"ووضع الكتاب .." !! (وائل عطية)

[أبو عبدالله]

ألف صقفة وتحية للمهندس أحمد على الرد الرائع....
بارك الله فيك وجزاك خيرا على ماكتبت يداك...

وانا معاك والله يا دكتور احمد

[PRO-DRIVE]

ربنا يبارك فيك يا بشمهندس احمد :)


انا معنديش الخلفيه الدينيه القويه اللي اقدر اتكلم بيها
لكن مثلا في اجانب كتيييييير بيطولوا اللحيه

و مش مسلمين بيطولو اللحيه حتي اغلب الsatanism تخيل بقي بيطولوها :)

و برغم معتقداتهم دي محدش قالهم قصوا اللحيه ولا حاجه

لأن في فرق بين فرض الرأي و بين ان دع كل واحد يفعل ما يشاء
انت مقتنع بحاجه اجعلها لنفسك


خلاص مش لاقي اي شيئ تناقش و تجادل فيه غير طلق اللحيه و قصها ؟؟

طيب حضرتك دلوقتي اضعت من وقتك و من عملك اد ايه عشان تناقش موضوع زي دا
حنطلع القمر ازاي ؟؟

[ahmed1981]

2

اخوانى الافاضل ..
المشكلة انكم لا تقرأون ما اكتب و تكتبون عن تصورات فى اذهانكم انتم و اكاد اجزم عن سوء ظن و شك و ريبه ، فأذا كان الامر كذلك
فطبعا لا يكون حوار و لا نقاش و لا رغبة فى فهم الاخر و تصبح المسألة " هو كده و السلام و لو بتعارض تبقى على رأى اغنية صلاح
جاهين : يا عديم الاشتراكية .. يا خاين المسئولية .. حنزمرلك كدهه و نطبلك كدهه .. الى اخر الاغنية فقط تستبدلون كلمة
الاشتراكية بعديم الدين و الشربعة و التهم الكبيرة ديه و هو تكرار لمنهج جماعات التكفير و الهجرة و التطرف و التشنج و الانغلاق و تحويل الدين
من شئ جميل و رائع و رسالة للبشرية للهدى و التقدم الى شئ فقير و متواضع ..

بالتأكيد أنا وغير نقرأ ما تكتبه حرفا حرفا
مش عشان أبو علي ولك عشان الطبيعي أن الرد لا يكتب إلا بعد القراءة وفهم المقصد الذي يريده الكاتب
والأستاذ وائل أظن قال لك أكثر من مرة أنه يقرأ كلامك أكثر من مرة
وعدم إقتناع الكاتب بوجهة نظرك ليس حجة تدل على عدم قراءته لوجهة نظرك
وأنا شايف إن التشنج والإنغلاق هو إتهام الآخرين بعدم قراءة رأيي لمجرد أنهم لم يأخذوا به

فى مجتمعنا الذى تربى على الرأى الواحد و الفكر الواحد
و المسلمات غير العقلانية و غير العلمية ..و المنهج الذى سماه استاذ الجيل طه حسين " منهج العننه " ..معلوماتنا و فهمنا للدين نأخذها عن فلان الذى اخذها عن فلان الذى اخذها علان و نرجع للعصور الوسطى

أنا معك أعترض على مبدأ الرأي الواحد
لكني أرى أنك تحاول جعل رأيك هو الرأي الواحد ومن يقول غيره فهو لم يقرأ رأيك

القدماء الذين عاشوا من عشرة او اتناشر قرن كان لهم عقولهم وليسوا منزهين عن الخطأ و ليس لهم عصمة و لو رجعتم لتاريخ الاسلام لوجدتم خلافات كبرى بين الائمة و الفقهاء و فى النهاية فمن رحمة الله ان من حق المسلم ان يستفتى قلبه لو لم يقتنع بما يسمعه من فتاوى و تفسيرات ..

ومازالت التفسيرات متوالية حتى يومنا هذا ولن تتوقف
لأن معجزة القرآن هو إستمرار تفسيره من يوم نزوله إلى يوم أن يرفعه الله من الأرض أو إلى يوم القيامة
وأظن كلمة (دحاها)في سورة النازعات في القرآن فسرت في الماضي البعيد بمعنى بسطها
ولكن في الحصر الحديث وجد أحد العلماء أن هناك طائفة من العرب كانوا يسمون البيض دحي (وبعض نسلهم موجود في الدول العربية وبعض قرى مصر وأنا قابلتهم شخصياً) ففسر الكلمة بمعنى جعلها بيضاوية الشكل أي أن القرآن أثبت كروية الأرض قبل الجميع

ولن يتوقف التفسير أبداً

و لا نرى اثرا لذلك فى حياتنا ؟؟ طيب ليه ؟ الا يدل ذلك على ان تدينا و المبالغ فيه كمان تدين زائف و صورى ؟؟ فكلما زادت ما يسمونه من وجهة نظرهم " اسلمة "
كلما ضعفت الاخلاق و انحدرت النفوس و زاد الفساد و بنسبة عكسية غريبه .. و الاخ الدكتور احمد شخص الحالة بأن المجتمع فى حالة
مرض شديد .. و سألته طيب ما السبب فى ذلك - رغم كل هذه المهرجانات الدينية - و لم اجد ردا .. كالعادة لا ردود على ما اثيره بل مجرد محاولة للتسفيه و الارهاب الفكرى !

المجتمع في مرض شديد
السبب قاله الجميع من قبل أن تطرح سؤالك
وسأعيده
السبب هو البعد عن الإلتزام بالدين الإسلامي وإتباع أوامره بالكامل ومنها البعد عن المحرمات (كذب خداع سباب غش سرقة قتل إلخ . .)
يعني لو مسكنا إتنين بيسرقوا واحد فيهم ملتحي والآخر غير ملتحي (أو واحدة لابسة الزي الإسلامي (الحجاب) والأخرى غير محجبة). سبب قيامهم بالسرقة هو أنهما لم ينفذا أمر الله بتحريم السرقة
وليس السبب هو الشعر الذي تركه الملتحي في وجهه أو الشعر الذي حلقه الحليق من وجهه
وليس السبب هو الخمار فوق رأس تلك أو رأس تلك العاري
يعني ليس هناك ملائكة من الفريقين فالكل وارد منه المعصية إلا من أطاع أمر الله وعصمه الله
الإجابة موجود في ردود سابقة كثيرة حتى قبل طرح سؤالك ولكن الإرهاب الفكري غير موجود بالمرة فكل واحد يكتب ما تمليه نفسه دون قيود

الاخ العزيز و المهاجم الذى لا يشق له غبار حسام حسن يسألنى ان اعرفكم بنفسى و الاخ ابو عبدالله و الاخ شاركى وجهوا لى دعوة لمقابلة
الاخوة فى المنتدى .. و انا فى الحقيقة اعتذرت لاحساسى بأنه اذا دخلنا فى مناقشات دينية من هذا النوع سوف نختلف و ممكن ان اسمع كلام غير لطيف
و اتهامات و يمكن كمان خناق و عليه فضلت لهذا السبب ان اظل بعيدا احسن .

وأنا معك أن المنتدى قام بالغرض من النقاش وإن كل واحد منا يقرأ ويرد بمنتهى الحرية

عندما كنت اقول ابو على جامد و مرعب كان ذلك مداعبة لتلطيف حدة او حماسة النقاش .. لكن فعلا بعد ما كتبه الثلاثى الميمون ابو
عبدالله و ابو وائل و الدكتور احمد .. فأعتقد ان اى انسان محايد يقرأ سيجد انى على الاقل بالنظر الى الردود الهزيلة التى لا تسمن و لا تغنى
و التذرع بحجج للهروب من النقاش هو دليل على ضعف الحجة و البرهان ناهيك عن العقل و المنطق ان ابو على فعلا جامد و مرعب !

ألا ترى معي أن تسفيه آراء الآخرين لمجرد الإختلاف معهم ليس من الأسلوب الحضاري في النقاش الذي تطالب به أنت
ولكن الآن أنا الذي أطالب بإتباع الحضارة في النقاش وهدم تسفيه آراء وعقول المخالفين في الرأي مهما كان رأيهم

ابو على جامد قوى و حينازلكم و يهزمكم كمان بالضربة القاضية مش بالنقط انشاء الكريم و دمتم !

بتحسسني ليه إنك في حلبة مصارعة بقولك ضربة قاضية وهزيمة وجامد وغيره

أنا أرى أن النقاش الحضاري البناء فائدته هو توضيح جميع وجهات النظر توضيحاً جليا حتى ينجلي الغبار عن الرأي الصحيح وبالتالي يتفق عليه المتناقشون جميعاً وقد يكون ذلك الرأي رأي أحدهم أو خليط من آراء بعضهم
وليس الهدف هو هزيمة المخالف في الرأي وكأننا في معركة حربية

والله الهادي إلى الصراط المستقيم
والسلام عليكم ورحمة الله وبركاته

[Abu Aly]

حنطلع القمر ازاي ؟؟

انا اقولك يا برو يا حبيبى ... ربى اللحية و انتكها ولم مطلعتش القمر اضمن لك دخول الجنه !

------------------------------------------------

يظهر الثلاثى فلسوا و و جتلهم النجدة من السما و ما صدقوا الاخ احمد 1981 كتب رد فسارعوا بالتمسح فى ما كتب من رد و هرعوا
الى تهنئته و كيل المديح و تعليق الزينات و النفخ فى الزمامير و الطبل .. و الا بلاش الطبل و الزمامير نقول بدق الدفوف لحسن نكون كفرنا
فى دى كمان !!!! انا لم اجد فى رد الاخ احمد اى شئ جديد و هو تكرار لكن بأسلوب مختلف شوية عما سبق .. و بصراحة مش شايف فرق
بين احمد و الحاج احمد ..و امرى لله مضطر اضيع وقتى فى الرد على كل ما سلف و حيث انى محتاج للرد على مداخلات 4 زملاء
فلن استطيع ان اكتب الرد على مره واحدة فارجو عدم التعقيب الا بعد ان انتهى تماما ..حسن الهلالى واجه خصومه الثلاثة اما قدر ابو على
ان يواجه اربعة مرة واحدة .. تجمع و تكتل الاخوة يدل على ما سبق و قلته : ابو على جامد قوى و مرعب و زئيره يجعل ركب البعض تسيب !

[PRO-DRIVE]

انا اقولك يا برو يا حبيبى ... ربى اللحية و انتكها ولم مطلعتش القمر اضمن لك دخول الجنه !

اولا الناس هنا شافتني و انا مش مطلق اللحيه

ثانيا انا قلت ردي من تعجبي انك مهتم بموضوع زي دا و مخلي نفسك بطل قومي
عشان خالفت
هتلر برضه كان فاكر نفسه الوحيد اللي بيفكر في العالم :)

في مثل بيقول ربنا وزع الارزاق محدش عجبه رزقه و وزع العقول كل واحد عجبه عقله

انا اساسا مش بهتم بالهراء دا عشان ملوش لازمه اساسا
مجرد جدال منك نفسي اعرف عاوز توصل فيه لأيه

حترتاح اذا مشفتش ذقن اي واحد ؟؟

تعباك اوي لحيه الناس ؟؟ متبقاش تبوسهم يا اخي ههههههههههه

طريقتك مجمعه بفرض الرأي انت الوحيد اللي فاهم و محدش فاهم
انت البطل المغوار الجامد اللي كل الناس ضده عشان معندهمش طول بال يجادلوه

طيب بدل ما تضيع وقتك و ترد ضيع وقتك في حاجه مفيده و انت اساسا بدون الدخول في هذا الجدال ليك كل الاحترام

فحتطلع برضه القمر ازاي و انت بتتكلم بتتكلم بتتكلم بتتكلم بتتكلم
عملت ايه طيب يفيد في انك تطور 0.0000000000001%
مننا كل اللي بتعمله مجرد كلام و في نهايه الموضوع كل كلامك حينزل تحت في صفحات
لكن لو عملت بالفعل مش حيبقي كلام


تم غلق الموضوع لعدم الحاجة لجدل جديد
ونرجو من السيد أبو على مراعاة آداب الحوار مع باقى الأعضاء
مشرف المنتدى