انا اسف ياجماعه (شفيق فعلا لازم يرحل)

[mahmoudysf]

متفقين طبعا وموقف الشرطة علي فكرة مش غامض
المحترمين في الشرطة بينزلوا من بيوتهم خايفين عارفين انهم ممكن ميرجعوش مش علشان بيطاردوا مجرم لا علشان ممكن اي حد من الناس يقتلهم وفعلا فيه ناس بتقول كدة او يهزاهم ومعلش هو اصلا انسان محترم من الاول مش هايفضل يتشتم وهو ساكت
وعلى فكرة الجيش نفسه بدا يتعرض لنفس السلوك معاه انه يتشتم وممكن يتجر شكله كمان ولو اتكلم يبقي بيضرب المتظاهرين واديك شايف بنفسك التحرير الان اكتر من نصالموجودين ليس لهم علاقة بالثورة وتحدي لظباط الجيش وشتيمة فيهم كمان

لا لو فكرنا بالعقل هنلاقي موقفهم غامض وان المشكلة اللي احنا فيها كلها الجزء الكبير فيها يرجع الى الشرطة ولاكن كلنا بنقول اعذار مش منطقية
المحترم في الشرطة عمره ما هيحتك بحد بالعكس هيحاول يستخدم حكمتة فى انهاء اى موقف
لاكن متقوليش ظابط نازل يبلطج بنفس الفكر القديم وشايف انو فوق الناس وبيحتك بيهم ومعاه طبنجة وهو فى اجازة مرضى زي الوزير ما قال ونرجع نقول الناس متحفزة
وبعدين فين الحوار بين الشرطة والشعب في الشارع ليه مثلا ما يبداوش ينزلو في الشوارع والميادين الكبرى بكثافة كبيرة ومعاهم قيادات ورتب مختلفة ويبتدوا يعملو حاورات ومناقشة للناس اللي عايزة تفهم ويقولهم احنا هنبدا عصلر جديد وهدفنا حمايتكم من البلطجة وتنظينم فوضى المرور
ويبتدو يتوسعو في المناطق بنفس الكثافة شوية شوية
لاكن للاسف الكبر والعنجهية بتاعتهم مش هشخليهم يعملو كدة لانهم عايزين يرجعو بفس السياسة القديمة لاكن والله انا شايف ان الحلول كتير لعودة الشرطة بس هما يكونو ناويين

[heshamzaky]

مش كلهم مابيشتغلوش
فيه بتوع البليلة وبائعي الأعلام وطلبة الجامعة وخدين أجازة و......الناس ألي فاضية طبعا

بصراحة البائعين هما الى شغالين زى النار . يعنى الى بيبيعو الاعلام فى كل مكان و الاستيكر بتاع 25 يناير دة ب 3 جنية و بندانة مصر ب 1 جنية و عليقة فى الرقبة متغلفة ببلاستيك عليها صور الشهداء برضو ب 1 جنية و الى بيبيعو اكل فى نشاط و انتعاش أقتصادى ممتاز ربنا يبارك لهم بجد و الله لانهم أذكياء و عرفو يجيبو قرش بالحلال من غير ما ينهبو فى ظل الظروف دى

[nevozaky]

على فكرة انا شفت برنامج العاشرة مساء النهاردة ومنى الشاذلى قالت الكلام ده فعلا وقالت ان المجلس الاعلى للقوات المسلحة قال ان اللى هيكون فى الشارع بعد الساعة 12 سيتم حبسه 6 شهور ده اقل حاجة .وممكن يتم حبسه اكتر من 6 شهور .وانا شفت البرنامج بنفسى ومش من على النت او فى جريدة الوفد

[otefa]

على فكرة انا شفت برنامج العاشرة مساء النهاردة ومنى الشاذلى قالت الكلام ده فعلا وقالت ان المجلس الاعلى للقوات المسلحة قال ان اللى هيكون فى الشارع بعد الساعة 12 سيتم حبسه 6 شهور ده اقل حاجة .وممكن يتم حبسه اكتر من 6 شهور .وانا شفت البرنامج بنفسى ومش من على النت او فى جريدة الوفد

يارب الناس تنفذ الحذر وتحترم القانون بدون أحتكاك مع الجيش علشان الدنيا تمشي بسلاسة

[dr-mohamed]

لا لو فكرنا بالعقل هنلاقي موقفهم غامض وان المشكلة اللي احنا فيها كلها الجزء الكبير فيها يرجع الى الشرطة ولاكن كلنا بنقول اعذار مش منطقية
المحترم في الشرطة عمره ما هيحتك بحد بالعكس هيحاول يستخدم حكمتة فى انهاء اى موقف

طيب خد الموقف ده عندك وقولي يتصرف ازاي
بلطجية من 100 عقبة راحوا شارع وبيسرقوا ومعاهم طبنجات وبيهددوا بيها
ظابط مرور قريب جدا من المكان شاف اللى بيحصل اتحرك ناحيتهم ضربوا عليه بالنار
لو انضرب بالنار الناس هتقول كان بيبلطج ويستاهل
ولو قتل واحد منهم هيقولوا عليه قتل واحد برئ زي ما حصل في العمرانية نفس الموقف
ولو تركهم وبعد عن المكان يبقي الشرطة مش بتشتغل وبتهرب
حلها يا بطل ؟

[nevozaky]

يارب الناس تنفذ الحذر وتحترم القانون بدون أحتكاك مع الجيش علشان الدنيا تمشي بسلاسة

ما افتكرش يا استاذ otefa اللى عايز يحترم القانون من الاول هيحترمه من غير ما اى حد يقوله انه لو ما احترموش هاسجنك . يعنى من غير ما يوريله العين الحمرا .يا رب يحترموا القانون علشان الدنيا مش ناقصة صعوبة

[mahmoudysf]

طيب خد الموقف ده عندك وقولي يتصرف ازاي
بلطجية من 100 عقبة راحوا شارع وبيسرقوا ومعاهم طبنجات وبيهددوا بيها
ظابط مرور قريب جدا من المكان شاف اللى بيحصل اتحرك ناحيتهم ضربوا عليه بالنار
لو انضرب بالنار الناس هتقول كان بيبلطج ويستاهل
ولو قتل واحد منهم هيقولوا عليه قتل واحد برئ زي ما حصل في العمرانية نفس الموقف
ولو تركهم وبعد عن المكان يبقي الشرطة مش بتشتغل وبتهرب
حلها يا بطل ؟

خد بالك من كلامي كويس انا بقول الشرطة تنزل في مجموعات كبيرة
وتتواجد في الميادين العامة واحدة واحدة لغاية ما ينتشرو فى كل المناطق ولازم يتكلمو مع الناس
واظن حكاية تواجدهم في مجمواعات كبيرة هيعمل رادع لكتير من البلطجية مش تقولى ظابط مرور هيعمل ايه ظابط المرور
امال فين الابضيات اللي كانو بيفضو المظاهرات
وبعدين الاغلبية من الناس عايزة تخلص من البلطجية ومعتقدش ان حد هيهاجهم لو لاقوهم بيطاردو بلطجية بس المهم الشرطة ترجع بصيغة مختلفة عن الاول وبقول تانى لازم تتواجدا بكثافة عددية وعلى مستوى رتب كبيرة ويبداو من بؤر لغاية ما تكبر البؤر دي ويحققه انتشار فعلي

[abdalah_hashem]

الواحد والله بقى تاية ومحدش فاهم حاجة والعلم كلة عند ربنا

مثلا اقرى كلام فى جرنان حتى لو معروف ابقى مش عارف اصدق وللا لاة لن دلوقتى كل واحد بيكتب اللى هو عاوزة فممكن يقول كلم ملوش اساس من الصحة وممكن يكون الكلام صحيح ..... فالافضل ننتظر ونستنى ونصبر والايام هى اللى هتبين كل حاجة

[abdalah_hashem]

[/QUOTE]
أولآ لينك الخبر من الوفد فتحته ومش لاقي الخبر ده أساسآ
معلش الناس هتقوللي إزاي ده إحنا شفناه وكده
معلش حقكم عليا العيب ممكن فالنت عندي
ثانيآ بالنسبة للأخبار دي كلها أنا مبقتش بصدق أي خبر الإ لو جاء فالتلفزيون سواء محلي أو العربية أو الجزيرة أو أذاعه الجيش
ثالثآ الناس بتقول الخبر أهوه من جريدة مشهورة الوفد وإزاي هتكذبها
طب خدوا الخبر ده من جريدة الوفد بردو علشان تعرفوا المصداقية بقي

http://www.alwafd.org/index.php?opti...8%A9&Itemid=92

الخبر ده بيقول إن ممكن المرشح يكون كان متجوز أجنبية ويطلقها وبعدها يترشح
وإنهاردة الصبح في برنامج صباح الخير يا مصر كانوا جايبين واحد إسمو د.عاطف البنا
من الناس إللي كانوا في لجنة تعديل الدستور
شوفوا الفيديو ده علشان مطلعش أنا كداب

أصدق مين بقي؟؟؟ قولولي إنتم؟؟؟
وإعتراف أهوه يا جماعة "أنا من الناس إللي معجبين بالبلوفر بتاع الفريق أحمد شفيق"
وأعترف إن بعد مكالمته مع مني الشاذلي إمبارح إعجابي بيه قل شوية صراحة
لأن حجته ضعيفة وحجة محمود سعد بردو ضعيفة لأن كده محمود سعد معندهوش ديمقراطية
لأن المفروض زي مابيقول رأيه المفروض يسمع الرأي الآخر ده لو عنده ديمقراطية
وبعدين بقي علشان أنجز فالكلام "إللي عنده "ورق إثبات فساد" ضد الفريق أحمد شفيق" يتفضل يتقدم بيه"
لأنها فرصة لاتعوض الصراحة. وأنا لازلت في جانب معجبي بلوفر الفريق أحمد شفيق
علشان محدش يجي ويقوللي غيرت رأيي بعد كده.
وآسف للإطالة وتحياتي للجميع[/QUOTE]
متفق جدا معاك فى الكلام برضة اللينك مش شغال قفلوة
والى فعلا معاة اثباتات فساد ضد الفريق احمد شفيق يقدمها للنائب العام وهيتم التحقيق لو صحيح يتم الاجراء القانونى ضدة
اما لو كيدى الناءب العام هيحاكمة هوة لان البلاغات الكيدية كترت قوى

خد بالك من كلامي كويس انا بقول الشرطة تنزل في مجموعات كبيرة
وتتواجد في الميادين العامة واحدة واحدة لغاية ما ينتشرو فى كل المناطق ولازم يتكلمو مع الناس
واظن حكاية تواجدهم في مجمواعات كبيرة هيعمل رادع لكتير من البلطجية مش تقولى ظابط مرور هيعمل ايه ظابط المرور
امال فين الابضيات اللي كانو بيفضو المظاهرات
وبعدين الاغلبية من الناس عايزة تخلص من البلطجية ومعتقدش ان حد هيهاجهم لو لاقوهم بيطاردو بلطجية بس المهم الشرطة ترجع بصيغة مختلفة عن الاول وبقول تانى لازم تتواجدا بكثافة عددية وعلى مستوى رتب كبيرة ويبداو من بؤر لغاية ما تكبر البؤر دي ويحققه انتشار فعلي

هو دوة فعلا اللى ممكن يتم بس انا شايف انهم مينزلوش كل افراد الشرطة دية شباب
لازم ينزلوا معاخم كام رتبة كبار عشان يبقى الربط موجود برضة
وبرضة لازم يعملوا دوريات تمر فى الشوارع بعدد كبير من الافراد يعنى الدورية تبقى 5 افراد او 6 افراد

بس دوة هيتعارض مع راى سمعتة وهو ( المفروض ان الشرطة عارفين مين اللى سمعتة وحشة ومين اللى بيعامل الناس وحش ومين اللى بيرتشى وكل دوة وانهم يحصروهم ويفصلوا منهم شوية وتحويل بعضم للمحاكمة) وحل زى دوة ممكن يحسس الناس ان الداخلية بتظبط نفسها وهتبقى احسن ___
بس كدة الاعداد هتقل ومش هيقدروا يعملوا الانتشار الكافى

[abdalah_hashem]

بس هو صحيح اية اللى المفروض تقدمة الشرطة عشان تبين انها خلاص هتبقى كويسة؟ يعنى المفروض تعمل اية للناس دلوقتى على طول النهاردة قبل بكرة ؟؟

[wael17]

المسؤل عن حالة الفراغ الامنى حاليا هو وجود تجمهر للناس عمال على بطال . الشرطة مش عارفة تنزل لان الناس حا تحتك بيهم جامد و لو الناس أتلمت فى مجموعات زى التحرير لغاية الوقت الى بكتب فية المشاركة يعنى دلوقتى حالا و لو أى حادث حصل بيعملو تعبئة و شحن للناس كلها و لو الشرطة مسكت واحد دلوقتى بلطجى يتحول الى ضحية و الشرطة هية الى ظالمة و مستبدة و علشان كدة سايبين الامور و الجيش مش ملاحق و مش عاوز يتخذ أجرائات صارمة . لو مشى الناس زى أمبارح بالقوة يقولو الجيش مع حسنى مبارك و لو كلمهم بالذوق و قالهم امشو مش بيمشو طيب أية الحل . يقولو شفيق لازم يمشى أية رأيك لو شفيق مشى برضو الناس حا تفضل زى ماهية بالظبط و الكلام دة من بداية الثورة دى و كل يوم مطلب جديد و سقف المطالب لن ينتهى . للاسف دلوقتى بعض الناس هية السبب فى الوضع الحالى مش السلطة و لا النظام و لا الحكومة المؤقتة و لا الجيش. و علشان الفوضى دى تتحل الجيش لازم يتعامل بحزم أكثر الى موجود فى الشارع الساعة 12.05 دقائق يقبض علية و يحذر الناس بكذا منشور فى وسائل الاعلام على مدار اليوم بعد كدة الى ينزل ما يزعلشى و لا نقول أصلة واقف سلمى و لا واقف حربى بيخرب ما يقفشى نهائيا و كفاية التجمهر الى الناس عمالة تعملة أمبارح كنت ب الليل فى التحرير منظر يحزن كل 100 فرد و لا 300 فرد كل منهم بيقول الى على مزاجة و فوضى فوق الوصف و بائعين و عربيات يد وواحد بيرسم علم مصر للأطفال على وشهم أكنها فسحة و نزهة بالظبط و لما الجيش يقولهم امشو ما يمشوش و لو عاملهم بعنف يعملو بمبدا ضربنى و بكى و سبقنى و اشتكى

+111111111

طيب سؤال هام جدا جدا و عاوز الناس المؤيدة لموضوع ان الناس تفضل فى الميدان لحد الصبح يجاوبو على السؤال الاتى
الناس دى بتشتغل و لا مش بتشتغل و عندهم وقت فاضى كتير
بيعملو اية دلوقتى يعنى اية لازمتهم اصلا دلوقتى بيكلمو مين و لا مين بيسمعهم ملحوظة الدنيا ظلمة فى الميدان الا نور قليل و ناحية بداية شارع طلعت حرب و مدخل باب اللوق
طول ما الاوضاع مش مستقرة حا يحصل سرقة و أغتصاب و بلطجة و مفيش شرطة حا تنزل

لو كلمتهم هيقولولك احنا بنعمل ثورة و بنجيبلك حقك و انت كل همك علي الشغل و المرتب...هو احنا بنعمل ثورة كل يوم...و خد من الكلام ده للصبح

طيب خد الموقف ده عندك وقولي يتصرف ازاي
بلطجية من 100 عقبة راحوا شارع وبيسرقوا ومعاهم طبنجات وبيهددوا بيها
ظابط مرور قريب جدا من المكان شاف اللى بيحصل اتحرك ناحيتهم ضربوا عليه بالنار
لو انضرب بالنار الناس هتقول كان بيبلطج ويستاهل
ولو قتل واحد منهم هيقولوا عليه قتل واحد برئ زي ما حصل في العمرانية نفس الموقف
ولو تركهم وبعد عن المكان يبقي الشرطة مش بتشتغل وبتهرب
حلها يا بطل ؟

و يحلها ليه يعني؟ احنا شغلتنا نعقد الأمور و و مانديش فرصة لاي حد يحل اي مشكلة و بعد كده نروح نشتكي و نقول الحكومة مش عاجبانا شيلوها

مش كلهم مابيشتغلوش
فيه بتوع البليلة وبائعي الأعلام وطلبة الجامعة وخدين أجازة و......الناس ألي فاضية طبعا

الجيش قال ان في ناس كانت بتبيع مخدرات و انا مصدق لان في اتنين زمايلي في الشغل شافوا الكلام ده
و في كمان ناس كان معاها سنج و مطاوي و الكلام ده ماكانش موجود ايام الاعتصام قبل التنحي لكن ظهر مع تحول الميدان لمولد كل يوم جمعة

[wesam_salom]

YouTube - ‫ط¬ظ…ط¹ط© ط§ظ„طھط·ظ‡ظٹط±.. ط¢ط±ط§ط، ط§ظ„ط´ط¹ط¨ ط§ظ„ظ…طµط±ظٹ7..ط§ظ„ط®ط¨ط§ط² ط§ظ„ظپطµظٹط‬‎

[otefa]

طب اتفرجوا على الفيديو ده كده
[youtube]http://www.youtube.com/watch?v=N8VDeyr7aVs[/youtube]

ثورجي منفعل للأيحاء بأنه على حق ومنطقه ضعييييييييف جدا أستشهد بأوكرانيا(ما أستشهدش بتونس ليه واللوصة ألي لايصنها-ليبيا-العراق) ياريت تبحث كده في تجربة أكرانيا وشوف سلبياتها وأيجابياتها وظروفها بصفة عامة وهل تنفع معنا ولا الأفضل مانسير عليه.
وبعدين شفيق أنجز المطار في عصر الفساد يعني مطارنا ولا مؤاخذة كان معفن
شوف المطار بقه عامل أزاي من أجمل المطارات في الشرق الأوسط أن ماكانش أميزهم فعلا

و منطققك برضه ضعييييييييييييييف

ليبيا شعب قبلي مسلح
العراق شعب طائفي مسلح

أوكرانيا بلد يعاني من إعتماده الكامل الشامل على الغاز الروسي اللي ميقدروش يعيشوا من غيره في الشتا
و ميلهم نحو الغرب و الديموقراطية دايما بيقف بالموالين لروسيا ( وضع معقد مش موجود في مصر )

مصر شعب متجانس مع بعض المشاكل الإقتصادية و الإجتمعاية و غير مسلح ( متقليش الاسلحه إتسرقت في الإقسام )
يبقى نبطلع بقى نقول شوف فوضى ليبيا و العراق و تجربة أوكرانيا لإن دي كلمة حق يراد بيها باطل كبير أوي

الدكتور شفيق سقط سقطه كبيره أوي و عمل حركه unprofessional في الtelevision إنه إتكلم على راتب محمود سعد ... أعتقد إن رئيس الوزرا قدامه حاجات كتيره أوي غير أنه يشغل بالخ بتصفية حسابات و رد على إعلامي

من الآخر مصر فيها ناس كتيره أوي عادية و مقبوله و شم محسوبه على حد تنفع رئيس وزرا ... إيه المشكله

دا رد يحيى الجمل على المطالبة برحيل احمد شفيق

http://www.nilemotors.net/Nile/203997-a.html

ممكن تركز شويه في الفيديو ألي في المشاركة لأبو عبدالله بدل التسرع
مش أنا ألي جيبت سيرت أوكرانيا البيه ألي في الفيديو حافظله كلمتين مش أنا
راتب محمود سعد أيه ألي الكلام عليه يتشال فيها رئيس وزراء هي دي الديمقراطية في نظر الناس سبحان الله
أحنا مش بعيد عن تجربة تونس دي حاجة تتوقف على الأيام ألي جاية يالمتظاهرين يستهدو بالله يا الجيش ينفذ أوامرهم يا الجيش يتصادم معاهم وتبقى تونس أحسن مننا كمان

عارف و الله إنك مقولتش أوكرانيا

بس عمال تلمح لفوضى العراق و ليبيا و أنا رديت عليك فيها مصر ديموغرافيتها غير البلدين دولا خالص و إحنا شعب غير مسلح يعني مش هتحصل الفوضى اللي بتلمح بيها دي

و أنا مقلتش إن شفيق يتشال عشان مكالمة أنا قلت إنها سقطه

شفيق المفروض كان إنشال مع رئيسه ده المنطق سبحان الله

ساب ممدوح مرعي وزير الظلم ليه إن شاء الله

[adelseliem]

لا لو فكرنا بالعقل هنلاقي موقفهم غامض وان المشكلة اللي احنا فيها كلها الجزء الكبير فيها يرجع الى الشرطة ولاكن كلنا بنقول اعذار مش منطقية
المحترم في الشرطة عمره ما هيحتك بحد بالعكس هيحاول يستخدم حكمتة فى انهاء اى موقف
لاكن متقوليش ظابط نازل يبلطج بنفس الفكر القديم وشايف انو فوق الناس وبيحتك بيهم ومعاه طبنجة وهو فى اجازة مرضى زي الوزير ما قال ونرجع نقول الناس متحفزة

ببساطه لو لقيت واحد بيجرى عليك وبيقولك ضابط شرطه ماسك واحد وبيضرب فيه , ولاد التييييت رجعوا أوسخ من الأول ... هتعمل أيه

نص الشارع هيروح يضرب ضابط الشرطه مع أن فيه أحتمالين
1- ضابط الشرطه بلطجى والناس أدبته
2- اللى كان ضابط الشرطه ماسكه بلطجى بيوقف الناس بمطوه واللى لم الناس عيه يبقى زميله

بس برضه الناس هتضرب ضابط الشرطه

كل سواقين الميكروباص وكل سواقين النقل ومعظم سواقين التاكسى مش عايزين وجود للشرطه علشان يحمل ويقبض ومش مهم الدنيا تولع لأن دى ثقافته وعلشان كده بيهيج الشعب

مش مصدقنى شوف الموضوع اللى أتكتب عن معاملة الجيش للمواطنين فى بور سعيد ورغم أن معظم الأعضاء قالوا دول بلطجيه مش مواطنين لكن ناس أعترضت

أحنا شعب بنجرى ورا أى حد بيصرخ من غير ما نعرف السبب
فى فيلم الأفوكاتو عادل أما لما جرى قال فى فراخ فى الجمعيه وكل الناس جريت وراه
ولقاهم واقفين طابور طويل وراه عند كشك سجاير
محدش فكر هو بيجرى ليه ولما وقفوا محدش فكر هو واقف فين

طيب خد الموقف ده عندك وقولي يتصرف ازاي
بلطجية من 100 عقبة راحوا شارع وبيسرقوا ومعاهم طبنجات وبيهددوا بيها
ظابط مرور قريب جدا من المكان شاف اللى بيحصل اتحرك ناحيتهم ضربوا عليه بالنار
لو انضرب بالنار الناس هتقول كان بيبلطج ويستاهل
ولو قتل واحد منهم هيقولوا عليه قتل واحد برئ زي ما حصل في العمرانية نفس الموقف
ولو تركهم وبعد عن المكان يبقي الشرطة مش بتشتغل وبتهرب
حلها يا بطل ؟

+1111

[Ahmed Nasr]

بصراحة انا سمعت عن الراجل النهاردة بس كلام كتير ورأيى انه يرحل افضل للجميع