تجربتي مع الصناعة المصرية

[zago]

انا والدي كان شغال زمان في ورشه الومنيوم في اليمن ( ومان قوي في الماضي السحيق )
ولما جه مصر كان نفسه يعمل ورشه بس معرفش ايه اللي حصل
لو حد عايز يسال حاجه في الصناعه دي انا ممكن اسالهولو وافيده انشاء الله

[ehab_mansour]

السلام عليكم
طيب انا عندي أفكار مشروعات كتيير منها انتم كتبتوها ومنها لم تكتب ولكن هنتكلم في المشروعات اللي طرحتوها ولا اشوف جديد
منتظر رأيك يا مهندس عمر ويا أستاذ حسين عشان نكمل بعض
وربنا يوفقنا جميعا لما يحبه ويرضاه

[ahmed4000]

انا متابع باهتمام
بس فى رايك هل يتفع تبقى شغال موظف فى شركة من 9 - 5 وتقدر تتابع المصنع برده
يعنى هل شايف انه حينجح من البداية
ده مش احباط خالص بالعكس انا متحمس جدا لكن بسالك علشان افهم ازاى ممكن الواحد يحقق المعادلة دى

[for_ever]

يا جماعة الخير
اللي عنده فكرة يقولها و نناقشها كلنا
و كل من عنده خبرة في مجاله يفتينا

[MaZaGAngeE]

السلام عليكم
طيب انا عندي أفكار مشروعات كتيير منها انتم كتبتوها ومنها لم تكتب ولكن هنتكلم في المشروعات اللي طرحتوها ولا اشوف جديد
منتظر رأيك يا مهندس عمر ويا أستاذ حسين عشان نكمل بعض
وربنا يوفقنا جميعا لما يحبه ويرضاه

احنا لسه مبدئناش نتكلم في أي مشروع , احنا بنجمع كل الأفكار و بعدين نرتبها و بعد كده هنعمل موضوع لكل فكرة خترناها نناقش كل تفاصيلها فيه و لا ايه رأيكم ؟

انا متابع باهتمام
بس فى رايك هل يتفع تبقى شغال موظف فى شركة من 9 - 5 وتقدر تتابع المصنع برده
يعنى هل شايف انه حينجح من البداية
ده مش احباط خالص بالعكس انا متحمس جدا لكن بسالك علشان افهم ازاى ممكن الواحد يحقق المعادلة دى

شوف ... معاك حق و ده هيكون صعب جدا في المرحلة الأولى لكن ممكن ربنا يوفقك لواحد ابن حلال و أمين يقف جنبك و يساعدك لحد ما المصنع يمسك نفسه و تتفرغ ليه أو تكون عندك القدرة المادية انك تستقيل و تتفرغ من الأول ... بس فعلا دي نقطة خطيرة و بتفرق من صناعة لصناعة و على حسب امكانيات كل واحد و ظروفه ...

يا جماعة الخير
اللي عنده فكرة يقولها و نناقشها كلنا
و كل من عنده خبرة في مجاله يفتينا

ابدأ انت يا باشا و جهز لسته ....



مشروعات أقدر أفيد فيها :
1- طحن و معالجة كربونات الكالسيوم
2- صناعة الطوب الطفلي ( الطوب الأحمر )
3- صناعة الأدوات المنزلية من الالمونيوم
4- محاجر الرملة و الزلط
5- الصابون السائل
6- الصابون الصلب

و ممكن أساعد بدراسة أي مشروع أو فكرة أخرى

[زينة الله]

أيه رأيكم فى الحدايد اللازمة فى عملية تشطيب المبانى ليها سوق حلو

أكر أبواب أو شبابيك و مسامير وما الى ذلك

ياترى محتاجة رأس مال كبير و مكان واسع

و كمان مصانع المسبوكات هى اللى بتعمل الحاجات دى و الا بتعمل حاجات تانية

و فكرة مصانع المسبوكات أية زى الالومنيوم و الا أسهل

[تامر.محمد]

موضوع رائع

بس انا عندي سؤال
كل صناعة عندنا اول و اهم عقبة قدامها , تكلفة الانتاج هاتبقى اكبر مما يمكن لتحقيق ربح

في حين ان في دول زي ايران و تركيا مثلا , بيقولوا ان صناعة السيارات هي قاطرة الاقتصاد التركي , و كذلك ايران بتصنع حاجات كتير اوي رغم الحصار

اشمعنى احنا ؟

[MaZaGAngeE]

أيه رأيكم فى الحدايد اللازمة فى عملية تشطيب المبانى ليها سوق حلو
أكر أبواب أو شبابيك و مسامير وما الى ذلك
ياترى محتاجة رأس مال كبير و مكان واسع
و كمان مصانع المسبوكات هى اللى بتعمل الحاجات دى و الا بتعمل حاجات تانية
و فكرة مصانع المسبوكات أية زى الالومنيوم و الا أسهل

دول كذا فكرة ممكن نرتبهم :
1- صناعة المسمار و السلك الصلب
2-صناعة الأبواب و الشبابيك و الأسوار الحديد
3- صناعة المسبوكات

المسبوكات دي عبارة عن :
أنا عايز أعمل قالب لأكرة باب بروح المسبك و أديله العينة بتاعة الأكرة و همه بيعملوا قالب خشب و يصبوا فيه الجديد المنصهر عشان ياخد الشكل المطلوب و بعد كده بتدفن في رمل لمده لحد ما تبرد و بعد كده تدخل على مخرطة عشان تتلمع و تتنظف و يبقى قالب جاهز للتصنيع ...........
طبعا دي فكرة مبسطة عن المسبوكات لحد ما نوصل اننا نناقشها بالتفصيل و الأمثلة و الفيديو و ممكن نرتب زيارة لمصنع مسبوكات .......

[amir]

موضوع شيق يستحق المتابعه

[MaZaGAngeE]

موضوع رائع

بس انا عندي سؤال
كل صناعة عندنا اول و اهم عقبة قدامها , تكلفة الانتاج هاتبقى اكبر مما يمكن لتحقيق ربح

في حين ان في دول زي ايران و تركيا مثلا , بيقولوا ان صناعة السيارات هي قاطرة الاقتصاد التركي , و كذلك ايران بتصنع حاجات كتير اوي رغم الحصار

اشمعنى احنا ؟

احنا أكبر مشكلة عندنا اننا مش بنعرف نبيع المنتج , تعيين المعارف و أهل الثقة و عدم الاهتمام بأهل الخبرة ..
و حاجات تانية كتيرة ياريت تقرا الموضوع من أوله

[ehab_mansour]

الأفكار اللي عندي هي كالأتي :-
1- صناعة كشفات ووحدات الإضاءة الصاج والبلاستيك
2- حقن وسحب البلاستيك لتشكيل اي منتج (زي الكراسي البلاستيك -جسم الكشافات - علب لأي منتج - واي منتج بلاستيك عموما ) ودي أقل الصناعات تكلفة ولكن تكلفة التشغيل عالية وخاصة استهلاك الكهرباء وكذلك يوجد منافسين كتيييير في السوق في هذا المجال
3- الصناعات الغذائية ( خطوط انتاج المربات والعصائر والكانز و المياه المعدنية والغازية) ودي الجديد منها مكلف جدا
4- صناعة الأدوات الكهربائية عندي بعض الأفكار عنها
5- واللي عنده فكرة يدوية ومحتاج يحولها كلها اتوماتيك (controlled )دي شغلها كله عليا ان شاء الله ( يعني اي شغل يخص أنظمة الكنترول انا مستعد اساعد فيه او أشيله كله)

[youssefmustang]

كلام حضرتك ممتاز وكلام مدروس بس للأسف يا سيدى الفاضل انت فى بلد تهتم بالمال فقط وليس الضمير
كلامك ممكن يمشى فى اى دولة اوروبية او اسياوية لكن الدول العربية هيمصو دمك ويخلوك تكره نفسك

[MaZaGAngeE]

كلام حضرتك ممتاز وكلام مدروس بس للأسف يا سيدى الفاضل انت فى بلد تهتم بالمال فقط وليس الضمير
كلامك ممكن يمشى فى اى دولة اوروبية او اسياوية لكن الدول العربية هيمصو دمك ويخلوك تكره نفسك

كلامك صحيح ان فيه مشاكل و بيروقراطية و قرف في اتعامل بين الهيئات الحكومية و المواطنين عموما مش المستثمرين بس .....
بس ده مش معناه نسيب البد و نطفش لأ ده معناه نعافر لحد آخر نفس

[mahmoodallam]

انت مزاجنجي صحيح

[ehab_mansour]

ايه النظام يا جماعه هل هناك جديد ومتي سنبدأ النقاش حول احد المشروعات وكيف سنبدأ ؟