سقوط علامة بروتون الجزء الرابع (سلسلة مواقف كوميدية)

[زينة الله]

كل سنة و أنت طيب يا سيد ... الف مبروك على الرشد هههههه :) ربنا يزيدك رشاد

و أدى هديتك :: أختار واحدة منهم :) أرشح لك الزرقاء :)




و ربنا معاك فى الامتحان النهاردة :: يجعله سهل و خفيف و يوفقك فيه

[yascro]

كل سنه وانت طيب ياض

[sayed911]

بسم الله الرحمن الرحيم ..

بعد انقطاع دام لأكثر من اسبوعين !!

ها نحن نعود بحلقة جديدة اتمنى من الله ان تحوز على اعجابكم ورضاكم ونعتذر عن عدك اكمال الحلقة السابقة بسبب وصول بعد الرسائل اللي كان فيها اعتراضات على اشياء فها احتفظ بكثير من التفاصيل بصراحة بعد كده لنفسي وعذرا معلش

ثانيا انا عايز اقول لكل واحد فعلا كلف نفسه يا جماعة ورفع سماعة التلفون وقالي كل سنة وانتا طيب او حتة بعتلي مسج او كتبلي على المنتدى او على التويتر او حتى على الفيس كثر الله من الف خيرك بجد انا حسيت انه فيه حد انا فارق معاه بيدور عليا يقولي كل سنة وانتا طيب !! مع انه داخل عليا بإيديه فاضية بس ماشي ها نعديها المرادي :D :D

بجد يا جماعة فعلا انا عاجز فعلا عن الشكر والله فعلا حسيت انه ليا اخوات فعلا ...

نبدأ بحلقة النهاردة ..

اللوكيشن : بيتنا !!

المشهد الأول !!

يستيقظ البطل من النوم عابسا متجهما !!

(البطل ده اللي هوة انا على فكرة )

صاحي ببص في الموبايل انا عندي امتحان الساعة 8.30 قولت تلاقيني صحيت بدري شوية ابص في الموبايل فاضل قد ايه !!

7.40 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

حبيب قلبي يا ابو عيالي !!!!

نظ في قلب البنطلون !!!

هات اي قميص على اي جزمة !!

على فكرة انا اكتشفت والله اني نازل بفردة زرقا وفدرة سودا !! (الناس افتكرتها موضة )

المهم لبست ونطيت جري على السلم وانا بسابق الريح !!!

نزلت بدألج على السلم (بقالي ساعة بسبل بدألج دي )

جري !! اي !!

نسيت مفاتيح العربية اكيد مش حاوي ها امشي بيها من غير مفاتيح !!

اجري تاني على الشقة !!!!!!

اي انيل وانيل !! سلسلة المفاتيح كلها مع بعضها !!

وانا برة الشقة !!

يخربيت الفطانة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!

جريت على جاري ( بسيب عنده نسخة من مفتاح الشقة بتاعتي عشان الحركة دي بتحصل كتير جدا )

متخيل بصحي واحد الساعة 7.50 بقوله عايز مفتاح !!!

اخدت المفتاح وفتحت واخدت مفاتيحي ونزلت جري على العربية !!!

طيب ايه مش ها نضرب حاجة نفطرها طيب !!!!؟

حعان جدا !!!!

هات يا عم الحج اي حاجة تاكلها !!

اخدت شوية فاكهة في ايدي ونزلت جري !!

ابص يمين !!!!

الاقي عربيتي !!!

ابص شمال الاقي الغطا بتاع عربيتي !!!

الله !!!!!

هوة النوم مفعوله لسة كده !!!

ولا تكونش دي ساجا تانية !! ؟

اكيد موصلناش لمرحلة انه فيه عربية تانية بنفس الأرنوب في التابلوه ( محدش يفهمني غلط بالأرنوب ده قصتوا طويلة جدا وها تفهموها بعدين )

طيب امال الغطا ده ايه !!؟

الغطا ده على فكرة تمويه

انا عربيتي صغيرة !!

جايبلها غطا العربية التانية الشيروكي والغطا اصلا مطبوع عليه من المعرض (ميتسوبيشي موتورز ) هههههه

غطا عربية جيب مكتوب عليه ميتسوبيشي متغطية بيه عربية بروتون :D :D :D

رحت بتمشى كده

( اللي متابعني على التويتر ها يعرف الموقف ده حصل ازاي في الأصل )

وتشاء الصدفة الاقي واحد واقف بيتكلم في التلفون وهوة منهار !!!

(الموقف تم فيه بعض التعديل ولكن اصله مثبت في التدوينات )

الاقي واحد منهار !!!

ايوا يا محمد !!!!!!

ام العربية اتسرقت يا محمد !!!!!!!

اعمل ايه !!!!

اتصرف ازاي نزلت مش لاقيها يا محمد !!!!

مشغلتش بالي قولت ربنا يعوض عليه !!!!

رفعت الغطا من على العربية !!! من الجنب !!

شايف جنط بروتون !!!!!

الله !!!

امال اللي هناك دي تبقى ايه يا عالم !!!

وبعدين البواب بيشيلي الغطا من 7 بالزبط عشان انا بنزل بدري !!!

رفعت الغطا من قدام شوية !!! الاقي اللون اسود !!!!

لا بقى !!!!

مهو يا اما عربيتي خلفت !!

يا اما انا عندي عربيتين وانفصام في الشخصية !!!

رفعت الغطا من قدام !!

لقيت علامة بروتون !!!

بس فيه حاجة غريبة دي مش الشبكة بتاعت عربيتي دي الشبكة الجديدة بتاعت بروتون !!!!!!!!!!!!!!!!!

هيا الـ FL بتاع عربيتي نزل مصر امبارح بالليل ولا ايه !!!!!!!!!!!!!!!!!!!!!!

هنا بقى اتجننت بجد !!!

رفعت الغطا شوية لقيتها مش عربيتي !!

لقيتها بروتون بيرسونا سودا !!!!!!!!!!!!!!!!!!!!!!!!!!!

لقيت الراجل جي بيجري عليا !!!

عربيتييييييييييييييييييييييييييييييييييييييييييييي يييييييييييييييييييييييييييي

انا مسكت الغطا زي الطفل الصغير وواقف مش فاهم اي حاجة !!

سيبكم من شوية رغي حصلمولكن اكتشفنا في النهاية اني عشان بركن في الجنب الشمال من بيتي على طول البواب حافظ المكان

فلما روحت يوميها ملقتش مكان ركنت في الجنب اليمين !!

البواب دور !!

( للأسف مقتنع انهعربيتي اسكودا لحد دلوقتي!!! )

بس انا محفظوا انها سودا !!

العبقرية المعملية الفذة لقا العربية التانية سودا !!!

ونفس فكرة الجنط والعلامة تيبيكال !!! والعلامة اللي في الإكصدام هيا هيا !! قام مغطي عربية الراجل !!

الراجل طبعا نزل عارف انه راكن في الحتة دي ولكن اكيد زينا كلنا انتا بتبقى عارف انك مثلا راكن قدام الجامع بالتحديد فين بالزبط كل سنة وانتا طيب !!

الراجل يا عيني فاكر العربية اتسرقت وانه فيه عربية دخلت مكانها واتغطت !!

ههههههههههههههههه

يا عيني البواب كل شوية شتيمة في اليوم ده هههههههههه

بصراحة الراجل اللي يشوفوا وشوا كان بيجيب الوان ومتخيل انه فعلا العربية راحت واتسرقت احساس زي الزفت فعلا !!!!!

انا قلتله طيب شفت كل ده مش ملاحظ انه العربية ضعف حجم عربيتي ؟

اللون اسود ماشي انتا عبقري وكل حاجة

اكسر الفانوس عشان تعلم عربيتي بعد كده

اعلمهالك ازاي طيب بعد كده ريح قلبي طيب !!

المهم ببص لقيت الساعة 8.15 !!!

حبيب قلبي !!!!!!!!!!!!!!!!!!!!!!!!!!!!!!

فاضل 15 دقيقة بالزبط على الإمتحان !!

هل ممكن انجز اني اخد من العباسية لحد مساكن شيراتون في 15 دقيقة !!!!!

قول يا رب !!!

رايح على العربية لقيت الفردة اللي قدام بتسقط ( بتنام )

قولتلها هوة كله بيجي ورا بعضه ولا ايه !!!

قولت ها اركب واروح الكلية ولما اخلص امتحاني ها ابقى اعدي على بتاع الكاوتش يشوف مالها !!

ركبت ومشيت !!

وبقى في دماغي بقى وانا بجري !!

ياد بالراحة انتا عندك عجلة مخرومة ممكن مع الضغط السريع العجلة تفرقع !!

والجزء التاني في دماغي عمال يقول يا عم تفرقع ايه درجة حرارة الأسفلت حاليا مش بالخطورة اياها + انتا بتجري على 200 يعني ده انتا لسة طالع وكلها 12 كيلو وتوصل !! انجز يابا !!

وكل بقى ما اجري شوية يجي في دماغي سيميوليشن للي ممكن يحصل لو العجلة ضربت وانا مثلا باخد الغرزة دي هههههههههههههههه

وصلت الحمد لله

وركنت ولله الحمد

وطلعت جري على الإمتحان !!

ها اختصرلكم 3 ساعات في 5 دقايق بالزبط !!!

فيه منظر شفته قدامي كوميدي جدا !!

واحد من الزملاء الأعزاء كان قاعد مبرشم على الديسك وكاتب عليه كام قانون ينفعوا في وقت ضيقة ..

المعيد شافه قاعد جنبي !!

واحنا اصلا صحاب !!

المعيد !! بشمهندس X

ممكن تيجي تقعدلي قدام هنا ..

الواد قالك ها اقوم ازاي !!!

راح قايم بالديسك هههههههههههههههههههههههه

اه والله يا جدعان قام بالديسك ههههههههههههههههههههههههههههه

وهوة لسة ها يحط الديسك !!

راحت بنت جاية بتقوله ممكن الديسك عشان مش ها اعرف اشيل واحد من ورا !! هههههههههههه

قالها خدي التاني ده !!

المعيد قاله انتا جايب دسك ليه اصلا مهو دسك قدامك بقى اهو هههههههههههههه

البنت اخدت الديسك اللي عليه الهدية دي وقعد هوة يا عيني اتسوح تسويحة ما يعلم بيها الا رب العباد :D :D

انا قلتله احسن شوفت ربنا :D :D

خلصنا امتحان !!

طلعنا برة !!

ببص لقيت العجلة نايمة على الأرض نومة سودة !!!

لقيت الواد قالي هههههههههههههه شوفت انتا بقى ربنا :D :D

قولتله ولا يتهز فيا شعرة !!

اتنيل استنا لما افك العجلة وديني اعملها لحسن الإستبن عندي متفكتش من ساعة ما جبت العربية ومليش خلق افضي الشنطة واملى الشنطة :D

قالي اشطة ..

فأنا عندي كوريك كنت جايبه معانا من برة !!

مفيش منه في مصر واعتقد اللي فيه او فيه ناس تعرفوا ولكن انا كنت جيبه معايا من سويسرا !! فكرتوا ها تفهموها من الصور !!!

الفكرة سيادتكم بقى ايه !!

فيه كورة كبيرة عبارة عن دبل كورتين جوا بعض !! هيا مش كورة هيا مكعب بصراحة ..

فيه خرطوم طويل معمول من كاوتش قابل للضغط !! وفي آخره فيه بشبوري

كل اللي بعملوا التالي ارمي المكعب ده تحت ركن العربية اللي عايز ارفعه !!

ادور العربية !!

احط البشبوري في الشكمان واكبس بنزين !!

الاقي المكعب اتنفع في ثانية ورفعلي العربية :D :D :D

ههههههههههههههههههههههههههههههههههههههههههه

انا بحب الكوريك ده جدا اصلا

هههههههههههههههههههههه لأنه ولا وساخة ايدين ولا بهدلة ولا مرمطة وسريع جدا جدا جدا جدا

في ثانية رفعت العجلة :D :D

المهم عملت الآتي

فتحت الشنطة لبست الجوانتي ( اكيد جايب جوانتي واتعمل عليا حفلة من صحابي بسبب اني بلبس جوانتي وانا بغير العجلة بس ده كان احد دروس تغيير العجل وانا بحصل على رخصة قيادتي برة مصر انه لازم جوانتي ومش اي جوانتي وخلاص وليه اسباب كتير جدا منها ابسطة انه ممكن يكون سبب انفجار العجلة اليل ماسك يسخن العجلة لدرجة حارقة او او او او حاجات كتير جدا )

المهم لبست الجوانتي وعندي بلطوا كده لبستوا برضه

لقيت الواد بيقولي انتا ها تعمل عملية ولا ها تغير كاوتش !!

قولتله بقولك ايه اناا ملبستلكش الكمامة والنضارة كمان !!

لقيت الواد قالي ....... يا عم الـ ......

اجيبلك سواق تكسي بـ 5 جنيه يغيرلنا ام العجلة دي ونخلص !!

انا طلعت الكوريك من العلبة !!

وفي اللحظة دي ناس كتير معدية من ورانا شافتني بعمل اللي بعملوا !!

لقيت امة لا ايه الا الله كلها وقفت على السور اللي ورايا ووقفت تتفرج انا ها اعمل ايه تقولش حاوي !!

كله عنده حب استطلاع ولكن محدش تجرأ وقالي ده ايه ده !!

بنات قبل ولاد اهتموا بالفكرة !

وصلت البشبوري بالمكعب !! حطيت المكعب تحت العربية ودورت العربية

ونبهت على صاحبي ار بي ام العربية ميعلاش عن 2000 دورة في الدقيقة ( عشان متعملش هاي درينينج برشر ) يعني نملاه بالراحة احسن ما نملاه بسرعة عملت كل توصيلاتي !!!

ورحت مدور العربية

بنت بسم الله ما شاء الله ذكية وناصحة وسابقة سنها سألتني هوا مش ممكن الطغط يبقى عالي جوا الكورة لدرجة انه يسد الشكمان ويفجرلك دبة الشكمان او على ابسط تقدير قانون الغازات الضغط لازم يبقىمتساوي في الطرفين ؟ او ممكن كأبسط حاجة تعملها العربية ها تبطل !!

قولتلها حضريتيك المكعب فيه سيفتي فالف لما بيلاقي الضغط الداخلي زاد عن حد معين بكل بساطة كل اللي ها يحصل الفالف ها يفتح ويعمل ديسيبلانس للبريشر الداخلي ويريح المكعب :D :D

المهم دورنا ووصلت البشبوري وبدءنا ننفخ ( عادة الفلم بياخد مني 5 دقايق ولكن من كم الناس اللي بتتفرج كنت متوتر لأني حاسس اني بعمل حاجة غريبة ) !!!

الواد كابس بنزين لحد ار بي ام 2000 فعلا !! والمكعب بدأ يتنفخ وتدب فيه الروح ..

نفخنا نص المكعب وكله تمام وفجأة طلعت في دماغ الواد انه يستعرض ويكبس جامد على الموتور عشان ينفخ بسرعة مش عارف انه السيفتي فالف مصمم انه يطرد هواء جي من محرك على ار بي ام معين يعني السيفتي فالف ولا كأنه موجود لو الهوا جي من محرك بيدور بسرعة عاليا جدا .. بكل بساطة كبس جامد جدا !!

الواد اصله معاه بايك !! فا ار بي ام 6 شايفه عادي لأنه عنده 14 هههههههههه

هب المكعب اتملآ لحد نهايته تماما !!

وبم !!!

البشبوري انطرد من الشكمان ولله الحمد انا مكنتش مقرط عليه جامد جدا !!

وراح كأنه قنبلة انفجرت والبشبوري طار في الهواء لورا بتاع 4 5 متر ضرب في الحيطة اللي الحيطة اللي ورا العربية

لقيتلك كله بيجري في كل ناحية واتجاه ههههههههه

وهمة اتخضوا اكتر لما لقه فيه دخان طالع من البشبوري فاكرينها بتوله مش فاهمين انه محروقات مجمعة بقى :D

الحمد لله السيفتي فالف عامل زي الـ ....... بلف اللي مش بيخرج الهوا الا لما بندوس عليه :D :D

جبت المسدس ( عندي مسدس بالكهرباء لفك صواميل الجنوط ) اتكشفت انه من غير شحن + مش راكب على الصواميل عندي !!

يا فرحتي بيه !!

طلعت البتاعة اللي بنفك فيها !!

وركبتها وعدوك بقى لما تبقى العربية متحملة على كيس هوا فكل ما اجي اقف فوق البتاعة عشان اريح الصامولة الاقي العربية اتقلبت على مراجيح :D :D

ربنا كرمنا وفكينا الصواميل ولله الحمد :D :D

يادي النيلة ها نعمل ايد دلوقتي !!!

انا عايز اروح اعمل الكاوتشة و الواد معاه بايك !!!

طيب ها نروح ازاي :D :D

بعد ما فكيت العجلة رجعت لقيت فيه بتاع 130 بني آدم واقفين بيتفرجوا بإستغراب والأمن جه افتكرها خناقة وناس نزلت من الإدارة وكان مولد هههههههه

الواد صاحبي نزل من العربية بيقوله يا جدعان مولد هوة !!!

تحط الفيشة على وشها تنور على بقها تنور على اي حتة في اي حاجة تنور !!

واللي يحب النبي يصقف والراجل العجلة نامت وكل واحد يمد ايده في جيبه ويطلع اللي فيه النصيب يساعد الراجل ده !!

هههههههههههههههه الناس والله فكرتها عرض لمنتج واللي جه يسأل ده منين واللي بيسأل بيحمل عربيات بأوزان كام واللي واللي واللي وفي الآخر دكتور قالي ها اديك 400 جنيه دلوقتي حالا وتديهولي الحقيقة انا مرضتش مش عشان حاجة ولكن انا معرفش تمنوا كام الحقيقة ومش عايز لا اضحك على الراجل ولا اغشه + المنفاخ ده انا بحبوا جدا

+ انا نسيت اضيف انه كان ليه خرطوم صغير جدا ممكن اوصله بالمكعب و اوصله بالعجلة بينفخ الكاوتش كمان من شكمان العربية هههههههه يعني كمريسور كامل ولكن الخرطوم الصغير ده ضاع الحقيقة !!

عشان كده كنت مطر اوديه لبتاع كاوتش !!

وفيه ناس والله صورت الكوريك واللي كان فاكره متج في السوق واحنا بنعمل دعاية عنه !! ههههههه

المهم قولت للواد خدني وراك على البايك كده كده بتاع الكاوتش في آخر الشارع قالي ها نركب ازاي على البايك بالكاوتش قولتله يعني اللي بيركبوا موتيسيكلات صيني 4 لى واحد دول احسن مننا في ايه احنا نحط الكاوتش بينا ونمشي ههههههه

قالي وضهري اللي ها يتوسخ

قولتله ها نلف الكاوتش بالبلطوا انجز بقى !!

حطيت الكاوتشة !!!

بيني وبين الواد ودور البايك !!

ولسة بنقول يا هادي !!

فيه 130 عين باصة علينا !!!

الواد طلع متفهمش ازاي عمرها ما حصلت منه دي ابدا !!

انا اصلا رجليا مرفعوة من على الأرض !!!

ورجلي على السنادة بتاعت البايك !!

والواد مش عارف ايه اللي حصل رجلوا شبكت في ايه ولا توزانا اختل من ايه !! ولسة مدورين بقى !!

وهب !! وقعنا على جنبنا الشمال ههههههههههههههههههه

مسخرة والله العظيم اي جدعان !!!

يا جدعان انا بقع وانا عارف اني ها اقع ولكن مفيش رد الفعل = 0 !!!

بقع بالسلو موشن

يعني البايك موقعش واحنا ماشيين نقول ملحقناش ولكن احنا عاملين زي اللي بيغمى عليه وقع بكل هدوء وسلاسة !! اتقلبنا قلبة العجل في المدبح ( سمعت الجملة دي وعاجباني جدا مع انها شعبية جدا ولكن بتصف موقفنا )

الواد نازل عمال بيصرح الفيبر !! الفيبر !!

واانا بصرخ رجلي مزنوقة تحت البايك والكواتش على دراعي الشمال دايسة عليه هههههههههههههههه

جم ولاد الحلال الحقيقة لحقونا ! هههههههههههه

وبكرة بقى اكملكوا ايه اللي حصل عشان كفاية فضايح :D

وادي صورة الكوريك :D :D

ادي صورة البشبوري وهوة موصول بالكعب

ادي صورة البشبوري

ادي صورة المكعب يا جماعة بس وهوة في الشنطة لأنه لسة متلمش في العلبة بتاعته :D :D

[medododo]

الحمد لله على سلامتك
والمرة الجاية ريح الصواميل قبل ما ترفع العربية
وربنا مينيملكش فردة قادر ياكريم

[Moh.Abdelbaset]

المهم عملت إيه في الإمتحانات؟؟

[gebreel]

صباعي جوة الباب افتح الباب

الحمد لله سيد رجع لطبيعتو و الكوارث رجعت تاني احمدك يا رب

[saadelden]

شاب في مقتبل العمر مش عارف يغير فرده كاوتش :d
دا انا من كتر ما غيرتها خدت دكتوراه في الكاوتش :p

[iwantes350]

احلى قالب كيك لاحلى عضو
كل سنة وانت طيب يا او السيد


ودى جامدة كييييييييييييييك

[رزق]

ههههههه حلوة المرادي وكل سنة وإنت طيب متأخرة يا باشا
قولي أنهي نوع مسمار الصواميل وجبته منين ياريت عشان أنا كنت بدور على واحد السنة اللي فاتت ولقيت ارخص واحد داخل دماغي مش أقل من 1000
زي ده
Amazon.com: Bare-Tool DEWALT DC825B 1/4-Inch 18-Volt Cordless Impact Driver (Tool Only, No Battery): Home Improvement




فـمجبتوش على أساس إني مش فاتح ورشة

[mhmdalsaadany]

ياااااااااااااااااااه ابو السيد واحشني والله يا راجل معلش انا كان بقالي كتير جدا مش بدخل خالص المنتدى اولا الف مبروك الخطزبه
ثانيا كل سنه وانت طيب
ثالثا ربنا معاك في الامتحانات وتخلص على خير ان شاء الله

[AhMeD EzZ]

بكرة قوي الموقف دة قوووووووووووووي ... خصوصاً الكوريك بتاعي زبالة الي هو سمبوكسة دة

و بتحصل في اوقات زبالة .. مرة حصلت و انا عندي امتحان و التانية و انا خارج من عيد ميلاد في مدينة نصر الساعة 2 بليل :@ :@ :@

[aymanay32]

الاسلوب جميل جدا
اشكرك عليه

[ma7med]

ايوى هو ده سيد بتاع زمان وكل زمان ههههههه
ايوى يا عم هي ده المواقف ولا بلاش هههههههه

[Xander2010_Evo]

ههههههههههههههه جوانتي ياسيد؟؟ يافضحيتنا قدام سواقين التاكسيات :)) هههههههههه تخيل واحد سواق تاكس شافك بالمنظر الملثم ده d:
إنتا عارف أنا إللي بتعامل وبشتغل فالكلية بأحماض مركزة زي حمض الكبريتيك مثلآ "إللي هوا مية النار" بس بتركيزات أعلي كمان منو
والفينول والبلاوي إللي بتخليك تغير جلدك دي
بشتغل من غير جوانتي ياسيد لأني مش بعرف أتحكم فالحاجات إللي قدامي وأنا لابسو
فكل الفكرة تسمي الله وتشتغل :))

[Car's Sniper]

( على فكرة بقى مش عارف ايه اللي جاب الموضوع ده في دماغي دلوقتي ولكن انا اكتشفت انه مثلا فيه 15 شخصية بعد حضري للموضوع كله بيتباعوني اول بأول وبيدرو على طول وفيه بتاع 150 شخصية بيقرأو الموضوع والسلام عليكم من غير ادنى رد فعل !!!! انا طالعة في دماغي حاجة من اتنين !!! اعمل الموضوع بإشتراك شهري يلم للسيد كريم منير والأعضاء اللي معانا من الأول دول ها ياخدوا سنة مجانية او اعمل بلوج ليا وانشر فيه الكلام على الأقل اقدر اعمل حضر رسمي :D لكن كده مش بناكل عيش خالص ) :D

( فمطلوب من كل واحد بيتابع الموضوع رد وان كان فاضي حتى نعرف بيه العدد الرسمي كام عشان نعرف الموضوع بيجيب همه ولا ها اطر اني اصعد المووضع لجهات اجنبية !! انا مش عايز اقولكم دار الكتاب طالبة حقوق طبع الموضوع بكااااااااااااااااااااااام وانا قولت ازاي بقى اخواتي في يالمنتدى اولى بيه طبعا :D )

ده اللى هو انا !! :D :D
طيب اوكا...عديها المرة دى ياحودة ...البلد مش ناقصة توترات داخلية :D
والله يابو السيييد الموضوع دا جامد جدى واسلوبك اجمد وانا من اشد المعجبين باسلوبك خصوصا انى برا البيت مافيش حاجة باخدها جد...كله هزار فى هزار
وبالنسبة لتلقيح الكلام ههههههههه فهاقولك انى خبطت فى الموضوع بالصدفة ييجى من اسبوع كدا وبدأت اقرا فيه صفحة صفحة (اى خدعة) وكل ماقول ارد النفس الامارة بالسوء تقولى لأ خليها فى الاخر عشان يكون رد شامل وملم بكل جوانب الموضوع لغاية ماوصلت لكلامك ده وماقولكش بقى عياط وتأنيب وتكسير (وصحيت من النوم :D)
ازاى الموضوع اللى مابدخلش غيره بقالى اسبوع ماردش فيه رد واحد

استمر يابو السيييد يامفشلنى ومضيع مستقبلى ...انا عندى بعد 12 ساعة بالظبط امتحان فارماكولوجى وما ادراك بالفارما وقاعد اقرا فى مواضيعك الشيقة دى
والله انت طفرة وموهبة مدفونة مسيرك تلاقى حد يكتشفك ويلمعك :D

انا اتشعلقت فى ديلك على تويتر مع انى مابدخلوش غير فى المناسبات :D
بس كله يهون عشان خاطر عيونك

القاك بعد 25/6 هاكون خلصت امتحانات و هخليك تزهق من الردود :P