إعـــــــلان

Collapse

.

,
See more
See less

تجربتي مع الصناعة المصرية

Collapse
X
Collapse
 
  • Page of 6
  • Filter
  • الوقت
  • Show
Clear All
new posts
السابق 1 2 3 4 5 6 template التالي
  • #16
    المشاركة الأصلية كتبت بواسطة otefa مشاهدة المشاركة
    كلام حلو وجميل جدا ودارسين 80% منه في المدرسة
    ممكن سؤال أحنا بنصنع أيه في مصر دلوقتي؟
    باشا انا ممكن أقعد أعدلك الصناعات المصرية و انواعها و مجالاتها للصبح
    بس الناس هيه اللي مش عارفة ان عندنا صناعات في منتهى القوة و الجودة لأن أغلب المصانع المصرية مهتمة بالتصدير أكتر من اهتمامها بالسوق المحلي ...
    بس ممكن احطلك مثال تاني هوه صناعة الألمونيوم ( الحلل و الصواني و الطباق و الكوبايات ) دي من الصناعات البسيطة اللي ليها وجود قوي جدا في الخليج و اوروبا لأن خام الألمونيوم في مصر نقي جدا و عالي الجودة
    و موجود في نجع حمادي و اسكندرية بكميات اقتصادية كبيرة .

    المشاركة الأصلية كتبت بواسطة ehab_mansour مشاهدة المشاركة
    موضوع أكثر من رائع وعندي كلام كتييييييييييير يخص هذا المجال لأني اعمل به ولكن هجهزه وأشارك حضرتك الرأي فيه ان شاء الله
    حبيبي تعالى و شارك معانا و يارب حد من أعضاء المنتدى يتشجع و يجمد قلبه و يعمل مصنع .

    انت مجالك ايه ؟
    ياريت تكون محاسب عشان نقدر نغطي الجوانب الفنية و المحاسبية على أفضل وجه
    [mshosh2]http://www.4shared.com/photo/lCkSz74F/morsee.html[/mshosh2]

    Comment

    • #17
      كلام سليم 100% وأنا شايف إن الاهم في أي مصنع أو شركة هو التسويق ولازم يكون فيه ""business plan"
      والكلام اللي احنا بنفضله ده وبنمشيها بـالفهلوة
      ياريت الناس تهتم شوية بموضوع ال "marketing" ده عشان أنا شايف إنه أهم مايكون عندي سلعة لازم أكون عارف إزاي هبيعها

      Comment

      • #18
        موضوع رائع ومنظم وارشادي
        اقترح على مشرفين القسم تثبيته لشهر على الاقل للافادة
        وينقل بعدها لساحة اهم الموضوعات
        تحياتي

        جروب ورشة نايل موتورز علي الفيس بوك

        صفحة ورشة نايل موتورز على الفيس بوك

        Comment

        • #19
          موضوع ممتاز...

          MaZaGAngeE ... تقبل تحياتى
          [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


          [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
          [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

          [/CENTER]
          [/CENTER]
          [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

          [CENTER] _______________[B]
          [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

          [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
          [/CENTER]
          [B][COLOR=Blue][B][SIZE=2]
          اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

          _______[COLOR=Blue]_______________
          [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

          Comment

          • #20
            المشاركة الأصلية كتبت بواسطة mazagangee مشاهدة المشاركة
            باشا انا ممكن أقعد أعدلك الصناعات المصرية و انواعها و مجالاتها للصبح
            بس الناس هيه اللي مش عارفة ان عندنا صناعات في منتهى القوة و الجودة لأن أغلب المصانع المصرية مهتمة بالتصدير أكتر من اهتمامها بالسوق المحلي ...
            بس ممكن احطلك مثال تاني هوه صناعة الألمونيوم ( الحلل و الصواني و الطباق و الكوبايات ) دي من الصناعات البسيطة اللي ليها وجود قوي جدا في الخليج و اوروبا لأن خام الألمونيوم في مصر نقي جدا و عالي الجودة
            و موجود في نجع حمادي و اسكندرية بكميات اقتصادية كبيرة .



            حبيبي تعالى و شارك معانا و يارب حد من أعضاء المنتدى يتشجع و يجمد قلبه و يعمل مصنع .

            انت مجالك ايه ؟
            ياريت تكون محاسب عشان نقدر نغطي الجوانب الفنية و المحاسبية على أفضل وجه
            تمام ياباشا .........وسيراميك وسجاد بس كله في نظري محدود جداااااااااا ومغالي في أسعاره في المعظم كمان والدليل النسبة العالية من البطالة.....مقارنة صغيرة مع الصين بلاش الهند هايبان مقوعنا في الصناعة ضعيف أد ايه وعدم وجود صناعة ما نقدر نقول مصر مميزة ومشهورة بيها (land mark)وأننا المفروض مش أقل من الناس دي
            ومتابع معاكم
            إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
            م/محمد

            Comment

            • #21
              المشاركة الأصلية كتبت بواسطة mailo مشاهدة المشاركة
              كلام سليم 100% وأنا شايف إن الاهم في أي مصنع أو شركة هو التسويق ولازم يكون فيه ""business plan"
              والكلام اللي احنا بنفضله ده وبنمشيها بـالفهلوة
              ياريت الناس تهتم شوية بموضوع ال "marketing" ده عشان أنا شايف إنه أهم مايكون عندي سلعة لازم أكون عارف إزاي هبيعها

              هيه دي أكبر مشكلة بتواجه الصناعة المصرية لأن احنا مش بنهتم بيها كفاية

              المشاركة الأصلية كتبت بواسطة karim_monir مشاهدة المشاركة
              موضوع رائع ومنظم وارشادي
              اقترح على مشرفين القسم تثبيته لشهر على الاقل للافادة
              وينقل بعدها لساحة اهم الموضوعات
              تحياتي
              باشا منور الموضوع و شكرا على التقدير ده

              المشاركة الأصلية كتبت بواسطة ahmed_su مشاهدة المشاركة
              موضوع ممتاز...

              mazagangee ... تقبل تحياتى
              الله يخليك و منورنا

              المشاركة الأصلية كتبت بواسطة otefa مشاهدة المشاركة
              تمام ياباشا .........وسيراميك وسجاد بس كله في نظري محدود جداااااااااا ومغالي في أسعاره في المعظم كمان والدليل النسبة العالية من البطالة.....مقارنة صغيرة مع الصين بلاش الهند هايبان مقوعنا في الصناعة ضعيف أد ايه وعدم وجود صناعة ما نقدر نقول مصر مميزة ومشهورة بيها (land mark)وأننا المفروض مش أقل من الناس دي
              ومتابع معاكم
              باشا عشان نقدر نقيم الصناعة المصرية لازم ندرس ظروفها و نقارن باعتبار الظروف دي مع ظروف التصنيع في بلد زي الصين و لا الهند .....

              يعني مثلا الدولة في الصين بتدعم المرافق ( دعم حقيقي ) و بتدخلها ببلاش للمصانع
              الأرض ببلاش فعلا
              لو وصل عدد العمالة لرقم معين الدولة بتدفع دعم مادي للمصنع
              التسويق بتتدخل فيه الدولة و بتساعد بجد مش بزفة و فرح و أونطة
              الجامعات بتساعد المصانع و تطور فيها
              مراكز الأبحاث موجودة و بتساعد ...

              مصر بقى العكس تمام
              الدولة عايزة تطلع منك أي مصلحة ( واخد بالك من التعبير ده ؟ أي مصلحة )
              الأرض بتدفع لها تأمين و الفلوس تتجمد لمدة لا تقل عن سنة
              لجنة المناقشة لتخصيص الأرض زي ما يكون حساب الملكين و قاعدين حاطين في دماغهم انك عايز الأرض عشان تاخد بضمانها قروض و تخلع ...
              المرافق بتدفع فيها مبالغ محترمة ( مثلا مصنع المنيا اللي أنا شغال فيه رحت دفعن 5 مليون جنيه عشان ندخل الكهربا )
              سعر الكيلو وات ( الكهربا أكتر حاجة مكلفة في أي صناعة ) يتراوح ما بين 23 قرش حتى 34 قرش حسب نوع الصناعة و ده غير الضريبة .
              تعالى اشتري معدات أو خامات أو قطع غيار أو أي حاجة أو حتى بيع منتج هتلاقي عندك ضرايب و ضريبة مبيعات . و رسوم مغالى فيها
              تعالى اعمل ترخيص للمصنع مطلوب من محامي سيادتك يلف على 35 هيئة حكومية عشان تاخد ترخيص للمصنع .


              بس بالرغم من كل ده المصانع اللي مدروسة كويس و بيتم متابعة و تطوير الأعمال فيها شغالة كويس و بتكسب كويس بنسب لا تقل عن 15 الى 20% و دي أعلى معدلات أرباح في الصناعة ...

              البطالة سببها ان الفنيين و بعض الشهادات العالية معندهومش فكرة عن اي حاجة و محتاج يتعلم من أول و جديد و احنا بنعمل مجهودات جامدة عشان نعلم الفنيين و للأسف الشركات بتدفع مرتبات قليلة و ده بيخلي الفني أول ما يتعلم كويس يمشي و يروح مكان تاني ياخد فيه مرتب كويس ... و نعلم غيره من أول و جديد
              [mshosh2]http://www.4shared.com/photo/lCkSz74F/morsee.html[/mshosh2]

              Comment

              • #22
                الحل بالأضافة لما قلته ياباشا
                خطةوهدف واضح من الدولة...........10 سنين يكتب أسم مصر علي خريطة العالم دولة صناعية
                وبعدين ماهم منعوا الأستيراد كام سنة بهدف حماية الصناعة الوطنية وأخرتها كانت أيه كنا بناخد سلعة بجودة أقل بسعر أغلي تقريبا من أي دولة في العالم يعني الحماية ماكنتش للصناعة ولا أيه
                أنا شايف من أهم النقاط قبل مانقول ممكن نعمل أسم في عالم الصناعة
                -نظام أداري واضح وصارم وأجرأته سريعة للعمل علي جذب الأستثمارات والحد من هروب الموجود بالفعل بالبلد
                -تشريع بمعاير الجودة يلتزم به كل من يعمل في الصناعة بالبلد(مثال صغير لأحتياج جهة لمثل هذا التشريع حماية المستهلك)
                -أشتراطات ومعاير للبيئة صارمة
                إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
                م/محمد

                Comment

                • #23
                  المشاركة الأصلية كتبت بواسطة otefa مشاهدة المشاركة

                  ممكن سؤال أحنا بنصنع أيه في مصر دلوقتي؟
                  على سبيل المثال
                  بشتغل في شركة بتصنف الثانية على العالم في التصنيع الكهربائي
                  مصانعها موجودة في 122 دولة وانتاجها في 195 دولة
                  مصر بتصنع نصيب كبير منه جدا بداية من القواطع الكهربائية وحتى الاكشاك والمحولات الضخمة جدا
                  70% من الانتاج موجه للتصدير وال 30 % بيتلهف السوق المحلي عليه لانه رفيع المستوى ودايما بيتركب في المدن الجديدة كاكشاك كهرباء
                  وبقية الانتاج قرى سياحية ومدن ومجتماعات عمرانية رفيعة المستوى زي الرحاب ومدينتي وغيرها
                  والمصنع به اكثر من الفين عمل غير الصناعات المغذية والشركة كانت بتضم 14 شركة وحاليا بعد الانضمام والتحالف بقو 6 فقط
                  ده على سبيل المثال كصناعات كهربائية

                  جروب ورشة نايل موتورز علي الفيس بوك

                  صفحة ورشة نايل موتورز على الفيس بوك

                  Comment

                  • #24
                    انا سعيد اوى بيك
                    مش لانك متحمس ومستعد تساعد ناس فى مشاريعهم بلا مقابل
                    لكن لان من زمان اوى ملفتش حد بيتكلم على حاجة مصرية بحب ورغبة فى التطوير كده
                    [CENTER][B]ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا:stink[1]:[/B][/CENTER]
                    [B]ارجوك علشان خاطر صحتنا وفر شوية فى استهلاك الكهربااء:stink[1]:[/B]
                    [CENTER][B]ارجووووك وفر شوية فى استهلاك البنزييييين:stink[1]:[/B][/CENTER]
                    [CENTER][B]اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة[/B][/CENTER]

                    [CENTER][B]خليك ايجابى لنفسك حتى..زهقت من "[COLOR=sienna]الامعة[/COLOR]" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"[/B][/CENTER]

                    Comment

                    • #25
                      المشاركة الأصلية كتبت بواسطة ahmed4000 مشاهدة المشاركة
                      انا سعيد اوى بيك
                      مش لانك متحمس ومستعد تساعد ناس فى مشاريعهم بلا مقابل
                      لكن لان من زمان اوى ملفتش حد بيتكلم على حاجة مصرية بحب ورغبة فى التطوير كده
                      نفس شعوري
                      بس توقيعك احلى

                      Comment

                      • #26
                        عظمة على عظمة على عظمه يا
                        MaZaGAngeE

                        الموضوع تحفه وفيه مجهود كبير جدا ان شاء الله لازم يكون بينى وبينك لقاء

                        واضح جدا انك ما شاء الله فاهم فى النقطة الى انت بتكلم عليها

                        انا فى راى ان مصر ممكن تعمل اكتر بكتير من الموجود ومصر تستاهل اكتر بكتير

                        والاخوة وضوحوا من قبل الحكومه المفروض تعل ايه

                        انا ليا اضافه واحدة

                        ليه مصر مش بتهتم بالمستثمر المتوسط

                        يعنى لو فتحت التليفزيون ممكن تسمع كلمه استثمار ومستثمر اكثر عشروميت مرة فى الدقيقه

                        لكن هما عايزين بس المستثمر ابوا خمسين ومائه مليون على الاقل ومعاة جنسيه مش مصريه و يا سلام لو هشتغل فى العقارات يبقى عز الطلب يا معلم وفرجت

                        لكن الناس المحترمه الى داخل البلد الى معاة فلوس (مصر مش كلها فقرا اواغنياء )
                        فى مبالغ معقوله 500 الف الى 5 مليون الصراحة لا اجد لهم اى اهتمام يذكر وكانهم المفروض يكلوا ويشربوا وبس
                        وكفايه عليه يحطهم فى البنك او يتشرى قطعة ارض ويسقعها فى بلد تئن من البطاله والفراغ

                        هو دى امالى ان البلدد تتوجهة بجد الى هذة الفئه وتدعمها بقوة عشان يكون بعد كدة تحالفات كبيرة وصناعات مغذيه

                        وكفايه مضاربه فى العقارت البلد لبست من فى الحيط منها

                        وشكر ا مرة اخرى للمناضل MaZaGAngeE

                        Comment

                        • #27
                          المشاركة الأصلية كتبت بواسطة karim_monir مشاهدة المشاركة
                          على سبيل المثال
                          بشتغل في شركة بتصنف الثانية على العالم في التصنيع الكهربائي
                          مصانعها موجودة في 122 دولة وانتاجها في 195 دولة
                          مصر بتصنع نصيب كبير منه جدا بداية من القواطع الكهربائية وحتى الاكشاك والمحولات الضخمة جدا
                          70% من الانتاج موجه للتصدير وال 30 % بيتلهف السوق المحلي عليه لانه رفيع المستوى ودايما بيتركب في المدن الجديدة كاكشاك كهرباء
                          وبقية الانتاج قرى سياحية ومدن ومجتماعات عمرانية رفيعة المستوى زي الرحاب ومدينتي وغيرها
                          والمصنع به اكثر من الفين عمل غير الصناعات المغذية والشركة كانت بتضم 14 شركة وحاليا بعد الانضمام والتحالف بقو 6 فقط
                          ده على سبيل المثال كصناعات كهربائية
                          حاجة تفرح حقيقي والله وأنا متأكد أن عندنا صناعات بجودة عالية وخصوصا للتصدير
                          وعلي سبيل المثال ماركس أند سبينسر(أنجليزي) بيصنع في مصر بدل وبأسعار قريبة من الأسعار بالمملكة المتحدة
                          وبيبيعها في دول الخليج
                          بس الجودة محفوظة وعليها كواليتي كنترول جامد
                          يبقي أنت حطيت أيدك علي نقطتين مهمين
                          -الجودة ومعايرها
                          -الدعاية والتسويق

                          فيه سؤال بيطرح نفسه ومثال حي علي واقع الصناعة عندنا!
                          ليه قفلنا مصنع السيارة الوطنية الوحيدة 128(أن جاز التعبير لأنها فيات ماركة أيطالية في الأخر برده)................في المقابل الصين بتصنع عدة ماركات!
                          الجواب علي السؤال هو مربط الفرس=كل ماذكره مزجانجي في أول الموضوع(عدم وجود خطة تنموية واضحة وملزمة للجميع)
                          ده غير لازم نفرق أحنا بنتكلم علي دولة صناعية(مصانع تقفيل وتوكيلات عالمية)!................موجودة
                          ولا صناعة وطنية تحمل الأسم المصري!..........سيارة مصرية تحمل maid in egypt
                          إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
                          م/محمد

                          Comment

                          • #28
                            المشاركة الأصلية كتبت بواسطة mazagangee مشاهدة المشاركة
                            طبعا كل الناس نازلة بالصناعة المصرية تحت الأرض , و احنا بلد لا تصلح للصنلعة و العامل المصري فرد متواكل و سنكوح و مش بتاع شغل و عديم الدقة و منعدم الذمة الضمير , .........

                            بالراحة كده و تعالى نتناقش بدون ما حد فينا يكون واخد موقف مسبق ...


                            أولا مشاكل الصناعة المصرية ::::: ( من وجهة نظر المستثمر )

                            أكبر و أهم مشكلة هتقابل سيادتك لما تيجي تعمل مصنع هيه التراخيص و انهاء الأوراق ...... طبعا حضرتك لازم تعمل دراسة جدوى تقدمها للمنطقة الصناعية اللي انت عايز تعمل مصنعك فيها ... طبعا سيادتك قدامك حل من اتنين يا تعمل الدراسة بنفسك , يا تخلي مكتب متخصص يعملهالك ... لو انت فاهم الصناعة ممكن تعملها بنفسك و ده هيوفر عليك تكاليف كتيرة لو مصنعك كبير , لو مكتب متخصص هياخد منك رقم محترم عشان هيعملك دراسة للسوق .

                            بعد كده هتروح يئة الاستثمار و تعمل سجل تجاري و بطاقة ضريبية و دي أوراق سهل استخراجها حكاية أسبوع و لا اتنين و مش متعبة ممكن المحامي بتاعك يخلص الموضوع بسهولة و هتتكلف في حدود 3000 جنيه ...
                            بعد كده سيادتك هتروح المنطقة الصناية و تقدم دراسة الجدوى بتاعتك و تطلب تخصيص مساحة أرض مناسبة للمصنع بتاعك , طبعا هتقعد مع لجنة من مهندسين المنطقة الصناعية اللي هيناقشوك في كل التفاصيل و التكاليف و الانتاجيات عشان يتأكدوا انك فعلا فاهم انت هتعمل ايه و ليه و انك بتطلب مساحة أرض معقولة مش مبالغ فيها .

                            طبعا هبلغوك بقرار اللجنة بعد شهرين و تعمل محضر استلام للأرض و تقدم الرسومات الهندسية للمشروع ,,
                            لو انت مقدم في المنيا أو بني سويف الأرض ببلاش بس بتدفع تأمين 50 جنيه عن كل متر و تسترد الفلوس بعد ما تخلص الانشاءات بس بيتخصم منها 10 جنيه لكل متر رسوم مش عارف ايه اي كلام .... بس الأرض فعلا ببلاش .

                            الرسوم الهندسية هتصرف تقريبا من 1500 الى 2500 على حسب المباني و المساحات و التنظيم اللي انت عايزه .
                            طبعا هتبدأ بالسور و تخش على المباني و الجمالونات ,,,,....

                            في نفس الوقت انت هتشتري المعدات من الصين و لا من أوروبا و لا معداتك تصنيع محلي :
                            1- المعدات الصينية : كويسة و أسعارها معقولة و كفاءة متوسطة لكنها تعتمد بالكامل على التشغيل البشري و لا يوجد فيها خطوط اوتوماتيكية ( الا لو انت طلبت و دي بتكون غالية جدا ) . طبعا لازم يكون عندك مهندس فاهم و شاطر عشان يعرف يطلع انتاج من المعدة دي .
                            2- المعدات الأوروبية و الروسية و الأمريكية كلهم فئة واحدة و دول اساسا مناسبين للانتاجيات الضخمة و أهم ميزة انها أوتوماتيكية و تعتمد على الكمبيوتر في التشغيل و ادارة خطوط الانتاج و العامل البشري اقل ما يمكن .. لكن يا باشا ادفع كهربا و قطع غيار ...
                            3- المعدات المصنعة محليا : لو انت هتعمل المونيوم أو محتاج معدات محلية هتلاقي ناس جامدة جدا و يتركزوا في العاشر و المنصورة والجمالية و الشرقية و حتت تانية على حسب نوعية الصناعة بتاعتك . و المعدات دي بتكون في الغالب تقليد أو تعديل لمعدات غربية أو تقدر تقول تمصير ... و دي بتكون معمولة لو حظك كويس بحرفية عالية و كفاءة ممتازة . و هتخليك تكره نفسك لو وقعت في ايد واحد نصاب أو سمسار ...

                            في الغالب انت هتستورد المعدات : لو المصنع منطقة حرة خاصة ( هنا بيكون فيه شرط تصدير 60% من الانتاج على الأقل ) يبقى عندك اعفاءات جمركية و ضريبية على المعدات المسوردة .

                            أول ما المعدات توصل هتحتاج مهنسين كهربا و ميكانيكا للتركيب و التشغيل أو لو عندك خبرة كفاية تقدر تعمل كده لوحدك بس هتجيب حدادين و كهربائية عشان يركبولك المعدات و أفضل حاجة ليك تديهم الشغل مقاولة و ده هيكون أرخص ليك عشان لو يوميات ممكن يكلفوك زيادة عن اللزوم .

                            تعالى بقى للمقلب الحكومي الخطير ::::
                            رسوم ادخال الكهربا و دي أعلى تكلفة هتدفعها و تنقسم الى :
                            1- تأمين و ده بيكون 30 جنيه لكل كيلو وات لو منطقة صناعية جديدة أو 50 جنيه لو منطقة قديمة . و ده تأمين غير مسترد أو بمعنى آخر فلوس ميتة .
                            2- لو انت محتاج كهربا أكتر من 500 كيلو وات هتدفع فردة اسمها القسط الثابت و فردة تانية اسمها الحد الأقصى و دول بيكونوا مبالغ محترمة .
                            3- شركة الكهربا هتشترط انك يكون عندك لوحة باور فاكتور عشان الموجات الارتدادية على الشبكة لو انت فوق ال 500 كيلو وات .
                            4- ممكن يدبسوك في محول أو لوحة توزيع و دول غاليين و مفيش حل ليهم لازم تجيبهم و مفيش غير شركتين في مصر بيعملوهم .
                            5- تكاليف الكابلات و دي بتكون متغيرة على حسب الكهربا اللي انت طالبها .

                            رسوم ادخال المياه و الصرف الصحي و الصرف الصناعي ::: في حدود 15 ألف لكل واحدة .

                            رسوم التلفونات ::: كلام فاضي تقريبا 450 جنيه لكل خط تلفون .

                            رسوم النظافة :::: مبلغ كده فردة بتاخدها الحكومة و تقريبا بتكون في حدود من 200 ل 4000 جنيه شهريا على حسب مساحة المصنع مش على حسب كمية الزبالة و طبعا مفيش حد بيشيل حاجة انت اللي هترمي زبالت بنفسك .

                            رسوم الدفاع المدني ::: انت و حظك معاهم

                            البيئة :::: برضه انت و حظك و تظبيطك معاهم

                            بعد كل الدوشة دي سيادتك هتكون وصلت لبدء الانتاج طبعا هترح تعمل ترخيص تشغيل و سجل صناعي و لو هتصدر بتشترك في غرفة المصدرين المصريين .

                            كده بقى سيادتك هتكون وصلت انك عينت مجموعة العمالة المطلوبة ( أغلب المصانع الصغيرة بتكون كاجوال مش تعيين ) ....

                            طبعا كصاحب مصنع انت هتدفع مرتبات قليلة لأنك هتدفع زي السوق و ده بيكون على حساب الجودة ... و دي أكبر مشكلة في الصناعة المصرية ان الشركات بتدفع لعدد قليل يمكن 2 أو 3 و بالكتير 5 مبالغ كويسة و يخليهم يثبتوا العمال و الفنيين و باقي المهندسين الصغيرين بكلمتين حلوين و بجزاءات عشان ياخدوا منهم اعلى انتاجية ممكنة .... لكن ده خطأ كبير جدا جدا ...

                            التسويق :::::::::::::: أكبر مشكلة تواجه الصناعة المصرية , السوق المحلي و العالمي مش مستني سيادتك عشان يشتروا منتجك لأ طبعا فيه مليون مصنع زيك و يمكن أحسن منك كمان عندهم نفس المنتج يبقى الناس دي هتشتري منك انت ليه ؟!!!!
                            لازم يكون عندك خطة تسويق يخطط لها و ينفذها واحد محترف مش عيل صغير و ده خطأ كبير جدا يتقع فيه أغلب المصانع الصغيرة اللي بتهتم بالحرفية العالية و تستسهل التسويق و بعد ما يصرف دم قلبه يلاقي نفسه قاعد بيهوي .... و طبعا عشان معندكش طولة بال و لا خطة تسويق ولا عامل حسابك على مصاريف لمدة لا تقل عن 6 شهور لسنة على حسب نوع الصناعة ... تروح منزل باب المصنع و تستعوض ربنا في الخسارة .


                            أولا مشاكل الصناعة المصرية ::::: ( من وجهة نظر العامل )
                            تعالى نشوف الموضوع من وجهة النظر التانية و هيه العامل اللي بيشتغل وردية في المصنع :::
                            طبعا الادارة ( في الغالب مش الكل ) لا تهتم برأي العامل اللي بيشغل الماكينة مع انه ممكن يكون عنده ملاحظات انت مش واخد بالك منها لكن عشان هوه واقف قدام الماكينة 8 ساعات يوميا هوه أحسن واحد ممكن يديلك بيانات عن مشاكل المعدة ...
                            المرتب للعامل بيكون قليل جدا و غالبا بيكون 500 الى 1200 للعامل اللي معاه دبلوم و ده مبلغ صغير جدا ميكفيش أسرة من 3 أفراد و دول ناس بتكون أسرهم كبيرة العدد ... يقابل ذلك معدل أرباح عالي لا يقل عن 25% من تكاليف الانتاج ... يعني العامل بياخد ملاليم لا تستر بيته و صاحب المصنع بياخد أرباح عالية و غالبا لا يوجد حوافز انتاج و لو موجودة بتكون مبالغ قليلة الى متوسطة و بتكون كل 3 أو 6 شهور ...
                            طبعا كده العامل ده هيوفر صحته عشان بيطلع من عندك و يروح مكان تاني يشتغل فيه عشان يكفي بيته ...
                            بس لو انت بتدفع مرتبات كويسة هتلاقي العامل بيموت نفسه على الماكينة ( أيا كان نوعها ) عشان يطلع انتاج و أحيانا تلاقيه يصلحها بنفسه أو يجري و يقف على دماغ الصيانة عشان يصلحوله ( واخد بالك من يصلحوله دي ) الماكينة بتاعته في أسرع وقت ممكن .



                            للأسف أغلب المصانع لا تهتم برفع المستوى الفني للعاملين , تهتم فقط بعدد صغير و الباقي اللي مش عاجبه يمشي و ده خطأ كبير جدا و طبعا صاحب العمل معذور لأن تكاليف التدريب غالية لكن ممكن تلاقي صيغة مناسبة

                            طبعا أغلب المصانع لا تهتم بالتعاون مع الجامعات و مراكز الأبحاث و النقابات مع ان دول هيكونوا متحمسين جدا و هتلاقي عندهم أفكار و ابتكارات ممتازة لكنها دابت في الأدراج لأن أصحاب العمل لا يهتمون بالتطوير قد اهتمامهم بالمبيعات .... المبيعات مهمة جدا لاستمرار العمل لكن التطوير مهم جدا لرفع الجودة و استحداث منتجات جديدة و دراسات أسواق جديدة و كل ده هيكون تقريبا بدون تكاليف بالعكس ممكن الشركة تاخد دعم من الهيئات و الجمعيات المهتمة بالبيئة أو التطوير ( طبعا دي بتكون هيئات أجنبية مش مصرية )





                            الصناعة المصرية ليها مستوى عالي جدا من الحرفية و الكفاءة لكن لو تم التعامل معاها بالاهتمام و التقدير الكافي , لكن لو انت مش مهتم بالعامل بتاعك ازاي عايز منه جودة العامل الأوروبي اللي شركته بتديله و توفره كل الظروف اللي تخليه يقدر يبدع في عمله !!!!!!
                            الهجوم على الصناعة ده لالازم يتحلل و نشوف أسبابه و نعالج مشاكله حتى على المستوى الفردي لأن الحكومة مش هتعمل حاجة .... انت لو عندك مصنع , محل , أيا كان نشاطك راقب و ادرس و حلل كيفية رفع المبيعات مش تقليل التكاليف
                            كل ما ارتفعت المبيعات كل ما قلت التكاليف
                            التسويق هوه أهم عامل في استمرار العمل ( حسن السوق و لا حسن البضاعة )
                            عشان تعمل تسويق ادرس السوق اللي بتبيع ليه و شوف طلبات زبنك ايه و كام زبون شاف البضاعة و اهتم بيها لكن مطلعش فلوس .... ده أهم من الزبون اللي طلع فلوس و دفع ( ده محتاج خدمة ما بعد البيع و دي مهمة جدا عشان دي طريقة تسويق غير مكلفة ) ده لازم تفهم ليه قلب في البضاعة و مطلعش فلوس ؟ ايه اللي مش عاجبه ... ايه اللي محتاجه .....

                            و أخيرا لو حد مهتم بالصناعة و بيفكر يعمل مصنع صغير أو متوسط أنا مستعد أسعاده و أدرس معاه المشروع بدون أي مقابل ...

                            احنا اللي هنعمل للصناعة بتاعتنا قيمة
                            جزاك الله خيرا
                            و الى الامام دائما يا مصر
                            [SIGPIC][/SIGPIC]
                            السلام لكل الماروتى

                            Comment

                            • #29
                              موضوع رائع و حسيت فعلا انى عملت اجراءات المصنع من اسلوبك الشيق
                              [CENTER]كلمات اتعبت الملائكه فى كتابة الأجر
                              ((اللهم لك الحمد كما ينبغى لجلال وجهك وعظيم سلطانك))
                              [/CENTER]

                              Comment

                              • #30
                                من المشاكل برضه الموجودة في مصر ::::::::::::::::::

                                نوعية أو طبيعة صاحب رأس المال , ازاي بقى؟
                                الراجل ده حاجة من اتنين , اما تاجر أو رجل صناعة ..... التاجر بطبيعته بيحب و متعود على دورة رأس المال القصيرة و السريعة و هوه بيكون وسيط بين المنتج و المستهلك بدون أى التزامات ..... يعني رأس ماله كله في البضاعة و توزيعها لكن التسويق بيكون مهمة المنتج .....
                                رجل الصناعة حاجة تانية .... عنده التزامات كبيرة تجاه خطوط الانتاج و استثمار في العمالة الفنية الموجودة في المصنع , دورة رأس المال طويلة و ذات مخاطر عالية , و بعد التسويق و الانتاج و بيع السلعة عليه التزامات ما بعد البيع و كمان تطوير و استحداث منتجات ....

                                رجل التجارة حبله على كتفه ... و شغال حسب الموضة السنة اللي فاتت الموضة كرانيش تلاقي الفلوس كلها عند بتوع الكرانيش .... و السنة دي الموضة قصاقيص تلاقي الفلوس كلها عند بتوع القصاقيص و لو قابل بتاع الكرانيش ممكن يدوسه بالعربية و لا حتى هيفكر يقف لما الراجل يعدي الشارع مع انه كان حبيبه و قايمين نايمين سنة مع بعض .... لكن السبوبة تحكم .....

                                رجل الصناعة على العكس تماما تلاقيه ماشي على مراحل انتاج و طريقة واحدة ممكن تتعدل لكن الأساس واحد , و مهم جدا استقرار السوق و البلد للمصانع لأن دي جزء كبير جدا ( تقريبا 90% ) من رأس المال بيتصرف في البنية التحتية ( بتاعة المصنع مش بتاعة الحكومة ) من انشاءات و مباني و معدات و عمالة يتم تدريبها و تعليمها و انشاء مراكز توزيع و حاجات تانية كتيرة و كل ده بيحتاج وقت طويل عشان يحقق عائد مادي مناسب لصاحب رأس المال ( دايما خلي في بالك ان مش انت اللي بتصنع اللي متصنعش و العالم واقف على الناصية و مش هيروح غير لما يشتري منك لألألألأ فيه مليون واحد زيك و أحسن منك في الانتاج و الأسعار ) .....

                                عشان كده تلاقي مثلا في مصر ناس كتير جدا شغالة في العقارات أو البقالة الجملة او السمسرة عشان دي بتاخد وقت قليل و عائدها سريع ... مع انك لو حطيت مليون جنيه في استصلاح أراضي هتاخد 5 مليون خلال 5 الى 7 سنوات بشرط الادارة السليمة و التطوير المستمر و تصنيع المنتج الزراعي الى منتجات نصف مصنعة ...

                                آخر حاجة نوعية الشركات و حجمها و طرق التمويل ::::::::
                                في العالم كله تلاقي الشركات المساهمة منتشرة و قايمة و شغالة و ده بيديها مميزات كبيرة و تسهيلات ضخمة لتوفير التمويل من خلال سوق المال أو من خلال البنوك ....
                                في مصر يغلب الطابع الفردي أو العائلي على الشركات حتى المساهمة منها تلاقيها الراجل و ابنه أو اخوه و ده بيخلي حجم الشركة صغير و امكانيات التمويل محدودة و بالتالي متقدرش الشركة تشتري خطوط انتاج حديثة أو أوتوماتيكية , و كمان القرارات بتكون فردية و أحيانا من واحد مش متخصص في الصناعة دي و ده ممكن يضيع الدنيا ...

                                طيب نعمل ايه ؟؟؟؟

                                في رأيي المتواضع بحكم خبرتي في انشاء و تصميم و تطوير و ادارة المصانع ...
                                1- اختيار خامات مصرية للتصنيع
                                2- اختيار مهندس من الصناعة لادارة المصنع أو الشركة ( ادي العيش لخبازه )
                                3- انشاء شركة مساهمة لتوفير تمويل كبير من خلال سوق المال أو البنوك ( البنك بيثق جدا في الشركات المساهمة )
                                4- عمل خطة تسويق على مدى 5 سنوات على الأقل قبل انشاء المصنع .
                                5- عمل خطة تطوير على مدة 5 سنوات قادمة قبل انشاء المصنع .
                                6- الاهتمام بالسوق العالمي و فتح قنوات تصدير ( و دي بتكون سهلة جدا لو اخترت منتج مطلوب عالميا )
                                7- عدم انتظار أي مساعدات أو دعم حكومي
                                8- الاهتمام الشديد بالجودة ( احنا بنصنع كويس لكن التقفيل أو التغليف عندنا سيء جدا )
                                [mshosh2]http://www.4shared.com/photo/lCkSz74F/morsee.html[/mshosh2]

                                Comment

                                السابق 1 2 3 4 5 6 template التالي
                                Working...
                                X