تجربتي مع الصناعة المصرية

[MaZaGAngeE]

طيب يا عمنا ما تبتدى بتغير التوقيع - اللى انت خاتم بيه كلامك - مادام كل حاجه ماتت - انا وانت حنعمل ايه

نحاول نحيها من جديد و نعافر
لو مقدرناش يبقى قدامنا حاجة من اتنين

1- نسيبها و نهج
2- نقفل دماغنا و ننام و ناكل و نخلف عيال و ننسى أي حاجة تانية غير كده

[samcar]

نحاول نحيها من جديد و نعافر
لو مقدرناش يبقى قدامنا حاجة من اتنين

1- نسيبها و نهج

والله لو فى سكه مفتوحه - يبقى هو ده انسب حل

2- نقفل دماغنا و ننام و ناكل و نخلف عيال و ننسى أي حاجة تانية غير كده

ماشى بس لو تمن الاكل موجود

[KHALED AYMAN]

بص ..يمكن عشان انت معيشتش فى الموضوع قوى ...انما لو بقى هو شغلك و بتاعك ..هتعرف حقيقه ان اسوأ مشروع فى مصر دلوقت هو ان يبقى عندك "مصنع" احنا عندنا مصنع ...اسوأ شىء هو "التعامل" مع العامل ..مش قصدى المحاسب ولا المهندس ..لالا العامل الى بيشتغل بايده ...وده كفيل لوحده لانك تقفل المصنع..
ثانيا حاله السوق العامه و سياسه الدوله المتبعه نتيجتها ان كل المصناع هتقفل ..اسعار المواد الخام زادت بشكل يفوق 200% فى اقل من 3 شهور ...

[MaZaGAngeE]

بص ..يمكن عشان انت معيشتش فى الموضوع قوى ...انما لو بقى هو شغلك و بتاعك ..هتعرف حقيقه ان اسوأ مشروع فى مصر دلوقت هو ان يبقى عندك "مصنع" احنا عندنا مصنع ...اسوأ شىء هو "التعامل" مع العامل ..مش قصدى المحاسب ولا المهندس ..لالا العامل الى بيشتغل بايده ...وده كفيل لوحده لانك تقفل المصنع..
ثانيا حاله السوق العامه و سياسه الدوله المتبعه نتيجتها ان كل المصناع هتقفل ..اسعار المواد الخام زادت بشكل يفوق 200% فى اقل من 3 شهور ...

أنا بشتغل في الصناعة من 2005 لحد النهاردة و أظن عندي خبرة معقولة فيها ... و جزء من كلامك عن العامل صحيح في انه مش بيشتغل كويس الا لو انت واقف قدامه ( بس ده دور المهندس الموجود في الوردية مش دورك كصاحب مصنع ) , و لكن ده أكيد ليه سبب حاول تدور ايه المشكلة و فين , و الموضوع يختلف من صناعة لصناعة .
طبعا الدولة بتكعبل أي حاجة و مادام انت راجل صاحب مصنع يبقى لازم تكع و تدفع رشاوي بالهبل و مش هتقدر تلتزم بعقود طويلة الأجل , و أرجع و أقولك ان ده صحيح فعلا في بعض الصناعات مش كلها , و أكتر صناعة بتعاني و متبهدلة صناعات النسيج و الملابس ......

[KHALED AYMAN]

أنا بشتغل في الصناعة من 2005 لحد النهاردة و أظن عندي خبرة معقولة فيها ... و جزء من كلامك عن العامل صحيح في انه مش بيشتغل كويس الا لو انت واقف قدامه ( بس ده دور المهندس الموجود في الوردية مش دورك كصاحب مصنع ) , و لكن ده أكيد ليه سبب حاول تدور ايه المشكلة و فين , و الموضوع يختلف من صناعة لصناعة .
طبعا الدولة بتكعبل أي حاجة و مادام انت راجل صاحب مصنع يبقى لازم تكع و تدفع رشاوي بالهبل و مش هتقدر تلتزم بعقود طويلة الأجل , و أرجع و أقولك ان ده صحيح فعلا في بعض الصناعات مش كلها , و أكتر صناعة بتعاني و متبهدلة صناعات النسيج و الملابس ......

شغلنا ..نسيج وصباغه و ملابس ...صباح النفخ من كل الاتجاهات ...عدد عماله كبير ...متقدرش تسيطر عليهم والمشرفين يا بيطفشو ..يا بيدارو ...ولو عندهم ضمير ...بيتعبو ..وانت كصاحب مصنع لازم تتابع كل شىء ...الخساير بقت نسبتها عاليه جدا الايام دى ..والمصانع بتقفل واحد ورا التانى زى البرنسات ..واحلى حاجه كل واحد بيقفل وهو عليه فلوس للناس
واهم حاجه ..تدفع الرشاوى ...

[MaZaGAngeE]

شغلنا ..نسيج وصباغه و ملابس ...صباح النفخ من كل الاتجاهات ...عدد عماله كبير ...متقدرش تسيطر عليهم والمشرفين يا بيطفشو ..يا بيدارو ...ولو عندهم ضمير ...بيتعبو ..وانت كصاحب مصنع لازم تتابع كل شىء ...الخساير بقت نسبتها عاليه جدا الايام دى ..والمصانع بتقفل واحد ورا التانى زى البرنسات ..واحلى حاجه كل واحد بيقفل وهو عليه فلوس للناس
واهم حاجه ..تدفع الرشاوى ...

ده مجال متعب جدا في شغله و مشاكله بالهبل
ربنا يكون في عونك

[MaZaGAngeE]

في الأسبوعين الماضيين كلمني 3 مصريين عايزين يعملوا مصانع في المنيا و لما قابلتهم و اتناقشت معاهم كانت طلباتهم مصنع رخام , مصنع جير , مصنع طوب طفلي ..

أنا سعيد جدا ان الناس دي بتفكر أو عايزة تدرس أو بتناقش أو حتى عايزين معلمومات عن الصناعة و ده معناه ان السوق المصري هيتحرك بقوة بعد انتهاء الاستفتاءات و الانتخابات اللي جاية

[alaa_dash]

في الأسبوعين الماضيين كلمني 3 مصريين عايزين يعملوا مصانع في المنيا و لما قابلتهم و اتناقشت معاهم كانت طلباتهم مصنع رخام , مصنع جير , مصنع طوب طفلي ..

أنا سعيد جدا ان الناس دي بتفكر أو عايزة تدرس أو بتناقش أو حتى عايزين معلمومات عن الصناعة و ده معناه ان السوق المصري هيتحرك بقوة بعد انتهاء الاستفتاءات و الانتخابات اللي جاية

و الله حضرتك راجل محترم ..و فين دور وزارات الصناعة و المالية ؟...المفروض تغرق مصر افكار لمشروعات (انتاجية)
هيجيلهم اكتر من3 اكيد :))

[yaseen28]

السلام عليكم

طبعا كل الناس نازلة بالصناعة المصرية تحت الأرض , و احنا بلد لا تصلح للصنلعة و العامل المصري فرد متواكل و سنكوح و مش بتاع شغل و عديم الدقة و منعدم الذمة الضمير , .........

بالراحة كده و تعالى نتناقش بدون ما حد فينا يكون واخد موقف مسبق ...


أولا مشاكل الصناعة المصرية ::::: ( من وجهة نظر المستثمر )

أكبر و أهم مشكلة هتقابل سيادتك لما تيجي تعمل مصنع هيه التراخيص و انهاء الأوراق ...... طبعا حضرتك لازم تعمل دراسة جدوى تقدمها للمنطقة الصناعية اللي انت عايز تعمل مصنعك فيها ... طبعا سيادتك قدامك حل من اتنين يا تعمل الدراسة بنفسك , يا تخلي مكتب متخصص يعملهالك ... لو انت فاهم الصناعة ممكن تعملها بنفسك و ده هيوفر عليك تكاليف كتيرة لو مصنعك كبير , لو مكتب متخصص هياخد منك رقم محترم عشان هيعملك دراسة للسوق .

بعد كده هتروح يئة الاستثمار و تعمل سجل تجاري و بطاقة ضريبية و دي أوراق سهل استخراجها حكاية أسبوع و لا اتنين و مش متعبة ممكن المحامي بتاعك يخلص الموضوع بسهولة و هتتكلف في حدود 3000 جنيه ...
بعد كده سيادتك هتروح المنطقة الصناية و تقدم دراسة الجدوى بتاعتك و تطلب تخصيص مساحة أرض مناسبة للمصنع بتاعك , طبعا هتقعد مع لجنة من مهندسين المنطقة الصناعية اللي هيناقشوك في كل التفاصيل و التكاليف و الانتاجيات عشان يتأكدوا انك فعلا فاهم انت هتعمل ايه و ليه و انك بتطلب مساحة أرض معقولة مش مبالغ فيها .

طبعا هبلغوك بقرار اللجنة بعد شهرين و تعمل محضر استلام للأرض و تقدم الرسومات الهندسية للمشروع ,,
لو انت مقدم في المنيا أو بني سويف الأرض ببلاش بس بتدفع تأمين 50 جنيه عن كل متر و تسترد الفلوس بعد ما تخلص الانشاءات بس بيتخصم منها 10 جنيه لكل متر رسوم مش عارف ايه اي كلام .... بس الأرض فعلا ببلاش .

الرسوم الهندسية هتصرف تقريبا من 1500 الى 2500 على حسب المباني و المساحات و التنظيم اللي انت عايزه .
طبعا هتبدأ بالسور و تخش على المباني و الجمالونات ,,,,....

في نفس الوقت انت هتشتري المعدات من الصين و لا من أوروبا و لا معداتك تصنيع محلي :
1- المعدات الصينية : كويسة و أسعارها معقولة و كفاءة متوسطة لكنها تعتمد بالكامل على التشغيل البشري و لا يوجد فيها خطوط اوتوماتيكية ( الا لو انت طلبت و دي بتكون غالية جدا ) . طبعا لازم يكون عندك مهندس فاهم و شاطر عشان يعرف يطلع انتاج من المعدة دي .
2- المعدات الأوروبية و الروسية و الأمريكية كلهم فئة واحدة و دول اساسا مناسبين للانتاجيات الضخمة و أهم ميزة انها أوتوماتيكية و تعتمد على الكمبيوتر في التشغيل و ادارة خطوط الانتاج و العامل البشري اقل ما يمكن .. لكن يا باشا ادفع كهربا و قطع غيار ...
3- المعدات المصنعة محليا : لو انت هتعمل المونيوم أو محتاج معدات محلية هتلاقي ناس جامدة جدا و يتركزوا في العاشر و المنصورة والجمالية و الشرقية و حتت تانية على حسب نوعية الصناعة بتاعتك . و المعدات دي بتكون في الغالب تقليد أو تعديل لمعدات غربية أو تقدر تقول تمصير ... و دي بتكون معمولة لو حظك كويس بحرفية عالية و كفاءة ممتازة . و هتخليك تكره نفسك لو وقعت في ايد واحد نصاب أو سمسار ...

في الغالب انت هتستورد المعدات : لو المصنع منطقة حرة خاصة ( هنا بيكون فيه شرط تصدير 60% من الانتاج على الأقل ) يبقى عندك اعفاءات جمركية و ضريبية على المعدات المسوردة .

أول ما المعدات توصل هتحتاج مهنسين كهربا و ميكانيكا للتركيب و التشغيل أو لو عندك خبرة كفاية تقدر تعمل كده لوحدك بس هتجيب حدادين و كهربائية عشان يركبولك المعدات و أفضل حاجة ليك تديهم الشغل مقاولة و ده هيكون أرخص ليك عشان لو يوميات ممكن يكلفوك زيادة عن اللزوم .

تعالى بقى للمقلب الحكومي الخطير ::::
رسوم ادخال الكهربا و دي أعلى تكلفة هتدفعها و تنقسم الى :
1- تأمين و ده بيكون 30 جنيه لكل كيلو وات لو منطقة صناعية جديدة أو 50 جنيه لو منطقة قديمة . و ده تأمين غير مسترد أو بمعنى آخر فلوس ميتة .
2- لو انت محتاج كهربا أكتر من 500 كيلو وات هتدفع فردة اسمها القسط الثابت و فردة تانية اسمها الحد الأقصى و دول بيكونوا مبالغ محترمة .
3- شركة الكهربا هتشترط انك يكون عندك لوحة باور فاكتور عشان الموجات الارتدادية على الشبكة لو انت فوق ال 500 كيلو وات .
4- ممكن يدبسوك في محول أو لوحة توزيع و دول غاليين و مفيش حل ليهم لازم تجيبهم و مفيش غير شركتين في مصر بيعملوهم .
5- تكاليف الكابلات و دي بتكون متغيرة على حسب الكهربا اللي انت طالبها .

رسوم ادخال المياه و الصرف الصحي و الصرف الصناعي ::: في حدود 15 ألف لكل واحدة .

رسوم التلفونات ::: كلام فاضي تقريبا 450 جنيه لكل خط تلفون .

رسوم النظافة :::: مبلغ كده فردة بتاخدها الحكومة و تقريبا بتكون في حدود من 200 ل 4000 جنيه شهريا على حسب مساحة المصنع مش على حسب كمية الزبالة و طبعا مفيش حد بيشيل حاجة انت اللي هترمي زبالت بنفسك .

رسوم الدفاع المدني ::: انت و حظك معاهم

البيئة :::: برضه انت و حظك و تظبيطك معاهم

بعد كل الدوشة دي سيادتك هتكون وصلت لبدء الانتاج طبعا هترح تعمل ترخيص تشغيل و سجل صناعي و لو هتصدر بتشترك في غرفة المصدرين المصريين .

كده بقى سيادتك هتكون وصلت انك عينت مجموعة العمالة المطلوبة ( أغلب المصانع الصغيرة بتكون كاجوال مش تعيين ) ....

طبعا كصاحب مصنع انت هتدفع مرتبات قليلة لأنك هتدفع زي السوق و ده بيكون على حساب الجودة ... و دي أكبر مشكلة في الصناعة المصرية ان الشركات بتدفع لعدد قليل يمكن 2 أو 3 و بالكتير 5 مبالغ كويسة و يخليهم يثبتوا العمال و الفنيين و باقي المهندسين الصغيرين بكلمتين حلوين و بجزاءات عشان ياخدوا منهم اعلى انتاجية ممكنة .... لكن ده خطأ كبير جدا جدا ...

التسويق :::::::::::::: أكبر مشكلة تواجه الصناعة المصرية , السوق المحلي و العالمي مش مستني سيادتك عشان يشتروا منتجك لأ طبعا فيه مليون مصنع زيك و يمكن أحسن منك كمان عندهم نفس المنتج يبقى الناس دي هتشتري منك انت ليه ؟!!!!
لازم يكون عندك خطة تسويق يخطط لها و ينفذها واحد محترف مش عيل صغير و ده خطأ كبير جدا يتقع فيه أغلب المصانع الصغيرة اللي بتهتم بالحرفية العالية و تستسهل التسويق و بعد ما يصرف دم قلبه يلاقي نفسه قاعد بيهوي .... و طبعا عشان معندكش طولة بال و لا خطة تسويق ولا عامل حسابك على مصاريف لمدة لا تقل عن 6 شهور لسنة على حسب نوع الصناعة ... تروح منزل باب المصنع و تستعوض ربنا في الخسارة .


أولا مشاكل الصناعة المصرية ::::: ( من وجهة نظر العامل )
تعالى نشوف الموضوع من وجهة النظر التانية و هيه العامل اللي بيشتغل وردية في المصنع :::
طبعا الادارة ( في الغالب مش الكل ) لا تهتم برأي العامل اللي بيشغل الماكينة مع انه ممكن يكون عنده ملاحظات انت مش واخد بالك منها لكن عشان هوه واقف قدام الماكينة 8 ساعات يوميا هوه أحسن واحد ممكن يديلك بيانات عن مشاكل المعدة ...
المرتب للعامل بيكون قليل جدا و غالبا بيكون 500 الى 1200 للعامل اللي معاه دبلوم و ده مبلغ صغير جدا ميكفيش أسرة من 3 أفراد و دول ناس بتكون أسرهم كبيرة العدد ... يقابل ذلك معدل أرباح عالي لا يقل عن 25% من تكاليف الانتاج ... يعني العامل بياخد ملاليم لا تستر بيته و صاحب المصنع بياخد أرباح عالية و غالبا لا يوجد حوافز انتاج و لو موجودة بتكون مبالغ قليلة الى متوسطة و بتكون كل 3 أو 6 شهور ...
طبعا كده العامل ده هيوفر صحته عشان بيطلع من عندك و يروح مكان تاني يشتغل فيه عشان يكفي بيته ...
بس لو انت بتدفع مرتبات كويسة هتلاقي العامل بيموت نفسه على الماكينة ( أيا كان نوعها ) عشان يطلع انتاج و أحيانا تلاقيه يصلحها بنفسه أو يجري و يقف على دماغ الصيانة عشان يصلحوله ( واخد بالك من يصلحوله دي ) الماكينة بتاعته في أسرع وقت ممكن .



للأسف أغلب المصانع لا تهتم برفع المستوى الفني للعاملين , تهتم فقط بعدد صغير و الباقي اللي مش عاجبه يمشي و ده خطأ كبير جدا و طبعا صاحب العمل معذور لأن تكاليف التدريب غالية لكن ممكن تلاقي صيغة مناسبة

طبعا أغلب المصانع لا تهتم بالتعاون مع الجامعات و مراكز الأبحاث و النقابات مع ان دول هيكونوا متحمسين جدا و هتلاقي عندهم أفكار و ابتكارات ممتازة لكنها دابت في الأدراج لأن أصحاب العمل لا يهتمون بالتطوير قد اهتمامهم بالمبيعات .... المبيعات مهمة جدا لاستمرار العمل لكن التطوير مهم جدا لرفع الجودة و استحداث منتجات جديدة و دراسات أسواق جديدة و كل ده هيكون تقريبا بدون تكاليف بالعكس ممكن الشركة تاخد دعم من الهيئات و الجمعيات المهتمة بالبيئة أو التطوير ( طبعا دي بتكون هيئات أجنبية مش مصرية )





الصناعة المصرية ليها مستوى عالي جدا من الحرفية و الكفاءة لكن لو تم التعامل معاها بالاهتمام و التقدير الكافي , لكن لو انت مش مهتم بالعامل بتاعك ازاي عايز منه جودة العامل الأوروبي اللي شركته بتديله و توفره كل الظروف اللي تخليه يقدر يبدع في عمله !!!!!!
الهجوم على الصناعة ده لالازم يتحلل و نشوف أسبابه و نعالج مشاكله حتى على المستوى الفردي لأن الحكومة مش هتعمل حاجة .... انت لو عندك مصنع , محل , أيا كان نشاطك راقب و ادرس و حلل كيفية رفع المبيعات مش تقليل التكاليف
كل ما ارتفعت المبيعات كل ما قلت التكاليف
التسويق هوه أهم عامل في استمرار العمل ( حسن السوق و لا حسن البضاعة )
عشان تعمل تسويق ادرس السوق اللي بتبيع ليه و شوف طلبات زبنك ايه و كام زبون شاف البضاعة و اهتم بيها لكن مطلعش فلوس .... ده أهم من الزبون اللي طلع فلوس و دفع ( ده محتاج خدمة ما بعد البيع و دي مهمة جدا عشان دي طريقة تسويق غير مكلفة ) ده لازم تفهم ليه قلب في البضاعة و مطلعش فلوس ؟ ايه اللي مش عاجبه ... ايه اللي محتاجه .....

و أخيرا لو حد مهتم بالصناعة و بيفكر يعمل مصنع صغير أو متوسط أنا مستعد أسعاده و أدرس معاه المشروع بدون أي مقابل ...

احنا اللي هنعمل للصناعة بتاعتنا قيمة

و كمثال على كفاءة العامل المصري :
اشتريت خطين طحن من شركة صينية لصالح مستثمر مصري و انا بركب الخطوط دي لقيت ان ممكن أصنع المعدات دي هنا في مصر و عملتلها مقايسة لقيتها هتكلف نص اللي ادفع للشركة الصينية ........... و كمان هنعمل تعديل فيها لرفع الطاقة الانتاجية

[yaseen28]

استفسار

السلام عليكم

انا عضو جديد بالمنتدى

ومحتاج معلومات عن انشاء مصنع اغذية في ارض زراعية

ممكن الافادة لو تكرمت