سقوط علامة بروتون الجزء الرابع (سلسلة مواقف كوميدية)

[زينة الله]

انا بقى مش عايز الكلام ده كلو .. :d :d :d انا لست طالبا مجدا ولا جاها انا طالبا مالا بقى بصراحة :d :d :d :d

وبلاش نتكلم في تفاهات زي المرتب والكلام ده :d :d نقول ها نقدم ايه للبلد

يعنى لما جت عندى الفلوس بقت تفهات خلاص ::) منتهى الديموقراطية

ومبدئا ها ناخد الأصوات على اسم الشركة .. انا عاجبني اسم شركة "شركة الخرفان للإنتاج الفني "

الخرفان أممممممممم طيب أنا لسه سامعة حلقة بلال فضل مع يسرى فودة 3 ساعات ربنا يسامحه بقى ::: )

و الراجل قعد يتكلم عن ..... و " ما تستغربش الرفس من البغل النجس " ... أول مرة أسمع المثل دا

ما نسميها " شركة البغل النجس للفن التعس " مع الأعتذار للبغل طبعا أحسن الخرفان راحت عليهم بقى و قديم و كدا

موافقة حضرتك على منصب رئيس مجلس الإدارة ؟؟؟

أخدت بالك أنت من اليافطة اللى فى توقبعى هأ هأ هأ هأ (ضحكة عبد الوهاب)

قولت تلحق تتعاقد معايا قبل الترقية بسنتين
أممممم مفيش مشكلة طالما 50% 50% و أشتغل 3 أيام فى الأسبوع بس و من 9 : 12 الظهر كمان

---------------------------------------------------------------

أسجل صوتى لقصة تعلمك السواقة بس لو هاتعملها فى موضوع منفصل سيب لينك له هنا فى الموضوع

أضحك الله سنك و أذهب همك يا أخى الكريم و أنعم عليك بالعفو و العافية

[mhmdalsaadany]

الله ينور يا ابو السييد ايه الحلاوه دي

[sayed911]

الخرفان أممممممممم طيب أنا لسه سامعة حلقة بلال فضل مع يسرى فودة 3 ساعات ربنا يسامحه بقى ::: )

و الراجل قعد يتكلم عن ..... و " ما تستغربش الرفس من البغل النجس " ... أول مرة أسمع المثل دا

ما نسميها " شركة البغل النجس للفن التعس " مع الأعتذار للبغل طبعا أحسن الخرفان راحت عليهم بقى و قديم و كدا

لا داعي نهائيا للإستغراب من كم المصطلحات الغريبة التي تقال بالمرة ... اصبحت القنواتالتلفزيونية حاليا هيا المنقلالرئيسي للعبث الموجود في الشارع .... (كلتين عربي انما ايه درجة اولى :d من واحد مش بيعرف يكتب اسمه صح :d )

أخدت بالك أنت من اليافطة اللى فى توقبعى هأ هأ هأ هأ (ضحكة عبد الوهاب)

قولت تلحق تتعاقد معايا قبل الترقية بسنتين
أممممم مفيش مشكلة طالما 50% 50% و أشتغل 3 أيام فى الأسبوع بس و من 9 : 12 الظهر كمان

والله العظيم لسة واخد بالي منها دلوقتي حالا ولسة عارف حالا انه حضرتك مهندسة :d :d :d (زميل في الكفاح المسلح) ولكن انا يوم ما استلم كارنيه النقابة واخد تصريح عليا النعمة لا اطلع فوق كبرى 6 اكتوبر واعلق صورة الرخصة واعمل بيها فرح كمان :d :d :d + يا فندم حضرتك فهمتيني غلط مفيش داعي انك تيجي من البيت حضرتك ها تبقي رئيس مجلس ادارة من منازلهم :d :d يعني تمضي وتوجهي وبس عشان لو لا قدر الله الضرايب كبست او اجهزة الدولة المخفية :d طلعت يبقى فيه حد يساءل المسائلة القانونية وطبعا طبقا لتخصص حضرتك في مجالات الهندسة ها نفتح الشركة لإني ها ادعي إني اقل من 21 سنة طبعا هههههههه بس هوة مين عبد الوهاب اللي الدحكة بتاعتوا مكتوبة دي :d d سؤال غبي عشان انا مش عارف مين عبد الوهاب :d

وخلاص كده 2-1 لقصة تعلمي السواقة ويبقى عليه العوض ومنه العوض لما دياب بيه ها يعرف ها يبقى ذنبي في رقبتكم ان شاء الله ... وانا ان شاء الله ها اكتبها هنا لسهولة الوصول عشان متوهش الناس ورايا :d :d :d

أضحك الله سنك و أذهب همك يا أخى الكريم و أنعم عليك بالعفو و العافية

وعاجز فعلا عن الشكر يا اختي على هذه الدعوة الجميلة وربنا ينعم علينا اجمعين بصحة العافية والأمن وفعلا حضرتك رفعتي معنوياتي انه فيه حد اخيرا بيدعيلي مع الإخوة يبقى فيه امل :d :d متشكر جدا لحضترك وعاجز فعلا عن الشكر والله يا اختي

لو دياب بيه يا جماعة سأل عليا انا روحت مشوار لليبيا 10 - 15 سنة وجي ان شاء الله ........

الله ينور يا ابو السييد ايه الحلاوه دي

ربنا يخليك يا فندم :d :d اهم حاجة انها عجبت حضرتك وده اهم من كل شئ والحمد لله ...

[Xander2010_Evo]

مستنييين علامة البروتون ياسيد ماتحاولش تهرب :))

[gebreel]

انا كمان عارف العلامة وقعت ازاي

و مستني السواقة =)

[yascro]

10 15 سنه ف ليبيا

يا محاسن الصدف

دا انا رايح ليبيا

[زينة الله]

بس هوة مين عبد الوهاب اللي الدحكة بتاعتوا مكتوبة دي :d d سؤال غبي عشان انا مش عارف مين عبد الوهاب :d

عبد الوهاب دا كان موسيقار الأجيال ::( الأجيال القديمة بقى أنت ما توعاش عليها ::(

و كان عندما يضحك يقهقه بضحكات متقطعة :: بس مش شريرة::) يعنى بالتصوير البطئ :: ناس زمان رايقة بقى

أعرفك عليه أكتر :: دى أغنية له و هو بيغنى ===
طول عمرى عايش لوحدى ..... سيد و راضى بحالى
و معاه الطفلة فاتن حمامة !!!

[youtube]http://www.youtube.com/watch?v=eE5TFKv1jK0[/youtube]

[No Comment]

انا بصوت على سقوط علامة بروتون الجزء الأول وبعدين نبقى ندور على موضوع السواقة .
اشمعنا يبقى فى ناس عارفة حاجة واحنا مش عارفينها خليهم يستنوا شوية لما نحكى القديم الأول علشان نبقى على بينة .

[sayed911]

سقوط علامة بروتون

الجزء الأول

بناءا على حرية لإختيار والديموقراطية التي نتمتع بها الآن والحمد لله

قمنا بأخذ القرار اننا نشرح لحضراتكم كيف وقعت العلامة اول مرة وما تلاها من انجازات حضارية اثرت على داخل الناتج القومي بالنسبة للفرد ومشوفناش منها اي حاجة لحد دلوقتي ولكن الشكوى لغير الله مذلة يا سيدي الفاضل .....

المهم المرادي انا ها اعيد صياغة الجزء الأول بطريقة ما لإضفاء المزيد من التفاصيل على الموضوع كنوع من التجديد والتفصيل ...

يبدأ الموضوع بتعريفكم معلومة بسيطة عن نفسي ....

انا اسمي سيد خطاب ..

من مواليد 1990 خارج مصر (للأسف )

تقريبا حياتي كلها حتى سنة 2008 امضيتها في تنقلات كاملة بين البلدان ومعشتش اكثر من 3 سنوات في بلد واحدة مما ادى الى تشربي للعديد من الثقافات المنيلة بستين نيلة ولكن اهو الواحد بيقول بحجة ان اردت حاجة في عدوك اعرف حاجة عنهم تقريبا يعني ...

على فكرة انا حامل للجنسية المصرية بالكامل لحسن يكون المكان متراقب من ام سيد (الموساد )"ده الإسم الحركي له عشان منفضلش نكتب الكلمة كتير بعد كده احفظوها "

المهم بدأء الوضع منذ نزوحي الى قاهرة المعز لدين الله الفاطمي في بداية عام 2008 بالضبط ..بعد ان انهيت دراستي الثانوية وانتقلت للقاهرة للبدء في دراساتي الجماعية والحقيقة اقول انني عندنا كنت في بداية انتقالي للقاهرة كنت مفعما بالحيوية والنشاط لإني اخيرا انتقلت للحياة في وطني الأم مصر الذي لم يتسنى لي ان اعيش فيه في حياتي كلها لمدة تزيد عن الـ شهرين كل 3 سنوات يعني لو جمعتوا قعدتي كلها في مصر مش ها تعدي الـ سنتين على بعض ...

وها نترك الأفكار المختلفة التي كنت قد كونتها عن وطننا الحبيب مصر قبل انتقالي ايه وها نكون على دراية تامة إني اعتبرت نفسي طفل لسة عنده سنتين وها اتعامل مع الناس كلها بنفس المبدأ والواقعية ..

بدأ الموضوع انني حاولت اقدم في التنسيق وكنت جاي بمجموع gpa =9.7 بعد ان تم الغاء مادتين منهم لأنهم مش بيدرسوا في مصر

(الإيتيكيت – الدراسات الجنسية) وده قلل الـ مجموع بتاعي الى حوالي 9.62 ولكن ما زلت مؤهلا حيث ان دفعت عام 2008 كانت واخدة هندسة من 90% قولت بس يا ابو السيد لعبت معاك :d وكان حلمي اني ادخل كلية الطيران واتخرج ابقا زابط ....... حلم ......

بدء الموضوع اني قدمت في الكلية الحربية واول صد ورد سمعتوا إني عشت كثير جدا برة لدرجة افقدتني الهوية المصرية وفي كثير احق مني بالترشيح وعلى فكرة الكلام ده غير رسمي ولكن ده اللي اكدولي العديد من القيادات هناك بأنه همة بيدوروا على ناس ليهم احتكاك كثير بالشارع وي وي وي :dادي اول مسمار في الدماغ عدوا معايا بقا عشان دول ايه انا دماغي بقيت صندوق :d

سحب البساط من تحت قدمايا ...!!!!!!

قلت ولا يهمك يا ابو السيد البلد خسرت جندي شجاع .. وانتا اصلا بتخاف من الشوكة كلية حربية مين اللي بتقدم فيها ... ونبي انسى الموضوع انتا لا تصلح للموضوع ده بقا عايز حد يصحيك من 5 الفجر ويقولك قوم اجري وي وي وي (انا كنت احول إني اكره نفسي فيها وخلاص ) وانتا مش بتاع لكلام ده وسيب الكلام ده لناسوا .. وكنت شبه بأتجنن لما الاقي ناس اتقبلت في كلية لدفاع الجوي وكلية الطيران بطرق عجيبة وغريبة مش واسطة على فكرة ولكن يمكن تكون لهم وجهات نظر فيهم :d :d ما علينا ..

روحت قدمت في التسيق .. في جامعة القاهرة .. هههههه ولكم ان تتخيلوا انه التنسيق مثلا فتح يوم سبت ..للطلبة المغتربين انا وصلت جامعة القاهرة يوم الثلاثاء :d :d :d هندي بقا :d :d وكل يوم انزل حاطط عيش على امو الخير واقول سهلة وبسيطة وميسرة بإذن الله وانزل اتوه افقد الأمل اروح مروح تاني .. فضلت على الحال ده اكثر من 3 ايام لحد ما ولاد لحلال ربنا يجازيهم خير وصلوني لجامعة القاهرة ولمكتب تنسيق الطلبة المغتربين .... وصلت ولله الحمد والشبابيك كات كالتالي ..

الإمارات امامها حوالي 35 طالب

البحرين:20 طالب

السعودية :150 طالب

السودان:40 طالب

وهكذا ودواليك ..

وصلت لشباك دول الإتحاد الأوروبي هوا .. فاضي ههههههه مفيش حاجة قداموا ..

ههههههه الله مهي ميسرة اهي وسالكة امال بيخوفونا منهم ليه :d :d قدمت اوراقي ولله الحمد وسحبت الملف ابو 300 جنيه انا فاكروا كويس ههههههه والراجل قالي املا البيانات وقول انتا عايز تلتحق بي ايه وهات الملف لما علن عن فتح باب قبول الملفات ..

(والله يا جماعة قلبنا المواجع :d انا الكلام ده عمري ما حكيتوا لحد نهائيا تقريبا :d )

قعدت ومسكت الملف

وجوابت على اول 5 اسئلة الإسم – السن – العنوان – وهكذا

ووصلت لحد شوية اسئلة ما يعلم بيها اللا ربنا ...

هل يجيد الطالب العزف على الآت الموسيقية!!! وده ايه علاقتوا بيا !!!

هل يجيد الطالب التحدث بلغات اجنية

هل يجيد الطالب رياضات معينية وما هو عدد ساعات التمرين ..

واسئلة م النوع ده !!!!!!! جاوبت ووصلت لحد نقطة اختيار الكليات !! وانا مش متخيل يا جماعة إني بالكام استيكر اللي ها الزقهم على الورقة دول ها يحددوا شخصية وكيان ومستقبل شخص في الوطن المصري اسمه .. يعني الكام استيكر دول ها يحدوا انا ها ابقى مين بعد كده شغال ايه متجوز مين ركب ايه ساكن فيه .!!!!!!!!!!!!!!!!! الموضوع مكنش بالسهولة اللي انا متخليلها ..

لزقت كل هندسات مصر ..... الأول

وبعد كده كل كليات طب مصر ..

ومحدش يسأل ليه انا عاكسها عشان انا بحب كلية هندسة جدا :d :d

وبعد كده لقيت نفسي مالي من الـ 50 طلب حوالي 22 بس .. الراجل قعد يقولي لازم تملاهم كلهم ومتسيبش اي فرصة على نفسك !!!!!!!!!!!!!!! الله يعني الزق حاجة انا مش عايزها قالي اه هوة كده !!!!!!!!!!!!

ماشي يا سيدي حطيت حاسبات ومعلومات وانا اصلا مش عارف الكلية دي بتخرج ايه !!! الكلية لعلاج الطبيعي كلية صيدلة لزقت حاجات وكليات ما يعلم بيها الا ربنا وانا مش متخيل نهايا اني بحدد مستقبلي بلعبة انا عمال اقول ها احط ايه هنا خليها كذا ولا اقولك خليها كذا !!!!!!!!!!!!! يا نهار اسود انا بلعب بمستقبلي !!!!!!

المهم عشان مطولش عليكم ..

طلعت نتيجة التنسيق بعدها بحوالي 15 يوم وانا كلي سعادة ومجهز نفسي اني خلاص بقيت بالفعل المهندس سيد خطاب هههههههههههههههه

لقيت جيلي كليتين ولله الحمد ...

(تجارة عين شمس – وكلية حاجة في جنوب الوادي )

ليس عيبا في الإتنين والله ولكن مش طموحي ... كلية تجارة على عيني وعلى راسي ولكن مش طموحي ...وبعدين جنوب الوادي دي فين اصلا ....

يا فندم ازاي طيب انا مجموعي فوق الـ 96 ازاي يا فندم يقولي اصلك جي من دولة اجنبية والإغتراب بالنسبالك مش مشكلة يعني ممكن تروح تدرس في الإسكندرية اسيوط التوزيع الجغرافي لا ينطبق عليك .. (ادي تاني مسمار في الدماغ – نصيحة هاتوا ورقة وقلم عشان الورشة لسة مفتحتش )

قولت بس مبدهاش جامعة خاصة خاصة ........

قدمت في الأكاديمية العربية للعلوم والتكنولوجيا وقبلت ولله الحمد ... وقدمت في قسم الأباطرة :d :d ,

طبعا معروف ده قسم ايه :d :d اللي يجبيبوا صح يبقى دخل كلية هندسة فعلا :d :d

بصوا انا ها الخص عليكم اول سنتين من عمري في مصر :d :d

وها اقول ببساطة إني في بداية عام 2009 قدمت على رخصة القيادة الخاصة بي من مرور عبود ...

ومكنتش مستعد بشكل كافي جدا وكنت واخد عربية المرور الـ 127 وهب رحت ساقط !!!!!

مع العلم اني كنت حائز على رخصة من فئة l للشباب برة مصر وكنت بسوق في دولة من دول الإتحاد الأوروبي عادي جدا .. قولت عادي جدا .. روحت قدمت تاني بعد 6 شهور في اجازة نص عام 2009 وسقطت لتاني مرة لأسباب المرادي غير معروفة :d

ورجعت قدمت تاني في بداية 2010 وسقطت تاني :d :d كده 3 في الصندوق :d :d وقولت عادي ولكن انا حاطط في دماغي اني مش ها اجيب عربية غير لما اكون حاصل على رخصة قيادة مصرية واكون متمكن من نفسي والحقيقة اقول اني في خلال السنتين دول عانيت اشد المعاناة في المواصلات ومشوار كليتي .. وفي آخر عام 2010 شهر 7 بالتحديد قدمت على رخصة قيادة خاصة وسقطت تاني ... هنا بقا فقدت الأمل لأنه كان فيه ناس كتير عارضة عليا في المرور انهم ينجحوني مقابل مبلغ من المال وده انا كت رافضه تماما ولكن انا بقا عندي ملف في المرور ولا قتلاني القتلة ملف فيه اكثر من 20 ورقة ولسة انا مسوقتش امال لو سقت كان ها يبقى الوضع عامل ازاي وكل مرة اعادة امتحان ورق ومستلزمات بـ 90 جنيه يعني قول 100 جنيه هههه و4 مرات امتحان يعني بـ 400 جنيه :d :d يعني لو كنت دفعتهم رشوية كان زماني خلصت ... واحد من اصدقائي قالي طيب ما تشوف المشكلة جاية منين وتحلها قومت قولتله انا ها اقدم للمرة الأخيرة والخامسة يا صابت يا خابت وعملت يوميها الحملة القومية لدعم سيد في الحصول على رخصة قيادته وواخد معايا اكثر من 20 زميل والله عشان نشوف حل في القصة السوداء دي مش ممكن سنتين مش عارف اجيب عربية عشان مش عارف اطلع رخصة :d وبصراحة انا كنت متكاسل فيه اجدا لأني كنت حاسس اني جديد على مصر وعربية في اول نزولي لمصر ها تبقى عبء المهم يوحت يوم 22\9 مكانش طبعا لسة فاتت مدة الـ 3شهور .. وانا عازم اني المرة دي يا قاتل يا مقتول ... وصلت لدرجة اني بقيت حافظ الإجراءات والناس حافظاني .. جهزت كل حاجة وداخل على الإمتحان .. بعربية واحد من اصدقائي ..(كات اوتوماتيك – على فكرة انا اول مرة بس اللي كنت ممتحن على 127 وبعد كده كلها عربيات اوتوماتيك وكنت برضوا بسقط وكنت اول مرة بمتحن على عربية عادة لسبب بسيط هوة انه برة فيه نوعين من الرخص العادة و الأوتو .... اللي معاه عادة يسوق العربيتين ولكن اللي معاه اوتو مش من حقه يسوق اللا اوتو ) وامتحنت وانا مرعوب لإني واخد في قرارة نفسي دي آخر محاولة ليا مش ممكن انا كان ناقص اطلع مع محود سعد في التلفزيون واقوله يا عالم العيب في مين بالزبط .. وتقريبا والله اعلم صعبت على الباشا الزابط لما عرف حكايتي قالي روح يا شيخ وانتا ناجح ...

انتا بتهرج صح ..

لأ انتا بتهرج ..

والله كمان مرة انتا بتهرج ..

انا ناجح ...

ايه ده يعني انا نجحت ..

مش ممكن انا ناجح .. من سعادتي وانا في العربية للي راح مرور عبودالإمتحان على شكل حرف c وانا مشيت بوشي ولكن لسة مرجعتش بظهري الضابط شاورلي اني ناجح من كثر سعادتي شيلت رجلي من على الفرامل وانا ناسي انه العربية على الـ d رحت شايل القمع اللي قدام العربية مباشرة .. ههههههههه

ولكن مخلاص بقا الملف اتمضى يعني عليا النعمة اعملم جناية ههههههههه

وبقيت ماشي في الشارع عمال اقول رخصة خاصة ايه انا بعد الإمتحان ده كنت المفروض اطلع درجة اولى قالك خاصة ... يا جدعان دول مش مقدرين مستوايا .. وكانت المعضلة التالية في التالي .... العربية !!!!!!

قصة اختياري للسيارة كانت موال منيل بستين ...... يكفي إني اقول انا الوحيد في مصر اللي اترفضت من 6 بنوك مش فاكر الرقم بالزبط واكثر من 9 شركات استعلام :d :d :d

ولكن جت الفكرة اني اتملك سيارة بروتون !!!!! ويا له من اختيار .....

جبت العربية ورخصتها في اقل من اسبوع والله من كثر فرحة الرخصة !!!!!!!

جبت العربية وبقيت امام امر واقع ....

كل ده وانا لا اجيد القيادة ( في مصر ) وانا عندي برهان داخلي بيقولي انه القيادة في مصر غير القيادة في اي حتة تانية في العالم .. والله انا كنت ناوي اعمل الحملة القومية في مصر اللي بتقول ..

(الى كل من قاد مركبة في القاهرة الكبرى 5 سنوات ولم يتعرض لحادث انا برشحه لقيادة اي مركبة اخرة في العالم غواصة – دبابة – طيارة – ف16 – اي حاجة بقا مهو مشي في القاهرة يعني مدرب على كل العومل الخارجية الطارئة )

وهنا لجئت الى اني آخد كورس تعليم قيادة لزيادة مهاراتي في القاهرة الكبرى ...

وملناش دعوة بتعلمي للقيادة ده ها يكون الجزء القادم ..

المهم تملكت السيارة

وقولت انا اول يوم نزول ليا بيها ها يكون يوم تاريخي اني اول يوم انزل بيها في شوارع القاهرة الكبرى وضواحيها :d اول يوم ده اتأجل اكثر من 12 يوم من الرعب كل يوم نازل من باب بيتنا وقول هوة ده يوم المشهود هوة ده اليوم اللي ها اثبت لنفسي اني بأجيد القيادة في القاهرة انا قد تحمل المسؤولية واجي لحد باب العربية اروح بكل بساطة

لافف وراجع تاني ومشاور لتاكسي :d :d :d قمة السلبية

سواقة مين يا راجل يا طيب هوة احنا بتوع الكلام ده ههههههههه دنا طلعت الرخصة في 5 مرات عايزني انزل اسوق قالك اسوق قال .. هههههههههههه

12 مرة بأجل الموضوع لحد ما في يوم قررت انه خلاص انهي المهزلة دي .. هوة ايه لعب عيال ولا لعب عيال ..

صحيت من بدري جدا قولت عشان الواحد بيمشي بالراحة في الأول عشان التليين ( حجة بيني وبين نفسي ) وعشان الواحد بيمشي محترم يلحق يوصل ... نزلت من بيتي 6 وانا كليتي معادها 8.30 والفرق بيني وبين كليتي 15 كيلو بالزبط :d :d :d :d ومحدش يتريق الله يكرمكوا

المهم دورت واستنيت لحد ما العربية سخنت كويس وتوكلت على الله ...

ماشي في امان الله ..

وهبببببببببببببببببببببببببببببببببببببببببببببببب ببببببب

نكمل بقا الحلقة الجاية شاء الله تعالا ههههههههههه عشان كل واحد يتوقع ايه اللي حصل :d :d :d :d

ومعلش انا مطول في القصة انا الجزء الأول ده كنت كاتبوا في 3 ورقات انا لحد دلوقتي مكتبتش ازاي اعلامة سقطتت ولكن انا عايزها بالتفصيل عشان تفهموا ايه اللي حصل بالضبط :d :d

استحملوني بقا :d :d

[sayed911]

مستنييين علامة البروتون ياسيد ماتحاولش تهرب :))

تم يا معالي البيه :d :d تحت امر حضرتك وبعدين هوة انا نافع اني اهرب هههههههه انا مش نافع في اي حاجة خالص متقلقش لن ابرح مكاني وطلباتك يا فندم كلها مجابة ..

انا كمان عارف العلامة وقعت ازاي

و مستني السواقة =)

انا اعتبرتوا تصويت للموضوع الأول هههههههههه خلي دياب بيه لو جه بقا يبقى التفاهم مع الأعضاء كده انا مليش فيه :d :d وتحت امر حضرتك يا فندم ويارب الجزء الجديد يعجب حضرتك ..

10 15 سنه ف ليبيا

يا محاسن الصدف

دا انا رايح ليبيا

البوب الكبير دياب باشا ههههههههههه اسكت مش اتنقلت على لاتوانيا ههههههه اهي دي بقا محدش يعرف الفيزا بتاعتها حتى بتتجاب منين :d وبما انك رايح ليبيا ونبي يا دياب بيه ليا واحد صاحبي ابقى طمني عليه :d :d انما رايح ليبيا اتعمل ايه يا صاحبي ههههههه طمني عليك اول ما توصل الله يخليك لحسن الجماعة في ليبيا متفهمين للوضع جدا :d

عبد الوهاب دا كان موسيقار الأجيال ::( الأجيال القديمة بقى أنت ما توعاش عليها ::(

و كان عندما يضحك يقهقه بضحكات متقطعة :: بس مش شريرة::) يعنى بالتصوير البطئ :: ناس زمان رايقة بقى :0002014a:

أعرفك عليه أكتر :: دى أغنية له و هو بيغنى ===
طول عمرى عايش لوحدى ..... سيد و راضى بحالى
و معاه الطفلة فاتن حمامة !!!

انا عاجز عن الشكر للمعرفة دي والله يا اخت زينة ولكن سؤال آخر مستفز معلش .. هوة الراجل ده دي طبيعتوا بجد في الغنا ولا هوة بيهزر كده ... انا اول مرة اسمع عنوا بصراحة :d :d :d وفي الأول فكرت انه الجهاز عندي تقل عشان الراجل بيغني ببطئ شديــــــــــــــــــــــــــــــــد جدا جدا حسيت انه الجهاز علق او تقل ولكن بصراحة هوة فيه ميزة بصراحة حتة انه بيقول الكلام بالراحة عشان الـ .... اللي زي يفهموا كلمات الأغنية بتقول ايه :d :d :d
بس واضح انه راجل تقيل جدا في الشغلانة من زمان ده الراجل من ايام لما الأستاذة فاتن حمام كانت لسة طفلة !!!!! يعني الفلم ده داخل في مثلا 60 سنة ؟ بس والله صدقا والله ما ضحكا كلمات الأغنية جميلة جدا انا اول مرة اسمعها ولكن شدتني جدا للهدوء المش طبيعي اللي فيها !!!!!!!!!!!!!!! الأغنية دي المفروض يتكتب "تنبيه برجاء عدم التشغيل عند القيادة او تشغيل المعدات الثقيلة " هادية جدا والله اكثر من ممتازة .. متشكر جدا جدا جدا جدا لحضرتك ... وعاجز عن الشكر واتمنى الجزء الجديد يكون عجب حضرتك ..

انا بصوت على سقوط علامة بروتون الجزء الأول وبعدين نبقى ندور على موضوع السواقة .
اشمعنا يبقى فى ناس عارفة حاجة واحنا مش عارفينها خليهم يستنوا شوية لما نحكى القديم الأول علشان نبقى على بينة .

صح والله و انا اقتنعت بوجهة نظري حضرتك جدا وقمت بكتابة سقوط علامة بروتون عشان يكون الناس كلها على دراسة باللي حصل خطوة خطوة :d :d :d ومنتظر رأي حضرتك في الجزء الجديد بفارغ الصبر يا اخي وتحياتي الشديدة لك ... :d :d

[Mzeid]

و شهد شاهد من زوارها

الحمد لله كدة على شهادتك يا سيد اي حد بيسوق في مصر ممكن يحصل على الرخصة الدولية لقيادة f1 على طرق الراليات الصحراوية بالاضافة للهليكوبتر المدعم بصواريخ مضادة لسواقين الميكروباص و التاكسي


و بعدين انتوا عمالين تقسموا في نسبة الارباح و ناسيني مش قلتلك ليا 40% و لا نسيتني ولا ايه ؟

:)

في انتظارك يا هندسة

[sayed911]

يا فندم الـ 100% كلهم ليك احنا نطول هههههههههههههههههههههه
وبعدين 40% كتير انا ها اخد 25% وانتا 25% والأخت زينة 40% عشان المسؤولية القانونية و10% نطرحهم في البورصة :d :d :d ويالله ان شاء الله ما عن حد حوش يا سيدي :d :d :d :d ههههههههههه
صدقني انا عندي قناعة تامة انه اللي يسوق في مصر يقدر يسوق اي حاجة بعد كده والله ... يعني اللي يسوق في شوارع المحروسة من اول العتبة وباب اللوق وصلاح سالم و الدائري والمحور .. ده سواق ياخد فرصته واتفرج على اللي ممن يعمله في f1 ان مخلاش الحج الونسو يعيط انا معرفش حاجة !!!!! يا عم ده كفاية طول ما انتا سايق عمال تفادي بلاعات وحفر ونقر وتفادي عربيات بتطلع وتشد عشان تاخد غرزة ههههههه موقعة حربية مش سواقة عربية :d

[gebreel]

يا عم حضرتك ايه بس صلي على النبي =)

انت مواليد 90 انا مواليد 89 و بعدين انت بتحكي حاجات مكانتش موجودة في الجزء الاول قبل كدة فمستنيين يا باشا لما رحت ندهت.... بلاش نحرقها بقى

[Mzeid]

يا عم حضرتك ايه بس صلي على النبي =)

انت مواليد 90 انا مواليد 89 و بعدين انت بتحكي حاجات مكانتش موجودة في الجزء الاول قبل كدة فمستنيين يا باشا لما رحت ندهت.... بلاش نحرقها بقى

بعد إذنك يا ابو السيد

انا كنت فاكرك يا جبريل في الثلاثينات

[sayed911]

ههههههههههههههههههههههههههه

يا عم حضرتك ايه بس صلي على النبي =)

انت مواليد 90 انا مواليد 89 و بعدين انت بتحكي حاجات مكانتش موجودة في الجزء الاول قبل كدة فمستنيين يا باشا لما رحت ندهت.... بلاش نحرقها بقى

اوعى تضعب ها يعرضوا عليك فلوس عشان نهاية الجزء اوعى تقبل بكده ابدا اياك ثم اياك ههههههههههه لوعرضوا عليك اكثر من 100 جنيه بيع القصة وبيعني انا شخصيا فوقيها هدية ههههههه .. طيب والله كويس انه فيه حد فاكر لحسن ذاكرة الواحد متشالة في الثلاجة والله انا حتى ما فاكر هيا هزقتني وقالت ايه هههههههه .. :d :d

بعد إذنك يا ابو السيد

انا كنت فاكرك يا جبريل في الثلاثينات

يا فندم البيت بيتك خد راحتك خالص ... هوا نا نفس ما انتا توقعت كده بالزبط والله هههههه