انا اسف ياجماعه (شفيق فعلا لازم يرحل)

[dr-mohamed]

المطالب واضحة يا سيدي الفاضل وهي حكومة تكنوقراط

وحكومة التكنوقراط هي حكومة تتألف من وزراء مختصين في مجال عمل وزاراتهم وعلى درجة علمية عالية دكتوراه فما فوق وليس وزراء سياسين وذلك لتسير الأعمال خلال الفتره الأنتقالية التي تمر بها البلاد

ازيك يا خالد باشا
حضرتك بتقول المطالب حكومة تقنوقراط
متاكد ان هي دي المطالب ولا فيه غيرها
ناس كتير عاملة لسنة طلبات كانها منيو مطعم

[أبو عبدالله]

اكيد هايحصل ايه يا ابو عبد الله
المظاهرات هاتستمر لاسباب جديدة ؟؟؟؟؟؟؟؟؟
لو اه يبقي اسف مليون مرة وانا ضد التظاهر لاي سبب تاني
ابو عبد الله انزل البلد شوية وشوف الناس انزل التحرير وشوف المتظاهرين وانا قابل وصفك اسئل الناس العادية يفرق معاهم شفيق من حسين من احمد اسئل الناس اللى قعدت من شغلها اسئل نفسك وزجتك انتم حاسين بامان دلوقت ؟ ومتقوليش الشرطة بس المسئولة الشرطة والناس والبلطجية الكل مسئول ؟ يا تري نزلت ولادك المدرسة ؟ يا تري حاسس بامان عليهم ؟
ومطالب ايه اللى واضحة من زمان اللى شايفه ان كل شوية مطلب جديد كان غير موجود قبل كدة ودلوقت مطالب زي بتاعة 6 ابريل دي لا يمكن حد يوافقهم عليها وانا لو من المجلس العسكري اقولهم متشكرين اتكلوا على الله ومفيشاي حاجة من مطالبكم هاتتنفذ لما تبقوا رجالة وتتحملوا مسئولية بلدكم وتعرفوا انتم بتطلبوا ايه هابقي اقعد معاكم تاني
وبعدين عايزين الكونيتغير ليه في لحظة يا ابو عبد الله ؟
ربنا خلق الكون في6 ايام
وانت في توقيعك بتقول الناس متاثرة بحكم 30 سنة هايقوموا من النوم يبقوا في قمة النشاط ؟
واللى اتنيل في 30 سنة ازاي يتصلح في ايام ؟
وكل التعديلات المطلوبة واللى ممكن تتنفذ بتحصل الحساب مع المسئولين السابقين على الفساد ماشي وباقصي سرعة ومبارك اتمنع من السفر هو واولاده وصدر قرار بتجميد ارصدتهم واللجنة الدستورية خلصت التعديلات والاستفتاء عليها المفروض بعد اسبوع وبعدها بشهرين بالكتير الانتخابات
تحصل الانتخابات والل ىيكسبويعبر عن راي الاغلبية يدير البلد ويبقي ينفذ ما يراه فيصالح البلد ونحاسبه في الانتخابات اللى بعدها
لكن بالطريقة الموجودة دلوقت كل حزب هايخسر لاانتخابات انصاره هينزلوا التحرير ومش هانخلص

يا دكتور محمد في كلام عدة نقاط :
1- مسألة الأمان وعدمه فده بصراحه والله وبكل صدق معنديش اي مشلكة فيه ولو عندي مشكلة فبرضه ده لا يمنعني اني اطلب بحقوق واضحه وصريحة
وده دليل برضه ان مسألة عدم الامان دي زايده عن الوضع الطبيعي للبلد لأن انا شايف ان البلد ماشيه كويسه ومفيش اي مشكلة في مسألة الأمان على الأقل في مدينتي
2- حضرتك واضح انك مش واخد بالك ان المطالب واحده من اول يوم لحد الآن وتقريبا انك بتفسرها تفسير تاني زي ما فسرت كلامي لما قولت نظام الداخلية بانه معناه الأشخاص اللي بالداخلية
يا دكتور محمد اسقاط النظام يعني رئيس وحكومة ومحافظين وامن دولة ومجالس محلية وحزب وطني ةده كله يدخل في كلمة النظام
فالنظام كان هو الحزب الوطني والحزب الوطني هو كان مجلس الشعب والشورى والمجالس المحلية وامن الدول شغاله لخدمتهم ومحافظين معينين لخدمتهم وهكذا
ده النظام
هو مفهوم كلمة نظام ده ليه معاني اخرى ؟؟؟

[heshamzaky]

........... منقول ......... من المصرى اليوم
أكد المجلس الأعلى للقوات المسلحة أنه سيتم الاستفتاء على تعديل الدستور أوائل أبريل المقبل، فيما تقام الانتخابات البرلمانية في يونيو والرئاسية في أغسطس، ونفى المجلس ما تردد عن إبلاغه شباب ائتلاف ثورة 25 يناير إقالة حكومة شفيق خلال ساعات.

واجتمع المجلس الأعلى للقوات المسلحة، الاثنين، مع عدد من شباب ائتلاف ثورة 25 يناير، وبحث المجلس مع الشباب الجدول الزمني لإجراء استفتاء تعديل الدستور والانتخابات البرلمانية والرئاسية خلال الفترة المقبلة.

واستعرض المجلس مع الشباب الأوضاع التي تمر بها مصر الآن، وأكد أنه سيتم الدعوة إلى استفتاء شعبي على المواد التي تقدمت بها لجنة تعديل الدستور في أول أبريل المقبل وأن الانتخابات البرلمانية سيتم إجراؤها خلال شهر يونيو المقبل، وأنه من المقرر إجراء الانتخابات الرئاسية خلال شهر أغسطس المقبل.

وناقش المجلس مع الشباب النتائج التي توصلت إليها لجنة التعديلات الدستورية، والتعديلات التي أجريت على مواد الدستور والإجراءات المحددة لاختيار رئيس الجمهورية وشروط اختياره وإلغاء قانون الإرهاب والتغييرات التي ألحقت بمواد الدستور الأخرى.

وأكد المجلس أن موقف القوات المسلحة منذ بداية الثورة، واضح، وهو الانحياز إلى مساندة تحقيق مطالب الثورة والحفاظ عليها، مشدداً على أنه لم ولن يتعامل بعنف مع أبناء هذا الشعب العظيم، وأن القوات المسلحة تقوم بحمايتهم وحماية هذا الوطن وتوفير الأمن والأمان الذي يتيح التعبير عن مطالب الشعب المشروعة.

وشدد المجلس على أن القوات المسلحة ستظل هي الحامية والضامنة لأهداف هذه الثورة العظيمة.

ونفى المجلس في وقت لاحق أن يكون قد تطرق خلال حواره مع ائتلاف ثورة 25 يناير، إلى إقالة حكومة الفريق أحمد شفيق، خلال الفترة الحالية كما أشيع على شبكات التواصل الاجتماعي وتناقلته بعض المواقع

[otefa]

أخبار حلوة

[hobiko]

يا دكتور محمد في كلام عدة نقاط :
1- مسألة الأمان وعدمه فده بصراحه والله وبكل صدق معنديش اي مشلكة فيه ولو عندي مشكلة فبرضه ده لا يمنعني اني اطلب بحقوق واضحه وصريحة
وده دليل برضه ان مسألة عدم الامان دي زايده عن الوضع الطبيعي للبلد لأن انا شايف ان البلد ماشيه كويسه ومفيش اي مشكلة في مسألة الأمان على الأقل في مدينتي
2- حضرتك واضح انك مش واخد بالك ان المطالب واحده من اول يوم لحد الآن وتقريبا انك بتفسرها تفسير تاني زي ما فسرت كلامي لما قولت نظام الداخلية بانه معناه الأشخاص اللي بالداخلية
يا دكتور محمد اسقاط النظام يعني رئيس وحكومة ومحافظين وامن دولة ومجالس محلية وحزب وطني ةده كله يدخل في كلمة النظام
فالنظام كان هو الحزب الوطني والحزب الوطني هو كان مجلس الشعب والشورى والمجالس المحلية وامن الدول شغاله لخدمتهم ومحافظين معينين لخدمتهم وهكذا
ده النظام
هو مفهوم كلمة نظام ده ليه معاني اخرى ؟؟؟

كلام مظبوط

تغيير رئيس فاسد مترهل ..... حل مجلس شعب مزور ...... اقالة حكومة فاشلة و فاسدة ..... حل مجالس محلية الفساد فيه للركب ..... محافظين متسلطين و ضيقى الأفق ...... و اعادة هيكلة جهاز امن الدولة ..... و اقالة اعلام منافق متخلف

انا مش فاهم ايه اللى فى ده ممكن يأدى لفوضى

الناس دى فاشلة فشل السنين

وجودهم زى قلته

للأسف النظام فى مصر عامل زى السرطان مستشرى فى كل حتة ..... لو اصتئصلت جزء من الورم و سبت جزء حيرجع الورم يكبر و يزيد تانى

[heshamzaky]

........... منقول .......... من جريدة الدستور

أكد أعضاء المجلس الأعلى للقوات المسلحة الذين اجتمعوا مع ائتلاف شباب الثورة و ممثلي الحركات والأحزاب الشبابية أمس، أنهم سينقلون كافة مطالبهم إلى باقي أفراد المجلس لبحثها ودراسة مدى إمكانية تحقيقها، وعلى رأسها مطلب تغيير أحمد شفيق رئيس الوزراء الحالي وباقي الوزراء المتواجدين من آخر حكومة شكلت في ظلت نظام مبارك.
وكانت مجموعة من شباب حزب الجبهة والإخوان المسلمين وحملة دعم البرادعي وحركة 6 أبريل وحزب الغد (أيمن نور) وحزب الكرامة والوفد واتحاد الشباب التقدمي الممثل لحزب التجمع، قد توجهت في تمام السابعة ونصف مساء الأحد لهيئة التنظيم والإدارة لمقابلة كل من اللواء محمود حجازي رئيس هيئة التنظيم والإدارة وعضو المجلس الأعلى للقوات المسلحة واللواء سامي دياب مساعد رئيس هيئة الأركان واللواء محسن الفنجري المتحدث الرسمي باسم المجلس الأعلى للقوات المسلحة، في إطار الحوارات التي يجريها المجلس للتعرف على مطالب الجماهير سعيا لتحقيقها واستكمال ما بدأته ثورة 25 يناير.
وفي تصريح خاص للدستور الأصلي، أكد أحمد عيد، أحد قيادات شباب حزب الجبهة المشاركين في الاجتماع، أن الشباب ألقوا في بداية حديثهم بيانا – وصفه قيادات المجلس بالشديد اللهجة – معبرين عن رفضهم لحادث اعتداء أفراد الشرطة العسكرية على المتظاهرين بميدان التحرير مساء الجمعة، فرد عليهم أعضاء المجلس مؤكدين أن ما حدث كان تصرف فردي من قبل الضابط المتواجد بالميدان عقب اكتشافه لوجود بعض الأشخاص الذين يحملون الأسلحة، مكررين اعتذارهم الذي كانوا قد نشروه على الصفحة الخاصة بالقوات المسلحة على الفيس بوك، ومؤكدين في نفس الوقت، أن القوات المسلحة ستقوم بتحويل ثمانية من الأفراد الذين ألقي القبض عليهم في الميدان ممن كانوا يحملون الأسلحة لمحاكمة عسكرية.
وأكد عيد أن أعضاء المجلس شددوا على دور الثورة التاريخي والعظيم الذي خلقه الشباب بمجهودهم وحماسهم، مشيرين إلى أن دور القوات المسلحة لا يقل أهمية كذلك، لأنه لولا وجود قيادة حكيمة من قبل القوات المسلحة لما كانت سارت الأمور في مصر عقب اندلاع الثورة بهذا الشكل وكان من الممكن انزلاقها إلى خطر كبير، ومؤكدين أن البيان الأول لهم الذي أعلنوا فيه انعقاد المجلس الأعلى للقوات المسلحة بشكل دائم كان له تأثير كبير في ظل وجود الرئيس مبارك وحمل إشارة قوية لجميع الأطراف، وكان إعلان رسمي بتأييد القوات المسلحة لمطالب الثورة والشباب وأن الجيش لن يستخدم العنف مع المتظاهرين، وأن الجيش جيش الشعب وليس جيش الرئيس أو أعوانه، وأن نواياهم طيبة تجاه الثورة والثوار.
وأضاف عيد أن أعضاء المجلس أعلنوا أنهم بصدد إجراء الاستفتاء على التعديلات الدستورية خلال يوم 19 مارس القادم، على أن تجرى الانتخابات البرلمانية خلال ستين يوم عقب إعلان نتيجة الاستفتاء، كما أعنلوا أنهم بصدد تشكيل فرق من داخل القوات المسلحة جاري تدريبهم الآن على كيفية إعداد الانتخابات وإجرائها ومراقبتها وذلك بمعاونة أفراد الشرطة وبوجود عناصر متطوعة من الشباب والشعب، وعبر أعضاء المجلس عن عدم رفضهم لوجود منظمات حقوقية ودولية تشارك وتقوم بمراقبة الانتخابات تشارك.
وعن مطالب الشباب التي عرضوها على المجلس أمس، قال عيد: طالبنا بمد الفترة الانتقالية بعد الستة أشهر التي حددها المجلس، دون أن تكون فترة المد تحت قيادة القوات المسلحة، وإنما بقيادة مجلس رئاسي يتيح فرصة للأحزاب أن تزيد من قواعدها الشعبية وتتمكن من النزول للشارع بحرية وتنظيم المؤتمرات، حتى تستطيع خوض انتخابات حقيقية، إلا أن أعضاء المجلس أبدوا تحفظا كبيرا على هذه النقطة، وإن لم ينفوا أنها محل دراسة وبحث.
وقال عيد: وطالب الشباب أيضا بحل جهاز أمن الدولة، فكان رد المجلس أنه لن يتم حل الجهاز ككل أو إلغاءه، وإنما سيعاد هيكلته وتحديد اختصاصاته، بما يجعل دوره شبه معدوم، خاصة في ظل إنهاء حالة الطوارئ التي لن ستقضي على أغلب سلطات الجهاز.
وأضاف عيد، أن أعضاء المجلس طالبوا شباب الثورة بالصبر على حكومة شفيق الحالية، معللين ذلك ببقاء شهرين فقط على خروج شفيق من الوزارة، مؤكدين أن حكومته لن تكون موجودة أثناء إجراء الانتخابات البرلمانية، وأن ميدان التحرير موجود كضمانة في حالة عدم تنفيذ هذا المطلب.
أما عن مطلب الإفراج عن المعتقلين، فقال عيد أعضاء المجلس أخبروهم أن القوات المسلحة طلبت من الداخلية إخطارها بأسماء جميع المعتقلين السياسيين ومعتقلي الرأي، وبحث حالاتهم، وأن الداخلية قدمت له كشوف تتضمن أسماء المعتقلين مقسمة إلى ثلاث فئات (أ، وب، وج) حسب ظرف كل معتقل، مشيرين إلى أن القوات المسلحة ستبادر بالإفراج عن من لا يشكلون أي خطر على الأمن العام، ومن سيبقى داخل المعتقلون عليه اللجوء للقضاء للفصل في حالته، أما بالنسبة لقضية خيرت الشاطر، فقد أكد أعضاء المجلس أن ذويه يمكنهم تقديم التماس للنائب العام للإفراج عنه بسبب وضعه الصحة المتدهور، إلا أن المجلس لا يمكنه الإفراج عنه بغير ذلك لأن الشاطر صادر ضده حكم قضاء عسكري

وعن رأي الشباب الرافض لاستمرار حالة الطوارئ وفرض حالة حظر التجوال، أكد أعضاء المجلس أن حالة الطوارئ سيتم إلغائها فور الانتهاء من الاستفتاء على التعديلات الدستورية، أما فرض حظر التجوال، فإن ذلك مرتبط بالوضع الأمن، مؤكدين أن المجلس تصله يوميا استغاثات وشكاوى عن أعمال بلطجة وحالات انفلات أمني في بعض المناطق في بعض الأوقات، مما يستدعي استمرار حالة حظر التجوال لفترة إضافية.
واختتم عيد كلامه، مؤكدا أن أعضاء أبدوا إحاطة كاملة ومعرفة تامة بكل ما يجري في مصر ومتابعة ممتازة لكل ما يقال ويثار بشأن الأوضاع الراهنة، حتى أنهم كانوا يعرفون شباب الائتلاف بالاسم ويعرفون ما قالوه في البرامج التلفزيونية أو على المواقع الإخبارية.

[dr-mohamed]

يا دكتور محمد في كلام عدة نقاط :
1- مسألة الأمان وعدمه فده بصراحه والله وبكل صدق معنديش اي مشلكة فيه ولو عندي مشكلة فبرضه ده لا يمنعني اني اطلب بحقوق واضحه وصريحة
وده دليل برضه ان مسألة عدم الامان دي زايده عن الوضع الطبيعي للبلد لأن انا شايف ان البلد ماشيه كويسه ومفيش اي مشكلة في مسألة الأمان على الأقل في مدينتي
الحمد لله ان المنصورة امان يا ابو عبد الله بس احب اقولك ان الامان يفرق جدا معانا واحنا عندنا مشكلة جامدة جدا فيها اذا كنت حضرتك في بلد محدودة والناس عارفة بعضها زي عندنا في البلد وبالتالي الخطر قليل جدا وميفرقش موضوع الامان تماما لدرجة اننا بنترك باب البيت وابواب الشقق مفتوحة سواء الاول او دلوقت فالوضع مختلف تماما في القاهرة والجيزة واسكندرية والامان اول مطلب حاليا واعمل استطلاع وشوف الاهم دلوقت تحقيق الامان ولا ان شفيق يمشي
2- حضرتك واضح انك مش واخد بالك ان المطالب واحده من اول يوم لحد الآن وتقريبا انك بتفسرها تفسير تاني زي ما فسرت كلامي لما قولت نظام الداخلية بانه معناه الأشخاص اللي بالداخلية
انا اللى سمعته بوداني اول يوم كان عيشحرية عدالة اجتماعية واللى اعرفه بردو ان المنصورة مكانش فيها مظاهرات من اول يوم ومفيش حد طالب من اول يوم باللي حضرتك بتقوله
يا دكتور محمد اسقاط النظام يعني رئيس وحكومة ومحافظين وامن دولة ومجالس محلية وحزب وطني ةده كله يدخل في كلمة النظام
فالنظام كان هو الحزب الوطني والحزب الوطني هو كان مجلس الشعب والشورى والمجالس المحلية وامن الدول شغاله لخدمتهم ومحافظين معينين لخدمتهم وهكذا
ده النظام
هو مفهوم كلمة نظام ده ليه معاني اخرى ؟؟؟

الرئيس سقط والحكومة اتحلت والحكومة الحالية هي اللى عينها المجلس العسكري والمحافظين يبتم تغيير الفاسدين فيهم والحزب الوطني كانه غير موجود بعد ما كل قياداته اتحولت للمحاكمات او تم تحديد اقامتهم وقريبا سيتم نزع مقاره واعادتها للدوة والمجلسين اتحلوا وامن الدولة المجلس قال انه بيدرس كيفية تعديل نظامه واي ظابط شرطة بيتقدم ضده اي دليل ولو فيديو موبايل بيتحاسب سواء بالوفق زي بتاع دمنهور او التحقيق الجنائي زي بتوع اسكندرية
لكن يا ابو عبد الله اسقاط النظام دلوقت وصلت لاي مدير شركة يتشال اي ناظر مدرسة يتشال واقرا الجرائد وانت تعرف ولو المسئول طلب مهلة لدراسة المطالب لتنفيذها يتقتل زي ما حصل في كفر الدوار

[quote=heshamzaky;3873317789 ونفى المجلس ما تردد عن إبلاغه شباب ائتلاف ثورة 25 يناير إقالة حكومة شفيق خلال ساعات.
واجتمع المجلس الأعلى للقوات المسلحة، الاثنين، مع عدد من شباب ائتلاف ثورة 25 يناير،ونفى المجلس في وقت لاحق أن يكون قد تطرق خلال حواره مع ائتلاف ثورة 25 يناير، إلى إقالة حكومة الفريق أحمد شفيق، خلال الفترة الحالية كما أشيع على شبكات التواصل الاجتماعي وتناقلته بعض المواقع[/quote]
هما قالوا انهم اتفقوا مع المجلس على عزل شفيق والمجلس بينفي
واحد من الاتنين كداب والمجلس لم يكذب من قبل
من الكاذب ؟؟؟؟؟؟؟؟؟؟؟؟

[Ahmed Anwer]

[تامر.محمد]

مصر: عودة تصدير الغاز لإسرائيل فى مارس




بإشراف وزير البترول الجديد الذى هو أصلاً عضو فى مجلس أدار الشركة التى تصدر لإسرائيل

مسؤول في الحكومة الإسرائيلية: الغاز المصري يوفر لإسرائيل ما يزيد على عشرة مليارات دولار سنويا بسبب أسعار الغاز المتدنية .. يعني هما يبيعوا الغاز المصري وثروات البلد لإسرائيل بأبخس الأسعار وبعدين المفروض نصدق إن شباب الثورة عملاء إسرائيل وأمريكا! ..... صفحة كلنا خالد سعيد

[hobiko]

مصر: عودة تصدير الغاز لإسرائيل فى مارس




بإشراف وزير البترول الجديد الذى هو أصلاً عضو فى مجلس أدار الشركة التى تصدر لإسرائيل

مسؤول في الحكومة الإسرائيلية: الغاز المصري يوفر لإسرائيل ما يزيد على عشرة مليارات دولار سنويا بسبب أسعار الغاز المتدنية .. يعني هما يبيعوا الغاز المصري وثروات البلد لإسرائيل بأبخس الأسعار وبعدين المفروض نصدق إن شباب الثورة عملاء إسرائيل وأمريكا! ..... صفحة كلنا خالد سعيد

لأ ده بجد استفزاز فعلا

انا حاسس انهم بيزوقونا زق عشان ننزل مظاهرات تانى

تمام ......

[wael17]

ببساطه لو لقيت واحد بيجرى عليك وبيقولك ضابط شرطه ماسك واحد وبيضرب فيه , ولاد التييييت رجعوا أوسخ من الأول ... هتعمل أيه

نص الشارع هيروح يضرب ضابط الشرطه مع أن فيه أحتمالين
1- ضابط الشرطه بلطجى والناس أدبته
2- اللى كان ضابط الشرطه ماسكه بلطجى بيوقف الناس بمطوه واللى لم الناس عيه يبقى زميله

بس برضه الناس هتضرب ضابط الشرطه

كل سواقين الميكروباص وكل سواقين النقل ومعظم سواقين التاكسى مش عايزين وجود للشرطه علشان يحمل ويقبض ومش مهم الدنيا تولع لأن دى ثقافته وعلشان كده بيهيج الشعب

بالظبط هو ده الوضع الحالي ناس كتير مستنية تشوف بس حد بيقول "الحقوني الظابط ده ضربني" و عينك ما تشوف الا النور....و بعد كده يقولولك الظباط مش عايزين ينزلوا و هم السبب في انعدام الامن...يعني ينزل تضربوه...ما ينزلش يبقي جبان و مش عايز يعمل شغله! طب ايه الحل؟؟؟؟؟؟؟

بس ببساطة الف باء اى تفكير منطقى بيقول لو قالوا على واحد حرامى لازم يجيبوا اثبات مش كلام وخلاص...لكن مش عارف دلوقتى اى حد بيقول اى حاجة يبقى طبيعى نصدقه ولو قلنا طيب اثبتولنا يبقى انت ابن خالة شفيق واكيد بتتربح منه

لا مفيش داعي للاثبات...حضرتك قول بس الحقوا ده فلان عنده مش عارف كم مليار و هتلاقي الكل بيصدق و بيحسب نصيبه في المليارات دي قد ايه ...تقولهم اثبتوا يقولولك لا هو الي يثبت انه معندوش....مع ان المفروض البينة علي من ادعي .....بس تقول ايه بقي

المتهم بريء الى أن تثبت أدانته أي أشاعات ولا ليها أي قيمة

متهم ايه اللي برئ...الكلام ده كان زمان يا دون أوتيفا....دلوقتي اللي الثورة و الثوار يشاوروا بس عليه يبقي لازم يتحاسب و فورا...هو احنا لسه هندور علي دلائل و مستندات و نمشيها بالقانون...اللي الثوار يقولوا عليه فاسد لازم يتحاسب و يتسجن النهاردة مش بكرة...و بعدين قانون ايه؟؟؟؟ اذا كان النائب العام نفسه في كلام عليه و انه تبع النظام و مراته طلعت اخت حد مش فاكر من...يعني مفيش مصداقية لأي حد و الدنيا بقت هيصة و اللي عايز اي حاجة يطلع علي ميدان التحرير

اخر اشاعة اطلقها الوفد ان وزير لاداخلية الجديد محمود وجدي قام بزيارة العادلي في سجنه
طبعا خبر مستفز جدا ويقلبايحد علي وجدي
وزارة الداخلية اصدرت بيان كدبت فيه الوفد وقالت ان وجدي لم يقم بزيارة اي سجن والخبر بتاع الوفد كاذب ويتاكدوا من اخبارهم بعد كدة

منتظر واحد يدخل يقول الحقوا بيدافع عن محمود وجدي

طبعا يا دكتور محمد واضح جدا انك بتدافع عنه؟ هو قريب ليك من الدرجة الأولي او التانية او التالتة؟
اللي يضحك اكتر في الخبر انهم قاله ان محمود وجدي أدي التحية العسكرية للعادلي....الخبر تحس انه مكتوب بهدف الاثارة و التهييج...ممكن تلاقي خبر تاني بيقول انهم سمعوا محمود وجدي بيقول للعادلي في ودنه " الخطة ماشية تمام يا باشا"...الجرائد دي عارفة الناس عايزة تسمع و تصدق ايه و بتوجهم بمنتهي الخبث

أنا نفسي أول أصلاح يتعمل هو تطبيق القانون على أي وسيلة أعلام يصدر عنها خبر غير موثق يجبوهم ويعلقوهم من قفاهم هههههههههه ديكتاتوري
حقيقي تتقفل الجريدة دي وخصوصا في أيام الطواريء ألي عايشنها
بلاش أثارة بلبلة وفتن

بجد ده اللي فعلا نفسي اشوفه في بلدنا و مستعد اعمل مظاهرات و اعتصامات لحد ما يتحقق...البلد الوحيد الي اي جريدة او فضائية ممكن تقول اي حاجة و لما تطلع غلط...هسسسسسسسسسس و لا كأن حاجة اتقالت

للأسف النظام فى مصر عامل زى السرطان مستشرى فى كل حتة ..... لو اصتئصلت جزء من الورم و سبت جزء حيرجع الورم يكبر و يزيد تانى

كويس قوي المثل ده عشان دي شغلتي
لما بيبقي في عيان عنده سرطان احسن علاج ليه انه يعمل عملية و بسرعة...بس ساعات لما العيان يتفتح يطلع ان السرطان منتشر بدرجة كبيرة و ماسك في شرايين و اعضاء حيوية لو اتجرحت العيان هيموت...في نوعيين من الجراحيين...نوع مندفع و بيعتبر انه لو ما ماعرفش يشيل السرطان كله يبقي عيب في حقه و بتبقي نوع من العند و غالبا العيان بيموت في العملية و في نوع تاني من الجراحيين بيشيل علي قد ما يقدر من غير ما يعرض حياة المريض للخطر و يسيبه ياخد علاج كيماوي و ده بيجيب نتيجة كويسة بس بياخد شهور....يا رب المعني يكون وصل

كفاية كدة عايزين نشوف شغلنا شوية ونعرف نفكر في اللي جاي

يا دكتور محمد في ناس بتزعل من الكلام ده...شغل ايه بس...يتحرق الشغل علي المدارس علي الاقتصاد علي مصالح الناس...هو احنا بنعمل ثورة كل يوم

ومرة تانية يا ابو عبد الله لو شفيق مشي هانخلص ولا بردو هاتبقي فيه سلسلة مطالب واعتصامات ومظاهرات لغاية ما تتنفذ وكل ما يتنفذ منها طلب يضاف طلبات جديدة ؟
لو حصل يبقي فعلا الناس اللي هاتعمل كدة عايزة تخرب البلد

لو الناس مرجعتش بعد استقالته يبقى ساعتها حتبقى ايه المبررات الجديدة والمطالب الجديدة؟

انتو بتهزروا؟؟؟؟؟؟؟؟؟؟؟ انتوا فاكرين ان لو شفيق مشي المظاهرات و الاعتصامات هاتقف؟؟؟؟
طب شوف الخبر ده من ميدان التحرير

http://www.masrawy.com/News/Egypt/Politics/2011/february/28/protesters_new.aspx

لم يمض أكثر من اسبوعين على فض الاعتصام الكبير بميدان التحرير، حتى عاود المتظاهرون اعتصامهم مرة ثانية، في ليل الاحد، مطالبين بقائمة جديدة من فصيلة " الشعب يريد ....".
وعرض المعتصمون قائمة مطالب تتصدرها: محاكمة الرئيس السابق مبارك وأسرته، تشكيل لجنة تأسيسية لإعداد دستور جديد للبلاد طبقًا لجدول زمني غايته من 3 إلى 5 شهور، حل الحزب الوطني حلا نهائيا وعودة ممتلكاته ومؤسساته للدولة، عدم ممارسة أي عضو من الحزب الوطني ثبت فساده، للعمل السياسي لمدة 5 سنوات، حل المجالس الشعبية المحلية، محاكمة مدنية عاجلة لكل الفاسدين، وتحويل تحصيل إيرادات قناة السويس بالجنيه المصري بدلا من الدولار، وإقالة عمداء الكليات ورؤساء الجامعات، وكذلك حل الاتحادات الطلابية، وحل مجالس إدارات مراكز الشباب على مستوى الجمهورية وإجراء انتخابات جديدة بها.
كما جاء بقائمة المطالب: إقالة باقي رموز النظام والحكومة السابقة ورئيس الوزراء أحمد شفيق، وممدوح مرعي، وزير العدل، واحمد ابو الغيط، وزير الخارجية، وتطهير المحافظات والمحليات من فلول الحزب الوطني، واسترداد أموال الشعب والأراضي والعقارات التي تم الاستيلاء عليها من خلال رموز الفساد السابق والالغاء الفعلي لجهاز مباحث أمن الدولة.
وقام المتظاهرون بافتراش الجزيرة الوسطى للميدان، ونصبوا الخيام للمبيت بها، ورفعوا اللافتات التي تعبر عن المطالب الجديدة، وكذلك منها ما يحمل عبارات منذ اعتصام الثورة.

[medo_2060]

لقاء شفيق قبل الثوره.. ولا تعليق

YouTube - ‫ط±ط¦ظٹط³ ط§ظ„ظˆط²ط±ط§ط، ط§طظ…ط¯ ط´ظپظٹظ‚ ظپظٹ ط¨ط±ظ†ط§ظ…ط¬ ظ„ظ‚ط§ط، ظ‚ظ†ط§ط© ط§ظ„ط¨ظٹ ط¨ظٹ ط³ظٹ mpeg4‬‎

[A.Saad]

وهو شفيق هدف في حد ذاته بكرة نشوف أي حد هايمسك تاني هايتعمل معاه أيه
لسه بدري قوي على ماالوعي السياسي يوصل لدرجة مقبولة علشان الناس تعرف يعني أيه أحترام أراء الأغلبية
ممكن تشوف أستطلاع كان معمول على مصراوي(كامؤشر غير رسمي) حول بقاء أو رحيل شفيق
لغاية بالليل كان 83000 مشارك.......55% مؤيد لبقاءه
وربنا يقدم ألي فيه الخير

وعلى ما يعرفوا
نكون متنا

[cheetos_892005]

وعلى ما يعرفوا
نكون متنا

محنا كنا ميتين 200 مره ......

لما يكون في بصيص امل دلوقتي يبقي انجاز .....

[misoalex]

محنا كنا ميتين 200 مره ......

لما يكون في بصيص امل دلوقتي يبقي انجاز .....