تغيير طقم الشانبر ؟؟

[mrastra]

السلام عليكم ورحمة الله
فعلا الشنبر البرازيلى ذو سمعة طيبة جدااااااااااااا من سنين

[a_hmed]

الميكانيكيه بيشكروا فى شنابر مجدى رمزى متخصص شنابر فقط فالتوفيقية

انا من اسكندرية :d:d

[a_hmed]

السلام عليكم ورحمة الله
فعلا الشنبر البرازيلى ذو سمعة طيبة جدااااااااااااا من سنين

بس لدرجة انه يبقى احسن من الاصلى !؟؟

ولا عشان الاصلى بيتصنع فى مصر مش مستورد ؟

[mrastra]

ما فيش شنابر اصلى ولا بساتم اصلى ولا شمايز اصلى والسبيكة المصانع الحربية احسن من الاصلى

[windofchange]

السلام عليكم
لو تسمحو نتكلم فى الموضوع دة بشوية استفاضة وبما انعم الله على من خبرة لاكثر من 20 سنة
السؤال هنا
ماكنة خفيفة اية الحل الامثل
المعطيات
قطع غيار فى السوق معظمها مضروب
صنايعية معندهمش ضمير واللى عندة ضمير مهمل واللى مش مهمل غبى واللى مش غبى عندة مساعد همة انة يخلص يومة وخلاص وعادة ما بيفوت اى مسمار يقع فى ايدة سوا وهو بيحل او وهو بيربط
ماكينات خراطة الكرنك ووش السلندر متهالكة ونفس الكلام عن الصنايعية
وقت الفك وتركيب الموتور وبهدلة ما بين شراء قطع غيار ووقفة عند الخراط والميكانيكى وتليين الموتور بضمير اللى محدش هايقدر يلينية صح غير صاحب العربية لانة هو اللى دافع دم قلبة
الحالة العامة لموتورك من مارش ودينامو وتروس واسبراتير وجميع الاجزاء الميكانيكية

الحل لو اتحلت كل المشاكل السابقة من صنيعيى شاطر وعندة ضمير الى قطع غيار اصلية الى خرط جيد ونسب خلوص مظبوطة بالميكرون وفك وتركيب بضمير وتليين على البارد بدون استعجال العمرة افضل 100 مرة من موتور استيراد
ولكن دة حلم انك تحققة
على الجانب الاخر دلوقتى سعر المواتير الاستيراد مغرى تحس انه نفس تمن العمرة دى واحد
اتنين الفك والتركيب يوم واحد
ثلاتة ما فيش تليين
اربعة اما انك بتبيع الموتور القديم بتاعك وتستفاد بفلوسة او انك بتاخد منة قطع غيار للموتور الاستيراد
يبقى الكلام كدة راح على شراء موتور استيراد
بس فى حالات الموتور اللى راكب مش محتاج يتعملة عمرة كاملة دا يادوب طقم شنبر والكلام دة بنسمعة من الميكانيكية بس عمليا ونظريا كمان دة كلام غلط ونقول لية
الشنبر اللى خلاص بقى يسرب زيت ومش قافل خلوص البستم كويس لازم يكون عمل تاكل فى الشمايز صحيح انت لو عملت طقم شنبر مش هايكون فية بخرة زرقة من الشكمان وتحس ان الموتور بقى كويس بس دة لمدة اد اية لو ان حظك حلو ومشيك هادى ومش بتشد انا بقول سنة على الاكثر لو الصيف اللى جاى كان رحيم بينا اما لو ان طريقة سواقتك رياضية مش هايستمر نهائي يبقى انا جبت وجع القلب لنفسي لان محدش بيقدر يتحكم فى نفسة وكمان فى مواقف بتجبرك انك تشد شوية لو بتعدى من عربية وخلافة
كمان فى حاجة مهمة جدا ....لو عملنا طقم شنبر وكان البستم والشميز كويسين يبقى هنا انا حكمت الجزء العلوى كويس جدا وسبت الكرنك والقواعد بتعتة معملتش فيهم حاجة
عارفين دة يعمل اية .....دة يعجل بتاكل سريع وحاد لسبايك الكرنك نظرا لقوة كبس المحرك واهمال احكام الجزاء المتحركة السفلية
يبقى كدة على اقصى تقدير الموتور كولة هايحتاج يتفك فى خلال سنة ويتعملة عمرة كاملة
اممممممم يبقى هنا رجعنا اننا فى كل الحالات هانعمل عمرة للموتور نشوف بقى كام واحد عمل عمرة كاملة ونجحت مية فى المية وكام واحد اشترى موتور استيراد وطلع كويس بنسبة مية فى المية
هاتختصر عليكم الموضوع لانى بسال كتير اوى فى الموضوع دة وعن تجارب شخصية الاستيراد افضل وخصوصا انة علية ضمان شهر
اسف للاطالة

جزاك الله خير يا مرساتا الله ينور عليك ويبارك فيك

[mrastra]

شاكر مرورك العطر وتشجعيك
بس الاسم mr astra

[wael6]

[IMG]file:///C:/DOCUME%7E1/HOLLYW%7E1/LOCALS%7E1/Temp/moz-screenshot.png[/IMG][IMG]file:///C:/DOCUME%7E1/HOLLYW%7E1/LOCALS%7E1/Temp/moz-screenshot-1.png[/IMG][IMG]file:///C:/DOCUME%7E1/HOLLYW%7E1/LOCALS%7E1/Temp/moz-screenshot-2.png[/IMG]السلام عليكم ورحمة الله
ويارب ييسر لمصر الخير والرشاد
تم بحمد الله تعالى فتح الموتور
والحمد لله لقيت الشمايز سليمه والكرنك ومخرطوش قبل كده وكانت اول مره تحل
بس لقيت عدد 2 بستم مكسورين
واشتريت طقم بستم ستاندر وطقم شنبر وطقم جوانات
والميكانيكي هيعمل روديه للصبابات ان شاء الله
هو محلش عمود الكرنك ( هل ده عادى ولا لازم الافضل يشيلوا خالص ويكرب المكنه بره )
وهل يوجد طريقة معينه للتاكد من كلام الميكانيكي من ناحية سلامة الشمايز والكرنك
نيجي لجزء الدبرياج والفتيس
لما ركب العربيه وجربها قالى صوت الوجوجه ده من الفتيس ويفضل تغييره لانك هتغيرله بلي وغوايش وبعد شهر هيرجع تانى وتكون صرفت 200 ج مثلا اقل واجب؟

وقالى بخصوص بلية الدبرياج والديسك والاسطوانه ميبانوش الا لما يحل الفتيس وانهم ع الوضع الحالى مش باينين من ناحية حل الموتور
وان صوت النحره والعربيه واقفه ولما تدوس دبرياج الصوت يروح تكون بلية الدبرياج سليمه والعيب فى الفتيس
وحتى لو غيرنا الديسك والاسطوانه والبليه مش هتفرق معاك
ولا راي حضرتك ايه(( هو المفروض وهو حالل المكنه يشوف الدبرياج والفتيس ولا ايه الوضع بالظبط ))
اصل النقطه دى مش واضحه بالنسبه لي


السؤال بقا هل لو ظبطت المكنه حاليا وصرت لما اغير الفتيس بعد شهر او اتنين هل هيأثر بالسلب ع الموتور ؟ ولا ملوش علاقه ؟


مستنى ردودكم المفصله القيمه باذن الله تعالى
ولكم جزيل الشكر والامتنان

[ahmed_h_g]

طالما كشف على الكرنك يبقى متقلقش
بس المهم يغير الأويل سيلات الخاصه بيه من الجنبين
بالنسبه للفتيس أمشى بيه عادى لغاية ما تنوى تصلحه
خليه يفكه بالمره يكشف على طقم الدبرياج

[wael6]

طالما كشف على الكرنك يبقى متقلقش
بس المهم يغير الأويل سيلات الخاصه بيه من الجنبين
بالنسبه للفتيس أمشى بيه عادى لغاية ما تنوى تصلحه
خليه يفكه بالمره يكشف على طقم الدبرياج

حضرتك تقصد انه يفك ايه
معلش نرجو التوضيح
وهل تصليح الفتيس مجدى ولا تغييره افضل ع المدى البعيد
ولكم جزيل الشكر

[ahmed_h_g]

حضرتك تقصد انه يفك ايه
معلش نرجو التوضيح
وهل تصليح الفتيس مجدى ولا تغييره افضل ع المدى البعيد
ولكم جزيل الشكر

لو فك الموتور والبلوك راكب فى مكانه مفيش مشكله لو ميكانيكى فاهم
بالمره خليه يفك الفتيس من بلوك الموتور علشان يظهر طقم الدبرياج ( الدسك و الأسطوانه والبليه )
لو الطقم تعب وبيودع يستحس تغيره وتريح نفسك
وهتبقى الكسبان مش هتخسر حاجه
علشان لو فيه مشكله فالفتيس برضه هتغيرهم لما تيجى تحل الفتيس علشان تصلحه
فياريت تغيرهم دلوقتى وتجرب ممكن يطلع العيب منهم و 70% معظم المشاكل اللى عندك من طقم الدبرياج

[michohat]

ليا اكتر من سؤال
هل كان فيه اكتر من نوع من قطع الغيار اللى انت جبتها وهل الميكانيكي كان مرشح نوع معين و يا ريت لو في اسعار لاني داخل على حل الماتور

[AbdallahRaafat]

أنا عندى الموتور بياكل زيت وعايز أعرف لو يكون من الشنبر أو جلب الصباب من غير ما احل المتور اعرف إزاى

[momo44]

أنا عندى الموتور بياكل زيت وعايز أعرف لو يكون من الشنبر أو جلب الصباب من غير ما احل المتور اعرف إزاى

اعمل اختبار كبس للماتور
لو طلع اقل من 60 يبقى شنبر
بس اعمل الاختبار اللى بيتعمل والعربية مبطلة
بيتعمل لكل بستم لوحده

[ahmed_h_g]

http://www.nilemotors.net/Nile/65410-copression-test.html

http://www.nilemotors.net/Nile/140336-a.html

YouTube - Compression Testing and What You Can Learn From It

[wael6]

ليا اكتر من سؤال
هل كان فيه اكتر من نوع من قطع الغيار اللى انت جبتها وهل الميكانيكي كان مرشح نوع معين و يا ريت لو في اسعار لاني داخل على حل الماتور

اشتريت طقم بستم يابانى ماركة art ب 200 ج
طقم شنبر يابانى ب 125 ج
طقم جوانات تايوانى 65 ج
بوجيهات نبرو المانى واحد شمعه ب 30 ج
فلتر زيت + غيار زيت للتلين 70 ج
سير كاتينه 60 ودينامو وتكييف وباور 60 ج
مخرطه 40 ج
نثريات 100 ج
مصنعيه 300 ج
تنضيف ريداتير وتسليك 50 ج
وربنا يجعل النتيجه خير
ويدلك ان شاء الله