الخلافات الزوجية الى اى مدى ....

[hossam_elwani]

من غير مقدمات اليبت عندى بقى ساحة معركة بينى وبين زوجتى ودايما المشكلة فى الغالب مش بتبقى من موقف معين بخلاف رد فعل الزوجه من اى موقف اختلفنا فيه فى الراى او الفعل ومن هنا تبتدى التعدى عليا بالفظ جربت كل الحلول من مشكلة للتانيه بالمعروف و بالكلمة الطيبة عشان تغير من طبعها وفعلا اثناء الضغط عليها من اهلها وفى قاعدة عرب زى ما بيقولو بتبقى زى الطفل المستسلم وتقول حاضر ونعم ولكن كل موقف بيجى ورا التانى بيأكدلى انها زى ماهى ولا كلمة بتأثر فيها لا كلمة الدين ولا المعروف والمودة والرحمة ولا الضغط من اهلها على الرغم من انا عندنا ولد وبنت لسه فى مقتبل العمر انا عن نفسى قررت الانفصال التام عنها وكنت عايز المشورة منكم هل قرارى ده صح ولا ايه ؟؟

[Ahmed Anwer]

بص يا باشا

لو كل راجل خد رد فعل مناسب علي كلام مراته

مفيش اتنين هيفضلوا متجوزين


فكبر دماغك و حاول تتذكر مميزاتها عشان تستمر الحياة

و تأكد إن مفتاح استمرار الحياة الزوجية في أيد الراجل

عشان الستات كده كده دماغهم صغيرة فمتصغرشي دماغك معاها

[Ahmed Anwer]

بص يا باشا

لو كل راجل خد رد فعل مناسب علي كلام مراته

مفيش اتنين هيفضلوا متجوزين


فكبر دماغك و حاول تتذكر مميزاتها عشان تستمر الحياة

و تأكد إن مفتاح استمرار الحياة الزوجية في أيد الراجل

عشان الستات كده كده دماغهم صغيرة فمتصغرشي دماغك معاها

[midomizo]

كلامك صح لو مخنوق منها سبها

بس لو متاكد انك بعد متسبها حالك هيكون احسن لان استحالة تعرف تكمل حياتك بدون ام العيال

ولو بتتخانق معاها انفصل شوية وسبها تراجع نفسها ولو هى شايفة انها بردو الصح اسكت ووصل الحكاية لحد من اهلها كبير وشوف راية اية؟؟

بس متستخدمش كارت الانفصال التام الا بعد اكتر من محاولة فاشلة عشان الاولاد الهيكونو فى سن الضياع دول

[FunnyMickey]

هوا اللي غريب موضوع التعدي باللفظ ده
يعني شتايم بي وتقعدوا تشتموا بعض .
؟

ولا تجريح واهانات
طب وانتا مثلا اما تشخط فيها او تزعق هيا بتكش ولا بتتمادي
لان لو حطت راسها راسك يبقي كده كأنكو راجلين في البيت وهيا كست مينفعش تزعق والا انتا كراجل كرامتك حتنقح عليك بقي والموضوع يتقلب فعلا كساحه حرب

مش عاوز اقولك اما يحصل كده ابقي سيب البيت وامشي في لحظتها عشان الموضوع ميتطورش

س انتا ادري بطبعها
هوا خناق علي مواضيع معينه ولا علي اي سبب والسلام بتتخانقوا

[Soma_Sooma]

الأحترام شئ اساسى بين الزوجين ولو دة مش موجود هيخلق مشاكل ملهاش حل دة غير التأثير السلبى اللى هيعود عالأولاد كمان لأن اكيد بيسمعو ويشوفو الكلام دة

انا رأى تنفصل عنها مدة كعقاب ليها و ترجعلها تانى عشان الأولاد ولو هى متعدلتش يبقى الأفضل انكم تنفصلو نهائيا على الأقل عشان الأطفال دى هتتعب جامد قوى

عندى واحدة قريبتى عندها مشاكل مع زوجها جامدة و الخناقات بتكون قدامة الولد حالتةالنفسيةبقت سيئة جداااااااااا لدرجة ان شعرة كلو طار بقى اقرع و الولاد مش عايزين يلعبو معاه و بيعايروة انو اقرع وقعدو و لفو البلد كلها عالدكاترة عشان موضوع الشعر دة

دة مثل بقولو عشان تعرفو بس ان الأطفال بتتأثر جامد جدا من مشاكل الأهل

وواحدة تانية قريبتنا بردو كان جوزها عصبى لدرجة انك تقول عليةانة اكيد مريض نفسى

و الولد أبنهم كان عصبى جدا و بيضرب اى حد و عدوانى مووووووووووووت

ومتهداش الا لما انفصلو و بقى هو مرتاح نفسيا

[mr_vampire]

استعيذ بالله من الشيطان الرجيم يااخي انفصال ايه. فكر في ولادك اكتر ماتفكر في حياتك الزوجية واللي ممكن يحصلهم بسبب الانفصال والمعاناة اللي هيشفوها واللي هتاثر في حياتهم. ارجو من الشباب (وانا اولكو واخركو) التفكير جيدا قبل كتابة اي مشاركة ممكن تشجع علي هدم بيت. الراجل عايز مشورة فرجاء اللي عنده رد يهديه ويصبره يتفضل مشكور يكتبه واللي عنده راي من النوع التاني ياريت يفكر فيه تاني قبل مايكتبه ( وده والله مش تقييد لحرية التعبير بس هو لمصلحة واصلاح الموقف لاننا بنتعامل مع موضوع فعلي لعضو معانا مش حالة فرضية وبنتخيلها).

[shiko85]

بسم الله الرحمن الرحيم
الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيّاً كَبِيراً وَإِنْ خِفْتُمْ شِقَاقَ بَيْنِهِمَا فَابْعَثُواْ حَكَماً مِّنْ أَهْلِهِ وَحَكَماً مِّنْ أَهْلِهَا إِن يُرِيدَا إِصْلاَحاً يُوَفِّقِ اللّهُ بَيْنَهُمَا إِنَّ اللّهَ كَانَ عَلِيماً خَبِيراً
صدق الله العظيم

روابط للتفسير

فعظوهن واهجروهن في المضاجع واضربوهن

سئل عن قوله تعالى: {واللاتي تخافون نشوزهن فعظوهن} - موسوعة الفتاوى

كلمات :: فتاوي الشيخ ابن تيمية رحمة الله

[حماده عزو]

بدايه أسئل اله العظيم رب العرش العظيم أن يهديكما الى ما فيه الخير والصواب
ثانيا أخى فى الله نصيحه لوجه الله حين حدوث أى صدام ما بينكما يجب الا يكون أمام الأولاد حفاظا على نفسيه هاولأ الأطفال مما ليس لهم ذنب فيه
وبعد ذلك لك مطلق الحريه فى أن تخرج الى خارج المنزل لفتره قد تطول أو تقصر حتى تستعيد هدوء أعصابك ويمكنك التفكير بعقلانيه فالانسان فى لحظات الغضب لا يستطيع السيطره على تصرفاته وردود أفعاله
وقد أعطاك الشرع الكثير من السلطات لتأديب الزوجه مثل الزجر والضرب الغير موجع والهجر فى الفراش وهذه كلها أسباب تصعب على المرأه تقبلها
أما بالنسبه لموضوع أدخال الأهل فيما بين الزوجين فهو موضوع مرفوض تماما لأن ما بين الزوجين من خلاف ينتهى ويذهب فى طى النسيان ولكن دائما وأبدا يبقى فى قلوب وعقول الأهل ويتحول بعد ذلك الأى أحد أسباب الخلاف وذلك لأن الأهل دائما ما يقفون بجانب الأبن
ولك منى نصيحه قد تغير من تصرفات زوجتك
حاول دائما أن تطلب فى أوقات الصفاء كل طلباتك بشكل مهذب ورقيق ولكن لتكون طلبات ثقيله
مثلا أطلب منها فى يوم الأجازه أعداد وجبه صعبه ومتعبه وتحتاج وقت فى تجهيزها وذلك لجعلها منشغله عنك لفتره وأيضا لأثبات مدى تنفيذها لطلباتك
مثلا أجعل نظامك أنك ترفظ وضع فطاء السرير لمده أكثر من يومين
وليكن ذلك منوال حياتك فهى أن كانت مشغوله دائما فهى غالبا بعيده عن المشاكل
ولا تنس أن كل ذلك من واجبها وأنك لاتطلب منها المستحيل
وأخيرا وفقكما الله لما فيه محبته ومرضاه

[ahmed2y]

المواضيع كلها فى ايد الراجل ولازم تصدمها عشان تفوق لنفسها

[م. عصام مهنى]

ذكرت كتب التاريخ أن أحد الصحابة قد أتى إلى عمر بن الخطاب رض الله عنه

وهو أميراً للمؤمنين يريد أن يشكو زوجته لأنها ترفع صوتها عليه , وعندما وصل

إلى باب الخليفة سمع صوت إمرأة عمر عاليا فرجع بعدما طرق الباب , فخرج

اليه عمر وناداه وسأله عن حاجته فقال له الصحابي : لقد أتيتك أشكو زوجتي

فوجدت زوجتك مثلها فقال له عمر بن الخطاب رضي الله عنه : إنها تغسل ثوبي

وتنظف بيتي وتطبخ غدائي وتربي ولدي , أفلا أكون عليها صبوراً وبها رحيماً

[ahmed2y]

رجعت قريت تانى النت كتبتة ولقيت كدة ان العوج عمرة ما بيتعدل وانا اسف على الحكم الى حكمتة عاليها دة بس فعلا عمرك هيضيع على الفاضى لان هى لو بتحبك وعاوزة تعيش مش هتعمل كدة وهتعدى هى كمان وبرضو ممكن تكون انت السبب فى الى هى فية بس دة رايى حسب ما انت بتحكى

[ahmed2y]

ذكرت كتب التاريخ أن أحد الصحابة قد أتى إلى عمر بن الخطاب رض الله عنه

وهو أميراً للمؤمنين يريد أن يشكو زوجته لأنها ترفع صوتها عليه , وعندما وصل

إلى باب الخليفة سمع صوت إمرأة عمر عاليا فرجع بعدما طرق الباب , فخرج

اليه عمر وناداه وسأله عن حاجته فقال له الصحابي : لقد أتيتك أشكو زوجتي

فوجدت زوجتك مثلها فقال له عمر بن الخطاب رضي الله عنه : إنها تغسل ثوبي

وتنظف بيتي وتطبخ غدائي وتربي ولدي , أفلا أكون عليها صبوراً وبها رحيماً

فعلا كلام صحيح بس برضو فى شخصيات بتبقى مش سهلة

[viper911s]

الانفصال مش حل للعلم لا انك هتكون ملزم بحاجات كتير اوى كأنك متزوج وكمان مش هتشوف الاولادك غير مرة كل شهر ولا حاجة واظن دة اسوء شى
بص
انا مش متزوج
بس رئى الشخصى المحاولة مرة واتنين وثلاثة والف
دى اسرة تكونك مش سهل هدم البيت
فى فرق لو الاهانة دى شتيمة مثلا ليها تصرفات واشكال معاملة تانية
و ربنا يوفقق الى فية الخير

[mrwho1982]

نصيحة من اخوك المشكلة دي حلها

سيب البيت لمدة اسبوع او اتنين وهي هاتحس بالغلط

مانفعش يبقي اهجر الفراش

لكن بلااااااش انفصال ... ماتخربش علي نفسك

روق واهدي ولو عايز تكلمني انا هابعتللك تليفوني عالخاص

لو عايز تقعد مع حد تفضفض معاه انا موجود ومافيش اي مشكلة