كده كتير - البلد بقت لعبة

[Mzeid]

كفاية بقى كدة
دة كدة أوفر يا شباب
هي ايه الحكاية

[AhMeD EzZ]

معلش اسمحلي أوضح إن التعديلات الدستورية ممكن تتم في ظل غياب رئيس منتخب ، حيث ينص الدستور على أن من له حق طلب تعديل الدستور هو الرئيس الشرعي المنتخب أو ثلث أعضاء مجلس الشعب .. يعني في حالة غياب الرئيس المنتخب ممكن مجلس الشعب يقوم بالتعديلات المطلوبة ..
ولو هاتقول هما بيطلبوا حل المجلس كمان.. خلاص يا سيدي يتحل المجلس وتتعمل انتخابات على القانون القديم تحت إشراف دولي ، ولما ييجي المجلس الجديد يبقى يعدل الدستور ..
القضية مش في الإجراءات .. الإجراءات هينة وسهلة .. القضية في العناد والعقاب وهذه استراتيجية لتقليص سقف المطالب إلى أدنى حد ممكن

مين قال إن هم الطرف الأقوى
احنا الضغوط علينا من لقمة العيش ودي أمرها سهل ممكن نستحمل احنا وعيالنا
لكن همه الضغوط عليهم من الداخل والخارج من القاصي والداني

الاستراتيجية التي يستخدمونها معنا منذ الأزل هي نظرية جوبلز وزير الدعاية النازي الذي قال
اكذب .. اكذب .. اكذب حتى تصدق نفسك ويصدقك الآخرون

إن تكتيكات الحرب النفسية تقوم على الإلحاح ثم الإلحاح

حتى أنهم نجحوا بعد موقعة الأربعاء ونحن نرى بأعيننا أولادنا وأخوتنا وهو يشووا بالنار بدم بارد .. أن نضع اللائمة على الطرف المشوي .. ونتهمه بأنه السبب في اشتعال الأمور .. للأسف

طب يا د/ احمد في ظل القوانين الدستورية القديمة او للدقة " الحالية "

هل تتوقع ان الي هيوصل هيكون فعلا ممثل الشعب ؟؟؟

و كدة كدة الراجل ماشي في شهر 10

و قال كدة هو و النائب بتاعة علي مرئي و مسمع العالم كلة

و مظنش ان اتنين في مكانة و حجم ئيس الدولة و نائبة ان يكدبو و العالم

و لو حصل كدة هتطلع ثورة تاني ميدان التحرير مش هيروح في حتة

و لو كان المرة دي طلع مليون اضمنلك المرة الجاية هيطلع 10 مليون

[dr-mohamed]

يا دكتور محمد ماكينات الصرف شغالة ، ونت البنوك شغالة قبل النت بيومين من أجل التحويلات ..
يعني بالذمة التحويلات مش خطر دلوقتي ، وفتح البنوك هو الخطر ..

ايوة يا دكتور احمد وخليك معايا
اخر السحب من الماكينة 5 الاف لكن ناس كتير جدا بمجرد ما تتفتح البنوك هايسحبوا كل رصيدهم وهيحولوه لدولار وانا متاكد من ده ويا ريت حضرتك تسئل اي دكتور من زمايلك بتوع الاقتصاد في تجارة او حقوق ايه اللى كان ممكن يحصل لو اتفتحت البنوك الاسبوع اللى قات اقتصاديا

وضمان المكتسبات مش إن الريس يمشي
ضمان المكتسبات صياغة فورية لمواد الدستور المزمع تعديلها ، ثم إقرارها في جلسة واحدة لمجلس الشعب
ورفع حالة الطوارئ
دي كلها قرارات ورقية .. هاتحصل في أيام وتخلص والكل يستريح
يبقى إيه لازمته التأخير والعناد والحوار الوطني والكلام الفارغ ده كله ؟؟
مش كدة ولا إيه ؟؟

طبعا ما ذكرته حضرتك عن بتاع المباحث او غيره لا يمكن اقول انك كداب لاني عارف مين هو الدكتور احمد سمير وهو اكبر من ان يكذب
ننتاقش في الحاجات البعيدة شوية عن تخصص حضرتك
حكاية الصياغة الفورية لمواد الدستور واقرارها في جلسة واحدة لمجلس الشعب وتتنفذ دي حضرتك بتقولها لانك دكتور طبيب ويا ريت ترجع لاي واحد من زمايلك في حقوق هيقولك ان ده غلط وغير صحيح واي تعديل لازم بستغرق ما لا يقل عن 3 شهور
اما الغاء الطوارئ فسهل جدا ممكن تبقي من ضمن التعديلات اللى هاتتم

للاسف الناس نش قادرة تقتنع ان المطالب زادت و عمالة تزيد لحد ما هتقلب عليهم و مش هيطولو اي شيء
انا النهاردة دخلت في جدال عقيم مع ناس علي ال face
و المشكلة ان الناس دي مش عايشة في مصر حاليا
الي في السعودية و الي في الكويت
محدش منهم داري بالاحدث الزفت الي احنا فيها
كل واحد قاعد في بيتة بيشرب الكانز و قاعد ع الاب توب مانتخ عمال يولع الدنيا و يحث الشباب ع التظاهر و يولعها و يسقط الرئيس
و مش هيتحرك الشباب من التحرير غير بسقوط الظالم المستبد
عمالين يرغو و هما و لا واحد فيهم جرب يمسك سنجة و لا شومة و لا مولوتوف يحمي بيه اهل بيته و يفضل واقف للصبح
و لا مرة و هو نايم مريح ساعتين عشان يكمل حرساة مكان حد يصحي مفزوع علي صوت واحد بيقول اصحوووووووووووو و لا صوت شيخ
المسجد بيستنجد و يحث الشباب علي النزول للحماية و لا ضرب النار الي بقي عادي بالنسبة لينا
و لا جرب يشوف رب اسرة مش عارق ياكل اولادة و لا يعالجهم عشان لسة مقبضش !!
و تحاول تقنع فيهم ان انت لو تماديت في مطاليك و الرئيس رحل فعلا مش هطول حاجة غير تغير الحاكم صورياً ففط
انما نفس الحزب هو هو بنفس القيادات بدون تعديلات دستورية
كل الي علي لسانة الثورة و التظاهر حتي تنحي الرئيس و حل مجلس الشعب
طب يبني انت لو حليت مجلس الشعب دلوقتي مين هيوافقلك علي تعديل دستوري كمان دستور بلدك
بينص صراحة علي ان تعديل الدستور لا يمكن ان يحدث الا في وجود رئيس شرعي منتخب
يعني لو الرئيس مشي دلوقتي يبقي انت ولا طلت بلح الشام و لا عنب اليمن
البلد هتفضل في الوضع المهبب دة فترة اطول
مش هيتم عمل اي تعديلات دستورية
بالتالي هيفضل شرط توقيع ال 250 لجنة موجود
ابقي دور بقي علي حد يخش الانتخابات تاني
و مفيش اشراف قضائي
و مبروك عليك انتخابات مطبوخة
بس المرة دي مطبوخة بايدك انت مش بايد حد تاني يا حلو !!
يرد عليك يقولك يعني كل الناس الي بتتظاهر دي مش فاهمة ؟؟؟ و دم الناس الي ماتت دي ؟؟؟
يا جدعان و الله الشباب دة بيتم التلاعب بيه بقوي سياسية و احزاب لا يحركها الا اطماعها
و بيتم تحفيزها و تسخينها بواسطة ناس مش حاسة بالي بيحصل دة خالص
و الناس الي ماتت دي هي دفعت تمن الحرية و الحرية تمنها مش رخيص دة غالي قوي
و ادينا وصلنا لحاجات من 10 ايام مكناش نحلم بربعها
و الي ماتو نحتسبهم شهداء عند الله ان شاء الله
من الاخر الي ايدة في المية مش زي الي ايدة في النار !!

محدش عايز يستوعب الكلام ده

نهاية القول
هناك غمة على عيون كتير من الناس نتكلم بالادلة وبالمنطق يترد بنفس الكلام الحال وقف ومش عارف ايه
مفيش فايدة مفيش فايدة
حسبي الله ونعم الوكيل في كل ظالم لنفسة قبل ما يكون ظالم لغيرة سواء من اللي ماتو او اللي لسة بيدافعو عن الحق
كلو عاوز يضحك على نفسة لمجرد انو عندو ملل من الوضع الحالي

يا سيدي ما احنا بنكلمك بالعقل وبالقانون وبردو انت مصمم انك ترجع للكلام الانشائي
وحسبي الله ونعم الوكيل في كل واحد هيوصل البلد للتخريب اكتر ما هي خربانة

معلش اسمحلي أوضح إن التعديلات الدستورية ممكن تتم في ظل غياب رئيس منتخب ، حيث ينص الدستور على أن من له حق طلب تعديل الدستور هو الرئيس الشرعي المنتخب أو ثلث أعضاء مجلس الشعب .. يعني في حالة غياب الرئيس المنتخب ممكن مجلس الشعب يقوم بالتعديلات المطلوبة ..

لا يا دكتور احمد الكلام ده في حالة وجود رئيس منتخب
اما في حالة عدم وجود رئيس منتخب او عدم قدرته بمهام عمله فان سلطاته تنتقل لرئيس مجلس الشعب (ههههههههههه فتحي سرور واخد بالك) ثم في حالة عدم قدرته يبقي رئيس المحكمة الدستورية العليا (ايه اللى يضمن ان ميجيش ناس من بتوع التحرير يقولك لا مش عايزينه لان مبارك اللى عينه)


ولو هاتقول هما بيطلبوا حل المجلس كمان.. خلاص يا سيدي يتحل المجلس وتتعمل انتخابات على القانون القديم تحت إشراف دولي ، ولما ييجي المجلس الجديد يبقى يعدل الدستور ..

يا نهار ابيض يا دكتور احمد
انتخابات جديدة لمجلس شعب دلوقت ؟
ده هيوصلنا لمجزرة بجد لان الانتخابات قبل كدة كان اللى بيبلطج فيها الحزب الوطني بس انما دلوقت اللى هايبلطج كل المرشحين وهاتبقي مدابح بجد
وتحت اشراف دولي بمعني ايه يا دكتور احمد ؟
فتح باب الاشراف الدولي مش هيوصلنا لانتخابات نزيهة بس هيوصلنا لحاجات تانية اخطر
وعلى فكرة المجلس الجديد لازم يقسم على احترام الدستور ؟؟؟؟؟؟؟؟؟؟
وبعد ما المجلس الجديد ينعقد وخد بالك ان الانتخابات دي لو هتبدا تعد لها بكرة مش هاتنتهي قبل شهر يبدا المجلس الجديد بحث التعديلات وبعد الاتفاق عليها بعد مناقشة شهرين تعرض على الشعب في استفتاء عام
يعني بردو اخدنا ما لا يقل عن 4 او 5 شهور
يعني نفس الحكاية
ويا تري اثناء الفترة دي هنفضل في الوضع الحالي ؟؟؟؟؟؟؟؟؟؟

القضية مش في الإجراءات .. الإجراءات هينة وسهلة .. القضية في العناد والعقاب وهذه استراتيجية لتقليص سقف المطالب إلى أدنى حد ممكن

القضية دلوقت تحديد الطلبات وتبقي ينفع تتطبق وفق جدول زمني انما الهرتلة اللى بتحصل في التحرير دلوقت عبارة عن تهريج ناس كل شوية يعملوا مطالب جديدة وابتزاز للدولة والمجتمع كله


مين قال إن هم الطرف الأقوى
احنا الضغوط علينا من لقمة العيش ودي أمرها سهل ممكن نستحمل احنا وعيالنا
لكن همه الضغوط عليهم من الداخل والخارج من القاصي والداني

لا يا دكتور احمد
ممكن حضرتك باعتبارك طبيب اد الدنيا تقدر تتحمل
غيرك ميقدرش وشوف صرخات الاعضاء هنا بسبب الوضع الحالي وانت تعرف

الاستراتيجية التي يستخدمونها معنا منذ الأزل هي نظرية جوبلز وزير الدعاية النازي الذي قال
اكذب .. اكذب .. اكذب حتى تصدق نفسك ويصدقك الآخرون
إن تكتيكات الحرب النفسية تقوم على الإلحاح ثم الإلحاح
حتى أنهم نجحوا بعد موقعة الأربعاء ونحن نرى بأعيننا أولادنا وأخوتنا وهو يشووا بالنار بدم بارد .. أن نضع اللائمة على الطرف المشوي .. ونتهمه بأنه السبب في اشتعال الأمور .. للأسف

موقعة الجمل انت وانا عارفين ان المسؤل عنها شوية صيع من الحزب الوطني مش الحكومة الحالية
وفي مقابل استراتيجية الكذب اللى حضرتك بتتكلم عنها فيه استراتيجية الابتزاز اللى بيمارسها الموجودين في ميدان التحرير الان بغض النظر عن هما مين

[dr-mohamed]

الواحد بقي خايف يصحي في يوم يلاقي عياله عاملينله مظاهره مليونيه في الصاله وسادين منافذ الشقه كلها وخد عندك طلبات للصبح
وطبعا المدام هيا اللي هتقوم بالمفاوضات

هههههههههههههههههه
انا اسف
يخرب عقلك يا شيمي
تصدق الكلام ده حصل عندي النهاردة بالليل
ال3 ينات اتجمهروا في الطرقة اللي بين حجرتهم وحجرتي والحمام وعملوا مظاهرة بزعامة اللى عندها سنتين والمصيبة انى مش فاهم هي بتقول ايه اصلا واخواتها بيترجموا ومش عارف الترجمة صح ولا لا

طول ما المتظاهرين موجودين حال البلد هيكون واقف لان المظاهرات تبعها حالة الانفلات الامني في البلد و من ثم حظر التجوال و اختفاء الشرطة و ظهور البلطجية و الهاربين من السجون و اللي ليهم مصالح في تخريب البلد
و بالتالي : اسباب العطلة اللي الناس فيها حسب وجهة نظري تتلخص في الاتي
_الشرطة تحتاج ما لا يقل شهر و نصف لتعود كما كانت قبل يوم 25
_طول ما الهاربين من السجن و البلطجية طلقاء فيه خطر في الشوارع و بالتالي فرض حظر التجوال و الاحساس بعدم الامان
_طول ما المظاهرات شغالة الحكومة مش هتكون قادرة على ارجاع الاستقرار في البلد على كل الجوانب وده لانهم مش عارفين يتحاورو مع الناس دي عشان ياخدو قرارات فيما يخص الدستور و حاجات تانية كتير جدا
_فيه كم شركات كتيرة جدا جدا جدا في وسط البلد مش هيعرفو يعملو اي حاجة
_طبعا فيه ناس زي بتوع قطاع السياحة قعدو في بيوتهم و ربنا معاهم

من كلام مع واحد ضابط من معارفي وهو والله من الناس المحترمة جدا في عملهم وخارج عملهم بيقول ان والله مش اقل من سنة على ما نقدر نشتغل زي الشرطة المحترمة تاني وان شرطة ما قبل 25 يناي الحمد لله انتهت الي لا عودة
موضوع المساجين ادامه شهور ويمكن مش هاينتهي بشكل كامل ابدا لان فيه منهم ناس بالمئات خرجت برة مصر ومنهم ناس كانت متهمة بالتجسس وووووو
شركات وسط البلد معاهم ربنا اعتبرهم اتقفلوا
بتوع السياحة معاهم ربنا كانت سمكة القرش بتاعة شرم الشيخ اثرت عليهم بنسبة 10 % دلوقت كلهم صيع وعواطلية ما لا يقل عن سنتين تلاتة كمان الله يكون في عونهم

كفاية بقى كدة
دة كدة أوفر يا شباب
هي ايه الحكاية

دي نوعية من الاراء يا دكتور احمد ومش لوحده ناس كتير جدا معاه دلوقت
وانا معاه

[د.أحمد سمير]

طب يا د/ احمد في ظل القوانين الدستورية القديمة او للدقة " الحالية "

هل تتوقع ان الي هيوصل هيكون فعلا ممثل الشعب ؟؟؟

و كدة كدة الراجل ماشي في شهر 10

و قال كدة هو و النائب بتاعة علي مرئي و مسمع العالم كلة

و مظنش ان اتنين في مكانة و حجم ئيس الدولة و نائبة ان يكدبو و العالم

و لو حصل كدة هتطلع ثورة تاني ميدان التحرير مش هيروح في حتة

و لو كان المرة دي طلع مليون اضمنلك المرة الجاية هيطلع 10 مليون

لو على الكذب .. فقد كذبوا كثيراً
يكفي أن نتذكر أن الدستور عدل مرتين في الخمس سنوات الماضية ..
وكانت المبررات ذاتها ..
التعددية والديمقراطية وتوسيع هامش المشاركة السياسية
والنتيجة مواد تفصيل على الكيف ..

ومحدش هايقدر يعمل مظاهرات تاني في التحرير ..
فالثورة لحظة فوران لا تعود إلا كل عشرات السنين يا أخي العزيز

[AhMeD EzZ]

لو على الكذب .. فقد كذبوا كثيراً
يكفي أن نتذكر أن الدستور عدل مرتين في الخمس سنوات الماضية ..
وكانت المبررات ذاتها ..
التعددية والديمقراطية وتوسيع هامش المشاركة السياسية
والنتيجة مواد تفصيل على الكيف ..

ومحدش هايقدر يعمل مظاهرات تاني في التحرير ..
فالثورة لحظة فوران لا تعود إلا كل عشرات السنين يا أخي العزيز

الظروف الحالية ليست مثل اي ظروف د/احمد
حاليا النظام يواجة ضغط لا مثيل له سواء داخلياً او خارجياً
و في ظل غياب الشرطة التي ستحتاج الي اكثر من عام علي لسان رجال الشرطة انفسهم
و ايضا ضيق الجيش مما يحدث و رغبنة في العودة لمواقعة باقصي سرعة لتكبدة خسائر رهيبة يومياً
اتوقع ان يكون قد تعلمو الدرس جيداً
و لا اظنهم سيعودوا لطريقتهم المعهودة مرة اخرى ....بل ستكون كل خطوة منهم تم التفكير بها 1000 مرة

و في النهاية ايضا يظل مبارك رجل عسكري كرامتة و هيبتة و وضعة في التاريخ اهم شيء بالنسبة له
فلما لا نفترض حسن النية له و انه يريد ان يصلح فعليا ما يمكن اصلاحة في خلال الفترة المتبقية له ليتذكرة التاريخ بالخير مثل من سبقوه

في النهاية اتمني ان يوفقنا الله لما يحبة و يرضاه لنا و ان يختار لنا الاصلح

[ahmed_su]

ا
و في النهاية ايضا يظل مبارك رجل عسكري كرامتة و هيبتة و وضعة في التاريخ اهم شيء بالنسبة له
فلما لا نفترض حسن النية له و انه يريد ان يصلح فعليا ما يمكن اصلاحة في خلال الفترة المتبقية له ليتذكرة التاريخ بالخير مثل من سبقوه

في النهاية اتمني ان يوفقنا الله لما يحبة و يرضاه لنا و ان يختار لنا الاصلح

بالنسبة لمبارك ظنى انه ينوى على الاصلاحات خاصة انه اعلان على الملاء انه لن يترشح

مرة اخرى ولا يعنيه الحصول على مزايا اخرى

وده يعنى انه بالضرورة انه هيطيح بكثير من الرؤس الموجودة فى عصره وعلى رأسهم

العادلى واعوانه وذبانية الوطنى وبالتالى قررو ان لا يعطو الرجل الفرصة بحركة القتال فى

ميدان التحرير والقتل العشوائى من الشرطة للمواطنين

[zago]

ربنا موجود

[heshamzaky]

يا جماعة الى بيشوف و بيتفرج على الشباب الى بيستضيفوهم بالذمة لو الشباب دول الى أقل كلمة تقال عنهم أنهم لا يصلحو نهائيا لتمثيل أى جهة مين شاف أسلوب الحوار معاهم دول عيال فاكرين أنهم واخدينا بالدراع و واقفين مثلا فى الشارع بيتكلمو لاحظ تعبيرات وجوههم دول و الله العظيم لو عملو حزب حا يختلفو مع نفسهم و مش بعيد يضريو بعض و ينقسمو داخليا

[medomashake]

السلام عليكم ورحمه الله وبركاته

الموضوع بقى شكله سخيف وهيطول

الريس واخدها مسالة كرامة او عند ( مش فارقه المسمى )

لانه ببساطة مش هيقف فى طابور عيش، ولا مش هيلاقى انبوبة اللى سعرها وصل دلوقتى من 15 و 20 وفي تزايد مستمر ده اذا لقيتها اصلاً، ولا هيقف طابور عشان يحط شوية ينزين، ولا مستنى مرتبه اخر الشهر، ولا خايف من الاسعار اللى عماله بتزيد ... وغير ها وغيرها

انا عايز اسال سؤال بغض النظر عن ثورة الكرامة اللى اتعملت ؟؟
لو اباشا فضل قاعد وما اتحركشي لغاية لما الدى تخلص تقريبا ( 200 يوم ) يبقى ايه العمل ؟؟؟

ارحمونا بجد اللى بيحصل ده مش بيراعي مصلحة الناس الغلافة اللى كانت بتعتمد على اليومية في شغلها ولا محدودى الدخل ولا حتى متوسطى الدخل، الحال كله واقف والبلد كلها مصالحها متعطلة !!!!

والغريبة ان كل شيئ واقف يعنى احنا بنخسر والكبار مش فارقه معاهم واكيد هما عايزين كدا الناس بدأت تقول بالرغم من مساوؤ النظام السابق الا اننا كنا عايشين ما كنشي فيه طوابير على العيش ولا طوابير على البنزين وكانت الناس راضية بقليلة وبتقول الحمد لله،

ولما الثورة اتعملت الناس فرحت وخرجت عشان تطلع الكبت اللى عاشته سنين كتيرة وكلنا فرحانين بس دلوقتى الموضوع بقى شكلة سخيف وممل وملهوش طعم واكل فرحه الانتفاضة

وحسبنا الله ونعم الوكيل .

[تامر.محمد]

مافيش حلاوة من غير نار يا رجالة
النار هما اللي حارقيننا بيها من سنين , و زودوها علينا بحظر التجول كعقاب جماعي للشعب كله من بعد 25 يناير
كل الناس مسكت معاونين مباحث و امناء شرطة و عساكر امن مركزي و ظباط امن دولة بيثيروا فزع الناس في يوم الانفلات الامني اياه , و اللي ينفي كده يبقى كداب كبير

انما النصر صبر ساعة
نصبر و نقف وقفة راجل واحد في وش الظلم

مافيش حاجة بتيجي على الجاهز ولا ببلاش و احنا راح مننا من الشهدا مئات , كنا لسه بنعيط كلنا على 20 راحوا في جريمة القديسين , مش ممكن نسيب 200 ولا 300 ده غير 400 مفقودين دمهم يروح هدر يا اخواننا

[M.almaghraby]

مافيش حلاوة من غير نار يا رجالة
النار هما اللي حارقيننا بيها من سنين , و زودوها علينا بحظر التجول كعقاب جماعي للشعب كله من بعد 25 يناير
كل الناس مسكت معاونين مباحث و امناء شرطة و عساكر امن مركزي و ظباط امن دولة بيثيروا فزع الناس في يوم الانفلات الامني اياه , و اللي ينفي كده يبقى كداب كبير

انما النصر صبر ساعة
نصبر و نقف وقفة راجل واحد في وش الظلم

مافيش حاجة بتيجي على الجاهز ولا ببلاش و احنا راح مننا من الشهدا مئات , كنا لسه بنعيط كلنا على 20 راحوا في جريمة القديسين , مش ممكن نسيب 200 ولا 300 ده غير 400 مفقودين دمهم يروح هدر يا اخواننا

والله العظيم ولا حتلاقي حد يرد عليك حتي

----------------
لنا الله ......

[AhMeD EzZ]

والله العظيم ولا حتلاقي حد يرد عليك حتي

-----------------
لنا الله ......

يعني مش هتلاقي حد يرد عليه ؟؟؟َ!!!
ما احنا بقالنا كتير قوي بنتناقش في الموضوع و كل طرف معندوش القابلية للتواصل يبقي خلاص مقدميش غير اني اسكت و ادعي ربنا يعدي الظروف دي علي خير
و بعدين هو انا لما اتكلم بالدستور الي هو بمسابة الحكم الفاصل ما بينا يبقي بتكلم كلام هجص ؟؟!!! ..سبحان الله !!
انا ليا وجهه نظر مقتنع بيها و انت لا يبقي دة يديك الحق انك توصفني بالساذج ؟!! لا طبعاً

[elshimy]

للا سف الموضوع اصبح سخيف لان الناس دي غير منظمه بالمره وبيواجهوا نظام من اذكي ما يكون وبيلعب معاهم لعبه هما مش قدها وواحده واحده هيلاقوا الناس تبدا تقلب عليهم وكلها كام يوم وهتلاقي مصر كلها خارجه تضربهم بالشباشب لما الجوع يبدا يظهر العقول هتتلغي وهتشوف العجب
اللعب مع الساسه محتاج واحد صايع مش بتاع فيس بوك ولا زي بتوع الاحزاب الهلاميه ولا البرادعي الناس دي واقفه ضد مؤسسه كامله منظمه وعارفه هي بتعمل ايه كويس
السياسه هي فن القذاره

[dr-mohamed]

مافيش حلاوة من غير نار يا رجالة
النار هما اللي حارقيننا بيها من سنين , و زودوها علينا بحظر التجول كعقاب جماعي للشعب كله من بعد 25 يناير
كل الناس مسكت معاونين مباحث و امناء شرطة و عساكر امن مركزي و ظباط امن دولة بيثيروا فزع الناس في يوم الانفلات الامني اياه , و اللي ينفي كده يبقى كداب كبير

انما النصر صبر ساعة
نصبر و نقف وقفة راجل واحد في وش الظلم

مافيش حاجة بتيجي على الجاهز ولا ببلاش و احنا راح مننا من الشهدا مئات , كنا لسه بنعيط كلنا على 20 راحوا في جريمة القديسين , مش ممكن نسيب 200 ولا 300 ده غير 400 مفقودين دمهم يروح هدر يا اخواننا

اصبر مهما يحصل لو كان فيه اهداف محددة ونهاية لها مش كل شوية طلبات جديدة
اصبر لو الناس اللى بتطلب طلبات عارفة هي بتطلب ايه ويتنفذ ازاي
انما هما يعاندوا ودكتور العند يعاند معاهم الوشعب يجوع في النص يبقي لا

وفعلا كل الناس وقفت في الشوارع لكن هل الوضع ده ينفع يستمر ؟
ولو البلد اشتغلت هاينفع نشتغل بالنهار ونقف حراسة بالليل ؟
ده غير شوية الصيع والبلطجية اللى واقفين في اماكن كتيرة دلوقت وبالنهار كمان ويفتشوا الناس ويقولوا لجان شعبية ويقلبوهم واللى مش مصدق ينزل شارع فيصل الرئيسي
واهو حظر التجول بقة من 7 مساء الى 6 صباحا هل الشغل هيرجع ؟
هانشوف بكرة والغالب بردو لا
البهوات بيقولوا لهم اقعدوا في التحرير لحين تنفيذ طلباتكم زي ما انتم عايزين وسيبوا البلد تتحرك والناس تشتغل يردوا بمنتهي الصفاقة لا ولو حصل هانقف في كل الميادين

والله العظيم ولا حتلاقي حد يرد عليك حتي
-----------------------
لنا الله ......

اهو واحد ساذج عاطفي رد يا مغربي بيه
كدة بقينا 2 وعليك صيام 6 ايام والحق اطلب من الادارة تحذف تعليقك والا هايبقي عليك ايام صيام كتيرة اوي
ومتهيالي ردي بالمنطق وبلاش توصف معارض ليك بالسذاجة والا ممكن يوصفك بنفس الوصف