انا اسف ياجماعه (شفيق فعلا لازم يرحل)

[A.Saad]

مع إحترامنا رأيه الشخصي و هو يشغل منصب نائب رئيس الوزراء أحمد شفيق

على فكرة الجمل احد اقطاب المعارضة المصرية

[Sharky]

للعلم حضرتك العراق و ليبيا لم يكونوا مسلحين قبل رحيل صدام و قبل ثورة ليبيا

[factorialx]

على فكرة الجمل احد اقطاب المعارضة المصرية

أنا مش بحجر على رأي حد و بحترمه جدا

و لكن لما يكون ليك منصب ما ينفعش يكون ليك رأي ( تضارب مصالح )

[medo_2060]

احنا اتعودنا دائما في مجتمعنا هنا ان اللي عنده راي بيفضل متشبث به حتى لو اتت ادلة مخالفه له
وانا احترم راي الأخرين ولكن على الأقل اتحقق وابدأ ابحث في الأمر بدل ما احاول التف على الخبر او اقلل منه بأي طريقه

انا طبعا مش هعرف الموقع مصداقيته اد ايه غير لما دورت على الكسا عن الموقع وده كان تقييمهم للموقع
[info]
Businessinsider.com has a three-month global Alexa traffic rank of 777. Search engines refer about 13% of visits to the site. The site's visitors view 2.4 unique pages each day on average. About 57% of visitors to the site come from the US, where it has attained a traffic rank of 327. Compared with all internet users, Businessinsider.com's users are disproportionately Caucasian, and they tend to be childless, highly educated men earning over $60,000 who browse from work.[/info]

متهيألي 777 ده ترتيب مش عادي
و 327 في امريكا حاجه مش عاديه
ولا تعليق

Businessinsider.com Site Info

+11111
هو دائما كدا المعلومه تتساب ويتمسك فى المصدر سوء كان الوفد ولا مصراوى ولا حتى موقع اجنبى زى دا.. لما كنا ننقل خبر من اى موقع ولا حتى من اى شخص علطول تخونوا فيه وتشككو فيه طب ما تجيبوا دليل على كلامكم قبل ما تسئلوا الناس على دليل على كلامهم ....
دا حتى لما قولنا ان الشركه الامريكيه لا تمثل امريكا زينا محدش رد على النقطه دى الى كانت الحجه ان الموقع دا تعبان..
والجمله دى من ويكيبيديا ( الى قالوا ممكن تضيف عليه عادى .. يعنى هيطلع واحد يضيف شركات طيران ومطارات وطيرات ويطلعوا كذب ههههه ليه هو ضايف كيلو طماطم)

The Business Insider obtains, per month, approximately 6.3 million unique visitors and 70 million page views

[factorialx]

للعلم حضرتك العراق و ليبيا لم يكونوا مسلحين قبل رحيل صدام و قبل ثورة ليبيا

و للعلم حضرتك إن العراق و ليبيا مسلحين من قبل حرب العراق 2003 العراق بعد حرب إيران و الكويت و زاد أوي بعد صدام و أحداث ليبيا ( الليبيين كانوا بيدربوا على السلاح شهر في السنة )

و مش هي دي الفكره الجدلية الفكره إنهم مسلحين و خلاص

و إحنا لأ يبقى مش هتحصل فوضى زي عندهم بعد الثورة

[Sharky]

و للعلم حضرتك إن العراق و ليبيا مسلحين من قبل حرب العراق 2003 و أحداث ليبيا

حضرتك اللى بقوله دا مش رأى دا حقيقة
بحكم انى عشت فى الكويت و اعرف عراقيين كتير و كان فيه عراقيين جيرانى فى مدينة نصر و مافيش الحوار دا خالص قبل رحيل صدام

و نفس القصة من الليبيين نفسهم اللى احتكيت بيهم اثناء دراستى العليا فى الاكاديمية البحرية

[factorialx]

اليوم السابع | وزيرة الخارجية الفرنسية تتقدم باستقالتها

بسبب مواقفها الخاطئه لثورة تونس

[A.Saad]

أنا مش بحجر على رأي حد و بحترمه جدا

و لكن لما يكون ليك منصب ما ينفعش يكون ليك رأي ( تضارب مصالح )

وهل ترى انه ممكن يغير رايه فى يوم وليلة
وفى الظروف الموجودة الان
بمعنى ان تصريح زى ده ممكن يخللى الشعب يكرهه

[wael17]

انا نفسى اسال الناس اللى صدقت الخبر دا
اتأكدوا منين انه المعلومات اللى فيه صحيحة !!!!!

مفيش داعي لادلة ولا حاجة...الناس عايزة تصدق الاخبار اللي من النوعية و مش محتاجة أدلة....شفيق عنده كذا و كذا...يبقي حرامي...فلان عنده كذا و كذا يبقي فاسد...هو ده اللي ماشي في البلد اليومين...حط انت بس خبر متفبرك في اي جرنان او علي موقع علي النت و تاني يوم الصبح هتلاقي بتاع البطاطا الي واقف في الشارع عارفه و بيقوله و كانه حقيقة مؤكده لا تقبل الجدال

جريدة الوفد دي بتاعه خبر ال 19 الف طن بلتينيوم...مش كده برده؟ أخبار متفبركة بدون أدلة و بتعتمد علي ان الناس عايزة تصدق الخبر و مش هاتشغل نفسها بالأدلة

و بعدين انا شايف نغمة غريبة قوي قوي اليومين دول...الحقوا فلان عنده قصر مش عارف فين و فيلا فين ...يبقي فااااااااسد...لازم يرحل و اديها اعتصامات...هو المقياس دلوقتي بقي فلان مرتبه كام و جابه منين؟...انا اعرف اساتذه في طب ماكملوش 60 سنة و عندهم فلل في كذا مكان...و انتوا بتتكلموا عن واحد داخل علي السبعين و كان وزير و قائد سلاح الجو سنين...و معروف انهم بياخدوا عمولات علي صفقات السلاح بصورة قانونية....ده مدير مستشفي القصر العيني بياخد نسبه من الميزانية اللي بيوفرها للحكومة كل سنة...هو ليه كل واحد بقي عمال يتكلم في اي حاجة من غير ما يكون عنده خلفية...طب ما تيجوا نشوف طنطاوي و كل فرد من اعضاء المجلس العسكري ثروته ايه و لو طلع عندهم فلل و قصور يبقي لازم يرحلوا...و اللي عايزين شفيق يرحل عشان هو من عهد مبارك ليه مش بيتكلموا عن طنطاوي الي بقالوا وزير دفاع من التسعينات و مقرب جدا لمبارك...مين مقرب اكتر لمبارك طنطاوي ولا شفيق؟؟؟ اشمعني ساكتين علي المجلس العسكري...حد يرد عليا لو سمحتم!



و بعدين انا مش مصدق ان الناس بتحكم علي مصر للطيران من خلال موقع اجنبي!!!! يا نهار اسود!!!! هو احنا للدرجة دي مغيبيين؟؟ مش عارف كم صفحة عن موقع ايه.... و الحق في واحد قال ايه علي مصر للطيران.... و ويكيبديا....ايه يا جماعة...هو احنا مانعرفش نحكم علي شركة وطنية بتاعتنا و عايزين الاجانب يقولولنا هي حلوة ولا وحشة؟ هو ماحدش فيكم غلط قبل كده و سافر علي مصر للطيران...مش ملاحظين اي تغير في مصر للطيران او في المطارات بتاعتنا في السنين الاخيرة...بجد مش مصدق اسلوب التفكير...تخيل واحد امريكي عايز يعرف شركة US airways كويسة ولا لأ راح نازل مصر يسأل ايه رأيكم فيها!!!!!!

[khmonir]

يا جماعة هو مش الجيش هو اللي أجبر حسني على التنحي زي ما اتفهم وقتها
والجيش ده هو اللي الجيش والشعب يد واحدة
والجيش هو اللي احنا سيبناه يدير البلد لحد منوصل لبر اﻷمان
الجيش ده برضه هو اللي سايب أحمد شفيق وأكيد لهم وجهة نظر في اﻷمر ده

يا جماعة يا اما يبقى فيه ثقة في الجيش ، يا اما نسحب الثقة دي ونشوف حد نثق فيه يدير البلاد
يا ريت نهدى شوية ﻷني بدأت أحس إن كل واحد كنا بنحترمه مجرد إنه يقبل منصب ويقول حاجات مش عاجبانا يبقى وحش

ربنا يستر على البلد

[wael17]

ب
انا شايف ان شفيق لو بيحترم نفسة وهو انسان عنده مبدا كان استقال من نفسة بعد ما معلمة اتخلع

حضرتك بتتكلم عن رئيس وزراء مصر مش عن صبي شغال في ورشة ميكانيكي!

[wael17]

يا جماعة هو مش الجيش هو اللي أجبر حسني على التنحي زي ما اتفهم وقتها
والجيش ده هو اللي الجيش والشعب يد واحدة
والجيش هو اللي احنا سيبناه يدير البلد لحد منوصل لبر اﻷمان
الجيش ده برضه هو اللي سايب أحمد شفيق وأكيد لهم وجهة نظر في اﻷمر ده

يا جماعة يا اما يبقى فيه ثقة في الجيش ، يا اما نسحب الثقة دي ونشوف حد نثق فيه يدير البلاد
يا ريت نهدى شوية ﻷني بدأت أحس إن كل واحد كنا بنحترمه مجرد إنه يقبل منصب ويقول حاجات مش عاجبانا يبقى وحش

ربنا يستر على البلد

+111111
في فئة دلوقتي لا تمثل أغلبية الشعب بتتصرف علي اساس ان الجيش ده عباره عن ناس هبلة مش فاهمة حاجة بس معاهم سلاح و محتاجين ان احنا نوجههم و نقولهم شيلوا فلان و حطوه علان

[factorialx]

+111111
في فئة دلوقتي لا تمثل أغلبية الشعب بتتصرف علي اساس ان الجيش ده عباره عن ناس هبلة مش فاهمة حاجة بس معاهم سلاح و محتاجين ان احنا نوجههم و نقولهم شيلوا فلان و حطوه علان

بالله عليك بلاش الكلام ده
فئه و فئه تانية و قله و لا يمثلوا ده كلام تفرقه بلاش تفرقه الناس بين مؤيد للثورة من بدايتها و مؤيد في وسطها و مؤيد في الآخر و ضدها من الأول و ضدها حتى الآن و ضد الإستقرار

بلاش كلنا مصريين و متفقين إننا عايزين الخير للبلد دي

اللي مش عايز شفيق بيقول رأيه و وجهة نظر محترمه إن كل رموز النظام السابق لازم تتشال لأن دي ثورة و فيه غيره كتير

و اللي عايز شفيق بيقول رأيه برضه إننا صبرنا 30 سنة نصبر 6 شهور و إن أحمد شفيق تميز في وزارة الطيران

إيه بقى لازمته الكلام ده دي آراء و الرأي يقابله الراي الآخر مش الإتهام الآخر

[أبو عبدالله]

مفيش داعي لادلة ولا حاجة...الناس عايزة تصدق الاخبار اللي من النوعية و مش محتاجة أدلة....شفيق عنده كذا و كذا...يبقي حرامي...فلان عنده كذا و كذا يبقي فاسد...هو ده اللي ماشي في البلد اليومين...حط انت بس خبر متفبرك في اي جرنان او علي موقع علي النت و تاني يوم الصبح هتلاقي بتاع البطاطا الي واقف في الشارع عارفه و بيقوله و كانه حقيقة مؤكده لا تقبل الجدال

جريدة الوفد دي بتاعه خبر ال 19 الف طن بلتينيوم...مش كده برده؟ أخبار متفبركة بدون أدلة و بتعتمد علي ان الناس عايزة تصدق الخبر و مش هاتشغل نفسها بالأدلة

و بعدين انا شايف نغمة غريبة قوي قوي اليومين دول...الحقوا فلان عنده قصر مش عارف فين و فيلا فين ...يبقي فااااااااسد...لازم يرحل و اديها اعتصامات...هو المقياس دلوقتي بقي فلان مرتبه كام و جابه منين؟...انا اعرف اساتذه في طب ماكملوش 60 سنة و عندهم فلل في كذا مكان...و انتوا بتتكلموا عن واحد داخل علي السبعين و كان وزير و قائد سلاح الجو سنين...و معروف انهم بياخدوا عمولات علي صفقات السلاح بصورة قانونية....ده مدير مستشفي القصر العيني بياخد نسبه من الميزانية اللي بيوفرها للحكومة كل سنة...هو ليه كل واحد بقي عمال يتكلم في اي حاجة من غير ما يكون عنده خلفية...طب ما تيجوا نشوف طنطاوي و كل فرد من اعضاء المجلس العسكري ثروته ايه و لو طلع عندهم فلل و قصور يبقي لازم يرحلوا...و اللي عايزين شفيق يرحل عشان هو من عهد مبارك ليه مش بيتكلموا عن طنطاوي الي بقالوا وزير دفاع من التسعينات و مقرب جدا لمبارك...مين مقرب اكتر لمبارك طنطاوي ولا شفيق؟؟؟ اشمعني ساكتين علي المجلس العسكري...حد يرد عليا لو سمحتم!

و بعدين انا مش مصدق ان الناس بتحكم علي مصر للطيران من خلال موقع اجنبي!!!! يا نهار اسود!!!! هو احنا للدرجة دي مغيبيين؟؟ مش عارف كم صفحة عن موقع ايه.... و الحق في واحد قال ايه علي مصر للطيران.... و ويكيبديا....ايه يا جماعة...هو احنا مانعرفش نحكم علي شركة وطنية بتاعتنا و عايزين الاجانب يقولولنا هي حلوة ولا وحشة؟ هو ماحدش فيكم غلط قبل كده و سافر علي مصر للطيران...مش ملاحظين اي تغير في مصر للطيران او في المطارات بتاعتنا في السنين الاخيرة...بجد مش مصدق اسلوب التفكير...تخيل واحد امريكي عايز يعرف شركة us airways كويسة ولا لأ راح نازل مصر يسأل ايه رأيكم فيها!!!!!!

اولا مين قال لحضرتك ان البلاتينيوم خبر متفبرك ومطصفى بكري قدم بلاغ به للنائب العام بالأوراق والمستندات والادلة كلها بالأرقام كلها وانا شوفتها نزلت من كام يوم على النت دور وانت تلاقي

وبصراحه انا مش عارف مين اللي مغيب بالظبط
بصراحه ايضا اخر مقطع انت كتبه عن ان احنا بنسأل عن مصر للطيران ولالكام ده مش عارف ايه لزمته
طيب يا اخي الكريم والله ثم والله ثم والله انا ركبت مطر للطيران وكل اللي اتقال عليها صحيح سواء خدمات او اكل او نظافة
وبعدين ايه المقارنة بين مصر للطيران وان احنا نسأل مؤسسات اجنبيه متخصصه وان واحد امريكي بيسال عن خطوط الطيران الأمريكي وانه يسال في مصر
يعني انت بتقارن المؤسسات المتخصصه الأجنبيه بي انك تسال داخل مصر
بصراحه مش عارف اجاوب لصعوبة فهمي للمقارنة بجد
واخيرا ياريت اللي عنده وجهة نظر مختلفه يعرضها ولكن بدون مسالة التغييب لأن لو اتكلمنا بالمنطق ده فمن حقي ان اتهمك انت بذلك من وجهة نظري ايضا

وياريت لو محدش لحق يتفرج على حلقة الحياة اليوم اللي انتهت من شوية
ياريت يشوف الاعادة بتاعتها ضروري وهو يعرف مين شفيق ده

[dr-mohamed]

كلام مش سليم ويكيبديا بيراجع كل حاجة وممكن حضرتك تتأكد انك تكتب أي كلام وهيتشال في أقل من 24 ساعة

بعد اذنك المعلومة دي غير صحيحة
ويكيبيديا لا يصحح ايمعلومة من تلقاء نفسه
لابد ان يقدم له عدد معين شكاوي بأن الموضوع خطأ حتي يتم النظر في محتواه

+11111
هو دائما كدا المعلومه تتساب ويتمسك فى المصدر سوء كان الوفد ولا مصراوى ولا حتى موقع اجنبى زى دا
اي معلومة ايا كانت لابد من معرفة مصدرها ومعرفة ممولي المصدر واتجاهاته قبل النظر في المعلومة
اقرا الكتب المتخصصة في الصحافة شوية وحضرتك تعرف ليه لازم نرجع للمصدر
والجمله دى من ويكيبيديا ( الى قالوا ممكن تضيف عليه عادى .. يعنى هيطلع واحد يضيف شركات طيران ومطارات وطيرات ويطلعوا كذب ههههه ليه هو ضايف كيلو طماطم)

the business insider obtains, per month, approximately 6.3 million unique visitors and 70 million page views

اكتب اي حاجة في ويكيبديا وشوف انك ممكن تكتب اللي انت عايزه فيها