سقوط علامة بروتون الجزء الرابع (سلسلة مواقف كوميدية)

[sayed911]

عدنا مرة اخرى ... المهم كنا واقفين عند لما سعد راح رافع ايدوا وخلاص ها يضرب الراجل انا قولت اجهز يبني الوضع ها يسخن اهو .. هب وراح واحد جي متدخل قال يا جماعة صلو على النبي واهدو شوية ... فالراجل المتزعم للموضوع بيقول معادش فاضل غير سرنجاتي وصاحب كباية واريل همة اللي ها يمشونا على كلامهم :D :D

الحقيقة انا مؤمن بمدأ الرأي والرأي الآخر انما لا بقا انا محدش يقول عليا سرنجاتي مين انتا اصلا عشان تتهمني اتهام زي ده ..

والوصف كان كالتالي:

السرنجاتي:انا

بتاع الكباية :ابو شورت

الإريل : على عم سعد مش عارف ليه بصراحة سماه بالإسم ده ..

راح سعد رادد عليه بيقولوا يا عم انا ها اشيلك الأريل واجيب دش ليــــــــــك فيه احنا ناس بتحب تجيب الفضائيات ليك فيه انا سعيد بالهنا اللي انا فيه وانا جايب الإرسال كده ليــك فيه .. انا بقيت واقف في نص هدومي .. يا عم انتا بتلبسنا تهمة .. اريل ايه بس اريل ايه ...

كل ده وعم ادفيلنر واقف بشورتوا مش فاهم اي حاجة .. كل اللي هوة عمال يعملوا عمال ياخد شوتات بالكام ويقولك مناظر تحفة لحد ما الموضوع هدي شوية والراجل قال انا ها امشيكوا بس بشرط ده يجيبلي بطاقتوا ده اللي هوا انا !!!!!!!!!!!!!!

ههههههههههههه يعني معذرة انتا سايب الناس بدبح في بعض في الشوارع وبتقتل في بعض والبلد بتشتعل وماسك في واحد بعكازين وشورت يا اخي حرام على اللي .....

آه

طيب يا سيدي البطاقة في البيت ..

تيجي

تيجي ازاي طيب

مش مشكلتي تيجي ..

طيب ببساطة كلمنا احمد يا احمد بيه

يا دي النيلة احمد بيه قافل تلفونو من ساعة ما اتجوز ومش عارفين نكلموا ..

يادي اليوم اللي مش فايت ..

اتصرفنا وكلمنا عم عبدو اللبان(مع انه بتاع مخلل بس مش عارف ايه علاقة اللبن بالمخلل)يا عم عبدو اطلع صحي احمد ضروري وخليه يكلمنا ..

طبعا فضل يبرطم بالكلام وادي اخرة المشي البطال وهوة انتو ناس نافعة .!!!!!!!!!!!!!!!!!!!!!!!!!! عليا النعمة المواقف دي بينتلي حاجات كتير قوي وناس مكانتش طيقاني خالص بس يالله ليهم روقة والله ..

ايوا يا عم احمد

احمد بيه ممكن تجيب بطاقتي من البنطلون وتيجي عشان احنا فيه لواء موقفنا تحت كبري الكيلو 4.5 ومش راضي يمشينا غير لما بطاقتي تيجي ..

احمد:حاضر يا ...... شوية مقاطيع يثبتوكوا ويوقفوكو كده ..

وقعدنا في العربية عقبال ما البطاقة تيجي ومش فاهم انا نفسي افهم ايه وجهة نظر الأستاذ رئيس الكمين اللي شاكك في 2 مصريين واحد منهم مش نافع ببصلة وبايظ و3 اجانب واحد صاحب كباية و 2 خبــــــــــــــــــــــــــــــــــــــــــــــــ ـــــــــــــــــراء وباين عليهم الحقيقة .. يعني يا زين ما خلفتي يا زينب !!!!

يالله اهو كانت حجتوا انه من حقوا يطمئن ... بس هية احلى حاجة انا وسعد عمالين بنهرج فيها بتوع اجندات هههههههههههههههههه قالك اجندات قال .ههههههههههههههههههههه

عليا النعمة من نعمة ربي انا بالغ سن الرشد وشخص مثقف ولله الحمد (اصل الثقافة بتندرج تحت حاجات كتير قوي)ومش عارف اصلا ما المقصود بأصحاب الأجندات ...

وفجأة عم ادفيلنر ...

MR.sayed

Me:yes

Him:would u plz show me the way to the rest room

Me:نعم يا روح .....

وده اوديه فين .. ده اللي راح المكان ده واكيد نص شعب مصر عارف المكان ده شكلوا عامل ازاي ومفيش فيه اي حاجة نهائيا .....

سعد قالي اقسم بالله انا جايب معايا شوية عيال واحد عايز يدخل الحمام والتاني عايز اللي يأكلوا (ده اللي هوا انا مش عارف ايه اللي جاب الأكل هنا من اساسوا)

فانا قولتلوا طيب وها نعمل ايه ده الراجل شارب تانك بيرة واذا متصرفناش معاه حاجة من اتنين يا ها يزروطلك العربية يا ها يبهدل اهلنا معاه ..

سعد قالي انزل خدوا الصحرا واسعة فهموا احنا بنعمل ايه في الحالات دي ..

رحت لافف وباصص في وش ادفيلنر ..

الشعر الأصفر ..

الكاب بتاع زاهي حواس على دماغوا :

نضارة

وكمية كريم كأنو غطس راسوا في علبة الكريم ..

ورحت باصص لسعد ..

ده ها يعملها زينا .!!!!!!!!!!!!!!!!!!!!!!!!!

لا يمكن يا بيه ..!!!!!!!!!!!!!!!!!!!!!!!!!!!!

عليا النعمة دحنا تبقى فضيحتنا بجلاجل بقى عايز عم ادفيلنر اللي خايف من الشمس نوقفوا في الصحرا ونقولوا .......... يا عم انتا اتجننت .. سعد قالي سبهولي انا ها اروقهولك ...

وراح قايلوا .

MR.adfilner would u like to try something new something u have never done ?

هههههههههههههههه يا ابن اللذينة يا سعد يخرب عقلك على اللي انتا ها تعملوا واقنعوا وبقا الراجل في قمة السعادة انه ها يقلد الـ 80 مليون . وسعد يقنعوا ويقولوا دي احتى التجارب اللي بنعملها في مصر وهي لإثبات اننا نستطيع التأقلم مع الوضع الراهن وانا عمال ادحك ههههههه عم الشورت ها ..... هههههههههه

هههههههههههه وهب راح جي احمد اخو سعد ..

ادي البطاقة يا سيادة اللواء ... هههههه انا اطلقت عليه الإسم ده بعد الفتاكة الظاهرة عليه ..

راح طالع بقا بحجة جديدة كانت ها تخليني اموتو بين ايدي الا وهو التالي ..

ادي صورة بطاقتي ومكتوب فيها الوظيفة

(طالب بالخارج)

وانتا بتقول انك ومعاك كارنيه كلية في مصر يبقى حاجة من اتنين يا اما البطاقة زورة يا اما كارنيه الكلية مزور .. في اللحظة دي انا شايف سعد جي بيجري من بعيد وهوة انا قولت في قرارة نفسي انه ضابط الأمن ده ميت لا محالة ده سعد ها يدفنوا على اللي بيعملوا فينا ده ..

انا يا سيدي الفاضل كنت طالب بالخارج طول عمري ولسة جي مصر من حوالي 3 سنين ومغيرتهاش حظي ونصيبي اعمل ايه ..

وسعد ايه خلاص ايدو اترفعت والمرة دي نازلة على وش الراجل لا محالة ها تموتو ......

وراح مرة واحدة صوت آذان العصر مرفوع

الله واكبر الله اكبر

وفي اللحظة دي احمد اعترض يد سعد وقالو الأذآن يا سعد !!!! عيب احنا متربناش على كده بالراحة ..

انا في اللحظة دي جت في بالي الي بيتفرج على افلام قديمة فاكرين فلم جعلوني مجرما بتاع الأستاذ فريد شوقي ..

الله واكبر الله واكبر الله واكبر الله واكبر

صوت الأذآن وفريد شوقي داخل يستخبى جوة المسجد والتاني ماسك ايدو وبصوت مرعب كده بيقولوا ..

انتا في بيــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــت الله يا سلطان

انتا في بيت الله يا سلطان

هههههههههههههههههههههههههههههههههههههه والله العظيم ومن دون سابق انذار انا وقعت من كثرة الدحك على الأرض مش ممكن كوميديا بهستريا يا عالم والله نفس المنظر فريد شوقي ها يضرب واحمد ماسك ايدو بي انتا في بيت الله يا سلطان هههههههههههههههههههههههههههههه

وانا مش قادر اسيطر على نفسي

المهم فضلنا نتفاهم مع الراجل وسعد كل شوية يبرطم بالكلام .. سيبوني اموتوا ده ملوش دية ....

يا ابني اهدى ..

يا حبيبي اهدى ..

وده يقولك ده يا جدعان اثبت انه مصر عندها المادة الخام من الغباء ذات نفسوا ..

مش ممكن كم الغباء اللي في الراجل ده ..

الراجل ده اثبت انه الغباء مادة لا تستحدث من العدم .. ولكن تنتقل بصورة او بأخرى من شكل الى آخر .. ده وصلنا لحالة انفجارية ..

راح ادفيلنر في اللحظة دي عشان يهدي الجو راح لاقط كلمة بالعربي وبيقول

بالراحة بالراحة

من كثر ما سمع الكلام ده بيقتلا بينا في الساعتين اللي واقفينهم ..

راح الراجل قايل ايوة اهم ها قالوا في ميدان التحرير اجانب بيتكلموا عربي مكسر يبقى همة دول اللي خاربينها وقاعدين على تلها .. احمد راح مشاورلي داري الراجل ده بدال ما يقطعونا بسببه وهوة سعيد جدا انها الناس كلها عمالة تبصلوا وهوة عمال بيقول بالراحة بالراحة ..

واللي زيد شكوكه انه مكتوب في بطاقتي طالب بالخارج ..

حسبي الله ونعمل وكيل في اللي كان السبب .. واول ما ركبنا ادفيلنر العربية راحت نازلة كريستين بتقول

"Sorrythatmy lunch can we go now"

هههههههههههههههههه

يكفي ان اقول بأنه كنا مثلا حوالي 9 افراد واقفين بنتفاهم مع بعض وكلو مرة واحدة بقا باصص ناحية العربية هههههههههههههههههههههههه احنا ها ندبح ودي بتقولك معاد الغدا بتاعي ههههههههههه

اجانب اجانب يا عم

ههههههههههههههه

ودول شافوا كريستين متنرفزة وعمالة بتقول انا من حقي اتصل بالسفارة دلوقتي حالا وها يجوا يحبسوكم كلكم ..

وسعد سترجملوا يقولوا

"اشرب بقا يا عم اهي بتقولك المكان كلو متراقب وممكن يموتوك دلوقتي حالا عشان السفارة الأمريكية مراقبة بالأقمار الصناعية كل حاجة عشان تعرف انتا عملت ايه "

وهية تقولوا ها نمشي دلوقتي ولا لسة في اعتراضات تاني

وسعد يقولوا " يا عم دنتا ها تروح في داهية دي قضية ..... انتا كدى رحت في داهية ....... انتا عندك عيال ... ربنا يتولاهم من بعدك"

والراجل يقول يا عالم انا بطمئن بس من حقي اكون مطمن ..

سعد يوقولوا " الموضوع خرج من ايدي خلاص الست اتنفرفزت وبعتت تكلم السفارة وها يجيوا بقا دول مش بيتفاهموا زيينا ..اتفضل بقا هديها "

الراجل قعد يتأسف ويقول انا آسف ومعلش ووالله انتوا ناس محترمين"ههه دلوقتي بقيت بيه من شوية كنت سرنجاتي"

ومعلش وانا آسف وحقكم عليا

ومشينا بالفعل ..

واحمد عمال يدحك يقولك شوفتوا ربنا مش كاتبلكم انكم تتهنوا من غيري هههههههههههههه

واحنا مش قادرين نمسك نفسنا من الدحك ..

وابتدينا نتحرم وزابط الأمن عمال يبصلنا زي الصورة دي ..

بس طبعا من غير الشنب ده وهوة كان ملون مكنش ابيض واسود ..

اتحركنا .. ودينا ادفلنر مع احمد عشان انا كنت خلاص كنت قربت اغرس العكاز في وشوا من الغيظ ....

ومروحين ....

فسعد بيجري وورانا احمد ..

سعد من الناس اللي سواقتوا هادي جدا لأنو بيحب عربيتوا اكثر من نفسوا وبيخاف عليها من اي خربوووووش

واحمد عمال يجي يمين وشمال ويدي في نور عايز يطلع منوا وسعد مصدر الطرشة ..

لحد ما جه احمد حمبنا وبيقولوا اتا لو اديتني الكتكوتة دي ها اموتهالك "على العربية" لأنو عربية احمد اقل ما يقال عنها انها متهانة من كثر الجري واللي بيتعمل فيها ..

لحد ما سعد كشر عن انيابه وراح كابس ومشغل الستيب ترونيك ووكابس وطالع منو ..

لقيتلك احمد فرح قوي وراحوا كابسين سوا مع بعض وبقا الموضوع من يجيب مين والطريق فاضـــــــــــــــــــــــــــــــــــــــــــــي وجري السنين بقا .. وكل ما احمد يحاول ياخد غرزة يجي سعد قافلهالوا .. يا لهوي على هزار البوابين !!!! ها تموت اخوك يا بهيمة انتا وهوة يقولي

"جنت على نفسها براقش"

مين براقش دي محدش يسأل الله يكرمكوا ..

ومرة واحدة لقينا احمد وقف على جنب في طريق المطار .. !!

الله فيه ايه .. سعد بيقولي تلاقيه بيعمل فلم هندي عشان اهدي ويطلع مني ..

يا عم يطلع ايه ويعمل ايه ارجع اخوك شكلوا العربية فيها حاجة ..

رجعنا بقا لقينا قمة الدحــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــك الحج ادفيلنر مع كتر الشرب والتنطيط ومش واخد على الجو ده

ومع الفرامل والبنزين كل شوية والرجرجة في العربية متوقع ايه اللي ها يحصل هههههههههههههههه

اهو حصل ههههههههههههههههههههههههههههههههههههههههههه

وايه بقا غرق لأحمد التابلوه والفرش والفتيس مش بقولكوا شارب 6 بيرة ههههههههههههههههههههه

واحمد نازل بيجري من العربية واحنا مش قادرين من الدحك ههههههههههههههههههههه

وعمال يقول انا ليا في الشغلانة دي ولا ها اقبض من وراكوا حاجة دهيا تخرب بيتكم حسبي الله ونعمل وكيل فيكم يا بهايم ..............................

ههههههههههههههه وحلف ماهو ماشي بالعربية الا لما تتنضف ههههههههههههههههههههههه

وانا مش قادر امسك نفسي من الدحك ...

رسينا سعد قعد يصالحوا ويقولوا هوة مش انتا اللي متحمس وعامل فيها عم سترلينج موس اشرب بقا .... هههههههههههه

في الآخر رسينا انه سعد ها يسوق عربية احمد واحمد ها يسوق عربية سعد وانا طبعا خارج المعادلة عشان رجلي :D :D

واحمد بقا جه ركب العربية معانا وهوة تقريبا لغا من تفكيروا المرايتين الشمال واليمين وبقا مركز في المراية اللي فوق نفسي افهم كان بيبص على ايه قوي كده !!!!!!!!!!!!!!!!!!!!!!!!!!!! اكيد كان بيطمإن على سعد اخوه ورانا :D :D :D :D

المهم وصلنا الناس الفندس واتفقنا اننا ها نعدي عليهم بكرة الصبح في نفس المعاد ونبهنا على عم ادفلنر يزبط نفسوا والكيف مش قوي كده ... ومشينا من الفندق وطلعنا على البيت ..

واول ما وصلنا لقينا فايق عامل مصيـــــــــــــــــــــــــــــــــــــــــــــــ ــــــــــــــــــــــــــــــــــــــبة في الشارع ..

يا نهار اسود ومش فايت

نكمل بكرة بقا عشان انا طولت عليكم النهاردة :D :D

ومعلش الموضوع تاأخر شوية النهاردة عشان العربية اتخبطت وها احكيلوا اتخبطت ازاي لأنه اختبطت ازاي ده موضوع لوحدوا مش ها تصدقوه ههههههههههه بكرة بقا ان شاء الله عشان مطولش عليكم اكثر من كده ..

على فكرة هيا اتخبطت بطريقة غريبة جدا ..

ازاي بقا

انا نايم امبارح في امان الله والشارع اللي امام مستشفى القوات الجوية شارع معروف جدا اتجاهه جي ...

صحيت النهاردة الصبح ونازل ماشي في الشارع عادي جدا مفيش حد فجأة الاقي سيل من العربية جي هجوم عليا !!!!!!!!!!!!!!!!!!!!!!!!!!!!!!!!!!!!!!!!!!!! فيه ايه !!!!!!!!!!!!!!!!!!!!!!!!!!!!!!!!!!!!!!!!!!

الشارع اتعكس اتجاهه بسبب مترو الأنفاق من جي لرايح والعربية اللي جية في وشي واحدة ست معايا كيا سيراتو ... اجيلها يمين تيجيلي يمين اجيلها شمال تيجلي شمال !!!! لحد ما هب وطخ !!!!!!!!!!!!!!!! وكفايا كده لحسن انا ها اموت من الغيظ !!!!!!!!!!!!!!!!!!!!!!!!!

[sayed911]

حااااااااااااااااسس بيك

( دي منبي يا معلمي منبي )


ايييييييييييييه ايام

متفكرناش يا عم

ههههههههههههههههه خلاص انا آسف مش ها افكرك انسى بقا الموضوع وشيله من دماغك خالص :d

يا باشا انا متابعك من ايام العلامة ما لزقت في ال.... احم
المهم متتأخرش علينا بباقي الاحداث

طيب جميل جدا والله انا سعيد انه في حد عارف الموضوع كله ابتدى ازاي هههههههههههههه خليها في سرك بقا ومنقولش لحد العلامة وقعت ازاي في اول مرة :d

مينفعش معلقش على الروعة دى
رجالة بروتون فين الراجل دة لازم يتعملة ايفينت مخصوص
تحياتى ليك يابو السيد يا جااااامد ومستنى بقيت الاجزاء

ههههههههههههههههههه ربنا يخليك يا معالي البيه وانا عارف والله اننا بنزبط ايفينت للبروتوناوية ولكن الموضوع مش عارف رجع نام تاني ليه ههههههههههه والله انا اللي نفسي يبقى فيه ايفينت عشان اتعرف على الناس كلها وبالخصوص حضرتك والأستاذ فيلكس والأستاذ ايمن والأتاذ عبدالرحمن وكل البروتوناوية المحترمين جدا ..
متيجي نطالب الإدارة بنقل الموضوع لقسم بروتون عشان ده ملك للبروتوناوية ههههههههههه حكر بقى :d

عايزين نعرف قصه سقوط علامه بروتون لان كدا معظم الي ف المنتدي مايعرفوهاش p:

و مستنيين باقي القصه d:

من عنيا يا فندم وان شاء الله في اقرب فرصة قريبة جدا جدا جدا جدا جدا جدا ..
ها انهي الموسوعة واكتب بقا ازاي القصة دي كلها بدأت من اول ما جبت العربية وحصل اللي حصل .. وتحياتي ليك يا فندم على المتابعة وردودك ومتابعتك ليا هيا اللي بتشجعني اني اكمل الموضوع :d

[amr.mostafa]

معلش بس انت ازاي خبط العربية وانت ما بتسوقش ...؟؟وعربية احمد ايه ..؟؟واي عربية اللي اتخبطت

[sayed911]

يا فندم انا رجلي اصيبت من احداث 29 يناير يوم الجمعة واحنا النهاردة 7 مارس :d يعني فات على الموضوع حبة حلوين :d والحمد لله ربنا كرمني وفاكك الجبس ودلوقتي عليها حاجة زي نوع من انواع الجبيرة :d زي رباط تقيل بس ده كله بقى في رجلي الشمال :d وانا عربيتي اوتوماتيك :d :d انا ما كنتش بسوع خوفا بقى من رد الفعل والثقل والكلام ده ولكن الحمد لله بقالي اسبوع وشوية ماشي زي الجن بالعرية :d والعربية اللي اتخبطت عربيتي :d :d :d وعربية احمد يا فندم رينو ميجان بس i ولا ii ولا اعرف انا مش بأفهم حاجة خالص في الميجان بصراحة :d :d :d

[horas3000]

انت راجل ملكش حل
و الله طلعتني من مود كئابه لا حدود له
في انتظار البقية

[elfashn]

i'm waiting

[Mzeid]

بجد مش ممكن الأسلوب اللي بتكتب بيه
و كمية الاحداث اللي حصلتلك لحد دلوقتي
انا بصراحة مش قادر علشان كاتم ضحكتي علشان اهلي اللي نايمين يا راجل

و انا حاسس أن الحج فايق عمل مصيبة كبيــــــــــــــــــــــرة فعلا

في إنتظارك

[yascro]

رااااااااااااااااااااااااااااااااااااااااااااااااا ااااااااااااائع

[Hussein_Emara]

انت مشكلة يا ابو السيد, و الف سلامة على رجلك, اظاهر لعنة المرسيدس اشتغلت

[زينة الله]

سيد أنت سيناريست فظيع و مالكش حل

أنا متخيله كل المواقف اللى بتحكيها كأنى بتفرج على فيلم

روح يا شيخ ربنا يبارك لك زى ما بتضحك الغلابة ::) و تنسيهم الهم هههههههه

مستنين الجديد .....

[No Comment]

انا مبقرأشى المغامرات دى فى الشغل الا لما بكون لوحدى فى المكتب علشان الفضايح .
وحافظ الموضوع ده فى الفيفورت فى البيت علشان أقراه كل ما اكون مخنوق وعاوز اخرج من المود .

[tarekzein]

انا مبقرأشى المغامرات دى فى الشغل الا لما بكون لوحدى فى المكتب علشان الفضايح .
وحافظ الموضوع ده فى الفيفورت فى البيت علشان أقراه كل ما اكون مخنوق وعاوز اخرج من المود .

يا لذيذ أنت يارايق

[alaasaid]

و الله يا باشمهندس سيد انت طلعتنى من مود الهم و القلق اللى عايش فيه , ربنا يكرمك

[M.Mostafa80]

بجد انت مش ممكن
ربنا يعزك

[sayed911]

عدنـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــا

المهم روحنا البيت ووصلنا وبرنكن ولقينا الحج فايق عامل جنايــــــــــــــــــــــــــــــــــــــــــــــ ــــــــــــــــــــــــة

جايبين كورة وبيلعبوا متش كورة !!!!!!!!!!!!!!!!!!!!!!!!!!

بتعمل ايه يا حج فايق قالي ( بنلعب ماشط كورة ) ماشط كده بالحرف !!!!!!!!!!!!!!

!!!!!!!!!!!!!!!!!!!!! وعايز اقولكم فاكرين عمو النور اللي اصطاده بالمسدس قبل كده !!!!!!!!!!!!!!!!!!!!

لسة هوة موقفينوا جول !!!!!!!!!!! ولسة ها يشوط الكورة المفروض اللي الحارض بيشوطها للملعب لقدام !!!!!!!!!!!!!!!!!!!!!

ده لأ ده شاط الكورة بزاوية 90 درجة عمودية لفوق اصطاد عمود النور اللي فوقوا مباشرة على طول ووقع وش الباغة اللي على العمود من برة وهية نازلة راحت واقعة عليه !هــــــــــــــــــــــــــــــــــــــــــــــــ ـــــــــــــــــــــه

(عندي الصورة بس مش عارف فين للعمود وهوة من غير وش كده 2-0 لفايق على عمدان النور ) فايق ده لو فيه منوا 12 كانت القاهرة الكبرى وضواحيها عمدانها خلصوا ...

محدش قادر يمسك نفسه من الدحك وانا عمال ابص على سعد بيركن العربية وهوة فاتح الشبابيك كلها ومش طايق نفسه وها يموت وينزل من العربية !!!!!

المهم خلاص طالعين البيت عشان نتغدى كلنا لقينا الشباب بيعزموا علينا بأننا نلعب معاهم وطبعا انا في حالتي الصحية كنت ها اموت وانزل بس يالله انا ما زلت حتى يومنا هذا والله سايب الموبايل مفتوح ليل نهار مستني مكالمة من حسن شحاتة او عصان شرف اوي اي حد يقولي تعالا احنا اخترناك في اي حاجة في اي حتة !!! ولكن يالله ربنا يعدلها من عندوا .. انا منشن على وزارة الدفاع ولكن انا مش طماع ان شاء الله يمسكوني الري انا راضي بيها واهو على الأقل سيادة الوزير راح سيادة الوزير جه .... ومتخفوش والله ما ها انساكم يا جماعة ... بس امسك انا بس ويعدلها ربنا ان .....

والسبب الأكبر اللي دافعني اني امسك حاجة لأني كل ما اعمل اي حاجة في حياتي حتى اني اجي ادور العربية افتكر صورة الحج في وشي وهوة دايما مكنش الله يمسيه بالخير على لسانوا غير كلمة واحدة ... ان فلحت ابقا قابلني .. الله يمسيه بالخير بيعزني جدا جدا جدا واكيد كلكم مررتم بالحتة دي ....ودائما كان له كلمة تانية .. (انتا ربنا باعتك إمتحان لصبري !!! انتا ربنا بيخلص ذنوبي بيك في الدنيا !!!!!!) مع اني والله حمل وديع !!!! غير مؤذي بأعيش واتعايش مع اي نوع من انواع الظروف واعتقد بعد الرغي اللي رغيته ده كلوا عندكم تصور لشخصيتي عاملة ازاي .... ما علينا انا سرحت واتكلمت في حاجة تانية خالص ... (التوهان اشتغل) نرجع لموضوعنا

انا قولت ها احكم المتش الدولي ... اللي في الفريق الآتي ..

في حراسة المرمى الكابتن فايق ابو شفة ..

في خط الظهر :الكابتن نصر المحترف من عزبة الهجانة في اعارة واضافة جديدة للفريق

في خط الوسط عندنا عبدو البواب ربنا يخليهولنا

وفي الهجوم وهل يخفا القمر متصدر دوري المظاليم بـ 12 هدف على التوازي الكابتن سعد ..

والفريق التاني معرفش بني آدم منهم غير انهم كلهم متشردين الحقيقة .....

واللعيبة بتسخن لقيت عبدو البواب ونصر والفريق التني واللجان الشعبية اللي في المنطقة كلها مشيتها مش عاجباني ... طريقة كلامهم مش مزبوطة ( مش كلهم فئة معينة من الشباب ) بسأل احمد قالي معاك حق الفئة السنية بتاعت 18-30) كلهم شكلهم مش مزبوط حدقية العين متسعة جدا وماشيين متشتحين !!!!!!!

فضلنا ورا الموضوع انا واحمد لحد ما اكتشفنا الآتي !!!!!!!!!!!!!!!!!!!!!

الله يخربيتك يا فايق !!!!!!!!!!!!!!!!!!!!!!!

الحج فايق عمل مع الشعب واجب وقالك كل واحد بيساهم باللي يقدر عليه وانا شايف الدنيا برد ولسة الليل طويل ولاشباب قاعدين في الشارع من صباحية ربنا .... قام عامل مع الشباب واجب برشام ضيع المنطقة باللي فيها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

ايــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــه

المنطقة كلها متبرشمة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

ههههههههههههههههههههههه احمد بيقولي متيجي نمتب على اول الشارع (احذر الموت خطر البرشام "منطقة برشام") وايه بقا الحج فايق دكتوووووووووووووووووووووووووووووووووووووور

وزع عليهم كميات مختلفة لحد ما بقا الشباب ماشي في لاشارع مش عارف بعضوا !!!!!!!!!!!!!!!!! يا نهار اسود همة دول اللي واقفين بيحرسونا !!!!!!!!!!!!!!!!!!!! الشارع كلو مبرشم !!!!!!!!!!!!!!!!!!!!!!!!!!!!!!!!!

وايه كل شوية يقولك اطلع اجيبلكم انتاو بقا شاية ( انا واحمد وسعد ) ويا عالم بقا ها يكون فيه ايه مهي ناقصة !!! طبعا شكرناه ومتشكرين يا سيدي الفاضل وفضل يسخن للمتش وبقا عامل زي الكابتن ابو حباجة لو حد فيكم يوعا عليه (انا شخصيا معرفهوش بس شاددني اسمو قوي )

الفرقتين نزلوا ارض الملعب .. الحكم الدولي اللي هوا انا جي بأمر من اتحاد الكورة من العباسية لتنظيم هذه المباراة الكروية الهامة .. وعايز اقولكم ده كان احلى ماتش شوفتوا في حياتي من لدحك ... ها اوصفلكم المشهد كالتالي .. الملعب جاهز ..... اكثر من 12 الف متفرج جيين ليشاهدوا الماتش الدولي وبيقولوا يا رب انصرنا ...(انا مش عارف عدد بس المنطقة كلها كات بتتفرج)... والسيدات كلها واقفة في البلكونات بيتفرجوا والأطفال واقفين حوالين الملعب على طول وبعتنا جبنا كورة كده ما يعلم بيها الا ربنا طبعا .... والا محترفي لعب الكورة في الشارع واكيد كلنا لعبناها في الشارع بتاع 3846 مرة اكثر حاجة بتزهقك العربيات اللي تفضل كل شوية تعدي تخيل بقا انتا في متش مذاع على جميع سكان المنطقة ومكتشفين مواهب بقا وقنوات اعلامية وايـــــــــــــــــــــــــــــــــــــــــــــــ ــــــــــــــــــــــــــــــــــــــــــه ليلة بقا ...

صلينا المغربية والحمد لله ودقت صافرة الحكم الدولي سيد خطاب معلنة عن بدأ احداث الشوط للأول ..

الفريق التاني من كثر ما كانوا مبرشمين والله يا عالم شبه كانوا فاقدين الإحساس تماما ...ونهائيا ... يعني واحد فيهم اتزحلق دماغوا خبطت في الرصيف انا قولت بس ده مات قام وعادي جدا بيكمل الماتش كأن شيئا لم يكن احمد قالي سيبوا اصله بلديات ودماغوا ناشفة لا علاقة للبورشام بده وماحدش يعلق على كلمة بورشام دي ..

المهم كانت هجمة سريعة للكابتن فايق وداخل ومعدش فاضل حد غير هوة والجون ومحدش يسأل ازاي فايق وصل للإنفراد (انا كنت متأكد انه لازم يبقى متفوق في حاجة اكيد مش فاشل في كل حاجة ) وادخل على الجون وهب راح لامم الجون لمة حلوة ومرقصوا وحاطط الكورة في الجون هيييييييييييييييييييييييييييييييييييييييييه هههههههههههههههههههه

والزغاريط اشتغلت ايه بقا ههههههههههههههههههههههههه

ولولولولولولولولولولولوولولولولولولوولولي

الله عليك يا ابن المنطقة يا بار ... الله عليك يا حبيب والديك ولو تشوفوا السعادة اللي بيجري فيها وهوة رافع ايديه كأنو حاطط الجون في بوركينا فاسوا سنة 90 لما مش فاكر ايه اللي حصل .. المهم اه الراجل سعيد جدا ... وهب راح مطلع المسدس وقال عايز يضرب طلقتين في الهواء تحية يعني ..مهو خلاص بقا فرح بلدي ومعدش فيه احترام للحكم اللي متجبس

لالالالالالالالالالالالالالالالالالالا احنا بنحب الروح الياضية جو ضرب النار ده ملناش فيه ونبي الله يكرمك يا حجنا .. واقنعناه انه الجيش لو سمع ضرب النار ها يجي يوقف الماتش وينقله لأرض محايدة ههههههههههه مهو ده مش ها يفهم الحقيقة هههههههههههههه

والمتش سخن وجية هجمة كاملة على فايق مرتدة وداخلين عليه والواد الفرود بتاعهم شاط الكورة بكل ما اوتي من قوى وهوة فرق بينه وبين فايق مثلا مسافة لا تتعدى الـ 5متر ... وهب الكورة جت في احد المناطق الموجعة جدا جدا جدا جدا جدا جدا جدا جدا جدا والله العظيم انا اللي كنت بشاهد تألمت من قوة الكورة وهية طايرة !!!!!!!!!!!!!!!!!!!!!!!!!!!!!!!!!!!! دي بتطير فيها رجالة بشنبات !!!!!!!!!!!!!

وده بعد ما الكورة خبطت فيه وقف بتاع 10 ثواني كده زي الفل وعمال بيتنطط وعمال بيقول "ادي يا جـــــــــــــــــــــــــــــــــــــــــــــــــ ــــــــــــــــــــــــــدي" وراح واقع من طوله هههههههههههه وشوا ادى احمر والحقيقة الفريق الطبي المتميز المتمثل في عم عبدو للبان شالوه وحطوه على الثلاجة بتاعت البيبسي ولحقوه بكيس ثلج على طول على الموضع المصاب ...بس طبعا كيس ثلج مين ده انا من وجهة نظري انه الراجل باظ خالص ..انا متأكد انه اللي كان مبلبعه ادى بطريقة او اخرى انه ميموتش فيها لأنه ببساطة جدا ده لو كان انسان واعي في كامل وعيه تجاه اللي حوله شوطه زي دي ربنا ما يكتبها على حد واكيد جت في كتير مننا فيه لعيبة مستقبلها بيبوظ من كورة دي دي واكيد كشباب في الصغر لعبتوها شفتوا الموقف ده قدامكوا كتير ولكن ده انا متأكد انه كان فاقد الإحساس هههههههههههه يا جدعان ده كان عندوا ديلاي بالألم لمدة 15 ثانية عقبال الألم ما وصل لمركز الأعصاب في المخ ................

. ولكن باقي من الزمن الأصلي للمباراة حوالي 5 دقايق وانا في نيتي مديش وقت بدال ضايع عشان فيه حظر وجو قلة ادب

وفريق المنطقة بيلعبوا ناقصين واحد طيب والحل يا جماعة ....وانا كحكم الحقيقة معنديش شخصي التدخل قدام الناس بالمناظر دول يعني عايزني اقف واقول لنصر معجزة قدامكوا 30 ثانية تشوفوا حل والا ها اعلن انسحابكوا وانا مالي يا عم ههههههههه

هوة فيهم حد ها ينفعني لو رجلي التانية بازطت معنوا المتش ما اتلعب .. المهم استعانوا بقا هنا بخبرات الحج عبدو اللبان وقالولوا اقف جون اللي يعدي من هنا ادبح اهله ....وجابولوا تي شيرت منتخب مصر من احد البيوت وكان الكوميديا في التالي ..

الحج عبدو راجل مش شاب يعني بيلعب في الـ 40 سنة مثلا وطبعا عنده بطن ضخمة جدا وملتحي هوة وتقريبا شبه اصلع متخيلن شكلوا طبعا ولابس تي شيرت منتخب مصر مقاسوا small مثلا عشان تتخيلوا الشكل كان عامل ازاي وتخيلوا بقا الآتي مكتوب على التي شيرت من ورا

280 gls

هههههههههههههههههههههههههههههههههههههههههههههههههه ههه يا نهار اسود على الدحك ههههههههههههههههههههههههههههه ده فتيس ارضي كمان ههههههههههههههههههه

280 جي ال اس هههههههههههههه وبيسخن قال خايف من الشد العضلي قال ههههههه

وانا كنت الحقيقة دايما اقولوا يا عم الشيخ ورينا الصحة فين بقا انا عايزك تنزل تاكل لأسفلت ههههههه .. الراجل يا عيني سخن جامد من كثر ما اتحمس واقف جون ومعاه الكورة مش يلعب لقدام لأ

من كثر ما هوة متحمس بقا والشارع كلوا بيتفرج راح حاطط الكورة قداموا وعمل فيها عم عصام الحضري وماشي والكورة معاه وسعد يقولوا باصي وده مفيش نصر يوقبوا هنا وده مفيش وهكذا فضل يمشي بالكورة لقدام لحد ما دخل عليه الواد الفرود بتاع الفرقة التانية وهوة واد طوله بأي حال من الأحول لن يتعدى الـ متر و 20 سم يعني مش باين من الأرض .. وهب راح لافح الكورة من عم عبدو عم عبدو حاول يشنكل الواد لأنه المرمى دلوقتي من غير حارس راح عم عبدو هوة اللي متشنكل ومن وزنه الزائد رجليه لفم حوالين بعض واتشنكل وراح واقع بجنب دخل بدماغوا في باب عربية فيرنا كات مركونة طبقه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!! انا اتخضيت لأنه راجل كبير في السن ووزنه تقيل يعني وقعته ها تيجي بكسر وتقريبا هوة الباب كل اللي فيه زي ما تقول اتطبق بس كده يعني بخبطة عليه ها يرد زي ما كان الأول .. بس لاقيته قايم بسرعة وبيقول اقفل المرمى اقفل المرمى هههههههههههههههه بقولكوا الحماس كان واخده جدا جدا جدا لحد ما سعد راح قاصص الواد من ورا ..... ووقعوا ..

كحكم دي ضربة جزاء صريحة 200% وفيها كمان طرد للواد سعد ....

ده مع الرأفة لأنها قصة متعمدة من الخلف لمنع احراز هدف في منطقة الجزاء ... وببص جمبي لقيت فايق وعنيه مخاصمين بعض كالعادة بيقولي (هوة ايه اللي حصل ) هههههههههههههه يا عم انتا مش بتتفرج زي زيك !!!!!!!!! ههههههههههه ايه اللس حصل ايه بس يا عم انتا الضربة اثرت على دماغك ولا ايه .... ولقيت تقريبا منطقة جمال عبد الناصر بأكملها متوجهة نظرها إلي ها احسبها ايه !!!!!

بلاش اقولكم حسبتها ايه عشان مش عايز لا اتشتم ولا اتضرب بس يكفي اني اقولكم اني محسبتهاش ضربة جزاء :d :d :d يا جدعان المنطقة فيها عبط كثير وواخدين الماتش جد جدا يعني مليش ديا وهنا فقا ولا فاروق جعفر يا يقول ده هدف ولا فيه امن مركزي يأمن خروج الحكم ههههههههههه بس ده اللي انا ها اقولوا ههههههههههههه

واللي عايز يشتم الشتيمة بالدور يا جماعة الله يكرمكوا :d :d :d :d عشان انا متأكد انه فيه اخوة هنا ها يطلعوا متعصبين كرويا :d :d :d :d

والى هنا تنتهي حلقة اليوم

وغدا ان شاء الله ها تكوة آخر حلقة في موضوع اللجان الشعبية وبعدوا ها نحكي قصة سقوط علامة بروتون بدأت ازاي

من الأول خالص بقا للي بقراش اول جزئين :d :d :d

ممكن كل واحد يتوقع الختام بتاع القصة دي بطريقتوا اصلي بصراحة بفكر اسيب النهاية مفتوحة للإخوة الأعضاء عشان التشويق والإثارة اللي ها اشوفهم منكن غالبا ها تنتهي بتجبيس الرجل التانية :d :d :d :d