سقوط علامة بروتون الجزء الرابع (سلسلة مواقف كوميدية)

[sayed911]

انا باكتب الحلقة دي وانا تقريبا في شبه غيبوبة من قلة النوم !!!

فاللي يشوف حاجة مش مفهومة يبقى قشطة هوة صح وانا ريحت سنة كده وايدي شغالة مع نفسها وعقلي الباطن بيفرغ ما فيه داخله !!

تمسكوا بمقاعدكم اليوم فاليوم حلقة قوية وتحتاج الى شد وربط حزام الأمان ..

مبدئيا انا ليا طلب عندكم يا جماعة ..

كل اللي يقرأي الحلقة دي اامانة في رقبته ان يقرأ الفاتحة لأخونا .. محمد جمعة

http://www.nilemotors.net/Nile/218911-a.html

انا يمكن مكنش ليا الشرف في اني اكون على معرفة او على اتصال بيه ولكن قرأت له مواضيع كثيرة في المنتدى وسبحانالله تعالا لم اكن ارى في كلماته سوى التبسم والإقبال على الحياة ويدق ناقوس الخطر افكاري وذهني قائلا لست صغيرا على الموت !!

انت لست ببعيد عنه !!

كم هي الحياة لحظة !!

كم من اللحظات مرت في حياتك وومضاتها تعيد ذكراها ويكأن الأمس بنالسبة لك نفحة عبرت بدون رحيق !!

اتخيل اني يمكن ان اكون في لحظة بين يدي الخالق عز وجل !! كيف يأن لي ما قد فعتله وما قدمته !!

هل انا راضي عن نفسي !!

وها انا اقولها بالملأ وعلانية !!

انا لست راضي عن نفسي ولا عن حياتي !!

ولا عما افعل !!

نهائيا !!

نهائيا !!

نهائيا !!

ومش عارف اقول ايه ولكن انا عارف انه اللي عايز اقوله واصلكم !!

حتى بالأمس خرجت عن شعوري وتجرأت للأسف وتعديت بالكلمات على احد اخواني في القسم بدون ان اكون قاصدا وهو يعلم اني لست بذلك الشخص اللذي يمكن ان يتجرأ ويقبل على ما قد قلته وتمنى ان يسامحني فهي ثورة غضب مرت بي لما قد كان يحدث وها انا اعتذر منه على ما قدر بدر مني من قول عله يسامحني !!

ثانيا !!

انا اعتذر لغيابي في الفترات الماضية فمن يتابع اخباري في الفترة الماضية يعرف ما قد كان يحدث لي في حياتي يوميا !!

ولكن الحمد لله ولله الحمد من قبل ومن بعد على من لا يحمد على مكروه سواه ..

بس النهاردة كمان اصلي لسة جايب درجة الإستراكشر 2 من على السيستم ولكن ان تسعدوا بي :D :D :D

انا جبت 9.5 من 30 :D :D :D :D

ومن ساعتها مفيش على لساني غير !!!!

ليه ضيعتوا ليه يا محمد !!!!

بس قشطة انا متفاءل برضه ولن اسمح لهم بأن يضعوني في موضع الكاره لدراسته !!

اما انا واما هم !!

هيا اصلا من ساعة ما بقت انا وهم بقت العملية بزرميط !!

صدقوووووووووووووووووووني انا العبد الفقر الى الله !!

انا المواطن سيد خطاب

التعليم في البلد دي محتاج يتفور !!

يتفور ويتجاب على المحارة ويتشطب من اول وجديد !!

محارة ايه !!

دية عايزة صوباعين ديناميت ينسفوها نسف !!

واللي يجي يقولك انهم يريدون تغريرا بمصر واهلها !! ونبي تروح تتنيل على عينك هيا لوحدها متغرر بيها وبعائلتها كلها كمان مش ناقصة ايحاءات جاب الديب من ديلوا يا خييي !!

المهم

[saadelden]

مستنيينك اما تفوق يا سيد ;d

[amr.mostafa]

انا باكتب الحلقة دي وانا تقريبا في شبه غيبوبة من قلة النوم !!!

فاللي يشوف حاجة مش مفهومة يبقى قشطة هوة صح وانا ريحت سنة كده وايدي شغالة مع نفسها وعقلي الباطن بيفرغ ما فيه داخله !!

تمسكوا بمقاعدكم اليوم فاليوم حلقة قوية وتحتاج الى شد وربط حزام الأمان ..

مبدئيا انا ليا طلب عندكم يا جماعة ..

كل اللي يقرأي الحلقة دي اامانة في رقبته ان يقرأ الفاتحة لأخونا .. محمد جمعة

http://www.nilemotors.net/Nile/218911-a.html

انا يمكن مكنش ليا الشرف في اني اكون على معرفة او على اتصال بيه ولكن قرأت له مواضيع كثيرة في المنتدى وسبحانالله تعالا لم اكن ارى في كلماته سوى التبسم والإقبال على الحياة ويدق ناقوس الخطر افكاري وذهني قائلا لست صغيرا على الموت !!

انت لست ببعيد عنه !!

كم هي الحياة لحظة !!

كم من اللحظات مرت في حياتك وومضاتها تعيد ذكراها ويكأن الأمس بنالسبة لك نفحة عبرت بدون رحيق !!

اتخيل اني يمكن ان اكون في لحظة بين يدي الخالق عز وجل !! كيف يأن لي ما قد فعتله وما قدمته !!

هل انا راضي عن نفسي !!

وها انا اقولها بالملأ وعلانية !!

انا لست راضي عن نفسي ولا عن حياتي !!

ولا عما افعل !!

نهائيا !!

نهائيا !!

نهائيا !!

ومش عارف اقول ايه ولكن انا عارف انه اللي عايز اقوله واصلكم !!

حتى بالأمس خرجت عن شعوري وتجرأت للأسف وتعديت بالكلمات على احد اخواني في القسم بدون ان اكون قاصدا وهو يعلم اني لست بذلك الشخص اللذي يمكن ان يتجرأ ويقبل على ما قد قلته وتمنى ان يسامحني فهي ثورة غضب مرت بي لما قد كان يحدث وها انا اعتذر منه على ما قدر بدر مني من قول عله يسامحني !!

ثانيا !!

انا اعتذر لغيابي في الفترات الماضية فمن يتابع اخباري في الفترة الماضية يعرف ما قد كان يحدث لي في حياتي يوميا !!

ولكن الحمد لله ولله الحمد من قبل ومن بعد على من لا يحمد على مكروه سواه ..

بس النهاردة كمان اصلي لسة جايب درجة الإستراكشر 2 من على السيستم ولكن ان تسعدوا بي :D :D :D

انا جبت 9.5 من 30 :D :D :D :D

ومن ساعتها مفيش على لساني غير !!!!

ليه ضيعتوا ليه يا محمد !!!!

بس قشطة انا متفاءل برضه ولن اسمح لهم بأن يضعوني في موضع الكاره لدراسته !!

اما انا واما هم !!

هيا اصلا من ساعة ما بقت انا وهم بقت العملية بزرميط !!

صدقوووووووووووووووووووني انا العبد الفقر الى الله !!

انا المواطن سيد خطاب

التعليم في البلد دي محتاج يتفور !!

يتفور ويتجاب على المحارة ويتشطب من اول وجديد !!

محارة ايه !!

دية عايزة صوباعين ديناميت ينسفوها نسف !!

واللي يجي يقولك انهم يريدون تغريرا بمصر واهلها !! ونبي تروح تتنيل على عينك هيا لوحدها متغرر بيها وبعائلتها كلها كمان مش ناقصة ايحاءات جاب الديب من ديلوا يا خييي !!

المهم

.
لاحول ولا قوة الا بالله العلي العظيم

[AhMeD EzZ]

اهلا و سهلاً :d

[sayed911]

معلش يا جماعة والله انا كاتب الحلقة كلها ولكن لما جيت عملت كوبس وبسيت مأخدتش بالي اني عملت كوبي للحلقة كلها الا لما لقيت الردود تعجبية :d :d

حقكم عليا المرادي عندي يا رجالة :d

ندخل في قصتنا بقى !!

نزلنا واستنينا سعد ...

نزل الحاج سعد وقالنا بقولكوا ايه احنا نطير على الواد اسلام في المعادي كمان قالنا ها يجي معانا !!

انا : يا عم محنا كنا متنيلين جنبوا وممكن كنا نروحلوا من السيدة عيشة ايه الل خلانا نيجي طيب !!!

احمد : يعني احنا ها نمشي شوية ولا كتير ولا مشينا كتير ولا شوية !!

حسام : انتا قلتلي انتا كنت في كلية ايه ؟

احمد : الكلية الحربية مصنع الرجال !!

حسام : اهاااااااااااااااااااااااااااااااااااااااااااااااا اااا

انا : يا عم سيب احمد بيه في حالو الراجل في نكسة !!

حسام : نكسة ليه بقى ان شاء الله ؟

انا : اصله اترفد من الكلية نهائيا من فترة كده !!

حسام : رد فعل مصري من ثلاث مقاطع متعجبا لماذا ؟

انا : وانا اعرف منين متسألوا بس افتكر انك بتقلب عليه المواجع !!

حسام : انا مالي يا عم انا وحيد ابويا امي !!

سعد : تعالوا ناخد ميكروباص من اول جمال عبد الناصر نطلع بيه على موقف العاشر ومن هناك ناخد حاجة دائري ننزل بيها عند كارفور المعادي اسلام ها يستنانا هناك ..

ولجل الحظ اليوم ده كان في ماتش حد مهم اللي يفتكره يبقى برنس كان يوم جمعة !!

وقفنا في اول جمال !!!

العاشر يا اسطى !!

قالنا اركبوا !!

معانا حاجات شنطتين قولنا ها نحطهم على رجلينا !!

انا وحسام عمرنا ما ركبنا ميكروباص في حياتنا !!

ركبنا

وبندفع الأجرة !!

حسام بيطلع ورقة بـ 200 جنيه وبيقولوا

4 من الـ 200 يا اسطى الله يخليك !!

سعد جنبي بيقولي داري صحبك لحسن ها ندفن بالميكروباص ده ناقص يقوله فيه دفع بالكريديت ولا ديبت كارد ؟

سكتوا سكتوا بشرتوا ده احنا راكبين ميكروباص كشك مش السوبر جيت يا روح ...

المهم احمد ابو اسماعيل بيديلوا الأجرة !!

الراجل غلط غلطة عمروا وقاله 5 من الـ 10

احمد : خمسة ليه يا عم لما انتا مش بتشوف سايق ليه يا روح ..

(واخدين بالكم انه دخل فيه ازاي لمجرد انه الراجل قال بس 5 ؟ )

السواق : يا عم منتوا معاكم شنط وواخدين مكان !!

احمد : وحياة ....... الشنطتين دول بقوا واخدين اماكن انتا اتعميت ولا ايه متفتح يا اسطى !!

السواق : فيه ايه يا عم متتعدل في كلامك !!

انا وحسام بنبص لبعض وبنقول مع اول قلم ها ننط اشطى !!

المهم ركبنا بتخبط على بعض !!!

المهم الركاب هدت الموقف واقنعت السواق انه الشنط على رجلينا فعلا ومش واخدة مكان اصلا !!

وصلنا موقف العاشر !!

اخدنا الكنبة الخلفية لحسابنا كلنا !!

وطلعنا !!

الترتيب كالأتي !!

من على اليمين

احمد

انا

سعد

حسام !!

الميكروباص اتحرك وطلعنا !!

المهم مش عارف حصل ايه في الطريق فالسواق قالك اتفزلك واطلع من الدائري بتاع 4.5 وعدى على الكبري بتاع الكيلو اربعة ونص !!

المهم الميكروباص الهايس انتو عارفين انه جراي الجديد !!

المهم طالعين على مطلع الكبري والسواق بيجري جايب 80 كيلو متر في الساعة مثلا !!

واحمد مطلع دماغوا وايدو من الشباك وعمال يقول الله !!!!!!!!!!!!!!!!!!!!!!!!!!!!!!!!! الجو جامد فحت !!

وطلع ايدو وبيوقفها في اتجاه الريح !!

وفي عند مطلع الكبري عيل واقف بيبيع اعلام !!

وماسك اعلام !!!!

(واخدين بالكم من بيبيع وماسك دي هههههههههه )

المهم

الميكروباص بيشيد عشان يطلع الكبري واحمد راسو وايديه برة !!

انا لسة بقوله يا عم دخل دماغك لحسن تلبس في حاجة !!!

وراح الواد بتاع الأعلام رفع ايدو وادى الواد احمد كشاف على جبهته عداااااااااااااااااااااااااااااااااالة !!

عليا النعمة الواد دماغه ردت في القايم وفي الإزاز زي الزنبرك كده بتاع 40 مرة من قوة الصدمة هههههههههههه

ودماغوا اترجت كتيــــــــــــــــــــــــــــــــــــــــــــــر جدا !!

وراح لافف وباصصلي كده !!وقالي

سيد !!

انا !!! : ايه ؟

هو : انا نورت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

الميكروباص كله في نفس واحد ضحك ضحك السنين !!!!!!!!!!!!!!!!!!!!!!!!!!!!!!!!!

والله العظيم يا جدعان الواد فضلت صوابع الواد بتاع الأعلام معلمة على جبهتوا اكثر من 4 ساعات كاملة !!

وانا طول السكة اقوله انتا واخد كشاف على سرعة 80 كيلو متر في الساعة يعني الدلع كله ! هههههه

للإختصار !!

كلمنا الواد اسلام ايوا يا سلم هاتلنا معاك مايوه الله يخليك للبيه اللي معانا ده مش طالبة فضايح هناك !!

ونزلنا واخدنا الواد اسلام في عربيته وطلعنا !!

وصلنا العين السخنة !!

واللي طلع العين السخنة يعرف انا بتكلم عن ايه :d :d :d

هههههههههههههه الشواطئ الخاصة كفاية اني اقولكم في 6 ساعات دخلنا بلاك ليست في فندقين هناك:d :d :d

احمد بيه مصمم انه ها يروح يشتري 2 كيلو سمك وزي ما الجيش قاله اتصرف ها يشوهوملنا على الحطب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!

طبعا راح يجيب السمك المسكين وجه !!!

وولعنا النار !!

وقعدنا نتكلم عقبال ما السمك يتشوي !!

واحنا قاعدين !!

لقينا فزبة جاية !!!

الواد حسام عمل ديليفري ههههههههههههههههههههههههههه برنس !!!!!!!!!!!!!!!!!!!!

جاب لينا كلنا الا احمد قاله خليلك السمك بتاعك هههههههههه

لكم ان تتخيلوا النظرة التهكمية اللي طلعت على وش احمد واحنا بناكل تشيز برجر وهوة بياكل سمك سبحان الله بقى عامل كدهو ازاي مش عارف :d

وعلى فكرة احنا في الأخر اكتشفنا انه احمد مش بيعرف يعوم ههههههههههههههههههههههههههههه

اه والله ومحدش يسألني ازاي !!!

انا مش عارف ايه اختبارات القبول في الكلية الحربية ولكن الواد فعليا مش بيعرف يعوم !!!!!!!

ووالله العظيم جبناله كتافات من بتاعت الأطفال ده ولبسناهالوا ونزل بيها البحر هههههههههههههههههههههههه

والناس كلها كانت على الشاطئ فاكرينا بنهرج واحنا بنلبسهالوا ولكن والله بجد ههههههههههههههههه

كان عايز يطلع البلف بتا الإسبتن ولكن اسلام يقنع فيه انه ده من غير بلف ولكن ده مقتنع يقولوا بس افكوا وها اوريك انا اقصد ايه وسعد يقوله ايه يبني جوالعجمي اللي انتا عايش فيه ده !!

ورفض يلبس اللايف جاكت قالك شكلي بقى .....

قال يعني بالكتافات شكلوا سبع قوي :d :d

والبنانا واللي حصل فيها ههههههههههههههههه

يا جدعان ده بيقع من عليها ينزل بيضرب في المياه كأنو فيه تار بايت بينهم او فيه خناقة :d :d

[Eng_Moh.Dewair]

يا جماعه حد يرن على سيد يصحيه شكله لسه نايم من امبارح

[OmaR_FekrY]

كلنا يا ابو السيد اول م نقع من البنانا بننزل نضرب فى الميه هههههه
على فكره اللى قدامك ده بطل سباحه فى 2002 لا تقول انى زى احمد :) :)

[osama.m]

مش بقولك مستواك بقى في الناااازل يا سيد

بس حلوة الاخيرة دي .. و على فكرة حكاية البنانة دي معظمنا بيعمل كدا .. ردو ببقى حاسس ان في تار بيات بيني و بين المية مش عارف لية

[sayed911]

بس هيا اسوء حاجة فها لما تبقى راكب بين اتنين بهايم بقى :d :d :d
وتقعوا وكلو بيلبس في كلو وخبط للصبح :d :d :d

[AHMED1718]

مش عارف ليه فجأة ف اخر قصة دى حسيت انى وقعت منك مش فاكر مين الشخصيات دى ولا فاكر كانو عملو ايه معاك قبل كده وهما بقو كتير كده ليه

[sayed911]

قشطة بكرة نعدد الشخصيات كلها تاني :d :d

[Mohamed-GH]

اية ياعم فين الحلقة الجديدة انتا نسيتنا ومحكيتش عن مقابلة ابو العروسة

[sayed911]

والله ما نسيت بس الإمتحانات في الكلية فيها طحن مش امتحان :d :d
بس انا مجهز لحلقة جميلة ان شاء الله بس محتاج اقعد اكتبها قريب جداا ن شاء الله ..

[sayed911]

بسم الله الرحمن الرحيم ..

بعد تغيب دام لأكثر من اسبوع لظروف الدراسة نعود لكم اخواني ..

الموقف ده برضه عبارة عن اكثر من موقف وجمعتهم مع بعض عشان يخرجوا بالشكل ده بعون الله ..

الهاتف بيهتز على النغمة بتاعتي المعروفة !!

انا : الو

الطرف الآخر : صباح الخير

انا ( بوادر القلق ارتسمت على وجهي !!! عمري ما فيه حد بيصحيني كويس كده في حياتي !! )

انا : صباح الخير !!

الطرف الآخر : اطلع بص من البلكونة !!

انا : بعيد عنكم انا لما ببقى لسة صاحي من النوم بيبقى وشي ده عامل حادثة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!

ومحتاج تسيبني بتاع 40 دقيقة كده عقبال ما بيبتدي يتفرد !!

المهم قومت من السرير بالعافية !!

وفتحت البلكونة !!! الله الدنيا ضلمة !!!

هوة مش انا نايم والدنيا بليل المفروض اصحى الاقي فيه نور !!

مين طفى النور يا جماعة !!

ده بكرة الخميس واجازة !!

معقولة اكون نمت الأربع بليل صحيت الخميس بالليل مش ممكن اكيد مانتمتش 24 ساعة ( بتحصل كتير ) من غير ما احس !!!

ابص في الموبايل الساعة !!

التاريخ الخميس !! والساعة 4 صباحا !!!!!!!!!!!!!!!!!!!!!!!!!!!!!!!!!!!!!!!

يا نهار ازرق 4 صباحا !!!!!!!!!!!!!!!!!!!!!!!!!!!!!!!!

ببص على تحت انا اصلا كمان مش عارف افتح عنيا !!!

انا نايم الساعة 1 اصلا اصحى الساعة 4 !!

ده انا لو ها بيع لبن مش ها اصحى 4 دي !!

ده انا مش بصحى لكليتي من 4 دي !!!

ببص لقيت عربية خطيبتي !!!!!!

وبالعافية شايف !! ( اصلي ساكن في العالي )

انا : فيه ايه ؟

هي : مفيش صباح الخير !!

انا : صباح ايه هوة لسة فيه نور عشان نقول صباح !!

انا : اوعي تقوليلي قاموا بالثورة وابوكي اتقبض عليه وجاية تستخبي عندي !! معنديش الكلام ده !! انا كت حاسس انه عامل مصيبة !!

هي : اخرس يا ....... انتا ها تهرج معايا !! ادي اخرة اللي يكلم .....

(ها اتمنع عن قول ايه اللي اتقالي بحكم انه بيتقال لينا جماعة يعني :d )

هي : البس وانزل وانجز بسرعة عايزاك في حاجة ضروري !!

انا : انا لو ابويا جه تحت دلوقتي اللي مشفتوش من 3 سنين وحياتك عندي ما ها انزلوا اقوم انزل انتي !!

هي : مقالتش حاجة وسكتت !!

انا : اديني 10 دقايق ونازلك :d :d :d

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآه جبت ورا :d :d

يا عم المثل بيقولك اتقي شر الحليم اذا غضب وانا مفيش فيا حمل للتهزيق على الصبح !!

نازل اقسم بالله اكتشفت الكلام ده بعدين !

لابس كوتشي بني !!

وبنطلون اسود

وتي شيرت ابيض !!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!

ونازل ولا غسلت حتى وشي !!

ولا الهوا !!!

ولا حتة برفان ولا الهواااااااااااااااااااااااااااااا

يا جدعان انا نازل واخد الجزمة في ايدي ونازل بدحرج على السلم !!!

انا : خير فيه ايه !!

هي : اركب وانتا ساكت !!

انا : بس معاد حظر التجول لسة مترفعش وانا مش بخالف القانون !!

هي : ( مجرد نظرة صارمة بتبريقة كده )

انا : اركب ورا ولا قدام ؟

متحاولوووووووووووووووووووووووووووووش مفيش فايدة !!!

المهم ركبت قدام !!

عمال اقولها طيب ما نستنى طيب كلها ساعة والحظر ها يتفك !!

طيب يا ستي انتي رايحة على فين !!

يا آنسة !!

طلعنا صلاح سالم ووقفنا عند مسجد الشرطة !!

طبعا انا كنت عامل زي العيل الصغير اللي مش فاهم حاجة !!!

هي : لو بطلتش رغي ها يكونلي تصرف تاني معاكي

انا : لا وعلى ايه ها اسكت اهو !!

هي : انتا نايم ليه لسة ؟

انا : ده على اساس انه الـ 80 مليون كلهم صاحيين وانا الوحيد اللي صاحي ؟

هي : لو بتفكر على قد ما بتتلامض كنت بقيت حاجة !!

انا : مهو اصل سؤال غريب ايه اللي لسة نايم ليه الساعة 4 الفجر !!! ده الشمس لسة حتة مجتش شغلها اصحى انا !!!

انتي بتهرجي والله انا اخر مرة كنت بصحى 4 الفجر دي كانت مرتين !!

مرة كنت في الكشافة !!

ومرة مش فاكرها برضوا بس انا عارف اني كنت صاحي ساعتها !!

هي : اخرس وبطل رغي !!

انا : الله مش انتي اللي لسة سؤلاني !!

هي : السؤال على اد الإجابة !! الناس اللي بتبتدي يومها بدري وكله نشاط هيا اللي بتبقى صحية !!

انا : انتي بجد بتهجري يومها ايه اللي بدري 4 الفجر ده يعني انا لسة متمنتش اصلا عشان اقول اليوم الجديد بدأ

على فكرة محدش يفتكرنا بنتخانق هوة احنا اصلا طريقة حوارنا اغرب طريقة ممكن تشوفا في حياتك كلها !! عند x طول ما احنا بنتكلم ننكش في بعض !!! عادي جدا يعني اللي فوق ده كله بتهريج !!

كل ده واحنا ماسكين اتجاه السيدة عائشة !!

انا طلعت علبت السجاير ولسة ها اولع

هي : مفيش سجاير في عربيتي !!

انا : يعني ها نولع في الرولز رويس يا يخيي !!

هي : لما تبقى راكب عربيتك ياكش تولع فيها هنا لأ مش بحب ريحة العربية تبقى سجاير !!

انا : ها ابقى اطلعها برة وانفخ برة !!

هي : هية كلمة ورد غطاها !!

انا : طيب ماهو يعني لا اكل ولا شرب ولا اي حاجة انتي ها تعتقليني ولا ايه !!!!!!!!!!!

لالالالالالالالالالالالالالالالالالا بقولك ايه انا ورايا ناس تاكل الزلط !!

هي : ونبي ...... على ....... هوة انتا بتعرف تعمل حاجة اصلا !!

انا : ممممممممممممم صمت x صمت !!

بصيت على الكنبة اللي ورا !!

لقيت ثلاجة وترمس !!

اكيد مش ها نخييم !!!!

عدينا على مسجد السيدة عائشة !!

هي : مش عايز تنزل تصلي الصبح قبل ما يفوتك !!

انا : والفجر ؟

هي : عليا النعمة انتا ما فاهم حاجة !!!!

انا : آميــــــــــــــــــــــــــن

ووقفنا !!!

انا : هوة احنا مستنيين حد !؟

هي : احنا متفقين على ايه !!

انا : طيب :)l

انا : طيب ممكن انزل اجيب حاجة اشربها او آكلها انا معدتي بتتقطع من الجوع فعلا !!

هي : طيب بس انجز عشان نطير بسرعة !!

انا : محنا كنا واقفين دلوقتي مستعجلين ولازم نطير !!!!!!!!!!!!!!!

نزلت جبت كيس شيبسي وواحدة هولز وواحدة ميريندا الـ 2 لتر !!

وجي قعدت في العربية راحنا متحركين !!!!

انا : هوة احنا كنا مستنيين ساعة الصفر ولا ايه !!!

هي : والله انتا لو فيك عقل على قد لسانك كنت بقيت زويل ولكن مش بناخد منك غير تريقة وخلاص !!

انا : تاكلي ؟

هي : ده على اساس انك ها تاكل ؟

انا : منا مفطرتش !!

هي : ومش ها تفطر يا بابا !!

انا : امال نزلت جبت الحاجة دي ليه ؟

هي : متسأل نفسك انا عربيتي ممنوع الأكل والشرب فيها !!

انتا ممكن تاكل الهولز دي اكتر من كده متبقاش طماع !!

انا : وبالنسبة لأنه عربيتي انا فيها دولابي في شنطة العربية وجزم وبدلة ووحياتي الشخصية والعملية كلها في عربيتي واكل وشرب وكل حاجة في العربية دي !!

هي : بالنسبة للكتكوتة بتاعتك دي مشكلتك معاها عربيتي مش بيسمح للي يدخلها الا وهوة مسلم كل متعلقاتوا الشخصية في الأمانات !!

انا : طيب حتى اشرب الشوبيس احنا مش في تراك على اساس انه من كتر السرعة ها يدلق عليا يعني !!

هي: مش ها احط فرصة اني افرمل الاقي العربية غرقت منك !!

انا : يارب اشوف فيك يوم ياللي كنت السبب !!

المهم وجدت انه احنا طالعين جبل المقطم !!

!!!

الساعة قربت على 5 وسوكة !!

والفجر اذن وكنا احنا وصلنا للجبل !!!

انا عايز اسئل !! ساعة في الطريق انه فيه حد يقولنا انتو رايحين فين ولا جيين منين ولا الهوا امال حزق تجوز ايه اللي بيقولوا عليه ده قالك وانا اللي لما كانوا بيقولوا من 2 كنت ببقى قدام السرير من 12 !!!!

ركنا وواقفين شايفين القاهرة من فوق !!

فأنا بسأل اخير ممكن اعرف فيه ايه ؟

هي : اتقل بالزبط 25 دقيقة ها تفهم !!!

الفجر اذن !!!

هي : امشي في الشارع ده وها تلاقي فيه زاوية هناك روح اتوضى والحق الفجر وتعالا انا هنا !!!

انا : حاضر !!!

رحت وجيت

وهب نكمل بكرة بقى عشان انا تعبت :d :d :d

كل واحد يتوقع رجعت لقيت ايه اما نشوف مين اقرب واحد للصواب

انا متوقع انه افخوة السيدات ها يجيبوها في ثواني كالعادة

[horas3000]

ببص لقيت عربية خطيبتي !!!!!!

اوبااااااااااااااااااااااااا
انت وقعت و لا الهوا اللي رماك هههههه
و عمال بس لست انا و الكلام الكبير ده
عموما يلا
نقول الف مبرووووك
و انا اقول ايه الكلام اللي علي تويتر ده
و علي راي احد الاعضاء هنا
المغفلين زادوا واحد
و انتم السابقون و نحن اللاحقون يا ابو السيد هههههه