كده كتير - البلد بقت لعبة

[dodino2006]

تحول دراماتيكي: المبعوث الامريكي: يجب ان يبقي مبارك في الحكم حتي يدير التعديلات, و هناك بوادر امل تلوح في الأفق....





.

[صالح رشدى]

فيلسوف المانى قال

اذا صبرتم على حسنى مبارك 30 عامااذا فكلكم حسنى مبارك
واضح ان معاه حق

[صالح رشدى]

ايه هى المكاسب
تعديل مادتى الدستور
بواسطة مين

مش بواسطة اللى قاعدين النهاردة يا بسكوتة
بواسطة اللى اتظاهروا من يوم 25 لغاية يوم 28

على فكرة خطاب الريس المزمع انه قدم فيه مكاسب كان يوم الثلاثاء 1/2
يعنى كان بسبب المتظاهرين بعد يوم 28 بداية من السبت 29 لحد الثلاثاء
يعنى الناس اللى بتتهموهم انهم مخربين وعملا واخوان هم السبب فى النجاح الذى تعتقدون انه مكسب
لو حضراتكم شايفين زى ما بتقولوا انهم غير شباب المتظاهرين من يوم ى25 ل 28
يبقا متقدرش تقول ان شباب 25 ل 28 هم السبب

[heshamzaky]

على فكرة خطاب الريس المزمع انه قدم فيه مكاسب كان يوم الثلاثاء 1/2
يعنى كان بسبب المتظاهرين بعد يوم 28 بداية من السبت 29 لحد الثلاثاء
يعنى الناس اللى بتتهموهم انهم مخربين وعملا واخوان هم السبب فى النجاح الذى تعتقدون انه مكسب
لو حضراتكم شايفين زى ما بتقولوا انهم غير شباب المتظاهرين من يوم ى25 ل 28
يبقا متقدرش تقول ان شباب 25 ل 28 هم السبب

أنا لا أنتمى لآى فريق بس لفت أنتباهى شيىء شوفت الانقسام بدأ أزاى معلش أنا شايف أنقسام و أختلاف فى الاراء

[صالح رشدى]

أنا لا أنتمى لآى فريق بس لفت أنتباهى شيىء شوفت الانقسام بدأ أزاى معلش أنا شايف أنقسام و أختلاف فى الاراء

حضرتك انا لا اقول ان هناك انقسامات بالعكس
احاول ان اثبت ان المتظاهرين بعد يوم 28 هم هم اللى بدأوا من يوم 25
عشان فى ناس كتير بتقول انهم مشيوا بعد يوم 28 والموجودين بعدها اخوان وعملاء ومأجورين
اتمنى تكون الرسالة وصلت

[heshamzaky]

حضرتك انا لا اقول ان هناك انقسامات بالعكس
احاول ان اثبت ان المتظاهرين بعد يوم 28 هم هم اللى بدأوا من يوم 25
عشان فى ناس كتير بتقول انهم مشيوا بعد يوم 28 والموجودين بعدها اخوان وعملاء ومأجورين
اتمنى تكون الرسالة وصلت

يعنى هما متواجدين من يوم 25 الى اللحظة دى . طيب و مين الى معاة طبل و ميكروفونات بيغنو و عاملين مسرح برضو هما و لا ناس أخرى بتحاول أن تعمل عملية ترفية للناس و العناصر الاخرى التى انضمت اليهم و هل هناك من يمثل هؤلاء الناس و لا العملية زايطة و كل شوية يجيبو شباب كدة فى قنوات زى المحور و مع عمرو اديب و الى أنا شايفة أنهم بيسوفو و دة واضح و ظاهر لاى شخص بالبلدى مين مع مين و مين هما

[magid1010]

يا ريت اللي يقرأ الكلام ده يكمله للآخر
تعالوا نسمي الجمعة اللي جاية جمعة ام محمد بدل من جمعة الرحيل
ومحدش يروح ستاد التحرير طبعا علشان خايفين على محمد وأمه وكمان التذاكر خلصت
ويبقى كلنا قاعدين نتفرج علي الماتش ده في التليفزيون
فابالتالي مش هايبقى في حد نتفرج عليه غير الخراب اللي احنا عملناه
شوارع بايظه وممتلكات محروقه واقتصاد واقع وسلع ولعه نار وناس مش لاقيه تاكل وبتنهب في بعض
ويوم السبت نسميه مصر الحره وكل واحد يجيب ماقششه وجروف وشوية ضمير وإخلاص وشويتين حب وتعالوا بدري شويه علشان نلحق نروح بدري عشان عندنا شغل يوم الحد الصبح بدري وده يوم البدايه
كل الناس عندها شغل من كبيرها لصغيرها من أول الرئيس الحاكم والحكومة والشرطه اللي عندها شغل كتيييير أوي والجيش وباقي الناس اللي فعلا بتحب مصر
ياللا بقى نغير ونتحضر ونرفع مصر لفووووق...ياللا بجد نحس ان مصر دي اجمل حاجه في عنينا علشان ولادنا يلاقوا حاجه يتسندوا عليها وواقفين على ارض صلده
تعرفوا ان انا اول مره احس ان علم مصر ده غالي اوي اللي كل مره بشوفه كنت بحس انه ولا حاجه غير في ماتشات الكوره
ياللا يا شباب......ياللا بجد
انا عارف ان انا بحلم...... بس يارب يطلع حقيقه
ومتنساش تتفرج على صورة ستاد التحرير
أيمن الالفي مواطن مصري

و الله كلام جامد يسلم بقك

[fadod]

بصراحة لو مبارك ساب الحكم في الوقت ده, يبقي يستاهل محاكمة عسكرية بتهمة خيانة الوطن, زيه زي ظباط الشرطة اللي تركوا مواقعهم (باستثناء من تعرض منهم لاعتداء)



.

عندك حق ...إنت لخصت ..الشعب داه شعب عجيب ...يزيط في الزيطه..وأي كلام فاضي كويس

[M7amD_7amDy]

ده على اساس ان المظاهرات هى السبب فى وقف حال البلد
ما المظاهرات كانت شغالة من يوم 25 ل يوم 28 والبلد ماشية والناس بتروح شغلها وكله تمام وساعتها كانت المظاهرات حلوة والشباب دول رجالة مادام بتاكلوا وبتشربوا
ولما الحكومة طلقت بلطجيتها عالشعب عشان تلاقى ذريعة تعمل حظر تجول وتوقف مصالحكم وتخوفكم وترعبكم
بقا الشباب بتاع الفيس بوك ده وحش وهو اللى خرب بيوتكم
لا حول ولا قوة الا بالله
لما تكونوا عارفين كويس مين المذنب وتعاقبه اللى بيقف قصاده وتدعو عليه
يبقا فعلا خسارة الشباب اللى مات فى مظاهرة زى دى
ويمكن لو واحد فيكم اخوه ولا ابنه كان مات فى التحرير مكنش هيبقا ده موقفكم

طيب نقول الكلام بصوره مختلفه
هل دم الناس اللى ماتت و هيه بتهتف لرحيل مبارك يستاهل خمسه مليون جنيه ولا لا؟؟

انت رجعت سليم و معافى فيه غيرك مات عشان تقف تهتف او تصور فى ميدان التحرير

اققل حاجه الناس ديه دمها مايرحش اونطه
بكره ممكن ناس تانيه تموت و تعتقل و تروح ورا الشمس عشان كل واحد خايف على مصلحته و ابتدى يخرج عن المطلب الوحيد فى يوم الجمعه 28 يناير

اللى عايز يشتغل يشتغل ماحدش ماسكه مش الناس اللى فى التحرير اللى واقفه حاله البلد مش هما اللى قافلين البنوك و مش هما اللى واقفين حال البلد
اللى واقفها النظام الحالى عشان ناس تيجى تكتب الكلام اللى بتكتبوه

و يخوفوكوا عشان تكتبوا السفه بتاع الفتنه امبارح

كل واحد بيدور على مصلحته عشان كده البلد عمرها ما تتقدم

السلام عليكم و كفايه كده

نقول كمان يا بشمهندس
ايه هى المكاسب
تعديل مادتى الدستور
بواسطة مين
مجلسى شعب وشورى مطعون فيهم
اذن يا المجلسين يعدلوا وبعدين تسقطوا عضوياتهم فيصبح ما بنى على باطل هو باطل
او نستنى لما الطعون يتحكم فيها
وبعدين نعمل انتخابات مجلس جديدة
وطبعا بما اننا لسة معدلناش الدستور
يبقا نتخابات بلا اشراف قضائى زى اللى فاتت
والحكومة لسة حكومة الحزب الوطنى
يبقا النتيجة اعضاء جداد من نفس الحزب برضه مكان القدام
ولحد ده ما يتم يكون عدى بتاع 3 شهور فى الطعون و2 فى الانتخابات
وعاش الريس تحيا مصر
ومش بعيد ييجى موعد الانتخابات الرئاسية الجيدة وهم لسة ملحقوش يعدلوا الدستور
ومعلش يا شعبى يا حبيبى
الوقت عدى فى الطعون والتحقيقات عشان العدل بيحتاج وقت
وبعدها الانتخابات
والدستور غير متاح الان من فضلك حاول التعديل فى فترة رئاسة لاحقة
ايا كان الرئيس وقتها

وعشان محدش يفهمنى غلط
انا مشكلتى مش تنحى الرئيس مبارك
ومعنديش مشكلة يكمل للآخر واستمرارى فى التظاهر ومساندة المتظاهرين مالهاش علاقة بتنحى الرئيس من عدمه

++++++++++++++1
صح كلامك .. فكروا مين المتسبب ؟ مين اللى مش عايز يمشى حال الناس
هى دى اول مرة تحصل مظاهرة فى تاريخ مصر ؟؟؟ طبعا لاء .. ياما مظاهرات .. وياما كمان قعدنا ف البيت
فاكرين يوم 6 ابريل ؟ مشفتش حد ف الشارع

للاسف الخسارة شاملة الكل .. سواء فى وجود المظاهرات او عدمها ... لدي شركة واخسر فوق ما يتخيل بشر
ومطالب بمبلغ شهري فوق ما يتخيلة احد ... بالاضافة .. ان بعد ما البلد ما حالها يمشى .. الموظفين هترجع شغلها
وهتاخد ولو نصف مرتبها على الاقل تحاول تعمل اي حاجة بية ... انما اصحاب الشركات اللى فى مجال زى مجالى
هل تعتقد ان لما حال البلد هيرجع هياخد ولو نصف المرتب ؟؟؟ خصوصا ان مجال شركتى فى مجال الكمبيوتر
يعنى بعيد عن الاساسيات زى الاكل والشرب ... طيب الناس اللى اتوفت ؟؟ لي شخصان صديقان توفوا فى هذة الاحداث
ولـم يكونوا مشاركين !!! وملهمش علاقة بالمظاهرات .. وعارفين اتوفوا ازاي ؟؟؟

واحد كان بيدور على اخوة اللى نزل يشتري اكل فى منطقة التى يقطن بها .. وفاجأ بقسم الشرطة يطلق نار حي على الناس !!!
الله يرحمة واحتسبة شهيد عند الله .

الصديق الثانى كان واقف بيصور بالكاميرا الاحداث اللى بتحصل فى قسم الشرطة ومن مسافة بعيدة كافية
وكان بالقرب من اتوبيس وبعد هذا الاتوبيس سيارتى مركونة .. الرصاصة جت من بعيد لم تصب كتلة المعدن وهي الاتوبيس
ولم تصب سيارتى .. وانما اصابتة هو اصابة مباشرة فى عينة ! منظر مؤلم ولم يذهبوا فى اي مظاهرات .. واللى حصل دة
كان قبل ما العدد يزيد ف المظاهرات ... كنت ممـتنع عن المشاركة ومازلت ممتنع عن المشاركة فى الحديث حول الاحداث
الجارية .. والاكتفاء فقط بالسيارات .. لكن كلام حضراتكم حركنى وقلت ابلغ حضرتكم ان الخسارة عامة .. دم هؤلاء
والامر بأطلاق النار الحي كان قبل ما المظاهرات تشد حيلها .. وكان وقتها البنوك شغالة والبورصة شغالة وشركات شغالة
انما حظر التجوال .. والبلطجية اللى نزلت فجأة .. وهروب مساجين فجأة .. ومش عارف اية تانى .. دة كلة اللى وقف الدنيا
ادعوا الله ان يصلح حال هذة الامة وعودتها احسن مما كانت للافضل .. وان تنتهى هذة الازمة على خير .

ان كنت ستشير بأصابعك بالاتهام ... فلا تنس من لهم علاقة بذلك .. فأشر على الكل ولا تنسى احداّ .

دكتور محمد
انا قولت البلد كانت شغالة من يوم 25 ليوم 28 ما قولتش بعدها
وزى ما حضرتك اوردت
وقف الحال مش بسبب المتظاهرين بسبب بلطجية النظام
يبقا تحمل المتظاهرين الذنب ليه
ماهم هم المتظاهرين من يوم 25 على الاقل فى الاسكندرية الناس وشوشها متغيرتش
معرفش الحال عند حضرتك ايه
وانا بعتبر كل مصرى من اهلى وعشان كده صعبان عليا دمه يروح هدر وكمان الناس تحمله ذنب خسارة اقتصاد البلد ووقف حالهم
الحكومة عرفت تمسك الناس من لقمة العيش زى ما بتعمل على طول
واعتقد ان لو مبارك كان تنحى والناس قبضت مرتباتها وبتاكل وبتشرب وتروح السينما وتتفسح فى المول كان ساعتها هيبقا الشباب ده ابطال
كل واحد حر يتظاهر او لا يرفض او يقبل
لكن معتقدش من حق اى حد عارف ومتاكد ان الحكومة هى اللى خططت لكل ده وبرضه يحمل المتظاهرين الذنب

لو على الكذب .. فقد كذبوا كثيراً
يكفي أن نتذكر أن الدستور عدل مرتين في الخمس سنوات الماضية ..
وكانت المبررات ذاتها ..
التعددية والديمقراطية وتوسيع هامش المشاركة السياسية
والنتيجة مواد تفصيل على الكيف ..

ومحدش هايقدر يعمل مظاهرات تاني في التحرير ..
فالثورة لحظة فوران لا تعود إلا كل عشرات السنين يا أخي العزيز

+111111111111

كلام سليم ياريت تفوقوا

[صالح رشدى]

ط§ظ„ط¬ط§ط±ط¯ظٹط§ظ†: ط«ط±ظˆط© ط¹ط§ط¦ظ„ط© ظ…ط¨ط§ط±ظƒ طھظ‚ط¯ط± ط¨ظ€ 70 ظ…ظ„ظٹط§ط± ط¯ظˆظ„ط§ط±

[صالح رشدى]

اليكم الرجل العصامى

[A.Saad]

ده على اساس ان المظاهرات هى السبب فى وقف حال البلد
ما المظاهرات كانت شغالة من يوم 25 ل يوم 28 والبلد ماشية والناس بتروح شغلها وكله تمام وساعتها كانت المظاهرات حلوة والشباب دول رجالة مادام بتاكلوا وبتشربوا
ولما الحكومة طلقت بلطجيتها عالشعب عشان تلاقى ذريعة تعمل حظر تجول وتوقف مصالحكم وتخوفكم وترعبكم
بقا الشباب بتاع الفيس بوك ده وحش وهو اللى خرب بيوتكم
لا حول ولا قوة الا بالله
لما تكونوا عارفين كويس مين المذنب وتعاقبه اللى بيقف قصاده وتدعو عليه
يبقا فعلا خسارة الشباب اللى مات فى مظاهرة زى دى
ويمكن لو واحد فيكم اخوه ولا ابنه كان مات فى التحرير مكنش هيبقا ده موقفكم

خدنا اجازة العيد ولا قعدنا تلاكيك بعد 28
ولا السياحة والمقاولات والتصدير اللى اضربوا دول
والمفروض بقى فى كل ده ما يتعملش حظر تجول
واللى طلع مظاهرة ومات
مكنش واقف ساكت
اكيد برده كان بيضرب اللى قتله او بيقتله كمان

[medo_2060]

لا حول ولا قوه الا بالله...
الناس كلها عشان مقبضتش راتبها خلاص بتشتم فى الى فى ميدان التحرير والشهداء وكمان تقولوا عيال و و و و و.... للاسف كل الى بيفكر كدا عايز تغيير بدون ثمن
الناس الى فى التحرير دى (مع انى معترف ان فى ناس بتركب الموجه وناس ليها اغراض) بيتظاهروا سلميا مقلوش للبلد اقفلوا البنوك ولا قالوا للحكومه هاتوا كرسى واقعدوا اتفرجوا علينا فى التلفزيون مقالوش للحكومه افتحوا السجون عالناس عشان يسهروا طول الليل قدام بيوتهم والكلام كتير بس الى عايز يشوف هيشوف...
الحكومه بتعمل كدا عشان تغيروا موقفكم من الثوره دىوعشان تلهى كل واحد فى اكل عيشه.....

المفروض الناس تصبر كله بينادى بالتغيير وكله اول ما يتفتح موضوع هنا عن الحكومه يشتم ويلعن ولما جه الوقت نصبر ونتغير كله دور على راتبه واكل عيشه !!!
والناس الى بتشتم فى الرجاله وبتقول عيال وعيال فيسبوك ولو كانوا دخلوا الجيش والكلام دا...
سيادتك معكش فلوس دلوقتى مكفياك زى الاول ولا بتشترى كل حاجه غاليه عن الاول الناس دى بتموت تحت عربيات الامن وبتتقتل يعنى بيضحوا بحياتهم عشانهم وعشانك وانت مش عايز تضحى بشويه صبر وتستحمل !!!

شوفوا الناس الى حالها واقف وصابرين عشان مستقبل افضل شوفوا الناس الى قافله محلاتها وبتخسر يوميا بس مش زعلانه عشان عارف بتضحيته وصبره دلوقتى هيشوف مستقبل افضل ليه ولولاده.. هى الناس دى مش زيكم ولا ايه ومنهم بيخسر اكتر منك ومنهم الى حاله واقف اصلا....
وطلبات ايه الى اتحققت..بالذمه حد مصدق نفسه وهو بيقول الجمله دى ...
شغل اللف والدوران الى بيعملوه والارهاب والقتل وتزييف الحقائق الى عملوه ضد شعبهم ..هى دى الناس الى انتوا مستنيين منهم تغيير ؟
البلد بتخسر دلوقتى زى ما بتقولوا...متفقين... طول عمرها بتخسر ومحدش بيتكلم اشمعنى دلوقتى لما كل واحد راتبه اتقطع بدأنا نسمع اصوات ومعروف اصلا ان :
فلوس البلد كلها بره لرجال اعمال الحكومه
المليارات بتاع مبارك وولده لوحدهم شوفوا كام
الغاز الى بنصدره لاسرائيل بسعر اقل من المفروض بيخسرنا 3 مليار سنويا
الخصخصه وبيع اراضى البلد بملاليم و و و و و و و و .......
دلوقتى لما الناس اتقرصت بعد ايام رجعت فى كلامها ليه !! عايزين تغيير بدون ثمن ازاى !!! وكمان بتتهموا الشباب بتوع الثوره الى دفع حياته فى قتل ظللللللللللللم مش دفع زى سيادتك 5 جنيه زياده فى حاجه اشتراها.....


لو الموضوع وقف زى ما الناس عايزه هترجعوا شغلكم معززين مكرمين وتقبضوا وكله هيرجع زى زمان بس اى حد فيكم هيتظلم من البلد دى تانى مش هيقدر يقول بم حتى عشان جاتله الفرصه بس مرضاش يضحى فى حين ان مئات ضحوا بحياتهم

[mahmoudysf]

احنا اسفين يا صلاح
مش هنعمل كدة تاني
يالا بقى رجعلنا المرتبات
عشان نعيش في تبات ونبات ونخلف صبيان وبنات
احنا غلطانين كنا فاكرنها نزهة
طلع الموضوع جد واحنا مش متعودين على كدة
الا صحيح فين الاجندة بتاعتي

[Samah AbdAllah]

خدنا اجازة العيد ولا قعدنا تلاكيك بعد 28
ولا السياحة والمقاولات والتصدير اللى اضربوا دول
والمفروض بقى فى كل ده ما يتعملش حظر تجول
واللى طلع مظاهرة ومات
مكنش واقف ساكت
اكيد برده كان بيضرب اللى قتله او بيقتله كمان

ده على اسا انك كنت مستفيد من ارباح السياحة وزيادة الدخل القومى
اخدت اجازة من شغلك عشان الحكومة طلقت بلطجيتها وظباطها يقتلوا فى شباب بلدك
ويخوفوك ويرعبوك
لو حضرتك طلعت مظاهرة وشوفت واحد ماشى جنبك بيتقتل لمجرد انه بيهتف وبيقول يسقط النظام
هتعرف ساعتها بيموت ازاى
لا حول ولا قوة الا بالله
حسبى الله ونعم الوكيل فى كل من اساء لكل شاب استشهد او تظاهر من اجل كرامته