كمال أجسام..بتلعب حديد؟؟؟؟

[A7MED_PHARMA]

بسم الله

رياضة كمال الأجسام ...رياضة هايلة جدا
شباب كتيرررر بتعشق الرياضة دي .. لأسباب كتيرة
المهم
أنا عامل الموضوع ده ..علشان الشباب إلي عاوزة تعرف أكتر عن اللياقة البدنية .. وبناء العضلات
وكل واحد عنده خبرة ..يقدمها





.
.
.
.
.
.


ده أنا .......

من 3 سنين ....قبل مافتح الصيدلية
أنا مش من هواة التكبير ..أنا أساسا كنت بلعب ملاكمة هواة
وكنت بلعب جيم ..بغرض تنسيق الجسم مع رياضة الملاكمة
وكنت -الحمد لله - عامل فورمة كويسة
..................................
فتحت الصيدلية ..وبطلت اللعبة خالص
بقالي 3 سنين مبطل أي مجهود عضلي
وصلت لدرجة كسل وخموووول رهيبة ..لدرجة إني كنت بعرق بشكل خرافي لو غيرت فردة الكاوتش
وساعات بنهج وأنا طالع السلم
هههههههههه
ودي أخر صورة ليا في مقابلة أليكس


طبعا الفرق واضح
جسمي نزل كتير .. وبقا عندي خمول وكسل غير طبيعي
............
بس الحمد لله
بدأت ألعب تاني من 4 أيام
والنهاردة اليوم الخامس
ساعة واحدة كل يوم
نزل مني كمية عرق رهيبة ... وبدأت أحس إن شوية الدهون إلي كانت بدأت تتراكم على وسطي بتروووح
وبعد كل تمرين..4 علب زبادي+3 بيضات بلدي مسلوقين
إحساس هايل بالنشاط
وتحس إنك عندك حماس لأي حاجة
الكسل والخمول راااااااااح الحمد لله
......

المهم دلوقتي
أنا بعرض خبرتي ي اللعبة دي..وأي حد تاني كان بيلعب ..أو لسه بيلعب
ممكن يفيد ويستفيد

ويبقا موضوع مفتوح للرياضة الجميلة دي

ملحـــــــــوظة
ماحدش يحط صور غير لائقة للاعبي كمال أجسام .. أو لنفسه

[Dr_Mido]

انا بفكر العب لان قعدة المكتب والعربيه وقله المشى قربت تطلعلى كرش

[mido777]

طب كويس بقى طالما انت فتحت السيرة دية
برضه انا موضوع الكسل ده هو اللى مبوظ الواحد

انا عايز ابنى عضل فى كتافى وذراعى .... وانزل الكرش والحمد لله هو بسيط مع شوية رياضة وعدم شرب المياه الغازية

ايه اخبار الأمينو والكرياتين والحجاجات اللى شبها وفى ضرر منها ولا ايه

[A7MED_PHARMA]

انا بفكر العب لان قعدة المكتب والعربيه وقله المشى قربت تطلعلى كرش

نفس إلي حصلي
في العربية قاعد .. في الصيدلية قاعد .. في البيت نايم
لما حسيت إني عجزت والله
بتبقا حاجة تكسف أوي لما تبقا شاب في منتصف العشرينات..وتيجي تطلع السلم تنهج
ظبط الروتين اليومي بتاعك .. وشوف صالة كويس
وياريت لو حد من أصحابك معاك علشان يشجعك

طب كويس بقى طالما انت فتحت السيرة دية
برضه انا موضوع الكسل ده هو اللى مبوظ الواحد

انا عايز ابنى عضل فى كتافى وذراعى .... وانزل الكرش والحمد لله هو بسيط مع شوية رياضة وعدم شرب المياه الغازية :i_angr1[1]:

ايه اخبار الأمينو والكرياتين والحجاجات اللى شبها وفى ضرر منها ولا ايه

الأمينو موجود في كل حتة
ولو هتشتريه .. إشتريه من صيدلية ..وماتشتريهوش من صالة الجيم
علشان مايتعملش عليك شغل
ولو عاوز تعمل دراع وأكتاف كويسة..ممكن تعملهم في البيت
بأعظم إختراع رياضي(من وجهة نظري) على الإطلاق...المتوازي
المتوازي ده هاااااااااايل .. بتعمل بيه دراع محترم .. وأكتاف كمان
وتلعب معاه ضغط عالي وواطي

وكل كويس .. ونام كويس
وهتلاقي نتيجة بإذن الله

[dr.amr]

بلاش البيض الكتير ده غلط جدا

هيعليلك الكوليستيرول بطريقه رهيبه

في اكله حلوه لو عايز طاقه وبروتينات عاليه

كشري بالتونه

علبة كشري محترمه وعليها علبة تونه واضرب يا معلم

[SeiffoZ]

حمستك أنا يا دوووووووووووووووك

[A7MED_PHARMA]

تمام

نبدأ ببساطة

عضلات الجسم
زي ماهو واضح في الصورة..
بتتقسم في صالات الجيم ..مجموعات مع بعض
يعني
عضلات الصدر+ الباي سيبس(biceps)+الجزء الامامي من عضلة الكتف(anterior head of deltoid)
دول بيتلعبوا مع بعض
و
عضلات الظهر + التراي سيبس(triceps)+ الجزء الخلفي من عضلة الكتف(posterior head of deltoid)
دول بيتلعبوا مع بعض
و
وعضلات الفخد والساقين والبطن
دول بيتلعبوا مع بعض


هوا ده النظام الشائع في معظم صالات الجيم
.................
بعض الكلام إلي ممكن تسمعه .. وبعض التسميات
الترابيس = trapezius muscle ..شوفها في الصورة
البنش = عضلات الصدر
وعااااااااااش ياوحش= أشهر كلمة تشجيعية ..بتسمعها طول مانت في الصالة
باي = biceps ....دي عضلة الدراع الامامية ..شوفها في الصورة
تراي=triceps ...دي عضلة الدراع الخلفية .. شوفها في الصورة
مجانص = latissimus dorsi ....وطبعا كلنا عارفنها ..شوفها في الصورة

............................

ِشوية كده ..
وأشرحلكوا فكرة عمل المتوازي ..إلي ممكن يغنيك تماما عن الجيم
لو هتواصل عليه بحماس

[Dr_Mido]

اشرح اشرح لحسن اخوك بينهج اما بيفكر فلو فى البيت هيبقى تمام

[A7MED_PHARMA]

المتوازي

جهاز عبقري
بيدرب نص الجسم العلوي كله تقريبا
وبيعمل تمارين هايلة للبطن
أول وضع له


وزي ماهو واضح
بيدرب عضلات الصدر .. وعضلات التراي(عضلات الدراع الخلفية)
وعضلات الكتف الامامية
وبيكون المقاومة هنا ..مش أوزان
لااا
بيكون وزن الجسم هوا المقاومة
..............
ثواني وأكمل

[A7MED_PHARMA]

التمرين التاني على المتوازي
تمرين البطن

ممكن بالكيفية إلي في الصورة دي
إرتكاز بالكوع على المتوازي..وترفع رجليك(متنية) عدد من المرات
ولو فردت رجليك..المقاومة هتزيد ..والتمرين هيكون أقوى

[A7MED_PHARMA]

التمرين التالت على المتوازي
تمرين عضلات الكتف الخلفية ..وعضلات الضهر ..وعضلات الدراع الخلفية(التراي)

[Eng_AmrAllam]

تمام شكرا يا دكتور علي المعلومات الجميله دي

وبجد انا من ساعه اما رحت الجيم مبقش عايز ابطل وبحس بمتعه لذيذه جدااااا

وبقالي سنه اهو وبردة نفس المتعه عندي الحمد لله

وعاااااااااااااااااااش

[A7MED_PHARMA]

المتوازي ممكن يتعمل في البيت عمولة..ومايكلفش تلاتين أربعين جنيه بالكتير

أنا كنت عاملة زمااان في بيتنا القديم
هوا بإختصار
عبارة عن ماسورة ميه حديد ..لها قطر مناسب
على شكل حرف u
والطرفين بتوع حرف الــ u . بيدخلوا في الحيطة
متخيلنها؟؟؟
وتقدر تعلب عليه كل التمارين إلي فاتت دي ..وتلعب عليه عقلة .. وبطن وظهر وبنش وكل حاجة

[Eng_AmrAllam]

ازاي اجيب عدادت كتير عليه

انا بجيب 3 بصعوبه جدااااااا

[RUN]

جميل الموضوع دا

انا بروح الجم من حوالى 6 شهور وملاحظ ان وزنى زاد( عضلات) 5 كيلو وطولت 2 سنتى

وبلعب كل التمارين ما عدا الكتف الخلفى بار لانة ممنوع دولياً