ماذا قالوا عن الثورة

[SkyBird]

بس حاسس ان بعد موضوع فضايح وفظائع امن الدولة في ناس غيرت فكرها
النهارده واحد قالي انا عرفت النهاردة ان الناس دي (الثوار) بتخطط صح وماشية على خريطة مدروسة وان هو كان مع بقاء حكومة شفيق ويستغرب ليه بتوع التحرير ما يسيبوش الراجل يشتغل ويدولو فرصة لكن بعد موضوع امن الدولة عرف انهم شباب ذكي وانه كان تفكيره بالبركه
بيتهيألي بعد موضوع امن الدولة مفيش حد يجرؤ يقول "ويا ترى مطلبهم الجاي ايه " لان كل واحد عنده عقل
عرف ان الثورة على حق


برضو اطلب من الادارة تغير عنوان موضوعك ارجوك

[تامر.محمد]

يا اخواننا الراجل بيقول كده من غلبه , ده من الناس الداعمة للثورة هنا من زمان اوي

[Egyzizo]

هناك متضررون كثيرون مما يحدث .. تصل إلى درجة (بيوت اتخربت)
هناك الكثيرون (مالهمش فى السياسة) ومش عايزين غير الستر ، وما حدث أفقدهم السـتر ، ليس أقلهم العاملين فى مجال السياحة.

أرجو أن تلتمسوا لهم العذر.

[mahmoudselim]

ابحث عن اعلام امن الدولة
تخيل انك كنت بتواجه جهاز من اكبر اجهزة اثارة الفتنة و غسيل العقول في العالم

ال عاوز اوصلة انة اغلب الطبقة الفقير أكتر ناس مش لاقية تاكل بطبيعة الحال ومش واخدين اي حقوق ليهم وقت النظام القديم وساكنين في اماكن غير ادامية بالمرة ومتبهدلين وبيتحط عليهم من اصغر عسكري دا غير الجهل والتخلف وغيرة كتير... ومع ذالك عمرهم ما تحركوا وعبروا عن غضبهم (طيب انا هنا ممكن افهم لية) بس لما تجيلهم الفرصة انهم يقولو لا وياخدوا حقوقهم وميتحركوش ويكونوا معارضين علي طول الخط حتي لما تتكشف الحقائق امامهم تباعا أكيد في هنا حاجة لازم ناخد بالنا منها والاكيد 100% انها نفس الحاجة ال تخلي بعض الطبقة الوسطي والطبقة الغنية تكون معارضة علي طول الخط هي هي نفس الاسباب مشتركة ما بين ال 3 فئات او الطبقات دول. مش موضوع اعلام مسيطر علي العقول !!!

[zizo50001]

للاسف النظام الفاسد القديم كان فى سبب ان الناس تبص للمصالح الشخصية
يا جماعة اولا الناس بتاعت التحرير دى مش بتبص على مصلحة شخصية او لو هو هيعمل كدة هيشغلوا بتوع التحرير
الناس دى بتبص على المصالح العامة و مش للجيل دة بس لا لكل اجيل مصر القادمة باذن الله و مع ذالك ضد مصالحهم الشخصة يعنى ناس كتير من بتوع التحرير خسرت حاجات كتير مقابة المستقبل
معلش واحد زى وائل غينم كان ممكن يخسر حياتة و شغله اللى ناس كتير تتمنى انها تشتغل ربعها حتى ولكن الراجل مفكرش فى نفسة لا فكرة فى المستقبل كل مصرى وكرامة كل مصرى
وموضوع سقف المطالب دة مش عارف الناس بتفكر ازاى
اولا موضوع المطالب دة المطالب دى حاجة مشروعة جدا لان الناس الاول مكنش متخيلة ان المطالب تتحقق ولكن بفضل الله الموضوع ماشى
لان الشعب نفسة يبتدى عصر من دون فساد

[cayman69300]

حرية
ديمقراطية
هتعمل اية
كل واحد لية حرية راى و واجب علينا اننا نحترمها
و فى الاخر
بينا و بينهم الاستفتاء

[kono]

المشكلة ان الاعلام وبعض الوسائل الاخرى
قسمت الشعب جزئين
جزء بقى مع الثوار وجزء التانى ضدهم
وبم ان اغلبنا لو كلنا اتربينا فى عهد مبارك عهد عدم احترام الرأى الاخر
فبالتالى اى حاجة الثوار هيعملوها غلط
واى رأى يعارض الثوار غلط

اعتقد ان جهاز امن الدولة نجح فى قسم الشعب جزئين والداخلية كانت بتاسعد بتغيير الامن ورفع حالة الفزع
وبعد اللى حصله
كل واحد فينا المففروض يقرب للتانى بطريقته
عشان فى الاخر
احنا شعب واحد وكلنا عايشين فى مجتمع واحد
واللى هيحصل النهاردة هيترتب عليه مصير أمتنا كلها

فأرجوكم بلاش كلمة "هم" خلوها "احنا "
احنا المصريين

[abdelaziz-waleed]

لا ما تستغربشي يا باشمهندس
هو ده اللي كان بيعمله الحزب الواطي. انه يخلي الناس ما تفكرشي غير في نفسها واكل عيشها وبس
ماحدش بيفكر في بلده ولا حتى بيفكر في اخوه
طبعا علشان احنا بنطالب بالديموقراطية فلازم نسمع رأيهم ولازم نحاول نقنعهم بالصح ونشيل الجلخ اللي عمله الحزب الوطني على مخهم
انا للاسف بقت بسمع الكلام ده من ناس كتير
للاسف الشعب بقى اناني جدا مش مهم عندهم ان فيه ناس ماتت وناس ضاع مستقبلها علشان يعملوله كرامة

تخيلو بعد كل اللي اتعرف ده ولسه رايهم ان الرئيس المخلوع مهما حص ما ينفعش نهينة ونجرح كرامتة ده رمز
وطبعا سخرية مني كل شوية ومن الثورة ومن التحرير

في ديه هما عندهم حق. هو فعلا رمز
رمز للفساد والديكتاتورية والعبودية والاهانة
والاهانة تعتبر تكريم له لأنها اقل شيء تقدم له على اللي عمله في المصريين خلال 30 سنة وخلال 18 يوم
ربنا ينتقم منه

[تامر.محمد]

ال عاوز اوصلة انة اغلب الطبقة الفقير أكتر ناس مش لاقية تاكل بطبيعة الحال ومش واخدين اي حقوق ليهم وقت النظام القديم وساكنين في اماكن غير ادامية بالمرة ومتبهدلين وبيتحط عليهم من اصغر عسكري دا غير الجهل والتخلف وغيرة كتير... ومع ذالك عمرهم ما تحركوا وعبروا عن غضبهم (طيب انا هنا ممكن افهم لية) بس لما تجيلهم الفرصة انهم يقولو لا وياخدوا حقوقهم وميتحركوش ويكونوا معارضين علي طول الخط حتي لما تتكشف الحقائق امامهم تباعا أكيد في هنا حاجة لازم ناخد بالنا منها والاكيد 100% انها نفس الحاجة ال تخلي بعض الطبقة الوسطي والطبقة الغنية تكون معارضة علي طول الخط هي هي نفس الاسباب مشتركة ما بين ال 3 فئات او الطبقات دول. مش موضوع اعلام مسيطر علي العقول !!!

ما الاعلام ده مش بيلعب
عايز كلمة السر اللي تجمع كل دول ؟
الخـــــــــــــــوف
زمان كان الخوف من امن الدولة

حاليا وصل الأمر لحد الخوف من المستقبل المجهول

[cheetos_892005]

عارفين العيل الصغير اللي بتكتفه و تسد مناخيره عشان تديله الدوا ...

اللي هو بنسباله عقاب ....

بس لو مخدهوش هيتعب اكتر و يموت ...

[mahmoudysf]

انا استنيت شويتين
استنى انت بقى
انا من الثوار ولا فخر
وعنوان موضوعك بيلعنني وبيلعن الثورة اللي انتظرتها 46 سنة هي سنوات عمري
...
..
حتى لو انت بتتكلم صح
عنوان موضوعك سيء ومستفز
لو هو ده اسلوبك .... أهنئك .... ستكسب مليار عدو وستخسر صديق مليون

انت متاكد انك قريت الموضوع
اهو انت كدة خدت لا تقربو الصلاة ووقفت على كدة
عموما لو قريتة كنت عرفت اني نقلت اللي بيقلوه على الثورة مش انا ومش اسلوبي
ولو متابع هنا كنت عرفت موقفي

[Ahmed Anwer]

قريت كل تفسيرات الزملاء

و أكثر تفسير اقنعني فعلا ،،

إن إحنا متعودناش إننا نبص للمصلحة العامة ،،، اتعودنا بس نبص علي المصلحة الشخصية

فعشان كده ناس كثير شايفه الثورة ضرتهم فقط ،،، حتي الآن ،،

طبعا الإعلام الموجه ،،، عامل اساسي بس مش السبب الوحيد

عامل الفقر مش عامل أساسي ،، أعرف ناس كتير مستورين و مثقفين و برده بيكلموا بنفس الطريقة

[mahmoudysf]

بس حاسس ان بعد موضوع فضايح وفظائع امن الدولة في ناس غيرت فكرها
النهارده واحد قالي انا عرفت النهاردة ان الناس دي (الثوار) بتخطط صح وماشية على خريطة مدروسة وان هو كان مع بقاء حكومة شفيق ويستغرب ليه بتوع التحرير ما يسيبوش الراجل يشتغل ويدولو فرصة لكن بعد موضوع امن الدولة عرف انهم شباب ذكي وانه كان تفكيره بالبركه
بيتهيألي بعد موضوع امن الدولة مفيش حد يجرؤ يقول "ويا ترى مطلبهم الجاي ايه " لان كل واحد عنده عقل
عرف ان الثورة على حق


برضو اطلب من الادارة تغير عنوان موضوعك ارجوك

والله انت متفاؤل اوي
تخيل تحليلهم لاحراق مقرات امن الدولة انه مؤامرة بس مش مؤامرة من امن الدوالة لالالا
دي مؤامرة من الثوار الخونة بدليل انهم ازاي خططوا وراحو مقرات امن الدولة مرة واحدة

يا اخواننا الراجل بيقول كده من غلبه , ده من الناس الداعمة للثورة هنا من زمان اوي

انت كمان فهمت غلط انا مهما حصل عمري مهقول كدة على الثورة
يا جماعة انا بقول انهم هما اللي بيقولو كدة العنوان ده على لسانهم

[تامر.محمد]

انت كمان فهمت غلط انا مهما حصل عمري مهقول كدة على الثورة
يا جماعة انا بقول انهم هما اللي بيقولو كدة العنوان ده على لسانهم

انا كنت فاكرك بتقول كده من غيظك
:)))
عارف اللي يقول لحد كذا كويس , التاني يقفل دماغه و يقول له لأ
لحد ما التاني يتشل و يقول الله يحرق كذا ؟

[mahmoudysf]

متستغربوش واستنو شوية
انا محبط ودمي محروق جدا
النهاردة اول يوم انزل الشغل ونتجمع مجموعة من الزملاء حوالي 15 من فترة طويلة
طبعا الكلام كان عن الوضع الحالي والثورة
اسمعو بقى التعليقات اللي بيكرروها بدون ما يكون حد فهمها ولا بيفكر فيها والله يا جماعة حافظين
راي واحد من الزملاء ثورة ايه وزفت ايه البلد حالها واقف والعيال دي زودتها
راي اخر انا مليش دعوة البلد كانت بتتسرق ولالا انا اهم حاجة كنا بناكل وبنشرب
راي اخر بتوع التحرير دول بيمسكو الناس يبيعو اعلام بالعافية دول بلطجية
راي اخر بتوع التحرير بيروحو يشربو حشيش ومخدارت امال كانو بيسهروا ويباتو في البرد ده ازاي
راي اخر وده بياكد انهم حافظين مش فاهمين سقف المطالب عمال يعلى واخرتها ايه يعنى
راي اخر خلي بتوع التحرير بقى ييجو يحرسونا من البلطجية بعد ما خربوها
وغيره وغيره تخيلو لما اكون انا واحد زميلي بس ضد 13 واحد بهذة الاراء والافكار السطحية
وطبعا اجي اناقش حد وارد علية رد منطقى ميعرفش يرد غير بالكلام العام اللي فات ده وطبعا بصوت عالي
تخيلو بعد كل اللي اتعرف ده ولسه رايهم ان الرئيس المخلوع مهما حص ما ينفعش نهينة ونجرح كرامتة ده رمز
وطبعا سخرية مني كل شوية ومن الثورة ومن التحرير
وطبعا كلهم متفقين على العنوان بتاع الموضوع
والغريب ان الناس دي مش مسيسة ولاكن جهل وتخلف فكري ونظرة الى المصالح الشخصية فقط
حقيقي برافو فلول الحزب الواطي وامن الدولة وبقايا النظام قدرو يعملو غسيل مخ للناس دي
تعملو ايه لو قعدتو قعدة زي دي وتلاقو كمية السفه الفكري ده

الاقتباس ده لاي حد قرا الموضوع وما خدش باله من الكلام اللي كبرتة بالازرق
عنوان الموضوع ليس على لسانى ولاكن جميعم متفقين على سب الثورة كما نقلت وحبيت انقلكم بعض اللي شوفتة ومن ضمنه السخافة اللي قالوها كما في عنوان الموضوع