تغيير طقم الشانبر ؟؟

[a_hmed]

السلام عليكم

ده اول موضوع ليا و يا ريت حد يفيدنى

المكنة عندى خفيفة و بطلع دخان ازرق ليه رائحة و بتاكل زيت


هل ده طقم شانبر ولا كاوتش الصباب (علمآ بانى معرفش هو مكانه فيين و ايه وظيفته بس سمعت انه ليه علاقة بالموضوع)



لو طقم شانبر:
عايز اعرف هياخد اد ايه وقت مع الميكانيكى ؟؟
و التليين كام كيلو ولا و العربية فى مكانها ؟؟ و هل انا الى هليين ولا الميكانيكى ؟؟
و ايه الى هيتغير غير طقم الشانبر ؟؟
و اغير زيت قبل ما اغير الشانبر ولا بعده ؟؟



يا ريت حد يفيدنى فى الموضوع ده ...

[ahmed_h_g]

المكنة عندى خفيفة و بطلع دخان ازرق ليه رائحة و بتاكل زيت
لو عادم لونه أزرق يبقى كاوتش الصبابات

هل ده طقم شانبر ولا كاوتش الصباب (علمآ بانى معرفش هو مكانه فيين و ايه وظيفته بس سمعت انه ليه علاقة بالموضوع)



لو طقم شانبر:
عايز اعرف هياخد اد ايه وقت مع الميكانيكى ؟؟
هياخد من يوم لثلاثة أيام حسب الميكانيكى
و التليين كام كيلو ولا و العربية فى مكانها ؟؟
التليين 1000 كيلو
و هل انا الى هليين ولا الميكانيكى ؟؟
الأول الميكانيكى بيلين عالواقف لمدة يوم أو تفويله كامله
بعد كده حضرتك بتلين لمدة 1000 كيلو
و ايه الى هيتغير غير طقم الشانبر ؟؟
على حسب
لازم تحل الأول والميكانيكى هيبلغك بالمطلوب
و اغير زيت قبل ما اغير الشانبر ولا بعده ؟؟
بعد ما تغير الميكانيكى هيطلب منك زيت رخيص وفلتر

[ahmed_h_g]

أقرأ الكام موضوع دول أكيد هيفيدوك
وأهلا" بيك

http://www.nilemotors.net/Nile/61871-a.html

http://www.nilemotors.net/Nile/290-a.html

http://www.nilemotors.net/Nile/140336-a.html

[a_hmed]

الف شكر يا باشا على ردك

بس معلش

اغير زيت قبل ما اغير الشانبر ولا بعده ؟؟
بعد ما تغير الميكانيكى هيطلب منك زيت رخيص وفلتر

بعد ما اغير زيت ولا شنبر هيطلب منى الزيت الرخيص و ليه هيطلب الرخيص

[ahmed_h_g]

حضرتك هتغير الزيت عادى جدا" قبل ما ترفع الموتور وتبدأ فيه شغل
بعد كده الميكانيكى هيعمر المكنه وهيطلب أى نوع زيت يلين بيه
يستحسن تجيب زيت رخيص تلين بيه علشان مش هتمشى بيه
هتلين بيه وهتغيره تانى بالفلتر علشان مرحلة التلين هتخلى الزيت كله رواسب ورايش بعد العمره
بعد كده غير الزيت بالفلتر وساعتها أشترى أى زيت

[a_hmed]

شكرا يا باشا على اهتمامك



معلش بس حضرتك عندك خلفية مصنعية الميكانيكى ممكن تبقى كام ؟؟

و الاحسن اغير جوان وش السلندر حتى لو كان سليم ولا لأ

و الزيت الى احته قبل العمرة احته الى بستخدمه ولا برضه رخيص علشان مش همشى بيه

[michohat]

طب افتراض انا دلوقت مع الميكانيكى بيفك الماتور علشان طقم شنبر
امتى الميكانيكى يقول الماكنه عاوزه عمرة ( بيشوف ايه يخليه يقول كده) و هل النتيجه دى بتظهر بعد ما يفك الماتور كله ولا بيكون لسه فى فرصه ممكنه للتراجع عن عمل العمرة و انه يرجع اللى فكه تانى (لانها هتكون مصاريف زياده) علشان يبقى ليا وقت احدد هل اعمل عمرة ولا اشوف ماتور استيراد

[wael6]

طب افتراض انا دلوقت مع الميكانيكى بيفك الماتور علشان طقم شنبر
امتى الميكانيكى يقول الماكنه عاوزه عمرة ( بيشوف ايه يخليه يقول كده) و هل النتيجه دى بتظهر بعد ما يفك الماتور كله ولا بيكون لسه فى فرصه ممكنه للتراجع عن عمل العمرة و انه يرجع اللى فكه تانى (لانها هتكون مصاريف زياده) علشان يبقى ليا وقت احدد هل اعمل عمرة ولا اشوف ماتور استيراد

نفس مشكلتى تقريبا ربنا يدلك وتتحل يارب
السؤال هنا (( هل لو المكنه خارطه قبل كده لكن مش الخرطه الاخيره فى الحاله دى العمره افضل ولا نجيب مكنه استيراد افضل هناك آراء متضاربه )) عربيتي اكسيل 1500 مو 95
نرجو الافاده ومتابع للاهميه

[a_hmed]

طب افتراض انا دلوقت مع الميكانيكى بيفك الماتور علشان طقم شنبر
امتى الميكانيكى يقول الماكنه عاوزه عمرة ( بيشوف ايه يخليه يقول كده) و هل النتيجه دى بتظهر بعد ما يفك الماتور كله ولا بيكون لسه فى فرصه ممكنه للتراجع عن عمل العمرة و انه يرجع اللى فكه تانى (لانها هتكون مصاريف زياده) علشان يبقى ليا وقت احدد هل اعمل عمرة ولا اشوف ماتور استيراد

نفس السؤال آلى محيرنى

[mrastra]

السلام عليكم
لو تسمحو نتكلم فى الموضوع دة بشوية استفاضة وبما انعم الله على من خبرة لاكثر من 20 سنة
السؤال هنا
ماكنة خفيفة اية الحل الامثل
المعطيات
قطع غيار فى السوق معظمها مضروب
صنايعية معندهمش ضمير واللى عندة ضمير مهمل واللى مش مهمل غبى واللى مش غبى عندة مساعد همة انة يخلص يومة وخلاص وعادة ما بيفوت اى مسمار يقع فى ايدة سوا وهو بيحل او وهو بيربط
ماكينات خراطة الكرنك ووش السلندر متهالكة ونفس الكلام عن الصنايعية
وقت الفك وتركيب الموتور وبهدلة ما بين شراء قطع غيار ووقفة عند الخراط والميكانيكى وتليين الموتور بضمير اللى محدش هايقدر يلينية صح غير صاحب العربية لانة هو اللى دافع دم قلبة
الحالة العامة لموتورك من مارش ودينامو وتروس واسبراتير وجميع الاجزاء الميكانيكية

الحل لو اتحلت كل المشاكل السابقة من صنيعيى شاطر وعندة ضمير الى قطع غيار اصلية الى خرط جيد ونسب خلوص مظبوطة بالميكرون وفك وتركيب بضمير وتليين على البارد بدون استعجال العمرة افضل 100 مرة من موتور استيراد
ولكن دة حلم انك تحققة
على الجانب الاخر دلوقتى سعر المواتير الاستيراد مغرى تحس انه نفس تمن العمرة دى واحد
اتنين الفك والتركيب يوم واحد
ثلاتة ما فيش تليين
اربعة اما انك بتبيع الموتور القديم بتاعك وتستفاد بفلوسة او انك بتاخد منة قطع غيار للموتور الاستيراد
يبقى الكلام كدة راح على شراء موتور استيراد
بس فى حالات الموتور اللى راكب مش محتاج يتعملة عمرة كاملة دا يادوب طقم شنبر والكلام دة بنسمعة من الميكانيكية بس عمليا ونظريا كمان دة كلام غلط ونقول لية
الشنبر اللى خلاص بقى يسرب زيت ومش قافل خلوص البستم كويس لازم يكون عمل تاكل فى الشمايز صحيح انت لو عملت طقم شنبر مش هايكون فية بخرة زرقة من الشكمان وتحس ان الموتور بقى كويس بس دة لمدة اد اية لو ان حظك حلو ومشيك هادى ومش بتشد انا بقول سنة على الاكثر لو الصيف اللى جاى كان رحيم بينا اما لو ان طريقة سواقتك رياضية مش هايستمر نهائي يبقى انا جبت وجع القلب لنفسي لان محدش بيقدر يتحكم فى نفسة وكمان فى مواقف بتجبرك انك تشد شوية لو بتعدى من عربية وخلافة
كمان فى حاجة مهمة جدا ....لو عملنا طقم شنبر وكان البستم والشميز كويسين يبقى هنا انا حكمت الجزء العلوى كويس جدا وسبت الكرنك والقواعد بتعتة معملتش فيهم حاجة
عارفين دة يعمل اية .....دة يعجل بتاكل سريع وحاد لسبايك الكرنك نظرا لقوة كبس المحرك واهمال احكام الجزاء المتحركة السفلية
يبقى كدة على اقصى تقدير الموتور كولة هايحتاج يتفك فى خلال سنة ويتعملة عمرة كاملة
اممممممم يبقى هنا رجعنا اننا فى كل الحالات هانعمل عمرة للموتور نشوف بقى كام واحد عمل عمرة كاملة ونجحت مية فى المية وكام واحد اشترى موتور استيراد وطلع كويس بنسبة مية فى المية
هاتختصر عليكم الموضوع لانى بسال كتير اوى فى الموضوع دة وعن تجارب شخصية الاستيراد افضل وخصوصا انة علية ضمان شهر
اسف للاطالة

[ahmed_h_g]

نفس مشكلتى تقريبا ربنا يدلك وتتحل يارب
السؤال هنا (( هل لو المكنه خارطه قبل كده لكن مش الخرطه الاخيره فى الحاله دى العمره افضل ولا نجيب مكنه استيراد افضل هناك آراء متضاربه )) عربيتي اكسيل 1500 مو 95
نرجو الافاده ومتابع للاهميه

مكنه أستيراد أفضل

[ahmed_h_g]

طب افتراض انا دلوقت مع الميكانيكى بيفك الماتور علشان طقم شنبر
امتى الميكانيكى يقول الماكنه عاوزه عمرة ( بيشوف ايه يخليه يقول كده) و هل النتيجه دى بتظهر بعد ما يفك الماتور كله ولا بيكون لسه فى فرصه ممكنه للتراجع عن عمل العمرة و انه يرجع اللى فكه تانى (لانها هتكون مصاريف زياده) علشان يبقى ليا وقت احدد هل اعمل عمرة ولا اشوف ماتور استيراد

لو ميكانيكى شاطر هيعرف من غير ما يفك الموتور أساسا"

[a_hmed]

هو صحيح ذى ما بتوع قطع الغيار بيقولو ان الشانبر الالمانى معمول فى مصر و مش مستورد و الاحسن البرازيلى لانه احسن بلد بتنتجه ؟؟؟؟

[ahmed_h_g]

الميكانيكيه بيشكروا فى شنابر مجدى رمزى متخصص شنابر فقط فالتوفيقية

[wael6]

الميكانيكيه بيشكروا فى شنابر مجدى رمزى متخصص شنابر فقط فالتوفيقية

انا من المنصورة
وعربيتي اكسيل 1500
اغير الشنابر واجيب يابانى ولا فيه نوع افضل منه
نرجو الافاده ولكم جزيل الشكر