سقوط علامة بروتون الجزء الرابع (سلسلة مواقف كوميدية)

[sayed911]

هوة اصل فكرة الجواز برضوا حاجة بصراحة ارحم بكتير جدا من الوحدة صدقني :d :d انا بقالي عايش في مصر 3 سنين لوحدي بكلم الحيطان يا راجـــــــــــــــــــــــــــــــــــــــــــــــ ـــــــــــــــــــــــــل قولت اهو يمكن الزوجة تبقى بتتكلم شوية وتبقى مسلية وبتغير الجو ولكن واضح واسمحلي اقول انك شكلك فيه حد من الجنس الناعم وانتا عارفهم بقا اذاهم مش طبيعي والشيطان ده بجلالة قدره يبقى تلميذ المرأة ... شكلك مضايق من الجنس الناعم كله !!!!!!!!! بس صدقني لا غنى عنهم بالمرة !! برضوا الأمر ميسلمش يا شنوري باشا اكل غسيــــل اي حاجة برضوا :d :d :d
تسدق انا بقيت بعز حاجة اسمها بنج :d الإختراع ده جامد جدا جدا :d انتا ممكن تبنج رجلك وبعد كده تشوط الحيطة :d :d :d :d يعني صباح الأذى ... ههههه وبيعمل دماغ مش طبيعية دماغ بنج بقا مقولكش تودي في داهية :d :d
يالله همة الستات ها يروحوا من ربنا فين ....
انا بأطالب دلوقتي حالا بشخص متزوج يدخل يقولنا جملة واحدة بس يوصف بيها الزواج من وجهة نظره .. بشرط لا يقل فترة زواجه عن 5 سنين عشان اقل من كده يبقى لسة مشافش الوش التاني :d :d
يعني ياريت تكون جملة تشجيعية لينا كعزاب او جملة ترهيبية لأي شخص تسول له نفسه على الإقدام على هذه الفعلة الشنعاء ..

[magid1010]

الله عليك وعلى خفة دمك مش ممكن انا فضلت اضحك ما قدرتيش امسك نفسى لدرجه انى كنت حترفد لما المدير دخل عليا و لاقانى فطسان على نفسى من الضحك اسلوبك مالوش حل ما يختلفش عن الكتاب الكبار زى يوسف معاطى و بلال فضل تقبل تحياتى و ربنا يشفيك و مستنين المزيد

[yascro]

يا باشا قطاع طرق ايه بس انت متعرفناش في الواجب
دا دياب ياكل اسفلت الصحراوي بسنانه وانا اطير رملته بعطسه
دا واجب يا عم حيتعمل كمان انتم عملتم الواجب وحابين تعملوه خلاص
احنا حناخد 2 بس ونسيبلكم ديفيد الخبير التالت علشان تعرفوا تكملوا الواجب
كمان مين قالك اننا متجوزين
امال لو مكانش معمولي موضوع فيه 1300 بوست علشان يجوزوني ومفلحوش
فكك يا راجل
شوف نجيلك بكره امتي بس
واظن انك جربت وجع رجلك
دياب مدرب تايكوندوا وانا عامل دكتوراه في التعذيب
وادينا بندردش هههههههههههه
واخدلي بالك
بكره هه
بكره
بكر
بك
ب

وعلى راى الست الفاضله هيلارى كلينتون
بكره يعنى
نااااااااااااااااااااااااااااااااااو
نااااااااااااااااااااااااااااااااااااو

[sayed911]

دياب باشا هم القوة اللي داهالك ربنا ممكن تستعملها قصاد حد زيي بعاكاكيز ووشوا بايظ من كتر لعب البخت فيه !!!!!!!!!! اصل شنوري قال نك بتضرب ومش بتتفاهم وانا لو منك بصراحة مسكوتش :d :d :d :d + انا عندي اثبات شنوري قال انه ها ينزل القاهرة لوحدو واعتقد ده امر محتاج سرعة تدخل من حضرتك لأنه خلع
(فين عدتك دلوقتي يا شنوري باشا قالك مشارط هوة اانا مستحمل ده انتا بس اللي مكبرني ده انا خلصان اصلا ) :d :d

الله عليك وعلى خفة دمك مش ممكن انا فضلت اضحك ما قدرتيش امسك نفسى لدرجه انى كنت حترفد لما المدير دخل عليا و لاقانى فطسان على نفسى من الضحك اسلوبك مالوش حل ما يختلفش عن الكتاب الكبار زى يوسف معاطى و بلال فضل تقبل تحياتى و ربنا يشفيك و مستنين المزيد

ربنا يخليك يا ماجد بيه ولكن صدقني هية حظوظ هوة بس تلاقي اكمن له قرايب مهميـــــــــــــــــــــــــــــــن بقا كاتب يالله همة يا يروحوا من ربنا فين :d :d

[sayed911]

بعد ما روحنا ووصلنا ولله الحمد والفضل في ذلك سالمين آمنين .. بفتح باب العربية والشارع هادئ مفيش غير كام لجنة شعبية قاعدين بيتدفوا جمب النار والرغي مالي بقهم وهب الاقي الشارع كله صحي وهيــــــــــــــــــــــــــــــــــــه الله واكبر الله واكبر لا اله الا الله والشارع كلو جي جري على ناحيتي !!!!!!!!!!!! فيه ايه !!!

هوة فيه ايه ..

والله ما لا يقل عن 300 نفر جيين جري وحمد لله على السلامة يا بطل

وعودا سالما

وي وي وي وي

اني افهم فيه ايه مفيش فايدة بالضبط بقيت عامل زي مولد سيدي العريان !!!!!!

والناس روحها المعنوية ارتفعت بشدة وهيـــــــــــــــــــــــه مهي بقيت راجيح مولد النبي بقا .. لقيت عبدو البواب جمبي .. لسة ها امسكه اخنقه لقيته بيقولي ايه رأيك عملت معاك واجب ايه .. :D :D

الله يخربيتك عملت ايه تاني يا زفت الطين .... يقولي اصل لما لقيت المنطقة كلها محدش عارفك وكلو كان مخضوض عليك قولتلهم ده احد شباب الثورة اللي حاربوا وجيي من قلب ميدان التحرير وهوة بينزف محمولا على الأكتاف والإصابة دي كت من رصاص الغدر والخيانة زابط الأمن المركزي ضربك بالرصاص المطاطي ولكن انتا وقفتله بالمرصاد وتصديت له ..

وانا واقف !!!!!!!!!!!!!!!!!!!!!

كل ده انا اللي عملتوا ...

بالتي شيرت اللي مرسوم عليه تويتي !!!!!

رصاص غدر ايه يا عبدو ده انا بخاف من الشوكة !!!!!!! تقولي رصاص غدر .. الراجل قالي عيب بقا خليك ثابت على موقفك قولتلوا وهوة بين الـ 300 شخص العباقرة دول محدش فكر يقول هوة الرصاص المطاطي مش بيفتح 5 غرز في الرجل ومن تحت كمان هوة ايه الحج سيد ده كان الكابتن ماجد بيصد الرصاص ازاي يعني !! قالي يعني هوة انتا كنت نزلت الميدان من اصلوا .... سكتت وحطيت .... في بقي وسكت ..

منك لله يا بعيد .. شاوف فيك يوم تكون متعلق التعليقة السودا اللي اتعلقتها وعيال شبرا كلها نفر نفر يجيوا ..... ولا بلاش منتا برضوا عندك عيال ...

المهم لسة ها اطلع الاقيلك اللجان الشعبية كلها بتعاملني معاملة محمود ياسين في فلم الرصاصة ما تزال في جيبي وتعالا يا ابو الأبطال واحكيلنا عن اللي حصل ... !!!!!!!!!!!!

حصل ايه يا عم منك له ده انا كنت مرمي زي الفرخة على الطربيزة !! حصل ايه !!

ولكن بصراحة والله لو كنتو مكاني وشفتوا نظرة السعادة اللي في عنين لناس وهية فاكرة نفسها بتكلم واحد واقف في قلب الحادثة (فعل مضارع لكلمة حادث) وبقيت ايه بقى طلعتلهم عم فاندام اللي جوايا ... ووقفت قدام عربية الأمن المركزي ونزلي منها بتاع 54 واحد وحدش يسأل ليه 54 بالذات ويضربوا فيا ويعملوا ويعذبوا وانا مش قابل اني اتنحى الى ان يسقط النظام .. واحوكم اصلا انتوا عارفين ساعة الإنقلاب كله كنت بتفرج على دعاء الكروان في السرير يعني ولا الهوا من اساسوا .....

المهم قاعدين بنتسامر في الكمين العالمي اللي في جمال عبد الناصر .. وجه جار احمد وسعد في العمارة وراح مقدملي بتاع 6 صوابع موز قالي انتا راجل مصاب ولازم جرحك يلم اقولوا متشكر يا سيدي الفاضل يقولي لازم تقبلوا مني ومش مديني فرصة اصلا اني اقولوا اني عندي حساسية من الموز ككل واني مش مسموحلي آكله لا هوة ولا الجوافة ولا الفراولة ولا فواكه تانية كتير ... يا سيدي الفاضل مش عايز ربنا يخليك وامام اصرار الراجل اللي مش طبيعي شكرته واخدته وقولتلوا متشكر جدا يا حج والله ومش عارف يعني ها اردهالك ازاي ربنا يخليك يا حج والكلام الذي منه

واول ما الحج مشي رحت مفرق الموز على الكمين كلو همة كلهم كانوا 6 صوابع .. محدش طبعا فيهم يعرف اني عندي حساسية من الموز :D

بعد ما فرقت عليهم الموز رحت واخد منهم القشر كمان :D خليكوا صاحيين امال بعمل اثبات حالة ههههه الموز كلتوا وادي القشر كمان اهو :D :D :D

مش هوا صايع في اللي اصيع منوا :D :D

المهم قاعدين لحد ما وصلنا تقريبا للساعة 3 – 3.30 ولقيت سعد جايب جردل مية ونازل .. بتعمل ايه يا حبيبي ..

سعد: انتا مال....

انا : حقك عليا اللي شايفك نازل تغسل العربية الساعة 3 الفجر مع انو عندك بواب وعربيتك اصلا عمرها ما اتغسلت من يوم ما شفتها ..

سعد: يا عم فرقع لوز اسكت بدال ما اقول للناس انتا اتصبت ازاي :D

انا : خلاص خلاص يا عم انا مالي ..

سعد: يا عم انا اقولك انا مش جايلي نوم بصراحة واحمد فوق عمال بيشخر وهوة نايم زي ..... وعمال يقول قبل ما ينام اخيرا اتجوزت ومعدش ناقصني حاجة :D :D الواد اتهبل + احنا عندنا مشوار مهم جدا بكرة فلازم العربية تكون على سنجة 10 ..

انا في نفسي بقول العربية دي اصلا من كمية الروايح الغريبة اللي جواها الكلب مكنش بيقرب ناحيتها اي كار تيكر في اي فندق محترم كان بيجي لحد عندنا ويشاورلنا على مكان البارك :D يعني نضافة ايه يا عم سعد اللي انتا بتنضفها ..

المهم قعدنا نتكلم احنا في اللجان الشعبية واذا بواحد نازل من العمارة وعمال يغني بيقول "تحت الشجرة يا ويهبة ياما كلنا خروب " !!!!!!!!!!!!!!! خروب !! خروب ايه يابا ... ونازل وها احاول اكون دقيق في وصفي لمظهر هذا الرجل ..

الراجب في حوالي منتصف العقد الرابع .. وشعره طويل بس منكوش جدا ودقنه طويلة ولابس ترينك " هية دي تسميته الشائعة اول ما نزل مع انه اسمع ترينج اللي هوا الشئ اللي بيعل اصوات عالية جدا طول ما انتا لابسه " وشايل في ايده عصاية المقشة ومركب فيها من قدام سكينة ...

راح واحد من اللي في الكمين قايل بس الليلة سهرة صباحي فايق جه والدحك كلو هنا ..

اكتشفت انه فايق ده راجل كبير في السن يعني 40 سنة ولكن ما يزال بيتعاطى كمية منشطات وبرشام وكل حاجة بتضيع الدماغ خلقها ربنا بيبلعها على طول .. يعني الراجل ده بالفهوم كده (اجزخانة متحركة)

الناس في نفس واحد .. نزلت ليه يا حج فايق ..

هوة .. يا عم ابدا انا كنت نايم لقيت الولية بتقولي انزل لحسن الناس بتموت بعض انا قولت انزل يمكن الواحد يستشهد ويخلص من الحياة السودا دي ..

فأنا غلطت اني بسألوا بقولوا تستشهد ليـه بس يا عم هوة فيه حد في الشارع مهو قدامك اهو مفيش بني آدم والجو حلو والحياة حلوة ولزيزة اهي ..

راح قايم مرة واحدة وهوة اصلا اسم على غير مسما فايق ايه .... ده لا يمت للفوقان بصفة من اساسوا الراجل ده مش عارف اصلا هوة فين تقولولي فايق قالك فايق قال ..

المهم فضل يزعق على الواجب الوطني

وانا ملحقتش حرب 73 ونفسي اعمل حاجة العيال يفتكروني بيها وي وي وي وبدأ يعيط .. !!

انا هنا بصراحة تأثرت بيه جدا جدا ..

وهوة ما يزال عمال يزعق والسيجارة في ايدو ياخد نفس ويزعق شوية وهكذا .. كأنوا محطوط على المنظم .. وقعد يقول انا نفسي اموت موتة شريفة يا عالم نفسي اموت موتة تشرف يا بشر انا حاولت الإنتحار 3 مرات وفشلت اخيرا جتلي الطريقة اللي ها اموت بيها يا ناس .. يا نهار اسود !!! حاول الإنتحار 3 مرات وفشل .. ده حـ......... على كده .. فيه حد بيفشل في الإنتحار ..!!!!!!!!!!!!!!! انا هنا ايقنت انه الراجل ده فعلا عندوا حاجة مش مزبوطة في دماغوا :D اصلي مش ممكن فيه حد بيفشل في الإنتحار .. ده انتا فاشل وراحوا الناس اللي قاعدين في اللجنة منتا يا عم فايق اللي كاره الدنيا وما فيها وآخر مرة بترمي نفسك من البكونة !!!!!

وانتا اصلا ساكن في الأول ..

هههههههههههههه يعني ياريتوا مسطول وبس لأ وغبي كمان فيه حد بينتحر من القفز من الدور الأول ... يا عالم الراجل دمــــــــــــــــــــــــــــــــــــــــــــــــ ــــــــــــــــــــــــــــــــاغ ..

المهم واحنا في وسط الدحك والتهريج راح مطلع مسدس من بنطلونوا

ينهار اسود ومنيل انتا ها تعمل ايه ...

انا هنا في اللحظة دي تخيلت عناوين الجرايد في اليوم الثاني ...

(بلطجي يثير الرعب في المنطقة ويقتل 6 افراد من عناصر الدفاع الشعبي ) ينهار اسود ها اتكتب من ضمن الـ 6 لا دنا كان طموحي اسمي لوحدوا يتكتب في مانشيت ..

انا قولت ده ها يضربنا كلنا بالنار وفي الآخر ها يضرب نفسوا هوة مهو غبي ويعملها ..

ها تعمل ايه يا حج فايق بس داري السلاح السلاح شاطر ..

قالك الجو ريح في الشارع انا ها اضرب طلقتين في الهواء عشان اصحي الناس ..

الله يحرق ما صدقنا الناس هديت واطمأنت ها تضرب ايه يا مجنون اتهد بقا الله يهدك وراح رافع المسدس فوق وداس على الزناد .. مفيش حاجة حصلت ..

الناس جريت عليه عشان تعقله بيشوح في وش الناس بالمسدس وعمال بيشوف فيه ايه هوة مش شغال ليــه ماهو كان شغال قبل كده .. وكل اما اشوف منظر الناس عمالة بتجري من وش المسدس وانا عمال بحاول اقوم اصلا ومش عارف افضل ادحك على المنظر الكوميدي لحد الغبي ما اكتشف انه قافل زناد الأمان .. وراح فاتحوا وقالك دلوقتي الطلقتين دول ها يصحوا حمال عب الناصر والحرفين والنزهة كمان . انا عمال ابصلوا واقول هوة ها يضرب طلقتين بالستين عاربين للقارات يا عم اضرب وريح امنا بقا ..

المهم راح رافع المسدس لفوق وعمال بيقول الله واكبر الله واكبر وحط ايدو على الزناد

وهبة راح ضارب

طااااااااااااااااااااااااااااااااااااااااااااااااا اااااااااااااااخ

في نفس اللحظة سمعنا صوت انفجار فوق مننا

بووووووووووووووووووووووووووووووووووووووووووووووووو م

انا قولت بس الحج فايق اصطاد طيارة .................

الله يحرقك هيا ناقصة رعب ضرب نار وانفجار كمان ..

اتاري الباشا ضرب فوق من غير ما يبص فيه ايه فوقوا قام سايب المساحات الشاسعة اللي في السماء دي كلها واصطاد عمود النور اللي لسة متركب جديد قبل الأحداث دي .. وآدي الصورة اللي بتوريكوا احنا كنا عايشين في ايه معاه ..

وهب في الصوت ده لقيت الناس كلها نازلة تجري واللي ينزل من الباب واللي ينزل من الشباك وكلو بيجري في كل حتة .. ومحدش فاهم اي حاجة في اي حتة وكل اللي يسأل محدش عارف حاجة واكيد لو قلنا الراجل ده اللي عمل الفرقعة دي اكيد الناس ها تدفنوا مطرح ما هوة واقف كان هوة طبعا دارا المسدس وقعد يقول اصل دي عربية مرسيدس زلمكة بتجري في الشارع وعمالين يضربوا نار في الهوا والإنفجار ده كان صوت مش عارف ايه .. انا قولت الحمد لله انه الموضوع سكت وهدي ..

وببص في وشي لقيت الحج اللي اداني الموز (اعتقد فاكرينوا ) فيه ايه يبني قولتلوا بدا يا حج ده الحج فايق جارك فاكر نفسه في فرح بلدي الله يحرقه بوظ اعصابنا ...

فضل يدحك معايا شوية ويهرج ويقولي ها اخبار الموز ايه .. قولتلوا يا ســـــــــــــــــــــــــــــــــــــــــــــــــ ــــــــــــــلام يا حج هوة فيه موز بالطعامة دي يا حج انا عمري في حياتي كلها ما اكلت موز بالطعامة ولا بالحلاوة دي قبل كده فعلا يا حج انتا ربنا يباركلك دول صباعين عجوة مش صباعين موز :D ( انا مش راضي عن نفسي لحد دلوقتي اني دحكت على الراجل كده بصراحة ) ورحت جايبلوا القشر وهو وبصراحة انا كنت وسويت وعملت .. هوة انبسط قوي قوي قوي وراخ منشكح قوي كده وقالي ربنا يكرمك يبني ..

ورحت سايبوا وماشي 10 دقايق بالزبط وببص لقيت الحج جي من آخر الشارع وشايل كرتونة :D وعقبال ما وصل بيحط الركتونة دي قدامي .. بيقولي ابسط يا عم هوة انا عندي اعز ولا اغلى منك يا راجل .. وبيفتح الكرتونة لقيت قدامي بقا مش صباعين موز ولا حاجة هههههههههههههه

لا لقيت قدامي صباطة موز كاملة هههههههههههه تقريبا الحج سخن راح قاطع الشجرة وجايبها وجي .. طيب انا تصرفت في الـ 6 اللي فاتوا بالعافية وانا مش مسامح نفسي طيب دي صباطة يادي النيلة اتصرف فيها ازاي دي بقى ..

فضلت اقولوا متشكرين يا حجوربنا يكرمك يا حج وربنا يخليك لينا يا حج والكلام ده لحد ما مشي ورحت ناده لسعد قولتلوا الحج بيحيك بكرتونة الموز دي وبيقولك متنساهوش بقى :D :D :D

ههههههههههههههه انا قولت اعمل واجب مع الإتنين بما اني مش بحب الموز ..

المهم

سعد قالي مش يالله بينا ..

على فين يبني قالي نروح مشاورنا يابا ..

الله يخربيتك يالله ايه الساعة لسة 5 !!!!! ومعادنا معاهم 7 نمشي من دلوقتي ليه دحنا في جمال عبد الناصر وهمة في موفنبيك يعني المشوار كلو مش ها ياخد 5 دقايق بالضبط ..

راح وهوة متنرفز ماشي يا عم بيج بين .. انا بس عشان لو ها تلحق تغير وتاخد دش والكلام ده ..

حاضر يا سيدي تعالا نطلع نغير .. المهم

طلعنا واكلنا وزبطنا التزابيط وسعد لقيتا بيحط برفان مش بيحطوا غير في المناسبات التقيلة قوي يعني لأنه برفان كان جيلوا من باريس من كام سنة يعني غالي عليه قوي .. راح احمد اخوه صاحي ايوا يا عم منك له سالكة .... مرزقين ... والكلام الحقد اياه ..

دلوقتي انا اكتشفت انه فيه مشكلة ..

انا معنديش هدوم ..

وحتى لو عندي مفيش بنطلون ها يدخل في رجلي وهوة فيها الجبس ده !!!طيب والحل .. يادي النيلة ده لدكتور كان قاصص رجل البنطلون ومخليها شورت عشان الجبس اعمل انا ايه طيب ..

وفي نفس اللحظة خطيبة احمد اتصلت .(او بمعنى اصح زوجته )

انا طبعا مش سامع الطرف الآخر ولكن سامع احمد بيقول ايه

احمد ساب التلفون يرن بتاع 3 – 4 مرات لحد ما رد .. اللي كان بيقعد يتمنى بس ايام زمان ترد هيا عليه مش تطلبوا ولكن فعلا الرجال هم ..... ولا بلاش ..

احمد: (اخيرا رد)نعم عايزة ايه .. مش فيه مواعيد الناس تطلب فيها بعض ..

احمد:اطمن عليكي ليه مش ابوكي عاملي فيها الشحات مبروك وعمال يقول الأمن الأمن الأمن خليه ينفعك .

احمد:يا سيتي ولا آسفة ولا مش آسفة حقك على اللي ......... وراح قافل السكة وقافل الموبايل بعديها ..

وانا وسعد واقفين متسمرين مما حدث ...

ده اللي كان بيجبلها ورد في المناسبات الرسمية وغير الرسمية !!! هوة للدرجادي الورقة بتغير النفوس مجرد ما كتبوا وتحولوا الى الشخصية الأولى للزواج !!!!!!!!

مالك يا عم احمد ..

يقولك اصلي ابويا قالي ادبحلهم القطة من اول يوم ..

الله يخربيتيك على بيت .......... قطة ايهاللي تدبحها حرام عليك دي عروسة الكلام ده بعيدن لسة قدامكم سنين تموتوا في بعض مش من اولها كده .. وفضل سعد يعقل في اخوه .. وانا محتاس البس ايه مهو قدامي حل من اتنين .. :D يا اما مروحش يا اما البس جلبية بيتي .. واكيد مش ها اقابل الناس بجلبية بيتي .. :D :D

المهم رسينا اني البس شورت !!!!!!!!!!!!!! وشورت من بتوع القلوب والكلام ده !!!!!!!!!! اصلوا كان من بتاع ايام الشقاوة (من الآخر بتاع الحج احمد ايام الساحل والكلام ده ) وجايب حاجة عرة عرة عرة عرة شورت ابيض وعليه قلوب حمرا !!!!!!!!!!!!!!!!!! حسبي الله ونعمل وكيل . مهندس محترم رايح اموقع ومعاه ناس من دول اجنبية ها يقيموا مستوى مشروع كبير ها يتكلف ملايين لابسلهم شورت !!!!!!!!!!! دهيا تكسفك يا بعيد ( اعتقد عارفين مين الي قال الكلمة دي دلوقتي :D ) المهم نزلنا بعد ما سعد تقريبا دلق كل ازايز الريحة اللي في البيت على نفسوا .. وفضل واقف قدام المراية بتاع 3 -4 ايام .. نزلنا وصلينا الفجر واتحركنا على الفندق .. واول ما وصلنا .. لقينا ....

خليها بقى الحلقة الجية بكرة ان شاء الله عشان انا دخلت في 9.165 كلمة في الموضوع وشكلكم ها تهقوا قريب قوي مني :D :D وبالنسبة للحج شنوري والحج دياب انا منتظركم في القاهرة :D :D

هيا دي اخلاق المصريين بس الخبراء سافروا للأسف :D اكيد بقا تيجوا عشان تتشروفنا ونقعد معاكم :D :D :D

ومتظر تعليقاتكم جميعا وتحياتي لكم جميعا ..

[tito_1980]

هههههههههههههههه و الله احداث تتعمل في فيلم كوميدي و مستني البقيه

[fiat128man]

خليها بقى الحلقة الجية بكرة ان شاء الله عشان انا دخلت في 9.165 كلمة في الموضوع وشكلكم ها تهقوا قريب قوي مني :d :d وبالنسبة للحج شنوري والحج دياب انا منتظركم في القاهرة :d :d

والله انت راجل زي العسل ومستنينك بكرة .

[sayed911]

تحت امر حضراتكم وغدا لناظره لقريب ..... وتحياتي للجميع وانا سعيد للغاية [ان الموضوع قد لفت انتباهكم وحاز على اعجابكم ورضاكم ..

[amr.mostafa]

ياعم الحاج نزهق ايه كامل ياراجل

ده انا نفسي الحكاية تخلص بس ما تخلصش ,,!!!

[magid1010]

دياب باشا هم القوة اللي داهالك ربنا ممكن تستعملها قصاد حد زيي بعاكاكيز ووشوا بايظ من كتر لعب البخت فيه !!!!!!!!!! اصل شنوري قال نك بتضرب ومش بتتفاهم وانا لو منك بصراحة مسكوتش :d :d :d :d + انا عندي اثبات شنوري قال انه ها ينزل القاهرة لوحدو واعتقد ده امر محتاج سرعة تدخل من حضرتك لأنه خلع
(فين عدتك دلوقتي يا شنوري باشا قالك مشارط هوة اانا مستحمل ده انتا بس اللي مكبرني ده انا خلصان اصلا ) :d :d


ربنا يخليك يا ماجد بيه ولكن صدقني هية حظوظ هوة بس تلاقي اكمن له قرايب مهميـــــــــــــــــــــــــــــــن بقا كاتب يالله همة يا يروحوا من ربنا فين :d :d

بجد انت انسان موهوب و باشكرك من صميم قلبى حلوه صميم دى؟و الله والله كمان مره انا ما ضحكتش كده من زمان ربنا يبارك ليك و يتمم شفاك على خير تقبل تحياتى

[Mohamed Fathy]

شفالك الله وعفاك ان شاء الله بجد فنان كلمه قليله وموضوع اكثر من رائع

[elfashn]

فقرى اخر حاجه

[sayed911]

ياعم الحاج نزهق ايه كامل ياراجل

ده انا نفسي الحكاية تخلص بس ما تخلصش ,,!!!

حاضر يا كبير مش ها نخلصها عشان خاطر حضرتك حتى وان اطريت انزل اعمل مظاهرات عشان نجدد اللجان الشعبية الله لا يعود ايامها ويعيد حلاوتها عشان اكتب لحضرتك مواضيع تعجبك كده تاني .. والحمد لله انك مزهقتش (كاتب واثق في قراءوا :d :d )

بجد انت انسان موهوب و باشكرك من صميم قلبى حلوه صميم دى؟و الله والله كمان مره انا ما ضحكتش كده من زمان ربنا يبارك ليك و يتمم شفاك على خير تقبل تحياتى

هههههههههه بقولك ايه بيني وبينك كده ها في حلقة بكرة ابقى اطلب مني اوتوجراف وانا كأني اتفاجئت بقا وجو الفنان اللي بيعيط عشان اكتشف نفسه اخيرا بعد ما كان فاشل في كل حاجة :d :d ووالله انا ساعادتي مش في الموضوع انا سعادتي اني رسمت البهجة على محيا كل واحد فيكم وخصوصا حضرتك يا استاذ ماجد مدام مدحكتش كده من زمان يبقى انا اللي ليا الشرف ده يا فندم .. انه لواء الحرب المقدس ها احمل على عاتقي اني ارسم البسمة على حضرتك كل يوم يا سيدي مدام مش بتدحك كده خالص :d
تعالا انتا بس اقعد معايا 10 ايام وها تقول حقي برقبتي :d

شفالك الله وعفاك ان شاء الله بجد فنان كلمه قليله وموضوع اكثر من رائع

ربنا يخليك يا فندم وربنا يرف الضر والمقت عننا وعن آمة المسلمين اجمعين يا رب .. وربنا يخليك يا فندم ..

فقرى اخر حاجه

ههههههههههههههههههههه والله كلو دايما يقولي كده بالضبط وللأسف هوا انا دائما متواجد في الوقت الخطأ في المكان الخطأ مما بيعمل معايا المصايب السودا دي والأجمل اني من الشخصيات بطيئة التفكير جدا يعني بطر اقعد افكر في 1+1 ساعة مثلا عشان اوصلها عشان كده الموقف بيكون باظ اكتر واكتر وها تفهم ليــــــــــه بالذات بكرة ان شاء الله ..

[Mzeid]

مستحيييييييييييييييييييييييييييييييييييل

حرام مش قادر امسك نفسي م نالضحك

حرام بجد

d:

[Xander2010_Evo]

من رأيي تأخد الكلام ده كوبي وباست ف أي نووت أو ملف وورد علشان لو حاجة ضاعت لاقدر الله
أنا صراحة بعمل كده ساعات لأني خايف من الزهايمر :)) وبحب أفتكر دايمآ المواقف الطريفة إللي بقابلها
بعد إذنك ممكن أخد قصتك كوبي عندي؟؟ علشان ساعات ببقي نفسي الأقي حاجة أقراها وأضحك مع نفسي
أرجوك متفهمنيش غلط أنا مش قصدي التريقة أو الإستهزاء بحضرتك لاسمح الله