك يتزود لحام و يتقشط و تحط لة جوانين وش سلندر حيشتغل متقلقش
ودة ارخص حل و شغال فل الفل

[tmedhat]

متدهنش الموتور حاجة بس انت ابقى دايما حط مية خضرا عشان تمنع تاكل وش السلندر

[hanyalashkr]

شاكر جدا على ردك و عموما انا لقيت وش استعمال خارج نضيف فابريقه و كان عينى على البلوك كمان بس ماعييش فلوس
المهم الوش الجديد زى الفل و ماتعملش فيه حاجه و نضيف
انا دلوقتى عندى الوش القديم و عايز ابيعه لو ليك سكه و هو زى مانت قولت محتاج طبعا لحام و قشط
بس ليه سؤال الوش ده كان بتاع ماكينه انجيكشن هل يفرق تركيبه عندى على ماكينه كاربراتير
ثانيا انا اعرف ان كل المواتير اللى فيها الأومنيوم بيتحطلها ميه حمرا مش خضرا ايه رأيك فى الكلام ده

[SAMEH_FOUAD]

سؤال كدة يامدحت باشا بما انك معاك هوندا هل مكونات الماتور بتاع الsi بتختلف عن مكونات الsir b16a ولا بتبقى مثلا نفس حجم الشنابر و البساتم ,وهل حاجة الماتور دة موجودة اصلا. ولا قدر الله لو حصل اى حاجة ممكن يرجع زى الاول ولا الاحسن انة يتغير ويتجاب واحد تانى
وبعدين لو طقم شنبر اتعمل يتكلف كام للماتور دة

وبعدين كنت عايز اعرف حاجة هو لازم الماتور عشان تعرف انة خفيف انك تدورة وتسيبة يسخن شوية وبعد كدة تفتح غطاء المحرك اللى بيتزود منة الزيت لو طلع بخار او دخان يبقى كدة خفيف ,طيب لو ماطلعش يبقى كدة الماتور تمام ومافيهوش حاجة

وهل لو المكنة تم الضغط عليها لحد ما الاربى ام عدى العلامة الحمرا وطلع دخان ,يبقى كدة عادى ولا عيب فى الشنابر

معلش انا بس عايز اعرف الحاجات دية عشان عايز اعرف اكتر قدر عن الماتور الsir لانى حاسس كدة ان حاجتة قليلة ومش موجودة

كمان كنت عايز اعرف هل البوجيهات ليها علاقة بخروج الدخان الابيض من الشكمان لانها مثلا ممكن ماتكونش بتحرق كويس ولا اية
واكون شاكر ليك جدا

[H.ibrahim]

السلام عليكم يا هندسة .
ياريت تساعدنى فى الموضوع ده عربيتى ( لادا 2105 موديل 94 موتور 1200 سى سى ) لمبة الزيت نورت وانا ماشى وبمجرد لما رايتها توقفت فورا بالعربية و اطفات المحرك و تركته يهدا لمدة 5 دقائق و بعدها نزلت كشفت على الزيت ووجدت المقياس مظبوط و ان الزيت فعليا عند العلامة العليا ! و اندهشت لانى مغير زيت من اسبوع فى فى محطة امارات مصر و بقالى معهم سنة بغير نفس نوع الزيت المهم شكيت ان اللزوجة تكون خفت او حاجة من هذا القبيل و كان امامى بنزينة تعاون على بعد 50 متر المهم دخلت البنزينة وغيرت الزيت بزيت اثقل خاص بالمواتير القديمة نصحنى بيه العامل و بعد تغيير الزيت ظلت لمبة الزيت منورة !و لما سئلت العامل اخبرنى ان مقياس الزيت مظبوط على العلامة العليا فعلا وعمل قياس مرة اخرى امامى للتاكيد ولما اخبرته على موضوع لمبة الزيت اخبرنى ان احتمال اكون خدت مطب جامد وفعلا ده حصل فتكون لمبة الزيت لمست و فعلا موتور العربية صوته مظبوط والحرارة مشى زيادة ولا حاجة وبالفعل مشيت من البنزينة وبعد حوالى 1كم العربية توقفت تماما عن الحركة و اتصلت بالميكانيكى ولما شاف العربية وحكيتله اللى حصل قالى عشق العربية على الرابع و حاول تزق معى العربية قدام ووراء وبالفعل العربية لم تتحرك و اخبرنى ان الموتور قفش فاخبرته ان العربية فيها زيت فاخبرنى ان طلمبة الزيت هى التى قطعت وبالتالى و جود الزيت ليس له فائدة المهم سحبنا العربية على الورشة وتم فك الموتور و اكتشفنا ان الموتور اول مرة يتفك لانه موتور الفبريكة و كان الاختيار كالاتى ( عمرة كاملة - او موتور استيراد ) مبدئيا التكلفة متساوية تقريبا و انا اخترت انى اعمل عمرة كاملة لكن لى بعض الاسئلة :-

1- ماهى قطع الغيار التى سيتم تبديلها فى هذه العمرة ؟
2- ماهى افضل الانواع لكل قطعة غيار ان امكن واماكن تواجدها ؟
3- ماهى الاسعار لكل قطعة غيار ؟
4 - ماهى الحاجات التى يجب مراعاتها اثناء عمل العمرة وكذلك بعدها لضمان نجاح العمرة ؟

---

#ff0000

[m_gewelly]

معالى الباشا استفسار بخصوص عمرة ماتور بيجو 305 بتنفع ولا ايه علشان مش عارف اعمل ايه ناس قالتلى اشترى ماتور وناس بتقلى نعمره وناس بتقلى مينفش تعمره بيبوظ بعد شهر ارجو الافاده بالتفاصيل والتكلفه لو تسمح

[SAMEH_FOUAD]

على فكرة الاخ بتاع الادا انت لما خدت المطب الجامد خبط فى الكرتيرة وبالتالى خبط فى طرمبة الزيت فراح سادد وصول الزيت اليها ,وانت المفروض طالما لمبة الزيت نورت مكنتش تمشى بيها خالص وماتسمعش كلام حد وخاصة بتوع البنزينة عشان مابيبقوش فاهمين حاجة خالص ,وقدر الله وماشاء فعل والحمد لله بس نصيحة هات كدة ماتور جديد او استيراد نظيف احسن من العمرة الكاملة بس الماتور اللى انت هاتجيبة لاوم تكون متاكد انة نظيف

[fepsceasar]

أنا عربيتى 128 معدل، و بسمع صوت تكتكة منتظمة فى الموتور واحد قاللى ده بنز بستم ولما طلع خرطوم الفايز من العمة طلعت دخان ابيض لما داس بنزين، لكن لوطلعته وما دوستش ما يبنش حاجة، ايه المشكلة بالضبط وازاى اعالجها

[ahmed1981]

وقفة واجبة للتحية على هذا الموضوع القيم جداً جداً جداً جداً
ربنا يكرمك على هذا المجهود الممتاز

[michohat]

الاول بس اتاكد الزيت بيروح فين
الموتور بياكلة و
لا بيخر من اى حتة
و بعدين حكتب لك التفاصيل و كل حاجة
و بس خلاص
متقلقش موتورك امرة سهل جدا و حاجتة موجودة و اسعارها حلوة

معرفش الزيت الحقيقة بيروح فين بس اى ميكانيكى يشوفها يقول دى عاوزه طقم شنبر لان فى دخنه بتطلع من خرطوم الفايظ ومفيش دخنه من الشكمان
الماتور على ما اظن انه جديد مش اتفتح قبل كده ( فيه ملاحظة انه مكتوب على غطاء التاكيهات اسم صاحب العربية السابق معرفش ليه)
عاوز اعرف هل اسرع بعمل طقم الشنبر ده ولا اصبر للشتاء
وايه هيا قطع الغيار اللى من المتوقع انى احتاجها ؟ وهل قطع الغيار دى اصلية ومتوفرة فى السوق ولا قطع الغيار تركى او مش كويسة اوى
والعملية دى ممكن تتكلف كام لان فى ميكانيكى قال لى هتتكلف 800 بالمصنعيه وفى واحد تانى قال لى 700 بالمصنعيه
وفيه نقطه تانيه معرفش مكانها هنا ولا لا وهيا انى كتير بشوف عربيات اول ما تدور مش تكمل دقيقة ويكون الشكمان بينقط مياه وزى ما عرفت ان ده دليل على ان حاله العربية والموتور كويسه فازاى اقدر اوصل عربيتى للحاله دى

[tmedhat]

سؤال كدة يامدحت باشا بما انك معاك هوندا هل مكونات الماتور بتاع الsi بتختلف عن مكونات الsir b16a ولا بتبقى مثلا نفس حجم الشنابر و البساتم ,وهل حاجة الماتور دة موجودة اصلا. ولا قدر الله لو حصل اى حاجة ممكن يرجع زى الاول ولا الاحسن انة يتغير ويتجاب واحد تانى
وبعدين لو طقم شنبر اتعمل يتكلف كام للماتور دة

وبعدين كنت عايز اعرف حاجة هو لازم الماتور عشان تعرف انة خفيف انك تدورة وتسيبة يسخن شوية وبعد كدة تفتح غطاء المحرك اللى بيتزود منة الزيت لو طلع بخار او دخان يبقى كدة خفيف ,طيب لو ماطلعش يبقى كدة الماتور تمام ومافيهوش حاجة

وهل لو المكنة تم الضغط عليها لحد ما الاربى ام عدى العلامة الحمرا وطلع دخان ,يبقى كدة عادى ولا عيب فى الشنابر

معلش انا بس عايز اعرف الحاجات دية عشان عايز اعرف اكتر قدر عن الماتور الsir لانى حاسس كدة ان حاجتة قليلة ومش موجودة

كمان كنت عايز اعرف هل البوجيهات ليها علاقة بخروج الدخان الابيض من الشكمان لانها مثلا ممكن ماتكونش بتحرق كويس ولا اية
واكون شاكر ليك جدا

طالما كود المحرك واحد يبقى ما فيش خلاف فى المكونات الداخلية
انا عربيتى اس اى الكود بردة بى 16 اى
طقم الشمبر تكلفتة بسيطة المهم الفك و التركيب هى دى الصعوبة و الصنعة
طقم الشمبر نفسة حوالى 150 جنية لكن يضيف عليهم مصنعيات الميكانيكى و الجوانات المطلوبة
المفروض ما تضغطش على الماكينة لغاية الاحمر
لو فى الاحمر ممكن تطلع دخنة خفيفة و دة عادى المهم قبل الاحمر ما تدخنش
المواتير دى ليها بوجيهات مخصوصة عشان ما تحرقش الاجنيتور المسئول عن الاشعال

[tmedhat]

السلام عليكم يا هندسة .
ياريت تساعدنى فى الموضوع ده عربيتى ( لادا 2105 موديل 94 موتور 1200 سى سى ) لمبة الزيت نورت وانا ماشى وبمجرد لما رايتها توقفت فورا بالعربية و اطفات المحرك و تركته يهدا لمدة 5 دقائق و بعدها نزلت كشفت على الزيت ووجدت المقياس مظبوط و ان الزيت فعليا عند العلامة العليا ! و اندهشت لانى مغير زيت من اسبوع فى فى محطة امارات مصر و بقالى معهم سنة بغير نفس نوع الزيت المهم شكيت ان اللزوجة تكون خفت او حاجة من هذا القبيل و كان امامى بنزينة تعاون على بعد 50 متر المهم دخلت البنزينة وغيرت الزيت بزيت اثقل خاص بالمواتير القديمة نصحنى بيه العامل و بعد تغيير الزيت ظلت لمبة الزيت منورة !و لما سئلت العامل اخبرنى ان مقياس الزيت مظبوط على العلامة العليا فعلا وعمل قياس مرة اخرى امامى للتاكيد ولما اخبرته على موضوع لمبة الزيت اخبرنى ان احتمال اكون خدت مطب جامد وفعلا ده حصل فتكون لمبة الزيت لمست و فعلا موتور العربية صوته مظبوط والحرارة مشى زيادة ولا حاجة وبالفعل مشيت من البنزينة وبعد حوالى 1كم العربية توقفت تماما عن الحركة و اتصلت بالميكانيكى ولما شاف العربية وحكيتله اللى حصل قالى عشق العربية على الرابع و حاول تزق معى العربية قدام ووراء وبالفعل العربية لم تتحرك و اخبرنى ان الموتور قفش فاخبرته ان العربية فيها زيت فاخبرنى ان طلمبة الزيت هى التى قطعت وبالتالى و جود الزيت ليس له فائدة المهم سحبنا العربية على الورشة وتم فك الموتور و اكتشفنا ان الموتور اول مرة يتفك لانه موتور الفبريكة و كان الاختيار كالاتى ( عمرة كاملة - او موتور استيراد ) مبدئيا التكلفة متساوية تقريبا و انا اخترت انى اعمل عمرة كاملة لكن لى بعض الاسئلة :-

1- ماهى قطع الغيار التى سيتم تبديلها فى هذه العمرة ؟
2- ماهى افضل الانواع لكل قطعة غيار ان امكن واماكن تواجدها ؟
3- ماهى الاسعار لكل قطعة غيار ؟
4 - ماهى الحاجات التى يجب مراعاتها اثناء عمل العمرة وكذلك بعدها لضمان نجاح العمرة ؟

---

#ff0000

للاسف كدة الكرنك قفش
الراجل بتاع المحطة معندوش ضمير
انت ممكن تفك وت غير السبائك و تخرط الكرنك و خلاص
افضل نوع للسبيكة الايطالى او المصانع
وربنا يوفقك
و اسف على التاخير مشاكل النت كتيرة معلش

[tmedhat]

وقفة واجبة للتحية على هذا الموضوع القيم جداً جداً جداً جداً
ربنا يكرمك على هذا المجهود الممتاز

تسلم يا باشا على الكلام الجميل
و مشكور مرورك الكريم