تغيير طقم الشانبر ؟؟

[wael6]

لسلام عليكم
عربيتي اكسيل مو 95 مانيوال 1500
والعربيه واقفه بسمع صوت تكته ولما بدوس دبرياج بيروح
ولما بمشي فى صوت وجوجه ولما بسيب رجلى من ع البنزين بسمع صوت ( هئ هئ هى هى هئ هئ )
ويوجد خشونه فى تروس النقلات لكنه مبيعضش
انا حاليا ( حاطط زيت 140 للفتيس )
صبي الميكانيكي بيقولى هحطلك علبة شحم خفيفه هتخليه ناعم وتضيع الصوت؟؟
هل تصليح الفتيس غير مجدى ويوجب تغييره ( انا حاليا فى التليين )
ولكم جزيل الشكر والامتنان

[ahmed_h_g]

يستحسن تغيره متصلحوش
وياريت تغير زيت الفتيس بزيت لزوجته 90 وبالنسبه للصوت مش هينفع نخمن غير لما يتسمع

[wael6]

يستحسن تغيره متصلحوش
وياريت تغير زيت الفتيس بزيت لزوجته 90 وبالنسبه للصوت مش هينفع نخمن غير لما يتسمع

طيب اجيب طقم الدبرياج جديد ولا استيراد مع الفتيس
ولكم جزيل الشكر

[ahmed_h_g]

طيب اجيب طقم الدبرياج جديد ولا استيراد مع الفتيس
ولكم جزيل الشكر

الأستيراد أفضل بكتير
أنا غيرت 4 أطقم خلال سنه ونصف وفى الأخر رسيت على الأستيراد

[wael6]

يستحسن تغيره متصلحوش
وياريت تغير زيت الفتيس بزيت لزوجته 90 وبالنسبه للصوت مش هينفع نخمن غير لما يتسمع

السلام عليكم
انا فى االتليين حاليا
الصوت قل كثير ا لكنه مازال موجود
يا ترى ده من ايه
وايه الحل اصبر لما التليين يخلص
ولا في طريقه لعلاج الفتيس والدبرياج
وهل كان للمكنه وتكسير البساتم والشنبر دور فى الصوت ده
ولكم جزيل الشكر

[ahmed_h_g]

السلام عليكم
انا فى االتليين حاليا
الصوت قل كثير ا لكنه مازال موجود
يا ترى ده من ايه
من بلية الدبرياج
وايه الحل اصبر لما التليين يخلص
ولا في طريقه لعلاج الفتيس والدبرياج
كشفت على طقم الدبرياج قبل ما تركب ؟
وهل كان للمكنه وتكسير البساتم والشنبر دور فى الصوت ده
لأ مالوش علاقه
ولكم جزيل الشكر

[wael6]

طيب لو سمحت
الميكانيكي بيقول ان معنى لما بتدوس ع الدبرياج الصوت يروح تبقي اللبيله سليمه
وانه لو العكس يعنى لو دوست ع الدبرياج الصوت بيجي تبقي البليه خشنه والعيب منها
وان صوت ( هى هى هى هى هى ) لما بسيب رجلى من ع البنزين ده عيب الفتيس ويفضل تغييره
الغريب ان الاصوات دى قلت كتييييييييييييييييير لكن مازالت موجوده
وربنا يباركلك يا بشمهندس احمد وجزاكم الله خيرا

[ahmed_h_g]

معلش بعد اذنك غير زيت الفتيس بزيت شل لزوجته 90 وزود ربع لتر عن الطبيعى
يعنى الفتيس هياخد 2 لتر زود عليه ربع لتر
وياريت تفضى الزيت من الطبه اللى تحت وتملى من الطبه اللى فى نصف الفتيس
ويستحسن تغير الزيت بعد كذا مشوار علشان الزيت يبقى سخن وينزل كله بالشوائب اللى فى الفتيس
مستنى الرد

[ahmed_h_g]

صوت البليه مش هيختلف بس هتحس بفرق فى الفتيس نفسه

[wael6]

صوت البليه مش هيختلف بس هتحس بفرق فى الفتيس نفسه

جزاكم الله خيرا
باذن الله هغير زيت الفتيس واقول لحضرتك
وما رايكم فى وضع علبة شحم مع زيت الفتيس ؟
وما هو انسب زيت للاكسيل 1500 طالعه من نص عمره ( التعاون الاصفر - اسو - موبيل اكس اتش بي
ولكم جزيل الشكر والامتنان

[ahmed_h_g]

أبتدى أول غيار بشل الأحمر بعد كده غير بالزيت اللى تفضله
وياريت تغير الفلتر مع كل غيار

[wael6]

السلام عليكم
انا حاليا فى التليين ( اكسيل 1500 مو 95
انا مشيت بالعربيه حوالى 240 كم وباذن الله يوم السبت هروح اغير الزيت والفلتر
1-- 240 كم اغلبهم سفر عملوا 22 لتر بنزين هل طبيعي ولا مبيبانش دلوقتى ؟
2-- الزيت النهارده لقيته ناقص حوالى نص سم عن مقاسه ( اتصلت بالميكانيكي وقالى ده طبيعي لان كارتيرة الزيت كانت محلوله وفاضيه ويمكن يكون وقع زيت منى ) زيت بترومين الابيض
انا لاحظت يا بشمهندس ان الحمد لله مفيش تسريب عندى ( ما تفسير نقصان الزيت ( زيت بترومين ابيض )
3-- فى دخان ابيض فى الشكمان خصوصا وهى بارده ؟ هل ده طبيعي ولافى مشكله
4-- وانا ع الطريق السريع لاحظت انى لما بكون على سرعة 90 او 100 فيما فوق انا مشيت مثلا على 110 للحظات
لقيت الدركسيون بيترج وبيرتعش ورعشه فى الدواسه بس مش جامده ؟ ده ايه ؟ وحله ايه ؟
الحمد لله العربيه كانت ثابته ومبتعومش او تحدف؟ لكن رعشه فوق سرعه 90
5-- (( لسه خشونة التروس وصوت الوجوجه وصوت هى هى هى هى لما بتسيب بنزين موجود )) هل مشاكل الدبرياج والفتيس تزيد الحمل ع المكنه وتتعبها ام لا .
اسف للاطاله ومستني توضيح حضرتك نقطه نقطه وكلى آذان صاغيه
ولكم جزيل الشكر والامتنان

[ahmed_h_g]

السلام عليكم
انا حاليا فى التليين ( اكسيل 1500 مو 95
انا مشيت بالعربيه حوالى 240 كم وباذن الله يوم السبت هروح اغير الزيت والفلتر
1-- 240 كم اغلبهم سفر عملوا 22 لتر بنزين هل طبيعي ولا مبيبانش دلوقتى ؟
لسه متستعجلش
2-- الزيت النهارده لقيته ناقص حوالى نص سم عن مقاسه ( اتصلت بالميكانيكي وقالى ده طبيعي لان كارتيرة الزيت كانت محلوله وفاضيه ويمكن يكون وقع زيت منى ) زيت بترومين الابيض
انا لاحظت يا بشمهندس ان الحمد لله مفيش تسريب عندى ( ما تفسير نقصان الزيت ( زيت بترومين ابيض )
طبيعى
لأنه لما فك الموتور غسله وفضى كل الزيت اللى فيه
3-- فى دخان ابيض فى الشكمان خصوصا وهى بارده ؟ هل ده طبيعي ولافى مشكله
ده مش دخان
ده تعريق
4-- وانا ع الطريق السريع لاحظت انى لما بكون على سرعة 90 او 100 فيما فوق انا مشيت مثلا على 110 للحظات
متعملهاش تانى لغاية لما طقم الشمبر ينشف على وضعه الحالى من الحراره
لقيت الدركسيون بيترج وبيرتعش ورعشه فى الدواسه بس مش جامده ؟ ده ايه ؟ وحله ايه ؟
لما بتدوس بنزين والعربيه ماشيه ولا مع الفرامل ولا على طول ؟
الحمد لله العربيه كانت ثابته ومبتعومش او تحدف؟ لكن رعشه فوق سرعه 90
5-- (( لسه خشونة التروس وصوت الوجوجه وصوت هى هى هى هى لما بتسيب بنزين موجود )) هل مشاكل الدبرياج والفتيس تزيد الحمل ع المكنه وتتعبها ام لا
لا متقلقش
بس أهم حاجه متحرقش عالغيار وأبعد عن الكبارى والمطالع ومتزودش عن 2000 أو 2500 لفه لكل دقيقة والسرعه متعديش ال90
أصبر شويه متستعجلش عالجرى وخد بالك من الحراره وأبقى ركب ترموستات الكوعه بعد التليين لو كان الميكانيكى شايله.
اسف للاطاله ومستني توضيح حضرتك نقطه نقطه وكلى آذان صاغيه
ولكم جزيل الشكر والامتنان

[ahmed_h_g]

بعد التليين أظبط التاكيهات على 25 لل8 صباب والعربيه ساخنه وسيبك من كلام الميكانيكى
جميع الكتالوجات بتنصح بظبط التاكيهات والعربيه سخنه علشان الصباب بيتمدد مع الحراره

[wael6]

لقيت الدركسيون بيترج وبيرتعش ورعشه فى الدواسه بس مش جامده ؟ ده ايه ؟ وحله ايه ؟
لما بدوس بنزين والعربيه ماشيه
وجزاكم الله خيرا