تجربتي مع الصناعة المصرية

[for_ever]

اخي العزيز مزاجنجي (ممكن تقولنا الاسم الحقيقي عشان الاسم ده يعطي انطباع خاطئ تماما عنك ؟)
قرأت موضوعك كله و حسيت ان لسه في امل في البلد
طيب جميل جدا كل اللي اتقال
عايزين بقي بخبرتك مقترحات لمشاريع تنفع لمستثمرين صغيرين او متوسطين (كما هو حال معظمنا هنا في المنتدي) اللي ممكن تجمعنا و نشترك مع بعض و ننفذها
كمان محتاجين خبرات الاعضاء الافاضل في دراسات الجدوي
كمان محتاجين السادة الافاضل العاملين في مجال التسويق
يللا يا رجالة خلونا نطلع بالبلد. كفاية عينة تجار فوانيس رمضان اللي بيستوردوها من الصين :)
خير خير

[mfarag]

فيه سؤال بيطرح نفسه ومثال حي علي واقع الصناعة عندنا!
ليه قفلنا مصنع السيارة الوطنية الوحيدة 128(أن جاز التعبير لأنها فيات ماركة أيطالية في الأخر برده)................في المقابل الصين بتصنع عدة ماركات!
الجواب علي السؤال هو مربط الفرس=كل ماذكره مزجانجي في أول الموضوع(عدم وجود خطة تنموية واضحة وملزمة للجميع)
ده غير لازم نفرق أحنا بنتكلم علي دولة صناعية(مصانع تقفيل وتوكيلات عالمية)!................موجودة
ولا صناعة وطنية تحمل الأسم المصري!..........سيارة مصرية تحمل maid in egypt

موضوع رائع

على الاقل حاجة ايجابية وسط السلبيات الكتير

اما بخصوص النصر

فدا مثال على الادارة ال ( التيت ) اللى فى مصر

اختيار مدير الشركة او ceo

بيفرق

انما لما تختار موظف من اهل الثقة

بيركز بس على حاجتين

ياخد من الشركة كل اللى يقدر علية و يفضل اكبر وقت ممكن

مع انك لو حطيت مليون جنيه في استصلاح أراضي هتاخد 5 مليون خلال 5 الى 7 سنوات بشرط الادارة السليمة و التطوير المستمر و تصنيع المنتج الزراعي الى منتجات نصف مصنعة ...

..

العائق الاول فى موضوع استصلاح الاراضى

انعدام القانون

لو الدولة قامت بدورها فى تنظيم الموضوع بس و ضمان بشكل قانونى حقوق الناس

الاستثمارات فى القطاع دة هتتضاعف فى وفت بسيط

بس طبعا

لازم طبقا مقفولة

الا للحبابيب بس

[smsm_cato]

يا عم انت كده بتشجع الناس انها متصنعش انا منى واحد لو بفكر افتح مصنع بعد التعقيد اللى شوفتة ده لازم اشيل الفكرة من دماغى

[PoweRPassioN]

الموضوع دا جه في وقته يمكن الواحد يلاقي مكان على الخريطه في مجال الصناعات المصريه
بس رجاء..
ركز لنا على المستثمر المتوسط وكيفيه عمل الشركات المساهمه ونوعيه الصناعات ذات المخاطره الاقل وظروف بني سويف في التصنيع علشان قربها من القاهره نوعا والارض اللي ببلاش ولو عندك امثله لدراسات جدوى يبقى تمام التمام

ولكم جزييييييييييييل الشكر ونرجو من الله ان تعم روح الامل والتفاؤل مصر ونبتدي ندور المصاااانع من تاني.

اخي العزيز مزاجنجي (ممكن تقولنا الاسم الحقيقي عشان الاسم ده يعطي انطباع خاطئ تماما عنك ؟)
قرأت موضوعك كله و حسيت ان لسه في امل في البلد
طيب جميل جدا كل اللي اتقال
عايزين بقي بخبرتك مقترحات لمشاريع تنفع لمستثمرين صغيرين او متوسطين (كما هو حال معظمنا هنا في المنتدي) اللي ممكن تجمعنا و نشترك مع بعض و ننفذها
كمان محتاجين خبرات الاعضاء الافاضل في دراسات الجدوي
كمان محتاجين السادة الافاضل العاملين في مجال التسويق
يللا يا رجالة خلونا نطلع بالبلد. كفاية عينة تجار فوانيس رمضان اللي بيستوردوها من الصين :)
خير خير

+111111111111

[ahmed4000]

ركز لنا على المستثمر المتوسط

+111111111111

فى ارقام تخض يا مزنجانجى يعنى الكهرباء بتدخل بس ب 5 مليون جنيه!!!!!!!!!!!!!!!!!!!!!!1
اومال المصنع نفسه يتكلف كام.؟

ففعلا محتاجين نشوف الجانب الاصغر شوية يمكن حد يتحمس هنا ويحاول يعمل حاجة

[MaZaGAngeE]

الاسم : عمر فاروق الصاوي
الشهادة : مهندس الكتورنيات من الأكاديمية العربية للعلوم و التكنولوجيا
التلفون : 0100785234 ___ 0147540303
الوظيفة : مهندس أول صيانة -- شركة أسكوم للكربونات و الكيماويات

اخي العزيز مزاجنجي (ممكن تقولنا الاسم الحقيقي عشان الاسم ده يعطي انطباع خاطئ تماما عنك ؟)
قرأت موضوعك كله و حسيت ان لسه في امل في البلد
طيب جميل جدا كل اللي اتقال
عايزين بقي بخبرتك مقترحات لمشاريع تنفع لمستثمرين صغيرين او متوسطين (كما هو حال معظمنا هنا في المنتدي) اللي ممكن تجمعنا و نشترك مع بعض و ننفذها
كمان محتاجين خبرات الاعضاء الافاضل في دراسات الجدوي
كمان محتاجين السادة الافاضل العاملين في مجال التسويق
يللا يا رجالة خلونا نطلع بالبلد. كفاية عينة تجار فوانيس رمضان اللي بيستوردوها من الصين :)
خير خير

كلام سليم و مطلوب اننا نفكر و نشارك مع بعض

موضوع رائع
على الاقل حاجة ايجابية وسط السلبيات الكتير
اما بخصوص النصر
فدا مثال على الادارة ال ( التيت ) اللى فى مصر
اختيار مدير الشركة او ceo
بيفرق
انما لما تختار موظف من اهل الثقة
بيركز بس على حاجتين
ياخد من الشركة كل اللى يقدر علية و يفضل اكبر وقت ممكن
العائق الاول فى موضوع استصلاح الاراضى
انعدام القانون
لو الدولة قامت بدورها فى تنظيم الموضوع بس و ضمان بشكل قانونى حقوق الناس
الاستثمارات فى القطاع دة هتتضاعف فى وفت بسيط
بس طبعا
لازم طبقا مقفولة
الا للحبابيب بس

النصر اتعملت في هوجة التمصير و الصناعة المصرية و لم تستمر لأن الحبايب كل همهم في الكراسي و محدش اهتم بالشركة
استصلاح الأراضي من أكبر الاستثمارات ربحية بس عيبه في حجم رأس المال الكبير و مشاكل وضع اليد و محتاج قلب جامد و رجالة بسلاح عشان تاخد حقك وسط الغوغائية

يا عم انت كده بتشجع الناس انها متصنعش انا منى واحد لو بفكر افتح مصنع بعد التعقيد اللى شوفتة ده لازم اشيل الفكرة من دماغى

بالعكس خالص
أنا هدفي اني أعرفك لو عايز أو بتفكر تعمل مصنع ايه اللي هتواجه و هيكلف قد ايه و ايه المشاكل اللي ممكن تقابلها و ازاي تتصرف فيها
انا عايز أساعدك انت و اللي زيك و كفاية بقى اني أعمل كل ده للشركات الكبيرة و الحيتان

الموضوع دا جه في وقته يمكن الواحد يلاقي مكان على الخريطه في مجال الصناعات المصريه
بس رجاء..
ركز لنا على المستثمر المتوسط وكيفيه عمل الشركات المساهمه ونوعيه الصناعات ذات المخاطره الاقل وظروف بني سويف في التصنيع علشان قربها من القاهره نوعا والارض اللي ببلاش ولو عندك امثله لدراسات جدوى يبقى تمام التمام
ولكم جزييييييييييييل الشكر ونرجو من الله ان تعم روح الامل والتفاؤل مصر ونبتدي ندور المصاااانع من تاني.
+111111111111

حاجات كتيرة جدا ممكن تكون بتشوفها كل يوم و مفكرتش انك ممكن تصنعها
و على فكرة ممكن تعمل مصنع صغير بتكاليف قليلة جدا و يكون مربح كويس
و هدف الموضوع هنا وضع أمثلة و أفكار للمستثمر الصغير أو المتوسط اللي عايز يعمل مشروع صناعي
و ازاي يدرسه و ازاي يسوقه

فى ارقام تخض يا مزنجانجى يعنى الكهرباء بتدخل بس ب 5 مليون جنيه!!!!!!!!!!!!!!!!!!!!!!1
اومال المصنع نفسه يتكلف كام.؟
ففعلا محتاجين نشوف الجانب الاصغر شوية يمكن حد يتحمس هنا ويحاول يعمل حاجة

المصنع ده اتكلف 230 مليون جنيه معدات و انشاءات و يعمل فيه 350 فرد
و ده كان مثال بس عن تكلفة الكهربا العالية جدا
و على فكرة أنا بدفع شهريا 750 ألف جنيه فاتورة الكهربا
بس ده كان مثال للتوضيح بس ...

عظمة على عظمة على عظمه يا
mazagangee
الموضوع تحفه وفيه مجهود كبير جدا ان شاء الله لازم يكون بينى وبينك لقاء
واضح جدا انك ما شاء الله فاهم فى النقطة الى انت بتكلم عليها
انا فى راى ان مصر ممكن تعمل اكتر بكتير من الموجود ومصر تستاهل اكتر بكتير
والاخوة وضوحوا من قبل الحكومه المفروض تعل ايه
انا ليا اضافه واحدة
ليه مصر مش بتهتم بالمستثمر المتوسط
يعنى لو فتحت التليفزيون ممكن تسمع كلمه استثمار ومستثمر اكثر عشروميت مرة فى الدقيقه
لكن هما عايزين بس المستثمر ابوا خمسين ومائه مليون على الاقل ومعاة جنسيه مش مصريه و يا سلام لو هشتغل فى العقارات يبقى عز الطلب يا معلم وفرجت
لكن الناس المحترمه الى داخل البلد الى معاة فلوس (مصر مش كلها فقرا اواغنياء )
فى مبالغ معقوله 500 الف الى 5 مليون الصراحة لا اجد لهم اى اهتمام يذكر وكانهم المفروض يكلوا ويشربوا وبس
وكفايه عليه يحطهم فى البنك او يتشرى قطعة ارض ويسقعها فى بلد تئن من البطاله والفراغ
هو دى امالى ان البلدد تتوجهة بجد الى هذة الفئه وتدعمها بقوة عشان يكون بعد كدة تحالفات كبيرة وصناعات مغذيه
وكفايه مضاربه فى العقارت البلد لبست من فى الحيط منها
وشكر ا مرة اخرى للمناضل mazagangee

انا تحت أمر أي حد من اخواني في المنتدى ....
في البداية أنا كنت زي أي أغلب الناس و شايف ان دي بلد فاشلة بس لما بدءت أتحرك في الصناعة و تحت اسم اسيك عرفت احنا بلد غنية لأي درجة و ازاي الحيتان محجزين على البلد و على خيرها و لأي درجة قدروا يخلونا نقتنع بفكرة ان الصناعة المصرية فاشلة و مالهاش مستقبل ....... و ده طبعا بالطلبات العجيبة و الغريبة للادرات الحكومية و النظرة لأي واحدح عايز يعمل مصنع انه حرامي و عايز يسحب قرض و يكت ....
انت ممكن تعمل مشروع كويس بأقل من 500 الف بكتير بس طبعا كل ما زاد رأس المال كل ما زادت الربحية و قلت المخاطر و تنوعت المنتجات ...
العمل في العقارات أنا علقت عليه قبل كده .. هوه مناسب لناس معينين من السماسرة و التجار و اللي ميعرفش يشغل فلوسه أو بيخاف من المخاطرة .
احنا معندناش بطالة خالص ... احنا عندنا قوى عاملة غير موجهه و ده بسبب الشهادات المتوسطة اللي كلنا عارفين انها مضروبة و العيال بتطلع بتبصم ...

[زينة الله]

موضوع جميل و مجهود كبير ربنا يجعله فى ميزان حسناتك

لكن أنا مع الزملاء فى إن العمل بالصناعة يحتاج رأس مال ضخم جدا

هل يا ترى لو الناس متحمسه ممكن تتجمع فى شركة مساهمة لتنفيذ فكرة انشاء مصنع مثلاً

عارف إن طلعت حرب أبو الإقتصاد المصرى كان فى الأصل محامى و لكن بفكره أنشأ بنك مصر بالجهود المشتركة

وكان نصيبه فى الأسهم لا يتعدى 10% من إجماليها

و طبعا عارفين فضل بنك مصر فى انشاء العديد من الشركات و المصانع و منها مصانع الغزل والنسيج فى المحلة الكبرى و غيرها

تقبل تحياتى و فائق احترامى

[zago]

استاذ عمر بارك الله فيك

[MaZaGAngeE]

[quote=زينة الله;3873143249]موضوع جميل و مجهود كبير ربنا يجعله فى ميزان حسناتك
لكن أنا مع الزملاء فى إن العمل بالصناعة يحتاج رأس مال ضخم جدا
هل يا ترى لو الناس متحمسه ممكن تتجمع فى شركة مساهمة لتنفيذ فكرة انشاء مصنع مثلاً
عارف إن طلعت حرب أبو الإقتصاد المصرى كان فى الأصل محامى و لكن بفكره أنشأ بنك مصر بالجهود المشتركة
وكان نصيبه فى الأسهم لا يتعدى 10% من إجماليها
و طبعا عارفين فضل بنك مصر فى انشاء العديد من الشركات و المصانع و منها مصانع الغزل والنسيج فى المحلة الكبرى و غيرها
تقبل تحياتى و فائق احترامى[/
quote]

أنا أختلف معاكي في ان الصناعة محتاجة رأس مال ضخم ,,,
تنقسم الصناعاة الى :
الصناعات الكثيفة العمالة و دي بتكون صناعات كيمايائية أو سيارات أو حديد و غيرها كتير و دي فعلا محتاجة رأس مال كبير جدا ...
الصناعات المتوسطة و دي بتكون رأس مالها متوسط و عدد العمالة متوسط ( من 50 الى 200 فرد )
الصناعات الصغيرة أو التكميلية و دي بتكون رأس المال فيها صغير و بتعتمد على ان صاحب العمل يعمل بنفسه و معاه من 1 الى 30 فرد ...

استاذ عمر بارك الله فيك

الله يخليك و يبارك فيك

الفكرة

اهم حاجة نبدا بيها هيه الفكرة ..... عايزين نعمل مصنع ... هنصنع ايه ؟
طبعا أنا راجل موظف في مكان أو شكرة أو هيئة و مش هسيب شغلي عشان أعمل مصنع .. لأ أنا هعمل المصنع و أنا في شغلي لحد ما المصنع يبدأ ينجح و يحتاج اني أكبره و أتفرغ لادارته ..
طيب انا أول خطوة أدور على المجتمع الصغير اللي أنا ساكن فيه و ايه احتياجاته و ايه طلباته اللي ممكن أنا أصنعها ..
لو أنا عايش في مدينة كبيرة يعني مفيش أراضي زراعية يبقى تجفيف و تعبئة المحاصيل مش هتنفع معايا لأني مش هينفع أسافر كل شوية و ألف في البلاد عشان أشتري محاصيل و كمان أنا ابن المدينة و الفلاح احتمال كبير ينصب عليا و يشتغلني يبقى دي مش مناسبة .... و كمان التفكير في الانتاج الحيواني أو الألبان زيها ....
طيب ايه ممكن ينفع ؟

منتظر مشاركاتكم و أفكاركم و بعدين نكمل مع بعض ..................

[ehab_mansour]

حبيبي تعالى و شارك معانا و يارب حد من أعضاء المنتدى يتشجع و يجمد قلبه و يعمل مصنع .

انت مجالك ايه ؟
ياريت تكون محاسب عشان نقدر نغطي الجوانب الفنية و المحاسبية على أفضل وجه

انا مهندس حاسبات ونظم تحكم وأعمل في مجال الكنترول والصيانة والبرمجة والتصميم لأي نظام كنترول حضرتك تحبه ولكن للأسف مش محاسب واشتغلت في مصانع واعمل حاليا في المصانع أيضا ولكن service من خلال شركة أخري تملك مجموعة توكيلات لمعظم الماكينات التي تخدم قطاع صناعة المشروبات بكل أنواعها (بيبسي - كوكاكولا - انجوي -...... اي حاجه)والمربات والمكرونات و ... حاجات كتير
يعني لو عندك مصنع الصيانة والضبط والتشغيل والبرمجة واي حاجه للماكينات علينا
وعندي كل الفئات اللي تحبها لو محاسبة او عمالة او صيانة او تشغيل او توريد قطع غيار او تقويم ماكينات حديد فقط وعايز تعملها كنترول و ..........

علي العموم ربنا يوفق ونقدر نعمل حاجه تفيدنا وتفيد كل المسلمين يا رب

[MaZaGAngeE]

انا مهندس حاسبات ونظم تحكم وأعمل في مجال الكنترول والصيانة والبرمجة والتصميم لأي نظام كنترول حضرتك تحبه ولكن للأسف مش محاسب واشتغلت في مصانع واعمل حاليا في المصانع أيضا ولكن service من خلال شركة أخري تملك مجموعة توكيلات لمعظم الماكينات التي تخدم قطاع صناعة المشروبات بكل أنواعها (بيبسي - كوكاكولا - انجوي -...... اي حاجه)والمربات والمكرونات و ... حاجات كتير
يعني لو عندك مصنع الصيانة والضبط والتشغيل والبرمجة واي حاجه للماكينات علينا
وعندي كل الفئات اللي تحبها لو محاسبة او عمالة او صيانة او تشغيل او توريد قطع غيار او تقويم ماكينات حديد فقط وعايز تعملها كنترول و ..........

علي العموم ربنا يوفق ونقدر نعمل حاجه تفيدنا وتفيد كل المسلمين يا رب

أهلا بيك يا هندسة , يلا بينا نشجع الناس على الصناعة و نكسر الخوف و الفكرة الغلط ان الصناعة المصرية الجيدة من رابع المستحيلات

الفكرة

اهم حاجة نبدا بيها هيه الفكرة ..... عايزين نعمل مصنع ... هنصنع ايه ؟
طبعا أنا راجل موظف في مكان أو شكرة أو هيئة و مش هسيب شغلي عشان أعمل مصنع .. لأ أنا هعمل المصنع و أنا في شغلي لحد ما المصنع يبدأ ينجح و يحتاج اني أكبره و أتفرغ لادارته ..
طيب انا أول خطوة أدور على المجتمع الصغير اللي أنا ساكن فيه و ايه احتياجاته و ايه طلباته اللي ممكن أنا أصنعها ..
لو أنا عايش في مدينة كبيرة يعني مفيش أراضي زراعية يبقى تجفيف و تعبئة المحاصيل مش هتنفع معايا لأني مش هينفع أسافر كل شوية و ألف في البلاد عشان أشتري محاصيل و كمان أنا ابن المدينة و الفلاح احتمال كبير ينصب عليا و يشتغلني يبقى دي مش مناسبة .... و كمان التفكير في الانتاج الحيواني أو الألبان زيها ....
طيب ايه ممكن ينفع ؟

منتظر مشاركاتكم و أفكاركم و بعدين نكمل مع بعض ..................

اه يا رجالة ده احنا هندخل في الجد اهه
رحتوا فين !!!!

[hussein]

طيب انا هطرح بعض تامشروعات اللى لقيتها على موقع الهيئة العامة للتنمية الصناعية

مشروعات غذائية

إنتاج صلصة الطماطم

عصائر فاكهة طبيعية

إنتاج الأحذية الجلدية المخصصة للتصدير

اوانى منزلية من الألومنيوم

طحن كربونات الكالسيوم

كشافات فلورسنت منازل 1، 2، 3 لمبة

إنتاج قطع غيار للسيارات

إنتاج أدوات كهربائية عادية

ممكن نختار موضوع من دول نتكلم فيه وربنا يسهل ونقدر نستفيد كلنا

[MaZaGAngeE]

طيب انا هطرح بعض تامشروعات اللى لقيتها على موقع الهيئة العامة للتنمية الصناعية
مشروعات غذائية
إنتاج صلصة الطماطم

عصائر فاكهة طبيعية

إنتاج الأحذية الجلدية المخصصة للتصدير

اوانى منزلية من الألومنيوم

طحن كربونات الكالسيوم

كشافات فلورسنت منازل 1، 2، 3 لمبة
إنتاج أدوات كهربائية عادية

إنتاج قطع غيار للسيارات

ياااااه اخيرا حد رد عليا ......

تعالى نناقش كل فكرة من دول و نشوف ممكن تكون مناسبة لمين و ازاي ::

طبعا لو انت فاكر احنا كنا حاطين شروط ان انا راجل موظف و مش هينفع أسيب شغلي حاليا و ممكن اكون ساكن في المدينة أو الريف ......

إنتاج صلصة الطماطم , عصائر فاكهة طبيعية

فكرة كويسة لو أنا ساكن في الريف أو قريب منه أو عندي أرض زراعية و ده يعتبر تطوير ليها أو عارف ناس ممكن يساعدوني في توريد أو شراء المحاصيل المناسبة ....

باقي الأفكار كلها مناسبة للشرط بتاعنا ,
طبعا كربونات الكالسيوم ده في رأيي الشخصي و مش بس الكربونات لأ كمان كل الخامات اللي ممكن استخراجها من المحاجر زي الطفلة و الفوسفات و الرخام و الزلط و الرمل و رمل الزجاج و الجبس و الأسمنت و الحديد و كل الصناعات التعدينية كلها تحت عنوان كبير اسمه مشروعات عالية الربحية .....
و ده يعتبر تخصصي الأساسي و اكتر نوع من أنواع المشروعات أقدر اساعد فيه , و لكن النوعية دي من المشروعات تحتاج لرأس مال لاي قل عن 500 ألف جنيه عشان تحقق الغرض من انشائها ,
طبعا المشروعات الصناعية تنقسم أساسا الى نوعين :
1- صناعات معداتها رخيصة و خاماتها غالية ( زي الأواني المنزلية من الألمونيوم )
2- صناعات معداتها غالية و خاماتها رخيصة جدا ( زي كربونات الكالسيوم )

تعالى بقى للأفكار بتاعة قطع الغيار دي ممكن تحتاج الى موافقة الشركة اللي بتصنع السيارة لو انت عايز تورد مكونات لمصنع السيارات و مش هتحتاجها لو هتبيع في السوق من غير ما تحط علامة السيارة التجارية على قطع الغيار اللي هتصنعها .... بس انت مقلتش عايز تصنع ايه في السيارات و خلي بالك ان السيارة بيكون متوسط القطع فيها من 4000 الى 9000 قطعة .....

صناعة اللمبات و الأدوات الكهربائية ممتازة طبعا و ده منتج استهلاكه عالي و مستمر و مفيش فيه موضة تتغير كل 3 أو 4 شهور ....

صناعة الأحذية الجلدية و الشنط و المحافظ فكرة جميلة جدا و معداتها قليلة و رخيصة لكن محتاجة يد عاملة خبيرة ....

يلا يا أستاذ حسين ادينا شوية تفاصيل عن واحد من الصناعات اللي انت بتفكر فيهم و سيب الكربونات أو الطوب الطفلي عليا انا هظبطك فيهم ( كاري بقى )

[hussein]

بص ياباشا انا معنديش معلومات عنهم خالص لكن انا بفكر فى المنتجات دى ازاى

بس انا بفضل المنتجات قليلة التكلفة فى المعدات علشان لا قدر الله ربنا مكتبش توفيق للمشروع الواحد مايخسرش كتير زى

1- الجلود علشان احنا بنستخدم لحوم كتير اوى و ماعتقدش الجلود بتستغل كويس فممكن نستخدم الجلود دى استخدام كويس خاصة لو فى منتجات جديدة او مبتكره زى شنط فرعونية تتصدر بره (فكره مش جديده بردو بس مش كتير)


2- بالنسبة للاوانى الالومنيوم : انا مش بفضلها اوى علشان سمعت ان الالومنيوم مضر بالصحة لو طبخت فيه فهيكون صعب اعمل حاجة حاسس انها بتضر الناس

4- بالنسبة للمبات فكره كويسة بس بردو معرفش محتاجة ايه بس اكيد هيكون راس مالها كتير

افتح انت اى موضوع فيهم وانا هاحول اتناقش معاك فيهم
على فكره الموضوع لما اتثبت الناس مبقتش تشوف

[MaZaGAngeE]

بص ياباشا انا معنديش معلومات عنهم خالص لكن انا بفكر فى المنتجات دى ازاى
بس انا بفضل المنتجات قليلة التكلفة فى المعدات علشان لا قدر الله ربنا مكتبش توفيق للمشروع الواحد مايخسرش كتير زى

كده ياباشا يبقى مش هينفع انك تعمل مصنع , لو فكرت في احتمالات الخسارة يبقى مع أول هزة أو قلق في السوق هتروح منزل الباب و مروح الرجالة و تقعد في البيت و ده عكس تماما اللي احنا قلناه ان الصناعة عايزة قلب جامد و فيها نسبة مخاطرة .....
احنا ندرس الأفكار و نشوف نسب الربح المتوقعة و نشتغل و احنا عندنا أمل في المكسب مش خوف من الخسارة

1- الجلود علشان احنا بنستخدم لحوم كتير اوى و ماعتقدش الجلود بتستغل كويس فممكن نستخدم الجلود دى استخدام كويس خاصة لو فى منتجات جديدة او مبتكره زى شنط فرعونية تتصدر بره (فكره مش جديده بردو بس مش كتير)

بس دول أكتر من صناعة , كده في دباغة جلود و صناعة الأحذية و الشنط , حاول تعرف أي معلومات عن الشنط و اتفرج على موديلاتها في محلات زي كلوب ألدو مثلا و ده شاب من دورنا بيروح كل 3 شهور المعارض العالمية يجيب الموديلات الجديدة و متفق من ورش بتصنع لحسابه بس و أسعاره كويسة جدا حاول تعرفلنا أي معلومات عن الصناعة دي ...

2- بالنسبة للاوانى الالومنيوم : انا مش بفضلها اوى علشان سمعت ان الالومنيوم مضر بالصحة لو طبخت فيه فهيكون صعب اعمل حاجة حاسس انها بتضر الناس

ده كلام صحيح بس على الألمونيوم المعاد تصنيعه مش الألمونيوم الخام ....
الألمونيوم المصري من أجود و انقى الخامات العاملية و صناعة الأواني المنزلية من الصناعات الناجحة جدا و معداتها مش مكلفة أو تقدر تقول متوسطة التكلفة بس الخامات غالية شوية ( طن الألمونيوم بحوالي 23 ألف جنيه )

4- بالنسبة للمبات فكره كويسة بس بردو معرفش محتاجة ايه بس اكيد هيكون راس مالها كتير

أظن كده برضه لأنيمعرفش عنها حاجة و كنت مستني تقولي انت

افتح انت اى موضوع فيهم وانا هاحول اتناقش معاك فيهم
على فكره الموضوع لما اتثبت الناس مبقتش تشوف
أيوة صحيح ... للأسف