انا اسف ياجماعه (شفيق فعلا لازم يرحل)

[ahmed4000]

مش عارف ليه المؤيدين لصحة المعلومات اللى اتقالت على فساد احمد شفيق ماردوش على المشاركة دى !!!!!!!!!!!!

مش عارف والله يا شاركى المجتمع بيمر بمرحلة غريبة من عدم الاتزان ومندفع بشهوة انتقام غريبة تتطول الجميع
الله اعلم الراجل ده فاسد ولا صالح...بس ببساطة الف باء اى تفكير منطقى بيقول لو قالوا على واحد حرامى لازم يجيبوا اثبات مش كلام وخلاص...لكن مش عارف دلوقتى اى حد بيقول اى حاجة يبقى طبيعى نصدقه ولو قلنا طيب اثبتولنا يبقى انت ابن خالة شفيق واكيد بتتربح منه

انت لو عايز الحق والعدالة يبقى حتى العادلى ولا عز ولا جرانة متقدرش تتكلم عليهم وتصدق الاتهامات الا لما يحكم بها قاضى...(انا متاكد مليون فى المية ان الناس دى مذنبة) لكن مدام معنديش دليل يبقى المفروض متكلمش ...وياريت بس قبل محد يهاجم وخلاص يشوف ايه راى الدين فى انك تقعد ترمى اتهامات لاى شخص بدون ادلة

[otefa]

المتهم بريء الى أن تثبت أدانته أي أشاعات ولا ليها أي قيمة

[dr-mohamed]

اخر اشاعة اطلقها الوفد ان وزير لاداخلية الجديد محمود وجدي قام بزيارة العادلي في سجنه
طبعا خبر مستفز جدا ويقلبايحد علي وجدي
وزارة الداخلية اصدرت بيان كدبت فيه الوفد وقالت ان وجدي لم يقم بزيارة اي سجن والخبر بتاع الوفد كاذب ويتاكدوا من اخبارهم بعد كدة

منتظر واحد يدخل يقول الحقوا بيدافع عن محمود وجدي

[otefa]

أنا نفسي أول أصلاح يتعمل هو تطبيق القانون على أي وسيلة أعلام يصدر عنها خبر غير موثق يجبوهم ويعلقوهم من قفاهم هههههههههه ديكتاتوري
حقيقي تتقفل الجريدة دي وخصوصا في أيام الطواريء ألي عايشنها
بلاش أثارة بلبلة وفتن

[M.Mostafa80]

كنت من مؤيدى استمرار احمد شفيق
لكن بعض التصريحات والتصرفات والأحداث
خلتنى اتراجع عن رأى واطالب بأقالته وليس مانشرعن جريده الوفد فى الموضوع علاقه بتراجعى عن رأى ولكن تراجعى جاء من حكمى الشخصى على بعض الأمور ورؤيتى الخاصه لبعض الأحداث وذكرتها فى احدى الموضوعات
شامم ريحه طبخه بتتسبك فى المطبخ
واعلن انى لست من مؤيدى نظريه المؤامره ولا من النافيين لوجود المؤامرات
الخلاصه رأى الشخصى اقاله شفيق من الحكومه الحاليه ومن عليهم علامات استفهام حتى يهداء الشارع ويصبح ليس له الحجه فى المظاهرات والأعتصامات
اعلم تماما ان هناك من سوف يقوم بالرد عليا بما هو الضمان ان يتراجع الناس بعد هذه القرارات عن عمل مظاهرات واعتصامات هقولو الضامن هو الله لكن ساعتها ممكن يبقى فى كلام تانى

[otefa]

اعلم تماما ان هناك من سوف يقوم بالرد عليا بما هو الضمان ان يتراجع الناس بعد هذه القرارات عن عمل مظاهرات واعتصامات هقولو الضامن هو الله لكن ساعتها ممكن يبقى فى كلام تانى

مش ها أقول نجيب مين مكانه وكده
هاقول بدل مايتظاهرو بأقالته يطالبو بأستفتاء شعبي وألي يراه الأغلبية هو ألي يتنفذ بس بلاش أسلوب لوي دراع الشعب والجيش
زي ما حضرتك شامم ريحة طبخ من الجيش مهما كان طبخهم هايبقى طعمه أحلى من الطبيخ ألي بيسبكه أطراف كتيرة في الكواليس لها مصالح في أقالة أحمد شفيق والوقيعة بين الشعب والجيش وكمثال صغير جدا شوف الوفد والأخبار ألي تسمعها تقول خبر هايف زي خبر زيارة وجدي للعادلي دي عالم مابتضيعش وقتها يابيه
ومافيش شك الضامن هو الله بس ربنا سبحانه وتعالى أمرنا بالأجتهاد والتحليل بالمنطق والعقل
أعقلها وتوكل
.........تحياتي

[أبو عبدالله]

ريحوا نفسكم خلاص يا جماعه
شفيق هيمشي خلاص واحتمال كبير ان طنطاوي نفسه هو اللي هيمسك

بس والله انا صعبان عليا ان احنا وصلنا للحالة دي ان الناس لحد الآن عندها ثقه في عالم ملوثة من اولها لآخرها علشان كلام بنسمعه وطبعا كان كلام موجب فقط
اما السالب بيظهر بعد ما الفساد بيقع
وان غدا لناظره لقريب زي ما كان مبارك بالظبط

[otefa]

وهو شفيق هدف في حد ذاته بكرة نشوف أي حد هايمسك تاني هايتعمل معاه أيه
لسه بدري قوي على ماالوعي السياسي يوصل لدرجة مقبولة علشان الناس تعرف يعني أيه أحترام أراء الأغلبية
ممكن تشوف أستطلاع كان معمول على مصراوي(كامؤشر غير رسمي) حول بقاء أو رحيل شفيق
لغاية بالليل كان 83000 مشارك.......55% مؤيد لبقاءه
وربنا يقدم ألي فيه الخير

[dr-mohamed]

ريحوا نفسكم خلاص يا جماعه
شفيق هيمشي خلاص واحتمال كبير ان طنطاوي نفسه هو اللي هيمسك

بس والله انا صعبان عليا ان احنا وصلنا للحالة دي ان الناس لحد الآن عندها ثقه في عالم ملوثة من اولها لآخرها علشان كلام بنسمعه وطبعا كان كلام موجب فقط
اما السالب بيظهر بعد ما الفساد بيقع
وان غدا لناظره لقريب زي ما كان مبارك بالظبط

علشان البيان بتاع بتوع 6 ابريل ؟
لا تصدق كل ما تسمعه يا ابو عبد الله
لكن تصدق
والله والله والله بقيت عايز شفيق يمشي حالا قبل كمان ساعة وبعد ساعة قبل بكرة وبكرة قبل الاسبوع الجاي
عارف ليه ؟
علشان نخلص بقة
كفاية كدة عايزين نشوف شغلنا شوية ونعرف نفكر في اللي جاي
ومرة تانية يا ابو عبد الله لو شفيق مشي هانخلص ولا بردو هاتبقي فيه سلسلة مطالب واعتصامات ومظاهرات لغاية ما تتنفذ وكل ما يتنفذ منها طلب يضاف طلبات جديدة ؟
لو حصل يبقي فعلا الناس اللي هاتعمل كدة عايزة تخرب البلد

[M.Mostafa80]

مش ها أقول نجيب مين مكانه وكده
هاقول بدل مايتظاهرو بأقالته يطالبو بأستفتاء شعبي وألي يراه الأغلبية هو ألي يتنفذ بس بلاش أسلوب لوي دراع الشعب والجيش
زي ما حضرتك شامم ريحة طبخ من الجيش مهما كان طبخهم هايبقى طعمه أحلى من الطبيخ ألي بيسبكه أطراف كتيرة في الكواليس لها مصالح في أقالة أحمد شفيق والوقيعة بين الشعب والجيش وكمثال صغير جدا شوف الوفد والأخبار ألي تسمعها تقول خبر هايف زي خبر زيارة وجدي للعادلي دي عالم مابتضيعش وقتها يابيه
ومافيش شك الضامن هو الله بس ربنا سبحانه وتعالى أمرنا بالأجتهاد والتحليل بالمنطق والعقل
أعقلها وتوكل
.........تحياتي

انا اخر حته ممكن اشم ريحه الطبخه منها هى الجيش سيدى الفاضل لأنى ثقتى بالله ثم بهم كبيره
وزى ما وضحت قبل كدا انا ممن كانو ينادو بأستمرار الوزاره الخاصه بأحمد شفيق لكن بعض تصرفاته وتصريحاته البعيده تماما عن ما يذكر فى الجرائد المعارض التى اعلم جيدا انها تسعى لهدف فى نفس يعقوب هى التى جعلتنى اتراجع عن رأى السابق والمناداه بأقالته ولست من مؤيدى المناداه بالغاء جهاز امن الدوله ولكن تعديل وتقويم وظيفته
ومن المنادين بتعيين وزير للداخليه يتسم بالشفافيه والسمعه الطيبه بين الناس ومنهم أحمد رشدى وهو ليس بقريب لى ولا تربطنى به اى علاقه ولم اراه وجه لوجه مطلقا ولكن سمعته الطيبه هى التى اعلمتنى من هو احمد رشدى
اما بخصوص وزير العدل فلقد تقدم به بلاغات الى النائب العام واثق فى قرار النيابه العامه سواء بتاييد الأتهام او تبرئه ساحته

[otefa]

ماهو يابيه أحمد شفيق من أتى به هو المجلس الأعلى للقوات المسلحة لثقتهم به
الجرائد المعارضة حط تحته 1000 خط!!

[ahmed4000]

ريحوا نفسكم خلاص يا جماعه
شفيق هيمشي خلاص واحتمال كبير ان طنطاوي نفسه هو اللي هيمسك

بس والله انا صعبان عليا ان احنا وصلنا للحالة دي ان الناس لحد الآن عندها ثقه في عالم ملوثة من اولها لآخرها علشان كلام بنسمعه وطبعا كان كلام موجب فقط
اما السالب بيظهر بعد ما الفساد بيقع
وان غدا لناظره لقريب زي ما كان مبارك بالظبط

محدش يا ابو عبد الله قال انه عنده ثقة ...ولكن اى حد حيجى مكان شفيق حيكون ملوث بشكل او باخر
هو فى اى واحد فى مصر مشتغلش مع مبارك وسكت على فساد؟ اذكرلى اسم واحد بس تضمنلى انه لو مسك الحكومة مش حيتقال عليه ده من ذيول النظام القديم

وقبل محد يتكلم سواء جويلى سواء جنزورى سواء كفراوى سواء لحمد رشدى ..عمرو موسي
كلهم كانوا من النظام القديم وموقفوش قدامه وهو اللى مشاهم مش هما اللى استقالوا...فهل لو استقال شفيق وجابوا حد تانى الناس حتهدا وترجع بيوتها؟

لو الناس مرجعتش بعد استقالته يبقى ساعتها حتبقى ايه المبررات الجديدة والمطالب الجديدة؟

[أبو عبدالله]

علشان البيان بتاع بتوع 6 ابريل ؟
لا تصدق كل ما تسمعه يا ابو عبد الله
لكن تصدق
والله والله والله بقيت عايز شفيق يمشي حالا قبل كمان ساعة وبعد ساعة قبل بكرة وبكرة قبل الاسبوع الجاي
عارف ليه ؟
علشان نخلص بقة
كفاية كدة عايزين نشوف شغلنا شوية ونعرف نفكر في اللي جاي
ومرة تانية يا ابو عبد الله لو شفيق مشي هانخلص ولا بردو هاتبقي فيه سلسلة مطالب واعتصامات ومظاهرات لغاية ما تتنفذ وكل ما يتنفذ منها طلب يضاف طلبات جديدة ؟
لو حصل يبقي فعلا الناس اللي هاتعمل كدة عايزة تخرب البلد

اكيد هيحصل كده يا دكتور محمد
لأسباب كتير اولها ان اغلب اللي موجودين من النظام القديم الفاسد
وان المشكلة بتكمن انهم بيعطوك اللي انت عاوزه نقطه نقطه
فدي مش مشكلتنا احنا ولكن مشكلة اللي بينقطك
الطلبات واضحه من زمان فمش معقولة هتلوم الشباب دلوقتي انها متنفذتشي من زمان يعني ده مش قياس بصراحه

[kh_talaat]

محدش يا ابو عبد الله قال انه عنده ثقة ...ولكن اى حد حيجى مكان شفيق حيكون ملوث بشكل او باخر
هو فى اى واحد فى مصر مشتغلش مع مبارك وسكت على فساد؟ اذكرلى اسم واحد بس تضمنلى انه لو مسك الحكومة مش حيتقال عليه ده من ذيول النظام القديم

وقبل محد يتكلم سواء جويلى سواء جنزورى سواء كفراوى سواء لحمد رشدى ..عمرو موسي
كلهم كانوا من النظام القديم وموقفوش قدامه وهو اللى مشاهم مش هما اللى استقالوا...فهل لو استقال شفيق وجابوا حد تانى الناس حتهدا وترجع بيوتها؟

لو الناس مرجعتش بعد استقالته يبقى ساعتها حتبقى ايه المبررات الجديدة والمطالب الجديدة؟

المطالب واضحة يا سيدي الفاضل وهي حكومة تكنوقراط

وحكومة التكنوقراط هي حكومة تتألف من وزراء مختصين في مجال عمل وزاراتهم وعلى درجة علمية عالية دكتوراه فما فوق وليس وزراء سياسين وذلك لتسير الأعمال خلال الفتره الأنتقالية التي تمر بها البلاد

[dr-mohamed]

اكيد هيحصل كده يا دكتور محمد
لأسباب كتير اولها ان اغلب اللي موجودين من النظام القديم الفاسد
وان المشكلة بتكمن انهم بيعطوك اللي انت عاوزه نقطه نقطه
فدي مش مشكلتنا احنا ولكن مشكلة اللي بينقطك
الطلبات واضحه من زمان فمش معقولة هتلوم الشباب دلوقتي انها متنفذتشي من زمان يعني ده مش قياس بصراحه

اكيد هايحصل ايه يا ابو عبد الله
المظاهرات هاتستمر لاسباب جديدة ؟؟؟؟؟؟؟؟؟
لو اه يبقي اسف مليون مرة وانا ضد التظاهر لاي سبب تاني
ابو عبد الله انزل البلد شوية وشوف الناس انزل التحرير وشوف المتظاهرين وانا قابل وصفك اسئل الناس العادية يفرق معاهم شفيق من حسين من احمد اسئل الناس اللى قعدت من شغلها اسئل نفسك وزجتك انتم حاسين بامان دلوقت ؟ ومتقوليش الشرطة بس المسئولة الشرطة والناس والبلطجية الكل مسئول ؟ يا تري نزلت ولادك المدرسة ؟ يا تري حاسس بامان عليهم ؟
ومطالب ايه اللى واضحة من زمان اللى شايفه ان كل شوية مطلب جديد كان غير موجود قبل كدة ودلوقت مطالب زي بتاعة 6 ابريل دي لا يمكن حد يوافقهم عليها وانا لو من المجلس العسكري اقولهم متشكرين اتكلوا على الله ومفيشاي حاجة من مطالبكم هاتتنفذ لما تبقوا رجالة وتتحملوا مسئولية بلدكم وتعرفوا انتم بتطلبوا ايه هابقي اقعد معاكم تاني
وبعدين عايزين الكونيتغير ليه في لحظة يا ابو عبد الله ؟
ربنا خلق الكون في6 ايام
وانت في توقيعك بتقول الناس متاثرة بحكم 30 سنة هايقوموا من النوم يبقوا في قمة النشاط ؟
واللى اتنيل في 30 سنة ازاي يتصلح في ايام ؟
وكل التعديلات المطلوبة واللى ممكن تتنفذ بتحصل الحساب مع المسئولين السابقين على الفساد ماشي وباقصي سرعة ومبارك اتمنع من السفر هو واولاده وصدر قرار بتجميد ارصدتهم واللجنة الدستورية خلصت التعديلات والاستفتاء عليها المفروض بعد اسبوع وبعدها بشهرين بالكتير الانتخابات
تحصل الانتخابات والل ىيكسبويعبر عن راي الاغلبية يدير البلد ويبقي ينفذ ما يراه فيصالح البلد ونحاسبه في الانتخابات اللى بعدها
لكن بالطريقة الموجودة دلوقت كل حزب هايخسر لاانتخابات انصاره هينزلوا التحرير ومش هانخلص