ح تقول ايه في استفتاء التعديلات الدستورية السبت القادم ؟؟

[ahmed1981]

مهندس ahmed1981، أستاذ aif

عندي تحفظ ليس بالهين على مجلس الشعب الذي سينتخب في ظل الأوضاع الحالية، وبالتالي تحفظي يمتد إلى اللجنة التي سيختارها هذا المجلس لوضع الدستور الدائم

وكإجابة على سؤالكما أقول عن نفسي إني أرجح أن يقوم الجيش بتحديد أعضاء اللجنة أو أن يصل لآلية كي يقوم الشعب باختيارهم مباشرة

وحجتي لتفضيل هذا البديل هي أن الجيش - في تصوري - ليس له توجهات سياسية ظاهرة تدفعه لاختيار اللجنة من أفراد دون غيرهم، وليس له مصالح سياسية تدفعه لتوجيه عمل اللجنة نحو صلاحيات معينة تمنح أو تسلب إلى/ من رئيس الجمهورية أو لتفضيل حتى نمط حكم على آخر (برلماني/ رئاسي)

حضرتك أغفلت المستقلين

من وجهة نظري أن إنتخاب مجلس شعب في الوقت الحالي في حالة صحيان الثورة هو أفضل وضع للجميع وأسوء وضع لزمرة الحزب الوطني المعروفين في دوائرهم وقراهم ومدنهم
وبالتالي سيكون الترشيح للشرفاء
وهناك فترة لإنشاء الأحزاب بالإخطار
ومن لم ينشئ حزباً فيستطيع أن يتقدم كمستقل

بخصوص مسألة الإخوان
الإخوان لهم شعبيتهم وقاعدتهم سواء تم عمل الإنتخابات الآن أو تم عملها بعد سنوات
وقاعدتهم ستزيد لأنهم في صفوف المنتصرين والحزب الوطني البائد في صفوف المنهزمين

وعليه فلا فرق في نتائج الإنتخابات بخصوص الإخوان سواء عجلت او أجلت

[otefa]

معلهش دي آخر مشاركة ليا الليلة علشان لازم اروح انام
انا عاوز اقول للرافضين للتعديلات
البديل مجهول حتى الآن
وفي افضل الاحوال سيتم اللجوء الي لجنة معينة وليس منتخبة انتخاب حر
انا باقول كدة لأن ناس كتير فاكرة انهم ح ينتخبو لجنة تعدل الدستور وده مش حقيقي
دي حقيقة يجب ان يعرفوها جيدا
..
تصبحوا على خير

خير الكلام ماقل ودل
وأنت من أهله

[ahmedjumpo]

وهل سيتم عمل إنتخاب خاص على كل عضو من ال 100 عضو

يعني المسألة ستكون قائمة ويا نعم يا لا
أم يتم عمل إنتخاب لهم واحد واحد ؟؟

شبه مستحيل

يا استاذى زى ما قلت قبل كده مش لازم يبقوا 100 مش علشان التعديلات قالت 100 يبقى لازم 100 و ذكرت لك مثال كفرنسا
ثم ايه اللى مستحيل هو احنا حضرتك هنخترع العجلة !!!!!!!
ما كل الثورات اللى قبلنا عملوا جمعيات تأسيسية و عندك تونس مثال قريب منك و بردوا ستقوم ثورات بعدينا و هتعملها
و على فكرة جزء هام من اعضاء اللجنة و هم الفقهاء الدستوريين و الذين سوف يصيغون مواد الدستور الجديد من السهل جدا اختيارهم و الاتفاق عليهم
يا استاذى ما نفعله الان من تلاعب دستورى و عك دستورى لا يوجد له مثيل فى العالم و اتحدى ان تأتى بنظام واحد تحول الى ديموقراطية بالعك الدستورى اللى احنا بنعمله
يا استاذى ادعوك الى انك تحط التعديلات الجديدة فى دستور 71 و تبص عليه و تشوف حجم التعارض و التضارب الرهيب اللى فيه و ترد عليا و هعطيك مثالين
* عندك دلوقتى فى نفس الدستور مادتين خاصتين لفترة الرئيس واحدة اربعة و واحدة ستة ممكن تقولى هتختار ايا منهما
* هل تعلم انه طبقا للمادة 101 و 102 انك لو عملت مجلس شعب و مفيش رئيس مش هيجتمع هذا المجلس قبل نصف شهر نوفمبر حلها بقى حضرتك
و غيره من التضارب , يا سيدى هذا الدستور كالميت بالسكتة الدماغية و احنا مصممين نخليه على جهاز الاعاشة
و فى النهاية يا رب الخير لمصر و تحياتى لحضرتك

[Ahmed Anwer]

يا استاذى زى ما قلت قبل كده مش لازم يبقوا 100 مش علشان التعديلات قالت 100 يبقى لازم 100 و ذكرت لك مثال كفرنسا
ثم ايه اللى مستحيل هو احنا حضرتك هنخترع العجلة !!!!!!!
ما كل الثورات اللى قبلنا عملوا جمعيات تأسيسية و عندك تونس مثال قريب منك و بردوا ستقوم ثورات بعدينا و هتعملها
و على فكرة جزء هام من اعضاء اللجنة و هم الفقهاء الدستوريين و الذين سوف يصيغون مواد الدستور الجديد من السهل جدا اختيارهم و الاتفاق عليهم
يا استاذى ما نفعله الان من تلاعب دستورى و عك دستورى لا يوجد له مثيل فى العالم و اتحدى ان تأتى بنظام واحد تحول الى ديموقراطية بالعك الدستورى اللى احنا بنعمله
يا استاذى ادعوك الى انك تحط التعديلات الجديدة فى دستور 71 و تبص عليه و تشوف حجم التعارض و التضارب الرهيب اللى فيه و ترد عليا و هعطيك مثالين
* عندك دلوقتى فى نفس الدستور مادتين خاصتين لفترة الرئيس واحدة اربعة و واحدة ستة ممكن تقولى هتختار ايا منهما
* هل تعلم انه طبقا للمادة 101 و 102 انك لو عملت مجلس شعب و مفيش رئيس مش هيجتمع هذا المجلس قبل نصف شهر نوفمبر حلها بقى حضرتك
و غيره من التضارب , يا سيدى هذا الدستور كالميت بالسكتة الدماغية و احنا مصممين نخليه على جهاز الاعاشة
و فى النهاية يا رب الخير لمصر و تحياتى لحضرتك

بخصوص المادة اللي بتقول اربعة و المادة اللي بتقول ستة

اتسالوا فيها قبل كده

و قالوا المادة اللي بتقول 6 سنين ،، دي مادة انتقالية غير مفعلة

كانت معمولة عشان الرئيس السادات

لما عمل تعديل دستوري 1981

[factorialx]

يا استاذى زى ما قلت قبل كده مش لازم يبقوا 100 مش علشان التعديلات قالت 100 يبقى لازم 100 و ذكرت لك مثال كفرنسا
ثم ايه اللى مستحيل هو احنا حضرتك هنخترع العجلة !!!!!!!
ما كل الثورات اللى قبلنا عملوا جمعيات تأسيسية و عندك تونس مثال قريب منك و بردوا ستقوم ثورات بعدينا و هتعملها
و على فكرة جزء هام من اعضاء اللجنة و هم الفقهاء الدستوريين و الذين سوف يصيغون مواد الدستور الجديد من السهل جدا اختيارهم و الاتفاق عليهم
يا استاذى ما نفعله الان من تلاعب دستورى و عك دستورى لا يوجد له مثيل فى العالم و اتحدى ان تأتى بنظام واحد تحول الى ديموقراطية بالعك الدستورى اللى احنا بنعمله
يا استاذى ادعوك الى انك تحط التعديلات الجديدة فى دستور 71 و تبص عليه و تشوف حجم التعارض و التضارب الرهيب اللى فيه و ترد عليا و هعطيك مثالين
* عندك دلوقتى فى نفس الدستور مادتين خاصتين لفترة الرئيس واحدة اربعة و واحدة ستة ممكن تقولى هتختار ايا منهما
* هل تعلم انه طبقا للمادة 101 و 102 انك لو عملت مجلس شعب و مفيش رئيس مش هيجتمع هذا المجلس قبل نصف شهر نوفمبر حلها بقى حضرتك
و غيره من التضارب , يا سيدى هذا الدستور كالميت بالسكتة الدماغية و احنا مصممين نخليه على جهاز الاعاشة
و فى النهاية يا رب الخير لمصر و تحياتى لحضرتك

+10^99

و الله عك دستوري فعلا

يقولك الرئيس ليه حق تعيين تلت أعضاء مجلس الشورى


الثورة قالت الشعب يريد إسقاط النظام المهبببببب

لا لأنصاف و أرباع الحلول

نعم لتغيييير الدستور


المستشارة نهى الزيني في دريم رفضت التعديلات بحجج منطقية جدااا

[otefa]

بيناقشو التعديلات وبأستفاضة على الأولى الأن

[wawoo]

الضمان ان الناس دي احنا اللي انتخبناهم
البديل لو قولنا لا ان يتم تعيين اللجنة من المجلس العسكري
ايهما تفضل ؟؟؟؟؟؟؟

طيب يا حج احمد ما انت حتقول " نعم" فى تعديلات تمت عن طريق لجنة من اختيار المجلس العسكرى يعنى موافق على ان المجلس العسكرى يعمل لجنة من اختيارة و موافق على تعديلتها

لما المجلس العسكرى يعمل لجنة تعمل دستور جديد تمام "تحت الدراسة الاختيار دة " فى هذة الحالة لية مش موافق على دستور جديد بهذة الطريقة ؟؟؟

و هناك نقطة اخرى بسيطة جدا ..الدستور الجديد "اى كانت اللجنة اللى حتقوم بعملة او اختيار " ...
حيعرض الدستور الجديد فى استفتاء على الشعب ..يعنى ببساطة لو مش عجبك الدستور الجديد تقدر تقول رايك و الفيصل صندوق الانتخاب برضو يعنى منتهى الديمقراطية ...

[otefa]

رجاءا من يستشهد بثورة تونس يصبر ويشوف هايوصلو لفين لهذه اللحظة تجربة 50% نجاح و50% فشل
فرنسا 10 سنين علشان يستقروا !!!!!!!!!!!!!يعني نموذج لايحتذى به

[metenawy]

اخر الكلام التعديلات كلها زبالة و مش عاجبكم ؟؟ ماشي؟؟ اخر مادة بتقول ان مجلس الشعب في خلال 75 يوم حيعمل دستور جديد خالص يبقي احسن ولا تروح تقول لا للتعديلات فحيصدر اعلان دستوري من الجيش يشتغل بدل الدستور و مفيش استفتا عليه يعني غصب عنك؟؟؟؟؟؟انا عايز دستور جديد بس مش اي حد لا لا انا عايز مجلس شعب منتخب مني هو اليعمله ولا جيش ولا اي حد تاني

[ahmedjumpo]

رجاءا من يستشهد بثورة تونس يصبر ويشوف هايوصلو لفين لهذه اللحظة تجربة 50% نجاح و50% فشل
فرنسا 10 سنين علشان يستقروا !!!!!!!!!!!!!يعني نموذج لايحتذى به

على فكرة يا استاذى اذا كانت تونس وصلت للنسب اللى بتقول عليها حضرتك فى ظرف شهرين فأعتقد ان ده حاجة كويسة لان الشيء الطبيعى ان اصلاح الاوضاع السابقة بيكون دائما متعب و بيحتاج لمجهود غير عادى علشان تبداء تمسك الطريق الصح و اللى عمرنا ما هنمسكوا بالتأجيل و التسويف لأى مشكلة تواجهنا و البحث دائما عن اى حد يشيل الموضوع عن كاهلنا
اما فرنسا فمعلومة لحضرتك علشان فى لبس بالنسبة لفرنسا , هو حضرتك فاكر ان الثورة الفرنسية اللى فى القرن الثامن عشر بس هى ديه
يا استاذى فرنسا شهدت ثورات اخرى فى القرن التاسع عشر و العشرين و اسقطت فيها دساتير و انشأت دساتير جديدة و لم يفتكسوا زى ما احنا بنعمل دلوقتى و العملية لم تكن بحجم التهويل اللى عندنا
و بلاش فرنسا عندك الثورة الاسلامية فى ايرن و عندك دول زى سلوفينيا و دول اخرى و مش لازم نختلف عن الاخرين لمجرد الاختلاف بل لابد ان ندرس تجاربهم و نستفيد منها بدلا من ان نبداء من الصفر و نلف و ندور فى اطار مغلق

[otefa]

لا ياأستاذي أختلف معك وليه مايكونش لينا تجربة فريدة زي ماثورتنا كانت سلمية فريدة!!!!!!!!
مش لازم نقلد تجارب الغير وربنا ميسرلنا بأرضية رائعة لبداية ديمقلراطية حقة بأقل الخسائر
وعلشان كده رأي نعم للتعديلات تمهيدا لدستور جديد وحياة مستقرة وبأقل الخسائر ولا للمقامرة

[ahmedbatoos]

انا بقة عارف انا هقول لية نعم

1-الية واضحة لوضع دستور جديد بتوقيت وخريطة زمنية
2-الدستور الجديد سأذع انا بلانتخاب من يضعة عن طريق مجلس الشعب وسيكون من كل القوي ولن يكون هناك غلبة لاحد خصوصا الاخوان الي حددوا مشاركتهم في 35% من الدوائر و مش نازلين رئاسة وهيدعموا المرشحين الاخرين في الدوائر الاخري
3-هنتخب رئيس وهنتخب مجالس تشريعية ورئاسية
4-هحل مشكلة الفراغ السياسي الي في مصر ومشاكل الامن القومي والحالة الدولية -ايطاليا تتحدث عن حرب عالمية ثالثة وناس في مصر عايشين لسة في وهم احنا 80 مليون محدش يجي جمبينا مع ان الصين كانت نص مليار واليابان احتلتها هي وانجلترا !!)
5-الرئيس الجديد هيكون شغال تحت طائلة الدستور الجديد لانة هيوضع الدستور الجديد قبلة بشكل ديموقراطي انتخابي وليس تعييين

اما بقة لو قلت لا

1-مفيش اي الية ولا توقيت زمني لكيفية وضع هذا الدستور
2-تعين مجلس رئاسي تعين مجلس لوضع دستور تعيييين تعيييييييييييين وليس انتخاب وكئننا لسة في عصر مبارك ومنعرفش مين دول ولا بيمثلوا ايه ولا في دماغهم اية وبيعبروا عن مين

وغيرها كثير


لذلك سأقول نعم بكل تأكيد

[ahmedjumpo]

لا ياأستاذي أختلف معك وليه مايكونش لينا تجربة فريدة زي ماثورتنا كانت سلمية فريدة!!!!!!!!
مش لازم نقلد تجارب الغير وربنا ميسرلنا بأرضية رائعة لبداية ديمقلراطية حقة بأقل الخسائر
وعلشان كده رأي نعم للتعديلات تمهيدا لدستور جديد وحياة مستقرة وبأقل الخسائر ولا للمقامرة

طبعا مع كامل احترامى لرأى حضرتك و لكن ما ذكرته هو ان ندرس تجارب الاخرين علشان نستفيد منها
اما حكاية التجربة الفريدة فهى فعلا فريدة قوى قوى لانها مليئة بالعك الدستورى الذى لم يرد له مثيل فى العالم و ذكرت بعض جوانبه
و لو شوفت مواقع اجنبية قبل تنحى مبارك مباشرة و وصفهم ان انتقال السطة الى الجيش معناه ان الدستور القديم سقط لانه لا يوجد ما يجعل الجيش دستوريا يستلم السلطة و كل تعليقات السياسيين فى الخارج كانت فاكرة ان الشيئ الطبيعى دستورجديد و لكننا دائما متميزون متفردون اشتغلنا قص و لزق و عك و ربك يفك
و مش كده و بس حضرتك اتفرج على كم الدعاوى القضائية المرفوعة بالطعن فى دستورية كل قرار بعد كده و بدأت من امس دعاوى بأيقاف الاستفتاء
و كل قرار هيأخذ هيترفع عليه الف دعوى قضائية و يتلغى و هنعيش فى فوضى حقيقية طالما رضينا بهذا العك الدستور
و العجيب نرفض جمعية تأسيسية لعمل الدستور علشان احتمال تكون بالتعيين من العسكر و نرجع نقبل بالتعديلات الدستورية على دستور خربان من لجنة من اختيار العسكر , ايه التناقضضضضضضضضضضضضضضض الغريب ده
و سؤال لحضرتك و ارجو الرد هل تعلم متى سنعمل الدستور الجديد ارجو قراءة هذا الموضوع و فى انتظار اجابتك
http://www.nilemotors.net/Nile/207156-a.html

[medo_2060]

اتفق مع حضرتك يا استاذ ahmedjumpo

وعايز اقول حاجه فهمتها من المتابعه وياريت حد يصحح لى لو الكلام فى غلط ...

دلوقتى يا جماعه لو مشينا فى طريق نعم ... تمام ؟؟... هيتعمل انتخابات برلمانيه ورئاسيه وبعد كدا الرئيس الجاى المفروض انه يعمل دستور جديد ( دا اذا اتعمل بالنظام دا) ... الفكره بقى انه اذا تم الموافقه عالدستور الجديد يبقى فى حل من اتنين لا ثالث لهما :
1- مجلسى الشعب والشورى هيتحلوا تانى عشان لم يتم انتخابهم على الدستور الجديد.. يعنى انتخابات تانيه = عكxعك
2- الرئيس هيعين الدستور الجديد فى الدرج 4 سنين لحد ما مدته تخلص ويشتغل بالجديد من المده الرئاسيه الجديده.. ودا طبعا تهريج مابعده تهريج لو الكلام دا صحيح
----------
هل فعلا مفيش قدامنا غير الحلين دول لو مشينا فى سكه نعم ؟؟؟

[metenawy]

انا حاسيس اني بنده في مالط ورحمة جدي الكبير خفرع التعديلات بتقول
انتخابات مجلس شعب ثم عمل لجنة لعمل دستور جديد ثم الاستفتاء علي الدستور الجديد خلال 15 يوم و بعد ما يتقر الدستور الجديد حينتخب الرئيس فهمتو