سقوط علامة بروتون الجزء الرابع (سلسلة مواقف كوميدية)

[sayed911]

انت راجل ملكش حل
و الله طلعتني من مود كئابه لا حدود له
في انتظار البقية

يا فندم انسى الحزن وفكك منه هوة احنا عندنا كام سنة نفضل نهرج فيهم عشان نضيعهم :d :d بص انا مؤمن بأنه اللحظة الكئيبة زي المحاضرة بالزبط بتعدي في 3 ساعات ولكن اللحظة الحلوة زي ..... بتعدي في ثواني ..

و الـنقط دي كل واحد عندوا حاجة بيستمتع بيها :d :d

i'm waiting

حضرتك معايا من اول ما الموسوعة بدأت هههههههههه انا حاسس انه انا تعبت حضرتك معايا متقلقش ليا نهاية ان شاء الله هههههه يعني كلها من 5- 6 سنين وها تخلص بإذن الله ..

بجد مش ممكن الأسلوب اللي بتكتب بيه
و كمية الاحداث اللي حصلتلك لحد دلوقتي
انا بصراحة مش قادر علشان كاتم ضحكتي علشان اهلي اللي نايمين يا راجل

و انا حاسس أن الحج فايق عمل مصيبة كبيــــــــــــــــــــــرة فعلا

في إنتظارك

اولا يا فندم يزيني شرفا اننا طلعنا في كلية واحدة يعني ولاد جامعة واحدة :d :d :d
وثانيا الأسلوب ده يشرفني اكثر انه عجب حضرتك هوة الفكرة كلها انه مفيش اسلوب دي طريقة الكلام اللي بين الناس اللي في الشارع ينعني بالسهولة والسلاسة والليونة كلو بيفك وبيتحل :d :d
ويا سيدي متكتيمش ضحكتك اي نعم انتا لو ضحكت بصوت عالي الحج ها يقوم يدحك معاك انا متأكد من دي بس برضوا بلاش تدحك مدام ها يبقى فيه اخطر على نفسك كده انا عارف الناس لما بتبقى نايمة بتبقى مش طايقة نفسها ...
صدقني انا من الناس اللي دائما بحس اني متواجد في الموقف الخطأ في المكان الخطأ في الوقت الخطأ ودائما حظي بيبقى بالطريقة دي !!!!!!!!!!!!!!!!!!!!!!!! بطريقة غريبة وغير طبيعية طيب عشان خاطر حضرتك انا بكرة ها اجيب من احد ملفاتي القديمة موضوع كنت كاتبه اول ما اتعلمت السواقة بقا هههههههههههه وها تشوف المصايب اللي حصلت ..

رااااااااااااااااااااااااااااااااااااااااااااااااا ااااااااااااائع

يعني عفوت عني يا دياب بيــــــــــــــــــــــــــــــــــــــــــــــــ ـــــه ؟ ربنا يكرمك ويفكيك شر طريقك ويرزقك من حيث لا تحتسب ولا تعلم يا شيخ .. ( دعوة لسة سامعها من شوية وعاجباني جدا ولو عايز تسيب ليا اي حاجة مش ها اقولك لأ احنا في ايام صعبة والـ 5 جنيه تسوى كتير اليومين دول ) :d

انت مشكلة يا ابو السيد, و الف سلامة على رجلك, اظاهر لعنة المرسيدس اشتغلت

يا فندم ربنا يخليك يا باشا وولالا مشكلة ولا حاجة انتا لو شفتني اصلا والله ولا بأعرف اعمل اي حاجة في اي حتة غير الكلام هههههههه بق بس على الفاضي ...
انما ايه لعنة مرسيدس دي :d :d ههههههههههه ربنا يستر احنا المرسيدس ولا بنشوفها ولا بنركبها يبقى ها تيجي اللعنة منين :d الواحد اصلا حظو بسم الله ما شاء الله زي ما حضرتك شايف ملبن :d :d :d :d

سيد أنت سيناريست فظيع و مالكش حل

أنا متخيله كل المواقف اللى بتحكيها كأنى بتفرج على فيلم

روح يا شيخ ربنا يبارك لك زى ما بتضحك الغلابة ::) و تنسيهم الهم هههههههه

مستنين الجديد .....

ربنا يخليكي يا اخت زينة طيب انا ليا عندك طلب ... يا ريت جواب للحج والدي تقوليلوا بقا الكلام ده لحسن الراجل يا عيني حاسس انه مخلف عاهة ومصيبة متحركة على الأرض :d :d :d
ولو تعرفي حتى شوفيلي منتج ياخد قصة حياتي كلها ويجيب فيها اي حاجة ها تبقى كويسة مش ها اقول لأ ومتقلقيش ها نكتب اهداء في اول الفلم لحضرتك :d :d :d :d بس الجو بتاع 20% من الأرباح والكلام ده يبقى مع المحامي بتاعي مش معايا انا بقا ... :d
متشكر جدا جدا جدا جدا جدا جدا يا اخت زينة على رفع الروح المعنيوة والمشاركة الطيبة وعاجز عن الشكر يا فندم عى زيارة الموضوع ...

انا مبقرأشى المغامرات دى فى الشغل الا لما بكون لوحدى فى المكتب علشان الفضايح .
وحافظ الموضوع ده فى الفيفورت فى البيت علشان أقراه كل ما اكون مخنوق وعاوز اخرج من المود .

يا فندم هيا الفكرة انك تكون بحبحاني جدا وتعمل اللي انتا عايزوا يعني ايه اللي ها يحصل لو قعدت في الشركة وقرأت الموضوع بصوت عالي ودحكت كمان :d :d :d :d يمكن عشان انا مش بقعد في مكتب عشان مده مش ها اشوف اللي ها يحصل بس ياريت وصف دقيق للموقف بالزبط ها يبقى ماشي ازاي ؟ لحسن عندي فضول رهيب إني اعرف ايه اللي ممكن يحصل :d :d :d والحمد لله يا فندم انه ربنا جعلني سببا لتفريج همك ورسم لإبتسامة على حضرتك :d :d

يا لذيذ أنت يارايق

مهي الأيام دي يا فندم حاجة من اتنين يا يقرأ موضوع زي ده يا يفتح الجزيرة ههههههههه واعتقد الجزيرة ادتنا جرعة مكثفة تماما على مدى 15 يوم خليتنا اكره حاجة اسمها ا خ ب ا ر فأعتقد اسهل طريقة للحياة اليوم هية الضحك :d :d

و الله يا باشمهندس سيد انت طلعتنى من مود الهم و القلق اللى عايش فيه , ربنا يكرمك

ايوا ونبي يا شيخ حلوة قوي كلمة باشمهندس دي من حضرتك ههههههههه انا لسة متخرجتش لكن مصيت في المنطقة كلها باشمهندس دي اصلها حلوة قوي هههههههههههه ( قمة التفاهة) والحمد لله اني نجت اني اسعد حضرتك وارسم البهجة على حضرتك الحمد لله رب العالمين وتحياتي لك يا اخي

بجد انت مش ممكن
ربنا يعزك

ربنا يخليك يا فندم وشرف ليا انه حضرتك زرت موضوع وعلقت عليه كمان :d :d :d يا جماعة انا اليومين دول ماشي بتفرشخر ( اتكبر مش عارف ايه اللفظ ده ولكن اهو بيشرح الوضع ) اني عندي ناس قصة يومياتي المنيلة شدت انتباهم وعجبتكم كمان :d :d :d

[yascro]

جاااااااااااااااااااااااااااااااامد

[ganash]

هههههههههههه جامده المواقف دى والله انا حاسس ان الاجتماعى بقا عامل زى اللجان الشعبيه كده كل المنتدى فى الاجتماعى والاقسام التانيه فاضيه ههههههه

[Mzeid]

مش ممكن يا سيد
أنا بصراحة مضحكتش كدة من حوالي 6 شهور مثلا
بجد القصص دي ممكن تكتبها و تبعها لشركة إنتاج سينمائي و اللي يطلع 40 60 ماشي يا عم d:
و بلاش حضرتك يا بشمهندس أنا في ترم 10 :) لسة شاب يعني :)

[gebreel]

بجد يا باشا انا مش عارف اقلك ايه

انا اخر حلقة دي بطني وجعتني من كثر الضحك =) انت مالكش حل و الله العظيم

[osama.m]

جامــــــــــــــد يا سيد :d
و انا لما توقعت السيناريو بتاع اخر كان نتيجتة رجليك التانية :d
لا انا عايزك ان شاء الله لما تخلص السيزون دا تعملنا بقى يومياتك و انت بتتعلم السواقة

[زينة الله]

ربنا يخليكي يا اخت زينة طيب انا ليا عندك طلب ... يا ريت جواب للحج والدي تقوليلوا بقا الكلام ده لحسن الراجل يا عيني حاسس انه مخلف عاهة ومصيبة متحركة على الأرض :d :d :d

"أصبر و صابر ورابط " يا أخ سيد

دائما ما يهاجم المبدوعون و المبتكرون فى حياتهم ليكتشف الناس فضلهم بعد عمر طويل بقى ( ربنا يديك طولة العمر ....

كما إنه من المأساة تتفجر السخرية و الإبداع ::) و الست الحاجة أم الإختراع ::) كما قالوا قديما

و لا تنسى أن بيتهوفن ألف أجمل سيمفو نياته و هو أصم

و أن توماس إيدسون أخذ علقة موت من رئيسه عندما كان يجرى تجاربة فى إحدى عربات القطار الذى كان يعمل به

فأحترقت نتيجة اهتزاز العربة و سقوط بعض المواد الكيمائية و اشتعالها ..

و بسبب صفعة قوية فى هذه العلقة فقد سمعه و لكنه أصبح فيما بعد المخترع العظيم
أنا مش ببشر عليك و لا حاجة :::) ههههههههه ... أنت اللى فيك مكفيك .... و ربنا يديك الصحة و العافية

ولو تعرفي حتى شوفيلي منتج ياخد قصة حياتي كلها ويجيب فيها اي حاجة ها تبقى كويسة مش ها اقول لأ ومتقلقيش ها نكتب اهداء في اول الفلم لحضرتك :d :d :d :d بس الجو بتاع 20% من الأرباح والكلام ده يبقى مع المحامي بتاعي مش معايا انا بقا ... :d

20 % بس و كمان الكلام مع المحامى ماشى يا عم النجم لما أشوفلك منتج بس

[Hussein_Emara]

"أصبر و صابر ورابط " يا أخ سيد

دائما ما يهاجم المبدوعون و المبتكرون فى حياتهم ليكتشف الناس فضلهم بعد عمر طويل بقى ( ربنا يديك طولة العمر ....

كما إنه من المأساة تتفجر السخرية و الإبداع ::) و الست الحاجة أم الإختراع ::) كما قالوا قديما

و لا تنسى أن بيتهوفن ألف أجمل سيمفو نياته و هو أصم

و أن توماس إيدسون أخذ علقة موت من رئيسه عندما كان يجرى تجاربة فى إحدى عربات القطار الذى كان يعمل به

فأحترقت نتيجة اهتزاز العربة و سقوط بعض المواد الكيمائية و اشتعالها ..

و بسبب صفعة قوية فى هذه العلقة فقد سمعه و لكنه أصبح فيما بعد المخترع العظيم
أنا مش ببشر عليك و لا حاجة :::) ههههههههه ... أنت اللى فيك مكفيك .... و ربنا يديك الصحة و العافية



20 % بس و كمان الكلام مع المحامى ماشى يا عم النجم لما أشوفلك منتج بس

ابسط يا عم, الباشمهندسة تنبأتلك بمستقبل مبهر, حتضرب و تتطرش و في الاخر لما تموت حناخد كل شغلك نستمتع بيه و نقول عليه ده كان جامد هههههههههههههههههههههههههههههه

يلا يا عم
Have fun

[hn_kamal]

ياعم سيبك من الهندسة واكتب افلام كوميدى

[sayed911]

عدنـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــا

النهاردة بقا آخر حلقة في مسلسل اللجان الشعبية رأفة بالأخوة المرضى وكبار السن لحسن انا نفسي تعبتلكم الموضوع وصل الى 17400 كلمة يعني الموضوع يفقع المرارة ... اذا نخلص قصة اللجان الشعبية وبكرة ها يبقى فيه تصويت نبتدي بقصة ازاي اتعلمت السواقة ولا سقوط علامة بروتون الجزء الأول دي بقى ها تبقى راجعة ليكم انتم :D ......

المهم واللي طبعا محدش توقع انا ايدتها ايه اللعبة الأخيرة في الماتش وللأمانة عشان انا مجاليش نوم امبارح لازم اصارحكم انا حسبتها ايه .... انا حسبتها فاول :D :D بس فاول على الواد الفرود بتاع الفرقة انه وقع عم عبدو اللبان ههههههههههههه كلو طبعا ها يقول ازاي ولكن هوة ده اللي حصل انا بصراحة بصراحة كنت غشاش في اللعبة دي ولكن انا لو مكنتش عملت كده انتم اعتقد متخيل ايه اللي كان جرالي وقولت انه الهجمة من اولها باطلة عشان انا بصفر من بدري بس اللعب موقفش وكمان ادي الواد الفرود انذار (جبروت)طبعا تلاها بعض لإعتراضات من جانب الفريق المضاف على الأرض .. والغريبة انه فايق كمان كان عمال بيعترض بيطالب بطرد الفرود وضربة جزاء كمان هههههههههههه هوة احنا فجرنا آه بس مش قوي كده ونبي تهدا يا عم فايق الله يكرمك .. واتعلعبت الكورة طبعا وانا شايف كم الغل والحقد الرهيب والدفين اللي موجود في عنين الفرقة التانية ويكأنهم ها يدبحوني على اللي عملته ده !!!!!!!! يا نهار اسود ده متش يا جدعان !!!! (عالم تافهة جدا البلد برة بتولع ودول بيدوروا على مين اللي كسب !!)!!!! الرحمة من عندك يا مانح الرحمة والصبر والسلوان .... واتلعبت الكورة وعديت بالضبط 5 دقايق وقت كمان بدال ضايع و اطلق الحكم الدولي سيد خطاب صافرة النهاية معلنا بدأ الحرب بين الفرقتين !!!!! وهنا بقا تعالت الزغاريد من جميع المنطقة وكأن النصر بعبور اكتوبر لسة جي حالا وبقا عم فايق ماشي في الشارع بيتنطط بيقول والله وعملناها !!!!!!!!!!!!!!!!!!!!!!!!!!!!!! ووراه عم عبدو اللبان بتيشيرتوا بقا فارد دراعاتوا ويكأنه طيارة ماشية وعمال بيقول الله واكبر الله واكبر !!!!!!!!!!!!!!!!!!!!!!!!!!!! والله العظيم كان يوم ملوش حل من اساسو !!!!!!

المهم سعد قالي كفى وهيا بنا (حلوة كفى دي بس هيا بألف زي دي (ى) ولا دي (ـا) اللي عرف يقول )طلعنا البيت وغيرنا هدومنا وهرجنا ودحكنا وعمالين بنفتكر المصايب السودا اللي حصل معانا من اول عملية الحفر لحد الكمين واحنا تقريبا بقالنا يومين كاملين منمناش زي ما حضراتكوا قريتوا وكل ده والباشمهندس احمد بيلبس وبيتشيك وقال ايه رايح يقابل المدام ههههههههههه هوة سعيد جدا سيبكوا من فرحة الجواز هوة سعيد انه غير كلمة خطيبتي لكلمة مدام وده حال اغلب الشباب المصري (مسميات) بس والله كان فيه فرحة طالعة من عينيه مش طبيعية ... وبيقول انا بقا ها اعرفها انه اختيارها مش ها تندم عليه العمر كله !!! انا وسعد في بق واحد ( يبني انتا مفاتش على جوازكوا 6 ساعات وكنت مزعق فيها ) راح رادد بحزم شديد ..

لا لا لا لا لا دي كانت اول خناقة في عهد الزوجية وها تكون آخر خناقة !!!!!!!!!!!!

طبعا كلنا عارفين والإخوة المتزوجين بالذات ياريت يدوني رأيهم ههههههه (مكنش حد غلب ) لما كل زوج وزوجة بيقولوا احنا مش ها نتخانق تاني ..!!!!!!!!!! يا حبيبي ده شئ في الدم !!!! مع احترامي لكل السيدات هوة جو قلة المزاج ده شئ طبيعي عندهم ولكن من نحن من غيرهم ولا اي حاجة خالص .. يعني شوف مثلا اي راجل يبقى جي من برة وفي قمة السعادة وقمة البهجة وجي وداخل من البيت عايز يتغدى بقا ويقعد تفرج على التلفزيون ولا مستني ماتش مثلا !!!! اول ما يدخل .... جبت معاك اكياس الزبالة ؟؟؟؟؟؟؟؟؟؟؟؟؟؟؟ يرد وحمرة الخجل على وجنتيه ( يا عيني على وجنتيه دي )لا يا حبيبتي يعني الراجل اهو قدامكوا قاصد كل خير ... على فكرة كلمة حبيبتي دي بتبقى في الأول بس لحسن الشباب يبقوا داخلين على طمع انا مش عارف هيا بعد سنة من الجواز كلمة حبيبتي دي بتبقى ايه ولكن ربنا ما يورينا !!! ..... طيب خش غير لحد ما احضرلك السم الهاري !!!!!!!!!!!!!!!!!!!!!!!!!!!!!!!!

ويبقى قدام الراجل بقى حل من اتنين يا يقول انه اتغدى وساعتها س و ج بقا مع مين وفين وكلت ايه وامتى ... ومش ها يخلص وها تنتهي بأنه يعمل مصيبة احنا في حل منها ..

والحل التاني انه يقولها ماشي ويطاطي ويخلي المركب تسير ... ويا عيني لأنه ده اللي انا شايف بيحصل في 90% من البيوت المصرية ههههههه هوة لعلمكم هية مش مطاطية هية بيسموها (.........) وكلنا عارفينها زي مثلا نوع من انواع الجبروت او استخدام السحر !!!!!!!!!! لأني ها ابقى بتجنن يا عالم .. الراجل في الشارع صوتوا بيبقى بسم الله ما شاء الله زي المايكريفون ... ويطلع البيت مفيش خالص ..!!!!!!!! Vol مفيش اتفصل عنه جهاز الإرسال وبيتحول لكائن ملوش غير كلمة طيب ونعم وحاضر .... والله ركزوا جدا جدا جدا على اي راجل نازل يجيب مشتروات للبيت مع المدان من احد السوبر ماركتات ( اتمنى اني كاتبها صح) والراجل بيزق العربية والست كل ما تحط عنيها على حاجة في رف تروح شايلاها وحاطاها !!!! والراجل المسكين ماسك الموبايل عامل نفسه مش واخد باله اتاريه فاتح الألة الحاسبة وبيسأل نفسه يا ترى ها أستلف كام الشهر ده !!!!!!!!!!! وتلاقيه مش بيتكلم اللهم صلي على النبي خالص !!!!! ( بؤس – ذل – شقاء ) !!!!!!!!!!!!!!!!!!!!!! انبي حبيبك يا رب متكتبها على الغلابة اللي زيي ... ولكن كل ده كان تهريج بيني وبين سعد واحمد انا عايز اقولكم انه اسمى انواع الروابط هية رابطة الزواج المقدس ... سيبكوا مني انا وسعد والعيشة السودا دي برضوا فكرة انه يبقى في ليك حد يهتم بيك دي قصة تانية خالص احنا على فكرة بنتريق عليه او مثلا بنحبط من عزيمته من بؤسنا .. يعني بندحك عليه عشان احنا مش طايلين حد يسأل فينا زي ما انتم شافين .... وقطع شرودنا في التفكير الى القادم التالي ..

تلفون سعد بيهتز ...

سعد:الو

انا طبعا مش سامع الطرف الآخر ..

سعد: حاضر يا ريس ... تحت امر حضرتك يا ريس ... والله ما حصل يا ريس ... لا يا ريس تحت امر حضرتك اهو مع حضرتك ..

وسعد بيقولي خد استلقى وعدك .. شاورتلوا وقلتلوا قولوا مش هنا ... ( انا سامع صوتوا بيزعق وطالع من السماعة يعني باين عليه ها ..... مع اني زي ما انتم شايفين معملتش اي حاجة والله )

سعد قالي وهوة انا لوحدي اللي ها اتشتم خد الطريحة بتاعتك انتا كمان ( هنا قدرت قد ايه سعد عيل ) !!!!!!

انا : (استحضرت كل روح الطهارة والعفوية والطيبة اللي اخلقها ربنا فيا) وقولت (الو )

هو : ايوا يا شملول ...

انا: )مقاطعا كلامه) والله يا ريس ما عملت حاجة سعد هوة اللي عمل كل حاجة سعد هوة اللي جابني هنا من اول امبارح واحمد اخوه هوة اللي عورني في رجلي .. وكمان بعد كده ودوني المشوار بتاع المطار ده يا ريس (انا ندل هنا بصراحة ولكن انا عارف كبيروا ها يزعق شوية وينزل على مفيش زي العادة ) وكمان يا ريس والله احنا معملناش حاجة احنا روحنا الموقع في معادنا والله العظيم وكنا جاهزين وشرفناك ولكن الجيب الهوائي هوة اللي عطلنا وسعد هوة اللي قال نمشي مش عارف ليه مع اني قعدت اقولوا نقعد يا سعد يقولي لأ نمشي .. ووبعدين يا ريس ادفلنر هوة اللي كان شارب وهوة اللي خلا زباط الأمن هما اللي يوقفونا وسعد كمان عمال يبلطج عليهم مراعاش انه كان معاه ناس اجانب وها يتخضوا يا ريس وبعدين مشينا يا ريس وسعد هوا وعم مجايفر اللي واقف قدامي هما اللي كانوا بيجروا بطريقة تخوف وكان معانا ناس وآدفلنر هوة اللي من كثر الشرب معدتوا مستحمليتش (فافي)وانا اصلا رجلي متجبسة وحرام بقا يعني بقالي يومين منيمتش ومش باكل الا من النوادر ولا هوة عشان انا غلبان ومليش ظهر في البلد دي يعني وبصراحة بقا يا ريس انتا جيت عليا وانا ها اقدم استقالتي من بكرة الصبح بس انا فعلا معملتش حاجة ..

كل د هوانا شايف سعد قدامي بقوا مفتحوا زي مغارة علي بابا من الصدمة واحمد واقف مش قادر يمكتم نفسه من الدحك ...

لقيت المدير بيقول وهوة بيستجمع انفاسه :انا مكنتش اعرف كل ده !!!!!!! انا كنت متصل عشان اقول ازاي السفارة الأمريكية ترحل كارولين وكريستينا من غير ما الشركة تاخد خبر .... آدي اللي كنت بتصل عشانوا !!!!!! ولا كنت اعرف انتا عملت ايه ولا الـ..... التاني عمل ايه ولا يهمني من اساسوا .. انا عايز اعرف الناس مشيوا ليه ......سعد بيرد ويقول يا عم وهوة احنا مال اهالينا متسأل عم اوباما احنا مالنا ...

المدير : على العموم انا ها استنى تقريركم بكرا الصبح وبالنسبة لإستقالتك يا سيد انا قابلها ومش محتاج تجيبها ولا تمضيها هههه الراجل يا عيني مسدق ... انا طبعا قلبت على جور الحنية تاني ... ويا ريس والله انا بهرج مع حضرتك واحنا ماشيين بتعليماتك لينا وانتا والله وامثالك همة اللي فعلا يطمنونا والكلام الهذي ده كلو ...

في الآخر صدمني وقالي .. سيد

انا :نعم

هو:آدفيلنر في الفندق سفارتوا مرحلتهوش .. بكرة الصبح تروحوا تجيبوه وتكملوا باقي شغلكوا .....وتيت تيت تيت تيت قفل السماعة في وشي ...

في هذه اللحظة التريخية من تاريخ امتنا الخالدة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

بدأت احس انه الدنيا اسودت تاني في وشي !!!!!!!!!!!!!!!!!!!!!! احمدبيسخر مني انا وسعد وعمال يقولنا ههههههههههه الحتة الطرية في شغلانتكوا بخ (محدش يسأل ايه الألفاظ السوقية دي بس هوة معاه حق ) !!! خليكوا بقا مع آدفلنر عشان ده هوة اللي ها يجيبلكم من الآخر هههههههههههههههههه

ينهار اسود ... هيا رسيت على آدفيلنر !!!!!!!!!!!!!!!!!!!!!!!!!!!! لا يا عم الحج اقبل استقالتي ارحم ....

مين ها يديني الحقنة بعدك يا كارولين ... وسعد عمال يقول !!!!!!!!! رااااااااااااااااااااااااااااااااح !!! رااااااااااااااااااح

واحمد يدحك ...........................

لبس البدلة المتينة انا مش فاهم ازاي جيلوا قلب ينزل من اصلوا والبلد برة على شفا حفرة من الإنهيار (ادي آخرة مشاهدة قناة الجزيرة الواحد لبس كام مصطلح في دماغوا تقولش امبريالية ) !!!!!!

واحمد نازل من العمارة واحنا بنقولوا بقيالك المدام يا عم وخد بالك من الحج لحسن ابوها مش طايق وها يرمل بنتوا بدري بدري وراح قايل ..

دعونا نعمل في صمت واتركوا الهتافات فإن العمل هو مفتاح الشقة !!!!!!!!!!!!!!!!!!!!!!!

سعد قعد يقولوا وها هو .. يلوح لنا .. بيده الكريمة .... ويهنئ الشعب العظيم .... ببدأ الثورة .. وراح قايلي متيجي ندسلوا حتة سلاح خلينا نرتاح منوا الكام يوم اللي جيين :D محدش يسأل الفكرة الشيطانية د يجتلوا منين :D :D

والى هنا انتهت سلسلة سقوط علامة بروتون الجزء الرابع مع اني حاسس انه فلم هندي بصراحة ولكن يالله اهي بترزق والله ... والحمد لله على كل شئ وبكرة بقا ها نبتدي باللي انتم ها تختاروه ( قمة الديموقراطية )

وتحياتي للجميع وعلى فكرة احمد مشترك هنا في المنتدى :D :D :D

[sayed911]

جاااااااااااااااااااااااااااااااامد

هههههههههههههههههههههه الجزء الأخير ده اهداء لمعاليك يا دياب باشا :d :d :d هههههههه تلميذك ياباشااااااااااااااااا

هههههههههههه جامده المواقف دى والله انا حاسس ان الاجتماعى بقا عامل زى اللجان الشعبيه كده كل المنتدى فى الاجتماعى والاقسام التانيه فاضيه ههههههه

انا كانت الأول مشاركاتي في الإجتماعي لا تتعدى الـ 10 15 مشاركة .. انا بقالي من يوم 25 يناير معملتش غير موضوع واحد في قسم بروتون وملاحظ هبوط حاد ورهيب في كل الأقسام الا الإجتماعي اللهم صلي على النبي بقا ايه صالة مناقشات :d

مش ممكن يا سيد
أنا بصراحة مضحكتش كدة من حوالي 6 شهور مثلا
بجد القصص دي ممكن تكتبها و تبعها لشركة إنتاج سينمائي و اللي يطلع 40 60 ماشي يا عم d:
و بلاش حضرتك يا بشمهندس أنا في ترم 10 :) لسة شاب يعني :)

ههههههههههههههههههه لا يا عم نبعتها ليه لأخت زينة الله قالتلي ها تشوفلي منتج بشروطي ينتج الفلم انما جو بتاع شركات انتاج وكده ويعدوا في السيناريو والكلام ده هههه ها يرسوني اني في الآخر ها اطلع بتاع مخدرات بلاش خلينا هنا ماله الإجتماعي ما هو وعلى قدنا :d :d :d :d :d :d وحاضر بلاش يا باشمهندس :d :d وانا امبارح حطيلتك الجدول اللي الكليات ها تشتغل عليه عندنا قولت عشان انا مش عارف انتا قاهرة ولا اليكس ولكن انا عارف انك هندسة فحطيت كل حاجة عشان حضرتك تشوف برضوا :d

بجد يا باشا انا مش عارف اقلك ايه

انا اخر حلقة دي بطني وجعتني من كثر الضحك =) انت مالكش حل و الله العظيم

ههههههههههههه الف سلامة على حضرتك يا فندم والحمد لله انه الحلقة عجبت حضرتك ولسة بقا لما تشوف اللي جي دا انا يوم لما اتعلمت السواقة خربت ميدان الجيش ونفق الأزهر والحسين والعباسية كلها لسة لسة :d :d اضحك يا فندم صدقني الدحك مش بيعمل حاجة في العمر بس اهو بنعمل اي حاجة بدال الفراغ :d

جامــــــــــــــد يا سيد :d
و انا لما توقعت السيناريو بتاع اخر كان نتيجتة رجليك التانية :d
لا انا عايزك ان شاء الله لما تخلص السيزون دا تعملنا بقى يومياتك و انت بتتعلم السواقة

تحت امر حضرتك يا فندم و ادي اول صوت لسيزون بتاع السواقة يعني 1-0 اوعدك ان شاء الله ها ابتدي بحلقات تعليم السواقة .. ان شاء الله ... بس واضح انه حضرتك عارف العلامة وقعت ازاي :d :d :d عشان كده مطمئن هههههههههههه .

"أصبر و صابر ورابط " يا أخ سيد

دائما ما يهاجم المبدوعون و المبتكرون فى حياتهم ليكتشف الناس فضلهم بعد عمر طويل بقى ( ربنا يديك طولة العمر ....

كما إنه من المأساة تتفجر السخرية و الإبداع ::) و الست الحاجة أم الإختراع ::) كما قالوا قديما

و لا تنسى أن بيتهوفن ألف أجمل سيمفو نياته و هو أصم

و أن توماس إيدسون أخذ علقة موت من رئيسه عندما كان يجرى تجاربة فى إحدى عربات القطار الذى كان يعمل به

فأحترقت نتيجة اهتزاز العربة و سقوط بعض المواد الكيمائية و اشتعالها ..

و بسبب صفعة قوية فى هذه العلقة فقد سمعه و لكنه أصبح فيما بعد المخترع العظيم
أنا مش ببشر عليك و لا حاجة :::) ههههههههه ... أنت اللى فيك مكفيك .... و ربنا يديك الصحة و العافية

أختي زينة الله :d :d ::d :d :d :d
طيب انا مئمن جدا بأن الحاجة هي ام الإختراع وانه 70% من الإختراعات العظيمة اخترعت بالصدفة البحتة وجت على دماغ مكتشيفنها بالوبال انا بقى مش عايز الكلام ده كلو .. :d :d :d انا لست طالبا مجدا ولا جاها انا طالبا مالا بقى بصراحة :d :d :d :d وعليا النعمة قالك بعد ما اموت ورثتي همة اللي ياخدوا كل حاجة كويس انه حضرتك كان ليكي الفضل عليا في انك فكرتيني بحاجة زي كده .. في وصيتي الأخيرة ها اكتب كل اعمالي الفنية التي لم تنجح ولن تنجح مهداة الى الجمعيات الأهلية ومفيش مليم للورثة من اولها عشان محدش يدخل على طمع :d :d

. أنت اللى فيك مكفيك .

ههههههههههه حضرتك رفعتي معنوياتي والله العظيم بجد جدا جدا جدا .. انا ها ارفع السماعة دلوقتي حالا على الحاج واقولوا انتا مخلف احسان عبد القدوس يا والدي وخد بالك مني لحسن انا عملة نادرة اليومين دول ... وحضرتك اللي نحصتيني :d :d هوة انا مطمئن انه يبعد اكثر من 22000 الف ميل :d :d

دائما ما يهاجم المبدوعون و المبتكرون فى حياتهم ليكتشف الناس فضلهم بعد عمر طويل بقى ( ربنا يديك طولة العمر ....

مهي المشكلة اني مهاجم في كل حتة ولكن مش شايفها بتتعدل خالص .. هههههههههه ادي حضرتك شوفتي جانب حياتي العملي لسة بقا لإجتماعي والدراسي وغيروا وغيروا ولكن مفيش داعي احبط حضرتك هوة كلو بنفس الوتيرة الحماسية دي :d :d :d كلو ضرب ضرب ضرب مفيش شتيمة ابدا الحقيقة ..!!!!!!! ولكن انا متفائل خير جدا بكلمات حضرتك .. :d :d وخلاص انا ها اعين حضرتك اذا قبلتي نائب رئيس مجلس الإدارة للشركة اللي احنا ها نئسسها ها حضرتك قولتي ايه ؟ وبلاش نتكلم في تفاهات زي المرتب والكلام ده :d :d نقول ها نقدم ايه للبلد ومبدئا ها ناخد الأصوات على اسم الشركة .. انا عاجبني اسم شركة "شركة الخرفان للإنتاج الفني "
انا شايف اجماع :d :d :d :d موافقة :d :d :d (قمة الديموقراطية ) موافقة حضرتك على منصب رئيس مجلس الإدارة ؟؟؟

20 % بس و كمان الكلام مع المحامى ماشى يا عم النجم لما أشوفلك منتج بس

محنا قولنا خلاص بقا رئيس مجلس الإدارة والأرباح 50% 50%

ابسط يا عم, الباشمهندسة تنبأتلك بمستقبل مبهر, حتضرب و تتطرش و في الاخر لما تموت حناخد كل شغلك نستمتع بيه و نقول عليه ده كان جامد هههههههههههههههههههههههههههههه

يلا يا عم
have fun

ههههههههههههه دي بقا الدفعات المعنيوة دي بقا هية اللي تدي الثقة دي الى الامام :d :d :d :d
ههههههههههه طيب انا مش عايز لا اطرش ولا انضرب ولا الهوا انا عايز اتشهر بس ههههه :d :d :d ده مش طمع :d :d هههههههههه

ياعم سيبك من الهندسة واكتب افلام كوميدى

ههههههههههههههه بس بردوا نكتب افلام ومعلقين ورانا شهادة بكالريوس هندسة تفرق كتير ههههههههههه وبرضوا الباشمهندس السيناريست جه الباشمهندس راح برضوا ليه زنة حلوة :d :d :d
ههههههههه ربنا يخليك يا فندم ..

[yascro]

شكرا ع الاهداء يا عرب بس برضه هتتفقع علقه نظيفه عشان انا بطنى وجعتنى من كتر الضحك
وهيا بنا بدي (ـا)
واحنا عشان بقينا بلد ديمقراطى اصدرت انا القرار الدكتاتورى رقم101
اللى هو انك تكتب كيف سقطت علامه بروتون

[amr.mostafa]

سلسلة جامده عايزين الجايه من يوم ما اتولدت او اهم حاجه تبقة طويييييييييييييييييييييييييييييييييييييييييييييييي له

[saadelden]

هههههههههههههههههههههه
انا حاسس انك كنت ساكن ف سيرك d:

علي فكره انا كنت بردو طالب ف الخارج و اما جيت هنا ماكانوش بيدخلوني الجامعه عشان كدا
قعدت بتاع شهر علي ما الورق بتاعي جه من التنسيق و كانو الظباط كلهم الي واقفين حفظوني :d

[sayed911]

شكرا ع الاهداء يا عرب بس برضه هتتفقع علقه نظيفه عشان انا بطنى وجعتنى من كتر الضحك
وهيا بنا بدي (ـا)
واحنا عشان بقينا بلد ديمقراطى اصدرت انا القرار الدكتاتورى رقم101
اللى هو انك تكتب كيف سقطت علامه بروتون

هههههههههههه ربنا يخليك يا فندم ده اقل حاجة يا دياب بيه لمعاليك :d :d ههههههه حلوة علقة نضيفة دي بس بص بقا يا دياب بيه انا عايز ضرب بذمة ضرب بضمير عايز الناس متعرفنيش بعد النيو لووك ده .. عايز افك رجلي من هنا واترمي في خلاطة خرسانة عشان الجبس مش ها ينفع بعد كده :d :d بس انا مطمئن انك في اليكس وانا في القاهرة والـ 200 كيلو عشان تيجي تضرب واحد ميت ميت زيي خسارة هههههه يا راجل مش ها اقولك صحتك والكلام ده خليك حتى مع البنزين هههههههه :d :d
+ اذا دعتك قدرتك الى ضرب الناس ...من عواقب ثورة الـ 25 من يناير إني مش ها اسكت بعد كده :d :؛:p :p :p
وحاضر يا دياب بيه كده 1-1 الصوت القادم هوة اللي ها يحدد ها نكتب عن ايه الموضوع الجي :d :d :d (قالك ديكتاتور ) ههههه يا دياب بيه انا عارف انك طيب والله ومش ها تعمل حاجة من الكلام ده عشان هية دي اخلاق المصريين :p :p وانك مش شراني وقلبك طيب جدا والله :p (لسة قافل مع خدمة ثبتني شكرا ) :d :d :d هههههه حبيبي يا معالي الباشا .. وتحت امر معاليك ..

سلسلة جامده عايزين الجايه من يوم ما اتولدت او اهم حاجه تبقة طويييييييييييييييييييييييييييييييييييييييييييييييي له

هههههههههههههههه حاضر يا فندم ههههههههههه تحت امر حضرتك ها اخلي الإجتماعي مفيش فيه موضوع غير الموضوع ده وها نغير الموضوع ده بس انا بفكر ارشح نفسي في إنتخابات الرياسة اللي جية ايه رأيك ؟؟

هههههههههههههههههههههه
انا حاسس انك كنت ساكن ف سيرك d:

علي فكره انا كنت بردو طالب ف الخارج و اما جيت هنا ماكانوش بيدخلوني الجامعه عشان كدا
قعدت بتاع شهر علي ما الورق بتاعي جه من التنسيق و كانو الظباط كلهم الي واقفين حفظوني :

ههههههههههههههه لا والله ده مكانش سيرك ده كان اسبوع في الجحيم والله العظيم هههههه انتا لو شفت الأسبوع ده كنت صعبت على اي حد وكان زمان قلبك ميت ميت من اللي انا شفتوا في الأسبوع ده ههههههههه
حضرتك كنت طالب مخلص ثانوية عامة وجيت على هنا جامعة ولا جيت اخدت الثانوية العامة من هنا ؟ صلي لحد دلوقتي مش راضيين يغيرولي كلمة طالب بالخارج دي وبصراحة انا كمان بتلكك ههههههه اصلها شكلها حلو كلمة طالب بالخارج دي يعني عاملة جو برضوا قال يعني الواحد مثقف قوي لدرجة الخارج دي ههههههههه