إسأل و إطمن علي الفرامل..

[grumby78]

الزيت

هوا زيت الفرامل المفروض يتغير كل اد ايه ؟؟ عشا ن انا صحابي بيقولو انه مش المفروض يتغير , يتزود بس لما ينقص الكلام ده صحيح ولا ايه؟؟؟

[shoudy2005]

زيت الفرامل مفروض يتغير طبعآ كل سنة على الأقل علشان بيكون لم وساخة و رطوبة

[i_Am_Legend]

انا عندى 127 ايطالى 1974 الفرامل كويسة جدا بس مع الزحمة والفرامل الكتير بلاقى الدواسة وطيت اوى وبقت خفيفة ولو وقفت شوية بلاقيا رجت تانى وبقت كويسة وانا لسة مغير جلد الماستر ومغير ماستر كامل خلفى والتيل عندى كويس جدا

[SAMER_ENGINES]

ياباشا انا عندي مشكلة مجنناني و هي صفارة مع دوسة الفرامل انا معايا فيرنا و غيرت التيل و مفيش فايدة مش عارف اعمل اه و التنابير سليمة جدا ياريت تقولي اعمل اه انا الميكانيكي قلي التيل في نحاس و مش حلو اعمل اه اجيب نوع اسمو اه و شكرا

كلام الميكانيكي صح الصفارة دي بتحصل من احتكاك التيل بالطنبورة و لما التيل يكون مش من خامة كويسة بيعمل صوت حتي لو مش متاكل حاول تغير التيل و من الأنواع الجيدة جدا ترينيتي Trinity و اته Ate.

[SAMER_ENGINES]

هوا زيت الفرامل المفروض يتغير كل اد ايه ؟؟ عشا ن انا صحابي بيقولو انه مش المفروض يتغير , يتزود بس لما ينقص الكلام ده صحيح ولا ايه؟؟؟

شوف حضرتك سائل الفرامل مش بيتغير بالمعني المفهوم يعني مش بفتح و اغير سائل الفرامل زي زيت الموتور كدة لا, اما لا ليه فلأنه بيتغير مع تغيير التيل او المساتر يعني لما بنفتح و نعمل عمرة الفرامل كل فترة الزيت بيتصفي لوحده و بينزل و بنضطر نحط سائل جديد و بكدة بنكون غيرنا الزيت اما لو العربية استعمالها مش كتير يعني مش بتغير تيل كتير يبقي بالتالي الزيت برضه هيفضل محافظ علي قوامه و نضافته.

اما بالنسبة لموضوع التزويد فده غلط (الا لو كان عندك لا قدر الله ماستر ضارب او خرطوم مقطوع و بيشر فلازم تحط سائل فرامل طبعا كل شوية لحد ما توصل اقرب مكان عشان تصليح العطل)
لكن في العادي انا لما بلاقي السائل بدأ ينقص أعرف اني التيل بدأ يتاكل لاني اللي بيحصل ببساطة اني لما التيل بيتاكل بينزل السائل عشان يحل مكان التيل اللي اتاكل ده و هنا لازم ابدا اشوف التيل بتاع الفرامل ظروفه ايه و اروح اكشف عليه و لو مكشفتش بيفضل ينزل و ينزل لحد ما لمبة الفرامل تنور و من هنا تعرف انك لازم تروح لورشة الفرامل و الدبرياج عشان يفك التيل القديم و اللي حيكون اتاكل فعلا و هتلاقي السائل نزل زي ما قلنا في الاول و يرجع يركب لك تيل جديد و يقفل و يحط سائل فرامل جديد و بكدة بتكون حضرتك جددت التيل او مليت التيل زي ما احنا بنقول و غيرت السائل.

(و ده مع كامل احترامي للناس اللي قالت انه يتغير كل فترة معينة جايز هما ليهم تجربة في الموضوع ده و ياريت نتشارك الأفكار انا كمان كل يوم بتعلم و الصنايعي اللي انا مشاركه بيتعلم و كلنا بنتعلم فأهلا بأي خبرة جديدة و لو انا سهي علي و قلت معلومة غلط فمفيش مانع نصحح لبعض).

[SAMER_ENGINES]

انا عندى 127 ايطالى 1974 الفرامل كويسة جدا بس مع الزحمة والفرامل الكتير بلاقى الدواسة وطيت اوى وبقت خفيفة ولو وقفت شوية بلاقيا رجت تانى وبقت كويسة وانا لسة مغير جلد الماستر ومغير ماستر كامل خلفى والتيل عندى كويس جدا

ممكن يكون الماستر العمومي فيه مشكلة و لازم يتغير بالكامل بس طالما العيب بيروح و يجي لازم تكشف عليها علي الطبيعة عند حد كويس و انتظر مني رد تاني.

[SAMER_ENGINES]

الف شكر على الموضوع الممتاز ده وجزاك الله خيرا

اتمنى تثبيت الموضوع من قبل الادارة

الف ألف شكر علي كلمتك الحلوة دي و بجد كلك ذوق و الواحد قبل ما بينتظر من الزبون فلوس بينتظر كلمة الله ينور.

[shoudy2005]

انا جبت معلومة الزيت انو بيتغير كل سنة من الكتالوج و ايضآ من علبة الزيت انا بحط ate sl dot 4
صنع المانيا و السبب ان من خصائص الزيت انو بيمتص الرطوبة بسرعة فبيقلل نقطة غليان الزيت و بتسبب هروب الفرامل لما الزيت يسخن و ايضآ بسبب الرواسب

[dr_timo]

اولا عايز اشكرك جدااااا جدااااا علي الموضوع دة وتعاونك الجميل وبجد ربنا يجازيك خير ثانيا الفرامل عندي هية الحمد لله مش بتحدف ولا الحجات دي بس حسيت انها بقت ضعيفة يعني لما باجي ادوس بقت تتداس بسهولة ومبتمسكش فرامل كويس الا لما اوصل للاخر خالص الحكاية دي حسيت بيها اوييييي اكتربعد لما كنت علي مطلع وكان قدامي عربيات وواقف فكنت بطلع سنة وادوس عالفرامل عشان تقف العربية ومترجعش لورا كدة يعني فبعدها حسيت بالمشكلة دي انها حصلت وكمان انا لسة جايب العربية من اسبوعين تلاتة فمكتش كشفت علي زيت الفرامل فبالصدفة لقيت الزيت قليل اوي فزودته بس بعد مزودته محستش ان الفرامل اتصلحت اوي معلش بطول عليك بس فرامل اليد عندي ضعيفة يعني اول مبتطلعش لفوق عالاخر كدة بس مش دي المشكلة هية مشكلتها انها ممكن وانت معشقها تمشي عادي لقدام يمكن بتمسك بس عند الرجوع لورا لك لقدام سعات مشيت بيها وهية مرفوعة ونسيت وشكرا جزيلا ليك

[SAMER_ENGINES]

انا جبت معلومة الزيت انو بيتغير كل سنة من الكتالوج و ايضآ من علبة الزيت انا بحط ate sl dot 4
صنع المانيا و السبب ان من خصائص الزيت انو بيمتص الرطوبة بسرعة فبيقلل نقطة غليان الزيت و بتسبب هروب الفرامل لما الزيت يسخن و ايضآ بسبب الرواسب

ايه يا باشا ليه حسيت انك زعلت كدة يمكن انت مزعلتش بس انا حسيت كدة.
المهم انا عامة كنت بقول بس انك لما بتغير في الفرامل او بتعمل عمرة فرامل سائل الفرامل بينزل لوحده و بعد التقفيل بيتحط سائل فرامل جديد و تتم عملية اخد الهوا و خلافه بس فكونه يتغير في ميعاد او لا مش هيكون مؤثر للدرجة لانه بيتغير اوتوماتيك مع عمرات الفرامل.

[SAMER_ENGINES]

اولا عايز اشكرك جدااااا جدااااا علي الموضوع دة وتعاونك الجميل وبجد ربنا يجازيك خير ثانيا الفرامل عندي هية الحمد لله مش بتحدف ولا الحجات دي بس حسيت انها بقت ضعيفة يعني لما باجي ادوس بقت تتداس بسهولة ومبتمسكش فرامل كويس الا لما اوصل للاخر خالص الحكاية دي حسيت بيها اوييييي اكتربعد لما كنت علي مطلع وكان قدامي عربيات وواقف فكنت بطلع سنة وادوس عالفرامل عشان تقف العربية ومترجعش لورا كدة يعني فبعدها حسيت بالمشكلة دي انها حصلت وكمان انا لسة جايب العربية من اسبوعين تلاتة فمكتش كشفت علي زيت الفرامل فبالصدفة لقيت الزيت قليل اوي فزودته بس بعد مزودته محستش ان الفرامل اتصلحت اوي معلش بطول عليك بس فرامل اليد عندي ضعيفة يعني اول مبتطلعش لفوق عالاخر كدة بس مش دي المشكلة هية مشكلتها انها ممكن وانت معشقها تمشي عادي لقدام يمكن بتمسك بس عند الرجوع لورا لك لقدام سعات مشيت بيها وهية مرفوعة ونسيت وشكرا جزيلا ليك

قبل كل شئ شكرا لكلامك الجميل......
و بالنسبة لأول نقطة و هي فرامل الرجل:
انت بتقول زودت الزيت بس برضه حسيت اني الفرامل مش قوي طيب هل كشفت عليه تاني بعد كدة؟؟
و عامة هو في احتمالين لنقص الزيت ده الاول زي ما قلت قبل كدة يكون التيل اتاكل و لازم يتغير عشان كدة الزيت نزل عشان يحل محل التيل و الإحتمال التاني يكون في ماستر ضارب او في خرطوم مقطوع أو في ماسورة الزيت بيسرب منها اي حاجة زي كدة فلاحظ الزيت لو نزل تاني أو لا لو نزل تاني يبقي كدة غالبا في تسريب من حاجة زي ما ذكرت قبل كدة لو كان ثبت زي ما انت حطيته من ساعتها يبقي التيل اتاكل و لازم يتغير.

و بالنسبة لتاني نقطة و هي فرامل اليد:
فرامل اليد مش لازم تكون بتطلع لفوق اوي بالعكس دي مش ميزة اوي اني يكون مشوارها طويل, و حل فرامل اليد في منتهي البساطة بعد لما تخلص موضوع فرامل الرجل ده قول للصنايعي شدي لي فرامل اليد هيدخل في الصالون مكان حضرتك و يجيب مفتاح 13 و يشد صمولتين الصمولتين دول هما اللي ماسكين السلك بتاع فرامل اليد و تجربتها بتكون بسيطة شد الفرامل و عشق اولاني و كانك طالع لو كلبشت في الارض او العربية بطلت يبقي تمام لو طلعت العربية يبقي في حاجة.

و تحت امرك في اي وقت.

[grumby78]

شكر

car lover لك جزيل الشكر ....

[dr_timo]

شكرا اوي ربنا يخليك الزيت انا لقيته وتابعته بعدها ولقيته ما قالش يبقي كدة مفيش تسريب ولا حاجة الحمد لله بس كدة يبقي الظاهر التيل هوة السبب ودة تقريبا سبب حكاية المطلع الزفت اللي كنت عليه وقعدت ادوس فرامل وبعد ممشيت مالمطلع دة فعلا حسيت ان الفرامل بقت كدة فالظاهر المطلع دة اثر عالتيل بس كدة بقي هحتاج اغير التيل بتاع انهي يمة يعني مش في تقريبا تيل لليمين وتيل للشمال ولا هما الاتنين بيتغيرو وياريت اعرف يعي الموضوع دة مكلف اوي ولا بسيط ؟

[SAMER_ENGINES]

شكرا اوي ربنا يخليك الزيت انا لقيته وتابعته بعدها ولقيته ما قالش يبقي كدة مفيش تسريب ولا حاجة الحمد لله بس كدة يبقي الظاهر التيل هوة السبب ودة تقريبا سبب حكاية المطلع الزفت اللي كنت عليه وقعدت ادوس فرامل وبعد ممشيت مالمطلع دة فعلا حسيت ان الفرامل بقت كدة فالظاهر المطلع دة اثر عالتيل بس كدة بقي هحتاج اغير التيل بتاع انهي يمة يعني مش في تقريبا تيل لليمين وتيل للشمال ولا هما الاتنين بيتغيرو وياريت اعرف يعي الموضوع دة مكلف اوي ولا بسيط ؟

التيل بيتغير في الناحيتين مع بعض طبعا يا صاحبي و الا يبقي ناحية قوية و ناحية لا و يخلي العربية تحدف منك.

و خليه يكشف علي التيل الأمامي و الخلفي مش بس شمال و يمين و اللي قدام مش هيكلفك اوي (لأنه التيل بيكون لقم) مفيش في شغل اوي هو بيتفك القديم و بيتحط تيل جديد و كلفته حوالي من 30 لـ 40 بالتركيب الخلفي انا مش متأكد عند حضرتك قباقيب ولا سكينة (سكينة يعني زي التيل الامامي يتفك القديم و يتركب جديد بنفس الكلفة تقريباً) لو قباقيب حيبقي أغلي لانه بياخد شغل و برشام و بنفصل تيل مخصوص مش بيبقي جاهز زي الأمامي و الموضوع بسيط و متقلقش وانا برضه تحت امرك في اي وقت.

[shoudy2005]

لآ ابدآ يا اخ car lover انا بحب مواضيعك و بتعجبنى بس انا قولت اللى كان مكتوب على علبة الزيت بس مش اكتر و بمناسبة الزيت انا عندى الفتيس مانيوال للعربية المرسيدس بس بيتحطله زيت اوتوماتيك و مشيت على زيت المصنع 100 الف لحد دلوقتى مفروض يتغير ولا يتزود اصل الكتالوج مش موضح حاجة هن التغيير