الخلافات الزوجية الى اى مدى ....

[Dojuar]

الامر لا يخلو من احتمالين:

الاول: انتو متجوزين عن حب و احترام و ظل حتى انجاب الاطفال, فأصبحت كائن لا يطاق
الثاني: ان يكون طبعها كده من الاول

لو الاحتمال الاول يبقى كده هتظلمها و الاولاد, انتو بس محتاجين للتكيف على وجود اولاد بينكم

لو الثاني يبقى دي - ومعلشي - غلطتك و لازم تحاول تجنيب اولادك تبعات اختيارك بقدر الامكان

وربنا يباركلك في اسرتك ان شاء الله

[أبومعاذ]

اتبع خطوات الاصلاح اللي ربنا قال عليها في القران بس اهم حاجة يبقى عندك صبر معاها وعليها ويكون همك الاول الاصلاح مش اثبات وجهة نظرك وتمشي كلمتك وربنا يصلح ما بينكم

[human]

اصبر
فى الغالب بيبقوا مش فاهمين اصلا
ولا حاسين بالمشكله اصبر و شوف

[Mo3taz Selim]

من غير مقدمات اليبت عندى بقى ساحة معركة بينى وبين زوجتى ودايما المشكلة فى الغالب مش بتبقى من موقف معين بخلاف رد فعل الزوجه من اى موقف اختلفنا فيه فى الراى او الفعل ومن هنا تبتدى التعدى عليا بالفظ جربت كل الحلول من مشكلة للتانيه بالمعروف و بالكلمة الطيبة عشان تغير من طبعها وفعلا اثناء الضغط عليها من اهلها وفى قاعدة عرب زى ما بيقولو بتبقى زى الطفل المستسلم وتقول حاضر ونعم ولكن كل موقف بيجى ورا التانى بيأكدلى انها زى ماهى ولا كلمة بتأثر فيها لا كلمة الدين ولا المعروف والمودة والرحمة ولا الضغط من اهلها على الرغم من انا عندنا ولد وبنت لسه فى مقتبل العمر انا عن نفسى قررت الانفصال التام عنها وكنت عايز المشورة منكم هل قرارى ده صح ولا ايه ؟؟

أستاذى الفاضل
أرجوا من سيادتك التأنى ثم التأنى ثم التأنى
إن قرار هدم بيت ليس بالقرار السهل ( إن أبغض الحلال عند الله الطلاق)
فكر فى أولادك و مستقبلهم ... فكر فى حسنات زوجتك فبالتأكيد ليس كلها عيوب ...
تذكر أنه لا يوجد بيننا إنسان كامل ( الكمال لله وحده) .. كل منا به عيوب و به مميزات ...

أنت كرجل يمكنك تلافى حدوث المشاكل مهما كان حجمها ... يمكنك تلافى أسبابها ... إن كان إختلاف الرأى و وجهات النظر حول أشياء لا تسمن و لا تغنى فيمكننا تجنب النقاش فيها أصلا ... لا يجب أن نخرج دائما من النقاش منتصرين (مره عليك و مره على الطرف الأخر) ...

[Soma_Sooma]

بسم الله الرحمن الرحيم
الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيّاً كَبِيراً وَإِنْ خِفْتُمْ شِقَاقَ بَيْنِهِمَا فَابْعَثُواْ حَكَماً مِّنْ أَهْلِهِ وَحَكَماً مِّنْ أَهْلِهَا إِن يُرِيدَا إِصْلاَحاً يُوَفِّقِ اللّهُ بَيْنَهُمَا إِنَّ اللّهَ كَانَ عَلِيماً خَبِيراً
صدق الله العظيم

روابط للتفسير

فعظوهن واهجروهن في المضاجع واضربوهن

سئل عن قوله تعالى: {واللاتي تخافون نشوزهن فعظوهن} - موسوعة الفتاوى

كلمات :: فتاوي الشيخ ابن تيمية رحمة الله

جزاك الله خيراعالأية الكريمة

بس ياريت تحط تفسير بتاع(واضربوهن) عشان فى ناس فاهمة الكلمة دى غلط و يروح يعمل عاهة لمراتة

ياريت بس الكل يعرف تفسير (واضربوهن) دى

في شرح السنة : فيه من الفقه أن ضرب النساء في منع حقوق النكاح مباح إلا أنه يضرب ضربا غير مبرح ووجه ترتب السنة على الكتاب في الضرب يحتمل أن نهي النبي - صلى الله عليه وسلم - عن ضربهن قبل نزول الآية ، ثم لما ذئرن النساء أذن في ضربهن ونزل القرآن موافقا له ، ثم لما بالغوا في الضرب أخبر - صلى الله عليه وسلم - أن الضرب وإن كان مباحا على شكاسة أخلاقهن ، فالتحمل والصبر على سوء أخلاقهن وترك الضرب أفضل وأجمل

[ahmed4000]

التأنى علشان خاطر الكائنات اللى ملهاش اى ذنب فى البهدلة دى
ابعدوا عن بعض شوية علشان تهدوا وفهمهم ان حنرجع نجرب تانى لو فضلنا زى محنا يبقى نسيب بعض (نوع من التهديد لكن بهدوء علشان متاخدهاش كرامة وتعند اكتر)

لكن فى الاول وفى الاخر ومهما كانت النتيجة حتيجى على نفسك مش على ولادك

[شريف]

قال تعالى :
(( يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوّاً لَّكُمْ فَاحْذَرُوهُمْ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ{14}
إِنَّمَا أَمْوَالُكُمْ وَأَوْلَادُكُمْ فِتْنَةٌ وَاللَّهُ عِندَهُ أَجْرٌ عَظِيمٌ {15})) التغابن

العفو من أسماء الله تعالى
والعفو في الاصطلاح:
قال الكفوي :" العفو : كف الضرر مع القدرة عليه , وكل من استحق عقوبة فتركها فهذا الترك عفو.

أما الصفح إذا أعرض عن الذنب وتجاوز عنه وقوله: (( فاصفح الصفح الجميل )) الحجر /85

[hosamsief]

السلام عليكم و رحمه الله و بركاته

اسأل الله ان يهديها لك ويردها الى الحق و الصواب .....
لكن كنت عاوز بس الفت نظرك ان سيكولجيه الست مختلفه و مستعصيه على الفهم .. ببساطه خلقت من ضلع اعوج فأذا ذهبت لتقومه انكسر و اذا تركته لا يزال اعوج . ان الله عز وجل سمى العلاقه السوية بين الرجل و زوجته "" وجعلنا بينكم مودة و رحمه "" و لم يقل حب و غراميات او او او .............الخ و لهذا يتعايش الانسان مع زوجته فى ضوء هذة العلاقه و اذا لم تنفع ولم تلتزم حتى بأدب الخلاف الذى لا يفسد للود قضيه نعود الى الاصول مثلما نحتكم الى القوانين فى حاله الخلاف و الاصول مستوحاه من الكتاب و السنه زى ما اشاروا بقيه الاعضاء و....... و للاسف الاولاد هما اللى هيشلوا اليله لو اتهورت و انفصلت .......

هقولك على فكرة ..... لو احتدم النقاش بينكلما و وصلت الى مرحلة التلاسن و التراشق انهى الموضوع بحزم و اهجرها ولا تطلب منها شيئا نهائيا حتى الاكل و اتركها حتى تراجع نفسها و ان شاء المولى ربنا يهديلك الحال يا رب .

[elbeheri]

ربنا يرحم ايام امهاتنا الذى صبرن على :
الغسالة اليدوى والزهرة والبطاس
وركوب المواصلات العامة ايام مكنش فى مترو انفاق ولا عربية تحت البيت ولا موبيل ولا ريسفر قنوات فضائية
وكان بيشتغل ويساعد الاب فى مصاريف البيت
وكان بيصحى الفجر مش بعد العصر
حسبى الله ونعم الوكيل فى كل ظالم

[نور القمر]

المرأة سليطة اللسان شيء مزعج وخصوصا لو كانت كدة مع الزوج كمان
موضوع اصبر واستحمل وفوت والكلام ده مينفعش في الحالة دي
يعني ايه ست تشتم جوزها وتهينه سواء وهم لوحدهم او قدام الاطفال او الناس
لازم تحاول معاها تصلح من نفسها بالنصح والحسنى اولا لو منفعش يبقه بالتهديد
وفي طرق كتير زي ما الاسلام قال وباقي الاخوة قالوا
وتقرفها في مصروف البيت ومصروفها الشخصي
كفي بيتك بنفسك طلبات البيت وطلبات ولادك ومتخلييش اي فلوس معاها وضيق عليها العيشة
قبل كل ده ادعي ربنا يصلح حالها ولح في الدعاء وان الله يستجيب عشان خاطر الولاد هم اكتر طرف بيتأذي نفسيا

[Mahmoud Saloum]

لا إنفصال إيه يا راجل اهدأ كده واستعيذ بالله من الشيطان الرجيم. الستات مخهم صغير وعنديين عايزين مرة مسايسة ومرة تخليها عليك ومره دلع ومرة شدة بدون قسوة ومرة انك تحسسها انك ابنها ومره انها هيا بنتك. رأيى اول حاجة تعملها انك عند اول كل خناقة تستعيذ بالله من الشيطان الرجيم بس فى سرك علشان متفتكرش انك بتشتمها على انها هيا الشيطان. ثانيا حاول تكتر فى الهدايا لما تحس انها بدأت تزمزأ مش دهب وكدة لا النهاردة وردة بكرة طرحة اخر الاسبوع عزومة الحاجات دى بتخلى الست تهدى وتزود حبها ناحية زوجها. كمان ياريت كلام من عينة انتى النهاردة حلوة زيادة عن اللزوم الفستان ده هياكل منك حتة انت كنت اشيك واحدة فى فرح النهارده كده يعنى والله هتلاقى الدنيا بتتغير شوية شوية الى الافضل ودايما حاول تشرحلها وجهة نظرك ما تديهاش تعليمات . وكبر دمااااااااااااااااااااغك اد ما تقدر وحاول متدخلش حد بينكم لان دى بداية النهاية وربنا يصلح بينكم.

[ahmed88hassan]

انا قريت كل الردود
ونا مع الأعضاء انك تصبر عليها وتحاول معها بجميع الطرق
و لو منفعش برده
حاول تتخيل شخص انت بتثق في رأيه حصل نفس الموقف بتاعك و توقع هيعمل ايه ... و جرب

لكن لو الحال فضل زي ما هو
وخلاص الدنيا قفلت
مش هقولك تعمل معاها ايه

خليها هيه اللي تطلب الطلاق

[أحمد كمال]

اشتري مني

سيب البيت و قول لها انا مخنوق و عايز اسيب البيت شوية

كام يوم و هتلاقيها بتكلمك تقول لك الولد او البنت سخن أو شئ من هذا القبيل

قول لها معاكي فلوس وديه للدكتور

المهم كمان كام يوم هتلاقيها بتقول لك طلقني

قول لها حاضر عينيا كمان يومين تلاتة هابعت لك الورقة

و اتفرج عاللي هيحصل و ادعي لي .... بجد و الله

[shadygalal669]

اشتري مني

سيب البيت و قول لها انا مخنوق و عايز اسيب البيت شوية

كام يوم و هتلاقيها بتكلمك تقول لك الولد او البنت سخن أو شئ من هذا القبيل

قول لها معاكي فلوس وديه للدكتور

المهم كمان كام يوم هتلاقيها بتقول لك طلقني

قول لها حاضر عينيا كمان يومين تلاتة هابعت لك الورقة

و اتفرج عاللي هيحصل و ادعي لي .... بجد و الله

تصدق والله انا بدخل مواضيع المشاكيل دي و بفضل متابعها عشان بستني ردك
دايما بتعلم من ردك الصراحه بالذات في المشاكل الزوجيه بلاقي ردك رد حد خبيررررر
اسمحلي لو ربنا اداني طولة العمر و اتجوزت ابقي استشيرك في المشاكل اللي هتحصل

[mrwho1982]

اشتري مني

سيب البيت و قول لها انا مخنوق و عايز اسيب البيت شوية

كام يوم و هتلاقيها بتكلمك تقول لك الولد او البنت سخن أو شئ من هذا القبيل

قول لها معاكي فلوس وديه للدكتور

المهم كمان كام يوم هتلاقيها بتقول لك طلقني

قول لها حاضر عينيا كمان يومين تلاتة هابعت لك الورقة

و اتفرج عاللي هيحصل و ادعي لي .... بجد و الله

والله انت استاذ وللمرة التانية انت الوحيد اللي قاريني في المنتدي كولو وبجد كنت مستني ردك


واقول لصاحب الموضوع اسمع كلام ا / احمد كمال