هنصوت بنعم ام لا للتعديلات الدستورية ؟

[medo_2060]

من شويه كان المستشار طارق البشرى على الجزيره بيتكلم عن التعديلات ... وبيقول ان انه بيأيد انتخابات برلمانيه الاول عشان بعد كدا الرئيس لما يجى يبقى فى برلمان يشارك ويراقب فى السلطه وقال بالنص لو غير كدا الرئيس فيما معناه هيبقى اله كدا ....
طيب انا بحترم الراجل دا جدا بس مش مقتنع بكلامه ... هو بيقول ان الرئيس كدا من غير برلمان منتخب قبله هيبقى اله ... طيب ماهو صلاحيات الرئيس الى اللجنه لم تعدلها بتخليه اله فعلا وبرلمان ايه الى هيتعمل سلق بيض هيعبر عن الشعب ويراقب سلطات الرئيس..
والمذيع سأله ايه الى هيحصل لو نتيجه الاستفتاء " لا " قاله ميعرفش ودا مش اختصاص اللجنه ومش هما الى هيقرروا ايه الى هيحصل

[فتح الباب]

رغم اننى جاهل علميا الا اننى ( اريد ثوب جديد)

[fepsceasar]

التعديل هو طريق للتغيير ةلا يغنى عنه
يعنى سكة التغيير بتبتدى من التعديل وكده اللى عايز ثوب جديد هيتكسى

[ahmedjumpo]

التعديل هو طريق للتغيير ةلا يغنى عنه
يعنى سكة التغيير بتبتدى من التعديل وكده اللى عايز ثوب جديد هيتكسى

بما ان حضرتك مع التعديلات و انا احترم قرار حضرتك ممكن استأذن حضرتك تشوف المشاركة رقم 165 و تقولى حضرتك مع ايا من الحلين المطروحين لو اقرينا التعديلات

[samoevil911]

لا يا باشا الكلام ده جديد
لان الاعلان الدستوري بتاع الجيش بيقول
"تعطيل العمل بأحكام الدستور" وماقالش "الغاء الدستور"
لما ييجي ويقول النظام الحاكم هو اثنين
1- البيان الدستوري للجيش
2-المواد التسعة المعدلة فقط
وانه لا خوف من العودة للدستور المعطل دتور71
فده تراجع كبير يلزم ليه بيان منفصل
ماذا و الا فالافضل التصويت ب لا علشان نجبرهم يحترموا رغبتنا في عمل دستور جديد ونبدأ الحياة على نظافة
هو ايه علاقة الاستقرار بالاستعجال
وايه فيها لو عشنا سنتين ثلاثة من غير حتى دستور
ما الحكومة موجودة والرئاسة موجودة والقوانين موجوده
وادي احنا عايشين من غير دستور بقالنا شهرين ايه اللي حصل
معنى كلامي مش اننا نعيش كده لكن معنى كلامي ان فزاعة الاستقرار ويالا بسرعة مجرد تخويف
لو الجيش عايز يسيب السلطة في اقرب وقت يعمل انتخابات رئاسية بالتعديلات فقط او لو مش قادر عليها يسلمها لمجلس رئاسي مدني يمثل التيارات السياسية الكبيرة لكن ما يسربعناش الحكاية مش سلق بيض ده دستور ومش كل يوم هنعمل ثورة ونغير الدستور

اول جزء من الكلام مش فاهمه خالص.

ثاني جزء من كلام حضرتك .. فيها ايه لو عشنا من غير دستور سنتين تلاتة ؟
السؤال دا بجد ولا حضرتك بتهزر؟ اصل اكيد بتهزر

[ahmedjumpo]

اول جزء من الكلام مش فاهمه خالص.

ثاني جزء من كلام حضرتك .. فيها ايه لو عشنا من غير دستور سنتين تلاتة ؟
السؤال دا بجد ولا حضرتك بتهزر؟ اصل اكيد بتهزر

يا استاذى لماذا نعلق على النصف اللى على هوانا بس فتعليق الاخ skybird لم يدعوا الى عدم العيش بدون دستور

هو ايه علاقة الاستقرار بالاستعجال
وايه فيها لو عشنا سنتين ثلاثة من غير حتى دستور
ما الحكومة موجودة والرئاسة موجودة والقوانين موجوده
وادي احنا عايشين من غير دستور بقالنا شهرين ايه اللي حصل
معنى كلامي مش اننا نعيش كده لكن معنى كلامي ان فزاعة الاستقرار ويالا بسرعة مجرد تخويف
لو الجيش عايز يسيب السلطة في اقرب وقت يعمل انتخابات رئاسية بالتعديلات فقط او لو مش قادر عليها يسلمها لمجلس رئاسي مدني يمثل التيارات السياسية الكبيرة لكن ما يسربعناش الحكاية مش سلق بيض ده دستور ومش كل يوم هنعمل ثورة ونغير الدستور

و بما ان حضرتك سألت عن انه بيتكلم بجد و لا لاء احب افكر حضرتك انك كنت عايش ثلاثون سنة اكرر ثلاثون سنة بقانون الطوارئ اى ليس لك اى حقوق دستورية و لو نظرت لكثير من القوانين الصادرة الفترة الماضية ستجد انها مطعون عليها بعدم الدستورية و مع ذلك تم تمريرها كلامى صح و لا خطاء
و الناس من كتر عدم علمها بالدستور و من كتر ما عاشوا فى ظل قانون الطوارئ اصبح العادى هو قانون الطوارئ حتى كثير من الاخوة دعوا الجيش لتطبيق الاحكام العرفية و نتيجة لعدم المعرفة من كثير من الاخوة بأن قانون الطوارئ هو قانون وضع سنة 1958 بعد ثورة يوليو ليحل محل الاحكام العرفية التى كانت تطبق ايام الاحتلال الانجليزى و بالتالى اصبح مفيش حاجة اسمها الاحكام العرفية حتى تطبق
و تحياتى لشخصك الكريم

[SkyBird]

يا استاذى لماذا نعلق على النصف اللى على هوانا بس فتعليق الاخ skybird لم يدعوا الى عدم العيش بدون دستور


و بما ان حضرتك سألت عن انه بيتكلم بجد و لا لاء احب افكر حضرتك انك كنت عايش ثلاثون سنة اكرر ثلاثون سنة بقانون الطوارئ اى ليس لك اى حقوق دستورية و لو نظرت لكثير من القوانين الصادرة الفترة الماضية ستجد انها مطعون عليها بعدم الدستورية و مع ذلك تم تمريرها كلامى صح و لا خطاء
و الناس من كتر عدم علمها بالدستور و من كتر ما عاشوا فى ظل قانون الطوارئ اصبح العادى هو قانون الطوارئ حتى كثير من الاخوة دعوا الجيش لتطبيق الاحكام العرفية و نتيجة لعدم المعرفة من كثير من الاخوة بأن قانون الطوارئ هو قانون وضع سنة 1958 بعد ثورة يوليو ليحل محل الاحكام العرفية التى كانت تطبق ايام الاحتلال الانجليزى و بالتالى اصبح مفيش حاجة اسمها الاحكام العرفية حتى تطبق
و تحياتى لشخصك الكريم

بارك الله فيك بالضبط كده
قانون الاحوال العرفية هو قانون الطوارئ
والدعوة لاعلان الاحكام العرفية لا معنى لها لاننا اصلا تحت الاحكام العرفية
احنا عشنا 30 سنة بقانون وليس دستور


وتعجب الاخ الفاضل من كلامي لانه لم يفهم الجزء الاول من كلامي
وفيه لا ارى ما يستوجب الاستعجال لو عشنا بلاعلان الدستوري للجيش و الغاء الدستور القديم تماما
ونصبح امام ثلاثة حلول
1- لو الجيش هيكمل يبقى ننتخب جمعية تاسيسية ونعمل دستور جديد
2- لو مش عايز يكمل وعايز يسلم السلطة يبقى فيه حلين
أ-تسليم السلطة للثورة في هيئة مجلس رئاسي مدني (مستبعد)
ب-استكمال الاستفتاء على المواد المعدلة واعتبارها دستور مؤقت وننتخب على اساسها رئيس جديد علشان يشيل عن الجيش
والرئيس اللي هييجي مش هيبقى حاكم اله ولا حاجه لان مفيش دستور يعطيه صلاحيات فيكون مضطرا اضطرار لانتخاب جمعية تاسيسية لعمل دستور جديد

[calipha3]

الشعب يريد دستور جديد, ثمن دماء الشهداء مش ترقيعات مبارك القديمه للدستور, عاوزين دستور جديد بشرعيه الثوره.

[samoevil911]

samoevil911@

كنت مستني تبقى اونلاين ....... لمناقشة التعديلات بموضوعية و إيجابية بعد إذنك

أنا قريت ردودك كلها ..... و عندي شوية اسئلة



1) صلاحيات رئيس الجمهورية ...... لم يتم تقليصها بداعي عدم التدخل في نظام الحكم و ترك دة للجنة التأسيسية ( دة كلام صبحي صالح)

الكلام دة مش منطقي بالمرة ..... أنا مع عدم تفضيل نظام حكم معين في التعديلات سواء برلماني أو رئاسي

لكن النظام الحالي في مصر ...... ولا هو رئاسي ولا برلماني ...... دة نظام دكتاتوري كامل

معتقدش أبداً إن فيه اتنين في مصر ممكن يختلف على الصلاحيات الدكتاتورية ..... لرئيس الجمهورية في الدستور بشكله الحالي

طب مكنش من باب أولى تقليص الصلاحيات دي بشكل جزئي على الأقل ...... أو حتى إضافة قواعد للمحاسبة و الرقابة ؟؟؟؟؟؟؟؟؟؟

مع ملاحظة إن تصريحات المجلس العسكري من يوم 19 و 20 فبراير كنت ...... الوعد بتقليص صلاحيات الرئيس ...... طب ليه دة محصلش في النهاية ؟؟؟؟؟
حضرتك هبتدي من تحت فعلا المجلس كان متجه لتقليص الصلاحيات بس التصادم مع برلماني ولا رئاسي ولو نزعت اختاصا هتديه لمين .. المجلس بعد ماللجنة اشتغلت رجح انه يبعد عن نزع الاختصاصات خصوصا مع الازام بوضع دستور جديد خلال 6 اشهر .. فكان عنده تخوف من نزع الاختصاص يقوم يوديه لجه تلاقي ناس رافضة . خصوصا وان اللجنة من سبعة اعضاء فقط معينين


اما موضوع اصلا صلاحيات الرئيس .. سيدي مفيش خوف منها ..
اولا حضرتك هتنتخب رئيس اللي هتجده محل ثقتك بإقتراع مباشر في انتخابات نزيهة .. ليه نفترض انه هيطلع مش كويس ويبعنا ؟ يعني بنحكم على كل المرشحين بالخيانة؟
دا غير انه على فرض طلع خائن .. هيستخدم اي صلاحيات ويبعنا؟
يعني ايه هي الاضارار المترتبة اصلا عل صلاحياته في فترة قصيرة زي دي ؟
دا غير مين اللي هيقدر يستنفر الشعب ؟

انا في تخليلي دا موضوع مستبعد جدا ..

هدي حضرتك مثال على حاجة
البرادعي مثلا بينقد التعديلات لإنها في صلاحيات كتير للرئيس وقال لو متعملش دستور جديد مش هرشح نفسي
طب هل يعقل ان واحد رشح هيكون ليه الصلاحيات دي ولا يرشح نفسه؟ اكيد في سبب لنقده غير الصلاحيات
وهو الخوف مثلا من تحول النظام لبرلماني وهو الاتجاه شبه الواضح
ساعتها يبقى البرادعي لك يكسب من الرئاسة الا الديكور لإنه ليس لديه حزب يحصل على الاغلبية في البرلمان



2)

مادة189 فقرة أخيرة مضافة
ولكل من رئيس الجمهورية, وبعد موافقة مجلس الوزراء, ولنصف أعضاء مجلسي الشعب

والشوري طلب إصدار دستور جديد, وتتولي جمعية تأسيسية من مائة عضو, ينتخبهم أغلبية أعضاء

المجلسين من غير المعينين في اجتماع مشترك, إعداد مشروع الدستور في موعد غايته ستة أشهر

من تاريخ تشكيلها, ويعرض رئيس الجمهورية المشروع, خلال خمس عشرة يوما من إعداده, علي

الشعب لاستفتائه في شأنه, ويعمل بالدستور من تاريخ إعلان موافقة الشعب عليه في الاستفتاء.


لم يحدد الدستور ممن سيختار البرلمان اللجنة، من القضاة، أم الحقوقيين، ام السياسيين، أم التكنوقراط. إلخ. هناك تخوف مشروع من أن يستأثر البرلمان بتشكيل اللجنة من أعضائه. ثالثا: لم توضح اللجنة كيف ستتخذ الجمعية قراراتها، هل بالأغلبية ام بالتوافق.

و بعدين هل من الصح فى شىء انى اجعل البرلمان يستأثر بتشكيل الجمعية التأسيسية ...... وفى نفس الوقت ابقى على نسبة 50 % عمال و فلاحين ؟؟؟؟؟؟؟

يعنى اللى حيقوم باختيار اعضاء الجمعية التأسيسية للدستور الجديد (اللى المفترض انه يكون على مستوى طموحتنا) ..... ناس ممكن تكون ماتعرفش تقرا و تكتب او تعليمها متوسط مثلا ؟؟؟؟؟؟!!!!!!!!

معلش مع كامل احترامي ..... بشكل عملي ينفع الجاهل يختار العالم ؟؟؟؟ ينفع متوسط التعليم يختار الفقيه ؟؟؟؟

هو إيه دور مجلس إل شعب ........... مش دور رقابي و دور تشريعي

ازاي مجلس نيابي بالمستوى دة ....... يقدر يقوم بالدور إلي منوط بيه ؟؟؟؟؟؟؟

بداية حضرتك .. مفهوم الفلاح في القانون مش اللي فعلا فلاح ولا عامل .. يعني مثلا الفلاح يشترط فيه انه يكون مالك نصاب معين من الاراضي الزراعية .. يعني مش اشتارط فلاح بجلبية .. والعامل نفس الكلام
يعني هديك مقال .. الأستاذ حسين محمد دا عامل .. ورجل مثقف جدا

دورنا احنا ان نختار الشخص الذي يستحق المنصب .. من الآخر الكرة في ملعبنا في اختيار الممثل

الاعتراض اصلا على الفلاح والعامل ليست منصبه على الجهل فعليا . ولكن منصبة على ان الفلاح والعامل بيشترط فيهم شروط معينة إذا لم تتوفر لا يمكنه الترشح في نطاق ال 50% دول
فبذلك بيحرمك من نسبة 100 % مشاركة بيقلصها ل 50% فقط
دا عيبها

انا موضو اختيار الجمعية التأسيسية
حضرتك الجمعية التاسيسية معروف ممن تختار .. مش هيقول تجيب كذا وكذا .. لأ هي معروف (فقهاء قانون وقضاه . ومنظمات المجتمع المدني ومجموعة من رجال الدين والعلماء والاجتماعيين واقتصاديين ومنظمات حقوق وحريات)

وحضرتك مش عايزين نشك كل شوية ان حد هيبعنا ... مهو لو حد باعنا يبقى دي مشكلتنا ان عطينا صوتنا لواحد مش صح .. ودي مش هتتحل ولو بميت دستور .. اعتقد ان اللي كان مبوظ البلد مثقفين مش فلاحين ولا عمال

وموضع الاختيار .. حضرتك مش معنى ان شخص جاهل وعلى فرض وجود جهلاء او بالاصح جهلاء كثر ودول مش هيتعدوا نسبة بسيطة جدا .. مش معنى كدا انهم لا يستطيعوا الاختيار .. لإن الجهل هنا مش مرتبط بالعلم ..
يعني انا لو حضرتك ناخب .. وطلبت منك الصوي على لجنة .. هتعرف كام واحد اصلا منهم وتحكم عليه ازاي؟
مهو ناس كتير هتكون متعرفهمش وهتطر انك تبحث عنهم وتسأل قبل متختار .. نفس الكلام

وكمان الناخب مبيعملش وحده .. يعني على فرد لو امي .. بس مش اللي شاغلين معاه كمان اميين وإلا هيبقى عمل خطابه والدعاية ازاي؟

والجهل بالعلم لا يعني الجهل بفهم الواقع

وكل دا وبنكلم في نسبة بسيطة جدا قد لا تؤثر نهائيا

3) دلوقتي لو مشينا مع التعديلات و إنتخبنا مجلس شعب و شورى و رئيس جمهورية ...... بعد كدة حنغير الدستور صح ؟؟؟؟ صح

طيب تغيير الدستور مش المفروض إنو حيطول نظام الحكم (برلماني ولا رئاسي) و بالتحديد صلاحيات الرئيس و دور و شكل البرلمان و ممكن يلغي مجلس الشورى إلي ملوش لازمة و ممكن كمان يلغي نسبة ال-50 % عمال و فلاحين

طيب أنا عايز أعرف حنعمل إيه لو دة حصل ؟؟؟؟؟ مجلس الشعب المنتخب ..... حيحل ؟؟؟؟ رئيس الجمهورية المنتخب ...... يستقيل ؟؟؟؟ و حنعيد الإنتخابات مجلس شعب و رياسة من الأول تاني ؟؟؟؟

ولا لجنة تعديل الدستور حتجنب الدخول في المتاهة دي و تسيب نظام الحكم و صلاحيات الرئيس و مجلس الشعب من غير تغيير في الدستور ؟؟؟؟؟؟؟

من فضلك أنا مش عايز رد من نوع ...... أعتقد انه حيعمل كذا ...... أو بيتهيئلي حيعمل كذا


أنا عايز أعرف المجلس العسكري شايف السيناريو في المستقبل ازاي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


كفاية التساؤلات دي ...... و نكمل الباقي بعدين

تقبل خالص تحياتي

لأ حضرتك بالنسبة للصلاحيات دي هتعدل طبعا وهتنفذ بعد الموافقة على الدستور الجديد


وموضوع حل البرلمان والرئيس يستقيل . لأ دا مش هيحصل .. لإن اكيد هيبقى في باب انتقالي في الدستور الجديد ينص على بقائهم لحين انتهاء مدتهم مثل ما حدث في دستور 71

[otefa]

[arakysolom]

من شويه كان المستشار طارق البشرى على الجزيره بيتكلم عن التعديلات ... وبيقول ان انه بيأيد انتخابات برلمانيه الاول عشان بعد كدا الرئيس لما يجى يبقى فى برلمان يشارك ويراقب فى السلطه وقال بالنص لو غير كدا الرئيس فيما معناه هيبقى اله كدا ....
طيب انا بحترم الراجل دا جدا بس مش مقتنع بكلامه ... هو بيقول ان الرئيس كدا من غير برلمان منتخب قبله هيبقى اله ... طيب ماهو صلاحيات الرئيس الى اللجنه لم تعدلها بتخليه اله فعلا وبرلمان ايه الى هيتعمل سلق بيض هيعبر عن الشعب ويراقب سلطات الرئيس..
والمذيع سأله ايه الى هيحصل لو نتيجه الاستفتاء " لا " قاله ميعرفش ودا مش اختصاص اللجنه ومش هما الى هيقرروا ايه الى هيحصل

ارجو من حضرتك مراجعة التعديل الخاص بالمادة 189 و الفقرات المضافة لها في شكل 189 مكرر و 189 مكرر 1
و شكرا

[samoevil911]

بارك الله فيك بالضبط كده
قانون الاحوال العرفية هو قانون الطوارئ
والدعوة لاعلان الاحكام العرفية لا معنى لها لاننا اصلا تحت الاحكام العرفية
احنا عشنا 30 سنة بقانون وليس دستور


وتعجب الاخ الفاضل من كلامي لانه لم يفهم الجزء الاول من كلامي
وفيه لا ارى ما يستوجب الاستعجال لو عشنا بلاعلان الدستوري للجيش و الغاء الدستور القديم تماما
ونصبح امام ثلاثة حلول
1- لو الجيش هيكمل يبقى ننتخب جمعية تاسيسية ونعمل دستور جديد
2- لو مش عايز يكمل وعايز يسلم السلطة يبقى فيه حلين
أ-تسليم السلطة للثورة في هيئة مجلس رئاسي مدني (مستبعد)
ب-استكمال الاستفتاء على المواد المعدلة واعتبارها دستور مؤقت وننتخب على اساسها رئيس جديد علشان يشيل عن الجيش
والرئيس اللي هييجي مش هيبقى حاكم اله ولا حاجه لان مفيش دستور يعطيه صلاحيات فيكون مضطرا اضطرار لانتخاب جمعية تاسيسية لعمل دستور جديد

يا استاذى لماذا نعلق على النصف اللى على هوانا بس فتعليق الاخ skybird لم يدعوا الى عدم العيش بدون دستور


و بما ان حضرتك سألت عن انه بيتكلم بجد و لا لاء احب افكر حضرتك انك كنت عايش ثلاثون سنة اكرر ثلاثون سنة بقانون الطوارئ اى ليس لك اى حقوق دستورية و لو نظرت لكثير من القوانين الصادرة الفترة الماضية ستجد انها مطعون عليها بعدم الدستورية و مع ذلك تم تمريرها كلامى صح و لا خطاء
و الناس من كتر عدم علمها بالدستور و من كتر ما عاشوا فى ظل قانون الطوارئ اصبح العادى هو قانون الطوارئ حتى كثير من الاخوة دعوا الجيش لتطبيق الاحكام العرفية و نتيجة لعدم المعرفة من كثير من الاخوة بأن قانون الطوارئ هو قانون وضع سنة 1958 بعد ثورة يوليو ليحل محل الاحكام العرفية التى كانت تطبق ايام الاحتلال الانجليزى و بالتالى اصبح مفيش حاجة اسمها الاحكام العرفية حتى تطبق
و تحياتى لشخصك الكريم

بداية اول حاجة

حضرتك كلام العضو
فيها ايه لو عشنا سنتين ثلاثة من غير دستور ؟
افهمها ازاي؟


ثانيا
رد حضرتك مبني على قصور الدستور على الحريات
سيادتك الدستور مواد الحريات فيه بتبدأ من م179
والدسترو 211 مادة
حضرتك لخصت الدستور في مواد الحريات فقط وقلت إن قانون الطوارئ بينتهكها مع العلم قانون الطوارئ لا ينتك ايضا كافة الحريات

للعلم قاون الطوارئ يؤثر على الحريات في التطبيق ولكن لا يؤثر عليها تفسيرا او حكما بعدم الدستورية

القوانين المطعون بعدم دستوريتها .. هل صدر فيها حكم؟
وهل المشكلة قضائية ام تنفيذية؟
واريد ايضا امثلة



اما موضوع استاذ سكيبيرد
ممكن تقلي حضرتك ايه هو اللي في الاعلان الدستوري اللي بيمثل نظام الدولة وصلاحيات المجلس العسكري والمبادئ التي ترتكز عليها الدولة والحريات العامة؟

[SkyBird]

ب

اما موضوع استاذ سكيبيرد
ممكن تقلي حضرتك ايه هو اللي في الاعلان الدستوري اللي بيمثل نظام الدولة وصلاحيات المجلس العسكري والمبادئ التي ترتكز عليها الدولة والحريات العامة؟

صلاحيات المجلس الاعلى منصوص عليها في الماده 5 من الاعلان الدستوري وتقول

5- المجلس الأعلى للقوات المسلحة إصدار مراسيم بقوانين خلال الفترة الانتقالية

اما المبادئ والحريات فمنصوص عليها ايضا في البيان الدستوري

9- تلتزم الدولة بتنفيذ المعاهدات والمواثيق الدولية التى هى طرف فيها.

ومنها مواثيق الامم المتحدة وحقوق الانسان ولو انها لا تحتاج نص لان اي اعلان دستوري يكون في صيغة مختصرة لكن يحكمه المبادئ العامة للحريات وحقوق الانسان

[factorialx]

دلوقتي مع عمرو أديب مستضيف اتنين من الاخوان من مؤيدي التعديلات الدستورية ....... سأل سؤال واحد


لو نزلنا صوتنا بنعم على التعديلات ......... دة حيعمل إيه في الدستور الحالي المعطل


الإجابة ........


إن دة حيفعل الدستور الحالي ..... و حيخليه دستور عامل مؤقت لغاية ما ننتخب مجلس شعب و ننتخب رئيس جمهورية و بعد كدة 6 شهور لغاية ما نصيغ الدستور الجديد


يعني لو صوتنا بنعم ..... حيستمر الدستور الحالي إلي بيدي صلاحيات خرافية لرئيس الجمهورية ....... لمدة سنة على الأقل


دة إسمه دة ؟؟؟؟؟؟ احنا لسه نستنى سنة في ظل الدستور الفاسد ده إلي بيخلق دكتاتور جديد ؟؟؟؟؟؟؟؟؟!!!!!!!!!!!!!!!!!!!!

و جماعه حسني مبارك كان بيظلم بس بالقانون كل شئ مقنن و ليه إطاره

حرااام و الله نرجع تاني للأيام السوده دي و لو ليوم واحد

الرئيس له صلاحيات مطلقه في كل شئ

الألمان إنتخبوا هتلر و الله

[CryptonX]

للاسف الشديد كنت مؤيد ل " نعم " و بشدة !!!

دلوقتي بعد ماشفت الناس الي رايحة تقول "نعم" و الي طلعوا يتكلموا ...مع احترامي الكامل لهم ... حاسس اني اخطأت الاختيار .