هنصوت بنعم ام لا للتعديلات الدستورية ؟

[ahmed_belta]

أعتقد أن نتيجة التصويت ستكون نعم للتعديلات الدستورية
بس اللي أنا مش فاهمه
إيه هيكون رد فعل الباقين
ممكن يعملوا جمعة لا
وبعدين
مش عارف
هيكون رد فعل الجيش إيه
مش عارف
هيكون رد فعل اللي قالوا نعم إيه
مش عارف
و لو العكس
مش عارف

يا ترى هنبقى كده علطول ولا إيه
رأيي نعم للتعديلات الدستورية
و شكراً

[SkyBird]

يا سيدي الفاضل لا يحتاج لتأكيد ذلك في بيان منفصل لأن من ضمن التعديلات الماده 189 و 189 مكرر و التي تنص صراحة علي اصدار دستور جديد قبل تولي منصب رئيس الجمهورية
ارجو من الجميع قرأة التعديلات جيدا و فهمها و عدم نقل المقالات و الاراء لبعض الصحفيين و الاعلاميين لأننا في الواقع لا نعلم توجهاتهم و ما الدافع من وراء تبني وجهة نظر معينة سواء ضد او مع التعديلات

لا يا باشا الكلام ده جديد
لان الاعلان الدستوري بتاع الجيش بيقول
"تعطيل العمل بأحكام الدستور" وماقالش "الغاء الدستور"
لما ييجي ويقول النظام الحاكم هو اثنين
1- البيان الدستوري للجيش
2-المواد التسعة المعدلة فقط
وانه لا خوف من العودة للدستور المعطل دتور71
فده تراجع كبير يلزم ليه بيان منفصل
ماذا و الا فالافضل التصويت ب لا علشان نجبرهم يحترموا رغبتنا في عمل دستور جديد ونبدأ الحياة على نظافة
هو ايه علاقة الاستقرار بالاستعجال
وايه فيها لو عشنا سنتين ثلاثة من غير حتى دستور
ما الحكومة موجودة والرئاسة موجودة والقوانين موجوده
وادي احنا عايشين من غير دستور بقالنا شهرين ايه اللي حصل
معنى كلامي مش اننا نعيش كده لكن معنى كلامي ان فزاعة الاستقرار ويالا بسرعة مجرد تخويف
لو الجيش عايز يسيب السلطة في اقرب وقت يعمل انتخابات رئاسية بالتعديلات فقط او لو مش قادر عليها يسلمها لمجلس رئاسي مدني يمثل التيارات السياسية الكبيرة لكن ما يسربعناش الحكاية مش سلق بيض ده دستور ومش كل يوم هنعمل ثورة ونغير الدستور

[SkyBird]

"الوطنى" يدعو أعضاءه للتصويت بـ"نعم" على التعديلات الدستورية

أعلن الدكتور محمد رجب الأمين العام للحزب الوطنى وأمين التنظيم، تأييد الحزب للتعديلات الدستورية الأخيرة، مشيرا إلى أنه أصدر تعليمات وتوجيهات لكافة قيادات الحزب فى جميع المحافظات بضرورة المشاركة فى الاستفتاء على التعديلات الدستورية فى التاسع عشر من مارس الجارى.

وقال"رجب" لـ"اليوم السابع"، إن الحزب دعا الناخبين للمشاركة وتأييد هذه التعديلات لما لها من أهمية فى تحقيق الشرعية الدستورية والانتقال لمرحلة جديدة من العمل الوطنى.


وأضاف الأمين العام للحزب الوطنى، أنه لم ينته حتى الآن من التشكيل الجديد لهيئة مكتب الحزب واختيار الأمناء المساعدين، بعدما تقدمت هيئة مكتب الحزب باستقالتها له قبل 3 أيام.

وكان "رجب" أصدر قرار أمس السبت، بفصل 22 قياديا من الحزب على رأسهم جمال مبارك وحبيب العادلى وأحمد المغربى وأمين أباظة وعدد من رجال الأعمال، بخلاف إعلانه خلو منصب "مبارك" وإقامة مؤتمر استثنائى لاختيار رئيس بديل للحزب.
انا ناقل الخبر ده لأني حاسس انه كوميدي

اغبى تصريح كعادة الحزب الوطني
ضرب الموصوتين بنعم في مقتل ههههههههه
علشان لما نقولكم افهموا وجهة نظرنا وان تعديلات سريعة هتجيب الحزب الوطني بالاغلبية تصدقونا
ده حتى الاخوان مفيش خوف منهم لانهم مستهدفين 30% لكن طبعا الحزب الوطني هيقش الباقي يعني الاغلبية واعضاءه يعملوا دستور جديد على مزاجهم طبعا لان ساعتها الشباب خرج برة اللعبة ويمكن يعملوا عفو عام يشمل احمد عز وحبيب العادلي وطبعا جمال او زكريا عزمي هيبقى رئيس الحزب
كده وضحت الصورة
وضاعت الثورة بقولة "نعم"

[otefa]

رابط المشاركة
اقتباس
المشاركة الأصلية كتبت بواسطة fepsceasar




الحزب الوطني بيقول نعم

يعني بتوع الحزب الوطنى عارفين أنهم لما يدعوا الناس لقول نعم ،فالناس هتقول لأ ومن ثم يستفيد
بتأجيل الإنتخابات حتى يمكنه تنظيم صفوفه

لذا أدعوا كل الناس بقول ( نـعـم )


بالظبط الثورة حاليا في أفضل وأقوى حالاتها والوطني في أسوأ حالاته بمعنى لن ينتخبه أحد لو أحتفظ بحزبه وبنفس المسمى
مع تطويل الفترة فالوقت هايبقى في صالحه لأنضمامه من الباطن مع أحزاب وقوى سياسية أخرى ولو من المعارضة أو أنشاء أحزاب بمسميات جديدة ويكون أعضاء من الوطني المحركين الرئيسيين لها

[hobiko]

بجد فى اشكالية غريبة جدا ......

كل المرشحين لمنصب الرئاسة ..... رافضين التعديلات

و فى ناس كتير عايزة تقول نعم ..... عشان ينتخبوا رئيس

اللى حيكون من ضمن المرشحين اللى رافضين التعديل

حد فاهم حاجة ........

[Dojuar]

سأصوت بنعم ان شاء الله.....

على الاقل ....لكي لا اعطي مزيد من الوقت لأي ثورة مضادة

[naggar972]

الزملاء الاعزاء لو كان حد شاف حلقة العاشرة مساء مع المستشار و الفقيه الدستوري طارق البشري كان عرف ما هو الصح في الوقت الراهن لخير هذا الوطن ، ان ترك كل من له في القانون ومن ليس له لأبداء رأيه في التعديل من انشاء دستور جديد يؤدي الي التشتت و الفوضي و عدم الوصول لحل عملي في الوقت الراهن و بالتالي طول الفترة الانتقالية و المزيد من التخبط و عدم الاستقرار في البلاد و هو ما يريده فلول النظام السابق .
ان المتابع الجيد للأحداث و المحلل لجميع القرارات التي تم اتخاذها بعد تنحي مبارك سوف يعرف ان اولي القرات التي تم اتخاذها من جانب المجلس الاعلي للقوات المسلحة هو تعطيل العمل بالدستور الحالي و بالتالي فان التخوف من الدستور 71 ليس له اساس من الصحة لأنه علي حد قول طارق البشري ان الفترة التي يحكم فيها المجلس العسكري هي فترة انتقالية و بالتالي لابد لهذه الفترة الانتقاليه من دستور مؤقت و ليس دائم و الانسب في هذه الفترة و لكي لا تطول ان يتم تعديل المواد التي قام مبارك بتعديلها للأستفاده من الدستور له و لأبنه من بعده وهذا ما قامت علي تعديله هذه اللجنه و التي لا يستطيع احد ان يشكك في نزاهتها و اظن انه لا اختلاف علي ان التعديلات التي تمت فهي فيها درجة كبيرة من تقليل المخاوف من استئثار رئيس الجمهورية بحكم البلاد طوال عمرة و توريثه للسلطة لورثته .
و بعد الموافقة علي التعديلات يصبح الدستور المعدل هو الدستور المؤقت للبلاد في الفترة الانتقالية وهو ماتم التصريح به بالماده 189 و التي لا تزيد عن 5 اشهر من الوقت الحالي يتبع ذلك اجراء انتخابات برلمانية تخضع لأشراف قضائي كامل و هو ماتم تعديله بالدستور بالماده 88 وهنا سوف يكون مجلس الشعب هو فعلا يمثل المجتمع المصري بكافة اطيافه بشفافية تامة و بدون تزوير و هذا المجلس يكون اول ما يقوم به تشكيل لجنه لأصدار الدستور الدائم للبلاد و الذي يحدد مسؤليات رئيس الجمهورية و التي وقتها سوف يشارك الشعب كله في تحديد ما يجب ان يقوم به الرئيس وما يجب ان الا يقوم به (تحديد سلطاته) ، بعد انشاء دستور جديد يتم الاعلان عن انتخابات رئاسيه لتعيين رئيس للجمهورية وفي حينها يكون منصب الرئيس واضح له سلطاته التي اختارها الشعب ممثلا في مجلس الشعب .
لذا رجاء لكل من يخاف علي هذا البلد لا تنساقوا وراء من ينادي بالغاء الدستور الحالي و انشاء دستور جديد لأنه اما ان يكون لا يعي خطورة هذا او انه متواطئ مع من لا يهمه مصلحة البلد و يريد لها الدمار ، ان انشاء دستور جديد سوف يستلزم وقت اطول لأصداره و الموافقه علي مواده و التي تصل الي حوالي 200 ماده هل هذه المواد كلها لن تستغرق وقت وهل نضمن انه عند انشاء الدستور لن يأتي نفس هؤلاء الناس و غيرهم بعيوب في الدستور الجديد و ندخل في دوامة التعديلات التي لن يكون هدف من وراءها الا طول الفترة الانتقالية و التي تساعد علي استمرار الفوضي و تجميع رموز النظام السابق و الحزب الوطني لقوته مرة اخري .
اناشدكم بالله المساعده في الاسراع في تقليص هذه الفترة الانتقالية و الثقة في قرارات المجلس الاعلي و الذي حدد هذه الخطوات لكي نبدأ اولي خطوات التغيير وهي الموافقه علي تعديلات الدستور المؤقت

الله يكرمك انا راء كدا برضه كل من يريد تمديد هذه الفترة التى نعيشها من غير انتخابات مجلس شعب وانتخاب رئيس للجمهورية يريد دخول مصر فى المجهول انا ارى الموافقة على تعديل هذه المواد

[samoevil911]

بجد فى اشكالية غريبة جدا ......

كل المرشحين لمنصب الرئاسة ..... رافضين التعديلات

و فى ناس كتير عايزة تقول نعم ..... عشان ينتخبوا رئيس

اللى حيكون من ضمن المرشحين اللى رافضين التعديل

حد فاهم حاجة ........

فعلا حضرتك


هقول لحضرتك ليه المرشحين للرئاسة رافضين من رأيي المتواضع


لإن حضرتك على فرض مثلا ايمن نور كسب
وهو مرشح حزب الغد

ووصل فعلا لمنصب الرئاسة

وبعد وضع دستور جديد .. نظام البلد بقى برلماني


والمعروف ان الغد استحالة ياخد اغلبية في البرلمان

يبقى ايمن نور هيعمل ايه بالرئاسة ؟؟
بقت مجرد ديكور ليه والحكومة اللي هيبقى في ايديها معظم السلطات لا تتبعه


ودا سبب رفض معظم المرشحين .. خوفهم من ان احزابهم ملهاش اغلبية فمتشكلش الحكومة ويبقىة منصبه كرئيس اصبح ديكور دا غير ان في مرشحين لسه معملوش احزاب

[hobiko]

فعلا حضرتك


هقول لحضرتك ليه المرشحين للرئاسة رافضين من رأيي المتواضع


لإن حضرتك على فرض مثلا ايمن نور كسب
وهو مرشح حزب الغد

ووصل فعلا لمنصب الرئاسة

وبعد وضع دستور جديد .. نظام البلد بقى برلماني


والمعروف ان الغد استحالة ياخد اغلبية في البرلمان

يبقى ايمن نور هيعمل ايه بالرئاسة ؟؟
بقت مجرد ديكور ليه والحكومة اللي هيبقى في ايديها معظم السلطات لا تتبعه


ودا سبب رفض معظم المرشحين .. خوفهم من ان احزابهم ملهاش اغلبية فمتشكلش الحكومة ويبقىة منصبه كرئيس اصبح ديكور دا غير ان في مرشحين لسه معملوش احزاب

samoevil911@

كنت مستني تبقى اونلاين ....... لمناقشة التعديلات بموضوعية و إيجابية بعد إذنك

أنا قريت ردودك كلها ..... و عندي شوية اسئلة



1) صلاحيات رئيس الجمهورية ...... لم يتم تقليصها بداعي عدم التدخل في نظام الحكم و ترك دة للجنة التأسيسية ( دة كلام صبحي صالح)

الكلام دة مش منطقي بالمرة ..... أنا مع عدم تفضيل نظام حكم معين في التعديلات سواء برلماني أو رئاسي

لكن النظام الحالي في مصر ...... ولا هو رئاسي ولا برلماني ...... دة نظام دكتاتوري كامل

معتقدش أبداً إن فيه اتنين في مصر ممكن يختلف على الصلاحيات الدكتاتورية ..... لرئيس الجمهورية في الدستور بشكله الحالي

طب مكنش من باب أولى تقليص الصلاحيات دي بشكل جزئي على الأقل ...... أو حتى إضافة قواعد للمحاسبة و الرقابة ؟؟؟؟؟؟؟؟؟؟

مع ملاحظة إن تصريحات المجلس العسكري من يوم 19 و 20 فبراير كنت ...... الوعد بتقليص صلاحيات الرئيس ...... طب ليه دة محصلش في النهاية ؟؟؟؟؟


2)

مادة189 فقرة أخيرة مضافة
ولكل من رئيس الجمهورية, وبعد موافقة مجلس الوزراء, ولنصف أعضاء مجلسي الشعب

والشوري طلب إصدار دستور جديد, وتتولي جمعية تأسيسية من مائة عضو, ينتخبهم أغلبية أعضاء

المجلسين من غير المعينين في اجتماع مشترك, إعداد مشروع الدستور في موعد غايته ستة أشهر

من تاريخ تشكيلها, ويعرض رئيس الجمهورية المشروع, خلال خمس عشرة يوما من إعداده, علي

الشعب لاستفتائه في شأنه, ويعمل بالدستور من تاريخ إعلان موافقة الشعب عليه في الاستفتاء.


لم يحدد الدستور ممن سيختار البرلمان اللجنة، من القضاة، أم الحقوقيين، ام السياسيين، أم التكنوقراط. إلخ. هناك تخوف مشروع من أن يستأثر البرلمان بتشكيل اللجنة من أعضائه. ثالثا: لم توضح اللجنة كيف ستتخذ الجمعية قراراتها، هل بالأغلبية ام بالتوافق.

و بعدين هل من الصح فى شىء انى اجعل البرلمان يستأثر بتشكيل الجمعية التأسيسية ...... وفى نفس الوقت ابقى على نسبة 50 % عمال و فلاحين ؟؟؟؟؟؟؟

يعنى اللى حيقوم باختيار اعضاء الجمعية التأسيسية للدستور الجديد (اللى المفترض انه يكون على مستوى طموحتنا) ..... ناس ممكن تكون ماتعرفش تقرا و تكتب او تعليمها متوسط مثلا ؟؟؟؟؟؟!!!!!!!!

معلش مع كامل احترامي ..... بشكل عملي ينفع الجاهل يختار العالم ؟؟؟؟ ينفع متوسط التعليم يختار الفقيه ؟؟؟؟

هو إيه دور مجلس إل شعب ........... مش دور رقابي و دور تشريعي

ازاي مجلس نيابي بالمستوى دة ....... يقدر يقوم بالدور إلي منوط بيه ؟؟؟؟؟؟؟


3) دلوقتي لو مشينا مع التعديلات و إنتخبنا مجلس شعب و شورى و رئيس جمهورية ...... بعد كدة حنغير الدستور صح ؟؟؟؟ صح

طيب تغيير الدستور مش المفروض إنو حيطول نظام الحكم (برلماني ولا رئاسي) و بالتحديد صلاحيات الرئيس و دور و شكل البرلمان و ممكن يلغي مجلس الشورى إلي ملوش لازمة و ممكن كمان يلغي نسبة ال-50 % عمال و فلاحين

طيب أنا عايز أعرف حنعمل إيه لو دة حصل ؟؟؟؟؟ مجلس الشعب المنتخب ..... حيحل ؟؟؟؟ رئيس الجمهورية المنتخب ...... يستقيل ؟؟؟؟ و حنعيد الإنتخابات مجلس شعب و رياسة من الأول تاني ؟؟؟؟

ولا لجنة تعديل الدستور حتجنب الدخول في المتاهة دي و تسيب نظام الحكم و صلاحيات الرئيس و مجلس الشعب من غير تغيير في الدستور ؟؟؟؟؟؟؟

من فضلك أنا مش عايز رد من نوع ...... أعتقد انه حيعمل كذا ...... أو بيتهيئلي حيعمل كذا


أنا عايز أعرف المجلس العسكري شايف السيناريو في المستقبل ازاي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


كفاية التساؤلات دي ...... و نكمل الباقي بعدين

تقبل خالص تحياتي

[WalidAdel]

والله ياشباب انا كنت محتار اوي كده و مش عارف و مش فاهم حاجه و كل مافتح موضوع االاقي كلام كجعلص و كبير وانا ماليش اصلا اصلا في السياسه و مافهمتش اذا كنت هانزل اقول نعم ولا انزل اقول لا و كنت بأيد حتة تنمية الوعي السياسي عند الشعب و اللي انا كنت افتقده و كنت زي ناس كتير ماعرفش حاجه عن السياسه و لا ليا علاقه بيها بني ادم عايش و خلاص بس بعد اللي حصل دا في الثوره و كده ابتديت افهم و اسال و اسمع راي دا و دا و اكون راي ليا انا يعبر عن اللي انا عاوزه في الفتره الجايه لحد ماجهه موضوع التعديلات الدستوريه دي و وقفت ماعرفتش هاقول ايه و قولت لو مافهمتش لحد الاستفتاء هاوف الناس اللي ناول معاهم هايقولوا ايه و هاقول زيهم
انا بتكلم بصراحه و الله علي ماقوله شهيد
لحد من شويه كده لاقيت فيديو علي الفيس بوك بيفهم حلو حد عارف سلسله التعليم الشهير for Dummies ........ دا حاجه زيه كده

انا قولت انقله هنا علشان اللي زي يتفرج عليه و الحمد لله انا اخت قراري اني هانزل اقول لأ و عن اقتناع هاقول لأ ليه

[youtube]http://www.youtube.com/watch?v=5DvEFz8kx8g&feature=player_embedded[/youtube]

[Amgad64]

ما هى النسبه المطلوب توافرها من المصوتين لكى يتم الاخذ به , هل هى نسبه 50% من جموع الذين يحق لهم التصويت , ام اى عدد يحضر والسلام , يعنى لو حضر 100000 وصوتوا من اصل 40 مليون يحق لهم التصويت فيصبح التصويت نافذ , ام لا , وان قال 5001 منهم نعم تصبح التعديلات ساريه ام لا.
احنا عاوزين نعرف المعلومات دى علشان نعرف ايه اللى احسن نروح نصوت و لا نروح و نقول لا
انا شخصيا ناوى اروح و اقول لا
على رأى الفقيه الدستورى المستشار / ابراهيم درويش , ان الدستور قد سقط ولا يمكن أحياؤه مره أخرى و ان تم ذلك فلابد من نقل السلطه على الفور الى رئيس المحكمه الدستوريه و عمل الانتخابات الرئاسيه فى خلال 60 يوما طبقا لنصوص الدستور الذى سيتم استدعاؤه من الممات و تسليم السطه المطلقه (طبقا للدستور) للرئيس الجديد يفعل ما يشاء كيف يشاء وقتما يشاء دون ادنى رقيب أو اى محاسبه (طبقا للدستور) على ان يقوم صاحب السلطه المطلقه (اى الرئيس المنتخب) بعمل دستور جديد ليقلص من صلاحياته و يعطيها لسلفه , حيث انه لابد من اجراء انتخابات جديده لرئيس جديد لان الرئيس السابق قد ادى اليمين طبقا للدستور القديم وهذا يسرى ايضا بالنسبه للبرلمان
اى اننا حنبقى فى حاله حيص بيص لمده سنتين على الاقل
بينما لو تم عمل دستور جديد حاليا سنتفادى كل مساؤى الدستور القديم ونؤسس لدوله جديده من الاساس ونتفادى جميع المشكلات السابقه

[dareen6]

حرام عليك يا راجل احنا حنبدأ الموضوع بالسلبية وعدم المشاركة
لازم كل واحد يشارك و يبدي رأيه سواء بالموافقة من عدمه و يكون واضع في حسبانه انه يوافق او يعترض علي المواد المعدله و ليس الدستور ككل
هذه اولي تجاربنا مع الديمقراطية فلا تدعوها لأن بتركها سوف نخل في نفق مظلم اسمه السلبية و عدم الاكتراث و هو ما ساعد النظام السابق علي استمراره و بقاؤه

انا سمعت معرفش صحه المعلومه ان اللي هيصوت بلا يعني موافق على الدستور القديم و غير موافق على التعديل يعني نرجع كما كنا

[hobiko]

دلوقتي مع عمرو أديب مستضيف اتنين من الاخوان من مؤيدي التعديلات الدستورية ....... سأل سؤال واحد


لو نزلنا صوتنا بنعم على التعديلات ......... دة حيعمل إيه في الدستور الحالي المعطل


الإجابة ........


إن دة حيفعل الدستور الحالي ..... و حيخليه دستور عامل مؤقت لغاية ما ننتخب مجلس شعب و ننتخب رئيس جمهورية و بعد كدة 6 شهور لغاية ما نصيغ الدستور الجديد


يعني لو صوتنا بنعم ..... حيستمر الدستور الحالي إلي بيدي صلاحيات خرافية لرئيس الجمهورية ....... لمدة سنة على الأقل


دة إسمه دة ؟؟؟؟؟؟ احنا لسه نستنى سنة في ظل الدستور الفاسد ده إلي بيخلق دكتاتور جديد ؟؟؟؟؟؟؟؟؟!!!!!!!!!!!!!!!!!!!!

[fepsceasar]

ما انت لوقلت لا هتفضل سنة تحت حكم عسكرى، والله اعل مايه النتائج
ولو قلت نعم هتقعد سنة تحت حكم مدنى منتخب ورئيس ملزم انه يدعو لاعداد دستور جديد
تختار ايه

[ahmedjumpo]

دلوقتي مع عمرو أديب مستضيف اتنين من الاخوان من مؤيدي التعديلات الدستورية ....... سأل سؤال واحد


لو نزلنا صوتنا بنعم على التعديلات ......... دة حيعمل إيه في الدستور الحالي المعطل


الإجابة ........


إن دة حيفعل الدستور الحالي ..... و حيخليه دستور عامل مؤقت لغاية ما ننتخب مجلس شعب و ننتخب رئيس جمهورية و بعد كدة 6 شهور لغاية ما نصيغ الدستور الجديد


يعني لو صوتنا بنعم ..... حيستمر الدستور الحالي إلي بيدي صلاحيات خرافية لرئيس الجمهورية ....... لمدة سنة على الأقل


دة إسمه دة ؟؟؟؟؟؟ احنا لسه نستنى سنة في ظل الدستور الفاسد ده إلي بيخلق دكتاتور جديد ؟؟؟؟؟؟؟؟؟!!!!!!!!!!!!!!!!!!!!

هذه اقتباس ليا فى موضوع http://www.nilemotors.net/Nile/206720-a.html

ملحوظتان اعتقد انهم مهمين و ارجو ان الاعضاء يلتفتوا اليهما
* انه فى حال اقرار التعديلات الدستورية و التى لو اضيفت الى دستور 71 و تم تفعيله مرة اخرى فأعتقد و الله اعلم انه سيتم الطعن على عدم دستوريتها لانها لم تتم بالطريقة التى حددها الدستور فى المادة 189
* النقطة الاهم لو افترضنا انه تم انتخاب مجلس الشعب و رئيس للجمهورية و تمت الدعوة الى عمل دستور جديد فسنصبح امام حلين لا ثالث لهما :
ـ الاول ان يتم حل مجلس الشعب و يستقيل رئيس الجمهورية لانهم منتخبين على الدستور القديم و ما سيتبع ذلك من ضياع للوقت و الاموال و استنفاذ قدرات البلد فى اجراء انتخابات جديدة و ما يتبعه من توقف عجلات العمل و حذر من المستثمرين لدخول البلد حتى انتظار ما ستؤل اليه الامور

ـ الحل الثانى ان توضع مادة انتقالية و تجعل هذا الدستور غير معمول به الا بعد انتهاء على الاقل فترة ولاية الرئيس المنتخب و بالتالى لن يتم العمل بالدستور الجديد و سيظل العمل بالدستور القديم المهلهل لمدة اربع سنوات قادمة من تاريخ انتخاب الرئيس القادم و بالتالى سيظل الرئيس القادم يحمل نفس الصلاحيات الخرافية و الديكتاتورية و سيظل نفس مجلس الشعب الصورى و مع الوقت و فى خلال الاربع سنوات سيتم بمنتهى السهولة امتصاص روح الثورة و مع وضع الموالين للرئيس فى جميع المناصب الهامة وذلك بأستخدام صلاحياته و نصبح نموذج مصغر من روسيا التى قام فيها بوتين عقب انتهاء مدة رئاسته لروسيا بوضع ميدفيديف الرئيس الحالى و اخذ هو منصب رئيس الوزراء

يعنى يا انتخابات جديدة بعد سنة و بالتالى دعاة الاستقرار هتضيع حجتهم
يا ما الدستور القديم سيظل العمل بيه لمدة اربع سنين بعد ما حضرتك لم تكن تتحمله لمدة سنة