كده كتير - البلد بقت لعبة

[ahmed_su]

يا استاذي في حاجة اسمها تفكير استراتيجي... و انتوا خسرتوا الشارع الحقيقي بجداااارة....

حتي لو مبارك خدع الناس.... يبقي علشان اذكي منكم... و في الحالة دي يستحق يقعد 30 سنة كمان...

ادارة الدول بالذكاء مش بالحركات و لعب العيال ...

بكره يرجع الناس اشغالها و الميدان يفضي عليكم ... و اللي هيقعد هيتعلق من ......




.

الله ينور عليك

اللى بيتفاوض لازم يعرف ازاى يحافظ على المكاسب اللى حصل عليها

ويبقى عارف امتى يشد وامتى يرخى ....

لكن كده جتلهم لوسة من الفرحة و هيخسروا كل حاجة .... وبقى لعب عيال

[elshimy]

اقسم بالله انا كنت دايما استغرب من اراء المشايخ والسلفين اللي حرموا الخروج علي الحاكم حتي لو كان ظالم ومنهم الشيخ محمد حسان دلوقتي بس عرفت معني الخروج علي الحاكم من شوية عيال
لن يرحمهم احد لو مكانوش قد المسؤليه اللي حطوا نفسهم فيها

[human]

طيب نقول الكلام بصوره مختلفه
هل دم الناس اللى ماتت و هيه بتهتف لرحيل مبارك يستاهل خمسه مليون جنيه ولا لا؟؟

انت رجعت سليم و معافى فيه غيرك مات عشان تقف تهتف او تصور فى ميدان التحرير

اققل حاجه الناس ديه دمها مايرحش اونطه
بكره ممكن ناس تانيه تموت و تعتقل و تروح ورا الشمس عشان كل واحد خايف على مصلحته و ابتدى يخرج عن المطلب الوحيد فى يوم الجمعه 28 يناير

اللى عايز يشتغل يشتغل ماحدش ماسكه مش الناس اللى فى التحرير اللى واقفه حاله البلد مش هما اللى قافلين البنوك و مش هما اللى واقفين حال البلد
اللى واقفها النظام الحالى عشان ناس تيجى تكتب الكلام اللى بتكتبوه

و يخوفوكوا عشان تكتبوا السفه بتاع الفتنه امبارح

كل واحد بيدور على مصلحته عشان كده البلد عمرها ما تتقدم

السلام عليكم و كفايه كده

[gebreel]

انتم عارفين ايه المشكة؟!

فيه كثير منهم طلبة جامعة و الجامعات لسة مافتحتش فمفيش وراهم حاجة

انا شخصيا مبقتش عارف الشهر ده هيعدي ازاي و هقبض المرتب بتاع الشهر الجديد كامل ولا مش هقبضوا اساسا و لو مقبضتش الشركة ملهاش ذنب بس هصرف منين الخ...

بالاضافة اني لو الوضع الامني زي اليومين دول مش هيتغير انا مش هقدر اسيب بيتي و اهلي لوحدهم بدون حماية فبالتالي ممكن اروح اشغل يوم و 10 لأ ارحمونا يا جدعان و ارجعوا بيوتكم البلد خربت

[wael17]

لان ممكن حد يرد عليك ويقولك لعب العيال اللي تم في الاول بدون اسفادة حقيقية زي ما تكون الناس كانت عايزة تعيش مغامرة وخلاص بدون هدف

استاذنك توضح كلامك ...تقصد ايه بلعب العيال اللي كان في الاول
أنا نزلت يوم 25 و 26 و 28...دي كانت مرحلة لعب عيال و بعيش مغامرة و بس؟ طب ايه مرحلة الرجالة...يوم معركة الجمل و قنابل المولوتوف؟؟

[misoalex]

كفيه عليهم كده

مش حيوصلو للى هما عاوزينه

ومحدش حيمشى وراهم

انهارده كان الماتش النهائى ليهم وهما خلصوه صفر -صفر

[heshamzaky]

طول ما العيال دى متجمهرة صعب الاشغال تشتغل يعنى بالبلدى كدة لو واحد عندة محل فى وسط البلد مثلا هل من الحكمة يفتح المحل و يجيب حتى 10 انفار يحرسوة بشوية شوم و ممكن جحافل بشرية تنهب رأس مالة فى الزحمة العاطل مع الباطل و هل أمان أن البنوك تفتح و تشتغل و طبعا حا تلاقى حلول و ناس تقولك الجيش يأمن البنوك بالمرة بجملت و هل لو أختك موظفة حا تستأمن انها تنزل و تروح شغلها و تنط فى ميكروباص و لا تاكسى علشان تروح الشغل و الى بيقول البلد تشتغل عادى لو عندك سيارة هل تستأمن النزول لعملك بالسيارة و لا تروح شغلك بمواصلات عامة و يا سلام بقى لو مكان شغلك فى مكان بعيد ابقى أنزل روح الشغل قبل معادك ب 3 ساعات علشان تلحق ميعاد الشغل . العملية كدة بقت فوضى

[Samah AbdAllah]

الله ينور عليك

اللى بيتفاوض لازم يعرف ازاى يحافظ على المكاسب اللى حصل عليها

ويبقى عارف امتى يشد وامتى يرخى ....

لكن كده جتلهم لوسة من الفرحة و هيخسروا كل حاجة .... وبقى لعب عيال

نقول كمان يا بشمهندس
ايه هى المكاسب
تعديل مادتى الدستور
بواسطة مين
مجلسى شعب وشورى مطعون فيهم
اذن يا المجلسين يعدلوا وبعدين تسقطوا عضوياتهم فيصبح ما بنى على باطل هو باطل
او نستنى لما الطعون يتحكم فيها
وبعدين نعمل انتخابات مجلس جديدة
وطبعا بما اننا لسة معدلناش الدستور
يبقا نتخابات بلا اشراف قضائى زى اللى فاتت
والحكومة لسة حكومة الحزب الوطنى
يبقا النتيجة اعضاء جداد من نفس الحزب برضه مكان القدام
ولحد ده ما يتم يكون عدى بتاع 3 شهور فى الطعون و2 فى الانتخابات
وعاش الريس تحيا مصر
ومش بعيد ييجى موعد الانتخابات الرئاسية الجيدة وهم لسة ملحقوش يعدلوا الدستور
ومعلش يا شعبى يا حبيبى
الوقت عدى فى الطعون والتحقيقات عشان العدل بيحتاج وقت
وبعدها الانتخابات
والدستور غير متاح الان من فضلك حاول التعديل فى فترة رئاسة لاحقة
ايا كان الرئيس وقتها

وعشان محدش يفهمنى غلط
انا مشكلتى مش تنحى الرئيس مبارك
ومعنديش مشكلة يكمل للآخر واستمرارى فى التظاهر ومساندة المتظاهرين مالهاش علاقة بتنحى الرئيس من عدمه

[dr-mohamed]

يا اخي الفاضل اديك قولتها بنفسك
الغاء قانون الطواريئ هل ده تم
رفع الحد الادنى للاجور هل ده تم
حل مجلس الشعب هل ده تم
يبقى لازم مع الاسفزاز ده سقف المطالب يعى
معلش يا جماعة اللي كان داخل المظاهرة ومعندوش استعداد يتحمل العواقب او يدفع جزء من التمن ما كانش دخل من الاول
لان فيه ناس كتير كانت فى اول يوم وببتطالب بعد كدة بالعودة
وبنظرة عادلة المكاسب اللي اتاخدت بالقطارة حتى الان دة لو فيه مكاسب حقيقية ما جتش الا بالاستمرار في التحرير
مفيش عملية بتم بدون الم

يا سيدي الفاضل
1- انت الان في حالة حظر تجول و دي اسوا مليون مرة من الطوارئ ولو الجيش طبقها كان هايقبض على اي حد برة بيته في اوقات الحظربما فيهم متظاهري ميدان التحرير
ثم اعتبر يا سيدي ان من ضمن التعديلات التشريعية الغاء حالة الطوارئ ايه المشكلة ؟
2- رفع الحد الادني للاجور تمام معاك لكن هل ده ممكن يتم النهاردة ؟
طيب الحكومة هاتطبع ورق وترفع لك الحد الادني للاجور ويحصل تضخم لان الانتاج مش هيزيد بنفس المعدل والحاجة ام جنيه تبقي بعشرة وخللي الزيادة الفورية تنفعك ؟
يعني ضرر الرفع الفوري للاجور بدون زيادة الانتاج كارثة اسوا
والحمد لله الانتاج عندنا زي الزفت واصبح اسوا بعد الاوضاع الاخيرة وشركات كتير هاتصفي اعمالها وبدل ما كريم قلقان ان الشركة واقفة العمل هيقلق هو والاف وملايين غيره لان الشركات اغلقت العمل
3- حل مجلس الشعب
طب التعديلات التشريعية والدستورية اللى مطلوب تتعمل مين اللى هيعملها ؟
علشان منلفش كتير المجلس الحالي هايتم تعديل عضويته وفعلا مش هيوصل غير اللى يستاهل

ومكاسب ايه بالقطارة اللى اتاخدت ؟
اي مكسب من اللى حصل سواء القضاء عل ىالتوريث او تعيين نائب او تشكيل وزارة نصها على الاقل محترم او ابعاد احمد عز من الصورة كل دي كانت احلام مش طلبات

و ماله يا استاذ كريم لما شركتك تخسر 5 مليون كل يوم و انت ماتقبضش مرتبك...ايه يعني...كله يهون عشان خاطر شباب التحرير اللي في الميدان يحس برجولته و يفرض ارادته علي الحكومة و الشعب
كان يوم اسود يوم ما عملت حساب علي فيسبوك

هو ده المقلب انهم واخدينها بلطجة وفرد دراع وفرض راي واستبداد بالدولة وكل المواطنين اكتر مما كان يفعل النظام السابق

و مفيش عملية تتعمل من غير موافقة المريض
يا تري انت شايف ان ال 85 مليون مصري موافقين علي اللي بيحصل في ميدان التحرير دلوقتي
وبعدين ماحدش بيتكلم عن قانون طوارئ ولا حد ادني للاجور...دي اسمها جمعة الرحيل مش جمعة الطوارئ ولا جمعة الاجور

محدش بيتكلم دلوقت غير على رحيل الرئيس لانهم عارفين انه صعب جدا
ومفيش غير مطالب الاخوان بدون ان يكون باسم الاخوان

و الله الناس حا تثور على شوية العيال و الناس الى فى التحرير مش فارقة بقى دة حزب زيد و لا عبيد الناس حالها وقف و كلة بيدور على مصلحتة على حس الشباب الى للأسف مش فاهمين حاجة و شوية عيال بتطلع فى التيليفزيون تتكلم و الله العظيم أى عيل فى دول لو كان دخل الجيش كان عرف يعنى أية يبقى راجل و يسترجل مش فالكر نفسة قاعد قعدة مع شوية شباب قعدة عرب بيصفو خناقة حاجة تقرف و دول بيتحركو زى اليويو و هما مش فاهمين فين اهاليهم دول الى مسرحينهم و سايبينهم كدة

يا باشا كفاية انهم مش بيحترموا اي حد سواء لسن او منصب او غيره
ممكن تلاقي عيل من العيال دي معاك في الشغل بيقولك عايز ايه يا فلان ولو طلبت منه يناديك بلقبك يقولك انا مديتكش اللقب ده ومش معترف بيه

هو الشباب في التحرير دول معاهم مفاتيح البنوك مثلا.. أو فلوس المرتبات في جيب واحد منهم ?
إيه المشكلة إن ناس تتظاهر بشكل حضاري في ميدان ? هل ده يعني إن البلد حالها يقف ?
ده عناد من النظام مع الشعب كله ..
نظام إيه ده اللي مش عارف يدير البلد علشان ناس واقفين في ميدان ?
الحل مش عند الشباب الحل عند النظام هو اللي في إيده تسيير البلد مع بقاء المظاهرات قائمة
الرجاء نتوجه كلنا بطلباتنا للنظام إنه يفتح البنوك و غيرها من المصالح و بلاش إبتزاز للشعب .. احنا ناس عندنا بيوت مش معنى إن فيه ناس بتتظاهر سلميا إن حالنا يقف كده
هو إبتزاز يعني ? يا الشباب يوقف المظاهرات يا نجوع كشعب ?

لا يا سيدي بس اضمن ان البنوك تشتغل من غير ما يحصل مشاكل سواء البلطجة او الخوف من السحب الرهيب اللى هايحصل خاصة اول يوم واللى ممكن فعلا يعملك انهيار اقتصادي لو الاموال السائلة في البنوك لم تكف لسداد طلبات السحب النقدي واتفضل على انهيار العملة لان ناس كتير جدا هتحاول تغير العملة المصرية لدولار خوفا من انهيار العملة مما سيؤدي الي انهيارها اكثر واكثر
والناس اللى حضرتك بتقول بيتظاهروا في ميدان بيهددوا ان لو الدولة استمرت في العمل وترك لهم ميدان التحرير للتظاهر هينقلوا التظاهر لكل ميادين مصر ويوقفوا البلد كلها
والنظام كان يقدر يدير الدولة ببساطة انه يلم كل اللى في التحرير دلوقت عن طريق الجيش لكن اتفرج على النتيجة هاتبقي كارثة

انت ما سمعتش انهم اتقال لهم خليكو فى التحرير وخلو الناس
ترجع اشغلهم والبلد تدور
رد على المذيع بكل صفاقة لاء ... هنبلغ كل اصحبنا وهنخلى كل الشباب تنزل فى كل الميادين
وقعد يعدد اسماء الميادين فى كل المدن اللى فى مصر ...!!!!!!!!!!!

يا احمد والله او اتجاب لهم لبن العصفور بالطريقة دي مش هيروحوا
العيال دي عاملة زي الطفل الصغير اللى استجبت لطلبه فطلب طلب تاني ولما استجبت له بقة عمال يطلب ويطلب مش مهم تقدر تجيب له الطلب بتاعه ولا لا مش مهم ينفع ولا لا المهم ياخد اللى هو عايزه وخلص حتي لو اضطريت تستلف وتشحت علشان تنفذ له طلباته

ده على اساس ان المظاهرات هى السبب فى وقف حال البلد
ما المظاهرات كانت شغالة من يوم 25 ل يوم 28 والبلد ماشية والناس بتروح شغلها وكله تمام وساعتها كانت المظاهرات حلوة والشباب دول رجالة مادام بتاكلوا وبتشربوا
ولما الحكومة طلقت بلطجيتها عالشعب عشان تلاقى ذريعو تعمل حظر تجول وتوقف مصالحكم وتخوفكم وترعبكم
بقا الشباب بتاع الفيس بوك ده وحش وهو اللى خرب بيوتكم
لا حول ولا قوة الا بالله
لما تكونوا عارفين كويس مين المذنب وتعاقبه اللى بيقف قصاده وتدعو عليه
يبقا فعلا خسارة الشباب اللى مات فى مظاهرة زى دى
ويمكن لو واحد فيكم اخوه ولا ابنه كان مات فى التحرير مكنش هيبقا ده موقفكم

بلد ايه اللى كانت ماشية يا بسكوتة ؟ يمكن علشان مش بتنزلي كتير مش واخدة بالك ان نص البلد عطلان من يوم 28 وكلها من يوم السبت اللي فات
وحظر التجول كان لازم يتفرض لان الشرطة لم تعد قادرة على القيام بعملها لخيانة داخلية او لضغط اللصوص والحرامية وجماعات مسلحة بمعني الكلمة هجمت على السجون كل دي اسباب لكن الواقع ان الجيش كان لازن ينزل البلد وحظر التجول على فكرة اتعمل من قبل ما تبدا السرقات لو تفتكري كان الجمعة الساعة 6 مساء ومكانش حصلت الفوضي دي كلها
ودلوقت بيترفع ساعات حظر التجول لكن المشكلة ان البهوات اللى قاعدين في التحرير بيهددوا بمظاهرات مليونية يوم الاحد والثلاثاء والخميس طب الشركات والمصانع والمحلات هاتشتغل ازاي ؟ وبيهددوا انهم هايعملوا تظاهرات في كل الميادين طيب البلد هاتشتغل ازاي ؟
والمذنب النهاردة الجميع بما فيهم الموجودين في التحرير وشوفي كويس التعليقات بتاعة الاعضاء وهتلاقي ان الاغلبية بتلومهم على استمرار الوضع الحالي
وعلى فكرة فيه ناس كتير من اللى بيقولوا كدة نزلوا المظاهرات لكن لما اتحولت لعناد بدون داعي وسيطرة من الاخوان انسحبوا
ومتهيالي محدش من قريب حضرتك مات او اصيب علشان تاخدي الموقف ده وبالمقابل الناس اللى رافضاها مالهاش مصلحة غير ان الحال يستقر ويتم اعطاء الفرصة لتحريك حال البلد وعمل الاصلاحات فان لم تتم وقتها تعود البلد كلها وتنزل الشوارع ونقفل البلد كلها

[misoalex]

للاسف اللي بيموت اليومين دول مالوش ديه

علي العموم انا مقتنع ان لو مبارك ماستقالش و العيال بتوع التحرير دول فضلوا واقفين حال البلد اسبوع كمان هيلاقوا ستات نازلة من البيوت بالشباشب و فين يوجعك

تصدق نفس الى توقعته

وطبعا حيكون ليهم حق ومش من الحزب ولا حاجه

[wael17]

كفيه عليهم كده

مش حيوصلو للى هما عاوزينه

ومحدش حيمشى وراهم

انهارده كان الماتش النهائى ليهم وهما خلصوه صفر -صفر

لا مش ماتش نهائي ولا حاجة...دول عايزين يعملوا اسبوع الصمود....و في دعوة انهم ينزلوا مظاهرات مليونية يوم الاحد و الاتنين و الاربعاء...و لما اجازة نص السنة تنتهي هتبقي المظاهرات يوم الخميس بالليل

[ahmed-moga]

استاذنك توضح كلامك ...تقصد ايه بلعب العيال اللي كان في الاول
أنا نزلت يوم 25 و 26 و 28...دي كانت مرحلة لعب عيال و بعيش مغامرة و بس؟ طب ايه مرحلة الرجالة...يوم معركة الجمل و قنابل المولوتوف؟؟

لا يااستاذي العزيز نحن نخشي اذا زاد الموضوع عن الحد يقول النظام للعالم العربي والغربي علي الذي حققه الشباب والدماء التي سالت انها كانت لعب عيال ناهيك عن بعض اللافتات الكوميديه التي يرفعونها فهذا حقا مانخشاه

[elshimy]

استاذنك توضح كلامك ...تقصد ايه بلعب العيال اللي كان في الاول
أنا نزلت يوم 25 و 26 و 28...دي كانت مرحلة لعب عيال و بعيش مغامرة و بس؟ طب ايه مرحلة الرجالة...يوم معركة الجمل و قنابل المولوتوف؟؟

بمناسبة معركة الجمل اقسم بالله ان قبلها بيوم لما سمعت خطاب الريس انا بكيت اتصلت بواحد صاحبي لقيته بيبكي تاني يوم الصبح لقيت التليفون بيرن ناس من الشركه طالبينا نكون في الشركه الساعة 9 صباحا (طبعا عارفين ليه) المهم رفضت لا ني لما اخرج مظاهره اخرج عن اقتناع المهم رحت مظاهرة مصطفي محمود والمفاجئه انه قابلت زمايلي هناك وكلنا عملنا نفس الشيئ رحنا بمزاجنا مش عن طريق حد لدرجه ان المدير لما قابلنا هناك تنح من الصدمه
لكن للاسف قلة الادب اللي شفتها يومها بتاعت معركة الجمل خلتني تاني يوم اقفل السكه في وش رئيسي في الشغل لما بيقلي عاوزينكوا تطلعوا مظاهرات التايد
واضح ان احنا بقينا بين امرين احلاهم مر

[dr-mohamed]

نقول كمان يا بشمهندس
ايه هى المكاسب
تعديل مادتى الدستور
بواسطة مين

مش بواسطة اللى قاعدين النهاردة يا بسكوتة
بواسطة اللى اتظاهروا من يوم 25 لغاية يوم 28

مجلسى شعب وشورى مطعون فيهم
اذن يا المجلسين يعدلوا وبعدين تسقطوا عضوياتهم فيصبح ما بنى على باطل هو باطل
او نستنى لما الطعون يتحكم فيها
وبعدين نعمل انتخابات مجلس جديدة
وطبعا بما اننا لسة معدلناش الدستور
يبقا نتخابات بلا اشراف قضائى زى اللى فاتت
والحكومة لسة حكومة الحزب الوطنى
يبقا النتيجة اعضاء جداد من نفس الحزب برضه مكان القدام
ولحد ده ما يتم يكون عدى بتاع 3 شهور فى الطعون و2 فى الانتخابات

بالراحة بس وبلاش نجري كدة
المجلسين فعلا محكمة النقض بتفصل دلوقت المفروض في صحة العضويات المطعون فيها وعددهم 400 عضو يعني الاغلبية والاحكام هتنفذ وفورا ومفيش سيد قراره بعد اليوم ونشغل القانون شوية نقول ان فيه طعون كتيرة هتؤدي لان اعضاء يحلوا محل اعضاء وطعون اخري هتؤدي لاعادة الانتخابات في الدائرة المهم اننا هنكون امام مجلس شعب صحيح يتم تقديم طلبات تعديل الدستور امامه سواء من الرئيس او من ثلث الاعضاء ويتم طرح اي مادة مطلوب تغييرها بما فيها الاشراف القضائي وغيره وهو ما اكد عليه النائب ويتم مناقشتها 60 يوم ثم عرضها على الشعب في استفتاء عام وتم تحديد حد اقصي لذلك وهو 70 يوم

وعاش الريس تحيا مصر
ومش بعيد ييجى موعد الانتخابات الئاسية الجيدة وهم لسة ملحقوش يعدلوا الدستور
ومعلش يا شعبى يا حبيبى
القوت عدى فى الطعون والتحقيقات عشان العدل بيحتاج وقت
وبعدها الانتخابات
والدستور غير متاح الان من فضلك حاول التعديل فى فترة رئاسة لاحقة
ايا كان الرئيس وقتها

وعشان محدش يفهمنى غلط
انا مشكلتى مش تنحى الرئيس مبارك
ومعنديش مشكلة يكمل للآخر واستمرارى فى التظاهر ومساندة المتظاهرين مالهاش علاقة بتنحى الرئيس من عدمه

ومستحيل الرئيس يرشح في انتخابات اخري اللعبة انتهت فعلا
لكن في نفس الوقت الاستمرار في التظاهر بهذه الطريقة الي ما لا نهاية تدمير للبلد
مع العلم ان تنحي الرئيس ورحيله فورا اصبح الحد الادني لمطالب المتظاهرين ومش مهم التعديلات هايبقوا يتفقوا عليها سوا وهما في التحرير

[nicegypt]

ده على اساس ان المظاهرات هى السبب فى وقف حال البلد
ما المظاهرات كانت شغالة من يوم 25 ل يوم 28 والبلد ماشية والناس بتروح شغلها وكله تمام وساعتها كانت المظاهرات حلوة والشباب دول رجالة مادام بتاكلوا وبتشربوا
ولما الحكومة طلقت بلطجيتها عالشعب عشان تلاقى ذريعة تعمل حظر تجول وتوقف مصالحكم وتخوفكم وترعبكم
بقا الشباب بتاع الفيس بوك ده وحش وهو اللى خرب بيوتكم
لا حول ولا قوة الا بالله
لما تكونوا عارفين كويس مين المذنب وتعاقبه اللى بيقف قصاده وتدعو عليه
يبقا فعلا خسارة الشباب اللى مات فى مظاهرة زى دى
ويمكن لو واحد فيكم اخوه ولا ابنه كان مات فى التحرير مكنش هيبقا ده موقفكم

++++++++++++++1
صح كلامك .. فكروا مين المتسبب ؟ مين اللى مش عايز يمشى حال الناس
هى دى اول مرة تحصل مظاهرة فى تاريخ مصر ؟؟؟ طبعا لاء .. ياما مظاهرات .. وياما كمان قعدنا ف البيت
فاكرين يوم 6 ابريل ؟ مشفتش حد ف الشارع

للاسف الخسارة شاملة الكل .. سواء فى وجود المظاهرات او عدمها ... لدي شركة واخسر فوق ما يتخيل بشر
ومطالب بمبلغ شهري فوق ما يتخيلة احد ... بالاضافة .. ان بعد ما البلد ما حالها يمشى .. الموظفين هترجع شغلها
وهتاخد ولو نصف مرتبها على الاقل تحاول تعمل اي حاجة بية ... انما اصحاب الشركات اللى فى مجال زى مجالى
هل تعتقد ان لما حال البلد هيرجع هياخد ولو نصف المرتب ؟؟؟ خصوصا ان مجال شركتى فى مجال الكمبيوتر
يعنى بعيد عن الاساسيات زى الاكل والشرب ... طيب الناس اللى اتوفت ؟؟ لي شخصان صديقان توفوا فى هذة الاحداث
ولـم يكونوا مشاركين !!! وملهمش علاقة بالمظاهرات .. وعارفين اتوفوا ازاي ؟؟؟

واحد كان بيدور على اخوة اللى نزل يشتري اكل فى منطقة التى يقطن بها .. وفاجأ بقسم الشرطة يطلق نار حي على الناس !!!
الله يرحمة واحتسبة شهيد عند الله .

الصديق الثانى كان واقف بيصور بالكاميرا الاحداث اللى بتحصل فى قسم الشرطة ومن مسافة بعيدة كافية
وكان بالقرب من اتوبيس وبعد هذا الاتوبيس سيارتى مركونة .. الرصاصة جت من بعيد لم تصب كتلة المعدن وهي الاتوبيس
ولم تصب سيارتى .. وانما اصابتة هو اصابة مباشرة فى عينة ! منظر مؤلم ولم يذهبوا فى اي مظاهرات .. واللى حصل دة
كان قبل ما العدد يزيد ف المظاهرات ... كنت ممـتنع عن المشاركة ومازلت ممتنع عن المشاركة فى الحديث حول الاحداث
الجارية .. والاكتفاء فقط بالسيارات .. لكن كلام حضراتكم حركنى وقلت ابلغ حضرتكم ان الخسارة عامة .. دم هؤلاء
والامر بأطلاق النار الحي كان قبل ما المظاهرات تشد حيلها .. وكان وقتها البنوك شغالة والبورصة شغالة وشركات شغالة
انما حظر التجوال .. والبلطجية اللى نزلت فجأة .. وهروب مساجين فجأة .. ومش عارف اية تانى .. دة كلة اللى وقف الدنيا
ادعوا الله ان يصلح حال هذة الامة وعودتها احسن مما كانت للافضل .. وان تنتهى هذة الازمة على خير .

ان كنت ستشير بأصابعك بالاتهام ... فلا تنس من لهم علاقة بذلك .. فأشر على الكل ولا تنسى احداّ .