الخلافات الزوجية الى اى مدى ....

[نور القمر]

مش يمكن عندها نوع من التوتر النفسي او الاكتئاب بيخليها توصل للمرحلة دي من الغضب
حاول تقرب منها وتصاحبها وخليها تفضفض معاك شوف ليه كدة وخصوصا رفع السكينة ده بيدل على الاختلال النفسي جايز محتاجة علاج
انا في مشاركة سابقة قولت لك اقرفها في عيشتها بس بصراحة بعد ما قريت مشاركة تاوتاو ندمت على كلامي لان اي مخلوق بيجي بحسن المعاملة فما بالك بالبشر
ده الوحوش يمكن استأناسها انت مش عارف تستأنسها .. الاطفال يستاهلوا تعب ومجهود المحاولة مرة اخرى
وبعد ما عرفت موضوع السكينة ده حسيت انها مضغوطة نفسيا

في حاجة كمان عايزة اقولها عموما لاي مشاكل زوجية مش مشكلتك بالذات
احنا كلنا كبشربنشتكي من الطرف الاخروكل واحد فينا مستني التاني يتغير ويرضيه ليه ما نبدأش بنفسنا في التغير بدل ما احنا عايشين دور ضحية تصرفات الطرف الاخر

[hossam_elwani]

مش يمكن عندها نوع من التوتر النفسي او الاكتئاب بيخليها توصل للمرحلة دي من الغضب
حاول تقرب منها وتصاحبها وخليها تفضفض معاك شوف ليه كدة وخصوصا رفع السكينة ده بيدل على الاختلال النفسي جايز محتاجة علاج
انا في مشاركة سابقة قولت لك اقرفها في عيشتها بس بصراحة بعد ما قريت مشاركة تاوتاو ندمت على كلامي لان اي مخلوق بيجي بحسن المعاملة فما بالك بالبشر
ده الوحوش يمكن استأناسها انت مش عارف تستأنسها .. الاطفال يستاهلوا تعب ومجهود المحاولة مرة اخرى
وبعد ما عرفت موضوع السكينة ده حسيت انها مضغوطة نفسيا

في حاجة كمان عايزة اقولها عموما لاي مشاكل زوجية مش مشكلتك بالذات
احنا كلنا كبشربنشتكي من الطرف الاخروكل واحد فينا مستني التاني يتغير ويرضيه ليه ما نبدأش بنفسنا في التغير بدل ما احنا عايشين دور ضحية تصرفات الطرف الاخر

اقسم بالله بدأت بنفسى والحاجات الى ماكنتش بترضيها فيا مبقتش اعملها وخلى بالك انا من النوع الى بيلوم نفسه كتير مش معنا كده انى ملاك لا لكن ببص دايما لعيوبى واحاول اصلحها بس مش من المنطقى انى ابقى ضعيف الشخصية قدامها اما بالنسبة للاستأناس ياما قعدت معاها وكلمتها بالراحه والهدوء والتفاهم واقولها يابنت الناس المشكلة دايما بتحصل فى بسبب طريقة حل المشكلة مش المشكلة نفسها

يعنى حضربلك مثال مثلا لو مراتك معملتش اكل فى يوم من الايام هل رد فعلك يكون بأنك تضربها او تشتمها وتهينها ولا تضرب بوز وتزعل وتاخد جنب واعتقد ان ده الاسلوب المتحضر لكن قيس عليها بقى لو انا غلط غلط بالمستوى دى اشوف الهوايل

الغريب ان احنا وخدين بعض عن حب 6 سنوات قبل الزواج او ما كنت اعتقد انه حب واعتقد ايضا انه كان من طرفى فقط والله اعلم

[mrwho1982]

سيب البيت وهي تتعلم الادب وتتعلم ازاي تحترم جوزها

[EgyptianTune]

[/center]

لا حول ولا قوة الا بالله.. انا اسف للي هقوله لكن مقدرش اقول غيره بعد بعد ما قريت مشاركة حضرتك الاخيره وبالذات السطر اللي في الاقتباس..

طلقها

طلقها

طلقها

+11111111111111111111

ديه ما ينفعش معاها أى رادع وأكيد أعذرنى مش بعيب فيك بس واضح إنك اخلاقك عاليه

بس إنها توصل للدرجة ديه يبقى أكيد حضراك كنت بتتسامح فى مواقف كتير قبل كده وهى فهمت التسامح ده ضغف منك فتمادات فى الغلط للدرجه ديه ،،،، وأنا دمى إتحرق لما إنت قولت الكلام ده ومش عارف لو أنا مكانك كنت ممكن اعمل إيه . ده ألله يكون فى عونك

[نور القمر]

انا سيدة مش رجل ورغم كدة ان ضد تصرفاتها ومش شايفة اي عذر لزوجة تكون سليطة اللسان على زوجها إلا لو مختلة نفسيا
انا ضد الرجل ضعيف الشخصية امام زوجته ومش بطلب منك تتنازل
الحل اللي قدامك دلوقت تقعد معاها قعدة مصارحة وتقولها بمنتهى الصراحة لو مغيرتيش من نفسك مفيش قدامي غير الطلاق وانتي اختاري يا تحسني اخلاقك يا اما كل واحد يروح لحاله

[mrwho1982]

بص حصل مرة مع واحد زميلي موقف شبيه بالموقف بتاعك لحد مافي مرة قالها كلمي ابوكي يجي ياخدك ولما تتربي وتتعلمي ازاي تحترمي جوزك ابو عياللك يبقي تعالي
ولعلمك صاحبي ده لو في اي مشكلة مابيقولش لحد ومابيحبش يدخل حد في مشاكل البيت

شهد ابوها وامها عاللي بتعملو وللعلم في ستات بتترعب من ابوها

وفي حل تاني

ودي العيال عند امك او اختك او حد انت واثق فيه وروحو غيرو جو في اي حته

ويارب البيوت ماتتخربش والناس ربنا يهديها

[bishoy02010]

اشتري مني

سيب البيت و قول لها انا مخنوق و عايز اسيب البيت شوية

كام يوم و هتلاقيها بتكلمك تقول لك الولد او البنت سخن أو شئ من هذا القبيل

قول لها معاكي فلوس وديه للدكتور

المهم كمان كام يوم هتلاقيها بتقول لك طلقني

قول لها حاضر عينيا كمان يومين تلاتة هابعت لك الورقة

و اتفرج عاللي هيحصل و ادعي لي .... بجد و الله

أستااااااااذ

[hussein]

الاول هى رفعت السكينة مره واحدة بس و كنتو بتتكلمو و هى بتقطع حاجة مثلا و لا رفعتها كذا مره و بتجرى تجيبها من المطبخ؟
و بتروح تجيب سكينة كبيرة ولا بتجيب حاجةكده صغيرة لزوم التهويش بس؟
اذا كانت الحالة الالى فدا ممكن يبقى رد فعل طبيعى علشان السكينة كدا كدا فى ايديهاولو الحالة التانية يبقى من راى انفد بجلدك لحسن ممكن يحصلك مكروه فعلا و السلاح بيطول خاصة لو انت اتنرفزت عليها ( و دا ممكن لان الواحد صبرو بينفذ)
المشكلةبقىفى الولاد و دى لازم تفكر هتعمل ايه فيهم قبل ماتاخد القرار دا
وتفكر ان الشقة هتتاخد منك وكمان فوقيها نفقة
وربنا يعينك و يبقى طمنا عليك

[human]

بص
كلنا عدينا بالمرحله ديه

اقولك على حاجه
انت مش متجوزها عشان تربيها ولو كانت قليلة التربيه مكنتش اتجوزتها و لو الموضوع كده يبقى مافيش منه رجا
بس ساعات الانسانه بتنسى ايه الاولويات و بتؤمن ان جوزها ده حق مكتسب ماينفعش يمشى بعيد عنها و كمان بتنسى ايه واجبتها و مع ضغط الحياه اليوميه بتتحول لكائن عصبى المزاج و شرس الطباع حتى لو كانت فى الاصل هاديه ضغوط الحياه كتيره و انت مش ملاك نازل من السما اكيد برضه مطلع عينها و عيه صابره بس طريقه تعبيرها مختلفه عنك
ممكن يكون اللى انت شايفه ده تمرد منها على الوضع اللى مش عاجبعها اصلا (بلاش كلام من نوع مش عاجبها تروح لابوها و الكلام ده) الاصل انت متجوزها عشان تكرمها و هيه تكرمك تصونها و هيه تصونك
الست ماينفعش معاها اعملى كده و اسمعى الكلام لاما كيت و كيت الست مخلوق مائل للاوعجاج بالفطره ماينفعش تطلعها غلطانه على طول الخط ما ينفعش طول الوقت تقولها اسمعى الكلام و اعملى ده و اعملى ده
الست اللى بتتجوزها مش جاريه ولا شئ مكتسب بالسلطه و القوه لازم يكون ليها مساحه حتى لو بتخطرف فى الكلام كلمتين حلوين منك يا ست الكل ايه الكلام الحلو ده و شوف النتيجه هتبقى اسعد واحده
يا اخى و هيه بتكلمك كده فمره فكر تبتسم و قولها انك زعلان قولها انك بتحبها و كل ماتشوفها بتتكلم معاك كده بتحس فى حته جواك بتنكسر عاملها كأنثى مش كعدو
صدقنى ممكن تخليها تعمل اللى عمرك ماكنت تتخيله فقط بالمعامله و الصبر و الحنيه - لا يعيب الرجل انه يبقى حنين على اهل بيته
بلاش حلول تصادميه اكبر فى نظرها ووريها انك اكبر من كلام فاضى هيه بتعمله تحت ضغط

فى العموم اول ماتلاقى الست بتتصرف تصرفات مالهاش منطق يبقى فى الاغلب فيه مشكله و هيه مش عارفه تعبير عنها و اكيد انت السبب فيها
اكيد هيه مش مبسوطه باللى بتعمله بس الستات دول بيستحملوا حاجات كتيره و لا عمرنا احنا هنفهما و غلبانين جدا و الهبل اللى بنشوفه منهم من غلبهم مش جبروتهم
و عمرنا اصلا ما هنفهمهم بس ادينا بنحاول

و ياما بيحصل

الكلام اللى قايلهولك ده ماتعلمتوش بالساهل

انا ماكنتش عايز اكتب بس ادينى كتبت يا ريت ينفعوك الكلمتين دول

[human]

يعنى حضربلك مثال مثلا لو مراتك معملتش اكل فى يوم من الايام هل رد فعلك يكون بأنك تضربها او تشتمها وتهينها ولا تضرب بوز وتزعل وتاخد جنب

مش فاهمك بصراحه
ايه يعنى ماعملتش اكل؟!! و حضرتك بتبوز ليه؟ هيه ناقصه!!
يا صديقى عامل باللين قولها ولا يهمك و ابعت اشترى اكل من بره ولا خدها و انزل ولا اكسفها و اعملها اكل انت و كلوا سوا خليك كبير بتصرفاتك مش ببوزك
هو الموضوع لو حضرتك بتبوز عشان اكل طيب فى الباقى بتعمل فيها ايه؟؟

يا سيدى الفاضل شويه لين و رحمه و الحياة مش ناقصه بوز عشان اكل فى يوم ماتعملش
اهم حاجه صايناك و صاينه بيتك و عيالك بعد كده كله يتحل و شكلك انت اصلا تاعبها بقى

طولت لسانى او جرحت او لمحت او اهنت او ضربت ممكن اتخنق اخاصم اعامل بجفاء

و تخاصم ليه و جفاء ليه؟
ده اكتر بكتير من اللى هيه بتعمله
يعنى هيه بتطلع اللى جواها على طول و بتنفس عن نفسها بدل ماتكتم و يحصل ليها حاجه
انت برضه خليك حليم و بلاش حكايه جفاء و الكلام ده
و لما تتخانقوا قصر فى الكلام يعنى لا تاخد و لا تدى سيبها تتكلم و تطلع اللى عنده بعدين لما تهدى حاسبها
لما بتبقى متنرفزه هيه مش بتبقى فى حالتها الطبيعيه و ناس كتير كده
اهدى عليها و اشترى انهارده عشان تكسب بكره
بلاش ترمى لكل واحد يقولك لا لازم مش عارف ايه و تيت ايه و الكلام ده
الجواز 24 قيراط كل الناس واخداهم اللى واخد نصهم جمال و اللى واخدهم كلهم طيبه و اللى واخد حبه هرتله على حنيه
لاما كله على بعضه لا مافيش بس ال 24 هتاخدهم كلهم
كل واحد بيدور على التوليفه اللى تريحه

[hossam_elwani]

مش فاهمك بصراحه
ايه يعنى ماعملتش اكل؟!! و حضرتك بتبوز ليه؟ هيه ناقصه!!
يا صديقى عامل باللين قولها ولا يهمك و ابعت اشترى اكل من بره ولا خدها و انزل ولا اكسفها و اعملها اكل انت و كلوا سوا خليك كبير بتصرفاتك مش ببوزك
هو الموضوع لو حضرتك بتبوز عشان اكل طيب فى الباقى بتعمل فيها ايه؟؟

يا سيدى الفاضل شويه لين و رحمه و الحياة مش ناقصه بوز عشان اكل فى يوم ماتعملش
اهم حاجه صايناك و صاينه بيتك و عيالك بعد كده كله يتحل و شكلك انت اصلا تاعبها بقى


و تخاصم ليه و جفاء ليه؟
ده اكتر بكتير من اللى هيه بتعمله
يعنى هيه بتطلع اللى جواها على طول و بتنفس عن نفسها بدل ماتكتم و يحصل ليها حاجه
انت برضه خليك حليم و بلاش حكايه جفاء و الكلام ده
و لما تتخانقوا قصر فى الكلام يعنى لا تاخد و لا تدى سيبها تتكلم و تطلع اللى عنده بعدين لما تهدى حاسبها
لما بتبقى متنرفزه هيه مش بتبقى فى حالتها الطبيعيه و ناس كتير كده
اهدى عليها و اشترى انهارده عشان تكسب بكره
بلاش ترمى لكل واحد يقولك لا لازم مش عارف ايه و تيت ايه و الكلام ده
الجواز 24 قيراط كل الناس واخداهم اللى واخد نصهم جمال و اللى واخدهم كلهم طيبه و اللى واخد حبه هرتله على حنيه
لاما كله على بعضه لا مافيش بس ال 24 هتاخدهم كلهم
كل واحد بيدور على التوليفه اللى تريحه

انت فاهم غلط على فكرة بالنسبة لجزئية الاكل انا بضرب ليك مثال على اسلوبها فى التعامل معايا كمثل الرجل المتخلف الى بيضرب مراته عشان اكل او كباية شاى اواى حاجه متستحقش انا اخلاقى غير كده بالمرة لو جابتلى اى حاجه بقلها شكرا وكل طلبتها مجابه وعمرى ما عملت سى السيد ولو فيه حاجه مش عجبانى بقولها بلفت نظرها بهدوء اغلب وقتى مش فى البيت فى الشغل وبنتفسح كل اسبوع او اسيوعين على الاكثر مفيش قهر زى ما انت فاكر مفيش سهر وسجاير او اصحاب فى البيت او تقصير فى واجبات زوجيه ومع ذلك انا ما بعفيش نفسى من الغلط ولكن كلها غلطات عاديه واذا كنت غلطان بتأسف وببتسم كمان مفيش غلطات تهدم ببيت والله المطلع

[hossam_elwani]

وبعدين الرجال "الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ"

والطاعة المطلقه فى اى شىء الا ما يغضب الله عز وجل

المشكلة ان المتزوجات مش عايزن يخدوا الايات الربانيه دى بقناعه ويعملو بيها دايما ناخد باسباب فارغة الست زى الراجل والكلام الفاضى دى مع العلم والله ان كنت مقتنع بيه وبعمل بيه بس الظاهر ان كان اعتقاد خاطىء

[mrwho1982]

انت محتاج تغير جو

بحالتك دي ............ انت لاااااااااااااازم تغير جو

روح خد اجازة من الشغل وقولها انا طالع مامورية تبع الشغل

وغير جو.......ززانت حالتك النفسية سيئة ولو قعدت اكتر حالتك هاتبوظ خالص وممكن يطلع رد فعل مش حلو

[elkebeer_awy]

والله ان كنت مقتنع بيه وبعمل بيه بس الظاهر ان كان اعتقاد خاطىء

هو ده السبب اللى خلي الأمور تتفاقم لحد كده!
انت قدامك حل من اتنين لإما تمسكها ترزعها علقه تمام وتطردها من البيت
لإما تسيبلها البيت وتهجرها لحد ماتتعدل وده أضعف الإيمان صدقني خلاص هي وصلت لمرحله مينفعش معاها غير كده

[AVON]

بدايه أسئل اله العظيم رب العرش العظيم أن يهديكما الى ما فيه الخير والصواب
ثانيا أخى فى الله نصيحه لوجه الله حين حدوث أى صدام ما بينكما يجب الا يكون أمام الأولاد حفاظا على نفسيه هاولأ الأطفال مما ليس لهم ذنب فيه
وبعد ذلك لك مطلق الحريه فى أن تخرج الى خارج المنزل لفتره قد تطول أو تقصر حتى تستعيد هدوء أعصابك ويمكنك التفكير بعقلانيه فالانسان فى لحظات الغضب لا يستطيع السيطره على تصرفاته وردود أفعاله
وقد أعطاك الشرع الكثير من السلطات لتأديب الزوجه مثل الزجر والضرب الغير موجع والهجر فى الفراش وهذه كلها أسباب تصعب على المرأه تقبلها
أما بالنسبه لموضوع أدخال الأهل فيما بين الزوجين فهو موضوع مرفوض تماما لأن ما بين الزوجين من خلاف ينتهى ويذهب فى طى النسيان ولكن دائما وأبدا يبقى فى قلوب وعقول الأهل ويتحول بعد ذلك الأى أحد أسباب الخلاف وذلك لأن الأهل دائما ما يقفون بجانب الأبن
ولك منى نصيحه قد تغير من تصرفات زوجتك
حاول دائما أن تطلب فى أوقات الصفاء كل طلباتك بشكل مهذب ورقيق ولكن لتكون طلبات ثقيله
مثلا أطلب منها فى يوم الأجازه أعداد وجبه صعبه ومتعبه وتحتاج وقت فى تجهيزها وذلك لجعلها منشغله عنك لفتره وأيضا لأثبات مدى تنفيذها لطلباتك
مثلا أجعل نظامك أنك ترفظ وضع فطاء السرير لمده أكثر من يومين
وليكن ذلك منوال حياتك فهى أن كانت مشغوله دائما فهى غالبا بعيده عن المشاكل
ولا تنس أن كل ذلك من واجبها وأنك لاتطلب منها المستحيل
وأخيرا وفقكما الله لما فيه محبته ومرضاه