تشترىلابتوب (نوتبوك) ايه؟

[د.اسماعيل النجار]

hp وعن تجربة جهاز رائع لكن فى الحدود السعرية اللى قلتها ممكن hp compac ودا يختلف عن hp pavilion الاول للاعمال والثانى للترفيه يعنى التانى يزيد كاميرامدمجة ووصول سريع للميديا بلاير وسعة اكبر للهارد لكن الثانى فيه ميزة انه

بنسخة فيستا بيزينس اصلية والبافيليون نسخة بريميوم اصلية برضه لكن البيزينس اقوى
وعلى فكره ياريت الادارة تتكرم وتثبت الموضوع ثانى لفايدة الجميع مش اكتر ولان الموضوع بصراحة يقى مرجع لكل اللى عايز يشترى لابتوب وانا استفدت منه كتير جدا فى شراء الجهاز مع الشكر مقدما

[د.اسماعيل النجار]

وكمان لسه الاستفتاءات شغاله

[Nile_Storm]

طب و الايسر
و السيمنس
انا عارف اتكو قلتو انهم اقل من اتش بي
بس ممكن بالرانج ده اجيب حاجه مواصفاتها اعلي
ولا هابقي زي اللي بيشتري عربيه صيني علشان الاوبشنز ؟

معلش بتقل عليكو اصلي جاهل جدا بمموضوع اللاب توب ده
و ياريت تذكرولي اسماء الموديلات

[pendodo2002]

طب و الايسر
و السيمنس
انا عارف اتكو قلتو انهم اقل من اتش بي
بس ممكن بالرانج ده اجيب حاجه مواصفاتها اعلي
ولا هابقي زي اللي بيشتري عربيه صيني علشان الاوبشنز ؟

معلش بتقل عليكو اصلي جاهل جدا بمموضوع اللاب توب ده
و ياريت تذكرولي اسماء الموديلات

دا كان تعليق سابق ليا حول معظم الماركات

http://www.nilemotors.net/Nile/showpost.php?p=239475&postcount=100

وبالنسبه لايسر ... حقيقه الجهاز ده اسطوره .. ورخيص جدا مقارنه مع مثيلاته بنفس الامكانيات
يكفي اني اقولك ان الجهاز عندي شغال (ولله الحمد وربنا يديمه) ما يقارب 13 الف ساعه من العمل المتواصل على مدى ثلاث سنوات وهو لابتوب و لم اعاني من اي مشاكل باستثناء ال DVD-rom وطبعا موضوع البطاريات ... و الآداء العام للجهاز جايب 97.8% بالنسبه لكافأءه البروسيسور و الرامات وهي ارقام مكانش في يوم اتخيلها بكل اللي انا بعمله عليه .... بصراحه مقارنه مع اجهزة اصحابي اللي جابوها في نفس الوقت بتاعي وكانت HP و Dell inspiron 6000 ... الايسر بتاعي اقوى من ناحيه المعالجات ثلاثيه الابعاد(جرافكس) و معالجه الداتا بشكل عام ... والبروسيسورات عندهم جابت 95% لل HP و 96.8% للـ Dell للكفاءه ( الارقام دي تم قياسها عن طريق برامج متخصصه لقياس السرعه الفعليه للبروسيسورات )
وحقيقه انا انصح اي حد عايز يوفر فلوس من غير نقص في الجوده وللزمن يبقا يشتري ال Acer
بس ... لازلت مصمم وارجع واقول بلاش اي حد يشتري ايسر بالذات من مصر علشان اللي هنا في مصر فيه مشاكل كتير ...
تحياتي

[د.اسماعيل النجار]

انت شكرت قوى فى الايسر وفى الاخر بتنصح بعدم شرائه من مصر انا اعرف انه تايوانى فهل ياترى اللى فى مصر منشا تانى ولماذا تنصح بعدم شرائه من مصر هل كثرة الاعطال ام الصيانة ام البطارية ام السخونة ياريت لو تفضلت تقول لنا رايك بالتفصيل وتقبل تحياتى

[pendodo2002]

انت شكرت قوى فى الايسر وفى الاخر بتنصح بعدم شرائه من مصر انا اعرف انه تايوانى فهل ياترى اللى فى مصر منشا تانى ولماذا تنصح بعدم شرائه من مصر هل كثرة الاعطال ام الصيانة ام البطارية ام السخونة ياريت لو تفضلت تقول لنا رايك بالتفصيل وتقبل تحياتى

اولا هوا صيني مش تايواني
ثانيا لان الصيني اللي بينزل مصر بيبقا درجه تاسعه وعاشره بغض النظر حتى لو نفس الشركه ... على عكس اللي بينزل الخليج بيبقا صيني درجه عاليه جدا تكاد توازي الياباني من ناحيه القوه وتقريبا بنفس التكنولوجيا مع ملاحظة ان بعض الاجزاء بتتجمع في جبل علي في الامارات (والكلام ده من مركز جامبو اللي معاه توكيلات معظم الالكترونيات تقريبا في الامارات )
ثالثا انا لحد هذه اللحظة مفيش اعطال فيه خالص ... المشكله بس في البطاريه انها بتقعده فتره قصيره (هيا كانت بتقعد ساعه ونص ... بعد كدا بقت 45 دقيقه ... بعد كدا بقت 15 دقيقه.... وعلي اي حال زيها زي بطاريه الموبايل ليها عدد محدود من مرات الشحن قبل ان تستهلك وبتحتاج تغيير )وهيا بتتشحن في 4 ساعات ... بالنسبه للسخونه بيعتمد على حسب شغلك ... لو شغل جامد بيسخن ... لو الشغل العادي ... المروحه اصلا مبتشتغلش و الجهاز مبيسخنش كمان
الجيل الجديد اللي شغال بنظام ال E-Powering سمعت عنو انو جامد جدا و شكله شيك اوي وبرضو الاسعار زي ما هيا
علي اي حال انتا ممكن تنزل في ستي ستارز في القاهره محل اسمه CompuMe بيبقا في مندوب ايسر هناك ... روح اسأله وشوف الامكانيات وقارنها بالاسعار مع اللابتوبات التانيه

تحياتي

[Ramy.Gamal]

يا جماعه السونى اليابانى ده كلام تانى خالص غير بقيه اللاب توبات التانيه خالص بس اليابانى بيبتدى من 10 وانت طالع بس فعلا تحفه وكارثه وهو فيه موديلين الفايو vaio . او برافا brava وطبعا لو وقفنا على شعرنا البرافا مش هينزل مصر يبقى خلينا فى ال vaio اليابانى وبعد كده الدل بصراحه اكثر من ممتاز ورائع وخدمه شاقه فعلا عن حق

[wawoo]

اى حد عاوز لاب توب يبعد تماما عن الايسر , جهاز سىء بمعنى الكلمة , و لو حكتلك على المشاكل اللى حصلت فية من ساعة ما اشتريتة , مش حتشترى لاب توب تانى مش ايسر بس , و فى الااخر بيعتة ب 10% من تمنة بعد استحالة اصلاحة , شركة فاشلة بكل المقايسس , و محدش يفكر يشترى اى حاجة ايسر مش لاب توب بس ,
و انا عارف ان فى ناس شغال معها كويس , بس دة مجرد صدفة مش اكتر .

[pendodo2002]

اى حد عاوز لاب توب يبعد تماما عن الايسر , جهاز سىء بمعنى الكلمة , و لو حكتلك على المشاكل اللى حصلت فية من ساعة ما اشتريتة , مش حتشترى لاب توب تانى مش ايسر بس , و فى الااخر بيعتة ب 10% من تمنة بعد استحالة اصلاحة , شركة فاشلة بكل المقايسس , و محدش يفكر يشترى اى حاجة ايسر مش لاب توب بس ,
و انا عارف ان فى ناس شغال معها كويس , بس دة مجرد صدفة مش اكتر .

لو كان اللي بيتكلم عاقل ... فاللي بيسمع مجنون
انتا عايز تفهمني انك اشتريت لابتوب بـ 4 آلاف ولا 5 آلاف و في الآخر بعته بـ 400 ولا 500 جنيه ... !!!!!!
دنتا لو بعته لبتاع الروبابيكيا هيديك فلوس اكتر
وبعدين ايه هيا المشكله المهووووووله اللي الشركه معرفتش تحلها ؟؟
الشاشه بتتغير بحوالي 1000 درهم
الماذر بورد وهو اغلى قطعه بيتغير بمبلغ لا يتعدى ال 1500 درهم
بقيه الحجات كلها بتتغير بمبالغ لا تزيد عن 500 درهم في معظم الاحيان
يبقا ايه هيا المشكله المهوله اللي انتا وقعت فيها اللي نزلت في اللابتوب 90% من قيمته !!!
يا ريت يعني لو فعلا القصه دي حقيقيه تقولها لنا بدل من اختصارها في كلمات في سطرين
اه وبالمناسبه شركه ايسر كمان بتدي تأمين ضد الحوادث لمده سنه و ضمان دولي لمده سنه وضمان محلي لمده 3 سنين ووممكن يغيروا ليك اللابتوب بالكامل لو فعلا فيه مشاكل مش هينطولك كل شوية و يقولك دا عيب يوزر

[M_HaFeZ]

بس للتوضيح ... الاخ واو اكيد كان بيبالغ فى موضوع ال 10%
انا من تعاملى الكتير اوى مع الايسر وبنتها البنكيو
اقدر اقول انها مش ماركه تعتمد عليها بقوه وسط الماركات الكبيره

اللابتوب دائما وابدا مشكله البطاريه .. مع العلم ان معظم الشركات مبتصنعش البطاريات وبتشتريها من مصنعين متخصصين فيها .. وتبقى للابد مشكله بطاريات اللابتوب
بس الايسر برضو فيه مشاكل كتير ... فى كل حاجاته وزى ماقلت مينفعش تقارنه مقارنه عادله بينه وبين الشركات الكبيره ..

[Defender]

لالالالالالا في اللابتوب بالذات اوعى تفكر تشتري حاجه غير اتش بي او اتش بي كومباك انا زمان من 4 سنين كنت محتار زيك و خلال الاربع سنين اشتريت توشيبا و اتش بي و كومباك و ديل بس الامانه لله اتش بي و الكومباك - تبع اتش بي - مفيش زيهم مبدئيا انا مش بقول ان باقي الاجهزه وحشه بس في حلو فيه احلى و في الاحلى كلهم من ناحيه الاداء زي الفل لأن مفيش شركه من اللي فاتو هضحي باسمها عشان تكسب حفنه جنيهات بس الاتش بي اللي بيقولوا عليه غالي ممكن يكون اغلى ب 500 جنيه من باقي الماركات اللي في نفس المواصفات و ممكن توصل ل 1000 بس ده شيء طبيعي بنلاحظها في حاجات كتير في حياتنا و عندك مثلا السوني اغلى من امثاله في حدود 3 الاف جنيه لكن اهم شيء في الموضوع كله التوكيل و الضمان مش هحكيلك غير على موقفين حصلوا معايا في التوكيل و شوفوا حلاوه التعامل و البساطه
مرة اتحرقت مني الموذربورد و الغلطه كانت مني بسبب اني كنت مشغل الجهاز على كهربه القطار - كنت رايح الصعيد - و مكنتش عارف انها عاليه و حرقت الموذر بورد و طبعا رحت التوكيل و انا مجهز 100 حجه و حجه في دماغي عشان يصلحوه على حسابهم و اول ما رحت هناك كشف على الجهاز و قالي بكل برود "متشغلش بالك يا راجل عادي جدا الموذر اتحرقت هنغيرهالك على حساب الضمان " طبعا سلمت الجهاز و خرجت من عندهم و انا في قمة الذهول
تاني موقف ده الاسبوع اللي فات رايح عندهم عشان يكشفوا عليه -الصيانه الدوريه - و يغيرولي وندوز طلع الهارد في بادات -نتيجه الاستخدام الغير الادمي و الخبطات و الاهتزازات في السيارات - و انا مكنتش اعرف لقيتهم مغيرين الهارد و رجعولي الداتا اللي عليه من الهارد القديم و رجع زي مكان

و في الاول و في الاخر الاختيار ليك

ممكن تقول لينا مكان التوكيل

[pendodo2002]

بس للتوضيح ... الاخ واو اكيد كان بيبالغ فى موضوع ال 10%
انا من تعاملى الكتير اوى مع الايسر وبنتها البنكيو
اقدر اقول انها مش ماركه تعتمد عليها بقوه وسط الماركات الكبيره

اللابتوب دائما وابدا مشكله البطاريه .. مع العلم ان معظم الشركات مبتصنعش البطاريات وبتشتريها من مصنعين متخصصين فيها .. وتبقى للابد مشكله بطاريات اللابتوب
بس الايسر برضو فيه مشاكل كتير ... فى كل حاجاته وزى ماقلت مينفعش تقارنه مقارنه عادله بينه وبين الشركات الكبيره ..

1- ممكن توضح معنى كلمه بقوه اللي حضرتك بتقول عليها دي .. يعني هل عند حضرتك مقاييس معينه ليها ؟؟ ولا انتا تعاملها معامله الصيني والالماني زي السيارات ؟؟؟؟

2- مشكله البطاريه فعلا هيا ابديه ولاتزال عند الايسر ومش عارف ليه ده ... يعني البطاريات اللي هيا بتييجي بـ 9 خلايا طاقه مبتشتغلش زي بطاريه اللابتوب الاتش بي اللي بـ 6 خلايا طاقه بس.... حتى اللابتوب الجديد بتاعهم بيشتغل 3.5 ساعات بس على مدى استخدام متوسط منخفض ... بجد يحرق الدم جدا

3- هل في مشاكل حقيقه حصلت و الضمان مصلحاش ليك ؟؟ ... اصل غالبا انتا او انا او اي حد تاني مش هيشتري لابتوب عمره اكثر من تلات سنين (مده الضمان المحلي)... وبالتالي هيفضل على الضمان ... يبقا ايه هيا المشاكل اللي قابلتك ؟؟

وشكرا

[M_HaFeZ]

المشاكل اللى قابلتنى فى جهاز ايسر
هى حاجات سخيفه زى اكون شغال باكتب حاجه الاقى ال cursor انتقل لمكان تانى خالص على الشاشه ..
الجهاز بيسخن ويهنج ... التانيه دى مش من الويندوز
احب بس اوضح لحضرتك علشان لهجه كلامك .
انا باشتغل على كومبيوتر من اكتر من 12 سنه
واشتريت حاجات كتير جدا من ماركات كتير جدا واتعاملت مع اجهزه فى كل الماركات تقريبا
اشتريت من ايسر سكانر واتعاملت على حاجات تانيه لايسر ..
هو مش صينى لالمانى
هو كورى لالمانى ... بس طالما هتدفع فلوس يبقى تزود شويه وتشترى دماغك وراحتك فى شغلك وخصوصا ان الفروق مش كبيره اوى فى بعض الماركات المحترمه ..
طبعا مش باتكلى على ال overpriced زى السونى مثلا

[pendodo2002]

المشاكل اللى قابلتنى فى جهاز ايسر
هى حاجات سخيفه زى اكون شغال باكتب حاجه الاقى ال cursor انتقل لمكان تانى خالص على الشاشه ..
الجهاز بيسخن ويهنج ... التانيه دى مش من الويندوز
احب بس اوضح لحضرتك علشان لهجه كلامك .
انا باشتغل على كومبيوتر من اكتر من 12 سنه
واشتريت حاجات كتير جدا من ماركات كتير جدا واتعاملت مع اجهزه فى كل الماركات تقريبا
اشتريت من ايسر سكانر واتعاملت على حاجات تانيه لايسر ..
هو مش صينى لالمانى
هو كورى لالمانى ... بس طالما هتدفع فلوس يبقى تزود شويه وتشترى دماغك وراحتك فى شغلك وخصوصا ان الفروق مش كبيره اوى فى بعض الماركات المحترمه ..
طبعا مش باتكلى على ال overpriced زى السونى مثلا

يا سيدي الفاضل انا مقصدتش اللي فهمته من صيغه كلامي
وبالمناسبه انا شغال من 18 سنه (1990) ووالدي شغال من فتره قبل كدا جرافكس من ايام كمبيوترات AX-170
المهم من دون الخوض في الكلام اللي ملوش لزمه نرجع للحوار الاساسي :

1- بالنسبه للمؤشر ده بيعمل كدا لما يكون في موبايل قريب (بيستقبل\بيرسل) .. وجربها ... ودي بتحصل برضو على الماوسات اللي شغاله بالليزر برضو ... وهيا فعلا مشكله مبتحصلش غير في ايسر ... ولكن انتا شايفها تستاهل فرق بيوصل 3000 جنيه ؟؟

2- اللابتوب بيسخن وانا قلت كدا سابقا ... بس انه بيهنج .. فدي مشكله وندوز عند حضرتك او عدم تناسق في سرعه الباص بتاعت القطع الاساسيه (رام-بروسيسور-ماذر) لان انا اللابتوب وصل عندي لحد 71 سيليزيوس ومعلقش ولا هنج وده عن تجربه 13 الف ساعه عمل (الكمبيوتر عندي متوصل بسيرفر 24 ساعه في بورصه العملات بالاضافه لشغل على داتا مهوله)

3- ويا سيدي الفاضل بما انك شغال في كمبيوترات :
ا- ايسر مش كوري ولكن تايواني (صيني)
ب- هل فتحت الاجزاء الداخليه جوا الجهاز وشفتها ؟؟ ... لان معظمها يا اما امريكي (الماذر بورد و البروسيسور و الرامات كنجستون) او ياباني (الهاردديسك) او صيني (بقيه الكابلات و التاتش باد و الكيبورد و السيدي روم و الريدر ) او تايواني (الشاشه) ... صراحه مشفتش كوري خالص

4- الغريب بقا في الموضوع ان الشركه اللي حضرتك و الاخ واو بتقول عليها تعبانه دي تالت اكبر شركه للكمبيوترات في العالم من ناحيه الصناعه و رأس المال من بعد شركه Dell & HP و لو ازحنا Dell جانبا لان صناعتها متخصصه بالسيرفرات اكتر و HP للطابعات اكتر هتلاقيها انها الشركه الاولى عالميا في الكمبيوترات و الكلام ه نقلا من مجله ITWorld عدد 10\2007

5- ممكن تقولي على اسم كمبيوتر واحد لشركه يكون الماني 50% او حتى 25% وان شاء الله هفككه نشوف


واخيرا
اخي الفاضل احنا بنتناقش ... فمش لازم عصبيه
وكل واحد يجيب الادله اللي عنده ويبرهن عليها ...
احنا بنتكلم على شوية بلاستك و اشباه موصلات .. والود هوا اللي بيدوم في الآخر
تحياتي

[Adham]

HP is very high performance, heavy duty and has very hi durability

three years working with me, did not have any problems, no fails, not even changed the windows

Dell also is very good, as i hear

Toshiba, some models are good but Satelite series is awful

Acer is very low quality, not heavy duty, same as a no brnaded OEM chiniese vehicle